كرسي الأعتراف 2 ( حاليآ الفاضلة Dreamwithme )

[MZohairy]

مكاوي

عايز اعرف الله يخليك الفرق بين الهوكي العادي و هوكي الجليد

اللعبه الشعبيه الاولى في كندا هي الهوكي (الجليد طبعا)

هل عندك فكره عن الفرق؟

[mekkawy]

حسام عبد الفتاح ---> هيعوز علاج كتير أوي بعد ما أروحله جدة ان شاء الله ...

هيعوز ده على اساس انه هيحصلى حاجة فى المستقبل

ياترى مكاوى هيجى جدة يعمل فيها ايه يخلى حسام محتاج انه يتعالج

بس عالعموم انا بتطعم كل يوم بعد المغرب

استعنا عالشقا بالله

ماذا تعنى هذه الكلمات بالنسبة لمكاوى

الغيرة -----------------> شعور ينبع عن الحب و الرجولة ... و عندي منها رصيد غبي ... لكن بأحاول السيطرة عليه

الحب -----------------> أم سلمى

التعاون ---------------> أجمل حاجة ممكن تحصل في مجتمع ... و نتايجها مذهلة و يا ريت تكون موجودة في كل المجتمعات الاسلامية

الحسد ---------------> حاجة وحشة أوي ما تخرجش غير من انسان مريض و بيكره الناس كلها ... ربنا يحفظنا من الوقوع فيه

الايجابية --------------> طريقنا للتقدم ... و لازم كل مسلم يكون إيجابي

الظلم -----------------> احساس بشع ... يا رب ما أحسش بيه أبداً

العطاء -----------------> نعمة من الله .. لا تكتسب و لكنها هبة من الله ... و بالنسبة لي ... هي أجمل شعور ممكن أحسه ... متعة العطاء ما بعدها متعة

المسئولية ------------> احساس ... و بردو تحملها متعة لما تعرف تديرها ... يمكن أنا بأحب حاجات غريبة شوية .. بس أنا بأستمتع بيها و بحبها

فيروز -----------------> بتاعة معانا ريال معانا ريال؟؟ :blink: اه كانت عسل هي و انور وجدى

الطموح -----------------> أوووووووف .... نفسي اوصل لسقف معاه .. لكن بأحبه و باحب أشوفه بيتحقق أدامي ... متعة يا حوس و الله

الانكسار -----------------> أموت لو حد شافه عليا .. لكن لو حصل ... أحبه يكون لله مش لبشر

الحرية -----------------> احنا اللي بنعملها مش هي اللي بتعملنا ... أحب عيشة الحرية يا حوس

ام سلمى بتغير على مكاوى من ايه؟

من الشغل و من المحلات و من الستات و من أمي و أبويا و إخواتي و من النت و من سلمى ذات نفسيها .. لو أنا بغير 10 مثلاً فهي بتغير 100

يوم ما سلمى شرفت الدنيا حسيت بايه؟

حسيت إني هأتقتل خوف على أم سلمى ... لما خرجت بأة من العمليات بدأت أحس إني حد جديد ... ربنا يرزق كل واحد يا رب ... احساس تاني خاااااااااااالص

مكاوى مدير مبيعات ناجح ما شاء الله (ايه الخطوات اللى عملتها عشان توصل لكدة)؟

قصدك ايه الخطوات اللي اتعملت فيا ... اتفحت يا حوس و الله ... و شوية حداقة على جرامين فهلوة و الباقي توفيق من ربك ... لو هنقول خطوات .. بدأت حياتي بدري ... الطموح باة اللي بنتكلم عنه من الصبح ... تشجيع أهلي و زوجتي ليا طول الوقت ... توفيق ربنا في اختياراتي ... اصرار على النجاح و تحقيق هدفي

طيب ايه اللى ناوى تعمله عشان تحافظ عالنجاح

ربك يسويها .. أول حاجة أعملها إن أخد ال300 ألف ريال من عندكوا كأول أوردر ... تفتكر هأنجح ؟؟؟؟

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه قولتها او حستها امتى؟

هنا في المنتدى لما لقيت فيه ناس بتضر الدين أوي حتى لو قالت غير كدة ... قولتها لما حسيت إن الدين بجد غريب ... و قولتها لما أقرب الناس ليا آذاني

الم اخدته ودرس محترم مش ممكن تنساه

ألم أبويا على الصلاة .. ده و أنا صغير ... و و انا كبير ... ألم خدته في واحد صحبي أوي أوي .. لغاية النهاردة واجعني ... قلبت عليا ليه الله يصلح حالك :(

رايك ايه فى الناس التالى اسمائهم بموضوعية مهما اتفقنا او اختلفنا معاهم

البرادعى -------------> ما أعرفوش

عمرو خالد -----------> تقصد ده ؟

كان له أول فضل عليا في التزامي و هو اللي عرفني طريق المسجد من تاني و خلاني أسيب حاجات كتير غلط

محمد حسان -------> شيخ جليل و عالم كبير أخلاقه و تواضعه سابقاه ... كلامي من تجربة شخصية مش سماع

جمال مبارك --------> ابن الوز عوام ... مش كفاية بأة ؟؟!!

منى الشاذلى------> بيعجبني فيها اجتهادها و سعيها الحثيث على شغلها

شعبان عبد الرحيم ---> غلبان و مبحبش الناس تقعد تتريق عليه .. لو مش عجبكم متسمعهوش و سيبوه في حاله .. انا مبحبش السخرية من اي مخلوق

جمال عبد الناصر -----> كان كويس لكن ارتكب اكبر غلطة يرتكبها حاكم ... انه ميعرفش اللي بيحصل حواليه ... الناس بتحبه

نجيب ساويرس ------> قصة نجاح مش عادية .. دماغ رهيبة و مركزة في الشغل و بس و مش شاغل نفسه بتفاهات السياسة .. و دي اكتر حاجة بحترمها فيه

اوباما -----------------> وش جديد لقالب متكرر

مديرك المباشر -----> حبيب قلبي :sad: يا عم في ايه متهدى باة يا جدع انت انت عاوز تخرجني نهائي ولا ايه ؟

يوم اجتماع مهم جدا فى الشركة لمديرين الفروع مع مجلس الادارة ومجهز البدلة الشيك وملمع الشوز واخدت الدش التمام واستاذنت اللى ساكن معاك انك تستخدم كريم الشعر بتاعه لان العلبة بتاعتك خلصت (افترض انه صاحبك من بره الشغل او افترض كمان انه زميلك فى الشغل)

وبتدلك شعرك يا معلم وطلع فى ايدك طلع يا غلبان كريم مزيل للشعر هتتصرف ازاى ساعتها وهتعمل ايه

هأكمل بالموس و اجيبها بلاطة ... و هنا محدش كتير بيتلفت للمظهر و كمان الحلقة دي بتليق معايا أوي ... غير انهم هيفكروني راجع من العمرة فربنا هيسترها معايا و مش هيتقلوا عليا wst::

ايه اكتر حاجة ميكاوى بيعملها وسعيد بيها فى حياته؟

بر أبويا و أمي و رضاهم عليا

ميكاوى لما بيفكر ينام ايه اكتر 3 حجات بيتاكد انه لازم يكون عملها فى يومه؟

إني اكون صليت العشاء

أكون ظبطت المنبه علشان أصحى تاني يوم

أكون متعشي

نزلت مصر اجازة انت وزوجتك وقررت انك تقضى اسبوع فى مرسى مطروح فى الروقان وقاعد بالحتة البرمودا تحت الشمسية والجو كله رومانسية وفى ايدك ايس كريم دولسى وفجاة بنوتة زى العسل والقمر (الاتنين فى نفس الوقت) متعرفش تطلعلك منين وتقولك كوكى ياااااااااااااااااه انت فين من زمان وحشتينى من ايام الكلية والرحلات

كدة يا وحش لاتليفون ولا جواب تتطمن عليا وفجاة تدرك ان فيه حد معاك وشكله مراتك!!!!!!!!!!! :ninja:

تتوقع احساسك ايه ساعتها؟

هاكون مبسوط طبعاً إني ولعت في غيرة مراتي و جبت آخرها :)

طيب رد فعل مراتك؟

مش أدام الناس .. بس أبو وردة أكيد هيبات معانا في البيت :wub:

تفتكر مصير ميكاوى هيبقى فين وهل هنشوفه فى المحاورات تانى ولا هيختفى فى ظروف غامضة

هأضحك عليها كالعادة و هي هينضحك عليها بكيفها كالعادة بطيبتها :lol:

أصلاً يا باشا مكنتش اعرف حد في الجامعة بيروح مطروح ... غير اني مكنتش بطلع رحلات مشتركة غير مرة حزينة و زماااااااااااان أوي

كفاية كدة دلوقيت

لأ كفاية كدة أوي يا معلم

هروح اشترى هدية لابويا وارجعلك تانى

يمكن اجيب كمان صاعق كهربا معايا

مكاوى

[doha]

هو سؤال واحد بس يامكاوي وعاوزه اساله من زمان بس مش هسأله

اصلي خلاص عرفت اجابته ..

:lol:

[mekkawy]

مكاوي

عايز اعرف الله يخليك الفرق بين الهوكي العادي و هوكي الجليد

اللعبه الشعبيه الاولى في كندا هي الهوكي (الجليد طبعا)

هل عندك فكره عن الفرق؟

شوف يا صديج .. انا في معلوم هوكي عادي و في معلوم هوكي جليد

الهوكي العادي يا باشا زي كرة القدم بالظبط .. 11 لاعب .. ملعب بساط أخضر كبير لكن اصغر سيكة من ملعب القدم .. ملعب القدم مقاساته بالمتر و ملعب الهوكي مقاساته بالياردة.

الهوكي العادي بالمضرب الخشبي و الكرة مدورة و بلاستك مضغوط .. ناشفة جداً و مؤذية و ياما كسرت و فتحت في جسم أخوك .. لأني كنت حارس مرمى :lol:

حارس المرمى بردو بيلبس كتير أوي كدة لكن اللاعيبة العادية ما بتبلسش غير الشنكار

الملعب بيكون نجيل صناعي و بيترش مية لأنه و هو ناشف عامل زي السكاكين ... اسمه ترتان

التسجيل لابد يكون من داخل دائرة التصويب إنما هوكي الجليد اعتقد بيكون من أي مكان

لو تحب زيادة قول بس انت و ميهمكش

مكاوى ... هوكاااوي على طووووووووول

[mekkawy]

هو سؤال واحد بس يامكاوي وعاوزه اساله من زمان بس مش هسأله

اصلي خلاص عرفت اجابته ..

:lol:

طب معلش بس منكن أعرف انا السؤال عشان دماغي ما تروحش و تيجي ... أو حتى هنت كدة ... عشان بس متكونش فيه اجابة مفهومة من بين السطور و متكونش دي مقصدي

مكاوى

[doha]

هو سؤال واحد بس يامكاوي وعاوزه اساله من زمان بس مش هسأله

اصلي خلاص عرفت اجابته ..

:ninja:

طب معلش بس منكن أعرف انا السؤال عشان دماغي ما تروحش و تيجي ... أو حتى هنت كدة ... عشان بس متكونش فيه اجابة مفهومة من بين السطور و متكونش دي مقصدي

مكاوى

انسي ياعمرو

:lol:

[mekkawy]

هو سؤال واحد بس يامكاوي وعاوزه اساله من زمان بس مش هسأله

اصلي خلاص عرفت اجابته ..

:blink:

طب معلش بس منكن أعرف انا السؤال عشان دماغي ما تروحش و تيجي ... أو حتى هنت كدة ... عشان بس متكونش فيه اجابة مفهومة من بين السطور و متكونش دي مقصدي

مكاوى

انسي ياعمرو

:lol:

خلاص عرفته .... بس حضرتك ما عرفتيش الاجابة لأني ما جاوبتش :ninja:

مكاوى

[doha]

هو سؤال واحد بس يامكاوي وعاوزه اساله من زمان بس مش هسأله

اصلي خلاص عرفت اجابته ..

:sad:

طب معلش بس منكن أعرف انا السؤال عشان دماغي ما تروحش و تيجي ... أو حتى هنت كدة ... عشان بس متكونش فيه اجابة مفهومة من بين السطور و متكونش دي مقصدي

مكاوى

انسي ياعمرو

:lol:

خلاص عرفته .... بس حضرتك ما عرفتيش الاجابة لأني ما جاوبتش :blink:

مكاوى

قصدك عرفت عشان كده مسألتش ...

:ninja:

[shiko]

..اليوم الاول بعد المائة ..من اسطورة تعذيب مطاوى قرن الغزال

ظهر مطاوى منكوش الرأس واللحية بعد ما ..تعرض لجرعة كهرباء اعلى من اللازم ...

توجه بسرعة فى محاولة للهروب من دكة الاعتراف ...ولكنه فوجىء بـــــــــــــ؟؟

ياترى مطاوى فوجىء بأيه ده اللى هانعرفه منه هو شخصياَ ...

1) ايه اخر اغنية اتحدفت على ودانك بالعافية .....؟؟

2) بتكلم سلمى كل اد ايه؟؟

3) بذمتك انت شايف فايدة من المحاورات ؟؟طب ورينا ..؟؟

4) انا عرفت منك انك مدير مبيعات ...بتبيع ايه ..وبكام ؟؟

5) حاسس انك هاتستمر فى نفس المجال كتير ...؟؟

6) رب صدفة خير من الف ميعاد ....احكلنا على صدفة حصلت فى حياتك..؟؟؟

7) لو بقت المحاورات باشتراك شهرى هاتشترك فيها برضه ؟؟

8) مين الشيوخ اللى انت بتحب تسمعلهم ...؟؟

9) ايه رايك فى العاشر من رمضان وساكن فيها من امتى؟؟

10) يحصل ايه لو انا مثلا ماشية كده فى حالى قابلت بنت جميلة مع مامتها ...بلاعبها ...واسالها على اسمها ..راحت قالتلى سلمى ...قوم ايه قلتلها ايه ده ...؟؟ واو .....انا عارفة انتى ..بنوتة مطاوى ....قصدى عكاوى ..؟؟

11) ماشى فى حالك لاقيت بنت موش عارفة تركن العربية ...راحت طلبت منك بكل ادب وزوق تركنلها العربية ...

12) هوب انت ماصدقت اخدت المفتاح وانت قاعد على الدركسيون ...راحت مصرخة ...بصوت عالى ....حرااااااااااااااامى ..؟؟

اوك خلص دول عقبال ماخد راوند ....واجيلك ....حاسب المكان كله متكهرب ...احذر :)

[mekkawy]

..اليوم الاول بعد المائة ..من اسطورة تعذيب مطاوى قرن الغزال

ظهر مطاوى منكوش الرأس واللحية بعد ما ..تعرض لجرعة كهرباء اعلى من اللازم ...

توجه بسرعة فى محاولة للهروب من دكة الاعتراف ...ولكنه فوجىء بـــــــــــــ؟؟

ياترى مطاوى فوجىء بأيه ده اللى هانعرفه منه هو شخصياَ ...

فوجئت بعملي الأسود قاعدلي أدام الكرسي و راح زاققني تاني ع الكرسي ... يا ظلــــــــــــــمة

1) ايه اخر اغنية اتحدفت على ودانك بالعافية .....؟؟

واحد هنا كنت بروح معاه الشغل كان يصطبح بمحمد منير و عمرو دياب أغاني قدييييييمة ... بتهيألي ... يا عمرنا بتاعت عمرو دياب ... بطلت أركب معاه الحمد لله بعد النصيحة.

2) بتكلم سلمى كل اد ايه؟؟

كل ساعتين كدة تقريباً .. أصلي مشترك في خط النجمة أبو عشر ساعات :) بس من غير نق ها

3) بذمتك انت شايف فايدة من المحاورات ؟؟طب ورينا ..؟؟

قولي بس لا اله إلا الله ... و طبعاً شايف فوااااايد من المحاورات .. اولها معرفة الناس الجميلة اللي الواحد بيتكلم معاهم كل يوم .. و بصدق و الله من غير مجاملة ... معرفة ثقافات و آراء أخرى .. معرفة نفسي ... و الفوايد كتييييييير

4) انا عرفت منك انك مدير مبيعات ...بتبيع ايه ..وبكام ؟؟

بأبيع كرتون ... أي علبة كولجيت أو اريال أو تايد أو بلح أو بسكوت أو كيكات و عصاير أو سيجنال تو أو اي حاجة من هذا القبيل و الشاي و الأدوية ... كل علبى كرتون ممكن تشوفيها ليا فيها حتة .... بكام دي باة حسب المواصفة .. لكن تعالى أعملك علبة مقاسك و هنكرمك اخر كرم wst::

5) حاسس انك هاتستمر فى نفس المجال كتير ...؟؟

و الله لسة مش عارف .. انا أطول شركة قعدت فيها كانت سنة و نص ... ولاد الايه دول كتفوني بعقد سنتين .. مش عارف هأكمل ولا لأ .. لو عجبني هأكمل

6) رب صدفة خير من الف ميعاد ....احكلنا على صدفة حصلت فى حياتك..؟؟؟

واحد صحبي كان هنا في السعودية و معرفش عنه حاجة و أنا بأصلي الجمعة مرة في جامع البخاري في الزقازيق و هووووووب لقيته في وشى :) .. كانت لذيذة

7) لو بقت المحاورات باشتراك شهرى هاتشترك فيها برضه ؟؟

لحد 50 ريال

8) مين الشيوخ اللى انت بتحب تسمعلهم ...؟؟

الشيخ ابراهيم الشربيني و ده استاذي المباشر (الزقازيق) الدكتور جمال المراكبي و الشيخ أحمد سليمان و دول بردو علم مباشر بالتلقي .. التلفزيون باة أو الشرايط الشيخ محمود المصري و الشيخ محمد حسان و العلامة أبو اسحاق و الشيخ محمد حسين يعقوب لما أحب أتأدب و أتلم .. و الشيخ مسعد انور و الأستاذ عمرو خالد .. و الشيخ اسماعيل ال دراز في مقرأة قناة الناس بعد الفجر.

9) ايه رايك فى العاشر من رمضان وساكن فيها من امتى؟؟

مدينة راااائعة و فرصة لكل اللي عاوز يبدأ حياته .. انا عشت عمري كله في الزقازيق و ما أدراك ما الزقازيق .. كل حاجة تحت إيدك و في أي وقت .. العاشر غير كدة خالص .. هااااادية .. لكن أنا بأعشق الهدوء .. كمان الالتزام فيها عادي و هو الغالب بفضل الله .. أنا هناك من 3 سنين تقريباً

10) يحصل ايه لو انا مثلا ماشية كده فى حالى قابلت بنت جميلة مع مامتها ...بلاعبها ...واسالها على اسمها ..راحت قالتلى سلمى ...قوم ايه قلتلها ايه ده ...؟؟ واو .....انا عارفة انتى ..بنوتة مطاوى ....قصدى عكاوى ..؟؟

ابي احكيلي انتي بأة هيحصل ايه .. ههههه ... كنتي طيبة يا شيكو و الله

11) ماشى فى حالك لاقيت بنت موش عارفة تركن العربية ...راحت طلبت منك بكل ادب وزوق تركنلها العربية ...

هأركنهالها طبعاً عشان أشوف عربيتها من جوة عاملة ازاي

12) هوب انت ماصدقت اخدت المفتاح وانت قاعد على الدركسيون ...راحت مصرخة ...بصوت عالى ....حرااااااااااااااامى ..؟؟

هأخد العربية و أطلع و انا بأفرك و خليها باة تيجي تدور عليها و هأخمس بيها و هأفحط و هألبسهالها في أول عامود عشان تبا تحترم نفسها :) .. أنا شراني على فكرة

اوك خلص دول عقبال ماخد راوند ....واجيلك ....حاسب المكان كله متكهرب ...احذر

مكاوى ... خمسات

[the consultant]

انا جييييت, اولا اهنيك على صمودك و عقلانيتك و اتزانك و صبرك و اجاباتك السديدة و عباراتك المنسقة و انفعالاتك الغير مبالغ فيها و ردود افعالك ال.............خلاص بأه مش مهم, ندخل في الموضوع.....!!!!!!!!!!

الاسئلة انهاردة سهله جذريا و غير معقدة بالمرة اسمع يا برنس العرب:

1: كدبت كام مرة من اول ما قعدت على كرسي الاعتراااااف, اااااااف, ولا اقولك (كام مرة جملت الحقيقة نوعا ما)؟

2: هل تتخيل اصوات المحاورتية اثناء المحاورات؟ طيب قولي مين اكتر صوت مسرسع!!!!؟

3: هل ستجد غرابة في مقابله حية مع المحاورتية أم انك تحبذ البقاء في المجتمع الافتراضي؟

4: بتكلم نفسك بمعدل اد ايه؟

5: هل بتحس ساعات انك مجنون؟

6: كم نسبة المعلومات التي لم و لن تشارك زوجتك فيها ولماذا؟

7: هل تعتبر نفسك انسان بسيط أم معقد و لماا؟

8: لسة بتحلم و انت نايم و لا مفتقد الموضوع ده؟ و ايه اخر حلم تقدر تفتكره و تحكيه؟

9: احكي لنا عن اكتر مرة حسيت فيها بجد بالايمان ( تعلم ان عندما يصل المرء الى درجة من الالتزام و ملازمة المساجد يبدأ الشعور اللذيذ بالايمان يتسرب الى قلبه) امتى قلت لا الله الا الله من جوووووووووووووووووووووووووووووووواه.

10: كيف تغلبت على فكرة انك لازم ترووح فلسطين تجاهد لان الجهاد فرض؟

[لماضة مصرية جدا]

السلام عليكم و رحمة الله و بركاته

و الله انت من الصامدين يا عم عكاوي.....ياااااااااااااااه لسه قدامنا 7 ليالي بحالهم (ايون هو العداد كده بيرجع لوراه مبيطلعشي لقدام)

1- سواقة العربيات علمتك تسوق حياتك بتهور و اندفاع....و لا بسيطرة....و لا بمغامرة؟؟؟

2- قرار مصيري بتاخده ازاي...طبعا بعد الاستخارة.....بتقعد تهرش كده في دقنك قيمة يومين و تقلبها يمين و شمال... ولا بتاخد انطباعك الاول....و لا بتغامر و خلاص يا صابت يا اتنين حولانين؟؟؟

3- لو حد قالك مثلا بعد الشر يعني "انك هتموت بكرة".....اييييييييه كلنا لها وحدوووووووووه......ايه اهم حاجات تعملها النهاردة.

4- باذن الله لما تخلف اخ لسلمي.....هتكون شبه باباك في تربيته الصارمة...و لا هتكون شبه مكاوي في شبابه...و لا هتعامله ازاي؟؟؟

5- احساس الغربة توصفه بايه.....نحنح بقي و اتشتحتف كدهون......

و بتتخلص منه ازاي....مع انه عامل زي الطابع الفقري اللي مينفعشي تشيله من ع الظرف غير لما تقطع الجواب كله؟؟؟

6- تقول لمين الكلمات التالية...

".....ساموت بلا انحناء..."

"...بطل دوشة......."

"...بعينك....لما تشوف حلمة مناخيرك.....قصدي ودنك"

"....كان غيرك اشطر...."

"....يا ظالمني........"

".....روح العب بعيد......."

"....اعقل....كده....."

7- لو مثلا .....مثلا لو......في زمن الاختراعات و الاكتشافات .....قالك الستات هتبقي رجالة...(هما الحقيقة بقوا كده فعلا).....و الرجالة هتبقي ستات...(معظمهم برضه).....

يا تري انت موقفك ايه في اللخبطة دي.....

ويا تري لو شخصية واحدة بنت في قالب مكاوي

يبقي ايه اكتر حاجة تميزها....

و اكتر حاجة تعيبها....

و انيل حاجة لازم تغيرها؟؟؟

8- بمناشبة....الهلاوس السمعية و البصرية....ركبت الة الزمن...و طبعا قامت ايديك ملطشة في الزراير....

طب تحب تروح انهي زمن....و تعمل فيه ايه....

و تحب ترجع تاني و لا تستقر هناك.....بس ابقي ابعتلنا لو عترت علي كيبوردات حجرية مثلا.....او ابعتلنا مكتوب من ع المجرات الفضائية؟؟؟

9- 3 سنين باذن الله....شايف نفسك ايه....؟؟؟

10- بتحب تعمل مقالب....شكلك بتحب.....ايه اجمد مقلب عملته في حد....و طلع من صرصور ودنه.....و ايه المقلب اللي اتعمل فيك و خلي دماااااغك تنور!!

بس خلاص

فوتك بعافية

صبااااااااااااحك لمبة....تنور في عز الضهر....زي عواميد الكهربا فيكي يا مصر

[mekkawy]

انا جييييت, اولا اهنيك على صمودك و عقلانيتك و اتزانك و صبرك و اجاباتك السديدة و عباراتك المنسقة و انفعالاتك الغير مبالغ فيها و ردود افعالك ال.............خلاص بأه مش مهم, ندخل في الموضوع.....!!!!!!!!!!

ربنا يخليك يا وزراة الأسئلة و التعقيم

الاسئلة انهاردة سهله جذريا و غير معقدة بالمرة اسمع يا برنس العرب:

يا رب تكون سهلة و لو إني أشك

1: كدبت كام مرة من اول ما قعدت على كرسي الاعتراااااف, اااااااف, ولا اقولك (كام مرة جملت الحقيقة نوعا ما)؟

الحمد لله ولا مرة لأني معنديش حاجة أزورها ... ومبحبش أجمل الحقايق ... لكن هربت مرة واحدة .. انا صريح اهو

2: هل تتخيل اصوات المحاورتية اثناء المحاورات؟ طيب قولي مين اكتر صوت مسرسع!!!!؟

لا مفكرتش خالص في موضوع الأصوات ده ... لكن أقدر أقول من صاحب(ة) اكتر صوت مسرسع :)

3: هل ستجد غرابة في مقابله حية مع المحاورتية أم انك تحبذ البقاء في المجتمع الافتراضي؟

اطلاقاً .. بالعكس أنا نفسي كلنا نتقابل ... و أنا دعيت لكدة في موضوع العمرة الجماعية اللي في توقيهي ... يا ريت يتم.

4: بتكلم نفسك بمعدل اد ايه؟

24/7

5: هل بتحس ساعات انك مجنون؟

لأ .. أنا على طول عارف إني مجنون و الناس حواليا بدأوا يتعاملوا على كدة ... الجنون فنون

6: كم نسبة المعلومات التي لم و لن تشارك زوجتك فيها ولماذا؟

نقدر نقول 5% ... و أنا من الأزواج الخرارين ... يعني بأحكي على كل حاجة .. و لو ما اتسألتش بأقعد أهري لحد ما أقول ... لكن ما زال في حاجات بتاعتي أنا بس ... لكن قليلة جداً

7: هل تعتبر نفسك انسان بسيط أم معقد و لماا؟

أنا شايفني بسيط لكن في ناس شيفاني غويط ... مش معقد

8: لسة بتحلم و انت نايم و لا مفتقد الموضوع ده؟ و ايه اخر حلم تقدر تفتكره و تحكيه؟

قعدت حوالي سنتين أو أكتر ما أحلمش خالص ... و ما أقدرش أقول الأحلام رجعتلي أوي ... آخر حلم فاكره طشاش .. بس مش هينفع أحكيه

9: احكي لنا عن اكتر مرة حسيت فيها بجد بالايمان ( تعلم ان عندما يصل المرء الى درجة من الالتزام و ملازمة المساجد يبدأ الشعور اللذيذ بالايمان يتسرب الى قلبه) امتى قلت لا الله الا الله من جوووووووووووووووووووووووووووووووواه.

لما اعتكفت رمضان مع الشيخ ابراهيم الشربيني و خلص رمضان و احنا مش عاوزينه يخلص .. عمري ما هأنسى لحظة بعد مغرب يوم الوقفة

لما حفظت الولاد في المعهد الأربعون النووية و عملتلهم فيها مسابقة و في بنات حفظوها بالكامل (3 ابتدائي)

لما كانت تجيلي رسائل دعاء من ناس ساعدتهم من خلال شغلي في المساندة النفسية في موقع أستاذ عمرو خالد

لما بألاقي أبويا و أمي راضيين عليا

لما باعمل صدقة سر و بترتيب معين

10: كيف تغلبت على فكرة انك لازم ترووح فلسطين تجاهد لان الجهاد فرض؟

زوجتي هي اللي اتغلبت عليا فيها (للأسف) لكن لولاها اكيد مكنتش هاكون هنا ... و ده من ضعف إيماني

مكاوى

[mekkawy]

السلام عليكم و رحمة الله و بركاته

و الله انت من الصامدين يا عم عكاوي.....ياااااااااااااااه لسه قدامنا 7 ليالي بحالهم (ايون هو العداد كده بيرجع لوراه مبيطلعشي لقدام)

سبع ايه يا حبيبة والديكي ؟!!!!! ... و المصحف لتدوني شهادة تخرج بعد ما نخلص من كورس التهذيب ده أنا بأقول اهو

1- سواقة العربيات علمتك تسوق حياتك بتهور و اندفاع....و لا بسيطرة....و لا بمغامرة؟؟؟

مغامرة مع تمكن

2- قرار مصيري بتاخده ازاي...طبعا بعد الاستخارة.....بتقعد تهرش كده في دقنك قيمة يومين و تقلبها يمين و شمال... ولا بتاخد انطباعك الاول....و لا بتغامر و خلاص يا صابت يا اتنين حولانين؟؟؟

بأفكر كتير أوي أوي و باخد وقتي و غالباً حس المغامرة بيحكمني و بأستشير زوجتي في كل قرارتنا المشتركة لأنها كربونة مني ... لكن ما بأغامرش و خلاص .. باغامر مغامرة محسوبة و ديماً عامل بلان ايه و بي و سي كمان

3- لو حد قالك مثلا بعد الشر يعني "انك هتموت بكرة".....اييييييييه كلنا لها وحدوووووووووه......ايه اهم حاجات تعملها النهاردة.

هأصوم اليوم ده و أرجع مصر و أسترضى أمي و أبويا و أصلي الصلوات بخشوع أكتر و أتصدق و أشوف لو عليا زكاة و لو ظلكت حد و استزيد من الخير و ممكن أعمل عمرة قبل ما أنزل مصر .. و هأتوضأ و ألحق أنام عشان ما بحبش أموت بدري :)

4- باذن الله لما تخلف اخ لسلمي.....هتكون شبه باباك في تربيته الصارمة...و لا هتكون شبه مكاوي في شبابه...و لا هتعامله ازاي؟؟؟

هأشد عليه وقت اللزوم و هأكون زي والدي فيما يخص الدين عشان هو يطلع زيي ... لكن أكتر هأصحابه و هأروشه و أكحرته آخر حاجة لكن بما يرضي الله .. أظننا هنكون تيم رائع .. هو يروح يظبط البنات في الدروس و أنا استناه بعد الدرس نظبط سوا بأة B)

5- احساس الغربة توصفه بايه.....نحنح بقي و اتشتحتف كدهون......

الغربة .... غربة ... كل حاجة غريبة ... انت غريب و الناس غريبة و تصرفاتهم غريبة و النومة غريبة و الأكلة غريبة و حاسس إني ماشي بـ 8 عيون في راسي ... اتنين أدام و اتنين ورا و اتنين على كل جنب .... أسوأ حاجة في الدنيا ... و لو كنت أعرف انها كدة ما كنتش جيت.

و بتتخلص منه ازاي....مع انه عامل زي الطابع الفقري اللي مينفعشي تشيله من ع الظرف غير لما تقطع الجواب كله؟؟؟

بتخلص منه لما باكلم أهلى في مصر ... و هنا في المحاورات و لما بأنام و أقتل الوقت.

6- تقول لمين الكلمات التالية...

".....ساموت بلا انحناء..." ----------> لكل من تحداني و تمنى فشلي ...

"...بطل دوشة......." ---------------> كل برميل أجوف يقول و لا يفعل

"...بعينك....لما تشوف حلمة مناخيرك.....قصدي ودنك" ---> كل من يتخيل أنه يفت في الدين أو يقلل من شأنه أو يظن إن الاسلام مات أو بيموت أو هيموت

"....كان غيرك اشطر...." ----------->اللي يحاول يغير مبادئي

"....يا ظالمني........" ------------> أم سلمى ساعات

".....روح العب بعيد......." --------> اللي يشكك في صدقي و صراحتي

"....اعقل....كده....." ------------> اللي عاوز يتخانق عشان ما بحبش الخناق

7- لو مثلا .....مثلا لو......في زمن الاختراعات و الاكتشافات .....قالك الستات هتبقي رجالة...(هما الحقيقة بقوا كده فعلا).....و الرجالة هتبقي ستات...(معظمهم برضه).....

يا تري انت موقفك ايه في اللخبطة دي.....

انا كدة ومفيش غير كدة عندي مفيش حل تاني ... طالما أنا مش هأقلب خلاص يبا اشطة ....

ويا تري لو شخصية واحدة بنت في قالب مكاوي

هتعوز معاملة خاصة و هتكون صعبة أوي في الممارسة

يبقي ايه اكتر حاجة تميزها....

طيبتها

و اكتر حاجة تعيبها....

تحملها للمسؤلية ... مش مطلوب من الست تشيل مسؤلية زي الراجل

و انيل حاجة لازم تغيرها؟؟؟

اهتمامها بالآخرين الزايد عن حده ... أخطر حاجة على الست انها تنسى نفسها

8- بمناسبة....الهلاوس السمعية و البصرية....ركبت الة الزمن...و طبعا قامت ايديك ملطشة في الزراير....

طب تحب تروح انهي زمن....و تعمل فيه ايه....

هأرجع بالزمن من سنتين أيام ما كنت حافظ القرآن و بأصلي بالناس في رمضان و بأحضر دروس العلم ... و كنت هأفضل مدرس بسيط و مكنتش هأتلهي في الدنيا زي دلوقتي

و تحب ترجع تاني و لا تستقر هناك.....بس ابقي ابعتلنا لو عترت علي كيبوردات حجرية مثلا.....او ابعتلنا مكتوب من ع المجرات الفضائية؟؟؟

لا هأستقر هناك

9- 3 سنين باذن الله....شايف نفسك ايه....؟؟؟

مدير مبيعات اقليمي سواء هنا أو في مصر و مرتبي يكون دلوقتي * 1.75 أو دلوقتي * 2 و أب لطفلين ... سلمى و ادهم ... راجعت على الأقل ثلث القرآن إن لم يكن نصفه ... اشتريت شقتين ... او أرض

10- بتحب تعمل مقالب....شكلك بتحب.....ايه اجمد مقلب عملته في حد....و طلع من صرصور ودنه.....و ايه المقلب اللي اتعمل فيك و خلي دماااااغك تنور!!

مقلب عملته في زوجتي ... اشتريت عربية من غير ما أقولها .. و دي كانت أول عربية اشتريها في حياتي و اخر طبعاً لأني بعتها قبل ما أجي هنا ... مكنش معايا ولا جنيه .. استلفت فلوسها كلها من واحد صحبي و رحت اشتريتها من غير ميكون معايا رخصة أصلاً ولا اي حاجة ولا كنت بأعرف أسوق لسة واحد صحبي جبهالي العاشر و أنا كملت ... قصدي خبطت ... و مشي الحال و رحت أجيب زوجتي من عند اهلها و هووووووب ... بأقوله متيجي نتمشى كدة سيكا .. و كنت راكن بعيد عن البيت شوية ... و بعدين قولتلها بأقولك متيجي نركب بأة و خلاص .. و رحت رايح ع العربية و بدأت أفتحها فعلاً .. هي الأول فكرتني مجنون و هاموت على اي عربية و بعدين فاكرتني سالفها من واحد صحبي و ما صدقتش انها بتاعتنا غير لما العربية قعدت معانا اسبوع كدة ... ده كان أشد مقلب أو مقاجأة في حياتي

مقلب اتعمل فيا ... صعب أوي يا لماضة ألاقي ... لكن ممن لما كنا في ثانوي و صحابي جروا الكلب ورايا بعد ما اتغدينا .. حكيت عليها في موضوع هنا قبل كدة ... كان مقلب بجد ... و ساعتها كنا ع السطح و عشان اهرب م الكلب طلعت ع السور و كنت هأنط لأنه كان دور أول علوى ... بس ربنا ستر :)

بس خلاص

فوتك بعافية

الله يعافيكي يا رب و يديكي الصحة

صبااااااااااااحك لمبة....تنور في عز الضهر....زي عواميد الكهربا فيكي يا مصر

مكاوى

[shiko]

والله مانت قايم ....

خليك مكانك اثبت ...ارفع ايديك لفوق سلم نفسك ,,,المكان كله محاصر..

1) ايه هو اغلس موقف مريت بيه؟؟

2) اطرف موقف تعرضت ليه؟

3) موقف مر بيك و تتمني أنك ماتكونش فيه أساسا ؟

4) ليك اى علاقة بمنتديات اخرى ؟؟

5) ايه اخر كتاب قريته؟؟

6) حسابك فى ايوتها بنك؟؟

7) بتنام كام ساعة فى اليوم؟؟

8) ضايع منك ايه وموش لاقيه؟؟

9) اجمل الاماكن اللى زرتها واقربها الى قلبك؟؟

10) انسب ابطال من المحاورات لبطولة الافلام دى :

الزعيم

ابو حلموس

زوج فى أجازة

عوكل

الأنتيخ

ميدو مشاكل

عمر المختار

صاحب الجلالة

مسرحية سيدتى الجميلة

بخيت وعديلة

خالتى فرنسا

صباحك فضا ....وكلمات فضفضة :)

تم تعديل 10 مايو 2010 بواسطة shiko

[mekkawy]

والله مانت قايم ....

خليك مكانك اثبت ...ارفع ايديك لفوق سلم نفسك ,,,المكان كله محاصر..

1) ايه هو اغلس موقف مريت بيه؟؟

لما انفصلت عن خطيبتي الأولى بشكل نهائي و خطبت بنت تانية (و انفصلت عنها بردو بعد كدة) و هي عرفت و لأننا كنا قرايب ادتني من المنقى خيار ... حسيت بالغلاسة أوي من نفسي .. بس كل شئ نصيب

2) اطرف موقف تعرضت ليه؟

كنت واخد سلمى و ام سلمى أفسحهم قبل ما أجي هنا و لأني بعت العربية أجرت عربية باة جديدة و شياكة و ايه ... و قرب مدخل اسماعيلية .. و هوووووب ... العربية حلفت ما هي شغالة ... يا ست يهديكي يرضيكي ... أبداااااً .. طب بنزين 92 ... طب مية معدنية ... ولا الهوا .. و اليوم كان حر جداً و كنا ملمعين و مأيفين و سلمى عرقها بقى مرقها و بدات تتنرفز من الحر و من 12 الضهر لحد الساعة 2 و انا بدور على ميكانيكي يصلح العربية اللي مش بتاعتي اساساً ... المهم دارت و مشي الحال و الفسحة كانت حلوة الحمد لله B) بس أجمل حاجة إننا ما اتخلقناش على بعض و ضحكنا و عدت :)

3) موقف مر بيك و تتمني أنك ماتكونش فيه أساسا ؟

لما سلمى تعبت و اتحجزت خمس أيام في المستشفى و كان عندها اشتباه في مرض خطير ... بس ربنا سلم ... عرفتو باة يا حوس هيا ليه سلمى ؟؟ ساعتها كان عندها 5 شهور ... قلت سبحان الله ... لكل انسان نصيب من اسمه.

4) ليك اى علاقة بمنتديات اخرى ؟؟

منتدى الأستاذ عمرو خالد .. لكن ليا فترة منقطع تقريباً

5) ايه اخر كتاب قريته؟؟

المصحف

6) حسابك فى ايوتها بنك؟؟

الراجحي هنا و ان اس جي بي و التمويل المصري السعودي في مصر

7) بتنام كام ساعة فى اليوم؟؟

من 6-8 في العادي و ساعات 4

8) ضايع منك ايه وموش لاقيه؟؟

نفسي

9) اجمل الاماكن اللى زرتها واقربها الى قلبك؟؟

بعد الحرم المكي ... عمان و العريش

10) انسب ابطال من المحاورات لبطولة الافلام دى :

ما بلاش السؤال ده عشان أنا مش ضليع ف الأفلام أوي :) بس خليني أحاول و من غير زعل يا شباب

الزعيم

سين سين

ابو حلموس

أنا يا عم عشان محدش يزعل

زوج فى أجازة

مش عارفه الفلم ده بس شكله كدة واحد لارج ... و انا محبش لإخواتي حد يبا لارج

عوكل

حسام .. ههههههه

الأنتيخ

مش عارفه

ميدو مشاكل

عمر المختار

أبو عمر

صاحب الجلالة

مش عارفه

مسرحية سيدتى الجميلة

نقول ..... رضوى تنفع ... مش عارف ... ما قولتلك بلاش السؤال ده

بخيت وعديلة

مبروك عليكي البطولة يا شيكو و اختاري انتي باة حد يشاركك

خالتى فرنسا

لماضة ... هههههه ... و من غير زعل

صباحك فضا ....وكلمات فضفضة :)

مكاوى ... مخرج العواطف

[لماضة مصرية جدا]

خالتى فرنسا

لماضة ... هههههه ... و من غير زعل

مكاوى ... مخرج العواطف

يا سنة سوخة يا ولاااااااااااااد

بقي بعد الجامعة الامريكية و الادب الانجليزي....و الايام الهاي فاي شاي ناي اللي عشناها فيكي يا مصر

تقولي خالتشي فرنسا

طب و ربنا المعبووووووووووود لانت واخد بالكسرولة علي دماغك...اوديكي فين يا عافية

و عاملي يوسف شاهين في فيلم العتبة جزاز و السلم نايلو في نايلو....

يا ابني رووووووووووح ذاكرتاااااااريخ سينمائي و بعدين تعالي كلمنا

لماااااااااضة دي تبقي

متشيحة حاتشم

مراسل قطشاع الاخبار

القاهرة

خود قرطف دي :)

متاكولهااااااااش عارفاك...

و ابقي ركز في الاجابة....ده الماتش متذاع ع الهوا من استاد الكلية الحربية.... :)

فوتك بفأفؤة علي دماغك...اثار العدوان الغاشم بالكسرولة (وش سراج منير في فيلم عنتر و لبلب... B) )

[joo]

معلش يا مكاوى يا حبيبى انا عارفهم مش هيسبوك فى حالك

معلش هانت :)

[mekkawy]

معلش يا مكاوى يا حبيبى انا عارفهم مش هيسبوك فى حالك

معلش هانت :)

شفت يا جوو اللي حصلي .. ده انا تشلوحت آخر شلوحة يا شيخ ... انا بقيت مش نافع خالص :)

الله المستعان ... ربنا يعدينا منها على خير يا ولدي

مكاوى

[pink rose]

يا عيني على اللي حصلك يا مكاوي يا ابني :)

معلش اصبر و احتسب و ان شاء الله في ميزان حسناتك

عارف انا اول مرة اكتب في التوبيك دا و الله بس اول ما عرفت انك انت اللي محشور فيه قولت ما بدهاش اجي ارمي التماسي

اشمعنى انا يعني :)

س سؤال اول: التزمت امتى و ازاي ؟ احكي بالتفصيل الممل

س سؤال تاني :بتقول عندك 25 سنة و نص و ما شاء الله سلمى ربنا يحميها و يبارك فيها عندها سنة يعني اتجوزت بدري ايه رأيك في الزواج المبكر سواء للراجل او للست؟

س سؤال تالت :مين قدوتك في الحياة و ليه؟

س سؤال رابع :ايه هي احلامك و بتعمل ايه عشان تحققها؟

بس خلاص شوفت اختك ريمو طيبة ازاي؟

تم تعديل 10 مايو 2010 بواسطة remo