كرسي الأعتراف 2 ( حاليآ الفاضلة Dreamwithme )

[لماضة مصرية جدا]

السلام عليكم و رحمة الله و بركاته

انا مش كل شوية ارفع التوبيك دهوت ع فكرة....كح....كح...كح

انا صحتي هتروح عليكو و لا ايه....(وش عم ايوب)

اللي سمع اسمه فوق يتفضل كدهوت من غير زيطة و لا زومبليطة...(وش علي الكسار)

قدامه...قدامها مهلة لغاية بكرة الصبح

غير كده هنحط السيخ المحمي في صرصور اي مداخلة يعملها...تعملها

مين بقي اخر حد اتكهرب و قال ازززززززززز و هو يباصي السلك للي هيختاره عشان هو كمان يقول اززززززززز

بس خلاص

كان معكم

من امام كوبانية الكهربا

فرع ازززززززز

لماضة

[hOuSsAm]

توكلنا على الله

اوزاوز كان راجل طيب

انت هتشوف ايام اسود من السواد

[Dreamwithme]

السلام عليكم و رحمة الله و بركاته

انا مش كل شوية ارفع التوبيك دهوت ع فكرة....كح....كح...كح

انا صحتي هتروح عليكو و لا ايه....(وش عم ايوب)

اللي سمع اسمه فوق يتفضل كدهوت من غير زيطة و لا زومبليطة...(وش علي الكسار)

قدامه...قدامها مهلة لغاية بكرة الصبح

غير كده هنحط السيخ المحمي في صرصور اي مداخلة يعملها...تعملها

مين بقي اخر حد اتكهرب و قال ازززززززززز و هو يباصي السلك للي هيختاره عشان هو كمان يقول اززززززززز

بس خلاص

كان معكم

من امام كوبانية الكهربا

فرع ازززززززز

لماضة

أحم أحم أحم ....أولا السلام عليكم ورحمة الله وبركاته

ثانيا صباح الخير يا أفندم.....وأسفين لتعبك معانا في رفع التوبيك :closedeyes:

ثالثا تحية كبيرة قوي للماضة يا جماعة عشان التوبيك ده مناسب جدا للجو المشحون اللي الواحد قاعد فيه

ومحتاجين فعلا حد يقعد علي الكرسي نفش فيه غلنا (أيون أنا دريم اللي بأقول الكلام ده ومسئولة عن نتائج وعواقب أقوالي) :happy:

رابعا .....مش عارفة أستخبي فين :wub: بس أنا سمعت اسمي يا ميس لماضة بس مستر أزووزو قال مغتربة وإذا لم تكن موجودة دريم

يعني أنا إستبن لمغتربة ....فحطي السيخ المحمي من أيديك دلوقتي واستني مغتربة ورا الباب وانقضي عليها bsh:)

وعموما إذا كانت مغتربة مش فاضية أو مش حمل الكهربا .....فأنا فدا المحاورات شريطة إن لو جرالي حاجة تبقوا تحطولي صورة علي الباب

أنا مسلمة نفسي أهو يا أفندم ومش محتاجة سيخ محمي ولا حاجة

[لماضة مصرية جدا]

السلام عليكم و رحمة الله و بركاته

واااااااااو

انتي جيتي يا شابة و لا الهوا رماكي

حد بقي يسمعنا نشيد الكورسي....حسرة عليها يا حسرة عليها

و انا من موقعي هذا امام كوبس الكهربا اللي راح نعليه اخر سبع حاجات بدعو كل المواطنين المحاروين و المحاورتيات الي التقدم بكل بسالة و شرف و توصيل السلك لبنتنا دريمي.....(وش حد شرير قعد يضحك لغاية ما جتله زوغطة)

نبتدي بسم الله الله اكبر

1- اوفصي نفسك في 3 كلمات و بس

2- لو اخترتي شخصية كرتون هتختاري مين

3- ايه اللي بتحبيه من الحيوانات...مع اني مخمنة يعني بس برضه

4- نقطة تحول.....يعني كنتي ماشية في سكة الحياة...و فجاة حصلت ليكي نقطة تحول خلتك تاخدي خط المرج بدل ما تاخدي خط حدايق المعادي...(وش اي واحدة ماسكة تذكرة مترو و واقفة ع الرصيف الغلط"

4- 3 سنين جايين يا رب في صحة و سعادة و راحة بال شايفة نفسك فين..و بتعملي ايه بالظبط

5- مين نفسك تقابليه فيس تو فيس في المحاورات

6- لو انتي مشرفة في المحاورات....تحبي تعملي ايه في فترة ولايتك...(ده ع اعتبار ان اصلا فيه تداول سلطة :closedeyes: )

7- فارس احلاااااااامي...حبيب قلبي....و حبيب ايامي....(وش شادية و هي بتغني لصلاح سالم :lol: قصدي لصلاح ذو الفقار)....شكله...طوله...ارتفاعه...قصدي مواصفاته ايه

8- حلم بتنامي كل ليلة و بيخليكي تضحكي....حلم متحققشي و بتحمدي ربنا انه مشي....حلم متاكدة انك راح تشوفيه

9- لو جتلك فرصة تكملي دراستك و حياتك بره مصر....هتختاري ايه...تفضلي...تسافري....تجربي؟؟؟

10- بتخافي من ايه؟؟

دولم كتبتهم و انا متشعلقة في اوكرة الباب

هنرجع تاني

جاوبي من غير ما تفكري

سلام مؤقت

كان معكم لماضة

مراسل برنامج الحقيقة

قناة

مافيش حاجة هتستخبي

فوتك بعافية....(اييييت...تيكوب...ده صوت الباب بعد ما سبت الاوكرة :lol: )

[Folana]

السلام عليكم ورحمة الله...

وأدينى غيرت اليافطة أهو كمان

ونزلت يافطة أوزوأوزو..ورفعت يافطة Dreamwithme ....ومات الملك عاش الملك

والحاضر يعلم الغايب بأن دريم هى اللى على الكرسى

ويالا يا جووودعااان..

[الســـاري]

دريم وززززززز مي ... ربنا يسعدك زي ما تسعدينا دايم ... بس دلوقتي فيه كهربا .. مافيش رحمة

ونبدأ وصل الكهرباء

دريم وزززز مي .. ارجو الاعتراف بالآتي :

1- ماهو الفريق الرياضي الذي تشجعه دريم وززز مي ... ولو هتقولي ماليش بالكورة هاقول لك ايه الفريق اللي هتشجعيه لو ليكي بالكورة

2- ايه الوجبة المفضلة عند دريم وزززززز مي ...

3- دولة تتمنى تزوريها

4 - لو بتختاري رئيس لمصر .. مين تختاري ؟

5 - آخر كتاب قرأتيه

6 - تفتكري اول مشاركة لك بالمحاورات كانت عن ايه بالضبط ؟ لو تفتكريها الرجاء تنوير المحكمة بفحوى تلك المشاركة ؟

7 - عندك مسدس فيه تلات رصاصات ... لمين تحبي توجهي كل رصاصة .؟

8- مين هو ابن عطاء السكندري اللي مكتوب في توقيعك ؟؟ .. عبارته عاجبتني جدا بصراحة .. واحب نعرف اكثر عن هذا الشخص

ويانتظار اجاباتك دريم وززززززززززززززززززززززززززززززززززززززززز مي ...

smk:

تم تعديل 22 مايو 2011 بواسطة الســـاري

[م تيمور المراغي]

دريم عالسريع و عازوز رأيك بصراحه ,,

مين هو اكتر عضو بتقريلوا ,,

مين اكتر عضو قريب من افكار وايدلوجياتك

مين اكتر عضو هنا انا عارفو ( خنيق ) ويستاهل ضرب النار :happy:

[Dreamwithme]

السلام عليكم و رحمة الله و بركاته

واااااااااو

انتي جيتي يا شابة و لا الهوا رماكي

حد بقي يسمعنا نشيد الكورسي....حسرة عليها يا حسرة عليها

و انا من موقعي هذا امام كوبس الكهربا اللي راح نعليه اخر سبع حاجات بدعو كل المواطنين المحاروين و المحاورتيات الي التقدم بكل بسالة و شرف و توصيل السلك لبنتنا دريمي.....(وش حد شرير قعد يضحك لغاية ما جتله زوغطة)

نبتدي بسم الله الله اكبر

1- اوفصي نفسك في 3 كلمات و بس

هادئة - حساسة - صبورة

2- لو اخترتي شخصية كرتون هتختاري مين

ده سؤال صعب جدا لأني بأعشق الكرتون و بالنسبة لشخصيات الكرتون أنا طماعة هأختار أختيارات كتيرة

يعني لو هأختار من شخصيات ميكي ماوس بأبقي نفسي أكون بطوط

[

center]

ولو هأختار من شخصيات بو يبقي أكيد هأختار شخصية الحمار أيجور

ولو هأختار من شخصيات أميرات والت ديزني هأختار شخصية بيلا من فيلم

Beauty and the beast

ولو هأختار شخصية من شخصيات الأفلام أكيد هأختار أكون الفيل هورتون من فيلم Horton Hears A Who

3

- ايه اللي بتحبيه من الحيوانات...مع اني مخمنة يعني بس برضه

أكثر ثلاث حيوانات بأحبها بالترتيب الأتي : الحصان - الباندا- الفيل (ياتري تخمينك طلع صح؟!)

4- نقطة تحول.....يعني كنتي ماشية في سكة الحياة...و فجاة حصلت ليكي نقطة تحول خلتك تاخدي خط المرج بدل ما تاخدي خط حدايق المعادي...(وش اي واحدة ماسكة تذكرة مترو و واقفة ع الرصيف الغلط"

ده سؤال عويص يا لماضة ليه كده بس يابنتي دي الكهربا أرحم من السؤال ده ...بصي أنا مريت بنقط تحول كتيرة منها الفكرية ومنها في الكارير والشغل

مش ندمانة علي نقط التحول الفكرية بالعكس كلها "في وجهة نظري طبعا" كانت للأحسن والأفضل ....طبعا يا ستي أنا كنت وأنا في الكلية بطاطا من حيث التدين

بأصلي ومحجبة وبأصوم أيوه بس مبفهمش حاجة في الدين قوي والأمور القلبية غير موجودة أساسا لكن بعد التخرج ربنا أراد إني أتدين وأقرب من ربنا

بس اللي كان معروض عليا وقتها أفكار متشددة مكنتش مرتاحة ليها من داخلي لكن كانت هي اللي معروضة قدامي ....يعني يا أما ضياع يا إما التدين ده

فبالتالي أخترت التدين بالرغم من إني مكنتش مرتاحة له لكن كنت بأقول لنفسي إني أنا اللي وحشه عشان مش قادرة أنتقب ومش قادرة أتبع كل الأفكار دي

وبعدين ياستي (أنا شكلي طولت ....بس أنتي وراكي حاجة؟) ربنا رزقني بتحول رهيب في الأفكار ودنيا تانية خالص فتحت عنيا علي الاسلام الحقيقي المعتدل

اتعلمت أقرأ وأفهم وأشغل عقلي بس بعد سنين اتصدمت صدمة عمري في الشخص اللي فتح عنيا علي الدنيا الجميلة وفوجئت أنه كلام بدون أفعال

أنا كنت حكيت الحكاية دي قبل كده فهنا بقي جت نقطة تحول خطيرة جدا وأخر نقطة تحول إلي الآن وهي فهم الحياة ككل بمنظور أوسع وأشمل وأكثر اعتدالا

وأتباع الأفكار لا الشخصيات...وعدم تقديس الشخصيات ولا حتي الأفكار ....كل شئ قابل للنقاش والفهم والتغيير ماعدا طبعا ما يختص بالعقيدة

أما بالنسبة لنقط التحول في الشغل فدي قصة كبيرة جدا ومش حابة أحكي فيها لأني دلوقتي مكتأبة بخصوص شغلي وعايزة أغير المسار ومش لاقية حل

وفي نفس الوقت مش هينفع أكمل برضه فمش عارفة بصراحة نقطة التحول اللي أنا عايشة فيها دي هترسي علي أيه؟![/

b]

4- 3 سنين جايين يا رب في صحة و سعادة و راحة بال شايفة نفسك فين..و بتعملي ايه بالظبط

شايفة نفسي ناجحة جدا في مجال مختلف جدا عن اللي أنا فيه دلوقتي مش عارفة أزاي بس واثقة إن ربنا كريم وهيفتح لي باب

نفسي أشتغل في التعليم جدا وبأستمتع بأني أعلم الناس أي شئ

5- مين نفسك تقابليه فيس تو فيس في المحاورات

نفسي أقابل كل الناس من غير مجاملة ....كل شخص له جماله وله دفء معين نفسي أشوفه علي الحقيقة

نفسي أقابل لماضة هانم ومغتربة ومدام هند ومصرية متغربة ومصراوية وفتفوتة وماما سلوي و لونا وروشة وريمو ودامو

ومن الرجال نفسي أقابل "مع حفظ الألقاب" سي السيد - سكوربيون-سمبا- أكرم جروب- الساري - العطار-مكاوي-التونسي-أركيتيكت-حسام

6- لو انتي مشرفة في المحاورات....تحبي تعملي ايه في فترة ولايتك...(ده ع اعتبار ان اصلا فيه تداول سلطة :closedeyes: )

أمم أمم ....شكلك يا لماضة عايز تودينا ورا الشمس ...ما بأحبش أتكلم في السياسة :closedeyes:

مش عارفة بصراحة لأني لغاية دلوقتي شايفة الاشراف في المحاورات جيد جدا فعمري ما فكرت إن لو بقيت مشرفة نفسي أعمل كذا

بس يمكن نفسي في حلم ما لوش علاقة بالاشراف نفسي نضبط ميعاد في الصيف يكون كل الناس المغتربة أجازة في مصر ونعمل تجمع كبير نتقابل كلنا فيه

ده بجد حلم نفسي يتحقق ومستعدة أشتغل عليه وأعمل أي حاجة في سبيله[/

b]

7- فارس احلاااااااامي...حبيب قلبي....و حبيب ايامي....(وش شادية و هي بتغني لصلاح سالم :lol: قصدي لصلاح ذو الفقار)....شكله...طوله...ارتفاعه...قصدي مواصفاته ايه

يوه يا لماضة علي الأسئلة المحرجة ديت طب أعمل أيه يا كسوفي ....نفسي يكون طويل (لأني طويلة) نفسي يكون انسان طبيعي غير متكلف بيحب الضحك والهزار

نفسي يكون شايف الحياة زي ما أنا شيفاها مش مستهاله العصبية ولا الزعل ...نفسي يكون راجل بمعني الكلمة عارف هو عاوز أيه عنده حلم مستعد يبذل أي شئ عشان يحققه

نفسي يكون وجهة نظره في الزواج أنه عالم ثالث غير العالم بتاعه قبل الزواج وعالمي قبل الزواج لأ نكون عالم تالت نعيشه سوا نحلم فيه سوا

يشركني في حياته واهتماماته وأنا علي أتم الاستعداد إني أشاركه في أي شئ بيحبه حتي لو أنا ما بحبوش لكن هأهتم عشان خاطره

نفسي في حاجات كتير بس أهم حاجة أنه يكون بيراقب ربنا في تصرفاته ...ميهمنيش هو بدقن ولا بيصلي السنة ولا لأ ...لكن أهم حاجة قلبه فعلا مؤمن ولا لأ

8- حلم بتنامي كل ليلة و بيخليكي تضحكي

بأحلم بالجنة قبل ما أنام لمدة خمس دقائق عشان أقدر أستمر في الدنيا اللي أحيانا بتكون صعبة

....حلم متحققشي و بتحمدي ربنا انه مشي

حلم ارتباط من 10 سنين والحمد لله أنه متحققش لأن ربنا خلاني أشوف الشخص ده علي حقيقته

....حلم متاكدة انك راح تشوفيه

أني ألاقي نصي التاني

9- لو جتلك فرصة تكملي دراستك و حياتك بره مصر....هتختاري ايه...تفضلي...تسافري....تجربي؟؟؟

هأختار أسافر طبعا وأجرب ....أكيد هيبقي في تعب بس هأختار السفر

10- بتخافي من ايه؟؟

من نفسي ...بخاف أصحي في يوم ألاقيني أتغيرت ...بأخاف من نفسي لما بأعامل حد بطريقة قاسية مش طبيعتي حتي لو كنت علي حق

بأخاف من سوء الخاتمة ودعائي إن يارب أمتني علي الاسلام.

دولم كتبتهم و انا متشعلقة في اوكرة الباب

هنرجع تاني

جاوبي من غير ما تفكري

سلام مؤقت

كان معكم لماضة

مراسل برنامج الحقيقة

قناة

مافيش حاجة هتستخبي

فوتك بعافية....(اييييت...تيكوب...ده صوت الباب بعد ما سبت الاوكرة :lol: )

[Dreamwithme]

دريم وززززززز مي ... ربنا يسعدك زي ما تسعدينا دايم ... بس دلوقتي فيه كهربا .. مافيش رحمة

ونبدأ وصل الكهرباء

دريم وزززز مي .. ارجو الاعتراف بالآتي :

1- ماهو الفريق الرياضي الذي تشجعه دريم وززز مي ... ولو هتقولي ماليش بالكورة هاقول لك ايه الفريق اللي هتشجعيه لو ليكي بالكورة

الأهلي :cheer:

2- ايه الوجبة المفضلة عند دريم وزززززز مي ...

البيتزا

3- دولة تتمنى تزوريها

أنا لغاية دلوقتي ربنا ما أرادش لي بعمرة أو حج فطبع نفسي موت أروح أعمل عمرة أو أحج فأكيد السعودية

تليها نفسي جدا جدا أروح سوريا ليا أصدقاء هناك كان بيدرسوا في مصر وأنا بأعشق كل ماهو سوري وفي شيخ سوري بأعتبره الأب الروحي ليا

4 - لو بتختاري رئيس لمصر .. مين تختاري ؟

دلوقتي هأختار البرادعي وشايفة أنه هو الشخص المناسب لقيادة مصر في هذه الفترة الحرجة

5 - آخر كتاب قرأتيه

أنا بصراحة عندي عادة إني أقرأ كتابين في نفس الوقت كتاب وقصة فآخر حاجة قرأتها تزييف الوعي لفهمي هويدي ورواية سفينة نوح لخالد الخميسي

6 - تفتكري اول مشاركة لك بالمحاورات كانت عن ايه بالضبط ؟ لو تفتكريها الرجاء تنوير المحكمة بفحوى تلك المشاركة ؟

مش متأكدة تقريبا كانت أغنية مناجاة لسامي يوسف لكن أول موضوع أكتبه كان موضوع اعلانات جميلة

7 - عندك مسدس فيه تلات رصاصات ... لمين تحبي توجهي كل رصاصة .؟

طب ليه الشر ده يا ابني يا ساري...... طبعا كل الرصاصات هأوجهه لأشخاص اعتبارية وليست لأشخاص حقيقية

أول رصاصة هتكون لمرض السرطان لأنه كان السبب في وفاة والدي ومعاناته

ثاني رصاصة هتكون للفقر اللي بيخلي ناس من أهل بلدي يأكلوا من الزبالة لو لقيوها

ثالث رصاصة هتكون للظلم

8- مين هو ابن عطاء السكندري اللي مكتوب في توقيعك ؟؟ .. عبارته عاجبتني جدا بصراحة .. واحب نعرف اكثر عن هذا الشخص

ابن عطاء السكندري هو الشيخ تاج الدين أحمد بن عطاء الله السكندري وهو من أئمة علم السلوك وله مؤلفات عديدة من أهمها وأشهرها الحكم العطائية

اللي منها أنا مقتبسة الحكمة اللي في التوقيع.

ويانتظار اجاباتك دريم وززززززززززززززززززززززززززززززززززززززززز مي ...

smk:

[Dreamwithme]

دريم عالسريع و عازوز رأيك بصراحه ,,

مين هو اكتر عضو بتقريلوا ,,

مع حفظ الألقاب: سي السيد ولماضة مصرية جدا

مين اكتر عضو قريب من افكار وايدلوجياتك

لغاية دلوقتي مفيش لأن مفيش تطابق مع حد معين ...يعني من الحورات بأختلف في حاجات وأتفق في حاجات

وبعدين برضه بأحس إن صعب الحكم بالسرعة دي أنا لسه مكملتش معاكم في المحاورات سنة وبرضه العالم الافتراضي غير العالم الحقيقي

فصعب الحكم

مين اكتر عضو هنا انا عارفو ( خنيق ) ويستاهل ضرب النار :

علي فكرة مش أنت خالص ياأركيتيكت وأنت طالما طلبت مني الصراحة يبقي هأقولك مش شخص محدد ولكن طريقة تفكير معينة

اللي هو اللي في دماغه في دماغه وشايف إنه هو الصح وباقي الناس غلط وشايف إن الدين وحماية الدين حكر عليه لوحده

ونسي إن الحافظ والحامي للدين هو الله لأنه دين الله

لكن هأجاوب علي سؤال ما سألتوش وهو رأيي في حضرتك

أنا بأتفق معاك علي فكرة في حاجات كتير يمكن أسلوبنا مختلف لكن أفكارنا فيها مساحة كبيرة متشابهة جدا علي فكرة وبالتالي استحالة أشوفك خنيق

happy:

[م تيمور المراغي]

ميرسي على زوقك يا دريم ,, ,,

[لماضة مصرية جدا]

السلام عليكم و رحمة الله و بركاته

طول عمري بستمخ من الاجابات بتاعت الضحايا جدا

بس استخيت اوي من اجاباتك..ربنا ينور بصيرتك...و يديكي احسن ما تتمني يا رب..يا دريمي يا طويلة :P (وش واحدة قصيرة....و لو نطت في الكوتشي يبقي عليه العوض و منه العوض :lol: )

قبل ما احدف الاسئلة

منكن اقترح اقتراح

انتي كنتي بقتولي انك علي مفارق طرق وكدهوت

مش عارفة ليه شايفاكي في التدريب

اينعم معرفشي مهاراتك في الاحتكاك مع الناس و خصوصا لو من خلفيات مختلفة....بس مجال التدريب بيدي مجال واسع اوي انك تكتشفي نفسك و تتفاعلي مع قطاع عريض اوي من الناس و الخبرات

فكري فيه بشكل بارت تايم لانك كمان في مجال الصيدلة و صعب تعملي القفزة دي

جربيه كده واحدة واحدة لغاية ما تلاقي الطريق اللي عايزة تدوسي فيه

فيه حاجة دلوقتي بره اسمها self improvement و ده مجال ثري جدا و مبيخلصشي...اللي هو بتاع اكتشف العيفريت بداخلك و حطم خوفك و الحركات دي

بس بالخلفية بتاعتك...ليه متفكريش تعملي نفس الافكار لكن من منطلق ايماني

يعني تكون القوة تيجي من قناعات و اسس دينية و اللي عليها تقدري تساعدي غيرك انه يتلمس طريقه

ده اقتراحي ليكي..زمش عارفة ايه وضعه من الاعراب

و ربنا يوفقك منين ما تكوني و اي ما بتعملي

[لماضة مصرية جدا]

السلام عليكم و رحمة الله و بركاته

يعني لو هأختار من شخصيات ميكي ماوس بأبقي نفسي أكون بطوط

[

center]

9- لو جتلك فرصة تكملي دراستك و حياتك بره مصر....هتختاري ايه...تفضلي...تسافري....تجربي؟؟؟

هأختار أسافر طبعا وأجرب ....أكيد هيبقي في تعب بس هأختار السفر

اييييييييييييييييييييه فكرتيني بنفسي من قيمة ساعة و نص

بجد السفر مش مجرد شنطة سفر علي كتفك و رحلة طيران لذيذة...و متعة اكتشاف نفسك قبل اي حد تاني

السفر.....زي القرىن ما قال

"و من يهاجر في سبيل الله يجد مراغما كثيرة و سعة"

لو عينك علي كلمة السعة بس....يبقي هتنصدمي

لو استعديتي لل "مراغم" الكثيرة يبقي توكلي علي الله

المراغم يعني الصعاب اللي ممكن ترغمك علي وضع معين

مش بخوفك

بس قرار السفر دوت محتاجله استعداد....مش بس في الهدوم....لا في الايمان و اليقين و هتكتشفي انك في رحلة عبادة و طاعة بشكل غير

لو فعلا مستعدة

توكلي علي الله و اسعي

اه بالنوسبة لصورة عم بطوط اللي انا سبتها فوق ديت

سؤال نفسي اعرف اجاباته قبل ما اموت

هو بطوط مكنشي بيلبس بنطلون ليه....ليه....ليه :lol:

صباحك......نكش....بس بحبك و الله

[لماضة مصرية جدا]

السلام عليكم و رحمة الله و بركاته

ثالثا....الف شكر لفريق الاشراف علي استجابته السريعة للخط الساخن...يعني انا دست علي الزرار...قالوا الو ع طول...ميحرمناش منكم

ثانيا....مينفعشي كده ابدا....يا جماعة انتو متعرفوش ان الواحد لما ياخد جرعة كهربا و يتعود عليها...يبقي لازم نحافظ كل يوم علي نفس الجرعة...و الا هيضطر يمشي في المحاورات...و هو ماسك دراعه و بيدور علي الجرعة..و بناء عليه

الله يكرمكم....كل واحد يرزع دريمي....قصدي...يزرع لدريمي سؤال علي قولت ساري....اززززززززز...عشان البنت كده منكن تضيع مننا من غير الجرعة

سؤال يا مؤمنين

صعبة دي

غريبين انتو و الله

بس خلاص فوتكم بعافية

اه قبل ما انسي

اكيد حد هيسالني فين اولا

هقولكم متتعبوش نفسكو و تدوروا عليها عشان انا اصلا نسيتها

يالا البسوا كسرولة الخناق و عايزين دريمي تنووووووووور

سؤال علي هامش كاب الكهربا

فين رضوي و عصير الموز باللبن...كان بيعمل "اسهال" في الاسئلة :lol: :P...رضوي اتخطفت يا جودعان...طب خلوها مع العصابة و ابعتولنا العصير :P

[أبوعمار]

يا أهلا ...يا أهلا يا أيتها"الفاضلة Dreamwithme"

(مش راكبة خالص كلمة الفاضلة مع الكلمة الإفرنجية.... صح؟ ماعلينا"

بما انك على كرسي الاعتراف ... لازم أعترف لك ان عقليتك ماشاء الله متزنة وتفكيرك وآرائك في الجون دايما...أحييكي على شخصيتك الرائعة

"دي شوية رفع للروح المعدنية قبل الاستجواب.... وماسبق كان استهلالا لابد منه"

أحب أسألك .... وأحرجك... "على رأي مفيد فوزي"

السؤال الأول:

إذا اختاروكي وزيرة... تحبي تكوني وزيرة إيه؟........وإيه أهم قرارات هاتتخذيها في الوقت الحرج اللي احنا فيه؟

السؤال الثاني:

تفتكري حدود الدين وتأثيره على الدولة المفروض توصل لحد فين؟ يعني علاقة الدين بالسياسة.... بعيدا عن العلمانية والليبرالية والدولة المدنية والمسميات الشائعة دي

السؤال الثالث:

عندك كام صديق بتحسي انه يستحق يطلق عليه لقب صديق؟ لأني حاسس انهم شاحّين الأيام دي!!!!!

السؤال الرابع:

إزاي تقدري تحكمي على شخصية اللي قدامك؟ يعني هل بتعتمدي على احساسك وانطباعك الأول؟ ولا بتستني تعرفيه من طريقة كلامه وتفكيره؟

السؤال الخامس:

إذا حسيتي انك محتاجة شخص تتكلمي معاه بمنتهى الصراحة والوضوح ومن غير أي كنترول... بتختاري مين يكون الشخص ده؟ ولحد فين بتكون مساحة خصوصيتك اللي مابتسمحيش لأقرب الأشخاص يتعدوها؟

أتمنى ماتكونش أسئلتي غلسة..... ولي عودة إن شاء الله

[لماضة مصرية جدا]

يا أهلا ...يا أهلا يا أيتها"الفاضلة Dreamwithme"

(مش راكبة خالص كلمة الفاضلة مع الكلمة الإفرنجية.... صح؟ ماعلينا"

بما انك على كرسي الاعتراف ... لازم أعترف لك ان عقليتك ماشاء الله متزنة وتفكيرك وآرائك في الجون دايما...أحييكي على شخصيتك الرائعة

"دي شوية رفع للروح المعدنية قبل الاستجواب.... وماسبق كان استهلالا لابد منه"

أحب أسألك .... وأحرجك... "على رأي مفيد فوزي"

أتمنى ماتكونش أسئلتي غلسة..... ولي عودة إن شاء الله

ايون اديله .....مترحموش bk:

(وش اي حد قاعد يشجع ماتش ملاكمة....و لا هو فاهم و لا هيفهم...بس برضه)

استاذي ابو عمار

مستنين عايدة

قصدي مستنيين العودة....عايزين ايه بقي تثبيت اكتاف و مقصات طايرة في الهوا و حركات يعني

دريمي

انا عارفة دلوقتي انك بتفكري في الايقونة ديت blw)

او لو شريرة بقي

يبقي ديت

bsh:)

بس...

ما تقدرشي

po::

هاأو أو

وش عيل بيعمل الوش دوت

:tease:

و بيجرررررررررري

كان معكم

لماضة

آي..مين اللي حدف زلطة

لماضة....ايقوناااااات

[Dreamwithme]

أنا اللي حدفت الزلطة ونشنت ونشاني رشق

إلا قول لي يا لماضة عشان أنا جاية متأخر عليكو وكدهوت

هو سعادتك قعدتي علي الكرسي قبل كده ولا لأ؟ عشان عقلي الباطن بيوزني إني أرشحك بعد ماتخلصوا عليا

[Dreamwithme]

يا أهلا ...يا أهلا يا أيتها"الفاضلة Dreamwithme"

(مش راكبة خالص كلمة الفاضلة مع الكلمة الإفرنجية.... صح؟ ماعلينا"

أستاذي أبو عمار ركبهم علي بعض وخلاص ولو مضايقك قوي ممكن نروح لأنيس عبيد وقولي أحلم معايا وأهي نبقي بعدنا عن الفرنجة

بما انك على كرسي الاعتراف ... لازم أعترف لك ان عقليتك ماشاء الله متزنة وتفكيرك وآرائك في الجون دايما...أحييكي على شخصيتك الرائعة

"دي شوية رفع للروح المعدنية قبل الاستجواب.... وماسبق كان استهلالا لابد منه"

ده من ذوق حضرتك ....ده برضه استهلال لابد منه .....

شكلك كده بعد الكلمتين الحلوين دول هتكهربني جامد ....حاكم أنا عارفة اللي بيبدأ كلامه بالحلاوة دي بتقلب نكد وكهرباء

أحب أسألك .... وأحرجك... "على رأي مفيد فوزي"

السؤال الأول:

إذا اختاروكي وزيرة... تحبي تكوني وزيرة إيه؟........وإيه أهم قرارات هاتتخذيها في الوقت الحرج اللي احنا فيه؟

أحب أكون وزيرة التعليم .....يمكن لأني بأحب التعليم جدا ويمكن لأن شغلي قريب من العلم والتعليم برضه

لكن بصراحة ببقي مستمتعة جدا لما بأعلم حد حاجة ولما بأشترك في إعداد منهج لتدريس موضوع معين ....عملية ممتعة جدا

أهم القرارات.....أمم....أمم....أمم.....هو بصراحة أهم قرار إني هأنجح العيال كلهم السنة دي :P عشان كانت متعبة عليهم يا حرام

لا بجد من غير هزار....1-أول قرار هأخده أني هأجمع لجنة من نخبة علماء مصر في أنحاء العالم وخاصة الأخوة المغتربين واللي أحتكوا بنظم تعليم أجنبية

وأخلي كل واحد يكتبلي حلمه للتعليم في مصر وأيه أهم قرارات هو عايزها تتعمل (عشان أغش منهم :P)

2-ثاني قرار أنسف حمامك القديم خاصة إنه بايظ علي الآخر ....لازم مناهج جديدة وكتب جديدة وبالتوازي إعداد للمعلم المناسب

المعلمين الحاليين يتنقلوا شغل إداري أو يدخلوا كورسات الاعداد دي علي حسب رغبتهم ....كورسات الإعداد دي يبقي فيها شق نفسي وشق ثقافي عام

(أصله مينفعش العيال قاعدة طول النهار علي الفايسبوك وتويتر والمدرس فاكر تويتر ده دواء كحة)

وطبعا شق مهارات التعليم ومهارات الاتصال ....وشق مهارات تطوير الذات وال self learning

وشق خاص في المادة المتخصص فيها المدرس.

3-طبعا القرار الثاني ده محتاج ميزانية ضخمة وعقول جبارة بس أكيد هأعرف أدبر الأمور وألاقي العقول والتمويل

عشان يبقي أعلي مرتب فيكي يا مصر هو مرتب المعلم وأحسن كتاب موجود هو كتاب المدرسة

4- القرار الثالث هو قرار ثوري شوية ومش عارفة إزاي ممكن يتطبق ويتعمل بس عايزة تقييم الطالب

ميكونش مبني علي إمتحان آخر العام ولا حتي إمتحانات الشهر فقط ....لأ خالص ....طبعا في نسبة علي الامتحانات الدورية

بس يبقي في نسبة متساوية علي مهارات البحث والرغبة في التعلم والمشروعات ....يعني حتي لو في طفل مش بيعرف يحفظ

ينجح برضه لأنه عنده مهارة أخري يقدر ينمي نفسه بيها وحتي لو البحث أو المشروع المقدم لم يكن تحفة برضه ينجح لأنه بذل مجهود وعنده رغبة في التعلم

طبعا القرارت دي ليس لها علاقة بالظروف اللي إحنا فيها ....لكن أعتقد إن وزارة التعليم من الوزارات اللي التخطيط فيها والقرارات لازم تكون طويلة الأجل

لأن اللي إحنا بنعاني منه الآن هو نتيجة لسنوات طويلة من التحطيم والتكسير العلمي.

السؤال الثاني:

تفتكري حدود الدين وتأثيره على الدولة المفروض توصل لحد فين؟ يعني علاقة الدين بالسياسة.... بعيدا عن العلمانية والليبرالية والدولة المدنية والمسميات الشائعة دي

يا للهول يا أستاذ أبو عمار حضرتك حاطط كل سؤال والتاني يتعمل توبيك منفصل...أنا حاسة إني في امتحان الثانوية العامة :)

هأجاوب من وجهة نظري الصغيرة ومعلوماتي المحدودة .......و بعيدا عن المسميات ...... أعتقد ..لأ كلمة أعتقد هنا غلط أنا أؤمن تمام الإيمان أن الدين ليس له حدود

وهذا من عظمة الدين الاسلامي ...مع الاحترام الكامل لعقائد الأديان الأخري بس الدين المسيحي مثلا مبني علي الأخلاق وأمور العبادة فقط

لكن ربنا عز وجل أراد إن الاسلام وهو الدين الخاتم أنه يكون شامل لكل شئ في الحياة فلماذا نحن نريد أن نقيضه؟

الإسلام في وجهة نظري زي المانيوال الليبيجي مع أي جهاز ....لو حضرتك شاري جهاز ب1/2 مليون جنيه ومعهوش مانيوال هتعرف تتعامل معاه؟ هيبقي الجهاز بلا قيمة

وقد يتلف نتيجة لخطأ من المستخدم ....أهو إحنا كده المانيوال بتاعنا هو الإسلام وتحديدا مصادر التشريع الاسلامي من غيرهم نبوظ ومالناش قيمة

شكلي كده طولت في الكلام .....بالنسبة لعلاقة الدين بالسياسة ....أنا كنت قرأت مقولة مش فاكرة لمين تقريبا الشيخ الشعراوي أو الشيخ الغزالي

"أتمني أن يصل الدين لرجل السياسة ولا أتمني أن يصل رجل الدين للسياسة" طبعا بما إني قلت الاسلام ليس له حدود

فأكيد هأجاوب علي حضرتك أن الاسلام حاكم لجميع أمور الحياة ومنها السياسة ....ولكن ونفسي أحط مائة خط تحت لكن ...أي اسلام؟

لما بأؤمن أن الاسلام هو حاكم للسياسة أعني أن مبادئ الإسلام والمقاصد الشرعية للاسلام هي التي تحكم السياسة وليست الأحكام في حد ذاتها

لأن هناك مواقف في تاريخ الدولة الاسلامية قام خليفة المسلمين وقتها بتعطيل حد من الحدود لوجود ظروف أخري فلابد أن يكون هناك فقه وفهم للاسلام

وأنا قرأت قليلا في علم أصول الفقه واكتشفت عظمة الاسلام من أول وجديد وأكتشفت عظمة الأحكام ...فهناك أحكام ثابتة غير مختلف عليها وهي مساحة صغيرة

وهناك مساحة كبيرة من الأمور مختلف عليها وللعلماء أراء متعددة فيها ليسر الاسلام وسعته وهناك إختلاف الظروف والمصلحة المرسلة وضوابط كثيرة

لو فهمنا بجد وتعلمنها بدلا من مناهج الدين العقيمة الموجودة حاليا في المدارس لن يكون هناك خلاف دائم بينا وبين بعض

وطبعا الإسلام لم يعرف الدولة الدينية (التي يحكمها رجال الدين) والدولة الاسلامية من جذورها هي دولة "مدنية" تحكم بشرع الله وهذا ما أتمناه لمصر

لكن أيضا ليس لدي حساسية من المصطلحات السياسية وأعتقد (بعلمي القاصر) أن الاسلام يستوعب كل هذه المصطلحات ولا يتعارض معها

فنحن نستطيع أن نستخدم الديمقراطية والليبرالية في إطار اسلامي مما يحقق أهدافنا السامية والروح الأصيلة لحقيقة الفقه الاسلامي ألا وهي صلاح المجتمع والفرد.

أسفة للإطالة :wub:

السؤال الثالث:

عندك كام صديق بتحسي انه يستحق يطلق عليه لقب صديق؟ لأني حاسس انهم شاحّين الأيام دي!!!!!

عندي اثنين من الأصدقاء القريبين جدا جدا إلي جانب أمي وأختي الكبيرة اللي بأعتبرهم من أصدقائي المقربين أيضا

وأعتقد إن موضوع الأصدقاء والعلاقات الانسانية دي رزق من عند ربنا سبحانه وتعالي أنه يبعت للواحد فعلا ناس يقدر يقرب منها جدا ويثق فيهم وفي وقوفهم بجواره

السؤال الرابع:

إزاي تقدري تحكمي على شخصية اللي قدامك؟ يعني هل بتعتمدي على احساسك وانطباعك الأول؟ ولا بتستني تعرفيه من طريقة كلامه وتفكيره؟

بأعتمد علي الاثنين يعني الانطباع الأول له نسبة وبعدين المعرفة نسبة ....بس غالبا انطباعي الأول بالراحة أو بالنفور لا يخيب

لكن بأحاول أعلم نفسي أشوف الجانب الحلو من الناس دائما حتي في أصعب الظروف

يعني مرة كنت بأقرأ رواية بتدور أحداثها في التبت والبطل كان راهب من رهبان التبت والمعلم بتاعه قاله "النار بتحرق ليه؟ لأنها نار طبيعتها تحرق

الأفعي بتلدغ ليه لأنها أفعي طبيعتها تلدغ ...الأمر ليس شخصي ...هم فقط يتصرفون علي طبيعتهم" أثرت فيا جدا الكلام ده

وفعلا عودت نفسي ما أزعلش من الناس ....يعني مثلا عندي زميلة في العمل هي أنانية جدا ...علمت نفسي إن في أي موقف هتتحط في اختيار بين نفسها وإنها تساعدني

هتختار نفسها قطعا لأن دي طبيعتها أزعل ليه؟ لو زعلت يبقي أنا هابلة....وهكذا بعد الاقتراب من البشر ومعرفة طباعهم بأتعلم أحبهم وأتعامل معاهم من غير زعل

مع وضع عيوبهم في بالي عشان أبقي عارفة وماأزعلش من اللي هيحصل.

السؤال الخامس:

إذا حسيتي انك محتاجة شخص تتكلمي معاه بمنتهى الصراحة والوضوح ومن غير أي كنترول... بتختاري مين يكون الشخص ده؟ ولحد فين بتكون مساحة خصوصيتك اللي مابتسمحيش لأقرب الأشخاص يتعدوها؟

أكيد هتبقي والدتي لأن هي الوحيدة اللي مفيش كنترول معاها إلا طبعا لو كان الأمر يخص طرفآخر مش أنا يبقي مش هأحكيلها سر حد تاني

لكن غالبا هي أول حد بأتكلم معاها لأنها عندها ميزة مهمة جدا (ومش بأقول كده عشان هي أمي) لكن حتي لو مش فاهمة قوي اللي بأتكلم فيه

نتيجة لفرق السن واختلاف الجيل لكن بتحاول تتعاطف معايا وبتساندني مهما حصل ومابتمليش عليا قرارات بعكس أصدقائي التانين بيحاولوا يأثروا علي قراري

لكن هي بالرغم من أنها أمي لكن بتديني حرية أكبر في الكلام والتعبير أكثر من أي حد

مساحة خصوصيتي هي علاقتي بدريم ......نعم علاقتي بنفسي يعني في أمور داخلية ما أقدرش أكلم حد فيها ....مع ماما بأتكلم معاها أحيانا في المساحة دي

لكن في مساحة تانية وهي علاقتي بالآخرين مأحبش أتكلم مع حد عنها لأني ممكن أكون زعلانة من حد فأخلي صورته سيئة عند حد تاني ليه

فما بتكلمش في المساحة دي من غير سبب.

أتمنى ماتكونش أسئلتي غلسة..... ولي عودة إن شاء الله

[لونا]

أنا أول مرة أشارك بأسئلة في الموضوع ده

عشان خاطرك إنت بس يا دريم :closedeyes:

بصي أنا مش حاسأل كتير

هو سؤال واحد في بالي

عارفة القصة لما كان تلاتة في كهف و حجر قفل عليهم

و كل واحد حاول إنه يدور على عمل يشفع له عند الله .. لينجيهم من الأزمة

لو كنت في موقف زي ده ..( ما تخافيش إن شاء الله حتخرجي من الكهف )

إيه العمل اللي حتدوري عليه عشان يشفع لك؟

تم تعديل 24 مايو 2011 بواسطة لونا

[Dreamwithme]

أنا أول مرة أشارك بأسئلة في الموضوع ده

عشان خاطرك إنت بس يا دريم :closedeyes:

بصي أنا مش حاسأل كتير

هو سؤال واحد في بالي

عارفة القصة لما كان تلاتة في كهف و حجر قفل عليهم

و كل واحد حاول إنه يدور على عمل يشفع له عند الله .. لينجيهم من الأزمة

لو كنت في موقف زي ده ..( ما تخافيش إن شاء الله حتخرجي من الكهف )

إيه العمل اللي حتدوري عليه عشان يشفع لك؟

ميرسي يالونا ياحبيبتي علي مشاركتك في التوبيك عشان خاطري ....نردهالك في الأفراح إن شاء الله

سؤالك ده يالونا تعبني جدا وقعدت أفكر فيه من إمبارح بالليل بصراحة

لأني لأول وهلة كنت هأرد عليكي إن مينفعش أحكي حاجة تتعلق بعلاقتي بربنا

وبعدين قلت ياكسوفي الست تاعبة نفسها وجاية التوبيك مخصوص وسألت سؤال يتيم أقوم أنا أرد رد قليل الذوق

مش عارفة يالونا بصراحة صح أحكي ولا ما أحكيش بس دي مشكلة تانية لأن لاقيتني كل ما أفكر في موقف

ألاقي النية مكانتش صافية فيه ودخله شبهة رياء أو مصلحة أو حب الذات

مش عارفة بصراحة ....طبعا أنا سمعت القصة كتير قبل كده بس أول مرة أخد بالي أن الثلاثة دول كانوا أبطال

إنهم لقيوا عندهم موقف خالص لوجه الله وعرفوا يصارحوا ربنا بيه

هأحكي أكثر موقف حاسة أنه إلي حد ما كان خالص لله والله أعلم بحقيقة قلبي وقتها كان أيه

معلومة صغيرة قبل القصة أنا ما بحبش القطط وبأخاف جدا أقترب منهم

مرة كنت في مشوار بعيد عن بيتنا كان معايا واحدة زميلتي في الشغل وكنت بأستلم حاجات من مكتب في عمارة وبعد ما استلمت الحاجة وأحنا نازلين علي السلم

قابلنا قطة كانت بتنونو جامد قوي وحسيت إنها جعانة جدا .....بعد ما خرجنا من العمارة وزميلتي كانت قاعدة تتكلم تتكلم

بس أنا مكنتش مركزة معها كل اللي كنت بأفكر فيه القطة وصوت بيتردد في دماغي يادريم ربنا بعتك لها عشان أنتي رزقها هتسيبيها جعانة

المهم في آخر الشارع لقيت سوبر ماركت دخلت اشتريت زبادي وزميلاتي كانت مستغرباني جدا وشكت أني مجنونة

وقعدت تقولي ماكل القطط بتنونو عرفتي منين إنها جعانة؟ وهرتني تريقة بصراحة :closedeyes:

بس أنا ولا همني رجعت تاني العمارة وطلعت السلم وكنت خايفة مالقيش القطة بس الحمد لله لقيتها

وفعلا لما فتحت علبة الزبادي وحطتها عند بؤها قعدت تأكل جامد وبطلت نونوه وبصتلي بصة زي شكرا يعني (شكلك أنتي كمان هتفتكريني مجنونة)

بس وخلص الموقف بس فعلا كل ما أكون في مشكلة وأدعي ربنا أقول له يارب لو أنا أطعمت القطة دي عشانك أنت بس نجيني من اللي أنا فيه

وسبحان الله يارب نتقابل تاني أنا والقطة في الجنة يارب ....هي أكيد راحة هناك بس ياتري دريم راحة ولا لأ؟ يارب برحمتك وديني هناك.