كرسي الأعتراف 2 ( حاليآ الفاضلة Dreamwithme )

[اغابي]

ايه دااه ... ايه دااه :)

ايه الزحمة دى - هو انا اغيب يوم علشان عندى شوية مذاكرة متاخرة ....اجى الاقى كل دووول B)

لماضة وزوهير وجو و رضوى و ضحى وريمو و عاشق وHOSAM ABDELFATAH و the consultant

برافوو عليكم يا جماعة - تصفيق حاد للجميع

وايه الاسئلة الجامدة اللى تعور دى :)

المفروض توقيعك دلوقتى يامكاوى يبقي

مكاوى اصابات

اغابي

:)

[mekkawy]

يا عيني على اللي حصلك يا مكاوي يا ابني :)

شفتي يا أخت ريمو :)

معلش اصبر و احتسب و ان شاء الله في ميزان حسناتك

منه لله اللي في بالي بأة .. لأ منهم مش منه

عارف انا اول مرة اكتب في التوبيك دا و الله بس اول ما عرفت انك انت اللي محشور فيه قولت ما بدهاش اجي ارمي التماسي

اشمعنى انا يعني B)

و الله أنا سعيد إني عنصر جذب للسياح أمثال حضرتك و اخويا كونسالتانت اللي أمتعنى بحواره الراقي الجميل

س سؤال اول: التزمت امتى و ازاي ؟ احكي بالتفصيل الممل

التزمت في أواخر 3 كلية كدة يعني في أوائل 2004 كدة ... اللي حصل إن عوامل الالتزام اجتمعت عليا ... كان ليا شلة كدة و كان فيها بنات و صبيان .. قوم البنات التزموا و بطلوا يقعدوا معانا و كدة و انا قولت اشمعنى هما يعني و ايه الموضوع و كدة !!! و كان ليا جار الوش ف الوش كان ملتزم جزاه الله عني خير ... مع العلم انه كان شديد جداً جداااااااااً و كان شاب اكبر مني بكام سنة كدة ... الصراحة والدي الله يباركله من حكمته و ذكائه زقه عليا و بدأ يقولي ده في درس مش عارف فين روح احضر .... يصحيني في صلاة الفجر ... بدأت أسمع شرائط عمرو خالد عن الصحوبية و الشات و الحاجات دي ... بدأت أمسح الأغاني واحدة واحدة و شريط شريط و أقرأ قرآن ... نقطة التحول الكاملة كانت اية من كتاب الله و هي أول آية حفظتها من سورة الحديد (ألم يأن للذين آمنوا أن تخشع قلوبهم لذكر الله و ما نزل من الحق ولا يكونوا كالذين أوتوا الكتاب من قبل فطال عليهم الأمد فقست قلوبهم و كثير منهم فاسقون) مكنتش حافظ غيرها و عشان حبيتها كنت بأقرأها كل يوم ... و حفظت آية قبلها و آية بعدها و هكذا لحد ما أتميت سورة الحديد كلها ... بعديها حفظت سورة التوبة و انتظمت باة مع شيخ بفضل الله.

بدأت أخلص كل جميع أي شرايط لعمرو خالد و ما لقتش فيها طب انا بطلت الحاجات دي ... أعمل ايه ؟؟؟ أعبد ربنا ازاي صح ؟؟ و من هنا فهمت ان عمرو خالد مرحلة و بعديها بدأت مرحلة الشيوخ العلماء و طلب العلم و هكذا ... و استمعت لأحكام الصلاة و العبادة الصحيحة و دروس العقيدة و اصلاح القلوب و أخييييييراً استمعت لحكم الغناء و اللحية و ما الى ذلك ... و أطلقت اللحية و كانت المشاكل الطبيعية مع الأهل من الخوف من الأمن و هكذا و حلقت اللحية مرتين في الأول بعد ضعط أهلى ... لكن آخر مرة أطلقتها و من ساعتها بفضل الله ما حلقتهاش و ده كان في أواخر 2004 كدة ... و لما كنت في الأول منفر أهلي مني و بدأت أفهم ... همن كمان بدأوا يحبوا الالتزام و بدأوا يحبوا يصلوا ورايا و والدي كان فخور بيا أوي و والدتي و إخواتي كمان كانوا ييجوا يصلوا التراويح في المسجد علشان يصلوا ورايا ... دلوقتي والدي كمان ملتحي الحمد لله :) و أختي انتقبت .. و خالتي انتقبت :) و بدأت علامات التغيير و الدين تظهر في العيلة كلها عشان أنا فهمت ازاي أحبهم و أحببهم في الدين و الالتزام .. بس بعد مجهوووووود كبير أوي و أخطاء كتيرة لكن كلنا بنتعلم بالوقت

عاوزة أمل من كدة ؟؟؟

س سؤال تاني :بتقول عندك 25 سنة و نص و ما شاء الله سلمى ربنا يحميها و يبارك فيها عندها سنة يعني اتجوزت بدري ايه رأيك في الزواج المبكر سواء للراجل او للست؟

أنا كتبت كتابي 23 سنة الا شهر بالظبط و البناء كان24 سنة الا 3 شهور كدة ... لكن أول خطوبة ليا جااادة كان عندي 21 سنة لكن متوفقتش ... لكن لو كنت اتوفقت كنت هأتجوز و انا 21 ... أنا بأشجع الزواج المبكر جداً و من أنصاره لانها تجربتي و أنا شايفها ناجحة ... حاسس اني كدة هأقدر أربي عيالي و أنا بصحتي و بحكمتي و بخبرتي و في نفس الوقت لما يكبروا هأكون قريب منهم في الفكر و في العادات و هأفهم احتياجاتهم .. لكن لو أنا 36 و ابني عنده 4 سنين ... يعني لو انا 50 هو هيكون 18 ... تفتكري الفرق ده هيسمحلنا نكون اصحاب .؟؟؟ بتهيألي صعب أوي

بالنسبة للست فامتع سنين عمرها ليها و لزوجها بيها هي العشرينات ... لو عدت .. السعادة بتقل .. او متبكونش نفس السعادة .. مع اعترافي بوجودها طبعاً في كل وقت.

س سؤال تالت :مين قدوتك في الحياة و ليه؟

طبعاً كلنا قدوتنا محمد صلى الله عليه و سلم لأنه أنجح نموذج إنساني .... لكن لو دلوقتي ... هتصدقيني لو قلتلك معنديش !!! أنا قدوة نفسي .. مش غرور و الله العظيم ... لكن بحاول أكمل نفسي بكل شئ كويس و ناجح علشان أكون قدوة لغيري

س سؤال رابع :ايه هي احلامك و بتعمل ايه عشان تحققها؟

أحلامي كبيرة أوي بس بسيطة أوي و على مستويات (أسرية .. عملية .. دينية ... اجتماعية .. مادية)

الأسرية: أكون أسرة كبيرة و يكون عندي أقله 6 أبناء (ذكور و اناث مش فارقة) لأني مش عاوز اكون زي والدي .. جوز ال3 عيال و خلاص قاعد لوحده ... انا عاوز دايماً ألاقي اللي يونسني و يسندني .. انا نفسي اكون تحت رجل والدي .. بس مش هينفع طول العمر .. الحياة كدة .. بتروح العيال و بتشوف حالها.

العملية: أنطلب بالاسم في الشركات الكبيرة كأفضل رجل مبيعات في المنطقة .. سواء العربية أو المصرية .. و أسمع جامد أوي في مجال عملي بحد أقصي لعمري وقتها 30 - 35سنة

الدينية: أدى فرض ربنا من حج و زكاة ... و أتم حفظ القرآن .. و أكون داعية لديني بما قدر الله لي من مواهب و أساعد الناس على فهم الدين و الدخول فيه ... و ربنا يعطيني اللي أقدر بيه أساعد كل حد محتاج مساعدة بدون حساب.

الاجتماعية: أن اكون رجل مجتمع من الدرجة الأولى .. يعني ليا معارف كتير في كل مكان ... كبار و صغيرين .. فقرا وأغنياء .. جهلة و مثقفين ... و أن تكون لأسرتي حياة اجتماعية و مناخ اجتماعي متميز علشان اولادي يتعلموا منه كل جميل و يفهموا كل قبيح.

المادية: أنا عاوز أبني بيت و يكون عندي عربيتي الخاصة اللي محدش له فيها حاجة .. مش قسط يعني .. و اعمل المشروع اللي في دماغي و استقر و اتنعم بالحياة كما أباحها الله عز و جل على سن 40 سنة كدة

باعمل ايه بأة ... بأدعي و بأجتهد و باطور نفسي

بس خلاص شوفت اختك ريمو طيبة ازاي؟

طب و الله يا ريت كلهم زيك ... ربنا يكرمك و يبارك فيكي

مكاوى

[mekkawy]

ايه دااه ... ايه دااه :)

ايه الزحمة دى - هو انا اغيب يوم علشان عندى شوية مذاكرة متاخرة ....اجى الاقى كل دووول B)

لماضة وزوهير وجو و رضوى و ضحى وريمو و عاشق وHOSAM ABDELFATAH و the consultant

برافوو عليكم يا جماعة - تصفيق حاد للجميع

وايه الاسئلة الجامدة اللى تعور دى :)

المفروض توقيعك دلوقتى يامكاوى يبقي

مكاوى اصابات

اغابي

:)

تعالى هنا يا اغابي يا حريقة

نازلة تسخين تسخين تسخين في العالم و هم سخنين أشاساً و مش ناقصين سخونية

ألا ما شوفنالك سؤال ولا اتنين تخزي بيهم عين العدو ... انا بأة مش قايم من ع الكرسي الكتكوت ده ألا لما أشوفلك سؤالين هنا

مكاوى ... فايرمان

[the consultant]

اخي العزيز مكاوي اليك الاسئلة الاتية :

1: لا قدر الله حتاخد بنج لاي سبب و الدكتور قالك انك حتخرف اكيد قبل زوال اثره و يمكن تقول حاجات مش عايز تقولها , تحب زوجتك تكون معاك؟

2: من المعروف علميا و عمليا و معمليا ان لما الواحد ميكونش عنده اخوات ولاد خصوصا بيبقى حظ مراته جمييييل لانها بيكون عندها مش بس حماه لا اتنين او تاته . يعني من الاخر كيف تتعامل مع المصادمات الناشئة عن غيرة اخواتك البنات عليك من زوجتك و ايضا ممارسات الحموات الطبيعية؟ و هل ممكن تيجي لحد على حساب الاخر.؟

3: هل ساعات بتحس انك مش انت . او بتحس بالاصطناع؟

4: كنت زمان وانا ملتزم (الله يعيد هذه الايام) بحس ان الموت شئ عادي و انا في انتظاره و متذكرة 24/7 هل تشعر بذلك الان؟

5: متى يتملك الخوف من مكاوي ؟

6: هل كان نفسك في ولد؟

7: بما انك من مؤيدي الزواج الثاني , هل تقبل عريس لسلمى متدين و على خلق و متزوج و لديه طفلة؟ ( على فكرة مش معنى كدة اني ضد على فكرة لاااااااا. )

6: هل تعتقد ان الاسئلة خلصت و لا كنت متوقع المزيد؟

[mekkawy]

اخي العزيز مكاوي اليك الاسئلة الاتية :

1: لا قدر الله حتاخد بنج لاي سبب و الدكتور قالك انك حتخرف اكيد قبل زوال اثره و يمكن تقول حاجات مش عايز تقولها , تحب زوجتك تكون معاك؟

لأ

2: من المعروف علميا و عمليا و معمليا ان لما الواحد ميكونش عنده اخوات ولاد خصوصا بيبقى حظ مراته جمييييل لانها بيكون عندها مش بس حماه لا اتنين او تاته . يعني من الاخر كيف تتعامل مع المصادمات الناشئة عن غيرة اخواتك البنات عليك من زوجتك و ايضا ممارسات الحموات الطبيعية؟ و هل ممكن تيجي لحد على حساب الاخر.؟

الموضوع ده شديد أوي على أي راجل إن العلاقة تكون متوترة بين زوجته و أهله .. و صياغة العلاقة دي صعبة أوي .. و الصياغة محتاج صياعة md2: .. أنا منفض إيدي تماماً من الموضوع ده .. هم حرين في علاقتهم مع بعض بس محدش يشتكي و محدش يقلب عليا أنا ... لو لقيت زوجتي بتشتكي بأقولها انا ما بأدخلش بينكم .. لو لقيت إخواتي بيشتكوا .. نفس الرد .. طالما أنه لم يحدث خطأ من الطرفين لأنها غالباً بتكون حاجات .. اسف في اللفظ .. بسيطة و تعدي .. دي طبيعة النساء .. شد و جذب و غيرة و حب امتلاك .. لكن بالنسبة ليا الأمور بيس الحمد لله.

3: هل ساعات بتحس انك مش انت . او بتحس بالاصطناع؟

لأ

4: كنت زمان وانا ملتزم (الله يعيد هذه الايام) بحس ان الموت شئ عادي و انا في انتظاره و متذكرة 24/7 هل تشعر بذلك الان؟

للأسف أنا ناسيه أحيان كتير أوي ... الدنيا وخداني بشكل مش عادي

5: متى يتملك الخوف من مكاوي ؟

على زوجتي و بنتي ... (الولد مجبنة مبخلة) الولد يعني الذرية عامة

6: هل كان نفسك في ولد؟

لأ .. كان نفسي في بنت .. البنت في الأول بتهدي اللي بعديها .. الولد بيعفرتهم

7: بما انك من مؤيدي الزواج الثاني , هل تقبل عريس لسلمى متدين و على خلق و متزوج و لديه طفلة؟ ( على فكرة مش معنى كدة اني ضد على فكرة لاااااااا. )

لو هيعدل و هي موافقة ... أكيد مش هأعارض شرع ربنا .. بس لو أول زواج ليها أحبلها تعيش فرحته مع واحد هيعيش نفس الفرحة بنفس الدرجة مش عاشها قبل كدة و اتحرقت الفرحة و لو نصها حتى.

6: هل تعتقد ان الاسئلة خلصت و لا كنت متوقع المزيد؟

انت و مروءتك يا حبيب قلبي :(

مكاوى

[the consultant]

انا بالنسبة ليا خلاص ,ولذلك قررت ان اتنحى اعود الى صفوف الجماهير مقاعد المشاهدين. ( الا لا مؤاخذه لو حصل في الامور امور , مع اني معرفش ازاي ممكن يحصل في الامور امور) بس حتى ذلك الحين انا قاعد مع الجماهير و سوف أ " سيت يو فري" يا ميكي , و اخيرا و ليس باخرا اهنئك مرة اخرى على الاجابات المتزنة التي وإن دلت على شئ دلت عن شخص ملتزم متزن و الله يثبتك يارب و يخليلك سلمى و أم سلمى . بس ابقى اعزمنا في فرحك التاني بقى يا اخي مش ممكن يعني !!! md2:

سؤال اخير / السيده الفاضلة مامت سلمى اعزها الله قاعدة على النت بتبحث في موقع فتافيت عن طريقة عمل الفتوتشيني الفريدو بالكبد و الكلاوي و صوص الكرشة عشان تفاجئك بوجبة معتبرة

في ليلة عيد زاجكو ( سؤال اعتراضي /هل تعتبر عيد الزواج بدعه أم تحتفل به و يقاس عليه عيد ميلاد سلمى و عيد الام و عيد العلم و المعلم ) المهم ملاقيتش الوصفة على فتافيت فذهبت بحسن نية الى العزيز جوجل او اخيه ياهو ووضعت في السيرش بار جملة " الفتوتشيني الفريدو بالكبد و الكلاوي و صوص الكرشة " قام الجوجل رادد عليها بالاتي " هل تقصد " اعترافات مكاوي في محاورات مصريه" راحت قايلة لا انا عايزة "الفتوتشيني الفريدو بالكبد و الكلاوي و صوص الكرشة" ثم استردت وعيها و داست "باك بوتن "......................................فإذا بها تجد كنوز من الاعترافات الموثقة لزوجها و اهمها انه يفكر في الزواج الثاني بجدية ......!!!!!!!!!

اكمل السيناريو و قولي حتعمل ايه عند مواجهتك بالاعترافات . حتنكر و لا حتقر و تقنع و لا هي اصلا مقتنعة و لا حتحور و لا حترفع دعوى على جوجل و تنفعني.

[قلب ابيض]

تسجيل متابعه من زماااااان

واعجابmd2:

مكى سيكا دى بتاعت ولادى بس " كنت فاكره كده"

[pink rose]

فإذا بها تجد كنوز من الاعترافات الموثقة لزوجها و اهمها انه يفكر في الزواج الثاني بجدية ......!!!!!!!!!

ليه يا مكاوي يا ابني كده هاتزعلني منك

و انا بعيد عنك زعلي وحش md2:

[mekkawy]

انا بالنسبة ليا خلاص ,ولذلك قررت ان اتنحى اعود الى صفوف الجماهير مقاعد المشاهدين. ( الا لا مؤاخذه لو حصل في الامور امور , مع اني معرفش ازاي ممكن يحصل في الامور امور) بس حتى ذلك الحين انا قاعد مع الجماهير و سوف أ " سيت يو فري" يا ميكي , و اخيرا و ليس باخرا اهنئك مرة اخرى على الاجابات المتزنة التي وإن دلت على شئ دلت عن شخص ملتزم متزن و الله يثبتك يارب و يخليلك سلمى و أم سلمى . بس ابقى اعزمنا في فرحك التاني بقى يا اخي مش ممكن يعني !!! md2:

اخويا مستشار الخير ... الله يكرمك و بارك الله فيك .. إنت أول واحد يـ (ست مي فرى) و أنا من موقعي هذا بأحييك على روحك الرياضية و أشباحك المتسامحة

سؤال اخير / السيده الفاضلة مامت سلمى اعزها الله قاعدة على النت بتبحث في موقع فتافيت عن طريقة عمل الفتوتشيني الفريدو بالكبد و الكلاوي و صوص الكرشة عشان تفاجئك بوجبة معتبرة

في ليلة عيد زاجكو ( سؤال اعتراضي /هل تعتبر عيد الزواج بدعه أم تحتفل به و يقاس عليه عيد ميلاد سلمى و عيد الام و عيد العلم و المعلم ) المهم ملاقيتش الوصفة على فتافيت فذهبت بحسن نية الى العزيز جوجل او اخيه ياهو ووضعت في السيرش بار جملة " الفتوتشيني الفريدو بالكبد و الكلاوي و صوص الكرشة " قام الجوجل رادد عليها بالاتي " هل تقصد " اعترافات مكاوي في محاورات مصريه" راحت قايلة لا انا عايزة "الفتوتشيني الفريدو بالكبد و الكلاوي و صوص الكرشة" ثم استردت وعيها و داست "باك بوتن "......................................فإذا بها تجد كنوز من الاعترافات الموثقة لزوجها و اهمها انه يفكر في الزواج الثاني بجدية ......!!!!!!!!!

اكمل السيناريو و قولي حتعمل ايه عند مواجهتك بالاعترافات . حتنكر و لا حتقر و تقنع و لا هي اصلا مقتنعة و لا حتحور و لا حترفع دعوى على جوجل و تنفعني.

اختصاراً .. هأحرص إن ده ميحصلش :) ... لكن لو حصل ... ايــــــــــــه دنيا ... الله يرحمك يا عم مكاوى ... كان راجل كويس .... بجدية بردو !!!!

مكاوى ... المغفور له بإذن الله

[mekkawy]

تسجيل متابعه من زماااااان

واعجابmd2:

مكى سيكا دى بتاعت ولادى بس " كنت فاكره كده"

الحمد لله على السلامة و نورتي غرفة التعذيب ... ولاد اللذينة دول خلاص فاضلهم سيكا و يتساقطوا واحد ورا التاني .....

مكاوى ... سيكا من زماااااااااااان

[mekkawy]

فإذا بها تجد كنوز من الاعترافات الموثقة لزوجها و اهمها انه يفكر في الزواج الثاني بجدية ......!!!!!!!!!

ليه يا مكاوي يا ابني كده هاتزعلني منك

و انا بعيد عنك زعلي وحش md2:

و الله ما حد خالص يزعل يا جماعة

مش كوني بفكر بجدية يعني هأنفذ في جدية .. كام مليون حاجة فكرنا فيها و عمرنا ما نفذناها

و أنا لما فعلاً جربت أم سلمى في الكلام في الموضوع ده لقيتها هي كمان بتفكر بجدية (و بجد) في استخدام مهاراتها الخاصة لإنهاء حياتي .. فوصلت لاتفاقية مع نفسي إن العمر مش بعزقة يا بومبو

لكن أنا جاوبت على السؤال بشفافية مش أكتر :)

مكاوى ... شفافية

[pink rose]

فإذا بها تجد كنوز من الاعترافات الموثقة لزوجها و اهمها انه يفكر في الزواج الثاني بجدية ......!!!!!!!!!

ليه يا مكاوي يا ابني كده هاتزعلني منك

و انا بعيد عنك زعلي وحش md2:

و الله ما حد خالص يزعل يا جماعة

مش كوني بفكر بجدية يعني هأنفذ في جدية .. كام مليون حاجة فكرنا فيها و عمرنا ما نفذناها

و أنا لما فعلاً جربت أم سلمى في الكلام في الموضوع ده لقيتها هي كمان بتفكر بجدية (و بجد) في استخدام مهاراتها الخاصة لإنهاء حياتي .. فوصلت لاتفاقية مع نفسي إن العمر مش بعزقة يا بومبو :)

لكن أنا جاوبت على السؤال بشفافية مش أكتر :wub:

مكاوى ... شفافية

انت اللي جيبته لنفسك انا كنت هاكتفي بالمتابعه و اسيب الشباب يقوموا بالواجب

بس يالا ما حدش بياكولها بالساهل :ninja:

تسمحلي ارخم و اغلس عليك و اقرفك في عيشتك و اسالك ايه اللي يخلي شاب ما شاء الله صغير سنا و لسا متجوز و بيقول انه بيحب مراته و بنته لسا عندها سنة يفكر جديا في زواج تاني حتى لو مش هاينفذ جديا؟

كلمة على جنب قول لام سلمى لو احتاجت اي مساعدة ريمو في الخدمة

[mekkawy]

انت اللي جيبته لنفسك انا كنت هاكتفي بالمتابعه و اسيب الشباب يقوموا بالواجب

بس يالا ما حدش بياكولها بالساهل wst::

تسمحلي ارخم و اغلس عليك و اقرفك في عيشتك و اسالك ايه اللي يخلي شاب ما شاء الله صغير سنا و لسا متجوز و بيقول انه بيحب مراته و بنته لسا عندها سنة يفكر جديا في زواج تاني حتى لو مش هاينفذ جديا؟

كلمة على جنب قول لام سلمى لو احتاجت اي مساعدة ريمو في الخدمة :lol:

انا اللي جبت ده كله لنفسي .. أنا اللي جبت ده كله لنفسي :happy:

يخربيت جدياً دي اللي قلبت عليا الدنيا ... بصي أقولك حاجة ... عارفة عم سمير ؟ أبو مكاوى ... هو اللي معرفش يربيني .. أيوة ... عشان أقول جدياً ... دي تربية دي .. واحد يقول جدياً .. بلاش كلام فارغ .... :lol:

هأقولك السبب بمنتهى الشفافية و ده اللي أنا حاسس بيه حتى لو اختلف مع العالم كله بس أنا صريح مع نفسي ... انا نفسي أتجوز تاني عشان حلاوة الجواز الأولاني .. ببساطة.

اللي بيقولك الجواز غلطة و اه و يو و أوه و العالم دي بقولهم كلمة واحدة .. طب مهو لو وحش أوي كدة و قارفكم الجواز ... متسيبوه ... هي عيشة ولا أكتر .. بس للأسف ثقافة ان الجواز غلطة و ندمان عليها انتشرت في مجتمعنا من كتر ما هزرنا بيها ... لكن دي مش حقيقة ... كل انسان سعيد في حياته حتى لو كان فيها مشاكل و أكبر دليل على السعادة دي انه ميقدرش يسيبها.

أنا لو مش سعيد في حياتي هأسيبها و مش هأكملها بالشكل ده .. هي عيشة ولا أكتر ... يا أعيشها سعيد يلا بلاش منها أحسن.

و أفتكر إن أم سلمى هتسعد أو بمساعدتك و مساعدة كل أصحاب القلوب الرحيمة في مشروعها معايا.

مكاوى

[MZohairy]

يانهارك اخضر في فزدقي :lol:

انت عايز تتجوز على مراتك ام عيالك و شريكة حياتك اللي شاركتك في المصاعب و المحن و لما ربنا فتحها عليك هي اول واحده تجازيها؟ wst::

[mekkawy]

يانهارك اخضر في فزدقي wst::

انت عايز تتجوز على مراتك ام عيالك و شريكة حياتك اللي شاركتك في المصاعب و المحن و لما ربنا فتحها عليك هي اول واحده تجازيها؟ :happy:

طبعاً قصدك مفهوم .. بتهدي النفوس .. صح ؟ :lol:

لأ طبعاً .. أنا مش عاوز أتجوز على زوجتي لأنها مهنياني بفضل الله ... بلاش يا عم زهيري الله يسترك البخ في حكاية التعدد دي .. كفاية علينا الحوارات التانية :lol:

مكاوى .. ضحية

[MZohairy]

يا عم انا بستفهم بس :lol:

[mekkawy]

يا عم انا بستفهم بس :lol:

طـــــــيــــــــــــــــــب

و أنا شرير ..معلش ظلمتك

مكاوى

هههههه

[اغابي]

ايـــــه يا جمـــــاعة هى الاســـئلة خلصت من الدنيـــــا

انتم فيــــــن .. .. . .... :gather: :waving:

الشباب اللى مش موجود حد يوصـــل يناديهـــم من علــى القهــــوة :)

مكاااوى يا برنــــس ...... مش حنسيبـــك الا لمـــا تهنــــــج -

مكاوى تشنــــجات :110:

اغابي فايــــر

:cry1:

[mekkawy]

ايـــــه يا جمـــــاعة هى الاســـئلة خلصت من الدنيـــــا

انتم فيــــــن .. .. . .... :gather: :waving:

الشباب اللى مش موجود حد يوصـــل يناديهـــم من علــى القهــــوة :)

مكاااوى يا برنــــس ...... مش حنسيبـــك الا لمـــا تهنــــــج -

بتهيألي كدة ان أنابيب الغاز هي اللي هنجت يا حريــــــــــــقة

مكاوى تشنــــجات :110:

منك لله يا شيخة .... بطلي هري بأة ... معندكيش اخوات بلاستك

اغابي فايــــر .... آخر حاجة

:cry1:

مكاوى

[mekkawy]

توضيح هام

الأخوة الأفاضل .. نظراً للإلتباس اللي حصل من أحد الأسئلة الخاصة بموضوع الزواج الثاني و ما الذى ذلك

حبيت بس أوضح حاجة .. أنا لما قولت و صرحت بموضوع الزواج الثاني ده كان هدفي اقرار الموضوع و تغيير ثقافة انه خيانة ... و اني اشارك في تغيير نظرة المجتمع للزواج الثاني و ان فعلاً مجتمعنا أصبح في حاجة ليه كأحد حلول مشكلة العنوسة اللي بتزيد يوم عن يوم ... و مشاكل أخرى كثيرة جداً .. تقدروا تقولوا عملت ناصح و حبيت أخدم الفكرة جت على دماغي انا

أما أنا عن نفسي ... فأنا مش هأتجوز و ما بأفكرش اتجوز تاني .. لأني سعيد بزواجي الأولاني .. و لأن أم سلمى أكرم عليا من إني أسببلها أذى معنوى .. في أخرايات يقبلوا ولا يتأذوا ... لكن أنا ما أقدرش ولا أستجرى أعمل مع الانسانة اللي أكرمتني كدة .. مش كدة ده حاجة وحشة .. لأ .. لكن لو هياذيها فهو بالنسبة ليها حاجة وحشة .. مع تقبلنا الكامل له كشرع و دين.

يا رب أكون وضحت وجهة نظري و الرسالة دي ليكي يا غالية يا .........

مكاوى