كرسي الأعتراف 2 ( حاليآ الفاضلة Dreamwithme )

[حسام يوسف]

بشكرك يا اختنا لماضة مصرية

أنا بالفعل حاولت أدعي زملاء

واستعملت الرسايل ع الخاص عشان الاحراج

لكن الكل أحرج وأعتذر

فالرأى ليكو وانتم أحرار فى اختياراتكم

[Damo]

احم احم

اهلا شيكو. بما ان دي اول احتكاك بنا. فهبدا بالاسهلة السهلة (لزوم الفيرست امبريشن):

١ـ ايه اكتر اكله بتحبيها؟

٢ـ بتتفرجي على افلام كتير؟ و ايه اكتر نوع افلام بتحبيه؟

٣ـ مين اكتر مغني/مغنية بتحبيه/ا ؟

٤ـ حضرتك بتدرسي ولا بتشتغلي ولا ربة بيت؟

٥ـ ايه اكبر امنية اتمنتيها او حلم حلمتيه؟ و هل اتحقق ولا لسه؟

يلا دول كام سؤال تسخين.

To be continued

[MaYousof]

SHIKO

السؤال الأول:

هيثم, بيعاملك كويس ولا لأ؟

هل حقيقي إنه جنتل؟ :waf:

هل بيضايقك ساعات؟

هل ليكي أي ملاحظات عليه؟

هل زعلتي منه قبل كده؟ wst::

[Damo]

SHIKO

السؤال الأول:

هيثم, بيعاملك كويس ولا لأ؟

هل حقيقي إنه جنتل؟ :waf:

هل بيضايقك ساعات؟

هل ليكي أي ملاحظات عليه؟

هل زعلتي منه قبل كده؟ wst::

واضح ان حضرتك جاي تهدي النفوس bv:-

[MaYousof]

SHIKO

السؤال الأول:

هيثم, بيعاملك كويس ولا لأ؟

هل حقيقي إنه جنتل؟ :waf:

هل بيضايقك ساعات؟

هل ليكي أي ملاحظات عليه؟

هل زعلتي منه قبل كده؟ wst::

واضح ان حضرتك جاي تهدي النفوس bv:-

bv:-

[لماضة مصرية جدا]

السلام عليكم و رحمة الله و بركاته

ايه يا جودعان احنا لسه هنسخن.....مينفعشي كده خالص.....الوقت بيجري... و الساعة بخمسة جنية و الحسابة بتحسب

شيكو بون.....ارفعيلي الكسرولة دي من علي عينيكي يا هانم.... هتروحي مننا فين:

1- "رب إني مغلوب فانتصر"........يأس و لا رجاء.....و لا عجز.... و لا خلاص كل الحيل خلصت.... و لا قرب... و لا دعاء؟؟؟

2- انتي زعلانة من الدنيا في ايه..... زعلانة من مصر في ايه ....... زعلانة من شيكو في ايه؟؟؟

3- كان فيه اغنية بتاعت مدحت صالح..... الدنيا دي فيها كام بلياتشو......ايه رايك فيها؟؟ وائعية يعني.... بتشوفيها في حياتك؟

4- ايه اللي ممكن يجذبك للرجل....و ايه اللي يبعدك عنه؟

5- ايه اللي تحترميه في الست..... و ايه اللي يخليكي توريلها الوش الخشب؟

6- فيه طفلة قاعدة جواكي....كتير بتحبسيها... و كتير بتعنفيها.....و اكتر بتخبيها.... ليه بقي؟؟

7- علاقتك ايه بالمنطق يا مورسي الزناتي؟؟؟......شايفة انك تعيشي بعقلك....بافكارك حتي و ان كانت في اتجاه معاكس...؟؟

8- بتفكري تعيشي بره مصر؟

9- صحيتي الصبح و علي وشك ابتسامة حلوة و دافية.... يا تري كنتي بتحلمي بايه؟؟؟

10- "مرفوع مؤقتا من الخدمة"............عقلك..... احساسك...... ايمانك بالخير........ايمانك بالتغيير؟؟

و كفاية عليكي كده النهاردة

يا ولاد الحلال حد يروح يجبلنا الفولدر م ع الديسك توب بتاع قسط مي..... ألا هو و عنبو فين يكونوشي مخطوفين ايه؟؟؟ بالشفا... بس حد يبعتلنا الفولدر يا جودعان

بس خلاص

صباحكم مج نسكافيه.....سخن جدا.... ليوم غائم جدا.....بس يبشر ان هناك خيرا في الافق

فوتكم بعافية

[ذهبية]

اسئلتك جامدة يا لماضة مستنية رد شيكوووو اظهر و بان عليك الامان يا الله يا شيكو الشعب يناديكى

علشان ما نكترش عليكى لما تخلصى الاسئلة دى هابقى امسى عليكى كدة بكام سؤال سهل جدااااا

[shiko]

احم احم

اهلا شيكو. بما ان دي اول احتكاك بنا. فهبدا بالاسهلة السهلة (لزوم الفيرست امبريشن):

١ـ ايه اكتر اكله بتحبيها؟

٢ـ بتتفرجي على افلام كتير؟ و ايه اكتر نوع افلام بتحبيه؟

٣ـ مين اكتر مغني/مغنية بتحبيه/ا ؟

٤ـ حضرتك بتدرسي ولا بتشتغلي ولا ربة بيت؟

٥ـ ايه اكبر امنية اتمنتيها او حلم حلمتيه؟ و هل اتحقق ولا لسه؟

يلا دول كام سؤال تسخين.

To be continuedطبعاً مساءكم سكر زيادة ...

انا لسة راجعة حالاً من يوم ممتع مع اسرتى واول مادخلت من بابا الشقة جريت اترزععلى كرسيكم الموقر

وهانفتح باب الجيم (جوااااااب يعنى )

اولا:استاذتى الصغيرة دامو

احم احم

اهلا شيكو. بما ان دي اول احتكاك بنا. فهبدا بالاسهلة السهلة (لزوم الفيرست امبريشن):

اهلاً وسهلاً بيكى يا دامو انا اسعد بمعرفتك ...ويارب يبقى لاست كمان موش فيرست

١ـ ايه اكتر اكله بتحبيها؟

يمكن تستغربى ....بس موش عاوزة اى ضرب ولا تحديف كراسى ممكن ؟؟ الفول النابت ولو موش موجود يبقى جمبرى مشوى ...استنى العزومة امتى بقى ؟؟

٢ـ بتتفرجي على افلام كتير؟ و ايه اكتر نوع افلام بتحبيه؟

جااااااااااااااهلة سينيمائياً ماعرفش الفرق ما بين نجمة الشاشة العربية وكوز الدرة المشوى

بس بموت فى افلام الرعب موش عارفة ليه

٣ـ مين اكتر مغني/مغنية بتحبيه/ا ؟

حمااااارة اغانى..والله اللى بسمعه من هنا بيدلق من الناحية التانية تقوليش فيزيا

بس بحب اصالة احياناً وده موش هايقلل من شئن فيروز وام كلثوم طبعاً بس الحقيقة انا موش سميعة

٤ـ حضرتك بتدرسي ولا بتشتغلي ولا ربة بيت؟

من الاحد للخميس بشتغل

جمعة وسبت ربة بيت

اتنين واربع بدرس

بقيت ايام الاسبوع فاضية لو محتاجة ايتها خدمة

٥ـ ايه اكبر امنية اتمنتيها او حلم حلمتيه؟ و هل اتحقق ولا لسه؟

اكبر امنية .....اكبر امنية ....اتهيالى لسة ماتحققتش

يلا دول كام سؤال تسخين.

وانا هاكون ممتنة لاى تسخين اضافى لسعادتك يا دامو

تحياتى ليكى بكل الود والحب والاحترام

[shiko]

SHIKO

السؤال الأول:

هيثم, بيعاملك كويس ولا لأ؟ :sad:

هل حقيقي إنه جنتل؟

هل بيضايقك ساعات؟ :closedeyes:

هل ليكي أي ملاحظات عليه؟ :closedeyes:

هل زعلتي منه قبل كده؟ :closedeyes:

الحقيقة انا قدرتى الاستيعابية مش قدرة تستوعب انك تكون عميل مجند من قبل هيثم

طب ايه سر الاهتمام؟؟ده اللى موش قادرة افهمه ومع ذلك ...

هيثم, بيعاملك كويس ولا لأ؟

جداً...لا بجد كويس جداً ...وده بيثير الضغائن والحقائد بين العامة

هل حقيقي إنه جنتل؟

باين عليه ...بس ماجربتهوش ..؟؟

هل بيضايقك ساعات؟

الغريبة لا...مع انه شغال مضايقات فى الخلق كلها ...بس الحقيقة يمكن لانى بحترمه مابيحولش يضايقنى

هل ليكي أي ملاحظات عليه؟

اااااه بس موش هاكلم اللى ادام وكيل النيابة والمحامى بتاعى

يمكن بس هو مركب ودن اضافية عندى ودايما بيتدخل فى مكالماتى فى الموبايل موش عارفة ليه

هل زعلتي منه قبل كده؟

.......اه ...طبعاً ده علشان السماعات الاضافية اللى حاطتها عندى على الموبايل

...حقوق الطبع محفوظة للباص ولا يجق لاى كان من نسخها او تعديلها لحساب الباصات الاخرى

[shiko]

اسئلتك جامدة يا لماضة مستنية رد شيكوووو اظهر و بان عليك الامان يا الله يا شيكو الشعب يناديكى

علشان ما نكترش عليكى لما تخلصى الاسئلة دى هابقى امسى عليكى كدة بكام سؤال سهل جدااااا

تصفيق حااااااااد

ذهبية تنقل لكم تشجيع السادة المشاهدون من امام المبارة

كان معكم ذهبية ...

ليكى قاعدة تتسألى فيها يا ذهبيتى ..وانا اللى كنت فاكرة اننا هانبقى صحاب فى يوم من الايام ؟؟

[Damo]

برافوووو شيكو جاوبت على كل الاسئلة بكل شجاعة.

١ـ ايه اكتر حيوان بتحبيه؟

٢ـ ايه اكتر اغنية بتظبط المود بتاعك؟

٣ـ ايه اخر حاجة جت على بالك امبارح قبل ما تنامي؟

٤ـ مين هيثم؟؟؟!!!

[MaYousof]

SHIKO

السؤال الأول:

هيثم, بيعاملك كويس ولا لأ؟ :sad:

هل حقيقي إنه جنتل؟

هل بيضايقك ساعات؟ :closedeyes:

هل ليكي أي ملاحظات عليه؟ :closedeyes:

هل زعلتي منه قبل كده؟ :closedeyes:

الحقيقة انا قدرتى الاستيعابية مش قدرة تستوعب انك تكون عميل مجند من قبل هيثم

طب ايه سر الاهتمام؟؟ده اللى موش قادرة افهمه ومع ذلك ...

هيثم, بيعاملك كويس ولا لأ؟

جداً...لا بجد كويس جداً ...وده بيثير الضغائن والحقائد بين العامة

هل حقيقي إنه جنتل؟

باين عليه ...بس ماجربتهوش ..؟؟

هل بيضايقك ساعات؟

الغريبة لا...مع انه شغال مضايقات فى الخلق كلها ...بس الحقيقة يمكن لانى بحترمه مابيحولش يضايقنى

هل ليكي أي ملاحظات عليه؟

اااااه بس موش هاكلم اللى ادام وكيل النيابة والمحامى بتاعى

يمكن بس هو مركب ودن اضافية عندى ودايما بيتدخل فى مكالماتى فى الموبايل موش عارفة ليه

هل زعلتي منه قبل كده؟

.......اه ...طبعاً ده علشان السماعات الاضافية اللى حاطتها عندى على الموبايل

الآنسة شيكو,

شاكر جدا على الإجابات الكافية الوافية. أنا دلوقتي اتطمنت على حضرتك وعرفت إنك في إدين أمينة وإن هيثم حقيقي جنتل. أنا هكلمه بخصوص الودن الاضافية اللي مركبها دي عشان يفكها. بس احنا ممكن نبص للموضوع من الناحية الإجابية, ممكن يكون الودن دي سببها إنه خايف عليكي. وده يبين قد إيه هو إنسان كويس وجنتلمان.

[MaYousof]

وماتنسيش يا شيكو تجاوبي على اسئلة لماضة اللي في المداخلة 67# :sad:

عموما لماضة دلوقتي بتدرس ملف جست مي على ما إنتي تجاوبي على أسئلتها

[fatfouta]

شيكووووو

عندى سؤالين قبل ماتخلصى

اول سؤال/انتى ليه غيرتى صورتك الرمزية ....الاولانية كانت احلى

التانى/ انتى بتجيبى كلامك الحلو ده منين؟؟

بس كده جاوبى بقى

[shiko]

السلام عليكم و رحمة الله و بركاته

ايه يا جودعان احنا لسه هنسخن.....مينفعشي كده خالص.....الوقت بيجري... و الساعة بخمسة جنية و الحسابة بتحسب

شيكو بون.....ارفعيلي الكسرولة دي من علي عينيكي يا هانم.... هتروحي مننا فين:

1- "رب إني مغلوب فانتصر"........يأس و لا رجاء.....و لا عجز.... و لا خلاص كل الحيل خلصت.... و لا قرب... و لا دعاء؟؟؟

2- انتي زعلانة من الدنيا في ايه..... زعلانة من مصر في ايه ....... زعلانة من شيكو في ايه؟؟؟

3- كان فيه اغنية بتاعت مدحت صالح..... الدنيا دي فيها كام بلياتشو......ايه رايك فيها؟؟ وائعية يعني.... بتشوفيها في حياتك؟

4- ايه اللي ممكن يجذبك للرجل....و ايه اللي يبعدك عنه؟

5- ايه اللي تحترميه في الست..... و ايه اللي يخليكي توريلها الوش الخشب؟

6- فيه طفلة قاعدة جواكي....كتير بتحبسيها... و كتير بتعنفيها.....و اكتر بتخبيها.... ليه بقي؟؟

7- علاقتك ايه بالمنطق يا مورسي الزناتي؟؟؟......شايفة انك تعيشي بعقلك....بافكارك حتي و ان كانت في اتجاه معاكس...؟؟

8- بتفكري تعيشي بره مصر؟

9- صحيتي الصبح و علي وشك ابتسامة حلوة و دافية.... يا تري كنتي بتحلمي بايه؟؟؟

10- "مرفوع مؤقتا من الخدمة"............عقلك..... احساسك...... ايمانك بالخير........ايمانك بالتغيير؟؟

و كفاية عليكي كده النهاردة

يا ولاد الحلال حد يروح يجبلنا الفولدر م ع الديسك توب بتاع قسط مي..... ألا هو و عنبو فين يكونوشي مخطوفين ايه؟؟؟ بالشفا... بس حد يبعتلنا الفولدر يا جودعان

بس خلاص

صباحكم مج نسكافيه.....سخن جدا.... ليوم غائم جدا.....بس يبشر ان هناك خيرا في الافق

فوتكم بعافية

انا موش هنا ...ولو لماضة جت تسأل قولولها روحت

انا مستخبية ورا الكرسى ...اوعى حد يقولها ..شوووووووووو؟ J

شيكو بون.....ارفعيلي الكسرولة دي من علي عينيكي يا هانم.... هتروحي مننا فين:

وادى القبعة رفعتها لجنابك ...

1- "رب إني مغلوب فانتصر"........يأس و لا رجاء.....و لا عجز.... و لا خلاص كل الحيل خلصت.... و لا قرب... و لا دعاء؟؟؟

يأس او تقدرى تقولى خذل من الناس

عجز وقلة حيلة من نفسى

قرب ودعاء وامل ورجاء لله سبحانه وتعالى

2- انتي زعلانة من الدنيا في ايه..... زعلانة من مصر في ايه ....... زعلانة من شيكو في ايه؟؟؟

الكلمة دى بالذات موش عارفة ليه زاد شكى فيكى يا لماضة "انتى تبع اى جهاز ؟؟"

انا زعلانة من الدنيا ولا هى اللى زعلانة منى موش عارفين

المهم انا ودنيتى موش متصالحيين على بعض معظم الوقت علشان كده انا مطنشاهاااااا

زعلانة من مصر ...لأ ...زعلانة على مصر

3- كان فيه اغنية بتاعت مدحت صالح..... الدنيا دي فيها كام بلياتشو......ايه رايك فيها؟؟ وائعية يعني.... بتشوفيها في حياتك؟

الاغنية دى وائعية 100 الـ100 ...

سيرك ...والبلياتشوهااااااااات دى كلها لزوم التنطيط ونط الحبل والذى منه

احنا كمان معاهم جوا السيرك يابنتفرج ...يابنتنطط...

4- ايه اللي ممكن يجذبك للرجل....و ايه اللي يبعدك عنه؟

يجذبنى فى الرجل :

الاعتزاز بالنفس والكرامة

الشهامة

حماسه

الغموض

ساعته

يبعدنى عنه:

الاناااااااااااااانية

الجهل

التراخى وقلة الهمم "وموش لاقية كلمة تانية شيك ممكن تتحط مكانها "بس اكيد مفهومة

5- ايه اللي تحترميه في الست..... و ايه اللي يخليكي توريلها الوش الخشب؟

احترم فى البنت

الجدعنة ...تمسكها بدينها وبتربية البيت اللى هى منه

اورى الوش الخشب

انتى قصدك زى دلوقتى ؟؟ :sad:

لما يكون فى اسفاف او صفاقة ...

6- فيه طفلة قاعدة جواكي....كتير بتحبسيها... و كتير بتعنفيها.....و اكتر بتخبيها.... ليه بقي؟؟

بحبسها تربية وخوف

بعنفها علشان ربنا ابتلانى بالنفس اللوامة

بخبيها علشان الحسد

7- علاقتك ايه بالمنطق يا مورسي الزناتي؟؟؟......شايفة انك تعيشي بعقلك....بافكارك حتي و ان كانت في اتجاه معاكس...؟؟

معرفة قديمة من اياااااام الطفولة

الافكاروالمبادىء نسب الفرد وانتمائه ...ولو كان نسبى "افكارى " معاكس لصفيف البشرية ...سالجأ الى حلين

الاول

سأصرخ حتى الثمالة بما يمليه علىً ضميرى منادية بأفكارى

الثانى

هاحاول اسمع الطرف التانى بس علشان اتعلم واعرف الغلط فين

احنا عارفين ان بنو بشر عندهم حاستين السمع والكلام ...لكننا للاسف معتقديين انهم حاسة واحدة الكلام وبس ...والسمع ده حاسة تخص الاخرون

"لو أنك لا تستطيع الرقص على نفس إيقاع الآخرين، فربما لأنك تسمع موسيقى أخرى...هنري دافيد ثورو"

8- بتفكري تعيشي بره مصر؟

كتييرررر.... "ولولا أن أهلك أخرجوني ما خرجت"

9- صحيتي الصبح و علي وشك ابتسامة حلوة و دافية.... يا تري كنتي بتحلمي بايه؟؟؟

طوق من النور....

10- "مرفوع مؤقتا من الخدمة"............عقلك..... احساسك...... ايمانك بالخير........ايمانك بالتغيير؟؟

احساسى ...استحالة يكون لا مرفوع مؤقتاً ولا دائماً ...

ايمانى بالخير والتغيير ...ده نابع من عقيدتى وصعب يترفع من اساسه

يبقى مافضلش غير عقلى ...ورفعه معناه حاجات وحشة ممكن تودينى فى حتة قرب العباسية

صباحكم سكر زيادة ....ابتسامة امل

bv:- bv:-

--------------------

[لماضة مصرية جدا]

السلام عليكم و رحمة الله و بركاته

حبيت أخش اصبح عليكي يا شيكو..... و اقولك اجاباتك بنقاء الوقفة في البلكونة ساعة ما الدنيا بتمطر و تغسل جوانا خوف مبيت معانا من امبارح

بس برضه مش قادرة مسالشي.....حبة صغنتتين آآآآآد النملة... ينفع....ربنا يخليكي

1- مقولة بتحبيها اوي.....و عمالة تتكرر معاكي في مواقف كتير؟

2- شيكو ارتبطت بفتي الاحلام.....و حصان بقي....و ليلة.... و عندك بنوتة جميلة صغنتتة.... انتي شايفة نفسك ام إزاي؟؟؟؟ و ايه اللي هتحاولي تربي بنتك عليه؟

3- إذا حسيتي ان بنتك (معلش عيد الام قرب بقي.... :sad: ) هي نسخة مصغرة منك جدا بكل أخطائك....بكل انتصاراتك و انكساراتك.... بكل عندك و اصرارك.... و مصرة تاخد الدنيا بدراعها...تقوليلها ايه؟؟؟

4- مهنة نفسك تشتغليها فعلا... حتي لو من غير فلوس؟؟

5- قابلتي الاشخاص التاليين لمدة دقيقة واحدة.... هتقولي/ تعملي ايه (الرسول صلي الله عليه و سلم..... و استحي ان اضعه عليه الصلاة و السلام مع بقية البشر)

......نوال السعداوي

......غاندي

.... سعد الصغير و كان فرح شعبي موووووت؟؟؟

6- لو في لحظة حبيتي تعيشي مع شيكو..... بتفصليها عن الدنيا ازاي؟؟؟

7- فاكرة يا شيكو لما حلمت انا وانتي بالفرح..... و سرحنا و عشنا... و ملينا دفاترنا بزمن بندور عليه......هو احنا ليه مش عارفين نحط الحلم في الواقع؟؟؟ عيب فينا.... و لا لا ننتمي لهذا العالم؟؟ و لا ايه؟؟

7- نظرة بتحاولي تهربي منها.........عيون مين؟؟

8- انتي جاتلك فرصة للسفر..... تحبي تروحي فين.....ايه الحاجة اللي متقدريش تطلعي بره مصر من غيرها (الحاجة ممكن تبقي جماد او بني آدم)

9- امبارح شفت علي وشك ضحكة حلوة..... و قولتي انك بتحلمي بطوق نووووور.... بتلاقي النور فين في الدنيا (بعيد عن كبس الكهرب يا عبد العال)؟

10-ايه اللي ممكن يضحكك اوي من قلبك.... كراكيع يعني؟؟؟

بس خلاص

ع فكرة يا شيكو..... كعادتي دايما معاكي بكلمك و بكلم نفسي عشان كده لو حسيتي انك عايزة تحذفي اي سؤال كوني كما ترتاحين.....فقط كوني أنتي بأحلي ما فيكي

صباااااااحك..... شرفة صباح..... و نور من السماء.....و صلاة ضحي....بدعاء خاص جدا

فوتك بعافية

[shiko]

SHIKO

السؤال الأول:

هيثم, بيعاملك كويس ولا لأ؟ :sad:

هل حقيقي إنه جنتل؟ bv:-

هل بيضايقك ساعات؟ bv:-

هل ليكي أي ملاحظات عليه؟

هل زعلتي منه قبل كده؟

الحقيقة انا قدرتى الاستيعابية مش قدرة تستوعب انك تكون عميل مجند من قبل هيثم

طب ايه سر الاهتمام؟؟ده اللى موش قادرة افهمه ومع ذلك ...

هيثم, بيعاملك كويس ولا لأ؟

جداً...لا بجد كويس جداً ...وده بيثير الضغائن والحقائد بين العامة

هل حقيقي إنه جنتل؟

باين عليه ...بس ماجربتهوش ..؟؟

هل بيضايقك ساعات؟

الغريبة لا...مع انه شغال مضايقات فى الخلق كلها ...بس الحقيقة يمكن لانى بحترمه مابيحولش يضايقنى

هل ليكي أي ملاحظات عليه؟

اااااه بس موش هاكلم اللى ادام وكيل النيابة والمحامى بتاعى

يمكن بس هو مركب ودن اضافية عندى ودايما بيتدخل فى مكالماتى فى الموبايل موش عارفة ليه

هل زعلتي منه قبل كده؟

.......اه ...طبعاً ده علشان السماعات الاضافية اللى حاطتها عندى على الموبايل

الآنسة شيكو,

شاكر جدا على الإجابات الكافية الوافية. أنا دلوقتي اتطمنت على حضرتك وعرفت إنك في إدين أمينة وإن هيثم حقيقي جنتل. أنا هكلمه بخصوص الودن الاضافية اللي مركبها دي عشان يفكها. بس احنا ممكن نبص للموضوع من الناحية الإجابية, ممكن يكون الودن دي سببها إنه خايف عليكي. وده يبين قد إيه هو إنسان كويس وجنتلمان.

لا شكر على واجب سيدى ...فقد اكون ممتنة لاستضافتكم الكريمة وحواركم الراقى

واطمئنان سيادتكم لهيثم دى شهادة يعتز بها هيثم والباص بحاله ...اما بالنسبة لموضوع ايد امينة فانا لم يحالفنى الحظ للتشرف بيها واقرب فرصة ياريت تنورنا .. .

وبالنسبة للودن الاضافية فهى للاسف ودن ذاتية النمو ...يعنى تقلعها تطلع تانى

معلهش هو ممكن يكون خايف علية ؟؟من ايه ؟؟ لا ماعتقدش انه تفسير منطقى

سؤال ؟؟انت تعرف هيثم ؟؟منين ؟؟

بس الا مافيش حد هنا حدفنى بكوباية شاى ولا حتى يلسون ..هوه ايه القاعدة هنا من غير مشاريب ...

[shiko]

برافوووو شيكو جاوبت على كل الاسئلة بكل شجاعة.

١ـ ايه اكتر حيوان بتحبيه؟

٢ـ ايه اكتر اغنية بتظبط المود بتاعك؟

٣ـ ايه اخر حاجة جت على بالك امبارح قبل ما تنامي؟

٤ـ مين هيثم؟؟؟!!!

برافوووو شيكو جاوبت على كل الاسئلة بكل شجاعة.

لا ده احنا بنات بلد ...ونعجبوكى اوى ..ايتها خدعة يادامو احنا فى شرف اسئلة البنات الجميلة

١ـ ايه اكتر حيوان بتحبيه؟

مرة حبيت قطة اوى ...والحقيقة هو كان حب متبادل ..بس بابا مشاها

٢ـ ايه اكتر اغنية بتظبط المود بتاعك؟

اشترووووونى لوردة

٣ـ ايه اخر حاجة جت على بالك امبارح قبل ما تنامي؟

بصراحة ...انتم المنتدى بحالة ..دامو ...دهبية ...فتفوتة ..رضوى ..لماضة ..حتى اللى ماعرفهومش ..سوسو رانى دكتور حسام يوسف ..انتم بقيتوا احلى حاجة ممكن افكر فيها قبل مانام ..

٤ـ مين هيثم؟؟؟!!!

حضرتك كابتن طيار بحرى ..هيثم قائد الباص بتاع الشغل

:sad: bv:- bv:-

[shiko]

السلام عليكم و رحمة الله و بركاته

حبيت أخش اصبح عليكي يا شيكو..... و اقولك اجاباتك بنقاء الوقفة في البلكونة ساعة ما الدنيا بتمطر و تغسل جوانا خوف مبيت معانا من امبارح

بس برضه مش قادرة مسالشي.....حبة صغنتتين آآآآآد النملة... ينفع....ربنا يخليكي

وعليكم وعلى من احبكم سلام الله ورحمته وبركاته

حبيت أخش اصبح عليكي يا شيكو

كل الصباح وكل النور وكل الضياء لكى حبيبتى

..... و اقولك اجاباتك بنقاء الوقفة في البلكونة ساعة ما الدنيا بتمطر و تغسل جوانا خوف مبيت معانا من امبارح

بجد انا موش متخيلة انتى بتجيبى المشاعر دى منين بجد انتى حد موش معقوووول بالمرة

نخش بقى على مج النيسكوفيه ...

1- مقولة بتحبيها اوي.....و عمالة تتكرر معاكي في مواقف كتير؟

إذا أردت شيئا بقوة فأطلق سراحة فإن عاد اليك فإنه لك وإن لم يعد فإنه لم يكن لك من البداية

2- شيكو ارتبطت بفتي الاحلام.....و حصان بقي....و ليلة.... و عندك بنوتة جميلة صغنتتة.... انتي شايفة نفسك ام إزاي؟؟؟؟ و ايه اللي هتحاولي تربي بنتك عليه؟

الموضوع ده مرعب بالنسبة لى ازاى تكونى ام مسئولة ادام ربنا عن اغلى حاجة عندك فى الوجود معادلة فى منتهى الصعوبة يقابلها الكثيرون بلا اعتناء ...

هاحول اربيها صح اوى ومش هاقدر ...اعمل كدة

3- إذا حسيتي ان بنتك (معلش عيد الام قرب بقي.... ) هي نسخة مصغرة منك جدا بكل أخطائك....بكل انتصاراتك و انكساراتك.... بكل عندك و اصرارك.... و مصرة تاخد الدنيا بدراعها...تقوليلها ايه؟؟؟

تااااااااانى .. هانعيده ...هاديها شحنة ودفعة تشجيع علشان تعمل اللى هى عاوزاه شرط انه يكون على حق

4- مهنة نفسك تشتغليها فعلا... حتي لو من غير فلوس؟؟

مهنة ...طالما مهنة يبقى مذيعة فى الراديون...من طفولتى كنت بحلم بده

5- قابلتي الاشخاص التاليين لمدة دقيقة واحدة.... هتقولي/ تعملي ايه (الرسول صلي الله عليه و سلم..... و استحي ان اضعه عليه الصلاة و السلام مع بقية البشر)

صلى الله عليه وعلى اله وسلم تسليماً كثيراً

هاقول : هنا كلامى اكيد هايكون طلب "يا سيدى يا حبيبى يارسول الله احببتك ولم ارك ..امنت بك وبرسالتك ..فهل من شفيع لى غيرك ...؟"

هاعمل: هابوس ايده

......نوال السعداوي

هاعمل موش هاقول :هاضربها بالجذمة ...ولكل مقام مقال ...لامؤخذة

......غاندي

هاقول... مقولة بتاعته "بما أنني رميت سيفي فإن كأس الحب هو كل ماأستطيع أن أهديه لمن يتعرض لي."

هاعمل ...هاديله كتاب تاكسى "خالد الخميسى "

.... سعد الصغير و كان فرح شعبي موووووت؟؟؟

هاقول...كله من خيرك ..

هاعمل ...طبعا اكيد هانقط ده لو معايا فلوس

6- لو في لحظة حبيتي تعيشي مع شيكو..... بتفصليها عن الدنيا ازاي؟؟؟

اطلع حجرتى .. ودى من اسعد لحظات حياتى وانام فى سريرى واشغل التليفزيون على قناة مشارى راشد

7- فاكرة يا شيكو لما حلمت انا وانتي بالفرح..... و سرحنا و عشنا... و ملينا دفاترنا بزمن بندور عليه......هو احنا ليه مش عارفين نحط الحلم في الواقع؟؟؟ عيب فينا.... و لا لا ننتمي لهذا العالم؟؟ و لا ايه؟؟

لا موش عيب فينا ولا عيب فى حد ...لكل حلم اوان ...واوان الحلم بس لسة ماجاش وان شاء الله كل حاجة تيجى فى وقتها بس المهم اللى حوالينا يكونوا متقبليين افكارنا

7- نظرة بتحاولي تهربي منها.........عيون مين؟؟

بصى الخم بقى بعد 7 سبعة تانى هو الترقيم اتغير ولا ايه ؟؟

عــيون أمى ..فى محاولة لتدقيق النظر فى عينى ...

8- انتي جاتلك فرصة للسفر..... تحبي تروحي فين... ...ابعد مكان فى الارض

..ايه الحاجة اللي متقدريش تطلعي بره مصر من غيرها (الحاجة ممكن تبقي جماد او بني آدم)

امى ...المصحف ..الموبايل ...الشراب

9- امبارح شفت علي وشك ضحكة حلوة..... و قولتي انك بتحلمي بطوق نووووور.... بتلاقي النور فين في الدنيا (بعيد عن كبس الكهرب يا عبد العال)؟

فى ركعتين فى جوف الليل

10-ايه اللي ممكن يضحكك اوي من قلبك.... كراكيع يعني؟؟؟

العكوسااااااااات اللى بتحصل معايا انا بالذات دوناً عن الخلق اللى حواليا كلهم تقوليش ايه النداهة ...متعرفش غيرى؟؟

صباحك ..نور ... ملئه نور ..ويزيده نور ..ويليه النور ..

:sad: bv:- bv:-

باقاااااااات حمراء ...تلتفها شرائط بيضاء ...

[ذهبية]

صباح الخير على اجما شيكو فى المنتدى كلة

اولا احييك على اجابتك اللى تنم عن شخصية عاقلة مثقفة واعية بجد عجبتنى

هاصبح عليك بكام سؤال سريع كدةةة

مين الشخصية اللى لو قعدتى معاة تنسى الساعة والزمن و المكان ؟؟؟

امتى تصبح شيكو فى قمة الحيرة..........؟؟؟؟

المفاهيم دى معناة اية فى حياتك الذكاء...... الغباء........ الحب ........الحرية...... الاستقلال .....الزواج ......الطفولة؟؟؟؟

مين اللى شيكو اعتذرت لة....... وكانت ندامة بجد انها زعلتة ؟؟؟

لما شيكو بتتضايق قوى و عايزة تبكىى ............ بتروح لمين ؟؟؟و بتعمل اية ؟؟؟؟؟؟

بتعتبرى الدموع ضعف ولا حساسية ولا تطهير للنفس ولا شىء خارج عن ارادتك ؟؟؟؟؟؟

لو خطيبك او جوزك لانى معرفش انتى متجوزة ولالا المهم لو جة فى يوم وقالك ابعدى عن اقرب صديقة ليكى انا مش عايزها فى حياتك

موقفك هيكون اية هتختارية هو و لا صديقتك ؟؟؟

امتى الدنيا هزمت شيكو .........ومين اللى ساعد شيكو........واتعلمتى اية من الهزيمة ؟؟؟؟؟؟؟؟؟

اية اهم حاجة فى حياة شيكو الان ؟؟؟؟؟؟؟؟

شيكو بتكون انطباع على الى قدامها ازاى هل من لبسة ؟؟؟ هل من شكلة ؟؟؟ هل من ارائة ثقافتة ؟؟هلمن تصرفاتة ؟؟هل من ماضية ؟؟؟

شيكو كسبت مليون جنية ؟؟؟؟؟؟؟؟ هتعمل بيهم اية ؟؟؟

الصداقة بين الرجل و المراءة رايك اية فيهم ؟؟؟ سهل جدااا يتحول الصداقة الى حب لكن من رايك هل ممكن الحب يتحول الى صداقة !!!!!!!!!!!

صباحك فل و ياسمين خالى من الدموع الهزيمة ملىء بالحب و الصداقة

هالف و ارجع تانى بكام سؤال بعد ما تخلصى دة