كرسي الأعتراف 2 ( حاليآ الفاضلة Dreamwithme )

[لماضة مصرية جدا]

السلام عليكم و رحمة الله و بركاته

عزيزتي شيكو

حيث اني و انتي..... عيال سهيرة ......زي الريس حنتيرة ....في الليلة الكبيرة

بقولك ايه....

1- قوليلنا 5 حاجات منعرفهاش لغاية دلوقتي عنك

2- تهدي اغنية انا كينج كونج لمين

3- تيجي تركبي معايا عجل....... :ninja: ....... :lol:

بس بقولك ايه.....اركبي كده و افردي دراعاتك و سيبك م الزوكتة بتاعتي..... و انا ان شاء الله في اول راوند امريكاني.... هنتهبد احنا التنين ع الارض... bk:

مستنياكي.... باقي من الزمن... ساعة و نص..... و عم زقزوق العجلاتي يفتح......البسي الكسرولة..... قصدي الخوذة....و سيبي قرشين في البيت... محدش ضامن عمره برضه.... :blink: ........و هتلاقيني ع الناصية..... :wub:

كلمة السر.... يوم ورا يوم حبيبي...... :sad: (وش هنيدي.... و هو عامل موجنوص...... :sad: )

فوتك بعافية

لماضة جنزير

[shiko]

وسكتت شيكو عن الكلام المباح

حضرتك الاسبوع عدا...على خير ان شاء الله

ليس من حق كائن كااااااااااان يا لمضة ...يسئلنى ...انا خريت عصير اسئلة

وبعدين نازلى ايديك وانتى بتكلمينى .. :ninja:

[MaYousof]

لا أحد بيننا ينكر إن الأخت الفاضلة شيكو أمتعت كل شخص فينا أثناء جلوسها على الكرسي وكانت مثال رائع للتواضع وخفة الظل, بل وفي رأيي الشخصي كانت مثال لحسن الخلق والحكمة. وقد أنتقص من حق الفاضلة شيكو إذا لم أعترف بشكل شخصي أني اعتبرت أن بعض إجابتها فيها من الحكمة ما له أن تحتويه أمهات الكتب عن الحكماء. فقد تعلمت أنا شخصيا من إجابتها العديد. ووجب علي شكرها على ذلك.

وبين يديكم أعرض ما أعتبره من أروع ما قرأت في إجابات شيكو: (ترتيب زمني تصاعدي)

- بتلاقي النور فين في الدنيا?

- فى ركعتين فى جوف الليل.

- حاسة بنبره حزن في كلامك. حتي الضحك بيبقي بتهكم وسخرية علي اوضاعنا. ياتري احساسي صادق ولا كاذب؟

- اولا انا اسفة لانى خليتك تحسى بالنبرة دى. واحساسك صادق اكيد. بس حقيقى موش لدرجة الحزن. والتهكم ده يمكن لانى متأثرة بشخصية الريحانى فى تناول القضايا. الضاحك الباكى.

- فيه حاجة بتدوري عليها. ايوة اهه شيفاها في عينيك. ليه مش لاقيها. ياتري علشان بقت عملة نادرة في بلدنا؟ ولا انتي اللي مش بتدوري في المكان الصح؟

- بدور .. اني اكون صح. موش مهم فى اى وطن واى مكان المهم لا يصح الا الصحيح.

- الامان بالنسبة لشيكو موجود فين؟

- فى وش امى. وحضن اخواتى. ورضا ابويا. وسجدة اطمئنان.

- اتقدم ليكى رجلين, واحد عنيد, وواحد لة علاقات نسائية كتير, تختارى انهو؟

- العند موش عيب ولا حرام. لكن علاقات, اتهيالى كده ممكن ندخل فى دايرة الحرام.

- والسؤال المعتاد زوجك قلك فى يوم انا عاوز اتزوج عليكى هتعملى ايه؟

- هاوافق, بس بشرط انه يوافق انى اكون مجروحة من جوايا. اوافق اتظلم, بس اظلم لا اوافق.

- لو زوجك فى يوم من الايام تعصب عليكى كان معاه حق يعنى وهباااااااا راح بالقلم على وشك هيكون ايه رد فعلك؟ هل هتسامحيه ولا ايه؟

- هاسامحه بس هايفضل فية حاجة مكسورة موش هاتتصلح.

- مين أصحابك؟ بتختاريهم ولا هما اللي بيختاروكي؟

- الحقيقة الموضوع اختيار متبادل. بس قليل لو حد يختارنى صاحبة كده من قرارة نفسه "بيبقى عبيط غالباً او من ذوى الاحتياجات"

- بعد ربنا - عز وجل - والضمير. شيكو بتعمل حساب لمين؟

- كل كائن من كان فى حياتى. بعمل حساب لطوب الارض.

- حكمة صادقة صائبة صادفتك في يوم من الايام, ونجحت في موقف ما, فما هي؟

- من يكون علينا والله معنا؟

- مش غريبة شوية ان أغلب المتحدثين عن قضايا المرأة ومدي وقوعها تحت الظلم في مجتمعنا رجال؟ للدرجة دي المرأة ضعيفة ومش قادرة تقول انها مظلومة؟ ولا فيه وجهة نظر فلسفية تانية ورا الموضوع دة؟

- انا نفسى اشوف المراة الضعيفة دى؟ هما بيستصعفونا اه وبيستقوا علينا اه. لكن الحقيقة انا موش شايفة اى بنت بتستكين وتقعد مستسلمة لظلم.

- لو حد زعلك. مكتوب في الكتالوج يصالحك إزاي؟ اعتذار؟ تربيتة ع الكتف؟ صمت حتي تهدأ العاصفة؟

- حضن يطبق. هو حضن جامد شوية على اساس انه بيطبق الضلوع وده كان اختراع بابا هو اللى علموهنا واحنا صغنيين.

- احلي هدية جاتلك في حياتك, او اللي نفسك انها تجيلك؟

- نفسى تجيلى بصراحة لسة ماجتليش لغاية دلوقتى, مورجيحة.

- أيه هى أكتر حاجة حلمتى أنك تحققيها, لكن لم يحدث؟ ولماذا؟

- موضوع المورجيحة ده مأثر فيه اوى. نفسى فى مورجيحة من زمان. وموش عارفة ليه مافيش توفيق فى الموضوع ده. بس هايحصل قريب ان شاء الله.

- انا تعبت! بجد! تقوليها امتي؟ لمين؟ ولا مبتقوليهاش؟

- لما بقعد مع شخص احاول اقنعه بحاجة وهو مصمم على العكس. والشخص ده غالباً ما بيبقى اخويا الصغير.

شكرا يا أستاذة شيكو إن حضرتك علمتيني أشياء مفيدة أثناء جلوسك على الكرسي. لك مني عميق العرفان.

تحياتي.

[رضوي]

السلام عليكم ورحمة الله وبركاته

ايه دة .............. الوقت معاكي ياشيكو جري بسرعة ......... دايماً كدة الأوقات الجميلة بتعدي من غير مانحس بيها

ياخسارة ياشيكو ......... مين هيشرب مشربات ريا المفترية wst::

بس بجد

فعلاً شيكو من اجمل الاجابات .......... ومن الذ التعليقات .......... ومن افضل البصمات

حضرتك طبعاً

اجاباتك كانت بسيطة وفي الجون

كانت بتلمس القلب علي طول .........أكيد دة راجع لصدقها وايمانك بها

اسعدتينا بجد ياشيكو في فترة جلوسك ع الكرسي

نورتينا ياشابة

وطبعاً لازم تنورينا ونتسلي علي الضحية الجديدة اللي هتنور الكرسي م الكهربا

جهز الشربات ياحسبالله

وحسرة عليها ياحسرة عليها

[الباشمهندس ياسر]

انا كمان يا جماعة بعتذر عن سوء الفهم اللى حصل واللى زعل منى الباشمهندس ياسر

بس واللة يا جماعة مش انا اللى كتبت الكلام دة

زوج اختى استغل غيابى واستغل اسمى فى المنتدى يوم الاربعاء ودخل ورد على ناس وزعل ناس كتير

وانا بتأسف

انا اسف يا ياسر

خلى بالك انا روئتة صح وخدتلك حقك

صار خير يا جميييييييييييل

صباحك ورده معطرة

[لماضة مصرية جدا]

لا أحد بيننا ينكر إن الأخت الفاضلة شيكو أمتعت كل شخص فينا أثناء جلوسها على الكرسي وكانت مثال رائع للتواضع وخفة الظل, بل وفي رأيي الشخصي كانت مثال لحسن الخلق والحكمة. وقد أنتقص من حق الفاضلة شيكو إذا لم أعترف بشكل شخصي أني اعتبرت أن بعض إجابتها فيها من الحكمة ما له أن تحتويه أمهات الكتب عن الحكماء. فقد تعلمت أنا شخصيا من إجابتها العديد. ووجب علي شكرها على ذلك.

شكرا يا أستاذة شيكو إن حضرتك علمتيني أشياء مفيدة أثناء جلوسك على الكرسي. لك مني عميق العرفان.

تحياتي.

السلام عليكم و رحمة الله و بركاته

حبايبي الحلوين... اللي ع الكورسي معترفين.... و اللي لشيكو مزغرتين... لانها بقت من المتحررين....هييييييييييييييييييييه

ما تتخيلش يا استاذ مي و يوسف انا اتأنثرت بكلام حضرتك أد ايه...

فعلا شيكو نورت الكورسي و خلت فيه نور غير كابل الكهربا اللي ضربناه في نافوخها

انا شخصيا عشت معاها و مخمخت في محاورتها..... لسه يا باااااااااااتعة بينا حوار لا ينتهي... ماشي

و حيث انه....

و بناء مما تقدم.....

و مشربشي الشاي اشرب ازوزا انا

لان حضرتك استفدت م القعدة ع الكورسي....(انظر مداخلتك..... كله مكتوب في مضبطة الجلسة)

انا بقول يا شيكو.....

اكسبي فيه ثواااااااااااب و خدي منه المورجيحة.....

و قعديه ع الكورسي... ده انت هتتمرجح مراجيح.......هع هع هع..... ضحكة شريرة جدا (عصابة القناع الاسود في ميكي جيب)

نداء عاجل الي الزميلة رضوي مشاريب.... استعدي يا رياسة..... متهيالي بيشرب آيسون بقي و حلبة حصي.... (انظر الكوفية في الصورة الرمزية....... :aslam: )

و آدينا مستنين رايك يا ست شيكو..... الراي رايك و الشورة شورتك.....و يا رب ربنا يشاشيكي

فوتكم بعافية

اه يا جماعة متنسوش ترشوا ميه قبل ما شيكو تقوم...... ده تقليد متبع في التوبيك ده...... لااااااااااااااااااااااازم نخدموكي لاخر قطرة.... wst::

[shiko]

...صفارة الحكم ...تعلن انتهاء الهاف تايم الاول ...وفى ذات الوقت نبدأ التانى

معلهش اتاخرت عليكم ؟؟

يا دوبك عقبال مالاقيت التى شيرت ابيض واسود ...ودورت على القناع ...زى ما امر رئيس العصابة تمام ...

وعشان هى عصابة الخمس ..لازم نلاقى شررررين ...ينضموا للعصابة

ومن مكانى هذا اعلنها بدء التشكيل العصابى ...للعصابة ...وفى هذا السياق نفتح باب الطلبات للانضمام

وعليه قرار رقم واحد لسنة 1010 تقرر الاتى

1) فتح باب تلقى طلبات الانضمام للعصابة مقابل رسوم وقدرها 40 استرلينى لزوم تيشيرت وقناع

2) ضبط واحضار المدعو يوسوف وتنصيبه على الكرسى "عاوزاه يخر اسئلة

3) تسند إلى لماضة رئاسة العصابة مؤقتا لحين ترشيح رئيس رسمى

4) توكل مهام المشاريب والاوبن بوفيه الى نائب الرئيس التنفيذى والعضو المنتدب رضوى

5) يتم رفع فولت الكهربا بالكرسى الى 99 امبير حولة الامبير الواحد 30 فولت

ينفذ القرار من تاريخه ...وعلى المتضررين اللجؤ للقضاء

[لماضة مصرية جدا]

ينصر دينك يا أستاذ...................نفيسة (الوش المألوف من ورا القضبان)

نداء عاجل الي قائدي مدرعات كورس الاعتراف....

مجند عنبو

مجند قسط مي

مجند جو

قائد أركان باشمهندس ياسر

اجمع حاااااااااااااااااااااااااااالا............................... wst::

و هاتولنا الرفيق.....مي و يوسف.... في التو و اللحظة (احط السماعة يا فوزية الاقيكي قوصادي.....وش فؤاد المهندس)

و قد اوقفل المحضر في ساعته وتاريخه......و في انتظار المجني عليه..... أيون.... ما احنا عملنا بلطجة بقي.....

و الي كافة اهالي المنتدي الكرام...... :aslam:

خش و احدف سؤال..... هتاخد عليه سؤال هدية.....

و لا اقولكم.... هتتحسبلك مداخلة زيادة....

و ان شاء الله كل ما تجمع اكتر فرصتك بالفوز تكتر (لغاية دلوقتي محدش لقي الجادون في مسابقة الكوكاكولا.... اكسب عجلة.....حد فاكرها )

وهنيالك يا فاعل الخير و الثواب

فوتكم بعافية

اتصدقوا... ان العافية بتاعتي راحت من كتر ما انا مجرجراها ورايا في المداخلات.... كله عشاااااااااااااااااااانك يا مصر

[MaYousof]

بلاش جست مي بلاش جست مي :sad:

أصله بيزعّقلي .. بيزعّقلي

-_-

---------------

يا جماعة الله يرضى عليكم كلكم .. أنا لو طلعت على الكرسي هظلم كل اللي عايزين يسألوني .. لأني مسافر يوم 16 الفجر ومش هارجع إلا يوم 20 بالليل إنشاء الله .. ومش هيكون عندي وصول للإنترنت .. يعني 5 أيام كاملين من الإسبوع راحوا على اللي هيسأل .. مايرضينيش :lol:

هو الحل إنه يا إما الأخت الفاضلة شيكو تطلع تتمرجح على الكرسي وتحفظهولي لحد ما إنشاء الله أرجع .. واهو تتأكدوا إن الفولت مظبوط وكله تمام .. يا إما تختاروا حد غيري .. يا إما عوضكوا على الله في الخمس تيام وتلحقوا تسألو كل اللي نفسكوا فيه في يومين اتنين!

لكن حقيقي الموضوع مش في إيدي .. وأسألكم السماح cr((:

[joo]

تروح وتيجى بالسلامة

[shiko]

….عندى حل كويس وهايرضى جميع الاطراف

…الاستاذ يوسوف …

ممكن حضرتك بمنتهى السهولة تستقبل كل الاسئلة ابتداء من انهاردة اللى حضرتك ضايعت نصه …

وبكره …تنهال الاسئلة برضه

وبعده….تمام وتستمر

بعده بقى اللى …حضرتك مسافر فيه ممكن بمنتهى …السهولة ….

تلغى السفر….وتأجله بعذر انك انت وراك كرسى واسئلة هاتتجاوب …

واخر يوم فى الكرسى حضرتك تقدر تسافر زى مانت عاوز …سهلة

…انسى حضرتك ….

قضى الامر الذى فيه تستفتيان …

[MaYousof]

….عندى حل كويس وهايرضى جميع الاطراف

…الاستاذ يوسوف …

ممكن حضرتك بمنتهى السهولة تستقبل كل الاسئلة ابتداء من انهاردة اللى حضرتك ضايعت نصه …

وبكره …تنهال الاسئلة برضه

وبعده….تمام وتستمر

بعده بقى اللى …حضرتك مسافر فيه ممكن بمنتهى …السهولة ….

تلغى السفر….وتأجله بعذر انك انت وراك كرسى واسئلة هاتتجاوب …

واخر يوم فى الكرسى حضرتك تقدر تسافر زى مانت عاوز …سهلة

…انسى حضرتك ….

قضى الامر الذى فيه تستفتيان …

ياريت يا شيكو كان ينفع ..

المشكلة إن أنا كمان في إيدي شغل لأ وسايبه وعمال أكتب مداخلات في المنتدى ..

أنا باين عليَّ إنسان فاشل ..

مش هينفع معايا غير الكهربا :lol:

إنت ظبطتي الفولت على كام يا أخت شيكو cr((:

[الباشمهندس ياسر]

تروح و ترجع بالسلامة

س1 : مسافر انهي بلد يا جميل؟

س2: سافرت كام بلد قبل كده؟

س3: اطول مدة قعدتها ف انهي دولة و اقصر مده ف انهي دولة؟

س4: اكتر دولة حبيتها من قلبك و اكتر دولة اتخنقت منها؟

س5: متجوز ولا ايه ظروفك يا عم الشباب و الرياضة...((احسن الواحد مش عارفلك))؟

س6: كان المفروض يبقي من بدري بس عديها .. سنك و الصورة اللي حاططها ..ايه ظروفها؟؟.. يعني تبع انهي تنظيم فيهم يا جدع

س7: هل لديك اقوال اخري؟

[shiko]

اللى انا شايفاها ...ده ....دى موش عصابة ...دى حضانة ...

ولا رئيس تنفيذى ولا عضو منتدب ....لا انا هاعيد التشكيل ....

راخر ...الاخ /يوسوف "المجنى عليه"....لما لاقاها سابت ...راح مطنش ...

لذا وبناءا عليه قررنا نحن:

تعيين "الباشمهندز/ياسر"امين عام للعصابة ..نظرا للاتزامه الملحوظ خلال المناسبات الرسمية "الفالنتين"

عدم سداد مستحقات المدعو فى حقها رضوى لحين تعويض العصابة بالمشاريب المناسبة

الغاء سفر المدعو..فى حقه وزيادة جرعة الكهربا ورفعها ...عقابا لغيابه المتكرر

شنطة سفر...فيها 3 حاجات ...يستحيل السفر من غيرهم

2. امتى حسيت ...انك واحد ضد 100؟؟

3. هبوط اضطرارى ...يبقى امتى وفين وليه.??

4. مطب صناعى ...مقلب ارض جو جامد خاته من مين ...وازاى؟؟

5. لوسالتك انت مصرى تقولى ايه ؟؟

6. لقد اوشك رصيد على الانتهاء....مكالمة واحدة لمدة 3دقايق ...لمين وهاتقول ايه؟؟

7. اكمل العبارات التالية..

- حضرة المتهم .......

- عشان انت مصرى لازم.........

- حضرتك رئيس تحرير جريدة مصر فى خطر ......مانشيت فى الصفحة الاولى .. باللون الاحمر ...وبخط عريض مكتوب فيه .......طب والصفحة الاخيرة...هاتكتب فيها...........؟؟

- لو لم اولد مصريا عربيا لوددت ان اكون ...........

- لو موش هاتحلم معايا مضطر .........

لفترة محدودة خصم50% ...ديسكونت...واللى موش هايلحق ...هايشترى وبضعف التمن وغصب عنه...

مستنية كوباية عصير الموز يا ريا

تم تعديل 14 فبراير 2010 بواسطة shiko

[engtaha]

استاذة شيكو/

ممكن ادخل معاكم فى العصابة ولا هى مقصورة على الناس اللى بتقعدعلى الكرسى بس؟ممكن حد يفهمنى اللعية اكتر

[رضوي]

السلام عليكم ورحمة الله وبركاته

ايوة جااااااااااااااااااااااي

ايه مين ؟

مايوسوف

ياسلام ........... دة انا فرحانة بشكل ياجدعاااااااااااان

هموت وأسأله سؤال ................ ايون السؤال اللي أتسأل لحد دلوقتي مليون مرة

الا مين يااستاذي الصورة الرمزية دي ؟؟؟؟؟؟؟

تشرب شاي

نسكافيه

اقولك

اتفضل سحلب ,,,,,,,, جاااااااااامد

وايه يعني حضرتك مسافر ........... تيجي بالسلامة ان شاء الله

عادي ........ نسأل من دلوقتي ولما ترجع بالسلامة نعمل وقت بدل ضايع

وقت اضافي يعني

حد وراه حاجة ؟

يالا ندخل ع المفيد ( مش هنسخن المرة دي )

1- اسمك وسنك وعنوانك ؟

2- كنت فين وقت ارتكاب الجريمة ؟

3- ايه رأيك في أقوال الشهود ؟

السي في بتاع حضرتك ........ ياتري ايه اللي ناقصه ؟

جملة من شخص حكيم ......... أثرت فيك ؟

الدنيا ........... واسعة ولا ضيقة ؟

حلم حلمته ............... ولسة مااتحققش ؟

شايف بكرة ازاي ؟

هل أنت راضي عن نفسك ؟

اصعب وقت مريت به ؟

صدفة غيرت لون حياتك ؟

اتعرفت علي المحاورات ازاي ؟

ما الحكمة التي تؤمن بها ؟

لقيت خاتم سليمان .............. هيحققلك 3 أمنيات ؟؟؟؟؟؟؟ ايه هما ؟

ايه رأيك في المحاورات ؟

فرصة ضيعتها وندمت عليها ؟ وياتري اتعلمت من الدرس ولا لسة ؟

فرصة قدامك دلوقتي ... هتتردد ؟؟؟؟؟؟؟؟؟؟؟ ولا تتوكل علي الله بقلب جامد؟

معني حسيته زمان ........ ومفتقده حالياً ؟

ياتري قلت لمين النهاردة ............... كل عام وانتي حبيبتي ؟؟؟؟؟؟؟؟

ايه السحلب اخباره ايه ؟

[MaYousof]

سلام عليكم,

وعيد حب وانتم طيبين للجميع .. بحبكم كلكم كلكم :wub: :wub:

-----------

حد يا جماعة قرأ المداخلة 12# في الموضوع ده اللي بتاريخ 24 يناير السنادي؟ :wub:

-----------

أنا عندي تسليم شغل الصبح انشاء الله .. ومش هاقدر أكتب كلمة هنا لحد الصبح .. والله غصب عني .. معلش سامحوني كلكم كلكم :blink:

-----------

بحبكم

[عنبو]

لما محمد يوسف يجى ياجماعه ابقوا صحوووووونى

انا نايم جنب الكرسى اهووووووووووووووووووووووووووو

يلا سلام

[MZohairy]

من انت؟ :rolleyes:

[MaYousof]

ههههههههه :wub:

خلاص خلّصت الشغل وسلّمته كمان الحمدلله .. بس مانمتش طول الليل md2:

يلّا أديني قعدت على الكرسي .. هروح بقى أجاوب على أول أسئلة بتاعت الباشمهندس ياسر ..

فاصل ونواصل .. إبقوا معانا :rolleyes: