كرسي الأعتراف 2 ( حاليآ الفاضلة Dreamwithme )

[doha]

لو طلعت بتتكلم إنجليزي انا بدفع الحساب لاني مستفيد منها طول ما انا قاعد ,, قاعد بتكلم معاها وهيا تترجملي وانا أحاول أحفظ ولو طلعت لأ بستأذن منها وبخلع .. هيا دي طريقتي علشان أحاول أتعلم الروسي وكانت طريقة ناجحة بصراحة وإستفدت كتير .. مهو كنت ساعتها لازم أتعلم ياعني لازم أتعلم أتشقلب بقا في إزازة بيرة اعمل الاللي برده هتعلم ..

مش عارفه ليه افتكرت محمد صبحي في مسرحية الهمجي في المشهد لما صاحبه جاب له الاجنبية ( جاكي ) وهو بيقول يلله مش عشاني والله عشان مصر ..

ماعلينا ..

وانا برضه ومن نفس مبدأ محمد صبحي مش عشاني وانما عشان نجيب اجرة الكرسي .. اليك الاسئلة التالية ..

من كلامك عن شرم والطبيعه فيها حسيت انها بجد جنة الله في الارض .. مجرد الكلمات البسيطه الي قلتها عنها نقلت لي الصورة وكأني بشاهدها فمابالك بالزياره الحقيقية لها ..

ياريت لو لسه فاكر تقولنا كده لو جوله سياحيه في شرم الشيخ لفردين .. ايه احسن طريقة يروحوا بيها .. تبع شركه يعني ولا فرداني وشركه ايه في رايك .. وايه احسن وقت يختاروه للزياره دي .. وفي رايك مده قد ايه كافيه عشان يستمتعوا بشرم الشيخ ويشوفوا كل معالمها .. والاهم تعتقد الميزانية المرصوده لحاجه زي كده في حدود كام ..

مع العلم طبعا ان الفردين دول ( مقشفرين ) والميزانية على القد بس برضه ولاد ناس يعني مش وش بهدله ..

و ياريت لو تفصل شويه في الشرح لو عندك وقت .. يعني ياخذوا مواصلات ايه افضل طياره ولا باص وبياخذ وقت قد ايه وينزلوا في قرية سياحيه ولا فين .. بص كل ماتعرفه عن المذكور اعلاه قوله واجرك على الله يابني ..

طبعا دي الدفعة الاولى وان فتحت في موضوع الجبنة هفتح في الدفعه الثانيه ..

ده احنا هنكرموووك ...

[عماد حمدي]

(

13- وانت راجع من السعودية والطيارة ساعة الاقلاع كان شعورك ايه وباصص للسعودية ازاى؟ وكنت سعيد ولا حزين؟

بجد كان أصعب إحساس مر عليا وحصل إنقسام شعور بالفرحة اني نازل مصر .. وفي نفس الوقت شعور داخلي من جوايا أني فشلت في التجربة دي .. وبصراحه شغلي مع الكفيل دا بالذات إداني إنطباع أن السعودية دي بلد متخلفة ولسة عايشين في عصر الجاهلية . وبدو معاشرين خرفان وإبل إزاي هتتعامل بقا انته كشخص متعلم ومثقف معاهم ... فشلت بجد في التأقلم مع الجو الجديد دا ..

لان بالنسبة ليا حصل ما يشبه بالتصادم الفكري النقلة من شرم الشيخ واللي فيها وسفري للسعودية والخلاف الكبير بين البلدين عملي رابكة في دماغي وخلي فيوسات دماغي تضرب حاولت أتأقلم ع الوضع نفسيا ً ع الأقل بصراحة فشلت في كدة وفضلت " فترة شرم "معلقة في ذهني وتفكيري وكنت بقارن السعودية بيها ودا غلط طبعا ً بس دا تفكيري ساعتها .. ويمكن دا السبب اللي خلاني أفشل بصراحة المفروض شرم دي مرحلة وعدت والمفروض أبدأ حياتي بقا من جديد وأتقبل الوضع الجديد وخلاص ..

لكن بصراحة مقدرتش و إتصدمت سواء من عادتهم وتقاليدهم وطريقة اكلهم اللي قرفتني في نفسي وانته عارف طبعا ً ياكل بإيدة وباقي الأكل يرجعة الطبق تاني .. بجد حاجة مقرفة فعلا ً وكفيلي بالذات كان بدوي زهقت فعلا ً وفشلت وبعترف بفشلي دا .. بس بصراحة كرهت السعودية ودي أسوأ أيام وأسوأ فترة عدت عليا .. بس الحمد لله عسي ان تكرهوا شيئا ً وهو خير لكم وطبعا وأكيد إستفدت كتيرررررررررررررررررررر جدا ً

14 - طيب ساعة دخول الطيارة الحدود المصرية لحد ميعاد هبوطها حسيت بايه وكنت بتفكر فى المرحلة الجاية هتكون شكلها ايه؟

تصدق إني ساعتها عيط ونفسي صعبت عليا أوي يا حسام .. وجسمي إترعش كدة .. كنت خايف من نظرة بابا ليا .. كنت خايف من كلام الناس هيقولوا راح مكملش سنة ونزل وناس كتير شمتت فيا .. بس اكتر حاجة وجعتني نظرة بابا ليا حسيت ساعتها انه مش راضي عن تصرفي دا وكان لازم أكمل واواجه المشكلة اللي كنت فيها بطريقة دبلوماسية أكتر وكان عاذرني بردة ..

أجمل لحظة لما ماما جريت عليا واخدتني في حضنها وقعدت تعيط ..

طبعا ً كنت بفكر هعمل اية الفترة الجاية ويمكن دي بردة فكرة كانت مسيطرة عليا .. وكنت عامل حسابي اني نازل هوه شهر وهرجع تاني لكن الكفيل اللي اتفق معايا الجديد .. طلع مش راجل ورجع في كلامه ودا خلاني أكرههم أكتر وأكتر ومبطيقش أسمع كلمة سعودي .. بتنرفزني جدا ً أخدت فتره نقاهه شهر ونص ورضيت بقا بالأمر الواقع وقولت خلاص اللي حصل حصل نزل مكاتب السفريات تاني ولفيت عليهم واحد واحد واجيب الأهرام كل يوم جمعة وكان عندي إحساس أن ربنا هيعوضني علي اللي فاتني دا لحد ما تحدد ميعاد مقابلة لشركة أبوظبي ومكنتش أعرف اني هروح ابوظبي هما كانوا عايزين محاسبين للسعودية وانا رايح ع أساس كدة فجأه لقيتهم كلموا صاحبي وانا صاحبي هيروح الفرع الرئيسي بالسعودية وانا أبوظبي طيب لية ؟؟ قالوا علشان مؤهلاتك هتناسب طبيعة البلد هناك إنجلش وكمبيوتر ولغة تانية ياعني هبرمج المؤهلات دي هناك أفضل من السعودية .. لان المجال والدنيا هناك منفتحه ..

قولت سبحان الله فعلا ً خير اني سبت السعودية ومليش رزق فيها ولحد دلوقت معرفش انا رزقي فين ولا الخير فين .. ممكن تلاقيني عندك في السعودية وممكن أفضل هنا في مصر .. لجد ما اكون في أبوظبي ساعتها أقول خلاص أنا رزقي هناك انما دلوقتي لأ ..

15- لما خرجت من المطار وراكب العربية رايح البيت كنت شايف مصر شكلها ايه وكنت بتراقب تحركات الناس ازاى؟وهل مصر كانت اتغيرت عن مكنت سايبها؟

مصر عرفتها من ريحة الجو مش عارف بقا بس دا شعوري واحساسي تشم الهوا جميل أوي ياااااااااااه إحساس مختلف وجميل جدا ً وماما قاعده جنبي في العربية جايبة معاها سندوتشات جبنة ومربي وحلاوة وكفته وترمس شاي وماية ساقعة وقاعده تأكلني بإيدها وتشربني بإيدها والله كانت بتمسحلي بؤي مكان الأكل .. وانا ولا هنا قاعد بتفرج ع الطريق كاني اول مرة اشوف مصر :closedeyes: .. ومصر ملحقتش تتغير يا حسام دول كلهم 8 شهور .. اعتبرتها رحلة أو بيزنس دخلت فيه وخسرت .. بس وحشني الناس أوي دخلت البيت الساعة 10 بالليل .. إتصلت بصحابي الموجودين ساعتها وقابلتهم في نفس اليوم الساعة 11 بالليل تصدق بقا .. كانوا واحشني اوي يدوب قعدت مع البيت ساعة بالظبط أو أقل ونزلت جري لأصحابي كانوا مش مصدقين نفسهم وسهرنا لحد الفجر نتكلم ونستعيد الذكريات وكان يوم جميل بجد ..

16- تعرف تقولنا ياعمدة ايه المواقف اللى اتصرفت فيها بطريقة كويسة ؟ وايه المواقف اللى ماحسنتش فيها التصرف؟(فترة عملك فى السعودية)

بص يا حسام علشان الموضوع دا يبقي متكامل انا كنت قبل كدا تكلمت عن تجربتي بالعمل بشيء من التفصيل الممل وذكرت فيها طبعا ً انا غلط في اية وتصرفت إزاي واية نوع المشكلة اللي اتحطيط فيها ..

إليكم القصة بالتفصيل الممل الممل ..

قصتي مع الشخص المصري اللي من بلدي في العمل والصراع المرير والضغط النفسي والعصبي اللي مريت بيه وكان نهايتة قررت الإنسحااااب ..

الأول هوه 40 سنة وانا دلوقتي 24 سنة ياعني فارق السن كبير + هوه شغال مبيعات وانا محاسب ياعني هوه في وادي وانا في وادي تاني ..

طوله بالظبط 190 سم تقريبا ً ووزن 95 سم وجسمة كبير وعريض أوي وكف ايده قد نص جسمي الفوقاني .. دا انا لما كنت بسلم عليه كان بيمد 3 صوابع بس يسلم عليا وكانوا كبار !!! وانا يادوب كنت داخل السعودية طولي 170 ووزني 54 زدت شوية وطلعت بقيت 60 بعد اللي حصل ولما نزلت مصر بوزن لقيت نفسي 51 كيلو وطولي 170 علشان بس تتخيلوا المنظر

كان شخص في البداية ولا أروع .. اول ما جيت السعودية هوه اللي استضفني وعمل معايا إللي لو أخويا مش هيعملة قولت يا سبحان الله امال بيخوفونا منهم ليه قبل ما نسافر .. لدرجة أنه جالي اصحابي يزروني ويطمنوا عليا قام بنفسة عملنا كلنا الشاي وجاب فاكهة وقدمها لينا وطلع برا الأوضة خالص علشان نكون ع راحتنا وكل شوية يخش يشقر محتاجين حاجة محتاجين شيء ومعاملة اية سبحان الله واحنا نقول ميرسي ربنا يكرمك يا زوق .. اول لما جيت إداني 100 ريال قالي خاليها معاك إحتياطي لحد ما تقبض رديتها له لانه كان معايا بس عجبني اوي فكرة انه أنسان حساس ومقدّر .. إداني تليفونه قالي لازم تكلم أهلك تطمنهم عليك .. قولت اية الراجل دا مستحيل دا أكيد نازلي من السما .. كان هوه اللي بيطبخ ليا لما كنت بحتاج حاجة من برة ياخدني بسيارتة يوديني أي حتة انا محتاجها . نصائح كتير كان بيدهاني لو حكيتها لحد هيقول ان دا انسان بيحبك فعلاً وبيخاف عليك .. وانا كنت مبسوط جدا ً انه بيعاملني بكل الإحترام والود وقلت هما كدة المصريين أجدع ناس .. وفضل موقف ورا موقف ويوم ورا يوم يحسسني ان مفيش في السعودية كلها غيره .. جت مؤسستي كانوا بيفكروا انهم يفتحوا فرع جديد خاص بصيانة الكمبيوتر وكدا قالهم مفيش غير عماد هوه الأمين هوه الكويس هوه الطيب هوه هوه ... الخ قولت في عقل بالي الراجل دا إنسان فعلاًَ الحمد لله الحمد لله .. استلمت طبعا ً عملي كمحاسب وكدهوت وخلال 3 شهور بقيت بريمو وجوكر ياعني أقدر اعمل أي حاجة في المؤسسة وأسد مكان أي حد لقيت الإهتمام زاد جدا ً من مديري وصاحب العمل وبدأوا يقدروا دا وبقيت بالبلدي كدة ( ع الحجر ) .. لقيت معاملة الشخص دا أتغيرت تجاهل وحسيت بخبث في المعاملة ومكر ودهاء شديد .. قعدت أفتش في نفسي واراجعها واقول يمكن أنا عملت حاجة غصب عني كدة ولا كدة .. ملقيتش بالعكس دا انا كنت بتمني ليه الرضي يرضا .. لقيتة بدأ يذقذق عليا الباشا عمل اية ...؟؟؟

خلانا قاعدين سوا وبنتكلم وقام فاتح التليفون وبدأ بتسجيل الحوار الداير بينا .. وسمعه لصاحب العمل ..

بدأ يألف قصص وأفلام ويوديها لصاحب العمل

بدأ يضرّني في شغلي ومديري بدا يضايق مني

بدأ يسرق فواتير من مكتبي ويخفيها ويطلع عيني عليها .. مستحيل اني اقفل المكتب لان الفواتير كتير جدا جدا جدا وكذا شركة وكذا مورد

بدأ ينقل كل كبيرة وصغيرة عليا للمدير وصاحب العمل

بدأ يخش يفتش في مكتبي ويقلب في الورق طول ما هوه واقف ولما اسالة ياعم بلاش كدة احترم الخصوصية قالي دي مؤسستنا كلنا وعندك صاحب العمل جوة أهو ..

بدأ يفتح دولابي من ورايا معرفش إزاي والاقي اوراق متاخده منه وخصوصياتي

فلوسي ومحفظتي كنت بحطهم جوه الفانلة mf( موابيلي جوه الفانلة :D هعمل اية أكتر من كدا ..لما الموبايل كان بيرن الفايبريشن الأمعاء بتاعتي بتحس بيه !!!!

ورقي في المؤسسة .. ببقي في مكتبي وكفيلي جاي يزورني وانا بقوم لمؤخده أتوضأ ادخل الحمام أطلع اشتري حاجة وباجي لاقي اللي حصل حصل !! هقولة اطلع برة .. في مرة قولتله فعلاً الفلان دا اطلع برة واتنرفزت وخدت موقف وقولتله لو سمحت برة وملكش دعوه بمكتبي .. مش عارف بيجيب المفاتيح منين !!؟؟ المهم قلب الدنيا زعيق وصوت عالي اطلع برة لية هيا مؤسستك دي بتاعنا كلنا وووو جه صاحب العمل .. ايش فيه !!! حكيتلة قالي يصير خير مافي داعي كل يوم صوت عالي وزعيق وو وطلعت انا الغلطان

دا حتي الغسالة الوحيده بتاعت السكن انا وهوه كان بيغسل هدومة وبعد كدا يسيب قطعة واحده بس في الغسالة مركونة علشان انا مغسلش هدومي آل اية الغسالة مشغولة !!! وكنت بستحمل واخد أغسل برة

بدات أجيب أكلي وحاجتي واطبخ لواحدي لقيت حاجاتي بتتسرق .. طيب أعين الرز والمكرونة والسمنة والزيت وكل دا فين في الدولاب !!!

يخليني نايم يقوم مشغل النور ومشغل التليفزيون ع قناه ( بتاعت البنات اللي بيرقصوا دول ) ومعلي ع الآخر ومعنتش بعرف انام ولا اخد راحتي

يجيب أصحاب ليه شكلهم مجرمين والله وأسلوبهم وبيئتهم غريبة أوي وكلام قبيح بيطلع وانا قاعد يارب أروح فين أطلع من هدومي

دي حتي سرق هدومي ..

كان بيروح لصاحب العمل يقولة نقص راتبة هوه بيعمل اية انا ممكن اقعد أعمل كل اللي هوه بيعملة .. ياعم انتة دبلوم صنايع وانا بكالوريس تجارة ودا تخصصي قالي تخصص اية وبطيخ اية اجري اجري انا لو جبت عيل هيعمل اللي انته بتعملة دا !!

وصاحب العمل جاهل أصلا ً وكان بيصدق ؟؟ اقولة يا سيدي " يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ " يقولي متدخلش الدين في الشغل .. مهو سيدنا آدم لولا أكل من التفاحة في الجنة كان زمانا دلوقت ولا فيه مدير ولا محاسب ولا مؤسسة .. قولتله ربنا لا تؤخذنا بما فعل السفهاء منا " يقولي ياعني انا سفيه اقولة معلش لتنزل نار من السما تاخدنا ابقي حيمت نفسي ..

انا اتخنقت من كل عمايلة دي وللأسف معرفتش أدير الموقف بدبلوماسية .. وكنت بتعصب أوي أوي انه إزاي عمل معايا كدة انا عملت لية أية .. أخد رقم أصحابي في وسط ما كنا ع خلاف مع بعض وراح ليهم وصحابي كانوا عارفين كل حاجة قالهم انا بعمل كدا مع عماد علشان أشد عضمة ويتعلم قالولوا ياعم عماد مشكلتة اية ؟؟؟ قاعد يلف عليهم ويدور .. المهم صحابي كلموني قالولي فلان جالنا وكدة وبصراحة كلامة زي السكر وفعلاً بيخاف عليك وانا ألطم ع وشي بيخاف عليا إزاي ؟؟ وسجل ليا وادي صاحب العمل التسجيل بيخاف عليا إزاي وبينقل الكلام بيخاف عليا إزاي ووووو الخ

تاني يوم من بعد ما كان عند أصحابي كتب فيا مذكرة واتهمني فيها بالإهمال انه مش جيت السكن بتاعنا يوم الجمعة اللي هوه الأجازة علشان أصرف الدفاتر للسائقين وكدة .. ( كلمت أصحابي قولتلهم شوفتوا اللي بتقولوا عليه محترم )

انا بقا إتخنقت وإتعصبت ع المدير وصاحب العمل والفلان دا .. قولت يوم الجمعة أجازة للي عاجبة عاجبة مش عاجبة مكتب العمل هنا ادوني نهائي وريحوني .. ودا كان بعد تراكم مشاكل كتير بتحصل معرفش كان سببها اية غير لما عرفت ان الفلان دا هوه اتبع اسلوب ياخدني ويهشتكني ويحسسني انه هوه الواد الاخلاق الطيب المحترم واصاحبة لان مفيش الا هوه وبعد كدا يديني القاضية ..

مديري وصاحب العمل كل يوم تجيلهم أخبار عني زور ومحصلتش وهما يصدقوا يوم ورا يوم لقيت الهجوم تراكم وجه مرة واحده من التلاتة دول مكنتش عارف أصد مين ولا أدافع إزاي وانا لواحدي .. كانوا من النوع اللي يخزّن ومرة واحده يجيب الشريط كلة

زي ما اكون في حرب وقدامي دبابات ومدافع ورشاشات وانا واقف في النص لواحدي عازل من السلاح !!!

مديري كان مصري برده واكبر منه 58 سنة راجل كبرة ومحترم الله وكيل .. دخلت اشتكيت لية اللي بيحصل وغصب عني بكيت وصعب أوي أني أبكي بس غصب عني قالي ( فلان ) بيقول عليك كذا كذا كذا كذا قولتله انته مصدق ؟؟ قالي لا بس لية بيقول كدا انا كنت هتجنن قومت خبط دماغي في الباب كذا مرة من الغضب وكنت منهار ..

مديري طلب مني أراجع الحسابات بتاع الشركات القديمة وكده .. راجعتها طلع ( فلان ) أكبر حرامي ع وجه الأرض !! قولت في نفسي لو وريتهم الورق دا ممكن ( فلان ) يفشكلني تاني وانا مش مستحمل وقعدت أناقش نفسي قولت دي أمانة وهقولها واللي يحصل يحصل عملت التقرير بالفعل وإتهمت فيه ( فلان ) انه حرامي وكلة بالأدلة ..

بدأت العصفورة تزيد من زقزقاتها وانا مازلت لوحدي .. قولت الحل ان اروح اشتغل بعد دوامي في اي حتة لان مش هستحمل كل دا هنا وفي البيت كمان بدات ادور ع دوام تاني لقيت بس فين !!!!

قدام المؤسسة عندنا بالظبط ( الحرامي لما يحب يسرق يستخبي في القسم ) المهم مر 3 شهور وانا زي الباشا برنس البرنس باخد راتبين من هنا ومن هنا والحياه فل اوي وارتحت ع الأقل من وجع الدماغ والعصبية اللي بتجيلي من السكن وهوه معايا ..

استفاجأ انه قاعدين سوا كلنا انا والادارة لقيتة دخل .. قعدنا نتكلم عادي لقيته بيقول ما بلاش انته احنا مخبيين عليك قولتله مخبي اية انته هتخلي الناس تشك فيا لو عندك حاجة قولها .. قام مطلّع من جيبة رقم صاحب العمل اللي بشتغل معاه بعد دوامي .. جابة منين !!!! هقولكم البيه شافني بكلمة قبل كدا بس طبعا ً بألغاز بس اسمة باين ع تليفوني انه سعودي وكدة ... خلاتني نايم وقام سارق تليفوني ومطلع من عليه الرقم واحتفظ بيه .. المهم انا اتأكدت إزاي .. لما هوه طلع ليهم الرقم مكنش يعرف بالظبط انا مكاني فين قولتله خدهم من ايديهم ووريهم مكاني ياعم لو انتة فعلا ً صادق .. قعد يزعق وكان صوتة عالي جدا ً ومستفّز .. مرت الأيام والليالي والبية يألف ليهم في أفلام وقصص .. مديري قالة تعالي عايزك جالة .. قالة انا عملت مع عماد كذا وكذا كذا هوه انسان مش عارف اية واية واية وقعدت يجيب كل الصفات اللي فيه هوه مش فيا انا .. وانا باجي ادافع أحس من نظرات عنيه وتبريئة ليا انه هيكولني وصوتة عالي جدا ً وبحس انه لو عايز يقول لو جدع اتكلم وقاوح معايا وانا شوف هعملك اية .. جسمانيا هوه كان زي الباب طويل وعريض جدا ً وانا كتكوت صغير وزني في الخمسينات ريشة ياعني ..

بدأ يتحكم ويزعق ويتلكك وصاحب العمل اقولة دا حرامي وادي التقرير قالي ياعماد فيما معناه بالمصري كدة ادي العيش لخبازة ولو كا نصة فيما معناه هوه مبيعات بيكسبني 100 الف مثلا اية المانع انه ياخد 20 الف ..

في اللحظة دي عرفت هوه مستمد قوتة منين ؟؟ قولت طيب برده دا سببة اية ... وعمل كدا لية ؟؟

قعد يقرف فيا وزهقني في عيشتي وبجد من كتر ما كنت بكتم في نفسي ,اني مش لاقي حد يقف جنبي حتي صاحب العمل مكنش يقدر يعمل معاه حاجة لانه مبيعات والمبيعات هيا اللي بتجيب الفلوس .. فضلت أكتم في نفسي يوم بعد يوم لحد ما حسيت أني تعبت وجسمي نزل وخسيت أكتر ما انا خاسس وصحتي واعصابي إتدمرت .. بقيت لما كون نايم بعيط غصب عني لاني نفسيتي صعبت عليا لان عمري ما ضريت حد ولا عمري اذيت حد ودايما الناس واخده فكرة عني اني خدوم وبخدم وبساعد لوجه الله .. قولت دا اكيد إبتلاء من الله علشان يشوفني اذا كنت هصبر ولا لا والمؤمن مصاب .. صحيت في يوم والله دراعي اليمين مقدرتش أحركة واعصابي باظت ..

كان بالليل زي ما قولتلكم بيشغل التليفزيون ع قنوات ( استغفر الله ) ويعليه ع الأخر ويخلي النور شغال كل دا وانا نايم ..

بالليل انا كنت بقوم أصلي قيام ليل وكدا أهو علشان ربنا يقف جنبي ويساعدني في اني أصبر ... الاقيه يتريأ عليا ويقولي آل دي برده صلاه التائب ولا صلاه اية انته صليت يمكن 10 ركعات .. ويقعد يستفز فيا وأنا بستغفر ربنا .. لدرجة انه لما كنت بصلي بالليل كان بيفتح الأسبيكر وبيكلم واحده من اياهم ( وانتم عارفين الباقي ) مكنتش عارف اركز في الصلاه ولا اسمع المسخرة اللي كان بيعملها .. قولتله ع فكرة دا أكبر حرام اللي انته بتعملة دا مش كفاية انك مش بتصلي وقعدت أنصحة .. لقيته هب وذعق فيا أنته مالك انته خليك في نفسك ياعم الشيخ دي ( مراتي ) !!!!

مراتك وبتعمل معاها كدا وانا معاك وفاتح الإسبيكر دا انته اية دا شيطان شيطان شيطان !! كل دة في عقل بالي لان لو قولت كدة هيضربني

المهم في مرة من المرات لقيته قرب ليا ورجع قعد يصالحني وكدة وكنت عايز أعرف منه السبب لاكنة كان بيراوغ .. وقالي انا كنت بعاملك كدة علشان تنشف شوية وتتعلم .. واان اقولة خلاص ياعم صافية لبن محصلش حاجة .. انا مجبر اني لازم اكون معاه كويس لانة معايا في كل حتة بيت وشغل .. وهوه فرخة بكشك عن السعودي بطريقة محدش يتخيلها بقولكم طلعت فواتير مزورة لدرجة اني رحت للعملاء أخدت منهم تقارير مكتوبة وارقام تليفوناتهم وعملت تقرير ميخرش المية وبرده كان الأمر عادي .. كان فية اكتر من أني أطلعة حرامي .. لدرجة ان قالي انا اللي بمشي المؤسسة دي وانا اللي بديك راتبك كل أول شهر لولايا ولولا تعبي وشغلي مكنتش أخدت راتبك .. كان مغرور بطريقة رهيبة وقالي انا لو مشيت يابني المؤسسة هتقف انما انتة لو مشيت بكرة نجيب بدل المحاسب 10 وانتة بتعمل اية أصلا ً دا اي عيل بيعرف يقرا ويكتب يعمل اللي انته بتعملة ..

كرهني في المحاسبة والمحاسبين وكل اللي يفكر يدخل كلية تجارة أصلا ً .. وانا شخصيا ً مكنتش بستفاد أي خبرة خالص بل بالعكس كل يوم كان بيعدي كانت ذاكرتي بتقل وبنسي كل اللي اتعلمتة في شركتي هنا في مصر والكلية ونسيت الإنجليزي خالص ..

المهم قالي مش عيب تقول لصاحب العمل اني حرامي .. قولتلة دا شغلي وانا بعمل اللي ربنا هيحاسبني عليه يوم القيامة قالي بس خليك قدها بقا يا حلو .. انا خوفت مش علشان انا بعمل حاجة غلط بس علشان اان عارف انه ممكن يأذيني باي طريقة تانية ..

الكفيل دا بقا عرفت ساعتها انه حمااااااااااااااااااااااار بقولة دا بيسرقك وأدي التقرير وانتة بتتسرق يابا الحاج ياااااااااااااااااااااااااااارد وكانه بيتكيف من اللي بيديلة ع قفاه .. قولت اية المؤسسة السيس دي المهم المدير المصري 58 سنة دا كان بيعتبرني فعلاً اني زي ابنة والله بجد دا كان راجل فوق الوصف وكان بيقف في صفي كتير جدا ً جدا ً المهم جمعنا كلنا انا والفلان التاني وهوه وقفل علينا الاوضة وقالنا مش عيب اننا مصريين ونعمل كدا في بعض مش عيب اللي بيخصل دا .. عماد اعتبرة ابنك او اخوك الصغير عيب كدا .. لقيت التاني بنفس أسلوبة المستفز الصوت العالي وذكر صفات مش موجوده فيا بل بالعكس موجوده عنده هوه .. وكان بيذكر للمدير المصري دا انه بيشيل صحابي شيل وانه مش مخليني محتاج حاجة بيذكر كل المحاسن اللي عملها معايا في الأول .. مع ان صحابي اقسم بالله مفيش الا هيا مرة واحده بس اللي جم ليا في الأول .. دا بقا مسكها في كل قاعدة انا بعمل كذا لية وهوه مش عارف اية واية واية ..

المهم خلصنا الحوار وصافية لبن وكله تمام قدام المصري دا .. يدوب نطلع من عنده الاقيه برده يقرف فيا .. يبقي كدا ذكي جدا جدا جدا

انه وصل للمدير المصري انه هوه جدع معايا اهوه بس من وراه بيديني كل قلم والتاني ..

لو حصل بقا اي مشكلة يبقي ابان انا اني السبب فيها دي الخطة اللي كان بيلعب عليها .. قولت للمدير المصري دا انته من جواك شاكك فيا ومصدقة بس اقسملك بالله اني هيجي اليوم وتعرف الحقيقة .. والحمد لله صدقني وبقا بيخاف من الراجل دا هوه كمان وقال عليه انه مش سهل وكدا .. وبدا المدير دا يقرب ليا تاني ويحبني زي الأول وكدة .. الفلان دا معجبوش الوضع لقيتة سحب معايا ناعم وقالي هقولك ع سر بس اوعي تقولوا لحد قولتله قول .. قالي عارف مين اللي كان قايلي اسجلك ؟؟ قولتله مين

قالي المدير المصري !!!!!!! يا نهار ابيض ؟؟ طيب لية وعلشان اية دا انا من دور اولادة وطبعا ً طلع كداب وكان عايز يوقع بيني وبينه وكل دا وصاحب العمل قاعد حاطط رجل ع رجل وكان كل ما يشوفنا اتصالحنا يقوم بدورة هوه كمان ويفقع اسفين في دا وفي دا علشان كل واحد عارف حاجة عن التاني يقولها وهوه الكسبان في الأخر ..

صاحب العمل فتح مكتب تاني وقالي هتخلص شغلك هنا وتروح هناك وهنصرف ليك اوفر تايم مبلغ قد كذا .. قولت والله كويس اهو كدا الشغل واسيبني من الشغل برة وارجع هنا في مؤسستي اينعم المبلغ بسيط بس أهو أفضل ..

روحت للشغل التاني أعتذرت ليهم اني مش هقدر أكمل .. تفاجأت بصاحب العمل بيقولي انا عايزك ان شالله تجيلي يوم واحد في الأسبوع وهديك نفس الراتب !! قولت يا بركة دعا الوالدين الحمد لله واشكرك ع تقدريك ليا

قولت سبحان الله اهو دا سعودي ودا سعودي والفرق !!! المهم فلان عرف اني همسك المكتب التاني واتابع هناك مع العملاء وهاخد مبلغ ق كذا كل شهر بالإضافة الي راتبي ومديري المصري كتب فيا تقرير محترم جزاه الله كل خير ..

التاني عمل اية بقا دمه اتحرق طبعا ً قال لصاحب العمل وفّر اللي هتديهوله وانا هعملك شغلك هناك ولو قصرت فية اخصم من راتبي كل اللي انته كنت هتدهوني !!! ياعني هيضحي براتبة مقابل اني مستفدتش باي حاجة

صاحب العمل قال فكرة ممتازة أهو هوفر ولو هوه معملش المطلوب منه هخصم منه .. يبقي اية اللي يخليني ادي لعماد كل شهر قد كذا

تفاجئت بصاحب العمل بعدها بانه بيقول خلاص نلغي الفكرة والمدير المصري بيقولوا لية عماد جاهز وانا قايلة ع الخطة اللي هنمشي عليها قاله فلان هوه اللي هيعملها .. قولت يا خبر أبيض دا انتة راتبك أضعاف راتبي تستخسر فيا قرشين زيادة هخدهم مقابل تعبي

المهم فعلاً كان بيعمل الفواتير بيجمعها وبيجيلي المكتب يرميها ع المكتب عندي ويقولي دول يخلصم دلوقتي حالا ً اقولة انا ادري باية اللي بخلص دلوقتي واللي مش يخلص وعندك مديري روح قولة الكلام دا !!! المهم كان بيروح لمديري دا وكان دايما ً بيكسفة ..

فكان بيعمل اية .. المفروض اني اعمل مثا ً مستخلص يوم 1 يناير مثلا ً والمفروض يكون فية فواتير الشهر دا كلة .. كان بيديني نصها ويركن النص التاني .. يجي صاحب العمل يقولي معملتش المستخلص ليه أقولة الفواتير ناقصة يقولي ناقصة لية اقولة فلان مش جابها .. يقوم خاصم مني فلوس من مرتبي ويقولي تبقي تكتب مذكرة بعد كدا وترفعها لمديرك ..

يجي الشهر اللي بعده يكرر نفس اللي عملة أقوم كاتب مذكرة .. يقوم داخل مكتبي من ورايا ودافس الفواتير الناقصة من عندي في درج مكتبي .. ويقول لصاحب العمل انا مديلة الفواتير بايدي دا بيتبلا عليا وتعالي معايا اوريهوملك علشان تصدقني .. يجي صاحب العمل يدخل مكتب يلاقي فعلاً الفواتير !!!! وانا هتجن جات منين الفواتير دي منين ودخلت المكتب إزاي .. وعقلي هيشط

بقا أي حاجة بعد كدا يقولها لصاحب العمل كان بيصدقها .. لانه اثبتلة انه طيوب وامور ومظلوم .. والله الوحيد الأعلم والمطلع ..

لقيت صاحب العمل بقا بيتربصلي وبقا منظري زفت تاني قدام مديري المصري وقدام صاحب العمل واولادة ..

وكنت بدعي ربنا سبحانه وتعالي انه يخرجني برة المؤسسة دي بأي طريقة ..

يوم الخميس كان عندي شغل في المؤسسة التنية بعد دوامي لقيتة اتصل بأخو كفيلي وقالة عماد طلع بيشتغل مع الناس اللي قدامنا ولقيته جاي واتقفشت .. اصابتني الرهبة من الموقف بالرغم اني بتمني اني أمشي لكن الموقف كان غريب عليا .. جم اتلموا صاحب المؤسسة واخواته والفلان دا والمدير المصري .. وانا تعاملت مع الموقف بكل بروووود وقعدت حطيت رجل ع رجل المهم قالوا اني هسلم شغلي لواحد هيجي واخد خروج نهائي ..طبعا ً كان عندهم إعتقاد أني بايع دهب أمي وبعت حته الأرض اللي عندنا وتكبت كل هذه المصاريف علشان اروح الجنة ( السعودية ) وكانوا معتقدين ان كدة هيمشوني بقا بمزاجهم .. قلتهم اوي اوي مفيش مشاكل خروج نهائي خروج نهائي ولا هتفرق معايا دا انتوا كدا رحمتوني ...

المهم لما لقوني فعلاً مستبيع القضية وفعلاً نويت .. صاحب العمل كلمني كذا مرة ومديري واخوات صاحب العمل وانا مازلت عند موقفي هاخد نهائي ياعني هاخد نهائي .. صاحب المؤسسة جالي وقال ياعماد انا مستعد الغي القرار دا بس تعمل الأتي :-

مرتبك زي ما هوه مفيش زيادات خالص

هتخلص شغلك الساعة 5 السيارة هتيجي تخدك وتوديك البيت لو اتصلت وعرفت انك مش موجود في البيت سيخصم 3 ايام ولو اتكررت تاني هيخصم اسبوع الي ان يصل الخصم لشهر .. مفيش حاجة اسمها اصل انا رايح عند صحابي ولا رايح عند قرايبي ولا عايز تخرج قولتة طيب يوم الجمعة قالي ولا يوم الجمعة تقعد وتتابع شغلك وان اثبت كفائتك هزودك 200 ريال في اول شهر مارس الجاي .. قولتله كل دا علي اية ياعني وبناء ً علي اية سيادتك حاسس اني هقبل الوضع دا .. قالي انتة عارف انته هتبقي خسران قد اية هتبقي خسران ما لا يقل عن 20 الف ريال قولتلة (( خسارة قريبة افضل من مكسب بعيد )) في الجزمة !! انا اللي بجيب الفلوس مش هيا اللي بتجيبني وبعدين انا لسة صغير في السن ومش ورايا اي التزمات وحر نفسي مش مشكلة المهم لما لقي ان مفيش فايده بعتلي اخوه وابنة كلموني وكل واحد جايبلي عرض شكل مقابل اني أستمر وانا اقولهم لأ .. كل واحد اصدر قرار يبقي قد كلمتة وإلا مكنش أصدره !!!

نرفزتهم جدا جدا النقطة دي .. قالوا بقا مفيش غير حل واحد هنضغط عليه إزاي .. الفلان لعب دورة بقا قالهم مشوه وانا هجيبلكم محاسب براقبته وهنديلة مرتب اقل من اللي كان بياخده عماد بس لازم نعلمة الأدب علشان ميكررهاش تاني وانا واقف ورا الباب سامع كل دا .. قالوا اية بقا ........ يخصم من السيد عماد الأتي :-

عدوا بقا ..

أولا ً كان فية راتب شهرين مش اخدتهم متأخرين .يخصمم

ثانيا ً تخصم ثمن الإقامة 750 ريال

ثالثاً يخصم تمن التأمين الطبي 845 ريال

رابعا ً تخصم 250 ريال ثمن الكروت الشخصية اللي المؤسسة عملتها

خامسا ً هيعملوا اعلان في الجرنال انه االمؤسسة هتديني نهائي واي حد ليه مستحقات او مطالبات ع المذكور سرعة التوجه للمؤسسة في خلال اسبوع ولاخلاء المسؤلية جري النشر .. يخصم ثمن الإعلان 250 ريال

سادسا ً المذكور يسافر ع حسابة الخاص

سابعا ً توقيع جزاء 5000 ريال تخصم من المذكور لإرتكابة مخالفة العمل لدي الغير بعد الدوام

بعد ما عملوا القرار دا .. توقعوا 100 % اني خلاص هقبل بالوضع .. قالولي لو كملت معانا وتمشي بشروطنا ونبيك مثل الريموت كنترول مش هنخصم عليك شيء .. قولتلهم مش هكمل وفلوسكم هتكون جاهزة في خلال أسبوع .. اتجننوا وفلان دا اتهبل المهم مديري المصري يجبني يمين يجبني شمال قولتله والله ما اقعد فيها تاني ع اية خسرت صحتي وأعصابي وفلوسي ومش مستفاد أي حاجة ع اية دا كلة في الجزمة ولازم يعرف اني مش من النوع اللي بريال تجيبني يمين وبريال تجيبني شمال ... بس شرط هعمل اللي انتم عايزينة بس إخلاء طرف من المؤسسة ليا .. فلان سمع الحوار دا .. طار ع الكفيل قالة متدوش إخلاء طرف ..!!!

المهم ربك مش بينسي حد .. نموذج المخالصة النهائية وقع في ايدي الحمد لله واخدتة بطريقة غير مشروعة .. + الاعلان اللي نشروه والفكرة اللي جتلهم دي فدي تعتبر إخلاء طرف من المؤسسة و 23 مليون سعودي في المملكة .. فقولت سبحان الله شوف ربنا هداهم لفكرة اية علشان يضروني واهي جت في مصلحتي ..

رميتلهم الفلوس .. وهنا جاء دور الفلان .. قالي عايزك في كلمتين قولتله نعم .. قالي استهدي بالله وقولي انته عايز اية وتكمل معانا !!!!!! ومن جوايا بقول يا نهار مهبب بقا انته السبب في دا كلة وفي الأخر تقولي تأمرنا باية .. كل دا علشان صورتة مع مديري المصري تكون كويسة وزي الفل ..

المهم قولتلة انا خلاص أخدت قرار يقولي انته كدة خسران قولتلة بس كسبان نفسي . انا متعودتش اني اهدر كرامتي قصاد الفلوس .. اسيب الموضوع دا لناس تانية ..

والحمد لله طالع نضيف ولا سرقت ولا نصبت ولا إختلست ولا اي شيء ... بعد ما دفعت الفلوس فضلوا ركنني شهر كامل موقوف عن العمل ومش راضين يخلصولي إجراءات الخروج النهائي .. وكل يوم يتحايلوا عليا .. وانا مازلت عند موقفي

بالمناسبة بعد ما مسكوني وانا شغال عند صاحب عمل تاني بعد دوامي .. قعدوا يصدروا قرارات ولقيت الملف بتاعي اتحشي قرارات اول مرة اشوفها والله العظيم وجزاءات ووو صفوووووووني وصفوا دمي ..

المهم جه فولان وقال لابد ان نشتكيه في مكتب العمل .. قولتله يا اخي اتقي الله بقي اتقي الله خاف ربنا الدنيا مش مستاهلة ان الناس تقطع في بعض ربك شاهد ومطلع اتقي الله والله كل اللي انته بتعملة دا هيقعدلك في ولادك وهيديك العمر وتشوفهم قدام عنيك .. قالي مكلش دعوه انا كدة حر واللي انته عارف تعملة اعملة وقعد ينرفز فيا ويستفزني ... وجالي ساعتها انهيار عصبي ..

مديري المصري قالي بنفسة سافر ياابني وربنا يصلح حالك واهو درس وانتة اتعلمت منه

وانا اتفطرت من البكاء وقعدت أبكي لله سبحانه وتعالي واقولة اديني الصبر يارب الحمد لله ع كل شيء كل دا وانا برده أحسن من غيري يارب قويني وابكي لربنا والحمد لله أخدت خروج نهائي ورجعت أرض الوطن مصر الحبيبة بين أهلي وأصحابي .. ودا جزات البلاوي اللي عملتها في شرم الشيخ وتصفيه حساب وتطهير من الفلوس اللي كستها من البلد دي ..

المهم قبل ما اسافر بكام يوم .. كفيلي كان راح تركيا للمسخرة وقلة الأدب كالعاده .. وكان سايب سيارتة هنا مع واحد هندي المهم الواحد الهندي دا أخدها وخرج بيها ورجعت السيارة مثل البيبسي الكانز متعرفش فين وشها من ضهرها العربية اتفشكلت والواد طالع صاغ سليم وقلت اللهم لا شماته وقعدت أقول حسبي الله ونعم الوكيل ..

جه الكفيل قولتله دا ذنبي علشان انته ظلمتني واديت ودنك لواحد لا يخاف الله .. وادي جزاتك واستعد للباقي انه المنتقم الجبّار ..

المهم بعد فترة من تواجدي بمصر قولت اتصل بصديق ليا هناك اطمن عليه وكدا وتفاجئت ان المؤسسة بتصفي ,, العملاء مش بيسدوا والمؤسسة ماضية شيكات للمودرين ومش منتظمين في الدفع وواخدين قروووض ووو ... وصاحب المؤسسة بدا يصفي وقام ببيع 5 سيارات ليقدر ع السداد .. حينها قولت الحمد لله ربنا أخد حقي ولسة الباقي أشد واعظم ,,

ودي كانت قصتي مع شخص من نفس دولتي ومن نفس المحافظة وتجربتي بالعمل في السعودية

شوفوا بقا انا غلط في اية ولو حد مكاني كان هيعمل اية بصراحة ..

17- تنصح كل شاب وكل فتاة بايه قبل مياخد قرار السفر للخليج لو دول العالم الاول؟

جرب الشغل في مصر الأول .. إن فشلت ففكر في السفر برا مصر لكن تحكم ع شيء قبل ما تجربة لأ ..

18 - هو عمدة بياخد قراراته بعقله ولا بقلبه؟ وليه

بصراحة حسب الموقف ان كان موقف مصيري وطويل الأجل وهيترتب عليه حاجات تانية كتير فأكيد هيبقي بعقلي انما مواقف تانية يبقي القلب .. بس بعد كل اللي حصلي دا فعقلي ثم عقلي ثم عقلي ..

ولا اقولك

كفاية عليك كدة الليلادى واكمل بكره باذن الله

اتمنى كل التوفيق ty:)

وحيااااااااااااااات أبوك كفاية يا حسام انا بقا فيا كهربا تولّد طاقة لـ 100000 مصنع حرام عليك :) mf(

إيدي وصوابعي خلاص بقت بتكتب لواحدها ههههههههههه .. يالا أهو كله إفادة .. :sad:

تم تعديل 31 مايو 2010 بواسطة omda2006

[عماد حمدي]

اية دةعماداخوك الصغير زى القمر ماشاء الله.... وكمان مش مرتبط؟! كويس اوى ممكن بقي انت تمشي وتجيبة نتساهر معاة شوية؟

اية دا انتوا طمعتوا في الولا ولا اية لالالالالالالالالا كلة إلا أحمد .. أنا بقولكم أهو .. ty:)

والله هقوله بجد بس هوه حاليا ً مشغول زي ما قولت في أكاديمية الموهوبين .. بس هقوله ان شاء الله

ع جنب بقا .. طبعا ً انتي مزاجكك دلوقتي ميت فل و 14 متمزجة أوي وانتي شايفاني قاعد بتبهدل وبتكهرب .. ماشي يا سارة ليكي يوم ويكون عطله علشان محدش يجيلك :closedeyes:

تم تعديل 31 مايو 2010 بواسطة omda2006

[عماد حمدي]

أقوم انام انا بقي تصبحوا ع خير ..

أي حد عنده حاجة عايز يشحنها يتفضل يبعتهالي .. موبايلات . كاميرات .. لاب توبات ty:)

نشحن اي شيء ثلاجات غسالات تليفزيونات يالا ألحق اشتريلك شوية كهربا ينفعوك .. :)

الصيف داخل إشحن تكييفك بدل ما النور يقطع وخلقك يبقي ضيق mf( وتشاكل دبّان وشك وتطلعه قرفك ع أم العيال .. :closedeyes:

mf(

قرب قرب قرب الشحن فوري :D

تم تعديل 1 يونيو 2010 بواسطة omda2006

[ساره احمد]

ماشي ياعماد شكرافي زمتك فية حد قلبة طيب كدة زيي :closedeyes: دة انا حتى مسالتكش ولا سؤال

اصل بصراحة الجماعة هنا عملو الواجب وزيادة ty:) شد حيلك

[hOuSsAm]

يا حسام

منك لله انا قاعد من الظهر لحد دلوقتي أجاوب شوية وأستريح شوية واظبط المنتدي بتاعي وارجع تاني لحد ما هنجت

وحياااااااااااااااااااات فاتن حمامة لمطلع كل دا عليك اصبر بس .. انا حاسس اني بتصفي ..

كويز بجد

اجاباتك عجبتنى اوى وكدة ممكن اجيبلك عقد احتراف فى ليبيا :)

هتطلع ايه بس ياعمدة انت عارف ان اخوك غلبان اوى لو طلعتله سحلفة هيقع من طوله

حظك حلو كنت مجهزلك امبارح شوية اسئلة بس النت لاقيته فى البيت فاصل (اوعى تكون دعيت عليا) انا مش ناقص

والله حظك حلو جدا عندى مكتب المراجعة وميت الف مشروع وبتنفخ فى الجيم وبنزل اشترى حجات لاما ليا لاصحابى (ده على اساس انى مندوب مشتريات)

هى عزومة ليك منى عند التورجى واهو صافى يالبن حليب يا قشطة

كام ساعة كدة وادخلك بشوية اسئلة كهربا فولت عاااااااااااااااااااالى (دى محبة مش حاجة تانية)

تم تعديل 1 يونيو 2010 بواسطة HOSAM ABDELFATAH

[لماضة مصرية جدا]

السلام عليكم و رحمة الله و بركاته

ايه يا كابتشن عوماد

ايه بقي....(انا واقفة و حاطة ايدي في وسطي)

انت مش جاوبت ع الاسئلة بتوعي.....ايه بقي؟؟؟؟ا استنصاد يعني و لا ايه؟؟؟

انا كده اتعصب....و لو اتعصبت....هنزل الايقونة بتاعتك المفضلة

اوديكي فين يا عافية

صبااااااااااااااااااحك ايقونات فوق بعضها كدهون

[hOuSsAm]

عمدة

انت كدة تمام وماشى كويز ليك مستقبل يبنى

خد الشوية دول

1- حد أثر فى عماد جدا وعايز تبعتله خطاب شكر (مين هو واثر فيك ازاى)

دكتور فى الجامعة

زميل ليك فى الشغل (اى مكان اشتغلت فيه)

صديق مقرب ليك

حد من العيلة

واحد من المحاورات

2- بنتك ماشاء الله على وش جواز وفـ يوم من الايام بتقولك يا بابا فلان زميلنا فى الشغل عايز يجى يطلب ايدى منك

جه واعد معاك واتعرفت بيه وبتساله عن عيلته wst:: (طلع باباه هو الراجل المصرى اياه بتاع السعودية اللى كان السبب فى حجات وحشة كتيرة)

هتتصرف ازاى؟

هتوافق ولا هترفض وليه؟

طب لو هترفض .......... والوضع اتغير ان ابنك هو اللى عايز يخطب بنت الراجل.......... والواد ركب دماغه وراسه والف سيف لازم يخطبها هتتصرف ازاى ساعتها

طب هما اتجوزوا خلاص موقفك من الراجل بعدها ايه؟

3- هى مصر رايحة فين يا عمدة؟

4- ايه الحجات اللى ناقصة السى فى بتاع عمدة؟

5- ماذا تعنى هذه الكلمات لعمدة

الحرية

الحب

الاخلاص

السعادة

القيد المزدوج

الظلم

الطموح

الاصرار

فيروز

6- امتى عماد يحمل الجواز الاسرائيلى :wub:

7- عماد بعد سنة من العمل فى ابوظبى (وبصراحة كنت مستريح والامور ماشية تمام ..... ربنا يسمع ) جاتله فرصة انه يشتغل فى مكتب من البج فور فى مصر بس المرتب هيبقى ضعيف اوى وعماد لسه بيقول بسم الله. ايه القرار اللى عماد هياخده؟ وليه؟

8- ولا بلاش

بجد يا عماد انا مبسوط بيك اوى وعشان كدة المرة الجاية باذن الله هشد كمان فى الاسئلة

خلى بالك هى كلها كويسة وبتخليك تطلع حجات من جواك انت مكنتش شايفها wst::

بالشفا يا عسل :sad:

[hOuSsAm]

السلام عليكم و رحمة الله و بركاته

ايه يا كابتشن عوماد

ايه بقي....(انا واقفة و حاطة ايدي في وسطي)

انت مش جاوبت ع الاسئلة بتوعي.....ايه بقي؟؟؟؟ا استنصاد يعني و لا ايه؟؟؟

انا كده اتعصب....و لو اتعصبت....هنزل الايقونة بتاعتك المفضلة

اوديكي فين يا عافية

صبااااااااااااااااااحك ايقونات فوق بعضها كدهون

وعليكم السلام

طبعا يا لماضة مش اى حد

هو عماد عنده اولويات وناس ناس

وكلها وسايط

(بينى وبينك انا جيبتله واسطة وزير عشان يرضى يجاوب اسئلتى)

انا لو منك اعند معاه واديها اسئلة فولت عاااااااااااااااااااااااااالى (يعنى من السد العالى على عماد عالطول wst::

اشرب ياعمدة

[اغابي]

عمدة

انت كدة تمام وماشى كويز ليك مستقبل يبنى

خد الشوية دول

1- حد أثر فى عماد جدا وعايز تبعتله خطاب شكر (مين هو واثر فيك ازاى)

دكتور فى الجامعة

زميل ليك فى الشغل (اى مكان اشتغلت فيه)

صديق مقرب ليك

حد من العيلة

واحد من المحاورات

2- بنتك ماشاء الله على وش جواز وفـ يوم من الايام بتقولك يا بابا فلان زميلنا فى الشغل عايز يجى يطلب ايدى منك

جه واعد معاك واتعرفت بيه وبتساله عن عيلته wst:: (طلع باباه هو الراجل المصرى اياه بتاع السعودية اللى كان السبب فى حجات وحشة كتيرة)

هتتصرف ازاى؟

هتوافق ولا هترفض وليه؟

طب لو هترفض .......... والوضع اتغير ان ابنك هو اللى عايز يخطب بنت الراجل.......... والواد ركب دماغه وراسه والف سيف لازم يخطبها هتتصرف ازاى ساعتها

طب هما اتجوزوا خلاص موقفك من الراجل بعدها ايه؟

3- هى مصر رايحة فين يا عمدة؟

4- ايه الحجات اللى ناقصة السى فى بتاع عمدة؟

5- ماذا تعنى هذه الكلمات لعمدة

الحرية

الحب

الاخلاص

السعادة

القيد المزدوج

الظلم

الطموح

الاصرار

فيروز

6- امتى عماد يحمل الجواز الاسرائيلى :sad:

7- عماد بعد سنة من العمل فى ابوظبى (وبصراحة كنت مستريح والامور ماشية تمام ..... ربنا يسمع ) جاتله فرصة انه يشتغل فى مكتب من البج فور فى مصر بس المرتب هيبقى ضعيف اوى وعماد لسه بيقول بسم الله. ايه القرار اللى عماد هياخده؟ وليه؟

8- ولا بلاش

بجد يا عماد انا مبسوط بيك اوى وعشان كدة المرة الجاية باذن الله هشد كمان فى الاسئلة

خلى بالك هى كلها كويسة وبتخليك تطلع حجات من جواك انت مكنتش شايفها wst::

بالشفا يا عسل wst::

ااالله عليك يا حسام - اسئلتك روعة -

الحمدالله انى خلصت من كرسي الاعتراف بخير - قبل ما يوقع فى طريقى حسام :sad:

عقبالك كدا فى القريب العاجل يا حسام - ما نكتفك - و تتكهرب وتبهوق كمان من كتر الفولتات العالية واللى مش عاليه :wub:

اما انت يا عماد جاوب كل سؤال بطريقتك اللى تريحك md2:

الا سؤال واحد تجاوب بالطريقة اللى تريحنا احنا كشعب محاوراتى وبدون لف ودوران او اختصار وهو السؤال الملون فوشيا فوق دااه رقم ( 8 )

السؤال داه مهم اوعى تفلفص منه - جاوب بالتفصيل - بسرعة وخلى بالك المسدس مصوب ناحية ودنك

- ودنك الجميلة الحلوة اللى عاوزة تقرقش ( وش عبد المنعم ابراهيم )

اموت و اعرف عماد حيجاوبه ازاى bv:-

اغابي

حريقة :P

تم تعديل 1 يونيو 2010 بواسطة اغابي

[mekkawy]

عودة الندل

[mekkawy]

حبيب قلبي الجواني عماد حمدي

سخنت يابا ولا لسة .. اظن انت كدة مفكر ان بعد أسئلة حسام خلاص الجو هيهدى .. أحب أقولك .. انسى .. (وش اللمبي في اللي بالك :sad: ) .. لسة قدامك أيام سودا إن شاء الله هنا على البعكوكة .. و من منطلق السواد و الغمقان و الذي منهما .. خد دول ف وشك يابا الحاج

1 - فينك من بر الوالدين ؟ يعني همن راضيين عنك .؟؟ طب لو راضيين .. عشان يعني همن طيبين و كدة .. قصدي أقولك .. انت راضي عن برك ليهم ؟؟

2 - الحب في حياة عماد .. عشناه معاه ... بس تفتكر انه راح منك و مش جاي تاني ولا قلبك طيارة ورق ؟؟ يعني أقصد فاتح قلبك للحب ولا مديله أجازة دوقتي ؟

3 - و انت صغير ... كنت شوضلي و بتاع خناقات ولا كنت هادي و عادي و مادي ؟؟

4 - ايه أكتر حاجة كنت بتحب تعملها في الفصل و اختر من بين الأقواس (النوم - النوم - النوم) ؟

5 - لا بجد أكتر حاجة كنت تحب تعملها في الفصل كانت ايه ؟

6 - مين أكتر مدرس أثر عليك في حياتك سلباً و أكتر مدرس إيجاباً .. و طبعاً هتحكيلنا ليه عشان نتعلم منهم؟؟

7 - هل تغفر ؟؟

8 - عماد شراني ولا مستأنس .. طبعاً كل إنسان فيه جانب كدة و جانب كدة .. بس الغالب عليك ايه ؟

9 - ايه هي مواصفات شريكة حياتك اللي لا يمكن تتخلى عنها ؟

10 - لو خطبت باة فتاة أحلامك و لقيت المواصفات دي مش عندها .. هتعمل ايه ؟؟ هتفك و تقول يا فكيك ولا هتحاول معاها ولا هتجبرها ..؟؟

11 - عماد عمرك عاكست بنت ؟ و احكيلنا باة ايه اللي حصل ... بس ما تتنططش علينا wst:: .. احكي بس اللي حصلك wst:: ؟؟

12 - لو بنتك حبت تتنقب هتقولها ايه .؟؟ و لو بنتك بردو هي نفس البت أو أختها مثلاً .. ما حبتش تتحجب خالص .. هتقولها ايه ؟؟ و هتعمل ايه في الحالتين؟؟

13 - عماد سريع في ايه و بطئ في ايه ... و يا ترى ايه تأثير السرعة و البطئ في حياتك ؟؟

14 - الاستعجـــــــــــــــــــــــال .. انت فين منه و هو فين منك؟؟ و كان ايه تأثيره عليك في حياتك ؟؟

15 - (ربنا يبارك في عمرك يعني مش بنفول عليك) بس قالولك هتموت بكرة بعد الفجر ان شاء الله :wub: ... هتعمل ايه من دلوقتي لساعتها ؟

16 - أغسل وشي و أجيلك باة عشان مترب من الشغل شوية .. طول النهار قاعد ع المكتب يا ربــــــــــــــى

مكاوى ... باك يا بلد

[hOuSsAm]

مكااااااااااااااااوى ............... تسجيل اعجاب ومتابعة

عمدة

اشرب يا حلو wst::

[mekkawy]

عماد ... قوم اقف و انت بتكلمني .. و خود دول في وشك التاني

1 - عماد ... صريح ... ولا بوشين ؟؟؟ خليك صريح مع نفسك و كوووووووب اللي في قلبك بدون حرج

2 - ايه رأيك في الأغاني يا عماد .. بتريح قلبك ولا بتتعبه ؟

3 - بتحب أهل مامتك أكتر ولا أهل باباك ,... و لو إني أظن أهل باباك :sad: (ضحكات شريرررة خبيثة متصلة)

4 - ايه أكتر لون مميز في لبسك .. لون مش ستيل .. يعني أزرق و فوشيا و نبيتي و كدة .؟؟

5 - الاصــــــــــــرار ... فينك منه و فينه منك ... و عمل فيك ايه في حياتك ؟؟

6 - أوصف الآتي في كلمة واحدة أو صفحتين كحد أقصى:

الأب ------>

الأم ------>

الفلوس -->

الأصدقاء -->

الأعداء --->

السيارة -->

النساء --->

الحب ---->

الحكمة --->

الكورة --->

العمل --->

الأخ ----->

مصر ---->

6 - عماد اتقدم و اتقبل و حب خطيبته و حبته و قشطة و بيس .. في كتب الكتاب شرطت و قالتلك .. لازم تشتغل هنا في مصر أنا ما بأسافرش برة ... هتوافق ؟؟؟ (مستوحى من موضوع لماضة ... )

7 - عماد ... سيطــــــــــــرة ؟؟؟

8 - من شهرتك في الكلية باة و دفعة عماد حمدي و بتاع .. يا نجم الشباك ... قولنا إيه أشد موقف الشهرة دي نفعتك فيه .. و ايه أظبط موقف نفعتك فيه (فاهمني طبعاً :wub: ) .... حبيب قلبي يا أبو نسمة.

9 - كلنا كنا بنقلب عيشنا في الكلية و نسترزق .. عماد كان بيقلب عيشه ازاي ولا كنت ضد الحاجات دي ؟؟

10 - رموك في جزيرة و قالولك هنجيلك بعد أسبوع ناخدك ... ايه أول حاجة هتعملها ... و ايه تاني حاجة هتعملها .. و قولنا بأة ايه تالت حاجة هتعملها .. و لما يجولك هتروح معاهم ولا لأ .؟؟ و متسألنيش همن مين wst::

11- لسة صاحي يابا ولا نمت ؟؟

فنيتو .. اب تيل ناو

حد يبصلنا ع الجدع يا جدعان يشوفوا كدة عايش ولا ايه ظروفه ... أصله بيتنفض جامد بزيادة

مكاوى ... اليكترومان

تم تعديل 1 يونيو 2010 بواسطة mekkawy

[عماد حمدي]

حســــام

أيوة أومااااااااااال أصلي هيا ناقصة توارجي وجمبري وكابوريا ناقصة هيا فسفور .. يا أبني بقولك أنا بنور لوحدي دلوقتي ههههههههه

مش محتاجة خالص فسفوريات ...

مقبولة منك العزومة يا حسام ...

لماضة

لالالالالا وهوه أنا أقدر القصة بس أني بجاوب بالترتيب يا لماضة والله مش أكتر سيبك من حسام .. هيوقعنا في بعض

دا واد رخم وكخه :happy: حسام فاضلة كدة مجموعه كهرباء فولت عالي .. وبعد كدة أجيلك أتشحن ع طول

انا دوووووووووووخت والله ايدي وجعتني أوي وبقيت بصدّع وعيني وجعتني وجسمي مكسر من كتر التركيز والقاعده والكتابة

أرحموا من في الأرض يرحمكم من في السماء ... أبوووووووووووووووووووووووس راسكم كفاية :blush2:

عودة الندل

أهلا ً أهلا ً عمو ميكاوي ... منورنا ياخويا براحة عليا بقا دا انتة حبيبي خليك حنين يا مكاوي بالله عليكي ياخي

دا يوم أسود يوم مقعدت ع الكرسي دا .. يالا إعتراف بقا ع السريع

غلطه عمري .. قعادي ع كرسي الإعترااااااااااااااااااااااااف ..

أغابي ..

خليكي انتي كدهوت .. أول ما النار تبرد تخشي تحطي شوية سولار بنزين تنر .. ليكي يوووووووووووووووم

[عماد حمدي]

هو انا هفضل اسال اسئلة لواحدى كدة من غير اجابات ولا حتى حد يدخل يكهرب معايا

يا حسام فية ناس كتير هنا مش عارفيني ولا يعرفوا شخصيتي اية من خلال مداخلاتي .. عارف لو فتحت الموضوع دا عند الـ CMA هتلاقي أمة لا اله إلا الله داخلة .. وشريف وسارة شموا ريحة جلدي وهو بيتسلخ أهم جم جري وكلوا عايز يكرهب ,, cr((: بس شوية كدة وهتلاقي ناس متعرفنيش اصلا ً داخلة تسأل وسؤالهم هيكون إستفسار ع إجابة أنا جاوبتها عليكم وع الناس المقربين ليا في المنتدي .. فبرحب بيهم وأي حد عايز يكهربني أقوله أنته ملكش اخوات صغيرين :sad: ولون أسئلة حسام قوية جدا ً وكفاية أوي انها تطيحني أرضا ً بس ربنا يعيني أسئلتك بجد يا حسام جميلة جدا جدا جدا جدا هاخدها زي ما هي كدا واحطها في مذكراتي هعملها فصل منفصل .. وهخترله أسم مناسب ..

1- عمدة انسان مكافح ومن الشخصيات الذكية وماشاء الله سافر ابوظبى وبذكائه اترقى كتير لحد ممسك منصب فى الادارة العليا فى احدى الشركات العالمية و اول يوم استلامه للعمل دخلتله السكرتيرة مكتبه عشان تعرفه بنفسها وبالمهام المطلوبة منها وفجاة تطلع البت اياها بتاعة انجلترا (فاكرها طبعا)

موقف عماد ساعتها ايه وهل هيبقى فيه اجراء هيتخذه وقولنا بقى اول كام يوم شغل هيبقى شكلهم ايه؟

مممممممم !! اية السؤال الصعب دا ؟؟؟ :happy:

بص مش هبقي فيلسوف وأقول همشي من الشركة ومش ممكن أرجعلها " لأني مستحيل أضحي بمستقبلي وكل اللي وصلتلة دا علشان خاطر حد مهما كان " خاصة ان الفترة دي أنا إلتزمت شوية الحمد لله ,, وكمان مش ممكن أكون حتي سبب في أني أمشيها واقطع رزقها .. وهتبقي فترة فيها صراع نفسي بين رغبتي بتمسكي بوظيفتي ومكانتي واني مش عايز أرجع ليها تاني وبين أني أكون سبب في قطع رزقها ..

لكن خليني أقولك شعوري وتصوري للموقف ساعتها هيكون اية .. هقوم من ع مكتبي وهتعامل معاها كأني معرفهاش خالص وكأنها موظفة جديدة عندي والتعامل هيكون بشكل روتيني وخد بالك هيا هتتقبل دا " في وقت العمل فقط " أما خارج العمل أنا عارفها كويس مبادرة إسترجاع الذكريات هتيجي منها هيا خد بالك .. مش علشان انا توم كروز ولا أحمد عز انا بكلمك كدا علشان أنا عارفها كويس جدا ً ..

بس دي بقا فعلا ً هتكون أصعب لحظات بعيشها في حياتي .. وهيبقي صراع نفسي وضغط عصبي رهيب بس أن شاء الله تعالي ربنا يقدرني وتعدي المحنة دي ع خير ..

و خد بالك دا هيبقي إختبار من ربنا ليا .. أني مضعفش قدام رغباتي .. وأن ربنا عايز يديني أو يوصلي رسالة ما وهيا أنه إداني فلوس ( اللي هيا أكبر إبتلاء ) وإداني سلطة ومركز فالطريق قدامي سهل ومفتوح .. ساعتها بقا ربنا عايز يشوفني هضعف ولا هثبت ع موقفي .. وبجد يا حسام ساعتها ممكن أموت بدري لأني بقع كل وقعة والتانية والحمد لله الواحد بيقومك وبيكمل لكن عمري هيقصر !!.. بس هحاول بأي طريقة أنقلها من مكتبي لأي مكتب مدير تاني غيري ..

2- فاكر طبعا صفر المونديال

تفتكر امتى مصر تقدر تنظم كاس العالم وايه الخطوات الفعلية اللى لازم تبدا فيها من دلوقتى عشان تقدر تنظم البطولة ويتم اختيارها

مليش في الكورة أوي يا حسام معلش السؤال دا أوت .. يا دوب أتابع المباريات الحماسية فقط مصر والجزائر مثلا ً الأهلي والزمالك مباريات كأس العالم خاص الدور النهائي .. أما غير ذلك فليس لي أي إهتمامات بالكورة .. وأضيع وقتي لمشاهدة حاجة تانية أكتر إستفادة ..

3- حملة لويس التاسع عالمنصورة _ فرقت ايه مع عماد عالمستوى الشخصى؟

مش عارف يا حس .. كل اللي أعرفة ان بعد ما السلطان الصالح أيوب مات حصل تكتيم من قبل شجرة الدر ع خبر وفاته وأرسلت بعض الجنود لإستدعاء السلطان الجديد توران شاه ليتولي المنصب وللأسف ساعتها تسرب خبر وفاته وأستغلة التيت ابن التيت أخو لويس التاسع الصغير " عيل واطي " وشن حملة ع المنصورة بس بيبرس الله يباركله دبّر ليهم خطة وقتله لانه كان قائد الحملة دي ساعتها ودا كان يوم 8 فبراير وبقا عيد قومي لمحافظة المنصورة :wub: ( تعليق مني الشاذلي ) ولما جه توران شاه الله يباركلة برده علق عم لويس في دار بن لقمان واسر شوية من العيال التيت اللي معاه بس قعد شهر واحد وبعدين طلع بفدية كبيرة دفعها مقابل إطلاق سراحة هوه وباقي جنوده ..

انا بقا كنت لويس التاسع في السعودية wst:: ودفعت لتوران شاه ( الكفيل ) فدية مقابل إطلاق سراحي .. ونفس المدة اللي إتسجنها لويس هيا نفس المدة اللي اتسجنتها ...

4- عماد من الشخصيات الحيوية والنشيطة واللى جواه طاقة داخلية عالية جدا (بصراحة منبهرين بيها)

ربنا يخليك يا حسام .. كدة هتغرّ في نفسي وبعد كدة لما تعوز تكلمني هتاخد معاد قبلها بشهرين

الطاقة الجميلة دى جاية لعماد منين؟

من بابا طبعا ً ولو اتكلمت عنه لا يكفيني منتدي بأكملة أسطورة بجد مش علشان هوه والدي وأقسم بالله أصدقائي المقربين بيحسدوني أني ليا أب زي الحاج / حمدي .. ياعني دايما ً يحب يتكلم معايا ناوي أعمل اية بيديني مساحة كبيرة من الحوار بنتاقش في كل الأمور سياسة ودين ومحاسبة " لانة كان رئيس حسابات قبل كدة وكمان مدرس مواد تجارية " وفيه تقارب فكري كبير بيني وبينه بالرغم من فارق السن إلا أنه بينزل بتفكيرة لتفكيري علشان يدير الحوار بطريقة مناسبة .. وبجد برتاح أوي لما بقعد أتكلم معاه وبعدين هوا شبابي أوي " فيس بوك منتديات دين سياسة مهتم أوي بأخر تطورات التكنولوجيا سواء الكمبيوتر او الموبايلات وغيرها " موسووووعة شاملة كاملة لما كنت مسافر صحابي كانوا بيزوروه في البيت لمجرد انهم يقعدوا يدردشوا ويتكلموا معاه ونصايحة هايلة بس انا اللي مبسمعش كلامة !! وكان دايما ً رد فعلة يقولي المثل الشهير .. لو عيل صغير قولتلة بلاش تحط ايدك ع السكينة دي علشان متتعورش .. مش هيقتنع إلا لما يتعور وبعد كدة مش هيجي ناحيتها "" بس يبقي غبي لو راحلها تاني .. ومقولة تانية الحياه تجارب بص كل دا كاتبة في مذكراتي بلاش أحرقها .. الملخص ان هوه الدينامو اللي بيديني الطاقة اللي انته تقصدها .. ومن غيره فعلا ً هكون ضايع .. ربنا يخليه ليا يارب

وفرقت فى عماد طول السنين الطويلة اللى فاتت فى ايه؟

طبعا ً بكل تأكيد ..

تفتكر هل ليها اثار جانبية؟

ايوة طبعا ً الشيء الذايد عن حده يتقلب ضدده " دي مقولة بابا برده "

بس لو تقصد ان بابا كمولد للطاقة ليا هل دا لية آثار جانبية ؟؟

يبقي بجد بجد أحييييييييك ع هذا السؤال اللي لمس حاجة جوايا فعلاً بفكر فيها من حين إلي آخر .. بس أعذرني ع إجابة هذا التساؤل لان الحاج بيزور المنتدي هنا وأخاف يتعتر في الموضوع دا .. كفاية اللي فوق :

وايه اللى ممكن توصل ليه فى المستقبل بيها؟

أوصل لحاجات كتير جدا ً أقلها تحقيق حلمي الحالي أستقر بس وانجح في شغلي كمحاسب بعد كدة أطمح أني أخد CMA وأنجح بشغلي وأبقي مدير مالي في شركة أجنبية كبيرة ويوم ما دا كمان يتحقق ومازالت الطاقة موجودة أكيد هتظهر ليا أحلام تانية وتالتة وهكذا .. طول ما فيا نفس هفضل أحلم ,اطمح لمستوي افضل .. لكن واحده واحده .. اللي بيبص فوق ممكن يقع رقبتة تتكسر خلينا نبص لقدام ع قدنا وكل هيجي بأوانه ..

5- فى يوم من الايام عماد جاله تليفون واذا به السيد جمال مبارك وبعد السلام والتحية طلب منك ياعمدة انك تبقى مدير الحملة الانتخابية الجاية لرئاسة الجمهوية (بصرف النظر عن مين مترشح قدامه) وده طبعا لثقته فى ذكائك ومهاراتك الشخصية (خلى بالك العرض مفهوش مجال للاختيار يعنى يا توافق يا تطير رقابتك) wst::

أ - ايه موقف عماد من المكالمة دى وهيتصرف معاها بدبلوماسية ولا هيعمل ايه بالظبط؟

هقولة حاضر وطيب وتحت امر سعادتك .. مهو لكدة لتطير رقبتي .. وهتصرف في إدارة الحملة الإنتخابية دي بكل غباااااااااااااااااء لحد ما هوه يقولي متشكرين ياعمدة نحن في غني عن خدماتك ونشوف واحد احسن منك ياعني هتصرف بنوع من الدبلوماسية وحذر شديد أوي مع العالم دي .. مش معني اني هتعامل بغباء يبقي خلاص بقا غباء غباء لكن مرة كدة ومرة كدة علشان متفقسش

ب - امتى عماد يوافق وامتى يرفض ولو وافق هيوافق ليه ولو هيرفض هيرفض ليه؟

مهو انته بتقول لوافق لرقبتي تطير .. فأخلي رقابتي تطير في حاجة تستاهل !! وبيني وبينك كدة لو مكنش فيها رقاب هتطير هرفض .. ولون عمرة ما يفكر فيا أنا بالذات خاصة بوضعي الأسري الحالي وإنتمائتهم الأخري .. مش لازم أوضح بقا أكتر من كدة

جـ - فى حالة القبول ايه الخطوات اللى هيعملها عماد لضمان نجاح مرشحه؟

ما انا قولتك هتصرف بغباء .. علشان يزهق مني ويصرف نظر

د - الراجل نجح الحمد لله وبقى رئيس الجمهوررية وتمسك بيك اكتر وبقيت دراعه اليمين (اللى لو وجعه هيقطعه وقالك يا عمدتى انت هتبقى المستشار الخاص بتاعى واللى هعتمد عليه فى معظم القرارات. ايه اللى هيقدمه عماد من تحت عبائة رئيس الجمهورية لعمل نقلة نوعية لمصر لحد متوصل لتكون واحدة من الدول المتقدمة.

لا تعليق ومعلش يا حسام بلاش الأسئلة من النوعية دي خلينا من بعيد لبعيد لان ليا ظروفي الخاصة .. أسف جدا ً وأرجوا ان تتقبل موقفي ..

6- هو عماد فكر قبل كدة يسرح بترمس وفل وياسمين على كورنيش المنصورة وحوالين الجامعة؟

ممم لأ طبعا ً بس عملتها في شرم الشيخ بسلاسل فضة .. كنت بجيبهم من عند واحد عندنا هنا وبنزل لمناطق معينة علشان متشردتش بس بصراحة كان موضوع فاشل .. او انا اللي فشلت في تسويق تلك السلعة البسيطة .. بس وانا عندي تقريبا ً 8 سنين أفتكر دا كويس أوي .. كان فية واحده في شارعنا بتعمل تفاح اللي عليه شربات دا وتحط التفاحة في عصاية فاكر انته التفحاية دي .. المهم كانت تقريبا ً ب 10 قروش الواحده .. أخدت منها 10 او 15 واحده وجابتلي صفيحة ثمنة وفيها رمل وثبتت عصي التفاحات فيها وطلعت ع باب الشارع قاعد بنادي ع التفاح والعيال الصغيرة كانت بتيجي تشتري مني .. طبعا ً بابا يومها وراني يوم أسود مش ضرب لكن كلام أقوي من اي ضرب .. وإعتزلت مهنة بيع التفاج أبو شربات :D كان فية افكار مجنونة كتير أوي ..

طيب ايه اللى يخلى عماد يعمل كدة فعلا؟

الشغل مش عيب خالص .. بس أعمل كدا فعلا ً لو الدنيا زنقّت معايا خالص خالص وجالي فقدان ذاكرة نسيت كل الحسابات وكل اللي تعلمته يبقي كدة أسرح بترمس .. لكدة لقعد في البيت أقضر بصل ..

أهو دا شغل ودا شغل .

7- امتى حسام يروح يعمل انترفيو فى شركة ويلاقى الاستاذ عماد حمدى هو المدير العام وبيعمل معايا الانترفيو

يا حسام انا فين وانتة فين ربنا يحرسك يارب ويحميك انته راجل محاسب قد الدنيا .. وان شاء الله انته ماشي في طريق مظبوط بس تبقي تفتكر عمدة تشغلني مساعد ليك ياعم أهو نستفيد منك ERP واخد بالك :D

وايه هو اول سؤال هتساله. (فرصة بردوا الواحد يعمل حسابه للمستقبل :blush2: سعات الاسئلة بتبقى غلسة )

دا بقي هيبقي يوم هولّع فيك بجاااااااااااااااااااز هجيب الموظفين كلهم يكهربوا فيك بص هتموت من الآخر لكدة لتجاوب ع الأسئلة دي ..

1- اية الفرق بين الميزانية والمركز المالي ؟

2- اية الفرق بين الميزانية والموازنة ؟؟

3- اية الفرق بين قيود التسوية وقيود الإقفال ؟

4- إمتة المشتريات تبقي دائنة ؟؟ مش عايزك تقولي لما نلغي القيد أو مردودات لان المردودات دي حساب والمشتريات حساب

5- اية الحساب اللي مبيظهرش في ميزان المراجعة ؟؟

كفاية عليك دول .. وهتتكهرب بردة خد بالك ...

نخش بقا ع أسئلة لمضمض .. شكلها زعل .. بس والله انا قولت أمشي بالترتيب ..

بالله عليكم كفاية حراااااااام انا كلي ع بعضي 52 كيلو شوية الكهربا دول كفاية اوي أبوس راسكم

تم تعديل 1 يونيو 2010 بواسطة omda2006

[عماد حمدي]

1- عماد حمدي...اتجوز شادية....صح..... يا تري شادية بتاعتك انت بقي لازم يكون فيها ايه؟؟؟ و يا رب ميكونشي فيها ايه؟؟؟

بصي يا لمضمض دي مواصفات شادية بتاعتي :-

طبعا ً مش هبقي أهبل وأقول لازم تكون بنت ناس ومحترمة .. أصلي بتنرفز أوي لما حد بيقول كدة .. هوه ياعني فيه حد هيتجوز واحده مش بنت ناس ومش محترمة .. مهي لازم تكون محترمة وبنت ناس .. واللي بجنني خالص بقا آخر حاجة تتقال يقولك وجميلة :blush2:

يا ضغطي من الناس دي ياما ..

بصي هما 12 صفة :- مش جميلة علشان غيري مش يطمع فيها والشباب بيحلق فيها وهيا كدة كده ماما مش هتسيبها غير لما تتنقب مع أني رافض الموضوع دا .. كفاية الحجاب وبس – مش وحشة علشان مقرفش منها وعيني تزوغ برة أنا بردة عايز أحس اني متجوز مش متجوز واحد صاحبي – مش طويلة علشان مرفعشي راسي ليها كل شوية وتكلمني من طراطيف مناخيرها وبعدين رقبتي هتوجعني – مش قصيرة علشان موطيش راسي ليها وأحس اني بكلم بنت خالتي الصغيرة – مش بيضة مثل الشمع – مش سودة زي الشبح – مش متعلمة علشان مش تجادلني كل شوية – مش جاهلة علشان مش تفهمني – مش طخينة علشان مصروف البيت والدراهم اللي هتطير– مش رفيعة زي العصايا يدوب من 45 الي 50 كيلو حلو اوي كدة – مش غنية علشان مش كل شوية تقولي دي فلوسي والكلام دا – مش فقيرة علشان ولادي مش يتعذبوا بعد ما أموت … عايز بنت وسط بين كل الصفات

طبعا ً لازم تكون لمّاحة وبتفهمها وهيا طايرة - ذكية وبتفهم علشان متتعبش قلبي معاه حاسب أنا أكتر حاجة تضايقني الغباء أو اللي بيستغبي عليا - تكون صبورة أوي لأن بجد مش أي واحدة هتنفع معايا عايز واحده بنت أصول تصبر وقت الهنا أديني مهنيها وهديها عنيا الأتنين وقت ما تكون العملية مزنقة المفروض تصبر وتستحمل - مش عايزها رغاية لوك لوك طول الليل والنهار هشيلها ارميها من البلكونة - تكون هادية أوي لاني انا أصلا ً معفرت وبكدة هيكون في تناسب بينا واحد هادي والتاني مجنون - مثقفة وبتحب القراية ومطلعة ع كل جديد - مش شرط تعرف تطبخ لاني مبكلش أصلا ً مش مهتم بالأكل أوي ياعني -

طبعا ً تكون متدينة دا أهم شيء ع فكرة .. لانها هتعيني وقت ما أكسل ..

وتكون متفاهمة وبتتكلم براحة مش زعيق وصوت عالي وش كدة هقوم قايلها خدي هدومك وعند أبوكي مليش خلق أنا ..

طبعا ً أهم صفتين مش عايزهم فيها : الهبل والغباء ..

بجد والله مش عارف فيه بنات كدة ولا انا بحلم .. هوه بصراحة فيه واحده بس يالا بقا مش كل واحد بيتمني حاجة بتتحقق .. ربنا يسهل أهو لو لقيتولي حد اتصلوا بيا من اي خط أرضي ع 090050600 هتلاقوني برد عليكم هوا ... wst::

2- عماد.....كل واحد ليه نصيب من اسمه....يا تري انت فعلا.....يعتمد عليك....(طب انا مزنوقة في قرشين... ).........امتي بتحس ان فيه حد بيعتمد عليك....و ايه الموقف اللي اتصرفت فيه كده مع انك مكنتش مستعدله بوتاتا؟؟؟

الحمد لله والفضل لله انا صاحب صاحبة أوي .. ويعتمد عليه .. حتي لو مكنش في إمكانياتي اني أوفر ليكي الطلب دا " القرشين كمثال " بتصرف وبدور لحد ما ألاقي ولما اياس خالص بتأسف ..

بالنسبة للمواقف والله كتير أوي .. ياعني كمثال لما كنت بشركتي في مصر .. لقيت ناس معينة من صحابي الدنيا مقفلة تقفيلة طين معاهم وانا يدوب كنت بقالي شهرين اتين أو أقل المهم قدرت أقنّع مدير الفرع انه يعيّن صاحبي دا وبالعافية إتعين انتي عرافة الشركات الكبيرة والروتين البايخ بتاعهم .. والحمد لله

موقف تاني اصحابي مثلا ً اللي مسافر دلوقتي ومحتاج حاجة بيتصل بيا أتصرفلة في اللي هوه عايزة لانه عارف اني هحفر وهتشقلب وبعون الله هقدر أتصرف .. وكلة بتساهيل ربنا طبعا ً في الأول والآخر ..

3- علاقتك بالست الوالدة........بلاش تقول حلة محشي....و تقطع قلبي.....عايزين بقي شوية مشاعير

قلبي وروحي وعمري :happy: " محمد فؤاد " انا ماشي في الدنيا دي ببكرة دعاها ورضاها عني ..

ماما دي ياما باعت دهبها علشاني .. علشان تجيبلي كل اللي نفسي فيه

ياما سهرت جنبي وانا تعبان يا ما بكّت بدموع لما كنت بمر بأي أزمة

أحلي لحظة لما بنزل من شقتي اللي فوق ألاقيها قاعده كدة مع نفسها تدعيلي وانا اقولها افتكري اخواتي التانين مش كله ليا .. تاخدني في حضنها وتقعد تعيط وتدعيلي ليل ونهار بسبب او بدون سبب

دايما ً شايفاني راجل يعتمد عليه وانا بصراحة مش مخليها محتاجة أي حاجة لو طلبت عيني بديهالها ..

أيام الكلية صحابي كانوا بيجولي نذاكر كانت تابعة نفسها بجد قاعدة بس تخدمنا .. وتدعيلنا ..

ماما ياااااااااااااه أحسن أم في الدنيا كلها .. دي ممكن تقطع حته من جسمها كدة وتديهاني تتمنالي الرضا تتمنالي النجاح في حياتي .. ماما كلام كتير عايز اقولة وبجد لساني عاجز عن التعبير وأني أوفيها ولو جزء صغير من حقها . أنا ماشي في الدنيا دي ببركة دعاها ليا ورضاها عني ..

بحبك يا أجمل أم في الدنيا .. تصدقي هقوم دلوقتي أبوس رجليها .. مبعرفش أنام وهيا زعلانه مني

المشكلة أنها بتغير من علاقتي مع بابا .. لما بتشوفني دايما ً أغلب الوقت بقعد مع بابا بحس انها بتغيير منه .. بس أعمل اية مبقدرش أزعلها مني ولو زعلتها بجد بحس أني مخنوق جدا ً ..

ماما يا جمل ست في الكون ماما ياللي اتذكر اسم ثلاث مرات والأب مرة واحده ماما يا نبع الحنان والوفاء ماما الحب والإخلاص ماما المشاعر الدافية الحنينه ماما الطيبه الرومانسية ماما شبه نجاه الصغيرة ع فكرة ونفس الصوت :sad: عيلة كلها فنانين >>>

4- مرة ضحكت فيها من قلبك اوي.......ضحكنا معاك بقي

لما بقعد مع نفسي كدة أفتكر لحظات الهبل بتاعتي وانا صغير :-

1- لما كنت في ثالثة إبتدائي اليوم دا مش هنساه أبدا ً كنت بحب واحده زميلتي في الفصل المهم علشان اثبتلها اني بحبها عملت اية بقا .. الصبح بدري قبل طابور المدرسة نمتلها ع طريق الأسفلت قدام المدرسة والفصول اتلمت طبعا ً علشان اثبتلها اني شجاع هههههههههههه وطبعا ً دكتور فتوح مدير المدرسة صيحلي في الطابور .. وكان منظري زبالة

2- موقف تاني برده كان عندي 10 سنين كنت بتفرج علي جمعة الشوال ورأفت الهجان وطلبت معايا أنزل أراقب الناس .. المهم كنت بنزل أصطادلي واحد افضل ماشي وراه وبراقبة وأنا أصلا ً معرفوش بس كنت براقبة وخلاص وكان معايا نوتة صغيرة كدة بكتب فيها تحركات الشخص دا وكنت لابس نظارة الشمس بتاعت ماما الكبيرة اوي دي ولابس طاقية وجاكت نفس الفيلم بالظبط wst::.. من الشخصيات اللي راقبتها واحد كان بيشرب سجاير من وراه أبوه عند محطة القطر وواحده تانية كانت بتقابل واحد برده عند محطة القطر المهم مكدبتش خبر روحت لابوه وأبوها في البيت وكتبت ورقة وإديتهالهم وجريت cr((:

وفي مرة تانية كنت براقب واحده لقيتها رايحة تشتري زبادي ولبن .. وعيش فينو المهم فضلت ماشي وراها وبتسحب والبنت خدت بالها المهم طلعت البيت معرفش انه بيتها المهم سبتها وقولت اروح اصطاد ضحية تانية استفاجأ بواحد جه شدني من قفايا وخدت قلم وقعت ع الأرض انتة مين ياد طااااااااخ طوووووووخ بوووووووووم ورمّني يومها والله ومن ساعتها حرّمت اعمل كدة تاني روحت البيت ماما بتقولي مين اللي شلفطك كدا وتصّوت وانا أقولها أصلي كنت ماشي يا ماما وحسيت أني دايخ كدهوت وقمت خابط في العمود قالتلي عمود اية اللي يعملك كدة هوه عبّط عليك العمود دا قفاك ووشك وارم مين ياولا اللي عمل فيك كدة .. وخلاص

3- موقف بقا تاني كان برده في إبتدائي . سنة خامسة. كان فية مسلسل بتاع عزت أبو عوف لما كان فيه تاجر هيروين كان اسمة حنكورة .. المهم لعبّت في دماغي فكرة الهيروين دي روحت جبت حبوب ريفو بتاعت الصداع ودقتها علي الأرض وعملت زي ما كان بيحصل في المسلسل نظام تذكرة هيروين بس دي تذكرة ريفو .. المهم طلعت الفصل وبين الحصص كنت بطلّع التذكرة دي وأشدلي شمتين وكان منخيري بتحرقني أوي أوي المهم واحد صاحبي شافني وكان عندهم محل بقالة جنب المدرسة المهم الأهبل ابن الهبلة عمل اية راح يقلدني قام جايب علبة الريفو كلها وقعد يتطحن فيها وعمل تذاكر كتير وقعد يوزع ع العيال في المدرسة وهوه بقا شمّام بردة المهم أبوه قفشة وفقعة علقة موووووووووت مين ياد اللي معلمك كدة قالة عماد حمدي ياباشا المهم ابوه راح لبابا ولقيت بابا جاي البيت بقا قعد ع الكرسي ماما قلقت فيه اية يا ابو عماد قاله البيه ابنك بيشرب مخدرات أمي أغمي عليها مخدرااااااااااااااات يا خبر اسوووود 10 سنين وبتشرب مخدرات وتلطم ع وشها وتفوق ويغمي عليها المهم هوه يقولي مخدرات وأنا أقنع فيهم انه والله دا ريفو المهم خدت علقة تمام من ماما ..

صاحبي دا معنتش بكلمة خالص ولا هوه بيكلمني المهم رجعنا صحاب تاني وروحت فايت عليه في البيت لقيت امة طلعتلي من البلكون قالتي حاضر هنديه اهوه لقيتها جايبة جردل مية .. تقريبا ً مية غسيل وقامت مغرقاني .. قعدت أحدفها بقا بالطوب وهيا تشتم وانا احدفها بالطوب جتلها طوبة فوق حواجبها :D

ابو الواد راح لأبويا حكالة اللي حصل ابويا بقا زهق مني قالة بص خد الواد دا انا مليش دعوه بيه اتبريت منه :D

بصي مواقف كتير اوي اوي اوي اوي اوي بقعد أفتكرها مع نفسي كدة واقعد أضحك .. خاصة لما بنكون متجمعين كدة انا وبابا وماما واخواتي يقعدوا يفكروني بعمايلي السودة وانا صغير ونقعد نضحك كلنا بس والله كانت أيام جميلة فعلا ً

5- عندك اخوات بنات......طب لو واحدة منهم جت و حكتلك انها بتحب واد انجليزي...(مش جناب سمو معاليك كنت بتحب واحدة من جزر البلقان باين... :wub: ) اعكس الوضع... يا تري رد فعلك هيبقي ايه

معنديش إخوات بنات مع ان ماما كان نفسها في بنت مكان أحمد بس يالا بقا دا نصيب

بصي رد فعلي هيبقي في حالة من الأتنين : الأول هقعد اتفاهم معاها واحده واحده كدة وبراحة خالص واديها الأمان لحد ما تحكيلي كل حاجة وافهمها ان دا غلط وبعدين حرام أصلا ً لان الراجل المسلم يحق ليه يتزوج أي ملة تانية من أهل الكتاب اما أي راجل من أي ملة تانية مينفعش يتجوز مسلمة .. وهقعد كدة أعرفها ان دا غلط ودول ليهم عادتهم وتقالدهم واحنا لينا عادتنا وتقاليدنا .. بس تصدقي لو هوه إنجليزي ومسلم مفيش عندي مانع تتجوز لان لو مسلم وبيخاف ربنا هطمّن عليها

لو مقتنعتش بقا هوريها الوش التاني

هولّع فيها بجاز .. او أقولك هربطها من ايديها ورجليها وأعلقها بالمتشقلب كدا في المروحه واجيب كهربا وأقعد أكهرب فيها .. لا لالالالا دا مستحيل .. اخت عماد حمدي تعمل كدا يا خبر ابيض ..

بعدين حاجة ع جنب كدا .. وع هامش هذا الحوار ..

يا لماضة الولد ولد والبنت بنت مفيش حاجة أسمها تساوي الرجل بالمرأه وحقوق المرأه والكلام الفاضي دا الراجل لية تصرفات وميعبوش شيء خدي بالك انما البنت سمعّه

6- انت متسربع ليه انك تيجي ابو ظبي.....خنقتني يا جدع........هي حلوة اه....بس برضه....بكرة تندم يا ....(وش توفيق الدقن....العلبة دي فيها ايه؟؟؟؟؟)

لأني زهقت من القاعده وعايز بقا انطلق تاني واشوف مستقبلي خلني أستقر ولو كنا هنتجوز ونعمل القرشينات بدري بدري ونربي العيال ويكون لسة فينا صحة ..

7- ايه الحاجة او الصفة اللي تخليك تخسر صديق......حبيبة؟

الخيــــــــــــــــــــــــــــــــــــــــانة

8- موقف صعب اوي مر عليك.....اتصرفت فيه ازاي؟؟

قولت قبل كدة في إجابتي ع تساؤل حسام ..

10- بلد بتحلم تسافر و تعيش فيها ع طووووووووووول؟ و ليه بقي..(طبعا حاطالك ايدي في وسطي....عشان عارفة احنا نلف نلفو و نرجع للكنانة)

إنجلترا

انا هروح اتعشي دلوقتي....و اتخمد حبة قليلين...و من النجمة هتلاقيني لابدة في التوبيك دوت

مسااااااااااك ساندوتش جبنة بزيتون.......و عليهم مربي مش عارفة ازاي؟؟؟

فوتك بعافية

[عماد حمدي]

عماد ياابني

خد شوية الاسئلة دي ع الماشي

رضوي هااااااااااااانم أهلا ً وسهلا ً فين عصير التفاح الحقي أخوكي بيه والنبي .. :blush2:

- خايف من ايه في الدنيا

خايف أموت علي معصية ..

- امنية نفسك فعلاً تحققها ( غير بتاعت بئر الاسرار )

الأول اطلع ماما وبابا الحج إن شاء الله

بعدين أطمن ع إخواتي وأحطهم ع أول الطريق المظبوط

بعدين أتجوز وأخلف واد كده قلة صغير اربيه بقا ع مزاجي ورقان هدلعه آخر دلع

وطبعا ً أمنيتي أني أكون ناجح في شغلي .. زي ما جاوبتك ع حسام

-قرار ندمت عليه

تصدقيني معنتش بندم ع حاجة عملتها يمكن من فترة قصيرة ندمت أني سبت شركتي في شرم الشيخ وبعدين رجعت قولت دا خير .. بعدين قولت ندمت اني سافرت السعودية وبعدين طلع الأمر برده دا خير .. بصي معنتش بندم ع حاجة وبقيت ببص لقدام ومعنتش هبص ورايا أبدا ً لان دا فعلا ً كان عيب فيا وضحي لمّاحة وإكتشفته .. برواه عليها والله ..

- هواياتك المفضلة

القراءه دي أهم حاجة عندي آخر كتاب قريته " كان لماذا من حولك أغبياء " لشريف عرفة بجد كتاب تحفه أنصحكم تقروه .. وطبعا ً كتب الدكتور ابراهيم الفقي - كتب الكلية بقراها من تاني برده .. بحب القراية اوي اوي اوي اوي ..

الإنترنت طبعا ً والبحث عن كل جديد

لعب البلياردو - شطرنج

- سلبيات مصر ايه ياعماد

كتييييييييرررررررررررررررررر أوي وبلاش لحسن ضحي تيجي تديني ع دماغي الله يخليكي مشوفتيهاش في موضوع " فاضل أربع أيام و 14 ساعة بتاع كيت كات " سلبيات مصر كلنا طبعا ً عارفينها ..

- افضل تخصص في كلية التجارة ؟؟؟ وايه الفرق بين المحاسبة وادراة الاعمال ......... من حيث احتياجات سوق العمل ؟

أفضل تخصص طبعا ً ع حسب كل واحد ياعني ناس بتحب الإدارة وناس إقتصاد وناس محاسبة .. بس الافضل من وجهة نظري المحاسبة .. لأن سوق العمل بيحتاجها أكتر من خريجي الإدارة ..خريجي الإدارة مع إحترامي ليهم فرصهم محدودة جدا جدا جدا زي مثلا غحتاجهم لشغر وظيفة ً سكرتير او التسويق انما المحاسب بيشتغل في اي مجال وفي أي مكان وفي أي حته المستشفيات الشركات الهيئات الحكومية الوزارات اي مجال او أي قطاع لازم يحتاج محاسبين و الإدارة المالية تحت الإدارة العليا لأي مؤسسة أو شركة ..

كمان المحاسب كل يوم بيعدي عليه بيكسب خبرة وسعرة بيزيد عن اليوم اللي قبلة بعد 10 سنين مثلا ً خبرة شوفي بقا تلاقيه مثلا ً أخد خبرة من أول قيود اليومية لحد ما وصل عمل الميزانيات ووصل للمراقب المالي ومدقق الحسابات ياعني التدرج الوظيفي كبير أوي وكل مرحلة فيهم انتي كشخص بتكتسبي خبرة

لو سبتي مثلا ً شركتك دي وحبيتي تنقلي ع شكرة تانية فمش هتبدئي من الصفر خدي بالك من النقطة دي لكن هتبدئي من أخر حاجة وصلتي ليها كمديرة مالية مثلا ً او مدققة حسابات

اما لو سكرتيرة أخرك هتكوني مديرة مكتب ويوم ما تحبي تنقلي ع شركة تانية فهتبدئي من الصفر لان سكرتارية شركة عماد غير حسام غير ضحي غير لماضة فهتضطري تيتدي من الأول ..

وخبرتها ممكن تلميها في وقت أقصاه سنة أو اتنين الأمور الإدارية وشئون العاملين والكلام دا ..

بس نقطة أخيرة وملخص للي فات .. شوفي المحاسب بعد 10 سنين هيبقي اية

والسكرتير بعد 10 سنين هيبقي اية ؟؟

إدارة الأعمال دي أدخلها لما يكون والدي مثلا ً عنده شركة او مصنع كبير في الحالة دي أدخل فعلا ً إدارة دا ممكن كمان أطلع أي بلد تانية أمل دراستي هناك انما طالما دا مش متوفر فاشوف سوق العمل محتاج اية واخده .. والحمد لله طلّع متناسب معايا ..

- شايف بكرة ازاي ؟

شايف بكرة أحلي واجمل من النهارده طول ما انا عايش بحلم بالأفضل والأحسن وأكيد بكرة أحلي طبعا ً

- فكرة مجنونة في دماغك وعايز تعملها ؟

اجيب الكفيل بتاعي أعلقة في دار بن لقمان في المنصورة عندنا ..

- اتعلمت ايه من الدنيا ؟

يا خبر ابيض يا رضوي بقا بعد كل اللي رصيتة دا وكمية الكهربا اللي اتكهربتها دي مش عايزاني أتعلم من الدنيا أتلعمت كتير جدا ً اقري بس انتي أسئلة حسام وشوفي اجابتي عليها بس ع اي حال هختصرهم في نقاط محددة :-

1- الصبر

2- إذا تعثرت فقوم وأكمل المسيرة

3- مبصش ورا ضهري و أبص للنهاردة وبكرة

4- أني مسبش حقي ولن أتنازل عنه

5- اني مثقش في اي حد

6- اكون حذر وحريص

7- مندمش ع حاجة راحت مني لان دا أكيد خير من عند ربنا وندمي مش هيرجع اللي راح

" لا تفكر في المفقود حتى لا تفقد الموجود "

8- ان البئر اللي أشرب منه النهاردة لا أبثق فيه .. لاني سأعود واشرب منه ثاني

9- أرضي بنصيبي وقمستي واقول الحمد لله

دول اللي في زهني دلوقتي بس اكيد فيه حاجات تانية كتيييييرررررررررررررررر جدا ً جدا ً إتعلمتها

- ياتري هتشارك في الانتخابات ؟؟

بصراحة هشارك .. وهعطي صوتي لأي مرشح من الإخوان المسلمين مع أني عند يقين انهم نادر ما بينجحوا والتزوير عال العال بس أهو أكون عملت اللي عليا وموقفي يكون إيجابي ..

- معلش سؤال ع الماشي ............. هو اخوك الصغير دة مرتبط ؟؟؟؟؟؟

ملكوش دعوه بالواد دا خالص أنا قولتلكم أهو ...

[ساره احمد]

علي فكرة ياعماد انا بت طيبة وجدعة وانت كنت صعبان علية ومش عايزة اسالك ولا سؤال وانت مش بتجيب سيرتى غير ف المصايب علشان كدة والله ماهرحمك وقعدت ادور ف الاسئلة سؤال سؤال لحاد ماجبت شوية اسالة مااتسالوش

جاوب بقي ياحلو علي الحاجاد دهية

1_حاجة نفسك تتعلمها؟

2-اية الطبع الوحش اوى فيك ونفسك تغيرة؟وياترى بياثر اوى في شخصيتك؟وبيزعل ناس منك ولا لأ؟

3-وانت مسافر اول مرة حسيت باية وانت بتسلم علي اهلك وخلاص مش هتشوفهم غير بعد سنة؟ومين كنت متاثر اوى وانت بتسلم علية؟

4-انت كل تفكيرك انك تاخد الزمالة طيب لقدر الله لو محصلش نصيب اية البلان بي بتاعتك؟

5-انت ماشاء الله خلاص قربت تتجوز تحب مراتك تبقي بتشتغل وعندها حياه مهنية ولا تقعد في البيت وتهتم باولادها ؟وطيب لية؟

6-يوم رجعت من الشغل تعبان اوى لقيت مراتك زعلانة هتسالها ولا تعمل نفسك مش واخد بالك؟ولو سالتها هتسمع كل كلمة ولا هتعمل نفسك بتسمع وانت مش في بالك؟

7- لو حاطت لنفسك قائمة بالحاجات المهمة جدا اللي نفسك تعملها قبل مايكون عندك 30 سنة اية الحاجات دى وبالترتيب لو سمحت قول عشرة او تمانية

8-لو قابلت واحدة وعجبتك اوى وكنت عايز تتجوزها اية الطبع اللي تتمنى مايكونش فيها؟واية الحاجة اللي نفسك تكون البنت دى زى والدتك فيها؟

9-طيب لو في واحدة دلوقتى هياثر علي قرار سفرك ؟ولا مش هتقدر تبعد عنها؟\

يلا بقي اشتغل brth)

[ساره احمد]

اه حاجة تانية متقعدش تقول مظبطك في الكتب وحاجات المذاكرة انت عارف كويس اوى انى معرفتش انزل ولا كتاب :happy: لحاد ماجالي احباط من قبل مااذاكر brth)