كرسي الأعتراف 2 ( حاليآ الفاضلة Dreamwithme )

[عبير يونس]

و عشان الضرب ف الوش مفيهوش معلش .. نقول مستعينين بالله

:blink:

1 - سؤال كدة بس مش هنخليه بيرسونال ... لو واحدة صحبتك سعيدة جداً في حياتها الزوجية و بعد 5 سنين اكتشفت إن زوجها كان عنده علاقة قديمة كدة .. لكن أثناء زواجهم و راحت لحالها خلاص .. نزوة يعني .. تنصحيها بإيه و تتصرف إزاي؟

مقدرش ابدا اعطي رأي فيه خراب بيوت

و مبحبش ابدا انفخ في حد لحد ما استفزه يخرب بيته

حاحاول ادور على أي حاجة ايجابية في حياتها اكون عارفاها منها

و اركز عليها

و طبعا حأدعيلها كتير

خراب البيوت مش سهل و خصوصا لو في أطفال

و حأقول

اللهم عافها و لا تبتليني

2 - كلنا شفنا موقف نشوي سعيد ... (يا رب يا رب ما تكتبه على حد أبداً) لكن لو (بلا بيرسونال بردو) حد قريب منك أوي أوي زيك مثلاً اتعرض للموقف ده هتتصرفي ازاي و هتسكتي عن حقكم ولا هتطالبوا بيه في ظل ظروفنا المنيلة دي في البلد؟

مش عارفة

مبحبش افترض حاجات زي كده

لأن البلاء بالمنطق

ربنا يصبرهم و يهديهم الى سواء السبيل

الكلام ع البر سهل

بس ما يحسش بالنار الا اللي كابشها

3 - أبو العيال رجع من الشغل في يوم حضرتك مصرة تفتجي موضوع لبس المدارس و قالك .. خليها شوية كدة .. هتخليها شوية كدة ولا هتصري تكملي موضوعك ؟

طبعا حأسكت

و أحاول اتخير وقت مناسب

4 - الزوجة الصالحة ... إزاي يعني ؟

زي ما ربنا سبحانه و تعالى وصفها في الهدي النبوي

اذا نظر اليها سرته و اذا غاب عنها حفظته في نفسها و ماله

5 - سؤال مهم أوي (ليا ع الاقل) لو حسيتي إن حد بيستغلك .. بيستغل علمك .. طيبتك .. مالك .. أي حاجة فيكي .. و طبعاً بيستغل يعني مش محتاج بالضرورة .. هتتصرفي ازاي؟ هتسيبيه يستغل في حدود ولا هتقطعي و لا هتديله في وشه ولا ايه النظام ؟

و الله حسب الشخص اللي قدامي حيكون التصرف

في ناس حتتعدل لو حطيت لها حدود

و في ناس لازم تقطع معاها و تخليها سلام عليكم و عليكم السلام

و في ناس لازم تديها في وشها

و ان كنت اتجنب الصنف الآخير

لأنه مش سهل عليا اني ادي حد في وشه

و ده بيبقى آخر الحلول

لو قفلت يعني

6 - دخلتي منتدى تاني (أي منتدى و السلام) لقيتي إتنين اسمهم مكاوي و لماضة مثلاً ماسكين واحدة اسمها مصرية متغربة نميمة و رغي و ذم و حاجات بايخة كدة .. هتعملي معاهم ايه .. هنا ولا هناك ولا بالليل على المصلية مع ربنا ؟

ما باهتمش ان حد يشتمني و لا يتكلم عليا

بالعكس دول يستاهلوا هدايا على الحسنات اللي بيدوهالي

اللهم إني تصدقت بعرضي على الناس وعفوت عمن ظلمني فمن شتمني أو ظلمني فهو في حل اللهم إني سامحت كل من اغتابني أو ذكرني بسووء في غيبتي وأسألك في ذلك الأجر والمغفره وبلوغ مراتب المحسنين

7 - حفل تخريج الابتدائية في مدرسة العساسيل و انطلب منك بصفتك أم الأوائل (يا رب) تلقي كلمة على الحاضرين .. هتقولي ايه .. المكرفون مع سيادتك و لن نقبل أقل من خطبة عصماء شماااااااء .. عشان كلنا هنا جمعـــــــــــــــــــــاء :blink:

اخواتي الكريمات..أيها الحفل الكريم

السلام عليكم ورحمة الله و بركاته

أحتفل اليوم معكم بتخرج ابناءنا و نجاحهم في مرحلة ليدخلوا مرحلة جديدة أكبر و تحتاج لمزيد من الجهد و العمل

إن قيمة النجاح لا تكمن بالشعور بلذة النصر فقط

و إنما هي حافز لمواصلة الجهود

للحصول على مزيد من النجاح

و تنعقد سلسلة من النجاحات المتواصلة

فإلى مزيد من النجاح فمزيد من العمل

بارك اللهم لنا في أبنائنا و أصلحهم و أنبتهم نباتا حسنا

8 - القرآن الكريم ... يا ترى قانون في حياة مصرية متغربة ولا قراءة بس ولا على قد ما بنقدر ولا في البوفيه؟

طبعا قانون و منهج

و رسائل مستمرة من الخالق عز وجل لي لابد أن أقرأها

هو التواصل بيني و بين رب العالمين

و منه استمد القوة لمواجهة التحديات من حولي

9 - ألا الكتاكيت اسمهم ايه ؟

كده حأتفضح

لأن ولادي اساميهم مميزة

لكن يللا

عشان خاطركم بس

حأقول الأسماء الحركية

روقة

لولو

بيبو

سوفة

سونة

سلفلف

اللهم بارك فيهم وانبتهم نباتا صالحا

10 - كتكوت من الكتاكيت باة جاله استدعاء ولي أمر رحتي تاني يوم المدرسة لقيتي ولد جنب منه كدة و متخيط .. و أتاري المحروس الغالي هو اللي باطحه 5 غرز في دماغه .. ايه النظام ؟؟

مش عارفة

الحمد لله محصلش

و برضه مش حأفترض السوء

ربنا يصرف عنا السوء جميعا

آمين

11 - ولا أقولك .. العبي في دول عما أقدم التقرير عشان الجدع مسافر بكرة خلاص

مكاوى

[عبير يونس]

ابووووووس مين اللى على الكرسى

مصريه متغربه بلدياتى

ازيك يا فندم وان شاء الله تكونى بخير انتى والاسره الكريمه وازى البنوته الصغيوره " حلوه الصغيوره دى "

يا أهلا يا باشا

دى كانت مقدمه لابد منها

انا كنت عاوز اجول ايه انا كنت عاوز اجول ايه انا كنت عاوز اجول ايه

اه افتكرت

انا كنت عاوز أسأل مش اجول

على العموم

بما انك عشت جل عمرك فى الغربه وكان ليكى احتكاك بالعنصر النسائى من جميع الجنسيات

تفتكرى ما هو اهم ما يميز المرأه المصريه عن باقى الجنسيات وما هو اهم ما يميز المرأه من باقى الجنسيات عن المرأه المصريه ؟

لازم قبل ما نقارن يكون في أوجه للمقارنة

يعني ماجيبش واحدة لبنانية هاي كلاس و بتعرف لغات ورشيقة ومهتمة بمظهرها

و أقارنها بمصرية من بيئة شعبية

و تكون شجرة جميز و بتطجن في الكلام

و أروح أقول دي لبنانية و دي مصرية

في في مصر بنات هاي كلاس و قمرات و بيتكلموا لغات و رشيقات و شيك

و دول على نفس مستوى اللبنانيات

ان ما كانوش أعلى لاحتساب ميزة خفة الدم المصرية اللي لا تنافسها فيها أي سيدة عربية كانت أو أجنبية

و أكيد كل بلد عربي فيه بيئات شعبية و ستات جميز و بيطجنوا في الكلام

عادي يعني

:blink:

لماذا مصريه متغربه عاوزه تهاجر ؟

عشان ولادي أولا

التعليم السوبر مجانا

و الرعاية الصحية

و لينا كلنا

عشان الاقي قيمة لانسان له حقوق قبل ان تكون عليه واجبات

تفتكرى ان الغربه بتقرب الزوج وزجته من بعض وا العكس ؟ يعنى علشان ان مافيش مكان تغضب فيه لو زعلت منه يعنى ؟

ممكن

بس اللي عايزة تغضب و تسيب البيت ما بتغلبش

انا مش أنصار الست تسيب البيت لأي سبب كان

بس من جهة الغربة بتقرب فده صحيح إلى حد بعيد

لأنهم ما بيلاقوش غير بعض

و بيكونش في أي شوشرة عليهم من العائلتين

بس ممكن يتلموا على شوية صحاب معتبرين من الطرفين

يخربوا بيتهم بمنتهى البساطة

لما ابن حضرتك يجى يقولك يا ماما الواد ده شتمنى بتعملى ايه ؟ علماً بان ابن حضرتك عنده 10 سنين طيب لو واحد ضربه بتقولى له ايه ؟

انا كنت دايما و لازلت على مبدأ التسامح

و ده اللي بأطبقه على نفسي

لو حد هاجمني

بس اعتقد عالم الرجال مختلف

و فيه طباع لا أدركها أكيد

لأن باباه مش بيقوله كده خالص

بيقوله اللي يضربك اضربه

عشان ما يحاولش تاني معاك

مش عارفة ده صح و الا غلط

بس ما بعترضش

لأن جوزي بيفهم في عالمه أكتر مني

و انا طبعا عايزاه راجل يعرف يتعامل مع الرجال

يعني ينضرب و يضرب

و كده

بس يعرف انه لما يتسامح

يبقى الموضوع العفو عند المقدرة

مش لأنه عاجز ياخد حقه

الموضوع معقد بالنسبة لي

و ادعو الله أن يرشدنا جميعا للخير

ايه اكتر حاجه انتى فرحانه بيها فى الدنيا دى ؟ وليه ؟

حاجات كتير

انا متصالحة مع نفسي

و مش حاسة الحمد لله ان ناقصني حاجة

أؤمن بالقدر والنصيب

و عندي طموحات وأهداف أسعى لتحقيقها

أعلم انه هناك دوما تحديات

و لكن سلاحي الإيمان و اليقين في الله عز وجل

ما هو رأيك فى اهل مكه من خلال معايشتك ليهم يعنى ؟

سبقت الإجابة على السؤال ده

بس حأقولك تاني

أهل مكة ناس زي أي ناس في الدنيا

فيهم الكويس والوحش

المشكلة فينا احنا مش فيهم

لأننا بننتظر منهم دوما أن يكونوا ملائكة

و ده ظلم طبعا

يتبع...

[عبير يونس]

ايهم اقرب الى قلبك المحاورات ام المطاريد ؟ متقوليش كلهم اولادى والكلام ده ؟

شوف يا باشا

كل حاجة في الدنيا تختلف عن أي حاجة تانية

و كل حاجة ليها طابع ومذاق

مفيش حاجتين زي بعض

حتى التواءم المتشابهة

المحاورات لها مذاق يختلف عن أي منتدى آخر

و كذلك المطاريد

الحلو بقى عندي ان الاقي الناس الحلوة هنا و هناك

بأنبسط اوي الحقيقة

:)

ليكى فى العربيات " بعد لما قولت السيارات اكتشفت ان فيه ناس هنا هم عارفين نفسهم بيزعلوا لما باقول سيارات فقولت اقول عربيات " ما هى عربيتك المفضله ؟

باحب أي عربية 4*4

اي شكلو اي نوع

الفان

الجيب

الهامر

:ninja:

بس لمصر

لا يعلى على الفيات ثم البيجو

عن تجارب

مبحبش السيدان

و عربيات السباق شكلها زي الكوابيس بالنسبة لي

مجرد ما بأشوفها باتخنق من كونها قريبة اوي للأرض

بحب الميتالك والأسود

بتتصرفى ازاى لما تبقى قاعده فى قاعده وتلاقى واحد او واحده مصري ونازل سب وشتيمه فى مصر ؟

حسب الشخص

يعني لو يهمني أمره حأحاول احسسه ان مصر مش وحشة كده

و ان اكيد زيها زي اي بلد فيه الكويس والوحش

و حأفكره كمان

ان اللي ملوش خير في أهله ملوش خيرفي حد

أما لو الشخص ما يهمنيش

حأعتبر نفسي ما سمعتش

و مش حأشارك في الحديث

و ممكن أسيب المجلس خالص

الناس اللي من النوع ده عندها مشكلة مع النفس أساسا قبل ما تكون مع البلد

ما هو رأيك فى الزواج المبكر وما هو السن المناسب للزواج من وجهة نظرك طبعاً للجنسين ؟

له مزايا و له عيوب

و ما ينفعش لأي حد

مفيش سن معين

هو حسب الاستعداد

في ناس ممكن تتزوج و تفتح بيوت في سن صغيرة

و في ناس لا

عن نفسي اتمناه لولادي و بناتي لو حسيت فيهم ميول للجنس الآخر

لضمان عصمتهم

و عدم فتور مشاعرهم

أما لو مش في دماغهم

فيكملوا تعليم الأول و يشتغلوا شوية

و أولا واخيرا الجواز قسمة ونصيب و له ميعاد ربنا محدده

موقف حصل قدامك مع ناس انتى متعرفهش والدمعه نزلت من عينك ايه هو الموقف ؟

يووووووه كتير

ده معظم دموعي ما بتنزلش الا عشان الناس اللي قدامي

أي موقف أشوف فيه ظلم أو قهر لحد بيبكيني فورا

و ممكن آكل الظالم بسناني لو اقدر

مبحبش أشوف حد عاجز أو مقهور

بس مباطبطبش على اللي بيعمل كده في نفسه

و ممكن انهره بشدة عشان يفوق

لو بنت حضرتك قالت يا ماما انا بحب فلان الفلانى وفلان الفلانى ده مكنش مصرى كان سعودى هتقولى ليها ايه وهل هتفرق مصرى من اى جنسيه تانيه ؟

عن نفسي مفيش أحسن من الرجل المصري للمصرية

حيبقوا فاهمين بعض و جايين من خلفية ثقافية متشابهة

يعني الأنسب لبنتي في نظري حيبقى مصري متربي في الخليج

و مش مصري عاش في مصر طول عمره مثلا

لكن

من جاءكم من ترضون دينه وخلقه فزوجوه

يعني لازم الدين والأخلاق أولا

و المهم انه يجي من الباب

بس ما عتقدش ان بنتي حتفاجئي بحاجة زي كده والا حأبقى نايمة على وداني

أكيد حأعرف من أول نظرة اعجاب و قبل ما يتحول لحب

و ربنا يسهل وقتها

ربنا يكتب الخير للجميع

كفايه كده ونكمل بكره

عنبو

اوكيه :)

[hOuSsAm]

هو كدة انتوا خلصتوا مصرية ولا لسه

يعنى نبدا نشوف الزبون اللى بعده :closedeyes:

انا صحيح مسالتش بس الردالة قاموا بالواجب

[عبير يونس]

هو كدة انتوا خلصتوا مصرية ولا لسه

يعنى نبدا نشوف الزبون اللى بعده

انا صحيح مسالتش بس الردالة قاموا بالواجب

و الله يا ابني و لا اتكهربت ولا حاجة

و الاسئلة كانت حونينة بشكل غير طبيعي

مش عارفة ده ايه بصراحة

اناكنت عاملة حسابي اني حانور

:blink:

الظاهر فعلا الدنيا متجيش لعايز

:sad:

[عبير يونس]

يا نهار أبيض

ايه اللي حصل يا جماعة؟؟؟

هو انا شفطت الكهرباء كلها و الا ايه

:blink:

ده الموضوع مش بس نام

ده متهيألي انه اتشال من الذاكرة نوهائي

متخيلاكم كلكم دلوقتي مرميين على أرض الموضوع اللي فاقد الوعي

و اللي في حالة ذهول

واللي بيقول انا مين انا فين

مين طفى النور

:ninja:

مكاوي الحقيقة متكعور هناك اهو

و عنبو يتحسس شنبه في ذهول بعد ان طار نصفه

:pasha:

لماضة عمالة توصف في احاسيسها باللي حصل

و حسام يرمي بشقة البطيخ جانبا و يربت على كتف عنبو و هو يبكي لما حدث لشنبو

رضوى و شيكو و مغتربة يضربون كفا على كف بعد ما كانوا لسه سالتين ايديهم من شوية اسئلة بيجهزوها للضحية

:waving:

أغابي يا عيني عمالة تحاول تولعها بس الكبريت مبيولعش و هي تتمتم ايه الكبريت الغم ده

حتى الكبريت يا بلد

مبقاش يولع

الحقيقة باضرب بعيني لقيت الكرسي مفرقع و يعلوه دخان كثيف

متقلقوش

انا اتصلت بالاسعاف وزمانهم في الطريق

ملحوقة يا ولاد

ربنا يعوض بقى على أبو جونيور

المكان اتدمر الحقيقة

:buba:

ايييييييييييييه

دنيا

مفيش قدامه غير يبدأ ب

كرسي الاعتراف (3)

يللا بقى مهمتي كده انتهت

اي خدعة

فوتوكوا بعافية بقى

اصل الافندي مستنيني ع القهوة عشان اوافيه بالتفاصيل الدكيكة

خليكوا

والنبي ما انتوا آيمين

انا عارفة السكة

يوه قطشيعة

محدش بياكلها بالساهل

:vian:

[hOuSsAm]

مكاوي الحقيقة متكعور هناك اهو

و عنبو يتحسس شنبه في ذهول بعد ان طار نصفه

لماضة عمالة توصف في احاسيسها باللي حصل

و حسام يرمي بشقة البطيخ جانبا و يربت على كتف عنبو و هو يبكي لما حدث لشنبو

الفاضلة مغتربة

مع ان اجاباتك كويسة وممكن تنجحك

بس فعلا انتى حظك حلو

انتى اتكهربتى فى وقت الاجازات والناس كلها مانتخة

وكمان البطيخ اللى كان معايا انا شاكك فيه من الاول (حاسس ان فيه منوم)

عالعموم انتى كدة ماخدتيش الختم البيضاوى .............. يعنى ممكن يتعملك استدعاء فى اى وقت )

بالتوفيق باذن الله ومنتظرين الجديد

[لماضة مصرية جدا]

السلام عليكم و رحمة الله و بركاته

ع فكرة انا كده نظري يرووووووووح (وش سنية في وجهة نظر و هي بتدور ع العدسة :lol: )

انا عمالة ارفع موضوعات و توبيكات م الارشيف لما خلاص صحتي رااااااااحت (ناوليني يا امينة حباية الضغط م ع الشوفونيرة...نفسي اعرف يعني ايه شوفونيرة...يا تري كنبة و لا سحااااااارة متقفلة كومودينو :lol: )

استعنا ع الشقا بالله....(وش اي شيال في محطة مصر)

نداء الي خالتي فرنسا اللي هي مسمية نفسها مصرية متغربة......عودي يا هااااااااااميس و اختاري ميت هيقعد ع كورسي الاعتبار....قصدي كورس الاعتراف

و اديني اهه هسن سناني و جاااااااااااااااية فرافيرووووووووو(وش عبد المنعم مدبولي في مطار الحب)

اي خدمة يا شعب

كان معكم لماضة...بطولة الجاااامهورية في رفع الاثقال...و نشر الغسيل بصباع واحد wst::

فوتكم بعافية

[Howayda Ismail]

السلام عليكم و رحمة الله و بركاته

ع فكرة انا كده نظري يرووووووووح (وش سنية في وجهة نظر و هي بتدور ع العدسة :lol: )

انا عمالة ارفع موضوعات و توبيكات م الارشيف لما خلاص صحتي رااااااااحت (ناوليني يا امينة حباية الضغط م ع الشوفونيرة...نفسي اعرف يعني ايه شوفونيرة...يا تري كنبة و لا سحااااااارة متقفلة كومودينو :lol: )

استعنا ع الشقا بالله....(وش اي شيال في محطة مصر)

نداء الي خالتي فرنسا اللي هي مسمية نفسها مصرية متغربة......عودي يا هااااااااااميس و اختاري ميت هيقعد ع كورسي الاعتبار....قصدي كورس الاعتراف

و اديني اهه هسن سناني و جاااااااااااااااية فرافيرووووووووو(وش عبد المنعم مدبولي في مطار الحب)

اي خدمة يا شعب

كان معكم لماضة...بطولة الجاااامهورية في رفع الاثقال...و نشر الغسيل بصباع واحد wst::

فوتكم بعافية

شربات يالماضة

ربنا يسعد ايامك

[لماضة مصرية جدا]

السلام عليكم و رحمة الله وبركاته

طب انا بقي كبرت في دماغي....و انا دماغي برج توووووووور....يعني هفضل ارفع التوبيك ده لما اشوف اخرتها معاكم ايه يا بني أدمين..(وش اللمبي)

حيث ان مصرية مغتربة(اخر ضحايا الكرسي)....اخر مرة شفتها كان في الساحة الشعبية و احنا بنرحب بتانت هند....وواضح انها بعد اكلة السمك و الجمبري الافتراضية....كومت ع الجنب

بقترح التالي

لو انت قاعد في مدرجات الدرجة الاولي....(وش برضه كابتن لطيف)....يبقي الفريق البمبي

1- تانت هند ام علي...و بنتها آيات محمد....ايون هنجيب الدكة الخشب بتاعت عم عبد السميع البواب...و نقعد بقي للصبح

2- المهندسة....عشان انا عايزة افطمها كلمتين عن النكد...بتاع الزوجة النكدية...هاااااارش يا منعم..(مين منعم :blink: )

3- حبيبة قلب ماما..و بابا....رشا....قصدي ....مغتربة....لانها وعدتني باكلة محشي....رشوة...و لاني من ابناء المحاورات الشرفااااااااااااااااااااااااااء.....مقبلتش باقل من سمك و جمبري....و رسي بينا الحال علي فروج الطازج....(اسيح بقي wst:: )

لو انتو قاعدين في مدرجات الدرجة التالتة يبقي الفريق الازرق

1- استاذنا العظيم....صاحب المداخلات القحافة..اللي هتفضل اجيال و را اجيال ترددها....في موضوع العنب...و موضوع نهارنا زعيق بالصلاتو ع النبي (وش اي بائع متجول)....استاذنا OZOOZO

2- استاذ دياب....نفسي اعرف بيشوط ايه برجله....؟؟؟

3- استاذ مسافر زاده الخيال.....اه يجي يحكيلنا شوية.....عن سور الصين العظيم..و ايشي حاجات اختفي و ايشي حاجات نور....(وش محي :lol: )

هنفتح باب التصويت

مكنشي يومك يا سبعي....يا جملي....

مكنشي يومك يا شااااااااابة

كان معكم

لماضة

فاعل خير

فوتكم بعافية

[Howayda Ismail]

السلام عليكم و رحمة الله وبركاته

طب انا بقي كبرت في دماغي....و انا دماغي برج توووووووور....يعني هفضل ارفع التوبيك ده لما اشوف اخرتها معاكم ايه يا بني أدمين..(وش اللمبي)

حيث ان مصرية مغتربة(اخر ضحايا الكرسي)....اخر مرة شفتها كان في الساحة الشعبية و احنا بنرحب بتانت هند....وواضح انها بعد اكلة السمك و الجمبري الافتراضية....كومت ع الجنب

بقترح التالي

لو انت قاعد في مدرجات الدرجة الاولي....(وش برضه كابتن لطيف)....يبقي الفريق البمبي

1- تانت هند ام علي...و بنتها آيات محمد....ايون هنجيب الدكة الخشب بتاعت عم عبد السميع البواب...و نقعد بقي للصبح

2- المهندسة....عشان انا عايزة افطمها كلمتين عن النكد...بتاع الزوجة النكدية...هاااااارش يا منعم..(مين منعم :blink: )

3- حبيبة قلب ماما..و بابا....رشا....قصدي ....مغتربة....لانها وعدتني باكلة محشي....رشوة...و لاني من ابناء المحاورات الشرفااااااااااااااااااااااااااء.....مقبلتش باقل من سمك و جمبري....و رسي بينا الحال علي فروج الطازج....(اسيح بقي wst:: )

لو انتو قاعدين في مدرجات الدرجة التالتة يبقي الفريق الازرق

1- استاذنا العظيم....صاحب المداخلات القحافة..اللي هتفضل اجيال و را اجيال ترددها....في موضوع العنب...و موضوع نهارنا زعيق بالصلاتو ع النبي (وش اي بائع متجول)....استاذنا OZOOZO

2- استاذ دياب....نفسي اعرف بيشوط ايه برجله....؟؟؟

3- استاذ مسافر زاده الخيال.....اه يجي يحكيلنا شوية.....عن سور الصين العظيم..و ايشي حاجات اختفي و ايشي حاجات نور....(وش محي :lol: )

هنفتح باب التصويت

مكنشي يومك يا سبعي....يا جملي....

مكنشي يومك يا شااااااااابة

كان معكم

لماضة

فاعل خير

فوتكم بعافية

والله ياريهام انت بنت حلال وفيكى حاجة لله

انا كان المفروض انهاردة اعملهم المحشى بس عشان قاعدة طول النهار عندكم

سكيت على المحشى ومشيتها سمك اهو ابسط ومش بياخد وقت زى المحشى

حكاية كرسى الاعتراف دى الله يخليكى لاحسن تعملوا فى زى مسرحية يوسف وهبى كرسى الاعتراف

شوفى كده الرباط الخاص بي

[لماضة مصرية جدا]

السلام عليكم و رحمة الله وبركاته

طب انا بقي كبرت في دماغي....و انا دماغي برج توووووووور....يعني هفضل ارفع التوبيك ده لما اشوف اخرتها معاكم ايه يا بني أدمين..(وش اللمبي)

حيث ان مصرية مغتربة(اخر ضحايا الكرسي)....اخر مرة شفتها كان في الساحة الشعبية و احنا بنرحب بتانت هند....وواضح انها بعد اكلة السمك و الجمبري الافتراضية....كومت ع الجنب

بقترح التالي

لو انت قاعد في مدرجات الدرجة الاولي....(وش برضه كابتن لطيف)....يبقي الفريق البمبي

1- تانت هند ام علي...و بنتها آيات محمد....ايون هنجيب الدكة الخشب بتاعت عم عبد السميع البواب...و نقعد بقي للصبح

2- المهندسة....عشان انا عايزة افطمها كلمتين عن النكد...بتاع الزوجة النكدية...هاااااارش يا منعم..(مين منعم :blink: )

3- حبيبة قلب ماما..و بابا....رشا....قصدي ....مغتربة....لانها وعدتني باكلة محشي....رشوة...و لاني من ابناء المحاورات الشرفااااااااااااااااااااااااااء.....مقبلتش باقل من سمك و جمبري....و رسي بينا الحال علي فروج الطازج....(اسيح بقي wst:: )

لو انتو قاعدين في مدرجات الدرجة التالتة يبقي الفريق الازرق

1- استاذنا العظيم....صاحب المداخلات القحافة..اللي هتفضل اجيال و را اجيال ترددها....في موضوع العنب...و موضوع نهارنا زعيق بالصلاتو ع النبي (وش اي بائع متجول)....استاذنا OZOOZO

2- استاذ دياب....نفسي اعرف بيشوط ايه برجله....؟؟؟

3- استاذ مسافر زاده الخيال.....اه يجي يحكيلنا شوية.....عن سور الصين العظيم..و ايشي حاجات اختفي و ايشي حاجات نور....(وش محي :lol: )

هنفتح باب التصويت

مكنشي يومك يا سبعي....يا جملي....

مكنشي يومك يا شااااااااابة

كان معكم

لماضة

فاعل خير

فوتكم بعافية

والله ياريهام انت بنت حلال وفيكى حاجة لله

انا كان المفروض انهاردة اعملهم المحشى بس عشان قاعدة طول النهار عندكم

سكيت على المحشى ومشيتها سمك اهو ابسط ومش بياخد وقت زى المحشى

حكاية كرسى الاعتراف دى الله يخليكى لاحسن تعملوا فى زى مسرحية يوسف وهبى كرسى الاعتراف

شوفى كده الرباط الخاص بي

السلام عليكم و رحمة الله و بركاته

سؤال علي هامش الدكة اللي احنا بنرش ميه قدامها

ما شاء الله و لا حول و لا قوة الا بالله

حضرتك فعلا بتعملي محشي.....يااااااااااااه...يعني من ابو صوابع دوت اللي هو الصلصلة تبقي بتتمخطر فوقيه و ريحة التوابل مفحفحة؟؟؟

اه يا معاميعي ياااانا

بصي كرسي الاعتراف دوت حاجة سهلة جدا جدا جدا (وش اي ممرضة قبل ما ترزع حقنة في العضل)

عارفة انتي هتبقي قاعدة تعملي محشي...و الجماهير الغفيرة هتبقي تسال حضرتك...الطماطم...بكام..و هل الطماطم لعبت دور محوري في حياتك او في اختياراتك...طب هل حياتك تشبه الصلصصة مثلا...طب ملحك في حياتك...كتير...طب قليل...(وش الدجاجة في اعلان مرقة فاين فودز)

شفتي بقي الدنيا سهلة ازاي

خلاص نعزم و نقول الله أكبر...(وش جزار...مشمر الجلابية..جايب الديل في الجيب...مش عارفة بيعملوها إزاي)

ع جنب بقي

يوسف وهبي ايه اللي اصطبح بيه ع الصبح...عندكيش حاجة لفلتة عصره احمد عز...؟؟؟؟

صباحك نور ربنا في الكون

[مغتربة]

3- حبيبة قلب ماما..و بابا....رشا....قصدي ....مغتربة....لانها وعدتني باكلة محشي....رشوة...و لاني من ابناء المحاورات الشرفااااااااااااااااااااااااااء.....مقبلتش باقل من سمك و جمبري....و رسي بينا الحال علي فروج الطازج....(اسيح بقي )

يعنى ما لقتيش غير اسم رشا الى انا مش بحبه بصراحه كنت هزعل من بابا و ماما قوى لو كانوا سمونى بيه :rolleyes: :rolleyes:

و بعدين يا عم ما المحشى على النار من ساعتها و مستنى بس انت الى مش عايز تيجى حينا يا جميل ( خلينا ساكتين احسن wst:: wst:: )

الجد بقى انا معاكم قلبا و قالبا فى موضوع استاذ ازوزو

و بالطبع هو عارف دلوقتى ان كل الجنس الناعم فى المحاورات مستنينه يقعد على الكرسى دا ازاى

علشان كدا احنا لازم نطلق حمله قوميه محاورتيه لاقناع الاستاذ ازوزو بالاستجابه لمطالب الاكثريه و انه يشرفنا على الكرسى هنا

فى اسرع وقت ممكن

[اغابي]

ياااااه فكرتونى

كان اجمل واحلى ايام

كانت الايام بتاعة كرسي الاعتراف ده ايام لن تتكرر

كنا ما نبطلش ضحك اليوم كله ايام لاتنسي

كانوا

مجموعة فظيععععععععععععععععععععة

الله يمسيهم بالخير كلهم ويوفقهم

نقترح دلوقتى

اما

دياب

او

OZOOZO

او

المهندسة

لكم ان تختارو من سيجلس على الكرسي

؟؟

:roseop:

[مغتربة]

احنا ناسين حاجه مهمه

و هيا ان استاذ ازوزو قال انه مسافر و بعديها باذن الله طالع الحج

علشان كدا ممكن ميبقاش متفرغ لنا كويس

و احنا عايزينه مفضى نفسه على الاخر

علشان نعرف كدا نساله براحتنا md2: md2: md2:

خلاص يا لموضه اقترحيلنا اسماء اخرى على بال ما يرجع بالسلامه

و احنا وراكى على طول

:P :P :P

[لماضة مصرية جدا]

احنا ناسين حاجه مهمه

و هيا ان استاذ ازوزو قال انه مسافر و بعديها باذن الله طالع الحج

علشان كدا ممكن ميبقاش متفرغ لنا كويس

و احنا عايزينه مفضى نفسه على الاخر

علشان نعرف كدا نساله براحتنا md2: md2: md2:

خلاص يا لموضه اقترحيلنا اسماء اخرى على بال ما يرجع بالسلامه

و احنا وراكى على طول

:P :P :P

السلام عليكم و رحمة الله و بركاته

صبااااااحك بريحة بخور....يخش كده في النخاشيش و يعمل احلي دماغ

بصي يا قمر

ثانيا.....انا رايي....عشان معزة...(يعني غلاوة مش حاجة تانية)....استاذ اوزوووو...احنا ناخده قبل و بعد :rolleyes:

يعني قبل الحج....و باذن الله بعده

ما هو احنا كمان لازم نجدد شوية في الدكة اللي احنا قاعدين عليها

ع هامش الدكة بقي

برشح تاني

1- استاذ دياب....و يجي معاه الباسكيت بتاعته دي

2- استاذ مسافر زاده الخيال

3- استاذ اوزوز....ناخده غسيل و مكواة

و هحط رغبة شخصية ليا جدا من فترة

استاذ عادل ابو زيد

اما بالنسبة للركن البمبي

فما زالت القايمة الانتخابية زي ما هي

لاني مسمعناش اي تصويت.....و ان كنت شايفاكي بتبصي علينا من ورا البااااااب...(وش واحدة بتفتح الباب فجاة...و صوت تكويمة بني آدم...اللي كان لازق عينه في الخرم :lol: )

خشي خشي يا مغتربة.....دي وصفة سهلة....دي وصفة هايلة...(وش حد من الليلة الكبيرة....بس مش قادرة احط رجلي....قصدي ايدي...مين بالظبط)

بس خلاص

صباحك.....سواقة ع الطريق السريع....(انتي عارفة اني مش هعملها تااااااني قولي كده قرن تاني قدام mfb: )

فوتك بكل الخير

[مغتربة]

خشي خشي يا مغتربة.....دي وصفة سهلة....دي وصفة هايلة...(وش حد من الليلة الكبيرة....بس مش قادرة احط رجلي....قصدي ايدي...مين بالظبط)

لا يا سكر مينفعش

ما هو يا اكون من الضحايا يكون من العصابه

و انا طبعا هختار العصابه بدون تردد

وحدش مستغنى عن عمرى و يقعد على الكرسى دا بارادته

ha) ha) ha) ha)

[mekkawy]

طب بسم الله نقول

هو بس الأول بمبي ولا لبني .. عشان نصوت كلنا في ناحية واحدة و بدون تشتيت .. أحسن الواحد نفسه يطلع كل اللي جواه على حد و انا حاسس ان كل الناس مشحونة شحنات كهربائية سلبية و بس مفيش ايجابي .. فبالصلاة على النبي كدة اللي هيقعد هيموت

ها .. بمبي بأة ولا لبني ؟

مكاوى .. اليكترو

[عبير يونس]

لبني طبعا يا ابو الشباب

انتو نسيتو اني كنت بلا فخر آخر الضحايا smk:

صحيح انا متكهربتش بما فيه الكفاية و كان الكرسي ملخلخ و عايز تربيط

بس يللا

كل واحد بياخد نصيبه

ايييييييييييييييه دنيا

يبقى الضحية الجاية لازم تكون لبني يا حلوين

و اعتقد ان من حقوقي الدستورية اني انا اللي أرشح النائب بتاعي

و اوعدكم اني حأبعد تماما عن التوريث

انا بس حأرشح

و انتو تنتخبوا براحتكم بمطلق الحرية الكاملة

بانتخابات نزيهة ( طبعا بتوجيهاتي :lol: )

المرشحون

الأول

(وش لماضة او فريد شوقي في أمير الانتقام:ninja: )

اوريكس

الثاني

مسافر زاده الخيال

الثالث

جووووووووو

( مفتقداه جدا)

يللا

و اللي يسمع اسمه بس هو اللي حيقعد في الاجتماع:ninja:

ليلتنا فل ان شاء الله

هع هع هع هع

ضحكة شريرة موت

[ozoozo]

الله عليكي ياكبيرهbv:-

وانا اول المصوتين

مسافر

بس يبطل يقول (انكليزيه) (وبنقاله)

تم تعديل 20 أكتوبر 2010 بواسطة ozoozo