كرسي الأعتراف 2 ( حاليآ الفاضلة Dreamwithme )

[اغابي]

يا إخوانا أنا حمضت عالكرسي إن مكنش لكم نفس تسألوني أو أسألتكم خلصت خلوني أمشي ورشحوا حد تاني غيري

بدل ما أنا معطلكم ومعطل نفسي وعلشان الناس اللي قارشه ملحتي ومدخلتش وسألت أي شئ يقدروا يدخلوا ويتكلموا في الموضوع مع حد غيري

ومنحرمهمش بسببي

سعيده

هزروا بقى وقولولي بقى سعيده مباركه

ولا ناقص تقوقولي سعيده دي خالتك

انا عاوزة ارشح شخصية-

عبقرية جدا - اوى - خالص clp::

يلفه الكثير من الغموض wst::

انها شخصية عصرية - دينية - استفزازية - عبقرية - دمها خفيف

اكيد عرفتم انا عاوزة ارشح مين - وضم صوتك لصوتى يا عاشق

- اخر واحد قعد على الكرسي انت يا عاشق الترحال وليك الاولوية انك ترشح حد

اتفضل يا عاشق رشحلنا الشخصية دى وانت عرفتها طبعا هى مين :wub:

>

>

>

> عاشق - هات ودنك - ششششش

علشان محدش يسمعنا ششش

شششششش

عاوزين مكاوى

حد سمع حاجة wst::

[mekkawy]

عاوزين مكاوى

حد سمع حاجة

انثى يا عمرو ... ايوة انثى بالكسرة في الأول و الثاء في النص و الياء البطة في الاخر

قال مكاوي قال .. ألا مين مكاوي ده يا اغابي

مكاوى ... فقد الذاكرة

[joo]

عاوزين مكاوى عاوزين مكاوى

بتقولو اية يا ولاد (مكاوى )

مين مين (مكاوى)

[mekkawy]

عاوزين مكاوى عاوزين مكاوى

بتقولو اية يا ولاد (مكاوى )

مين مين (مكاوى)

يا ابن الايه يا لذينة ... انت عرفت منين ... فعلاً ده اللي بيحصل لما بأنزل هايبر بندة ... البنات بتقعد تطرطش من حوليا يمين و شمال و اغماءات و انهيارات و غيبوبات و حاجات من كدة ... قلت أقعد باة في الصناعية و ما أنزلش تاني

بجد .. انت رهيب يا جو ... بصمتلك بالخطورة خلاص و مضيت لك عقد الازمجية ... أزمة انت يا مان

مكاوى ... قاهر قلوب العذارى

[MZohairy]

اتفق مع الجمع الذي قام بتأييد حضور الأخ مكاوي للقيام بمسؤليات الكرسي لفتره مؤقته

مكاوي.......

من انت ؟ :huh:

[اغابي]

مكاوي يا برنس

كدا ضميت 3 اصوات وحاجبلك بكره الصمح ( الصبح يعنى) كمان 3 اصوات بقي بالاغلبية مكاووووى

مبروك الكرسي اما ابعت فاكس على السريع لرضوى والم العيال حواليك يحدفوك بالطوب قصدى بالاسئلة :lol:

اغابي

:huh:

[mekkawy]

اخس على كدة .. يعني لا محيص خلاص ؟؟؟

ماشي يا اغابي يا حريقة ... أنا هأصيتك في المنتدى ان شاء الله ... هأفتحلك موضوع مخصوص عن الاشتعال و سرعة الاشتعال و المواد المساعدة على الاشتعال و على رأسها حضرتك طبعاً

زاهورتي ... اجاوب دلوقتي ولا بكرة ولا ايه نظامك ؟؟

مكاوى ... من تحت المقصلة :huh:

[لماضة مصرية جدا]

السلام عليكم و رحمة الله و بركاته

انت جييييييييييت يا رمضاااااااااااااااااااااااان

أعوووووو

طب خطي بقي برجلك اليمين

اما انت هتشوف ايام يا عكاوي.......استعنا ع الشقا بالله

يا قوي........(وش فريد شوقي في فيلم......رصيف نمرة 7.... :huh: ...لا ما هما غيروه اصل الاولاني عملوا عليه كوشك حاجة سائعة)

فوتك بعافية

و دي اخر عافية هتشوفها في المنطشقة هنا.....استلقي يا عم

انزلولنا بقي بصورة الضحية مكاوي........ذبذباااااااااااات..... :lol:

[hOuSsAm]

مكاوى ....... انت لها يا بطل

نفتتح الجلسة بشان المذكور اعلاه :huh:

1- تلخيص مكاوى فى 3 جمل.

2- طموح مكاوى يوصله لفين؟

3- مكاوى عنده كام سنة دلوقيت؟

4- تاريخ مكاوى من زماااااااااااااااان اوى لحد مركب الطياة جاى عالرياض؟

5- احساس مكاوى وهو راكب الطيارة وبيبص من الشباك على مصر؟

6-

ولا اقولك كفاية كدة النهاردة عشان اسيب فرصة لباقى هيئة المحكمة

وقعت يا حلو ومحدش سمى عليك :lol:

[عاشق الترحال]

الأستاذ مكاوي / إحضر الإذاعه فوراَ

نداء إلى السيد مكاوي القاطن بدير النحاس قصدي الرياض لاتشرب الدواء قصدي لا تجلس على الكرسي

الكرسي فيه كهربا زايده .

واللي بيقع مبيرحمهوووووووووووووش

إوعى يكون عندك خطيـــــــــــــــــئه من الخطايا السبع أصل ساعتها بقى يا حلو ..... :ninja:

تم تعديل 9 مايو 2010 بواسطة عاشق الترحال

[mekkawy]

مكاوى ....... انت لها يا بطل

تصدق ما توقعتش تيجي منك انت يا أبو نسمة ... ده انت حبيبي يا مان من أيام الديزة ... عامة استعنا ع الشقا بالله

نفتتح الجلسة بشان المذكور اعلاه :lol:

1- تلخيص مكاوى فى 3 جمل.

انسان بسيط واضح و مباشر و صريح

عنيد جداً و دماغه جزمة و قرارته غالبها من دماغه و طموحه مرعب

بيحب الناس كلها و متعود يدي و ميبحبش ياخد و ده تاعبه

2- طموح مكاوى يوصله لفين؟

وصلني مرة لفشكلة جوازة عشان العروسة خافت من طموحى ... طموحي مالوش سقف .. انا نفسي بأخاف منه ساعات

3- مكاوى عنده كام سنة دلوقيت؟

خمسة و عشرين و حتة :wub:

4- تاريخ مكاوى من زماااااااااااااااان اوى لحد مركب الطياة جاى عالرياض؟

لا ده يتفتحله منتدى لوحده يا برنس ... انا تاريخ يا ابني :lol:

5- احساس مكاوى وهو راكب الطيارة وبيبص من الشباك على مصر؟

للحظة كان عادي بالنسبة لي لأنها كانت سابع مرة اسافر .. بس كنت باسافر و أرجع .. إنما لما طلعت فوق و حسيت إني مش هأشوفها تاني بعد اسبوع او اتنين ... بجد كنت هأعيط .. بس في نفس اللحظة خدتني المغامرة و حب الاكتشاف و بصيت أدامي مش تحتي

ولا اقولك كفاية كدة النهاردة عشان اسيب فرصة لباقى هيئة المحكمة

منكو لله يا ظلمة ... :ninja:

وقعت يا حلو ومحدش سمى عليك wst::

[mekkawy]

الأستاذ مكاوي / إحضر الإذاعه فوراَ

نداء إلى السيد مكاوي القاطن بدير النحاس قصدي الرياض لاتشرب الدواء قصدي لا تجلس على الكرسي

الكرسي فيه كهربا زايده .

واللي بيقع مبيرحمهوووووووووووووش

إوعى يكون عندك خطيـــــــــــــــــئه من الخطايا السبع أصل ساعتها بقى يا حلو ..... :ninja:

حتى أنت يا عاااااشق

مكاوى ... سيزر

[the consultant]

التاريخ/ التاسع من مايو الفين و عشره وزارة المحاورات المصرية

إدارة شرق التعليمية

زمن الإجابة 85 سنة قمرية

[/size]

أجب عن ما يلي

السؤال الأول/ أجب بنعم أو لا مع ذكر امثلة توضيحية على اجابتك؟

ا/ هل سبق ان قمت بشئ في صغرك, عندما تتذكره الان تقول (يا نهار اسود ايه اللي انا كنت بعمله ده)....مثال ( لزقت شعرك بعد اغنية عودوني, عملت بوني تيل , لبست كمية حظاظات كتير, رقصت مايكل جاكسون في فرح ابن عمك .....؟

ب/ هل اعترضت على الفكر السلفي في اي من ارائهم في السائل التفصيلية؟

السؤال الثاني/ هل راودتك الافكار التالية و كيف تغلبت عليها؟

ا/ وسواس الرياء؟

ب/ ان تنسحب من المنتدى لانه فيه اختلاط و شبهة فتنه؟

السؤال الثالث/ اذا رجع بيك الزمن هل كنت ستفعل الاتي؟

ا/ حتتجوز؟

ب/ حتصاحب نفس صحابك؟

ج/ حتدخل نفس كليتك؟

د/ حتيجي السعودية ؟

السؤال الرابع/ كي بارل ا كي/ او بالعربية ......." اذا عرض عليك عمل بشرم بضعفي مرتبك بنفس وظيفتك بشرط حلق اللحية ماذا انت فاعل........؟

يرجى الاجابة في حدود نطاق السؤال

لن يلتفت الى الاجابات الخارجة عن المطلوب

مع تمنياتنا بالنجاح و التفوق

(من فضلك ارفق 50 جنيه مع ورقة اجابتك لمساعدة دكتور محتاج و هنيالك

)

[اغابي]

ايه داااه بقي :ninja: - احنا فينا من كداا - مش حد يبلغنى طيب

ابتديتوم من غير ما ابدأ اسخنكم عليه - قصدى اشجعــــــكم عليه

ياللا يا شباب - الهمة - اولادك يا مصر رجالة - تصفيــــــــق حـــــاد

عاوزة كام سؤال لابننا مكااوى - ينيموه اسبوع فى السرير عيـــان

مش حاوصيكم عليه

مكــــاوى

منـــــــــــور يــا برنــــــــس

اى خدمة

اغابي

:lol:

[mekkawy]

التاريخ/ التاسع من مايو الفين و عشره وزارة المحاورات المصرية

إدارة شرق التعليمية

زمن الإجابة 85 سنة قمرية

[/size]

الحقيني يا أما ... ضرب النار اشتغل :lol:

أجب عن ما يلي

السؤال الأول/ أجب بنعم أو لا مع ذكر امثلة توضيحية على اجابتك؟

حاضر :wub:

ا/ هل سبق ان قمت بشئ في صغرك, عندما تتذكره الان تقول (يا نهار اسود ايه اللي انا كنت بعمله ده)....مثال ( لزقت شعرك بعد اغنية عودوني, عملت بوني تيل , لبست كمية حظاظات كتير, رقصت مايكل جاكسون في فرح ابن عمك .....؟

اه .... كنت مرة في اسكندرية مع صحابي و رقصت معاهم بريك دانس في الشارع و كنت لابس جنز و بادي كت :ninja: ... دلوقتي بأقول (ينهار اسود ايه اللي عملته ده)

ب/ هل اعترضت على الفكر السلفي في اي من ارائهم في المسائل التفصيلية؟

لا ... و مقتنع بيها جداً و مريحاني جداً جداً الحمد لله

السؤال الثاني/ هل راودتك الافكار التالية و كيف تغلبت عليها؟

ا/ وسواس الرياء؟

اه .. كتير جداً ... اتغلبت عليه بعدم التفكير فيه و عبادة السر (قيام .. صدقة .. صوم مستخبي ... و هكذا)

ب/ ان تنسحب من المنتدى لانه فيه اختلاط و شبهة فتنه؟

ان أنسحب آه ... لكن مش عشان الاختلاط لأنه مش حقيقي ... عشان الفتنة الفكرية

السؤال الثالث/ اذا رجع بيك الزمن هل كنت ستفعل الاتي؟

ا/ حتتجوز؟

اه ... بس بدري شوية عما اتجوزت (انا تجوزت 23) wst::

ب/ حتصاحب نفس صحابك؟

اه ... صحابي ربنا يبارك فيهم جدعان و محترمين و احنا داخلين في 10 سنين صحوبية و فيه اللي أكتر .. شلة يا رب ما تتفرق أبداً (على فكرة مغيهومش ولا واحد ملتحي)

ج/ حتدخل نفس كليتك؟

لأ ... كنت هأدخل تجارة انجليزي

د/ حتيجي السعودية ؟

لأ ... كنت هأفضل في شغلي ... محدش بيعرف أمه الا لما يشوف مرات أبوه

السؤال الرابع/ كي بارل ا كي/ او بالعربية ......." اذا عرض عليك عمل بشرم بضعفي مرتبك بنفس وظيفتك بشرط حلق اللحية ماذا انت فاعل........؟

لأ ... مستحيل ... من ترك شيئاً لله عوضه الله خيراً منه ... و قد كان :)

يرجى الاجابة في حدود نطاق السؤال

لن يلتفت الى الاجابات الخارجة عن المطلوب

مع تمنياتنا بالنجاح و التفوق

(من فضلك ارفق 50 جنيه مع ورقة اجابتك لمساعدة دكتور محتاج و هنيالك

)

خمسين جنيه (دول الرسوم أهي) :lol:

مكاوى

[mekkawy]

4 عدد القراء الحاليين لهذا الموضوع (0 الزوار 0 المتخفين)

4 الأعضاء: mekkawy, رضوي, مصرية متغربة, اغابي

أهلا ً أهلاً بالعصابة المفترية .. فين باقيتكم أمال :ninja:

اغابي يا حريقة ... إن شاء الله هأحطك على الكرسي تاني و ساعتها بأة .... غسلتي سنانك بسيجنال تو النهاردة .؟

و بعدين حضرتك محتاجة أكتر من مجرد أسئلة ... حضرتك بتتعامل مع احد أفراد المكاكوة .. و دول ناس جمادة أوي يا بوووووووي

ربنا ع الظالم و المفتري

مكاوى ... اس او اس

[عاشق الترحال]

مكاوي يا بركتنا أنت يا غالي .

عاوز أسألك سؤال واحد بس أسخن بيه كده معاك

تعمل أيه لو دخلت المدرسه عالمدرسين اللي كانوا بيدخنوا حشيش وواحد منهم بيلمع الجزمه لمدرسة الإنجليزي :ninja: ؟؟؟

[عاشق الترحال]

ايه داااه بقي :ninja: - احنا فينا من كداا - مش حد يبلغنى طيب

ابتديتوم من غير ما ابدأ اسخنكم عليه - قصدى اشجعــــــكم عليه

ياللا يا شباب - الهمة - اولادك يا مصر رجالة - تصفيــــــــق حـــــاد

عاوزة كام سؤال لابننا مكااوى - ينيموه اسبوع فى السرير عيـــان

مش حاوصيكم عليه

مكــــاوى

منـــــــــــور يــا برنــــــــس

اى خدمة

اغابي

:wub:

أغابي بيقولوا يمكن يبقى فيه إستدعاءات تاني لكرسي الإعتراف زي إستدعاءات التجنيد كده فخلى بالك إن حصل محدش هيرحمك وساعتها بقى يا حلو :lol:

لا سيجنال هينفع ولا كلوس أب حتى :lol:

[رضوي]

أنا جيييييييييييييييييييييييييت

حمد الله علي سلامتي

هفوق وأرجع أشوف الاخ مكاوي

يااااااااااااااااااااااااااااه

هو أنا أتأخرت للدرجة دي ؟؟

[mekkawy]

مكاوي يا بركتنا أنت يا غالي .

عاوز أسألك سؤال واحد بس أسخن بيه كده معاك

تعمل أيه لو دخلت المدرسه عالمدرسين اللي كانوا بيدخنوا حشيش وواحد منهم بيلمع الجزمه لمدرسة الإنجليزي :ninja: ؟؟؟

يا ابن الايه يا لذينة :lol:

هأكتب مذكرة باللي شفته (ده الرسمي)

اللخ يخصني انا بأة ... بصوا انا هأبعد عن المثالية و التمثيل .... الصراحة هأنفعل جداً جداً و هأنصحهم و لكن هأنتهرهم بردو و موقف زي ده محتاج شدة

مكاوى .. سيطرة