كرسي الأعتراف 2 ( حاليآ الفاضلة Dreamwithme )

[sarmar]

كانو زمان فى الراديون بيجيبوا مسلسلات فكاهية كدهون زى اسمها اية النبى حارسها اللى اسمها لماضة والتانية دى اللى اللهم صللى ع النبى اسمها شيكو والاتنين بينزلوا فى بعض كلام من بتوع المدارس عايزين توورجمان يفك شفلات الكلام بتاعهم هوا اية اللى عاملينة فى الناس دة مش كفاية بتوع مجلس المدينة مكسرين الشوارع ومش عارفين ندخل ولا نخرج هو انتم بتعملوا فينا كدهون لية

اية مورجيحا واية الترنت طيب وام عفيفى الدلالة بتترزق من المساكين اللى زيكم واهو امشى فى جوازة احسن ماتمشى فى الشارع

ياستنا لماضا وستنا شششيكو انتم موهبتكم جميلة وماشاء اللة عليكم يارب نفرح بيكم فى بيتكم ونبقى نشوف الكتابة

[الباشمهندس ياسر]

شيكو

النهارده و انا ف ش صلاح سالم

لقيت عربية ماتريكس مكتوب علي ضهرها

born to be hero

shiko

اوعي تكوني انتي

[shiko]

SHIKO

السؤال الثاني:

شيكو, قبل ما بتروح بالليل للسرير عشان تنام, بتدعك سنانها بمعجون سنان من أهنو ماركة؟

هل .. هو:

1. كرست

2. كلوز أب

3. سيجنال

4. سنسوداين

5. ماركة مجهولة المصدر

شيكو, قبل ما بتروح بالليل للسرير عشان تنام, بتدعك سنانها بمعجون سنان من أهنو ماركة؟ كان لازم السؤال ده يكون معنون "اختار الاجابة الصحيحة من الاجابات التالية "...ومش عارفة ليه الاختيارات الكتير دى ؟؟

هل .. هو:</U>

1. كرست </SPAN>...كرست انت

2. كلوز أب ...ولا كلوز داون wst::

3. سيجنال ...ده معجون ولا حالة اجتماعية؟؟ :lol:

4. سنسوداين ....اه عارفاه دى شخصية كرتونية بتيجى على قناة براعم smk:

5. ماركة مجهولة المصدر ....دى زى مجهولة النسب يعنى؟؟ wst::

الحقيقة حضرتك محطتليش اى اسم لمعجون اسنان من اللى اعرفهم ...

انا باستعمل سمن الهانم ...ده نوع هايل ..جربه ...بس دور عليه فى كارفور ;)

[لماضة مصرية جدا]

السلام عليكم و رحمة الله و بركاته

معلشي بقي يا استاذي سار مار...زنهار ناااااااااااااااار (هكمل كلام مع شيكو.....تحب تسمع اغنية يا ست انا عايز ابني.... :lol: )

و معلشي يا كل المحاورتية و المحاورتتين..... حابة اصبح

شيكووووووووووووووووووو

صباح بطعم نسكافيه في مج جديد.....عليه دواير......بتاخدنا بعيد عن دواير حياتنا اللي بتضيق و بتوسع

احبك الذي احببتني لأجله....و جمعنا في طاعته يا رب يا شيكو

عارفة يا شيكو..... انا انبسطت جدا لما قعدتي ع الكورسي.... لاني من ساعة ما دخلتي و زقيتي كتف.... حسيت ان بينا حوار... لن ينتهي

كتير بقولك انا بكلمك و بكلم نفسي.... و ده حقيقي جدا.....

ايه اجمل ان تكون في صداقة (لو تسمحيلي) تستطيع ان تخلع عنك فيها كل الاقنعة...

و ان تكتب دون ان تختنق منك الكلمات...

ان تصرخ دون ان تخشي ان يراك الناس... و يظلوا يتساءلون.... اسئلة جوفاء

عارفة يا شيكو..... احيانا ببص عليكي....من غير ما تاخدي بالك...في لحظات كتير...

لما كنتي موجوعة....لما كنتي بتكتبي بجد بعيد عن التهكم.....ببص عليكي....

و نفسي اميل و اقولك....بتفكريني بلماظا.....بتفكريني بمشاهد سبتها في مصر....

سافرت... فرحت بمغامرة تذوق وهج الاشياء للمرة الاولي...

و في المساء اكتشف ان قد سافرت و حملت ما خفت يوما منه في حقيبتي......و لسه شايلاه

ببص عليكي... و عايزة اقولك.....

.فيه ناس حياتهم بتكون سهلة.....

و فيه ناس حياتهم بتكون متعة....

و فيه ناس حياتهم بتكون غريييييييييييييييييبة...... و بيقضوا معظمها في تلمس الطريق....بس المتعة مش هتكون في الوصول .... المتعة بتكون في كل خطوة بيخطوها ع الطريق

و يهيالي لي انك و انا من الفئة الثالثة

كنت بكلم ربنا امبارح.... و حسيت اني محتاجة كثير جدا من الايمان.....

جهاز المناعة الايماني... هو الوحيد القادر علي المقاومة.... و ده بلاقيه معاكي كتير

طولت عليكي.... بس مش قولتلك من شوية..... بينا حوار لن ينتهي

حبيت اصبح عليكي....

كوني كما انتي... باحلي ما فيكي......سيري ضد الرياح...متخافيش....هتحسي ببرد في وقت....بس هتلاقي جواكي حاجات كتير بتتولد....هتلاقي وشوش كتير هتحبيها....هتدوب مساحيق البلياتشو......و هتلاقي معدنك......المتفرد جدا

صباااااااااااااااحك.......موسيقي عمر خيرت......صوابع بيانو.....تعملك احلي مساج لعقلك.....ليري النور في يوم جديد

في امان الله

استاذ سار مار .... انت لسه قاعد في قندهار..... خش و احدفلك كده كام سؤال.....و سلامنا العميك لأم زقزوق الخاطبة....... :lol:

[shiko]

كانو زمان فى الراديون بيجيبوا مسلسلات فكاهية كدهون زى اسمها اية النبى حارسها اللى اسمها لماضة والتانية دى اللى اللهم صللى ع النبى اسمها شيكو والاتنين بينزلوا فى بعض كلام من بتوع المدارس عايزين توورجمان يفك شفلات الكلام بتاعهم هوا اية اللى عاملينة فى الناس دة مش كفاية بتوع مجلس المدينة مكسرين الشوارع ومش عارفين ندخل ولا نخرج هو انتم بتعملوا فينا كدهون لية

اية مورجيحا واية الترنت طيب وام عفيفى الدلالة بتترزق من المساكين اللى زيكم واهو امشى فى جوازة احسن ماتمشى فى الشارع

ياستنا لماضا وستنا شششيكو انتم موهبتكم جميلة وماشاء اللة عليكم يارب نفرح بيكم فى بيتكم ونبقى نشوف الكتابة

والله يا سارمار...موش عارفة ...ايه الكلام ده اللى احنا بنقوله ...كلام كده بنفس بينه عن بعضيتنا ...بدل ما طول النهار يا فندم ,,سعادتك ...سيادتك ...

اهوه برضه الواحد يشوف نفسه يومين.

صباحك ...نفس عمييييييييييق ....مليان اوكسشييييين

كان معكم مراسلكم من امام الكمبيوتر

شيكو :lol:

[shiko]

شيكو

النهارده و انا ف ش صلاح سالم

لقيت عربية ماتريكس مكتوب علي ضهرها

born to be hero

shiko

اوعي تكوني انتي :lol:

هههههههه...لا بجد موش معقووووول يا محاسن الصدف ...انا كده اكشفت يارجالة ..طب ومانديتش علية ولا شاورت ليه ..كنت نادى علية ...ولا كلكس ولا اعمل اى حاجة ...انت بس كنت قول ياهندسة ...كنت هاعرفك على طول "كلمة السر"ههههههههه

أولا صلاح سالم موش سكتى ...بالمرة

انا سكتى دائرى دائرى دائرى

وبعدين ..عربيتى موش ماتريكس ..

وموش شخصيتى انى..امشى لازقة بقة حاجت على العربية ودباديب حركات وكدة...حادانا فى البلد بيعتبروها عيبة ...

صباحك ...وشوش ناس بتتلاقى ...فى وسط الزحام ..وتتوه ارواح فى اللقا ...ما تتلاقى

[shiko]

السلام عليكم و رحمة الله و بركاته

بس خلاص

مساكي...... إشارات مرور......بالوان تصنعين مفرداتها كما تشاءين... فقط تعرفين انك سائرة حيث عزمتي

خلاص يا رضوي بلاش عصير خليها سناكس... ممكن بقي حلة محشي كرنب....

لا يارضوى اوعى تسمعى الكلام وتجيبلى اقراص الدوا اللى هى بتقول عليه ده ... الكرنب انا احب اشربه جنب الاكل .

1- بما انه و لابد و لازمن من كل بد......حلم المرجيحة بيزورك..... و نفسك تحقيقيه.....انا الاسبوع اللي فات ركبتها فعلا (هي طبعا كانت بتستغيث بس و لا همني) قدك المورجيحة دى ؟؟قدك ؟؟تعملى عقلك بعقل المورجيحة؟؟

لما مرجيحة الدنيا تاخدك لفوق...... بتحسي بايه...... خوف من الهبوط.....فرحة بمعانقة السماء....حرية انطلاق؟؟؟

و لما نفس المرجيحة تاخدك لتحت...... و لتحت اوي.......بتطلعي تاني لفوق ازاي..... ازاي بتتحدي قانون الجاذبية اللي عمال يشدك لتحت حد النهاية؟

بخاااااف ...وانا فوووق ...باقعد افكر فى تحت ؟؟...ببقى عارفة انه اكيد ..هانزل تانى موش هافضل فوق ...

بحاول فى ذات اللحظة اعيش اللحظة ...واحس بعدم الاستمرار على حال "احساس جميل "انك بعد ماكنت تحت ...اكيد اكيد ...هاتطلع تانى لفوق "... قبل ما تطلع فوق ...انزل للحقايق

2- إممممممممم التسويق..... تعرفي اني اشتغلت لفترة في حاجة اسمها التسويق الاجتماعي (ايون بتاع معانا فلايات... معانا براغيت الست.... طب هنحل امتي مشكلة تعليم الفتيات)..... لو حبينا نعمل حملة تسويقية عشان الناس

تتفاءل.... يرجع ايمانها بالخير....تشتغل بضمير..تعرف حقوقها...ايه تصورك عن الحملات دي بقي؟؟؟؟

انا اشتركت مرات عدة فى حملات ..مجتمعية ...بس الحقيقة الحملات اللى بتستهدف الضمير والحقوق والايمان دى اكبر من قدراتى ..بس انا بدرس حالياً حاجة اسمها كسب التأييد ,,,وتأكيد الانتماء ...ودى هدف من اهداف التفاوض بين المنظمات وعلشان نطبق ده على الناس "الافراد" سهل جداً وموش محتاج تمويل ...هو بس محتاج عقول مستنيرة 3- تعملي ايه اذا الدنيا حطيت في طريقك شخص من النوع الجداري........يعني قوالب افكار محطوطة فوق بعضها غير قابلة للتغيير.... بس حلها التكسير....مع انك بتؤمني ان الحيطة ممكن ندهنها... ممكن نلونها... ممكن نبنيها.... طب ازاي؟؟؟

ياعنى ايه جدارى ...قصدك تشيكن بوكس ...طبعا هاخاف من العدوى ..

لا الحقيقة الانواع دى من الحيطان "قصدى البنى ادمين ...مابتستهونيش ...ومابحاولش احتك بيها ...لان محاولات الهدم هاتخد مجهود اكبر من طاقتى ...وفى الحالات اللى ذى كده بانصحه ...انه يستعمل فيرى ويبطل يشرب بريل..

4- ايه رايك في الزواج في فضااااء الانترنت.......طب لو حد اتقدملك من المنتدي.... تعملي ايه؟؟؟

....فضاء الانترنت ده حيز من الخيال ..يشغله تردد جذافى والباندويث بتاعته موش مضمونة ..الا لو لاقيتى فيه مركبة فضائية يقودها سواق متمكن يعرف يطرح الباندويث ارضاً ويسقطك من اول كلمة ....بس رايى الشخصى ..ودى موش قاعدة ..انا .مافضلهوش ...

5- بتحبي شيكو اد ايه..... بتزعلي منها ليه......بتقرصي عليها في ايه؟؟؟

الحقيقة انا بحب شيكو اكتر من نفسى "على اساس انى عندى شيزوفرينيا " وزعلان منها طول الوقت ..وبقرص عليها لما تسيب حقها ...

6- لو انتي سوقتي الاتوبيس بتاع هيثم (و هو عامل ايه دلوقتي..... مش حلو كده و ضارب سوجارة علي ودنه... ) يا تري هتبقي شبهه..... يعني هتبقي هيثومة...و فلسفته في الدنيا.... و لا هتبقي برضه شيكو....بمذاق جديد؟؟؟

على فكرة ماسمهوش هيثم كده حاف ...اسمه كابتن طيار/ هيثم ..وبعدين ممكن اى شغلانة تانية غير سواقة الاوبتييس ..لان السواقة دى عايزة هيثمات وانا مانفعش خالص ...(حصريا ...ولا اول مرة اخو هيثم بيسوق باص رقم 14 ..بتاع جسر السويس..خلوا بالكم واسمه وائل .....كوبى طبق الاصل ...هيثم ..ازاى هيثم واخوه وائل موش عارفة ؟؟...بس تفتكرى باباهم اسمه ايه ...تفتكرى عبد العال؟؟)

7- بتفكري في الموت...... (بعد الشر عنك)........لو عندك حالة تصاااااااااااالح شديدة جديدة معاه........نفسك رايحة هناك...... تعملي ايه؟؟؟

بحاول اهيأ..حالى ..

8- محاورات المصريين....... حقيقة ...... خيال..... عالم افتراضي....... كلااااااااااااام؟؟؟؟ رايك ايه؟؟؟

عالم افتراضك ...ايون هو كده بالظبط ...نسيج من صنع الكى بورد واصابعنا ...حاجة كده هاند ميد ...بتعاتك انتى لوحدك ...وان بيس...

9- انا تعبت...... بجد....... تقوليها امتي؟؟؟ لمين....؟؟ و لا مبتقوليهاش؟؟؟

لما بقعد مع ..شخص ...احاول اقنعه بحاجة...وهو مصمم على العكس ..والشخص ده غالباً ما بيبقى اخويا الصغير ...

10- هتيجي تزوريني امتي؟؟ (انا ع الناصية.......جنب محل بتاع العصير......هتلاقيني دايما الوحيدة التي لا تقطع الاشارة الا عندما تتوقف كافة العربات عن الصخب)

طب ممكن بس تحجزيلى ميعاد مع بابا ...اصلى حاسة انى اليق اوى فى دور مراة الاب ..وعندى جاذبية تلقائية طبيعية ناحية الابهات ...وبعدين تقطعى الاشارة ليه ؟؟قدك دى ؟؟

مساكي...... إشارات مرور......بالوان تصنعين مفرداتها كما تشاءين... فقط تعرفين انك سائرة حيث عزمتي

صباحك ...مفردات ...متناثرة على الورق الابيض ....معانى مسطورة فيما بين السطور متخفية ...

تم تعديل 11 فبراير 2010 بواسطة shiko

[sarmar]

ازيك ياهندزة كيف حالك اوعى تنسى اللى اتفقنا علية

انت يعنى لازم تمشى فى صلاح سالم وتبص ع السيارات بس شيكو بنتنا اللى هنا غاوية يابانى يعنى كورولا ولا قامرى ولا حتى يارس وممكن لاكزس انت عارف الناس الدادمدين يحبوا المتانة فى التمبلات

وخليك عارف الطريق دايرى دايرى وفى اول مخرج تجرى على اول محطة تمون95 وتوسطريح شوية جنب غسيل العربيات تاخد لك نفس عميك مخلوط بجاز نديف من ع الزوراعية

صباحك ورد ياهندزة وصبح لى الاختين الحلوين لماضة وشيكو رين

كلام فى سرك حاسس انهم اخواتى الصغننين او يمكن اولادى اللة يسعدكم جميعا اخوكم سارمار محطة النزهة البلد قبلى قندهار

[shiko]

ازيك ياهندزة كيف حالك اوعى تنسى اللى اتفقنا علية

انت يعنى لازم تمشى فى صلاح سالم وتبص ع السيارات بس شيكو بنتنا اللى هنا غاوية يابانى يعنى كورولا ولا قامرى ولا حتى يارس وممكن لاكزس انت عارف الناس الدادمدين يحبوا المتانة فى التمبلات

وخليك عارف الطريق دايرى دايرى وفى اول مخرج تجرى على اول محطة تمون95 وتوسطريح شوية جنب غسيل العربيات تاخد لك نفس عميك مخلوط بجاز نديف من ع الزوراعية

صباحك ورد ياهندزة وصبح لى الاختين الحلوين لماضة وشيكو رين

كلام فى سرك حاسس انهم اخواتى الصغننين او يمكن اولادى اللة يسعدكم جميعا اخوكم سارمار محطة النزهة البلد قبلى قندهار

الاستاذ سارمار ...

ممكن اعرف حضرتك شغال على خط ايه ؟؟

انا حاسة ان حضرتك زومول من عالدايرى بتاع تيشاتيسغار برضه ؟؟

وبالنسبة لل95 ...الحقيقة انا موافقة بس ياريت سيادتك تدفعلى الفرق ..3ج فى اللتر (95-92=3) يعنى ماعنديش اى مانع..صباحك تفويلة ...فول تانك... :lol:

[MaYousof]

(حصريا ...ولا اول مرة اخو هيثم بيسوق باص رقم 14 ..بتاع جسر السويس..خلوا بالكم واسمه وائل .....كوبى طبق الاصل ...هيثم ..ازاى هيثم واخوه وائل موش عارفة ؟؟...بس تفتكرى باباهم اسمه ايه ...تفتكرى عبد العال؟؟)

:D

:blink:

أخيرًا .. أخيرًا .. hypr:

نبوئتي اتحققت .. نبوئتي اتحققت .. نبوئتي اتحققت ..

:lol:

مصيره ييجي اليوم اللي أسمع فيه عن سواق الباص اللي اسمه وائل :lol:

على فكرة هيثم ووائل دي من الاسماء العربية الأصيلة اللي موجودة في جزيرة العرب من ايام الرسول عليه الصلاة والسلام ومن قبل كده كمان.

النبؤة دي من السنة اللي فاتت :lol:

المفروض دلوقتي أحصل على لقب منجّم المحاورات :blink:

[MaYousof]

آنسة شيكو,

الحقيقة :lol:

الحقيقة :lol:

كان فيه موضوع كده كنت عايز أقولك عليه ..

بس مستيحي حبتين :lol:

مش عارف بصراحة .. أقوله قدام الناس .. ولا ممكن يفهموني غلط :blink:

أصله .. أصله .. موضوع شخصي شويتين :D

طب .. أنا .. هتجرأ ..

وأقولهولك .. قدام الناس ..

بصراحة كده ..

أنا ..

أنا .....

أنا هقولهولك لما أرجع من برة ..

قولي على الساعة 5 العصر ..

أشوفك ساعتها

:blink:

[sarmar]

ياستاذة شيكوا اذا كنتى ماسكة على نفسك حبتين وخايف تدفعى البنزيم شوفى انتى بتلمى كام من الخط ؟؟؟ وطالعة واكلة ونازلة واكلة مش كفاية البعدا مش سابينا فى حالنا وكل شوية يعملوا كمين

بس زى ماقلت لاخويا الهندزة انى حاسس من ناحيتك انك اختى ومزنوقة وداخلة على طمع مايجراش اذا كنتى مزنوقة فى تفويلة مايضرش برضك فوللها ياض يا يازعبلة عربيتها فول تانك بلموناضة ورغيفين سياحى مع فحلين بصل واضرب دماغ بالزيت الحار مع قرنين شطة على حسابى

وصباحك شاى صعيدى يحبس شحط محط عند ام ترتر اللى فى الموقف

[رضوي]

السلام عليكم ورحمة الله وبركاته

ياروحي ياشيكو .......... انتي متكتفة اوي كدة ليه؟

مش حرام ......... كدة البنت الغلبانة تعملوا فيها كدة ؟

طيب ياعيوني ...... اعملك ايه النهاردة ؟؟؟؟

نمشيها تفاح ....... يالا

بس فين جو....... هو من ساعتها لسة ماجاش ؟

قلقت عليك بجد ياجو ....... مش عوايدك ماتسألش عن المتكتفين ع الكرسي .

شيكو

خدي كام سؤال ع الماشي

بتعرفي تطبخي ؟

بتحبي اي اكلة ؟

بتقري كتب عن الاكل والحلويات ؟

ايه أخبار الافتكاسات في المطبخ ........ والحوادث - بعد الشر عليكي -

ايه رأيك في الافلام الكوميدي ؟ وبتحبي مين كوميديان ؟

بتفكري تكتبي مذكراتك ؟

ايه اخبار هيثم اللي كل شوبة يسألوكي عنه ؟ وكمان قلتلهم علي وائل ؟؟؟؟؟؟؟؟؟؟؟ لا ربنا معاكي استحملي بقي .......... اه لو تعرفي اسم سواق عربية الشغل بتاعتي ......... خلاني مش عايزة اشترك فيها ولا عايزة اركبها خاااااالص

حد ينادي جو ياجماعة

وجست مي راح فين ......... اختفي في ظروف غامضة

[MaYousof]

الآنسة شيكو,

أنا عارف إن الكلام اللي هاقوله ممكن يكون سينستف بعض الشيء .. وممكن حد يفهمني بالشكل الغير مناسب bv:-

بس أنا خايف إني لو ماتكلمتش النهاردة ممكن أندم على كده طول عمري :)

أنا مش قادر أخبي يا شيكو أكتر من كده jdw::

وياريت ماحدش هنا يحسبني بهزّر ..

الكلام اللي هاقوله جاد وصادق .. وأنا أعني كل كلمة فيه ..

يا شيكو ..

بصراحة ..

ومن غير مواربة ..

أنا لازم اعترفلك ..

أنا يا شيكو ..

أنا ....

يا شيكو .. أنا ..

أنا ..

عندي .. مرجيحة في البيت ..

:afr:

بجد والله ..

المرجيحة دي عندنا من زمان .. من زمان جدا ..

من يجي 25 سنة أو أكتر ..

إحنا أساسا ما اشتريناهاش من مصر ..

بس مرجيحة جميلة جدا يا شيكو ..

وركوبها يا شيكو سعادة لا توصف ..

بصي يا ستّي ..

هي من النوع اللي ليه كرسيين قصاد بعض ..

وتنده عليها صور أطفال كرتون ياباني كده وهم عمّالين يتمرجحوا ..

حاجة يا شيكو جميلة جميلة جميلة ..

تحسي إنك عصفورة بتلعب في يوم جميل من أيام الربيع ..

ياه شيكو .. ده أنا اتمرجحت عليها كتير جدا وانا صغير ..

كانت متعتي ..

كانت أيام جميلة جدا ..

أنا بجد عشت طفولة سعيدة

أنا خفت لتكون مامتي شاحّتتها فسألتها عليها قالتلي إنها في أوضة الكراكيب ..

تصوري يا شيكو .. بعد كل العمر ده .. وبعدين تترمي الرمية دي ..

ليه .. ليه :sad:

وبعدين المرجيحة دي على كده تعتبر محظوظة ..

أصل أنا يا شيكو عايز اشتكيلك من مامتي ..

أصل أنا كان عندي حتة دين عجلة بي إم إكس ميد إن تايوان .. خراااافة bk:

والله تضرب اجدع ماونتين بايك أمريكاني بالكوتشي الأديداس ..

بس مامتي الله يسامحها شاحّتتها ..

يرضيكي يا شيكو ..

أيام الطفولة والصبى تتباع البيعة دي ..

أنا بجد زعلان على العجلة بتاعتي موت ..

ومش مصدق إني مش هاشوفها تاني ..

كانت حتة دين عجلة بجد ..

كانت مقاس 20 .. فرامل رجل ..

قلت لمامتى أوعي يا ماما تشحّتي المرجيحة ..

قالتلي لا يا حبيبي .. أنا شايلاها لولادك po::

طب يعني ولادي دول مش من حقهم يركبوا عجل bk:

ولا يعني المرجيحة على راسها ريشة :amb:

بس بقول الحمدلله يا شيكو إني طلعت بالمرجيحة ..

كفاية اتفرج على صورة الاطفال اليابانيين الكرتون اللي مرسومين على التندة بتاعتها ..

بس يا ستّي ..

آدي الموضوع كله ..

[الباشمهندس ياسر]

ابو يوسف

وقعت قلبي ........

mf_p: :blink: :aslam:

[MaYousof]

ابو يوسف

وقعت قلبي ........

:aslam: :wub: wst::

:blink:

----------------

باشمهندس ياسر

كل سنة وانت طيب بمناسبة اقتراب عيد الحب mf_p:

[الباشمهندس ياسر]

ابو يوسف

وقعت قلبي ........

:wub: wst:: bv:-

:aslam:

----------------

باشمهندس ياسر

كل سنة وانت طيب بمناسبة اقتراب عيد الحب :blink:

و انت طيب يا امير

انا لسه منزل تهنئة للمنتدي ف موضوع علي مزاجك انت

mf_p:

[joo]

انا كمان يا جماعة بعتذر عن سوء الفهم اللى حصل واللى زعل منى الباشمهندس ياسر

بس واللة يا جماعة مش انا اللى كتبت الكلام دة

زوج اختى استغل غيابى واستغل اسمى فى المنتدى يوم الاربعاء ودخل ورد على ناس وزعل ناس كتير

وانا بتأسف

انا اسف يا ياسر

خلى بالك انا روئتة صح وخدتلك حقك

[Damo]

أنا ..

عندي .. مرجيحة في البيت ..

wst::

بجد والله ..

المرجيحة دي عندنا من زمان .. من زمان جدا ..

من يجي 25 سنة أو أكتر ..

إحنا أساسا ما اشتريناهاش من مصر ..

بس مرجيحة جميلة جدا يا شيكو ..

وركوبها يا شيكو سعادة لا توصف ..

بصي يا ستّي ..

هي من النوع اللي ليه كرسيين قصاد بعض ..

وتنده عليها صور أطفال كرتون ياباني كده وهم عمّالين يتمرجحوا ..

حاجة يا شيكو جميلة جميلة جميلة ..

تحسي إنك عصفورة بتلعب في يوم جميل من أيام الربيع ..

ياه شيكو .. ده أنا اتمرجحت عليها كتير جدا وانا صغير ..

كانت متعتي ..

كانت أيام جميلة جدا ..

أنا بجد عشت طفولة سعيدة :rolleyes:

أنا خفت لتكون مامتي شاحّتتها فسألتها عليها قالتلي إنها في أوضة الكراكيب ..

تصوري يا شيكو .. بعد كل العمر ده .. وبعدين تترمي الرمية دي ..

ليه .. ليه :sad:

وبعدين المرجيحة دي على كده تعتبر محظوظة ..

أصل أنا يا شيكو عايز اشتكيلك من مامتي ..

أصل أنا كان عندي حتة دين عجلة بي إم إكس ميد إن تايوان .. خراااافة bk:

والله تضرب اجدع ماونتين بايك أمريكاني بالكوتشي الأديداس ..

بس مامتي الله يسامحها شاحّتتها ..

يرضيكي يا شيكو ..

أيام الطفولة والصبى تتباع البيعة دي ..

أنا بجد زعلان على العجلة بتاعتي موت ..

ومش مصدق إني مش هاشوفها تاني ..

كانت حتة دين عجلة بجد ..

كانت مقاس 20 .. فرامل رجل ..

قلت لمامتى أوعي يا ماما تشحّتي المرجيحة ..

قالتلي لا يا حبيبي .. أنا شايلاها لولادك :sad:

طب يعني ولادي دول مش من حقهم يركبوا عجل bk:

ولا يعني المرجيحة على راسها ريشة :blink:

بس بقول الحمدلله يا شيكو إني طلعت بالمرجيحة ..

كفاية اتفرج على صورة الاطفال اليابانيين الكرتون اللي مرسومين على التندة بتاعتها ..

بس يا ستّي ..

آدي الموضوع كله ..

هههههه جاااامده :lol:

على فكرة انا كمان كان عندي مورجيحة زارقة و انا صغيرة بس كرسي واحد و مرسوم عليه ميكي. بابايا اداها لاولاد عمي...بس اعتقد زمانها دلوقتي عند احفاد عمتي...المهم العايزه اقولو انها في ايدين امينة :lol:

مين امينة؟ :sad:

تم تعديل 12 فبراير 2010 بواسطة Damo

[MaYousof]

سؤال:

مين امينة؟ :rolleyes:

الاجابة من المداخلة 94#

أمينة دي هي فتاة أحلام هيثم من أيام التريسكل, هو لسه ماتقدمش رسمي بس هتسمعي أخبار كويسة عنهم عن قريب.

:lol: