كرسي الأعتراف 2 ( حاليآ الفاضلة Dreamwithme )

[mekkawy]

يا اخي والله بحبك في الله , و لله. انا اول مرة ادخل اللعبة دي و اسال عشان خطرك .........!!!!

و الله و أنا حبيتك يا مستشار.. بس اللي يحب حد يعمل فيه كدة بردو ... باله اشيخ تفكني من ع الكرسي ده :lol:

- ما هي اسوأ صفاتك....؟

الاستعجال

- متى اضطريت للكذب؟

على زوجتي طبعاً في مواقف بينها و بين أهلى مثلاً :ninja:

- هل تخشى المواجهات , يعني مثل الانترفيوهات, القاء خطبة , اي شئ من هذا القبيل؟

اطلاقاً .. أنا دائماً متعطش للمواجهات

- من خبرتك في اهل المنتدى هل تستطيع تصنيف شخصياتهم ؟ (بدون دبلوماسية )

حاضر يا فندم ... انا مش هتكلم عن كل واحد ... بس هأقدر أقول ... في شخصيات متزنة .. و شخصيات ظريفة .. و شخصيات مختلة (زي حالاتي) و شخصيات سيكو .. و شخصيات محيرة .. و شخصيات بسيطة ... ببساطة احنا مجتمع و في كل الأنواع الموجودة في المجتمع العادي

- اوصف كل من الاعضاء التالين بكلمتين / سمحلي أضيف .. او كلمة واحدة

عاشق,--------> مسلم مشتاق

س س, ------> أخ كبير

اغابي,-------> حريقة عاقلة

رضوى -------> نشيطة أوفر

لماضة مصرية ---> شقية جداً

شيكو -------> سريعة التكيف

, اسد,-------> محتاج أعرفه

يوزر,---------> عسل و لذيذ

زهيري ------> مالوش حل

, حنظله -----> محتاج أعرفه

, فتفوتة -----> شخصية متنوعة

, ضحى -----> أخت كبيرة

قلب أبيض ---> أم فاضلة

أخويا حسام --> صحبة صالحة

أبو عمر -------> غيرة جميلة

الغريب --------> الجندي المجهول

أبو محمد -----> العقل الراجح

سيادتك ------> قلب طيب

جوو ---------> لذيذ في حاله

منتدى المحاورات -----> بأحب كل فرد فيه

و اي عضو اخر تحب وصفه..............(الحاضر يعلم الغائب عشان متبقاش نميمة)

- ما هو اكتر تعليق افرحك, زعلك, ادهشك في المنتدى؟

أفرحنى -------> لما حد يقتنع بخير بأدله عليه و يكون فعلاً خير

زعلني --------> لما عضو يتعدى عليا من غير ما أستحق ده

أدهشنى ------> تراجع بعض الناس عن ارائها و ظهور أراء ليهم عمري ما أتوقعها منهم

- رشح من وجهة نظرك شخصيتين أو تلاتة من اهالي المنتدى الكرام لا تستطيع فهم او تحديد معالم شخصيتهم حتى الان.

فيه كتير و اعفيني من التسمية :lol:

- هل توقعت مرة ان هناك احد الاعضاء عامل اكتر من اكونت ليدعم نفسه مثلا .

اه .. و رجعت قولت لنفسي ان بعض الظن اثم-

مكاوى

تم تعديل 9 مايو 2010 بواسطة mekkawy

[mekkawy]

ارحموا من في الأرض يرحمكم من في السماء ... أيها القوم ... لقد زاد الفولت و عدى .. و على الأمبير و تمدد ... و ها هو مكاوى يفرفر على كرسي الاعترافات الكهربائي .. و ها هو يراجف ارتجافة ما قبل الموت .. تباً لهذا الكرسي اللعين ... ما هذا .. إنه ينتفض .. و ينتفض .. و يستيقظ و يفوق و يصحى ... عودة الندل ... عودة امير الانتقام .. و ما زال النيل يجري

مكاوى ... تهييس

[the consultant]

تقرر إخلاء سبيله من سراي النيابة بضمان الاكونت بتاعه. حبت ميييتنجز و راجعلك يا برنس .

[shiko]

....يادى النور يادى الهنا ....

مكاوى عندنا .....س...سؤال

1. اسمك

2. سنك

3. عنوانك

4. تاريخ ميلادك

5. محل الميلاد

6. ليك اخوات ؟؟ اذكر عددهم بالتفصيل....

7. ايه علاقتك بجماعة المحظوظة..؟؟

8. عندك بطـــــــــاقة ..؟؟ انتخاااااااااااابية ؟؟

9. انتى اشتغلى ايه ؟؟.....سواقة ياهانم سواقة .....(وش مارى منيب) كنت بتحلم تشتغل ايه؟؟؟

10. اية افضل باب بتحب تكتب فية فى المحاورات واية افضل باب بتحب تقرئة حتى لو مش بتكتب فية؟

11. رايك ايه فى المرأه :

ام

زوجه

اخت

ابنة

زميلة عمل

سوااااااااقة؟؟؟

12. موهبتك الشعرية ...من امتى ....؟؟وصاحب اى مدرسة شعرية ...؟؟

13. اذكر بيت شعرى من تأليفك.....

14. سيبت فريق الهوكى من امتى؟؟؟ وعندك استعداد ترجعله تانى و لا؟؟

15. الاكلة المفضلة

16. اللعبة المفضلة

17. اللون المفضل

18. السيارة المفضلة

بس ....اثبت مكانك ...لغاية ماعمل يوترن وارجعلك ...

حد ينور اللمبة الحمرا

تم تعديل 9 مايو 2010 بواسطة shiko

[mekkawy]

....يادى النور يادى الهنا ....

نورك يا زعيمة العصابة

مكاوى عندنا .....س...سؤال

ج ... جواب

1. اسمك

أحمد سمير عبد الحميد احمد محمد ابراهيم مكاوى

2. سنك

خمسة و عشرين و نص

3. عنوانك

العاشر من رمضان - شرقية - مصر ... و حالياً .. مقبرة المدينة الصناعية .. الرياض .. السعودية

4. تاريخ ميلادك[/size

ان .. ان .. ان ... اااااااااااااااان ... دشششششش

6 اكتوبر 1984 حضرتك ... اليوم اللي بتاخدوه اجازة ده .. اهو ده بيبا عشان تاريخ ميلادي بس همن كانوا بيضحكوا عليكوا و يقولوا الحرب :lol: .. لكن ده عشاني

5. محل الميلاد

اراب ريبابلك أوف زجازيج ... زقازقية حبيبتي ... بموت فيها .. كل حاجة تحت ايدك

6. ليك اخوات ؟؟ اذكر عددهم بالتفصيل....

بنتين أكبر مني ...

7. ايه علاقتك بجماعة المحظوظة..؟؟

انا زعيم جماعة المحظوظة دي :rolleyes:

8. عندك بطـــــــــاقة ..؟؟ انتخاااااااااااابية ؟؟

لأ .... و متسألينيش ليه

9. انتى اشتغلى ايه ؟؟.....سواقة ياهانم سواقة .....(وش مارى منيب) كنت بتحلم تشتغل ايه؟؟؟

أنا مدير مبيعات و كنت باحلم أبا مبيعات ... يعني ده اول حلم حققهولي ربنا الحمد لله

10. اية افضل باب بتحب تكتب فية فى المحاورات واية افضل باب بتحب تقرئة حتى لو مش بتكتب فية؟

أبواب ... الموضوعات الخفيفة و هدي الاسلام و الموضوعات الجادة و الابتسامات ... اقرأه ... المغتربين

11. رايك ايه فى المرأه :

شئ جميل

ام --------> الامان

زوجه ------> السكن

اخت -------> الألفة

ابنة --------> الحنان و الدفئ

زميلة عمل

مصيبة سودا wst::

سوااااااااقة؟؟؟

ممتازة ... مرة ركبت في البحرين تاكسي السواقة كانت بنت .. اه و الله ... لا بترغي ولا بتتكلم ولا انت بترغي معاها ... ولا بتسألك تلت التلاتة كام .. رايح الحتة الفلاينة و خلصنا ... بس طبعاً أعترض لأن اللي مرضاهوش لبنتي مرضاهوش لبنات الناس ... بس يمكن في الخليج أئمن شوية من مصر.

12. موهبتك الشعرية ...من امتى ....؟؟وصاحب اى مدرسة شعرية ...؟؟

موهبتي الشعرية من 2 كلية كدة ... و صاحب مدرسة مكاوى الشعرية .. انا بأكتب بالفطرة و الفكرة مش دارس

13. اذكر بيت شعرى من تأليفك.....

مممم ... انا مش حافظ ولا بيت ليا :blush2:

14. سيبت فريق الهوكى من امتى؟؟؟ وعندك استعداد ترجعله تانى و لا؟؟

سبته في اواخر 3 كلية كدة ... ولا معنديش استعداد ارجعله تاني خلاص

15. الاكلة المفضلة

مكرونة بشامل من بتاعت أم سلمى و فراخ بانيه بيتي مش جاهزة ملظلظة كدة و متبلة من امبارح بالليل و بصل مخلل مع بطاطس محمرة بالكاتشب

16. اللعبة المفضلة

نيد فور سبيد اندر كوفر ... و جميع سلاسل نيد فور سبيد

17. اللون المفضل

الأسود

18. السيارة المفضلة

تويوتا برادو .... هوندا سيفيك SRI موديل 1994

بس ....اثبت مكانك ...لغاية ماعمل يوترن وارجعلك ...

ايكش تعطلي في الاشارة اللي على أول مكتبك يا شيخة ... ايه ... ما كدة حلو كفاية خلاص

حد ينور اللمبة الحمرا

مكاوى

تم تعديل 9 مايو 2010 بواسطة mekkawy

[the consultant]

و بعد الاستراحة اللي ختها مع اسئلة الاستاذة الفاضلة شيكو نرجع تاني لاسئلة الفولت العالي mf

1: احكي لنا عن اليوم اللي اضربت فيه و فاكره لحد دلوقتي ؟

2: عمرك ندمت على موقف كنت فيه سلبي , و بعدين زعلت من سلبيتك ؟

3: حبيت قبل ما تتجوز؟ و تفتكر اصلا في حب بعد الجواز؟

4:اذكر نقاط التغير فيك بعد الجواز؟

5: عملت فرح ولا اتجوزت في المسجد؟

6: امتى بنتك تتحجب ان شاء الله؟

عساكم بعواده

[لماضة مصرية جدا]

السلام عليكم و رحمة الله و بركاته

اييييييييييييه دنيا

هو انا اخر حاجة فاكراها اني انبارح الصبح بالليل كنا بنقول هنكهرب عكاوي.....قووم ايه أجي الاقي توبيك مفتوح ع البانر اسمه "كهربني شكرا"....و الله العظيم افتكرت عكاوي مستمخ اوي من فكرة الكورسي قاام بيقولنا بطريقة مستخبية كماااااااااااااااااان (وش واحد صعيدي عاوج العمة...و بيشرب شاي تقيل حبر... :rolleyes: )

و بناء عليه خد عندك التلقيمة دي:

1- كل واحد مننا عنده نقطة بيسميها نقطة تحول...(بالنسبة ليا ان شاء الله اول ما الاقي طريقة اقلب توك توك...هتبقي نقلة نوعية و كمية جباااارة.... :blush2: )....نقطة التحول اللي في حياتك ايه؟؟

2- من ايام بئر الاسرار و انت هرتنا تلميحات انك مشيت في جوازات عدد شعر دقنك....قولنا بقي....

ايه اهم حاجة اتعلمتها من مشوار الجوازات دي....

لو جوازة ملعبكة حلها ايه

لو جوازة سهلة علامتها ايه

ايه التوكتيك المكوكو...(من المكاوكة اهه..) اللي تكسب بيه في اول انطباع لجوازة؟؟؟

3- فرضنا يا عكاوي يا ابني انك لسه مش اتجوزت ام سلمي...و قابلت بنوتة اعجبت بيها....بس دايما مختلف انت و هي في حاجات كتير....(عارف حوارك مع استاذنا زوهيري).....حاجة زي كده... يا توري يا هل توري الجوازة دي مصيرها ايه....هل تكمل و تبقي داخل مشمر دراعاتك انك هتغير البنت يعني هتغيرها.....و لا تاخدهامن قصيرها و تاخد قالب جاهز كدهون...عشان تشتري دماغك.....؟؟؟

4- انت فيك عيب خطير.....قر و اعترف.......و فضفض و اتشحتف بقي

5- في يوم من ذوات الايام دخلت علي عين مامتها و باباها سلمي لقيتها حاطة ميكب و لبس سبور و بتقولك يا بابي الدين في قلبي....مش مجرد مظاهر و كده و انا مش مقتنعة باللي حضرتك بتقوله.....هتعمل ايه؟؟؟

6- انا مش لحقت افر الاسئلة اللي فوق....بس كنت هفطس من الضوحك علي كراسة سلاح التلميذ اللي حاطهالنا استاذنا كونسالتانت...الله يحظك يا جدع.... :lol:

لفت نظري اجابتك العميكة.....انك بتنوي جديا تتجوز تااااااااني...

ليه بقي

هل هي

فراغة عين

دناوة

طفاسة

رخامة

و لا كل ما سبق؟؟؟

7- التوبيكات اللي جاية دي.....امسك الميكرفون و اهديها لحد من المحاورات

- "ادع إلي سبيل ربك بالحكمة و الموعظة الحسنة"

- كن بشارة مفرحة.

- البت باتعة

- بحبك يا ساتاموني....آه منك يا قفا

- كهربني شكرا

- أحاديث رجل

- بص العصفورة

- نادي أعضاء مصر

- التوبيك اللي مهلكني من الضوحك....(كيف اعمل بالمخابرات؟؟)

يالا يا عم نجاتي انفخ البلالين و ذيع

8- إمتي تحس انك اتخنقت اوي و جبت جاااااااااااااااز؟؟؟و ساعتها بتعمل ايه؟؟؟

9- ليه يا عكاوي بتفكرني بالارنب بتاع الحجارة القلم بتاعت انرجيزر....طب لو حسيت ان بطاريتك الايمانية ابتدت تقل تعمل ايه و وترجع تشحنها تاني إزاي؟؟؟

10- حلم بيجيلك في المنام...خير اللهم اجعله خير....بس مجرد ما بتحلم بيه تلاقي وشك انشكح و فيه ابتسامة صافية كده....ايه بقي؟؟؟

11- بص انا هقولك اسماء البني ادمين الجايين....مش عايزاك بس توصفهم بكلمة.....تؤتؤ

اوصف و بعدين قوله حاجة نفسك تتغير فيه...او فيها

مكاوي

عاشق الترحال

كونسالتانت

حسام عبد الفتاح

اغابي

رضوي

شيكو

جو

استاذي م. زوهيري

و لو لسه فيك صحة يبقي

لماضة

12- ايه الللي يزعلك....و لما بتزعل بتعمل ايه...عايزين بقي نار علي زيت حاااااااااااار؟؟؟؟

13- بما ان جناب سمو معاليك قاريء للنيلة السودة الادب الانجليزي.....لقيت نفسك في انهي شخصية عديت عليهم....مش كلهم يعني...اختار لنا واحدة و قول فيها منك ايه.... يا خوفي يا بدران من ساعة ما قولت الدافيدولز انبارح و انا بطني وجعاني!!!

14- ايه ارخم سؤال ممكن تتساله علي وجه الارض......و انا وراكم يا بني آدمين لغاية ما تقولوا السؤال و تجاوبوا عليه

15- أمي.........كمل انت بقي....دي مش سؤال....دي حكاية....احكي عنها

بس خلاص

شفت دي وصفة سهلة...دي وصفة هايلة.....

حد ينزلنا بقي باوبريت

الليلة الكبيرة يا عمي و العالم كتيرة

فوتك بعافية

[hOuSsAm]

كوكو حياتى

انا خلصت يا جميل شوية الشيكات وقولت ارجعلك اديك شحنة فولت عاااااااااااااااااااالى

قبل متتجوز اتخيرت بين انك تتجوز (مراتك) او تتجوز واحدة غير مسلمة وكانت هتدخل الاسلام عشانك وتكمل حياتها معاك بالشكل اللى يرضيك

كنت هتختار دى ولا دى؟ وليه؟

مش عايز تهاجر كندا او استراليا؟

طيب لو هتهاجر ايه السبب؟ ولو مش هتهاجر ايه السبب بردوا ؟

ايه الفرق بين كندا ودبى ومصر مزايا وعيوب

بتفتح التلفزيون لاقيت عمرو دياب بيغنى فى حفلة فى مارينا وكانت كلها بالبكينى (موز موز موز) على راى عمرو اديب وكانت لايف

وبعدها باسبوعين وانت فى الحرم المكى الساعة 3 بالليل فى الدور التانى بعد ركعتين لله بتتلفت جنبك لاقيت عمرو دياب قاعد يقرا قران

هل تسيبه وتمشى ولا تروح تسلم عليه وتمشى ولا هتتكلم معاه

قولى شعورك ساعتها ايه وهتتصرف ازاى

فى مرة راكب مواصلة او قاعد فى قهوة او حديقة وجنبك واحد بيقرا الجرنال وفجاة تلمح صورتك واسمك ومسجل خطر عملت مصيبة كبيرة جدا واجهزة الامن بتبرم وراااااااك

فى الحقيقة انت متعرفش حاجة عن الموضوع ده وفؤجئت به اصلا

هتتصرف ازاى يا حلو؟

المشهد فى الزقازيق او المنصورة (دى عشان بحبها) وراكب عربيتك وجنبك مراتك وقولت ياواد ياحمد تلفلف شوية فى الشوارع واذا به فيه عربية وراك من ساعتين مش سايباك تقف تقف وراك اشارة بردوا وراك

يمين وراك يا معلم

شمال مش هسيبك

بس فى نفس الوقت مش بيعمل حاجة هو بيمشى وراك وخلاص

هتتصرف ازاى يا حلو؟

ايه الحاجة اللى وانت جاى السعودية كنت فاكر انك هتلاقيها ولحد دلوقتى ملقتهاش؟

جيت جدة بالسلامة وزرتنى فى بيتى وطبعا كاى زائر هعزمك على شوكلاتة (التحية الرسمية للضيوف عندنا)

وبدات تاكل واذا هى عبارة عن شطة مولعة جدا :lol: واهو مقلب وحسام عمله فيك :blush2:

هتعمل ايه يا حلو؟

طيب لو طلبت كوباية مية وقولتك مفيش wst::

اروح الحق اطلعلى شوية حوالات خارجية على داخلية وارجع ازودلك الفولت شوية

اصلك غالى عليا :rolleyes:

[mekkawy]

لا كدة بجد دخلت في افترا من الافترا الأصلي يعني ... و الله عيب كدة تصدقوا .. ده انا اللي هيقع تحت ايدي هأفرمه ... أفرمه ؟؟ أفرمه مين يا عم ... ده أنا هأشلوجه على رأي أحمد حلمى ... ماشي يا بني ادمين

مكاوى

[the consultant]

ZZZZZZZZZZZZZZZZZZZZZZZZZZZZZZ

المشهد الاخير: كرسي فاضي بتهز و طالع منه دخان , تقترب الكامير ا زووووم فإذا ببقايا لحية مكاوي على الكرسي.........!!!!!!!! و و سط دهشة الاعضاء تنطلق صافرة الانسحاب و للفقيد الرحمة.

يامكاااااااااااااااااااااااااااااااااااااااااااااااااااااااوي مكنش يومك يا ابو المكاميك.

جائزة 50000 جنية سعودي لمن يحصل علية و يعيده الى كرسي الاعتراف

[mekkawy]

و بعد الاستراحة اللي ختها مع اسئلة الاستاذة الفاضلة شيكو نرجع تاني لاسئلة الفولت العالي mf

الصراحة أسئلتك ممتعة و أنا بتعلم منها حاجات عن نفسي و أنا بأجوابها ... بجد تحياتي :rolleyes:

1: احكي لنا عن اليوم اللي اضربت فيه و فاكره لحد دلوقتي ؟

ده كان اعظم يوم في حياتي ... أنا عمري ما انضربت غير علشان الصلاة ... مش دلع .. بالعكس .. والدي كان شديد لكن باعتدال ... اليوم ده كنت مالي الدنيا رخامة و غلاسة و البيت كان مقلوب يضرب يقلب ترويق و مسح و أنا كان فيه عادي رخمة أوي اسمها (العبوا عليا) أو (روقوا عليا) و هي ان كان اخواتي لما ييجوا يلعبوا او يروقوا الشقة أقعدلهم في نص الحتة و أقولهم العبوا عليا :blush2: ... المهم اليوم ده كان كله مفرقع مني ... و كنت تقريباً 9 او عشر سنين و قلت ايه يا معلم .. الساعة 4 و تلت و بابا ما جاش لحد دلوقتي .. أنا هأقلب الضهر بأة و كفاية عليهم العصر (كان صيف) و هوووووووب ... عمك الحاج سمير فتح الباب اربعة و نص الا خمسة .. الله يباركله و يحفظه لينا يا رب كان أول حاجة يسألنا عليها الصلاة ... طبعاً ماما صلت و إخواتي اه يا بابا صلينا و أخوك بأة .... بوحميييييييز .. صليت يا حبيبي ... لسة يا بابا ... ما قولتش لأ .. قولت لسة .. قال يعني لسة ساعتين مثلاً أو لقاني بأتوضأ .. المهم قالي طب روح اتوضأ .. و همز و غمز و ضحك من تحت لتحت من اخواتي .. طبعاً عرفت ان فيها علقة محترمة ... و انا راجع من الحمام و أبويا نقابلني و راح مقلبلي نور في السكة و طااااااااااااخ ... وداني صفرت يا معلم و عيني نورت أكتر مهو مقلبلي نور .. و اتاريه بيقلب نور ف وشى ... ما أقولكوش بأة ... صليت الضهر و السنة .. و صليت العصر و السنة اللي قبله و اخترعتله ساعتها سنة بعده و لزقت يا معلم في المصلية عشان ما يكملش عليا لحد ما نام بالسلامة .... ولا أخفيك سراً على التريقة و الضحك عليا اللي خدته من اخواتي ... لكن دي كانت أعظم صفعة في حياتي .. كتبتها هنا في المنتدى في موضوع (صفعات الرحمة و التربية و ايش بالذي كدة ) من ساعتها و أنا الصلاة عندي قانون ... عرفت يعني ايه (و اضربوهم عليها لعشر) دي كانت أول و آخر مرة انضرب فيها.

2: عمرك ندمت على موقف كنت فيه سلبي , و بعدين زعلت من سلبيتك ؟

اه ... كانت جوازة كدة و ظنيت ساعتها ان خلاص عملت كل اللي أقدر عليه و اتحديت العالم .. لكن كان ممكن اصبر شوية و اعمل حاجات كمان ... من ساعتها و أنا حلفت أكون إيجابي و مستحيل لو حاجة طلعت من تحت ايدي يكون لسة فيها حاجة تتعمل .. أكيد بأجيب ضرفها

3: حبيت قبل ما تتجوز؟ و تفتكر اصلا في حب بعد الجواز؟

حبيت آه .. و الحب بالنسبة ليا كان جواز على طول مش لعب .. و خطبتها .. و هي اللي فوق دي ... بعد الجواز بأة عرفت و فهمت اني كنت فاكر إني بأحب .. لأن الحب كله بعد الجواز .. الحب اللي تعيشه فعلاً بكل ما فيك.

4:اذكر نقاط التغير فيك بعد الجواز؟

أصبحت أكثر صبراً و طولة بال .. مع الستات لو مطولتش بالك متعرفش تعيش ... و اكتملت عندي معاني الرجولة لحد كبير .... و حسيت بوالدي

5: عملت فرح ولا اتجوزت في المسجد؟

الاتنين ... و زفة مرور كمان يا باشا

6: امتى بنتك تتحجب ان شاء الله؟

لما تقتنع و تؤمن بحاجة الدين ليها و حاجتها ليه

عساكم بعواده

جزاك الله خيراً

مكاوى

[mekkawy]

السلام عليكم و رحمة الله و بركاته

اييييييييييييه دنيا

هو انا اخر حاجة فاكراها اني انبارح الصبح بالليل كنا بنقول هنكهرب عكاوي.....قووم ايه أجي الاقي توبيك مفتوح ع البانر اسمه "كهربني شكرا"....و الله العظيم افتكرت عكاوي مستمخ اوي من فكرة الكورسي قاام بيقولنا بطريقة مستخبية كماااااااااااااااااان (وش واحد صعيدي عاوج العمة...و بيشرب شاي تقيل حبر... :lol: )

انبارح اه .... :rolleyes:

و بناء عليه خد عندك التلقيمة دي:

1- كل واحد مننا عنده نقطة بيسميها نقطة تحول...(بالنسبة ليا ان شاء الله اول ما الاقي طريقة اقلب توك توك...هتبقي نقلة نوعية و كمية جباااارة.... wst:: )....نقطة التحول اللي في حياتك ايه؟؟

لما اترقيت بجد من أوفس مانجر و بقيت مدير مبيعات زي زمايلي اللي كانوا بيسخروا مني لأني صغير .. و مسكت 3 بلاد و أتخن واحد فيهم كان معاه بلد أو اتنين ... اليوم ده ما كانتش الأرض مكفياني

2- من ايام بئر الاسرار و انت هرتنا تلميحات انك مشيت في جوازات عدد شعر دقنك....قولنا بقي....

ايه اهم حاجة اتعلمتها من مشوار الجوازات دي....

كل شئ نصيب

لو جوازة ملعبكة حلها ايه

ما أمشيش فيها خلاص لأن ربنا مش عاوزها و مش خير ليا

لو جوازة سهلة علامتها ايه

تلاقي نفسك زوج في اسبوعين :)

ايه التوكتيك المكوكو...(من المكاوكة اهه.. اسمها المكاكوة ) اللي تكسب بيه في اول انطباع لجوازة؟؟؟

الصراحة المطلقة و خفة الدم التي لا تقاوم ... و ما أركزش على الشياكة أوي عشان تسمعني ما تشوفنيش

3- فرضنا يا عكاوي يا ابني انك لسه مش اتجوزت ام سلمي...و قابلت بنوتة اعجبت بيها....بس دايما مختلف انت و هي في حاجات كتير....(عارف حوارك مع استاذنا زوهيري).....حاجة زي كده... يا توري يا هل توري الجوازة دي مصيرها ايه....هل تكمل و تبقي داخل مشمر دراعاتك انك هتغير البنت يعني هتغيرها.....و لا تاخدهامن قصيرها و تاخد قالب جاهز كدهون...عشان تشتري دماغك.....؟؟؟

باعتبار ان ده قبل الجواز و قبل كام سنة فاتوا ... كنت هاحاول أغيرها ... أما لو دلوقتي ... فأكيد كنت هأغيرها وأفرمتها و أتجوزها :blink:

4- انت فيك عيب خطير.....قر و اعترف.......و فضفض و اتشحتف بقي

مستعجل .. دايماً مستعجل جداً بشكل خانق الناس مني .. لحووووووح و زنااااااان و مش ممكن أطلب حاجة و ما أخدهاش وقت ما انا عاوز

5- في يوم من ذوات الايام دخلت علي عين مامتها و باباها سلمي لقيتها حاطة ميكب و لبس سبور و بتقولك يا بابي الدين في قلبي....مش مجرد مظاهر و كده و انا مش مقتنعة باللي حضرتك بتقوله.....هتعمل ايه؟؟؟

هأديها بالألم .. بلا مرقعة و دلع بنات فاضي ..... :blush2:

لأ طبعاً ... أولاً هألوم نفسي لأني ما عرفتش أربيها و كدة أبا انا اللي استاهل ... ثانياً مش هأخليها تخرج كدة لو رقبتها اتقطمت على صدرها عشان أنا اللي هأشيل الطين و مش معنى اني غلطت طول عمري اني اسلم للخطأ ... ثالثاً .. هأنصحها و أقنعها بإن كدة غلط ... رابعاً حرام عليكي جو الكآبة ده خلتيني أخد موقف من البت و هي لسة عندها 11 شهر بس.

6- انا مش لحقت افر الاسئلة اللي فوق....بس كنت هفطس من الضوحك علي كراسة سلاح التلميذ اللي حاطهالنا استاذنا كونسالتانت...الله يحظك يا جدع.... :blink:

لفت نظري اجابتك العميكة.....انك بتنوي جديا تتجوز تااااااااني...

ليه بقي

هل هي

فراغة عين

دناوة

طفاسة

رخامة

و لا كل ما سبق؟؟؟

ولا حاجة مما سبق .. هو احقاقاً للحق و الفتن دلوقتي كتير سواء للراجل أو للست و لو واحد فتنته في النساء .. يعط و يهوبص ولا يتجوز ؟؟؟!!!

و البنات اللي مش لاقية دي كلها مالهاش نفس تعيش و تتبسط و تحلم و تحب و تتحب ... و مقاومة مني لمبدأ الطمع و تحقيقاً لمبدأ الفرصة التانية :lol:

7- التوبيكات اللي جاية دي.....امسك الميكرفون و اهديها لحد من المحاورات

- "ادع إلي سبيل ربك بالحكمة و الموعظة الحسنة" ---------------> كلنا

- كن بشارة مفرحة. ----------------------------------------------> زهيري

- البت باتعة --------------------------------------------------------> ده علشانك

- بحبك يا ساتاموني....آه منك يا قفا -----------------------------> هم الجوز عارفين نفسهم

- كهربني شكرا --------------------------------------------------> العصابة المفترية

- أحاديث رجل ---------------------------------------------------> لنفسي

- بص العصفورة -------------------------------------------------> ما ركزتش فيه أوي

- نادي أعداء مصر -----------------------------------------------> لكل اللي من يسئ بسمعة بلدنا في الغربة

- التوبيك اللي مهلكني من الضوحك....(كيف اعمل بالمخابرات؟؟) ----> أدهم صبري :lol:

يالا يا عم نجاتي انفخ البلالين و ذيع

8- إمتي تحس انك اتخنقت اوي و جبت جاااااااااااااااز؟؟؟و ساعتها بتعمل ايه؟؟؟

كل كام سنة كدة لما أتعب من العطاء و أعوز أريح و الناس تستكر عليا حتى إني أريح ... ساعتها بأشوط في اللي قدامي مهما كان و محدش بيقدر عليا

9- ليه يا عكاوي بتفكرني بالارنب بتاع الحجارة القلم بتاعت انرجيزر....طب لو حسيت ان بطاريتك الايمانية ابتدت تقل تعمل ايه و وترجع تشحنها تاني إزاي؟؟؟

الصيام ... الصدقة .... بس الصدقة أكتر .. و الصدقة بتاعت الشحن بيكون ليها ترتيب ممكن افتحله موضوع لأنها فعلاً تستاهل

10- حلم بيجيلك في المنام...خير اللهم اجعله خير....بس مجرد ما بتحلم بيه تلاقي وشك انشكح و فيه ابتسامة صافية كده....ايه بقي؟؟؟

باحلم كتير إني بأمشي على البحر ... أو سايق عربية

11- بص انا هقولك اسماء البني ادمين الجايين....مش عايزاك بس توصفهم بكلمة.....تؤتؤ

اوصف و بعدين قوله حاجة نفسك تتغير فيه...او فيها

مكاوي -----------> نفسي يرجع زي زمان من سنتين بس

عاشق الترحال ----> انسان بسيط و جميل أوي و بيحب الناس كلها و شايف فيه خير كتير ... و يمكن يعوز يهدى شوية و يتعلم المكر مثلاً

كونسالتانت -------> راجل في الصميم و بيضرب و يلاقي غير انه بيضرب ع الوتر الحساس و ما اعرفش بيجيب الوتر منين

حسام عبد الفتاح ---> هيعوز علاج كتير أوي بعد ما أروحله جدة ان شاء الله ... بس هو شخصية سكرة و تحب تمشي معاه

اغابي --------------> عقلية متفتحة موضوعية و بتحب النقاش و ساعات مستفزة لكن مقدور عليها و بتقف عند الحق و ما بتكابرش .. حاجة واحدة فيها نفسي تتغير .. هي عارفاها wst::

رضوي -------------> أجمل حاجة فيها البساطة و عدم التكلف .. انا شايفها انسانة شفافة و اللي في قلبها على لسانها و مبتشلش من حد

شيكو ------------> عفروتو ... و تحس مهما كنت أكبر منها إنها أختك الكبيرة

جو -------------> بسيط و لذيذ و دمه خفيف ... غالباً صحبته حلوة و أجمل حاجة فيه انه مش غلاط

استاذي م. زوهيري ---> مليان خير لكن بأسلوب مختلف .. من وجهة نظره هو ده الأسلوب الأمثل .. لو حاجة تتغير .. نفسي يدي نفسه فرصة يبص على الأمور من برة و يقلع عن الخلاف لمجرد الخلاف

و لو لسه فيك صحة يبقي

لماضة ---------> مصباح علاء الدين بتاع المنتدى و قنبلة الضحك الموقوتة اللي مهما كنت مهموم و قريتلها كلمتين خلاص الضحكة بظت من جناب وشك .. يا ريت تفضل على كدة على طول و ميكونش ده قناع لحزن وراه!!!!

12- ايه الللي يزعلك....و لما بتزعل بتعمل ايه...عايزين بقي نار علي زيت حاااااااااااار؟؟؟؟

اللي يزلعني سوء الظن بيا ... لأني واضح و مباشر... لما بازعل بأنعزل و أفضل أسوق عربيتي أو أقعد ع البحر ... و لما بأزعل أوي بأكل بغباء

13- بما ان جناب سمو معاليك قاريء للنيلة السودة الادب الانجليزي.....لقيت نفسك في انهي شخصية عديت عليهم....مش كلهم يعني...اختار لنا واحدة و قول فيها منك ايه.... يا خوفي يا بدران من ساعة ما قولت الدافيدولز انبارح و انا بطني وجعاني!!!

بقولك دور تاني تقوليلي زي مين ... هأسيبك لضميرك

14- ايه ارخم سؤال ممكن تتساله علي وجه الارض......و انا وراكم يا بني آدمين لغاية ما تقولوا السؤال و تجاوبوا عليه

لما حد يسألني عن ذنوبي ... لأني مهما كبرت مش هأحكيلك عليها يعني ... ربنا سترني و انا مش هأفضح نفسي

15- أمي.........كمل انت بقي....دي مش سؤال....دي حكاية....احكي عنها

أمي دي حاجة كبيرة أوي في حياتي ... هحاول أحكي و اختصر ف نفس الوقت ... أمي صاحبتي و حبيبتي و أختي و المزة بتاعتي ... أمي الفلوس و التمويل و البرانس و الفسح .. أمي النصيحة و الخبرة و الشدة و التوجيه ... أمي التربية و الدين و الأخلاق و الأصالة و العيب و الصح و الغلط ... أمي الجنة و النار و الدعوة الحلوة و الرضى ... أمي الحضن الدافي اللي مفيش زيه أبداً عند أي حد ... أمي كل حياتي.

بس خلاص

روحي ................ يا بعيدة

شفت دي وصفة سهلة...دي وصفة هايلة.....

حد ينزلنا بقي باوبريت

الليلة الكبيرة يا عمي و العالم كتيرة

فوتك بعافية

مكاوى ... من تحت الأنقاض

[mekkawy]

كوكو حياتى

انا خلصت يا جميل شوية الشيكات وقولت ارجعلك اديك شحنة فولت عاااااااااااااااااااالى

قبل متتجوز اتخيرت بين انك تتجوز (مراتك) او تتجوز واحدة غير مسلمة وكانت هتدخل الاسلام عشانك وتكمل حياتها معاك بالشكل اللى يرضيك

كنت هتختار دى ولا دى؟ وليه؟

هأستخير بم إن مراتي ساعتها مكنتش مراتي .. يعني الاتنين زي بعض .. كنت هأستخير و اتجوز مراتي عشان هتربي بناتي زي ما هي اتربت :lol:

مش عايز تهاجر كندا او استراليا؟

لأ

طيب لو هتهاجر ايه السبب؟ ولو مش هتهاجر ايه السبب بردوا ؟

عشان ما أتفتنش في ديني و بم إن هناك فيه فتن فميصحش أروح ادور عليها بنفسي قم إني ناجح هنا .. هأروح ليه هناك ؟!!

ايه الفرق بين كندا ودبى ومصر مزايا وعيوب

مروحتش كندا و دبي :lol:

بتفتح التلفزيون لاقيت عمرو دياب بيغنى فى حفلة فى مارينا وكانت كلها بالبكينى (موز موز موز) على راى عمرو اديب وكانت لايف

وبعدها باسبوعين وانت فى الحرم المكى الساعة 3 بالليل فى الدور التانى بعد ركعتين لله بتتلفت جنبك لاقيت عمرو دياب قاعد يقرا قران

هل تسيبه وتمشى ولا تروح تسلم عليه وتمشى ولا هتتكلم معاه

قولى شعورك ساعتها ايه وهتتصرف ازاى

هاخده بالحضن و هأبكي و أقول سبحان الهادي و أحلفه بالله إنه ميرجعش للغتاء تاني و كفاية معاصي كدة باة و أدعيله طول الوقت ربنا يهديه .. لو ربنا استجابلي هيكون استجاب لهداية ملايين مش عمرو دياب بس.

فى مرة راكب مواصلة او قاعد فى قهوة او حديقة وجنبك واحد بيقرا الجرنال وفجاة تلمح صورتك واسمك ومسجل خطر عملت مصيبة كبيرة جدا واجهزة الامن بتبرم وراااااااك

فى الحقيقة انت متعرفش حاجة عن الموضوع ده وفؤجئت به اصلا

هتتصرف ازاى يا حلو؟

هأعمل عبيط و انزل في اول محطة

المشهد فى الزقازيق او المنصورة (دى عشان بحبها) وراكب عربيتك وجنبك مراتك وقولت ياواد ياحمد تلفلف شوية فى الشوارع واذا به فيه عربية وراك من ساعتين مش سايباك تقف تقف وراك اشارة بردوا وراك

يمين وراك يا معلم

شمال مش هسيبك

بس فى نفس الوقت مش بيعمل حاجة هو بيمشى وراك وخلاص

هتتصرف ازاى يا حلو؟

هأركن وانزل أمشي على رجلي و أدخل في زحمة الزقازيق و لو جدع يحصلني :blink:

ايه الحاجة اللى وانت جاى السعودية كنت فاكر انك هتلاقيها ولحد دلوقتى ملقتهاش؟

العربية ... ههههههههههه

جيت جدة بالسلامة وزرتنى فى بيتى وطبعا كاى زائر هعزمك على شوكلاتة (التحية الرسمية للضيوف عندنا)

وبدات تاكل واذا هى عبارة عن شطة مولعة جدا :blink: واهو مقلب وحسام عمله فيك wst::

هتعمل ايه يا حلو؟

هأضحك معاك و هأطلب منك كوباية مية

طيب لو طلبت كوباية مية وقولتك مفيش :lol:

هأديك ف وشك يا معلم :rolleyes:

اروح الحق اطلعلى شوية حوالات خارجية على داخلية وارجع ازودلك الفولت شوية

يا ابني اتهد الله يهديك فولت ايه اللي هتزوده ده ... منك لفواتيرك يا ظالم

اصلك غالى عليا :blush2:

مكاوى

[عنبو]

مكاوى هلا والله

ما هو رأيك فى الجماعات الاسلاميه وهل تنتمى لاى جماعه منهم ؟

ماذا تقول لمن تعرض للنصب من قبل من يتاجرون بالدين ويهتمون فقط بالتدين الظاهرى ؟

ابنك او بنتك لقيتها بتسمع اغانى ولما تكلمت معها قالتك يا بابا انا هاخد برأى العالم كذا وكذا هتعمل ايه ؟

شايف السعوديه ازاى هل زى ما كنت متوقع ام لا ؟

ما هو الفرق الجوهرى بين مصر والسعوديه من وجهت نظرك ؟

هتتنخب مين فى انتخابات الرئاسه القادمه وليه ؟

شايف ان الشعب المصرى سلبى ام انه مغلوب على امره ؟

هل تؤمن بمقولة الشباب ان مدينة العاشر مقبرة الشباب فعلاً ؟

ما هو رأيك فى الصداقه بين الراجل والمرأه ؟

[لماضة مصرية جدا]

السلام عليكم و رحمة الله و بركاته

ايه يا عكاوي البساطة دي.....اتصدق يا جدع اني هحطك في توبيك "البت باتعة " بتاع ابا الحاج ابو الديب...ايون هو يطلع في الكاميرا و انت تبقي زي جماهيرك يا مصر اللي بتطلع تقول باااااي من ورا..... :rolleyes:

بجد ميرسي كتير علي اجاباتك اللي هي كده محسسانا ان احنا في ماتش تنس ممتع....

هات و خد و خد و هااااات...(وش احمد الضيف بقي و هو بيلعب تنس بالبلي... :blush2: )

انا بتعلم من اجاباتك علي فكرة.....

و مستمخية اوي من اسئلة الشباب العترة و البناويت العترات.....

ايه يا جودعان انتو معندكوش شغل و لا ايه

انا حسيت اني الوحيدة اللي بشتغل علي ميكروباص...

طب خلوه ياخد نفسه.....قيمة كده 5 دقايق....

و بعدين تعالوا اقعدوا عليه......

قصدي...كملوا عليه....

يووووه قصدي....ريحوووووووووووووه

و عشان اجاباتك اللي ف الجون يا رياسة....(و خصوصا بتاعت الست الوالدة)

حد ينزل باغنية الريس متقال

اتفرج ع الحلاوة

فوتك بعافية

مسااااااااااااااااك سؤال....يخليك تعرف نفسك ...يخليك تفتح شبابيكك للدنيا

[رضوي]

استااااااااااااااااااااااذ مكاوي

طيب الواحد دلوقتي يعمل ايه بعد البؤين الحلوين اللي قلتلهم فوق يعني ؟؟؟

اولا ميرسي جداً علي ذوقك

ثانياً

أوعي تفتكر انك بكدة بترشيني علشان ابطل أسئلة ............. كلا البتة لايونكن :rolleyes: :blush2:

بجد علشان فعلاً عندي صداااااااااع غير عادي مش عارفة اركز خالص

ادعولي بس ربنا يكرمني

( مكاوي ........ انا عارفة انت بتقول ايه في سرك :lol: بلاش يا أبو سلمي (

* امتي بتحس انك قريب من ربنا اوي ؟؟

* مكاوي اب ديكتاتور ....... ولا هتكون صاحب سلمي بنتك ؟

* سلمي كبرت ماشاء الله ........ وجت تقولك يا أبي العزيز فيه شاب محترم وعلي خلق ودين ...... عايزة ارتبط بيه ...... بس هو مش جاهز دلوقتي وادامه فترة ........ هتعمل ايه ؟

* كلمة نفسك تقولها لحد قريب منك اوي ........ تقول مثلاً وحشتني .........لمين يامكاوي ؟

* ايه رأيك فرصة عمل وهمية ........ تفوق كل طموحاتك ...... بوزيشن هايل ...... مرتب كبييييييييييييير ....... مستقبل بإذن الله مرموق ......... باختصار فرصة العمر .... بس الحلو مايكملش ......... شرط تبعد عن أهلك لمدة لاتقل عن سبع سنوات .... واحتمال الزيارات مرة كل سنتين ان وجدت ......... ماذا تفضل ..... البقاء في حضن اسرتك ( بمعني اصح بقاء اسرتك في حضنك ) ولا انك تقبل الفرصة علي أمل بعد كدة هتبقي معاهم علي طول ؟

*لو كان باختيارك ....... كنت تختار ان يكونلك اخين صبيان بدل البنات ؟؟

* البنت في الوقت دة بحس انها مظلومة شويتين ( علي الرغم انها واخدة حقها ) ايه رأيك ؟

* مش عارفة لية يامكاوي حاسة انك كنت شقي اوي ....... ....... ياتري فعلا انت شقي ؟؟

* اشمعني الهوكي ؟؟؟ وياتري اخدت بطولات ولامجرد هواية ؟؟

* ليك هوايات تانية ؟

* سلمي عايزة تلعب في النادي ( أكيد في فريق البنات ) ياتري هتختارلها اللعبة ولا تسيبها تلعب زي ماهي عايزة ؟؟

* بتؤمن بالحسد ؟؟

* أخبار العمرة الجماعية ايه ؟؟...... اوعوا تنسوني بالدعاء !!

ربنا يسهل يامكاوي يااخويا ....... والمُسكن يشتغل بس وافوق كدة علشان أعرف أسأل كويس

بنتعب بجد

يلا كله في سبيل الوطن

ماحدش بياكلها بالساهل

[the consultant]

تسجيل متابعة للشواية و شامم ريحة الشياط . بس عندي شغل كتيير شكلك دعيت دعوتين من قلبك يا ابو سلمى :lol:

[hOuSsAm]

حسام عبد الفتاح ---> هيعوز علاج كتير أوي بعد ما أروحله جدة ان شاء الله ...

هيعوز ده على اساس انه هيحصلى حاجة فى المستقبل

ياترى مكاوى هيجى جدة يعمل فيها ايه يخلى حسام محتاج انه يتعالج

بس عالعموم انا بتطعم كل يوم بعد المغرب wst::

استعنا عالشقا بالله

ماذا تعنى هذه الكلمات بالنسبة لمكاوى

الغيرة

الحب

التعاون

الحسد

الايجابية

الظلم

العطاء

المسئولية

فيروز

الطموح

الانكسار

الحرية

ام سلمى بتغير على مكاوى من ايه؟

يوم ما سلمى شرفت الدنيا حسيت بايه؟

مكاوى مدير مبيعات ناجح ما شاء الله (ايه الخطوات اللى عملتها عشان توصل لكدة)؟

طيب ايه اللى ناوى تعمله عشان تحافظ عالنجاح

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه قولتها او حستها امتى؟

الم اخدته ودرس محترم مش ممكن تنساه

رايك ايه فى الناس التالى اسمائهم بموضوعية مهما اتفقنا او اختلفنا معاهم

البرادعى

عمرو خالد

محمد حسان

جمال مبارك

منى الشاذلى

شعبان عبد الرحيم

جمال عبد الناصر

نجيب ساويرس

اوباما

مديرك المباشر

يوم اجتماع مهم جدا فى الشركة لمديرين الفروع مع مجلس الادارة ومجهز البدلة الشيك وملمع الشوز واخدت الدش التمام واستاذنت اللى ساكن معاك انك تستخدم كريم الشعر بتاعه لان العلبة بتاعتك خلصت (افترض انه صاحبك من بره الشغل او افترض كمان انه زميلك فى الشغل)

وبتدلك شعرك يا معلم وطلع فى ايدك :lol: طلع يا غلبان كريم مزيل للشعر هتتصرف ازاى ساعتها وهتعمل ايه

ايه اكتر حاجة ميكاوى بيعملها وسعيد بيها فى حياته؟

ميكاوى لما بيفكر ينام ايه اكتر 3 حجات بيتاكد انه لازم يكون عملها فى يومه؟

نزلت مصر اجازة انت وزوجتك وقررت انك تقضى اسبوع فى مرسى مطروح فى الروقان وقاعد بالحتة البرمودا تحت الشمسية والجو كله رومانسية وفى ايدك ايس كريم دولسى وفجاة بنوتة زى العسل والقمر (الاتنين فى نفس الوقت) متعرفش تطلعلك منين وتقولك كوكى ياااااااااااااااااه انت فين من زمان وحشتينى من ايام الكلية والرحلات

كدة يا وحش لاتليفون ولا جواب تتطمن عليا وفجاة تدرك ان فيه حد معاك وشكله مراتك!!!!!!!!!!! :blink:

تتوقع احساسك ايه ساعتها؟

طيب رد فعل مراتك؟

تفتكر مصير ميكاوى هيبقى فين وهل هنشوفه فى المحاورات تانى ولا هيختفى فى ظروف غامضة :sad:

كفاية كدة دلوقيت

هروح اشترى هدية لابويا وارجعلك تانى

يمكن اجيب كمان صاعق كهربا معايا :ninja:

[mekkawy]

استااااااااااااااااااااااذ مكاوي

طيب الواحد دلوقتي يعمل ايه بعد البؤين الحلوين اللي قلتلهم فوق يعني ؟؟؟

يجيب خمسة جنيه ... طبق بودنج ... أي حاجة حلوة كدة

اولا ميرسي جداً علي ذوقك

ثانياً

أوعي تفتكر انك بكدة بترشيني علشان ابطل أسئلة ............. كلا البتة لايونكن :ninja: :blink:

بجد علشان فعلاً عندي صداااااااااع غير عادي مش عارفة اركز خالص ادعولي بس ربنا يكرمني

ألف سلامة ليكي (شفتي الروح الرياضية)

( مكاوي ........ انا عارفة انت بتقول ايه في سرك :sad: بلاش يا أبو سلمي )

* امتي بتحس انك قريب من ربنا اوي ؟؟

لما بأساعد حد مسكين او محتاج مساعدة حتى لو مش مسكين .. بس المهم أشوفه مبسوط

* مكاوي اب ديكتاتور ....... ولا هتكون صاحب سلمي بنتك ؟

لا إن شاء الله هأكون صاحبها جداً .. أصلاً أنا صاحبها من دلوقتي .. ده احنا بنكيد أم سلمى كيد wst::

* سلمي كبرت ماشاء الله ........ وجت تقولك يا أبي العزيز فيه شاب محترم وعلي خلق ودين ...... عايزة ارتبط بيه ...... بس هو مش جاهز دلوقتي وادامه فترة ........ هتعمل ايه ؟

هأقابله و أشوف دينه ... و بعدين نتفاهم

* كلمة نفسك تقولها لحد قريب منك اوي ........ تقول مثلاً وحشتني .........لمين يامكاوي ؟

أهلى في مصر

* ايه رأيك فرصة عمل وهمية ........ تفوق كل طموحاتك ...... بوزيشن هايل ...... مرتب كبييييييييييييير ....... مستقبل بإذن الله مرموق ......... باختصار فرصة العمر .... بس الحلو مايكملش ......... شرط تبعد عن أهلك لمدة لاتقل عن سبع سنوات .... واحتمال الزيارات مرة كل سنتين ان وجدت ......... ماذا تفضل ..... البقاء في حضن اسرتك ( بمعني اصح بقاء اسرتك في حضنك ) ولا انك تقبل الفرصة علي أمل بعد كدة هتبقي معاهم علي طول ؟

وجود أسرتي معايا ما عليهوش مزايدة اطلاقاً .. و أنا فعلاً رفضت عروض كتير قبل كدة بسبب انها كانت سنجل مش فاميلي

*لو كان باختيارك ....... كنت تختار ان يكونلك اخين صبيان بدل البنات ؟؟

لا كفايا واحد صبيان و واحدة بنات .. عشان 3 ولاد في بيت صعبة أوي على الأم و الأب

* البنت في الوقت دة بحس انها مظلومة شويتين ( علي الرغم انها واخدة حقها ) ايه رأيك ؟

في أنهي وقت مش فاهم ... لو تقصدي رغبتي يعني ان يكون ليا أخ ولد .... فلا و ألف لا .. مش مظلومة أبداً ... بالعكس هي واخدة حقها لأنها هي الواقع و اللي بيتعامل مع الحقوق من منظور شرعي لا يمكن يظلم :)

* مش عارفة لية يامكاوي حاسة انك كنت شقي اوي ....... ....... ياتري فعلا انت شقي ؟؟

لا خااااااااااالص ... انا كنت هادئ جداً و بقيت شقى ... لكن بتحكمني حياتي و ديني

* اشمعني الهوكي ؟؟؟ وياتري اخدت بطولات ولامجرد هواية ؟؟

عشان كل العيال كانت بتروح تلعب كورة في الزمن ده ..( أوائل التسعينات كدة) و كل الأهالي كانت عاوزة عيالها تطلع حسام حسن في كاس العالم 90 .. انا بأة قولت أنا هألعب هوكي (أنا هأشرب سبرايت .. تشششش) و والدي ما اعترضش ... و الحمد لله أخدت بطولات كتير و كانت بطولات جمهورية و أخدت في الثانوي 3% تفوق رياضي كمان.

* ليك هوايات تانية ؟

العربيااااااااااااااااات ... و السباقات و الانترنت ... البحث عامة .. و الافتكاسات .. لكن ماليش في القراءة خاااااااالص.

* سلمي عايزة تلعب في النادي ( أكيد في فريق البنات ) ياتري هتختارلها اللعبة ولا تسيبها تلعب زي ماهي عايزة ؟؟

تختار اللي هي عاوزاه .. لكن لو قالتلي اختارلي يا بابا .. هأختارلها جمباز و سباحة لحد سن معين.

* بتؤمن بالحسد ؟؟

مستوى منه و لله الحمد .. لكن زي ما باؤمن بيه باؤمن إنه قل لن يصيبنا إلا ما كتب الله لنا .. فمش فارق معايا أوي

* أخبار العمرة الجماعية ايه ؟؟...... اوعوا تنسوني بالدعاء !!

حتى الآن المشتركين و للأسف ما أبدوش جدية .. لكن هأحاول أجمعهم تاني و اللي مأكدين زهيري و حسام .. يا رب اجمع شملنا

ربنا يسهل يامكاوي يااخويا ....... والمُسكن يشتغل بس وافوق كدة علشان أعرف أسأل كويس

يا رب يشتغل و يسكن سحابة الظلم اللي بتمطر فوق دماغي دي :lol:

بنتعب بجد

يلا كله في سبيل الوطن

ماحدش بياكلها بالساهل

مكاوى

[mekkawy]

مكاوى هلا والله

هلا حبيب جلبي

ما هو رأيك فى الجماعات الاسلاميه وهل تنتمى لاى جماعه منهم ؟

انا لا أحبذ فكرة الجماعات و التيارات الاسلامية .. كلنا مسلمون .. كلنا أتباع للنبي محمد صلى الله عليه و سلم .. و أنا لا أنتمى لأي جماعة او تيار .. أنا مسلم

ماذا تقول لمن تعرض للنصب من قبل من يتاجرون بالدين ويهتمون فقط بالتدين الظاهرى ؟

أقول له (الجزاء من جنس العمل) :ninja: و لو كنت صالح فهو ابتلاء .. و الدين برئ من أفعال بعض المنتسبين ليه

ابنك او بنتك لقيتها بتسمع اغانى ولما تكلمت معها قالتك يا بابا انا هاخد برأى العالم كذا وكذا هتعمل ايه ؟

هأقنعهم زي ما باحاول أقنع الناس هنا في المنتدى ... الحلال بين و الحرام بين ... و اذا الأغاني ما دخلتش بيتي أولادي مش هيحبوها إن شاء الله

شايف السعوديه ازاى هل زى ما كنت متوقع ام لا ؟

لأ خالص ... أنا شايف إنها بلد لسة محتاجة تطوير كتير أوي

ما هو الفرق الجوهرى بين مصر والسعوديه من وجهت نظرك ؟

الحداقة ... الانجاز ... سرعة رتم الحياة ... انا لسة مش قادر أتأقلم أبداً على الرتم الهااااااااااااادي هنا

هتتنخب مين فى انتخابات الرئاسه القادمه وليه ؟

لما يكون فيه مرشحين الأول يا باشا :lol:

شايف ان الشعب المصرى سلبى ام انه مغلوب على امره ؟

الاتنين .. لكن الغلبة حلها في الايجابية .. يعني لو بطلنا سلبية مش هنبا مغلوبين على أمرنا

هل تؤمن بمقولة الشباب ان مدينة العاشر مقبرة الشباب فعلاً ؟

مقبرة للشباب المدلع .. لكن للشباب الجاد إنطلاقة و مغرفة فلوس .. و الأوفر تايم هناك ولعة يا ريس ... العاشر بوابة نجاح كبيرة أوي ... معظم قصص النجاح بدأت هناك

ما هو رأيك فى الصداقه بين الراجل والمرأه ؟

دي باة عاوزالها مقابلة و كوبايتين شاي و نستمخ سوا فيها كدة

مكاوى ... كهربا