كرسي الأعتراف 2 ( حاليآ الفاضلة Dreamwithme )

[mekkawy]

عماااازززززز

ايه يا حبيب مكاوي .. مش هتجاوب ولا ايه ؟

شكلك عاوز تجاوب بالتلاتة .. يعني مستني لما تاخد الدفعة التالتة بتاعتي :happy:

من عنيا الجوز و مناخيري اللوز يا حبيب والديك

اللي بيقعد بيتفرم يا باشا .. المفروض ما تلحقش .. و رنننننننكز كدة و شوف ... محدش طحنك يعني غير حسام بس .. العالم لسة بتسخن

حبيبي يا أبو نسمة

مكاوى

[عماد حمدي]

عماااازززززز

ايه يا حبيب مكاوي .. مش هتجاوب ولا ايه ؟

شكلك عاوز تجاوب بالتلاتة .. يعني مستني لما تاخد الدفعة التالتة بتاعتي :happy:

من عنيا الجوز و مناخيري اللوز يا حبيب والديك

اللي بيقعد بيتفرم يا باشا .. المفروض ما تلحقش .. و رنننننننكز كدة و شوف ... محدش طحنك يعني غير حسام بس .. العالم لسة بتسخن

حبيبي يا أبو نسمة

مكاوى

مكاوي حبيب قنبي من جنوا يا منعمني ...

أبوس راسك إحرم أبويا شوية .. هوه كله كهربه كهربه كدة مفيش شتيمة :D

معلش أصل انا عقبال عندك بجهز الدنيا عندي علشان مسافر قريب إن شاء الله ..

فتلاقيني متأخر في الرد اليومين دول ..

أنا بقيت بنور خلاص ههههههههههههه :D

[عماد حمدي]

شوف بقى عشان اثبتلك انى طيب

وقلبى قلب خساية

انا هسألك سؤال واحد

انت قولت ان كان هدفك دخول كلية التجارة

ندمان ولا لا

شريف باشا حبيب قلبي .. حتي انته يا شريف .. :D

بكل أمانة كانت بتجيلي لحظات كتير جدا ً كرهت فيها الحسابات والتجارة وكل الأمور المالية وفكّرت جديا ً إني أغير المجال بتاعي .. لكن المحاسبة تكسب .. بعد ما خدت آراء الناس مع اني مقتنع داخليا ً بس كنت عايز أسمع أراء بردة وأتأكد لقيت ان الحسابات أفضل مليون مرة .. وكل دا كان سببة كفيلي اللي كرهني في عيشتي مش الحسابات بس

بس عاما ً والله بجد مش ندماااااااااااااان أبدا ً بل بالعكس يمكن دا من أهم القرارات المصيرية اللي أخدتها في حياتي ..

لو طلعت بتتكلم إنجليزي انا بدفع الحساب لاني مستفيد منها طول ما انا قاعد ,, قاعد بتكلم معاها وهيا تترجملي وانا أحاول أحفظ ولو طلعت لأ بستأذن منها وبخلع .. هيا دي طريقتي علشان أحاول أتعلم الروسي وكانت طريقة ناجحة بصراحة وإستفدت كتير .. مهو كنت ساعتها لازم أتعلم ياعني لازم أتعلم أتشقلب بقا في إزازة بيرة اعمل الاللي برده هتعلم ..

مش عارفه ليه افتكرت محمد صبحي في مسرحية الهمجي في المشهد لما صاحبه جاب له الاجنبية ( جاكي ) وهو بيقول يلله مش عشاني والله عشان مصر ..

ماعلينا ..

وانا برضه ومن نفس مبدأ محمد صبحي مش عشاني وانما عشان نجيب اجرة الكرسي .. اليك الاسئلة التالية ..

من كلامك عن شرم والطبيعه فيها حسيت انها بجد جنة الله في الارض .. مجرد الكلمات البسيطه الي قلتها عنها نقلت لي الصورة وكأني بشاهدها فمابالك بالزياره الحقيقية لها ..

ياريت لو لسه فاكر تقولنا كده لو جوله سياحيه في شرم الشيخ لفردين .. ايه احسن طريقة يروحوا بيها .. تبع شركه يعني ولا فرداني وشركه ايه في رايك .. وايه احسن وقت يختاروه للزياره دي .. وفي رايك مده قد ايه كافيه عشان يستمتعوا بشرم الشيخ ويشوفوا كل معالمها .. والاهم تعتقد الميزانية المرصوده لحاجه زي كده في حدود كام ..

مع العلم طبعا ان الفردين دول ( مقشفرين ) والميزانية على القد بس برضه ولاد ناس يعني مش وش بهدله ..

و ياريت لو تفصل شويه في الشرح لو عندك وقت .. يعني ياخذوا مواصلات ايه افضل طياره ولا باص وبياخذ وقت قد ايه وينزلوا في قرية سياحيه ولا فين .. بص كل ماتعرفه عن المذكور اعلاه قوله واجرك على الله يابني ..

طبعا دي الدفعة الاولى وان فتحت في موضوع الجبنة هفتح في الدفعه الثانيه ..

ده احنا هنكرموووك ...

يا ضحي موضوع شرم دا بقا عايز روقّان وهحكيلك بقا كل حاجة بالتفصيل ومبدئيا ً كدة هقولك ع أماكن فخمة وسعرها معقول

ولحد النهارده ليا أصحاب أنتيم موجودين هناك يظبطولك كل اللي انتي عايزاه ويستنوكي انتي جوزك .. في المطار بعربية عربيات الشركة لأانها شركة ليموزين زي ما قولتلك .. ويعملولك برنامج سياحي محترم من غير ولا مليم ..

ياعني مش هياخدم منكم عمولة .. متقلقيش ياعني

بصي مبدئيا ً كدة .. ع ما أرجعلك تاني بتفاصيل أكتر بس والنبي تبقي تفكريني ..

فية مكان في وسط شرم بالظبط أسمة دلتا شارم دي زي قرية كدة فيها فلل وشقق بينها وبين السوق 8 كيلو وبينها وبين خليج نعمة 15 كيلو

الشقة غرفة او اتنين وصالة ومكان هادي فية أمن وكل الخدمات موجودة والليلة فيه ب 350 جنية دا أعلي حاجة ..

ممكن أجيبهالك أقل من كدة كمان بس طبعا ً مش في المواسم .. هتبقي في حدود 200 : 250

تأجري عربية هجيبهالك بردة بسعر مناسب تويوتا موديل السنة ب 3000 في الشهر بس اليوم فرداني ب 200 وهجيبهالك اقل من كدة برده او ممكن تقضيها سيرفيسات بجنية وع فكرة شرم كلها ع بعضها صغيرة خالص مش هتحتاجي عربية بل بالعكس تاكسيات أوفر بكتير جدا بس انا قولت أقولك بردة

من حيث الوقت بقا علشان تسمتعي وتشوفي كل حاجة فبجد مهما تقعدي البلد تحفة

بس خلينا نقول متوسط كدة 10 أيام كويس أوي

شرم مفيهاش بصراحة غير مكان واحد بس هوه أجمل ما فيها خليج نعمة أو اسمة الشانزليزية

دا كله ديسكوهات ونايتات وكافيها وهتلاقي فيه كل الجنسيات وبجد مكان تحفة

فية السوق او اسمة السوق القديم دا سوق تجاري تجيبي منه كل شيء

رحلات بقا

انصحك تطلعي رحلة بحرية جزية تيران هتبقي رحلة من الساعة 9 الصبح حتي 4 المغرب هتروحوا الجزية دي وتتغدوا هناك ع ضهر اليخت يا سلام ع الروقان ولو بتعرفي تعومي تنزلي او تغطسي او سنوركينج

رحلة تانية بيتش باجي دي بقا روعة حفلات في وسط الجبل بتروحي الرحلة ع موتوسيكل " بيتش باجي " ومنظر بقا الجبال وانتي وسطيها مقولكيش بجد وتورحوا هنا في منطفقة معينة كدة بيتعمل فيها حفلات " شبة فيلم ذكي شان " لو تعرفيه نفس المنظر بالظبط

البنانا بوت وسط البحر

الغواصات طبعا ً

الأماكن اللي تقعدي فيها في خليج نعمة ممكن تدخلوا بودا بار اللي اتصور فيه فيلم " خليج نعمة " لو اتفرجتي عليه .. دا أفخم مكان بجد بس غالي شويتين وبرده ليا سككي هناك ملكيش دعوه ..

تروحوا الباشا برده دا روعة " بس بلاش يوم الثلاثاء " أصل بيبقي فيه حفلة عبارة عن اية بقا

كلة كما ولدته أمة ماعدا سترة بسيطة وفوووووووووووم والناس في المية وموسيقي صاخبة وشعوذه وحركات فبلاش خالص يوم الثلاثاء دا

عندك الفنار دا موجود ع الهضبة مكان هادي ورومانسي جدا ًَ قدام البحر وبيتعمل هناك حفلات كل يوم خميس

بصي هرجعلك تاني بتفاصيل أكتر .. أصل شرم دي بجد عايزة موضوع كامل .. وفكرة والله يتفتحلها موضوع مستقل .. بجد انا مصدقتش ان الروعة وجمال الطبية دي موجوده في مصر .. سيبك انتي من شكل الديسكوهات والنايتات والمباني دا عادي اللي هيشدك منظر الغروب ع الجبال البحر بالليل حاجات كتير جدا .. هرجع تاااااااااااااني

مكااااااااااااااااوى ............... تسجيل اعجاب ومتابعة

عمدة

اشرب يا حلو :happy:

فرحان انته يا حس ,,

[hOuSsAm]

تاريخ ميلادك

15/09/1986

نفس يوم تاريخ ميلادى فى البطاقة

بس الحقيقة غير

بالمناسبة دى من اربع او خمس سنوات كنت معدى من تحت ميراج (ايوة هو اللى فى الدور العاشر عالمشاية فى البرج اللى معرفش اسمه اللى جنب عمر افندى والغرفة التجارية وبنك مصر الدولى اللى بقى دلوقتى الاهلى سوستيه) كنا يوم سبتمبر 15 وكان مكتوب يافطة كبيرة (لو كان عيد ميلادك النهاردة اطلع انت واصحابك وهنحتفل بيك)

انا بصراحة فضلت واقف تحت اليافطة ربع ساعة ابص عليها واعد افكر اطلع ولا مطلعش (انا احب المغامرات :happy: )

بصراحة كنت تعبان جدا وكنت ماشى لواحدى وفعلا لو ساعة كمان كان هيجيلى هبوط من التعب وكان ممكن اموت

قولت يا عم روح موت فى بيتك وسط اهلك احسن بدل متموت فى الدور العاشر

السؤال

هو عمدة عدى عاليافطة دى قبل كدة؟

طيب لو عدى طلع ولا مطلعش؟

ولو معداش كان هيطلع؟

هو عماد متعود يحتفل بعيد ميلاده؟ ومين الناس اللى متعودة تقوله كل سنة وانت طيب؟

طيب قولنا يا عمدة اخر كشف حساب عملته لنفسك يوم عيد ميلادك كانت النتيجة ايه ؟ ارباح ولا خساير؟ وهل اتخذت موقف بعدها سواء الاستمرار على نفس اسلوب الارباح او التعديل؟

سؤال تانى

نقطة تحول فى حياة العمدة (انا متاكد انهم نقط مش نقطة) احكى يا معلم

بالتوفيق با باشا

[hOuSsAm]

تسجيل متابعه بس انا كما العاده احب اقرا الردود باكثر مااحب اسال

بس على فكره ومبدئيا كده ومن وصفك لاهتماماتك وطموحك ودرجه التاهيل الي وصلت لها فبجد احسن حاجه حصلت لك انك رجعت من السعوديه من عند الكفيل ( الفردي ) الي كنت معاه .. اعتقد امكانياتك دي وفي المرحله الي انت فيها دي كان المفروض تكون في شركه كبيرة كدرجه اولى نحو حاجه اكبر مكانش ينفع ابدا تكون محاسب صغير في شركه صغيره ..

فعلا وعسى ان تكرهوا شيئا وهو خير لكم ..

بس مازلت عند رايي .. عيبك الوحيد .. مستعجل بتفرح بالمكسب القريب وبتبص اكتر تحت رجليك :closedeyes:

انا مع الراى ده مليون فى المية ودى فرصة بقولها هنا لكل محاسب او لاى حد عايز يسافر لما تحب تشتغل اشتغل فى شركة كبيرة يكون معاك تيم كويس وفـ وسط ناس عندهم خبرة تتعلم منهم لان الاحتكاك ده هو اللى بيديك الخبرة وياسلام لو مديرك كان بروفيشنال او فى مكتب محاسبة بس ميكونش فى الاقاليم

واى حد هيشتغل فى مؤسسة فردية او يكون المحاسب الوحيد فى الشركة بكدة هو بيدفن نفسه

لولا انك مسافر ياعمدة باذن الله خلال ايام كنت قولتلك روح اشتغل فى اى مكان فى البج فور هتفرق معاك كتير اوى خلال سنتين او تلاتة

بس لعله خير وعشمنا فيك اكتر من اللى انت هتوصله بكتير

تحياتى ليك ولضحى

[عماد حمدي]

عمدة

انت كدة تمام وماشى كويز ليك مستقبل يبنى

خد الشوية دول

1- حد أثر فى عماد جدا وعايز تبعتله خطاب شكر (مين هو واثر فيك ازاى)

دكتور فى الجامعة دكتور / طلعت أسعد " تسويق " مش علشان أنا بحب التسويق لأ علشان دا الوحيد اللي حضرتلة من يوم ما دخلت الكلية :FN: يادوب كنت بروح أتهوي كدة أذاكر بالليل وفي الجامعة أنته عارف بقا :wub:

زميل ليك فى الشغل (اى مكان اشتغلت فيه) الشيخ محمود عبد العال - رئيس الحسابات في شركتي في مصر هوه اللي حطتني ع أول الطريق وفهمني ياعني اية حسابات وبجد أنا بدين له بالفضل بعد الله تعالي أنه كان سبب قوي جدا ً أني أدخل وأكمل في طريق الحسابات

صديق مقرب ليك أحمد الحضري .. أنتيمي اللدود وحبيب هارتي من جوه

حد من العيلة .. بابا وبس ..

واحد من المحاورات .. يالا يا ضحي إبسطي ههههههه ماما ضحي طبعا ً بكل بساطة من يوم ما دخلت المحاورات هنا وهيا متابعه كل يوم مشكلة من مشاكلي اللي مبتخلصش وبتدي نصايح في الجون وبصراحة وأسلوبها وطريقتها في الكلام بجد إنسانة عاقلة ورزينة كده والكلام بيطلّع منها حكم تتحط في براويز وتتعلق في المتاحف .. يا سلام يا ولاد وطبعا ً باقي الأعضاء بس ماما ضحي فعلا ً أكتر واحدة دا حتي انا بخش بكتب الموضوع والله لو كتبته فين في أي قسم بلاقيها ياعيني تاعبة نفسها وجاية جري وبتكتب بضمير مش كروتة .. وكلامها تقراه من هنا تلاقي نفسك بجد والله بتعيد تفكير في الأمر من جديد .. ياعني إستفدت منها أني أنظر للأمور من كل الإتجاهات وليس إتجاه واحد ..كمان هيا عاملة مجهود كبير معانا في السي ام اية .. ياعني في اي حاجة تلاقيها وبجد تستحق كل الشكر والتقدير والإحترام .. وهي أخت غالية علينا كلنا ..

ضحي : اية رأيك تعالي إمسكي إشراف بقا في المنتدي الجديد :sad:

2- بنتك ماشاء الله على وش جواز وفـ يوم من الايام بتقولك يا بابا فلان زميلنا فى الشغل عايز يجى يطلب ايدى منك

جه واعد معاك واتعرفت بيه وبتساله عن عيلته (طلع باباه هو الراجل المصرى اياه بتاع السعودية اللى كان السبب فى حجات وحشة كتيرة)

هتتصرف ازاى؟

هولّع في أمة بجاز :sad: wst:: wst::

هتوافق ولا هترفض وليه؟

هرفض هوه دا إنسان يتعاشر دقيقة ع بعضها هتقولي هيا هتتجوز إبنه هولّع فيها وفيه بجاز .. حسام بلاش تعصبني وحيات أبوك يا أخي .. قفلتني انته كده والله واحنا لسة يدوب الصبح الشمس لسة مطلعتش .. chf::

طب لو هترفض .......... والوضع اتغير ان ابنك هو اللى عايز يخطب بنت الراجل.......... والواد ركب دماغه وراسه والف سيف لازم يخطبها هتتصرف ازاى ساعتها

يبقي ولا إبني ولا أعرفة .. لان لو إبني عرف حماه دا عمل اية مع أبوه ومع ذلك ركب دماغة ورضي يتجوز بنته .. يبقي الواد دا ولا إبني ولا أعرفة وهتبري منه ليوم الدين .. كرامة أبوه ولا البنت اللي هيتجوزها؟؟ فهمني انته بقا

طب هما اتجوزوا خلاص موقفك من الراجل بعدها ايه؟

لا تعليق .. حظك حلو انك مش قدامي دلوقتي يا حسام والله كان زماني عملت فيك اللي كنت هعملة بقا مع الواد ابنة :110:

3- هى مصر رايحة فين يا عمدة؟

رايحة مشوار كدة نهايتة سودة .. آخرها الواد اللي شنق نفسه ع كوبري قصر النيل

الناس زهقت من عيشيتها يا حسام وقرفت وبقت بتاكل في بعض .. والحكومة ولا هنا الشعب بياكل في بعضة

حسبي الله ونعم الوكيل في كل شخص وكّل وكلّف بعمل وتخاذل فيه

حسبي الله ونعم الوكيل في كل شخص معملش شغلة بضمير

4- ايه الحجات اللى ناقصة السى فى بتاع عمدة؟

في الوضع الحالي الـ CMA بعد ما اخد الـ CMA بقا ان شاء الله أكيد برده هتكون ناقصة وهحتاج أكملها بس هتكون ناقصة اية الله أعلم .. حسب بقا وضع السوق والتغيرات الإقتصادية والمحاسبية والمالية كده ياعني .. بس حلوه التغيرات الإقتصادية دي اوعي تقولي معناها اية ههههههههه ..

هكمل باقي أسئلتك المرة الجاية دا بالنسبة لشحنة الفولتات العالية دي ..

استرها يارب

مكاوي حبيب هارتي من جوه ..

شايفك وسامعك جايلك يا قلبي جايلك .. أخلص بس من سي حسام اللي كهرب أبويا دا ..

انا خايف أسلم ع حد من العيلة ليتكهرب .. تعالي في حضن حمو بقا هههههههههههههه

برب

[doha]

1- حد أثر فى عماد جدا وعايز تبعتله خطاب شكر (مين هو واثر فيك ازاى)

دكتور فى الجامعة دكتور / طلعت أسعد " تسويق " مش علشان أنا بحب التسويق لأ علشان دا الوحيد اللي حضرتلة من يوم ما دخلت الكلية biggrin.gif يادوب كنت بروح أتهوي كدة أذاكر بالليل وفي الجامعة أنته عارف بقا

يانهار ابيض انا اول ماقريت اسم الاستاذ العظيم ( طلعت أسعد ) اتفاجأت بصراحة

للاسف مكنتش سعيده الحظ انه يدرسني في الكلية بس اعرفه عن طريق والدي الي كان عارفه بشكل شخصي ..

قرأت له كتب ومحاضرات مكتوبه وفي تلك الفترة الي كان بابا مهتم بيها اوي بالتسويق عشقت حاجه اسمها تسويق ومازال الوضع مستمر معايا للآن ..

الدكتور طلعت حبب بابا في التسويق وبابا نقل الحب ده لي بدوره .. عن نفسي بعتبره فعلا علامه في التسويق واتوقع انك كنت بتحضر له لان مادته وطريقته في عرضها فعلا تستحق الحضور حتى لو مكنتش واخد بالك من كده في حينه ..

يلله شوف بقى لو لسه عندك كتب الكلية بتاعته اجري عليها واقرأ فيها هيفوتك كتير لو معملتش كده ..

[عماد حمدي]

1- حد أثر فى عماد جدا وعايز تبعتله خطاب شكر (مين هو واثر فيك ازاى)

دكتور فى الجامعة دكتور / طلعت أسعد " تسويق " مش علشان أنا بحب التسويق لأ علشان دا الوحيد اللي حضرتلة من يوم ما دخلت الكلية biggrin.gif يادوب كنت بروح أتهوي كدة أذاكر بالليل وفي الجامعة أنته عارف بقا

يانهار ابيض انا اول ماقريت اسم الاستاذ العظيم ( طلعت أسعد ) اتفاجأت بصراحة

للاسف مكنتش سعيده الحظ انه يدرسني في الكلية بس اعرفه عن طريق والدي الي كان عارفه بشكل شخصي ..

قرأت له كتب ومحاضرات مكتوبه وفي تلك الفترة الي كان بابا مهتم بيها اوي بالتسويق عشقت حاجه اسمها تسويق ومازال الوضع مستمر معايا للآن ..

الدكتور طلعت حبب بابا في التسويق وبابا نقل الحب ده لي بدوره .. عن نفسي بعتبره فعلا علامه في التسويق واتوقع انك كنت بتحضر له لان مادته وطريقته في عرضها فعلا تستحق الحضور حتى لو مكنتش واخد بالك من كده في حينه ..

يلله شوف بقى لو لسه عندك كتب الكلية بتاعته اجري عليها واقرأ فيها هيفوتك كتير لو معملتش كده ..

دكتور طلعت أسعد دا من العباقرة فعلا ً افتكر اول محاضرة قالنا يا ولاد بياّاع الفلو دا تسويق بيسوق سلعة وهي الفول للناس .. .. كتابة لسة عندي ولحد النهارده بقراه بصراحة بعتبرة أفضل كتاب تسويق قريتة لانة بيحتوي ع أمثلة حيه وعملية وإزاي بيتم التسويق ليها

بجد الراجل دا أسطورة مادته جبت فيها 18 من 20 لسة فاكر وكان بيديني في سنة تانية

حظك بقا كدة بس أكيد انك عندك كتب لية اقريها كترررررررررررررر ومش هتزهقي

[لماضة مصرية جدا]

السلام عليكم و رحمة الله و بركاته

ايه يا خويا ده

محسسني اني قاعدة في مدرجات تجارة....مين بقي طلعت أسعد...آخر حد طلعت اعرفه كان طلعت زكريا....و لا يكونشي قصدكم

"طلعت يا محلا نورها شمس الشموووووسة..... jmb-) )

ابننا التايه عماد.....(هتفضل تايه لغاية ما تدألج من المطار و تحط علي ابو ظبي)

كل اللي عدي عليك و سألك سؤال....او دخل عمل صفارة....او قال هيييييييييه

اوصفه بكلمة واحدة

هحاول اساعدك اهه

استاذة ضحي

ا.حسام

أ.شريف

سارة

رضوي

عكاوي

اغابي

باين شيكو.....هي جت و لا لا؟؟؟

مش فاكرة بقي ابقي كمل انت

- من مدرجات الدرجة العاشرة.....لو تحب حاجة تتعدل في المحاورات تبقي ايه....باب يتحذف....عضو يتلغي....باب ينضاف.....كده يعني

- بتحب الفراخ.....لااااازم تحبها.....عشان دي اهم حاجة من فوايد الغربة......انك ترجع تحب الفراخ و التونة.... :lol:

ابسط يا عم اسئلة خفيفة أهه

فوتك بعافية

[mekkawy]

السلام عليكم

صباحكم لذيذ و أمور

ألا عماد فين يا ردالة ؟؟

مكاوى

[اغابي]

انتم عملت فى عماد ايه rs:

فينـــــــك يا عمـــــــاد

يا خسارة شبابك يا عمــــــــــدة

يا اللى كنت بتكهرب وتقول كمان يا بابا كمان :lol:

يا اللى كنت بتتكهرب وما تقولش الا اااااه وسلامتك من الااااه - هههه

يا عينى عليك يا عماد - ما كنش يومــــك يا حونين :closedeyes:

- ياللى اتجوزت وكان نفسك فى الجوافة يا صبحــــــــــي

اغابي

ماسأه fr1::

[hOuSsAm]

السلام عليكم

صباحكم لذيذ و أمور

ألا عماد فين يا ردالة ؟؟

مكاوى

انت بعد مصفيت دمه ليك عين تسال عليه؟

روح ربنا يسامحك

لا حول ولا قوة الا بالله كان راجل طيب

انتم عملت فى عماد ايه -_-

فينـــــــك يا عمـــــــاد

يا خسارة شبابك يا عمــــــــــدة

يا اللى كنت بتكهرب وتقول كمان يا بابا كمان :P

يا اللى كنت بتتكهرب وما تقولش الا اااااه وسلامتك من الااااه - هههه

يا عينى عليك يا عماد - ما كنش يومــــك يا حونين :closedeyes:

- ياللى اتجوزت وكان نفسك فى الجوافة يا صبحــــــــــي rs:

اغابي

ماسأه ;)

حرام عليكى يا اغابى fr1::

كفاية كدة

انتى اللى سخنتى الناس على عماد

دمه وكهربته فى رقابتك

هيجيلك يوم ويستدعوكى عالكرسى :lol:

وساعتها عماد هينتقم منك

[رضوي]

ايه دة ؟؟؟؟؟؟؟

هو عماد اختفي في ظروف غامضة ؟؟؟؟؟؟؟

اذن فلنعلن جائزة مادية قدرها 120 فولت لمن يجد عماد أو لديه معلومات تفيد في البحث عنه

هي الكهربا بتعمل كدة في الناس

اه يابلد

[ساره احمد]

انت فين ياعمدة؟اية دة ياجدعان انتو هتسيبوة يهرب مننا ولا اية ؟ احنا لازمن نجيبو ونكتفو هنا :blush2:

[عماد حمدي]

شششششششش

تم تعديل 6 يونيو 2010 بواسطة omda2006

[عماد حمدي]

:rolleyes: عمدة عمدة

منه له .. flx:

منه له .. flx:

منه له flx: منه له

:cry1: :cry1: :cry1: :cry1:

[ساره احمد]

اعمل اللي انت عايزة بس هتروح مننا فييييييييييييييييييييييييييييين ؟ هتتكهرب يعنى هتتكهرب :cry1: :rolleyes:

[اغابي]

شوف يا عماد

اوعدك بجد بجد - جاوب اسئلة لماضة واوعدك حنرشح حد بعدك على طول - ماشي

نقلب على حسام

بس يخلص عماد اسئلة لماضة

وارشح فورا

حســــــــــــــــــــــــــــــام - ما كنش يومك يا حوسام :rolleyes:

حنفرتكوك ونكهربوك بوك بوك

اغابي

فاير

[hOuSsAm]

شوف يا عماد

اوعدك بجد بجد - جاوب اسئلة لماضة واوعدك حنرشح حد بعدك على طول - ماشي

نقلب على حسام

بس يخلص عماد اسئلة لماضة

وارشح فورا

حســــــــــــــــــــــــــــــام - ما كنش يومك يا حوسام :rolleyes:

حنفرتكوك ونكهربوك بوك بوك

اغابي

فاير :P

هو انتى قلبتى مكاوى ورضوى ليه كدة wst::

على اساس يعنى اسئلتهم مش مهمة :blink:

ولا يمكن قصدك ان عماد مش هيقدر يجاوب عليهم :sad:

لاء يا اغابى ملكيش حق بجد

سيبى الراجل ياخد راحته ويجاوب على اسئلته (ده حقه) عالاقل ياخد الشهادة قبل ميسافر يمكن تنفعه فى ابوظبى ويلاقى شغل بعد الضهر بيها wst::

وكمان ياجماعة عايزين نبطل امور الوسايط دى مش يعنى عشان لماضة صحبتك يبقى اسئلتها اللى تتجاوب بس wst::

اقولكوا على حاجة احنا نلغى الكورسى ده ونعمل واحد من جديد بقوانين جديدة واول حد نحطه عليه اغابى :D

انا بهدى النفوس wst::

[اغابي]

انا بهدى النفوس :rolleyes:

بقى كدا كدا - طب تعالى بقى - عاملى فيها مشعلاليلاتى

- على فكرة دى وظيفة فريد شوقى فى الفلم مع سعاد حسنى - قالتله حاديك 30 ج فى الشهر واشتغل مشعلالاتى يا مشعلالاتى

وبعدين رضوى صاحبتى اوى جدا خالص ومكاوى اوى جدا خالص برضوه wst::

بس انا لاقيت عماد بيطلع فى الروح فحبيت الحقه :blink: - قصدى اقفل الموضوع واسهله الامور علشان استفيد بالوقت وادبس حد غيره فى الكهرباااا wst::

حووووسام سام سام

اغابي :D