كرسي الأعتراف 2 ( حاليآ الفاضلة Dreamwithme )

[MaYousof]

أسئلة الباشمهندس ياسر:

- مسافر انهي بلد يا جميل؟

- أبدا .. هاخطف رجلي لأسوان وجاي علطول انشاء الله .. رحلة استجمام .. أصل أنا آخر مررة استجميت في أسوان كان من 17 سنة :rolleyes:

مش 92 دي من 17 سنة برضه ولّا انا غلطان؟ :unsure:

- سافرت كام بلد قبل كده؟

- سافرت 8 دول قبل كده بما فيهم مصر.

- اطول مدة قعدتها ف انهي دولة و اقصر مده ف انهي دولة؟

- أطول مدة كانت في السعودية وأقصرها سويسرا.

- اكتر دولة حبيتها من قلبك و اكتر دولة اتخنقت منها؟

- كل دولة وليها طعمها .. وكلوهم حلوين .. وكلهم حبيتهم .. بس أنا رحت الإمارات في 2001 وماكنتش مبسوط قوي ساعتها .. مش بلد طبيعية زي بقيت بلاد الله .. ماتعرفش تعدي شارع من غير ماتركب تاكسي عشان يعدّيك .. عموما ده كان في 2001 ومارحتهاش تاني من ساعتها .. يمكن دلوقتي الأوضاع اتقدمت وبقى عندهم توك توك md2:

- متجوز ولا ايه ظروفك يا عم الشباب و الرياضة...((احسن الواحد مش عارفلك))؟

- عازب ولم أتزوج من قبل. وبما إن المرجيحة في أوضة الكراكيب يبقى أكيد ماعنديش أولاد :wub:

- كان المفروض يبقي من بدري بس عديها .. سنك و الصورة اللي حاططها ..ايه ظروفها؟؟.. يعني تبع انهي تنظيم فيهم يا جدع

- 32 سنة .. بخصوص الصورة هاجاوب عليها مع اسئلة رضوى ..

- هل لديك اقوال اخري؟

- أكيد .. بحبكم كلكم :wub:

[MaYousof]

أسئلة shiko:

- شنطة سفر...فيها 3 حاجات ...يستحيل السفر من غيرهم؟

- يا شيكو .. يا شيكو .. يا شيكو .. أنا ببقى مسافر وهاقعد سنة بره مصر وماعرفش شنطة سفري فيها إيه ..

البركة في الوالدة واخواتي البنات :blush2:

أنا كل اللي اعرفه إني لما بوصل البلد اللي مسافرها بافتح الشنطة واسكتشف بقى هم حاطينلي إيه بالظبط :rolleyes:

ملوخية ناشفة

فول سوداني

كيس لب

واهو كله من فضلة خيرك ياشيكو md2:

- امتى حسيت ...انك واحد ضد 100؟

- أووه ..كتييير .. هنا :rolleyes:

- هبوط اضطرارى ...يبقى امتى وفين وليه.?

- يا شيكو عاش خاطري .. بلاش الأسئلة الصعبة دي .. أنا مخي على قدّي بجد .. وأسئلة البنات ذات الصيغ اللغزية دي مش بافهمها من غير ما حد يشرحهالي :blush2:

يمكن قصدك تنازل؟ أنا مقتنع إن مفيش مانع إني أتنازل مادام فيه مصلحة عامة ..

بس عموما أنا لست من هواة الدخول في قضايا تحتمل الخسارة :wub:

- مطب صناعى ...مقلب ارض جو جامد خاته من مين ...وازاى؟

- يا شيكو إيدك معايا عشان أفهم السؤال .. مقلب ياميدو .. مقلب ياحمادة .. مقلب يابو حميد :rolleyes:

كل الناس بتدّي مقالب .. بس المقلب المحترم هو اللي تاخديه وانتي مش مخوّنة وعادة بيكون من حد قريب قوي ..

- لوسالتك انت مصرى تقولى ايه؟

- أنا مصري وابويا مصري :unsure:

- لقد اوشك رصيد على الانتهاء....مكالمة واحدة لمدة 3دقايق ...لمين وهاتقول ايه؟

- مافيش مانع أكلم حسني angl::

هقوله "إذا كنت قدرنا .. فليوفقك الله .. وإذا كنا قدرك .. فليعنك الله على أن تتحمل .. وبالمناسبة دي يا ريس مش ممكن تشوفلي موضوع الباص رقم 14 خط جسر السويس ده نظامه إيه بالظبط؟ .. لأ يا ريس لأ مش بتاع هيثم .. أيون يا ريس .. أيون أيون .. أخوه آه .. ماشي يا ريس .. ماشي .. تمام .. تمام .. آه كده أنا استريحت يا ريس .. لا لا يا ريس .. بكرة انشاء الله .. أكيد .. ماشي يا ريس .. أورفوار .. أورفوار"

- اكمل العبارات التالية..

- حضرة المتهم ابن بلدي

- عشان انت مصرى لازم تبطل اللي بتعمله ده

- حضرتك رئيس تحرير جريدة "مصر فى خطر" .. مانشيت فى الصفحة الاولى .. باللون الاحمر .. وبخط عريض مكتوب فيه "يلا بقى نبطل كلام وفهلوة .. وكل واحد يبدأ بنفسه بجد .. هتقابلوا تنازلات مش متعودين عليها .. لكن لا شيء بدون ثمن". والصفحة الاخيرة .. هاتكتب فيها "أنا عارف إن مافيش فايدة .. بس أنا اللي بحب أضحك على نفسي .. ماهو ده من شر البلية :wub:"

- لو لم اولد مصريا عربيا لوددت ان اكون ربنا راضي عني

- لو موش هاتحلم معايا مضطر أحلم لوحدي .. بس هشدّك من شعرك وانا باحلم .. من غير ما أقولك تعال أحلم معايا ..

[مغتربة]

ينفع ادخل معاكم فى اللعبه

استاذ محمد اسالتى بسيطه و قليله

1- ما هى اكثر شخصيه اثرت فى حضرتك سلبا او ايجابا و لماذا

2- ما هو الحلم الذى تعلم يقينا استحاله تنفيذه على ارض الواقع الا انه يظل حلمك الخاص

3- عرف الاتى من وجهه نظرك

الحريه - الحب - الانثى

دا الى ربنا قدرنى عليه دلوقتى بس اكيد فى اسئله تانية كتير فى السكه

[shiko]

موش عارفة ليه جالى احساس ...خير اللهم اجعله الخير ان الكهربا فى الكرسى موش مظبطة؟؟

ورضوى خير اللهم اجعله خير...موش مظبطة الزبون ؟؟؟

احساسى ..ان الاستاذ ...يوسوف ..بيرد باقتضاب ...يعنى من تحت الضرس كده والضرب...قصدى الاسئلة موش مظبطة ...لا موش عاجبنى مستوى الاداء ...

لذا قررنا نحن ...

زيادة التمرين الفنى" للمدعو فى حقه ..لرفع مستوى الاداء ...انا لسة موش مستمخة ..من الاجابات ...

ولكم الجزء االتانى من حلقات مكهربين ومكهربات ....

1. 3رسايل فى 3زجاجات ..تعدو عبر البحار تبعتها لمين ...مكتوب فيها ايه؟؟

2. صدر فرمان بنفيك...فى مكان بعيييييييييييد اوى ...هاتاخد ايه ومين معاك ؟؟ليك الحق فى اختيار 3اشخاص معاك؟؟

3. مسدس ورصاصة واحدة على من تطلق الرصاص...؟؟؟

4. المورجيحة ...بتاعتك ...حمولة ...عدد2فرد...مين اللى كان بيركبها غيرك ..؟؟ومين اللى كان بيسوق؟؟

5. سلفنى 3جنيه ؟؟؟لا موش انا ..مين اللى ممكن تميل عليه وتقولوه سلفنى ...

6. حضرتك فى جيبك كام دلوقتى حالا ...وهاتعمل بيهم ايه؟؟

7. لمن تقول

- كلمنى شكرا

- اشحنلى شكرا

- حولى شكرا

- لقد نفد رصيدكم

- خارج نطاق الخدمة

- غلطة ...وندمان عليها ...

8. اكتب مرادفات للكلمات التالية:

- الباب الحديد

- جماعة المحظوظة "قصدى "المحظورة

- الديبوقراطية

...يا جماعة انا عاوزة اعوض النقص اللى عندى...انا لسة قايمة من الكورسى ...وعندى روح الانتقام عالية ...

تم تعديل 15 فبراير 2010 بواسطة shiko

[MaYousof]

معلش بجد أنا آسف للجميع إني اختفيت فجأة, بس أصلي اندلقت زي الجردل وانا على الكرسي. أنا عارف إنها أول مرة في حياتكم تشوفوا جردل مدلوق على كرسي :blush2: بس الظروف حكمت :closedeyes:

----------------

أسئلة رضوي:

- الا مين يااستاذي الصورة الرمزية دي؟

- صورة بعيد عنك يا رضوي واحد مسمّي نفسه: الحجاج محمد بن يوسف الثقفي. شخصية كدة غريبة جدا يا رضوي, ومافيش على لسانه إلّا عبارة واحدة "إني أرى رؤوسا في المحاورات قد أينعت, وحان وقت قطافها". راجل شكله عنده نرجسية كده على انفصام. بس في الأرجح هو مش أكتر من واحد عبيط :lol:

- تشرب شاي, نسكافيه, اقولك: اتفضل سحلب,,,,,,,, جاااااااااامد!

- ياااااااااااااه يا ست رضوى. بجد جه في وقته. تسلم إديكي

- وايه يعني حضرتك مسافر. تيجي بالسلامة ان شاء الله. عادي, نسأل من دلوقتي ولما ترجع بالسلامة نعمل وقت بدل ضايع ووقت اضافي يعني, حد وراه حاجة؟

- ناشي يا رضوى. أنا ناعنديش نانع. بس كل اللي ليكم 7 أيام جلوس smk:

- يالا ندخل ع المفيد ( مش هنسخن المرة دي ) اسمك وسنك وعنوانك؟

- اسمي محمد يوسف (من غير الثقفي دي). سني 32. عنواني على خط الباص رقم 14.

- كنت فين وقت ارتكاب الجريمة؟

- أنا وقت ارتكاب الجريمة يا ست الهاااانم .. كنت باجري ورا الباص رقم 14 .. أصله بيعدي من جنب غيط الحاج أبو محمد .. أني ماعرفتش الحق الباص يا هاااانم, لكن عرفت اسم السواق إيه ..

- ايه رأيك في أقوال الشهود؟

- أقوال الشهود :blink: شهود مين يا هااانم .. دول كُلاهيتهم عيال سييس ماينفعوش يبقوا شهود نوهائي .. وانجيتي للحق يا ست هااانم .. أني جاموسة الحاج أبو محمد صعبت عليَّ قوي :sad: بس احنا عارفين اسم السواق يا هااانم وهنجيبه يعني هنجيبه انشاء الله smk:

[MaYousof]

- السي في بتاع حضرتك, ياتري ايه اللي ناقصه؟

- تغيير في الحالة الاجتماعية .. وحاجة كمان كده زي الـ DDT بس التانية اسمها الـ PhD

- جملة من شخص حكيم, أثرت فيك؟

- ممكن أحوّر السؤال إلى: سورة من كتاب الله الحكيم أثرت فيك؟ القرآن كله محكم ومعجز, لكن أكتر سورة أثّرت فيَّ وبحبها بعمق شديد هي سورة ق. كفاية فيها قول الله تعالى في ثلاث كلمات محكمات (أَفَعَيِينَا بِالْخَلْقِ الْأَوَّلِ). السورة كلها من أكثر السور المكية إعجازا في القرآن.

- الدنيا, واسعة ولا ضيقة؟

الدنيا ضيقة بشكل غريب, وواسعة بشكل عجيب.

- حلم حلمته. ولسة مااتحققش؟

- مامتي تطلّع المرجيحة لولادي عشان يتمرجحوا عليها.

- شايف بكرة ازاي؟

- صعب. الحياة استثمار عادة ما يبوء بالفشل, عشان كده بكرة صعب, لأن تجنب الفشل مش بسيط ومحتاج جهد كبير على النفس.

- هل أنت راضي عن نفسك؟

- مايهميش أكون راضي عن نفسي. بجد والله. اكسكيوزمي في الكلمة, طز في نسفي لو ربنا مش راضي عنها. في واقع الأمر, هلكت نفس محمد ابن يوسُف لو ربنا مش راضي عنها. يبقى أنا أفضلي إني أكون غضبان على نسفي ولكن ربنا راضي عنها.

- اصعب وقت مريت به؟

- سنة 2008 كات سنة سوخة :closedeyes:

- صدفة غيرت لون حياتك؟

- أنتم.

- اتعرفت علي المحاورات ازاي؟

- بالصدفة.

ما الحكمة التي تؤمن بها؟

طوبى لمن شغله عيبه عن عيوب الناس.

- لقيت خاتم سليمان, هيحققلك 3 أمنيات؟ ايه هما؟

- يجيبلي جركن DDT

- يجيبلي شهادة PhD

- أمي تتطلع المرجيحة للعيال

- ايه رأيك في المحاورات؟

- لو كان رجلا, كنت قلتله ربنا يسامحك :lol:

- فرصة ضيعتها وندمت عليها؟ وياتري اتعلمت من الدرس ولا لسة؟

- إني سبت انجلترا بمزاجي. نعم اتعلمت.

- فرصة قدامك دلوقتي, هتتردد؟ ولا تتوكل علي الله بقلب جامد؟

- هاتوكل على الله تعالى.

- معني حسيته زمان, ومفتقده حالياً؟

- الثقة في بني البشر.

- ياتري قلت لمين النهاردة, كل عام وانتي حبيبتي؟

- يوه يا رضوى smk: ناتكسفنيش يا رضوى بقى :blush2:

الزحلفة بتاعتي :blink:

أمورة جدا يا رضوى وعينيها خضرا وعندها خط أحمر على الجانبين بتوع رقبتها .. شيك شيك تري شيك بجد smk:

ايه السحلب اخباره ايه ؟

- بثراحة يا أثتاذة رضوى الثحلب كان ثكر معقود .. ماكانش ثخن خالث .. وكنت متثلطن آخر ثلطنة وانا باشرب فيه .. بجد اثتمتعت بكباية الثحلب اثتمتاع ماحثلش .. بث عندي طلب منك يا رضوى .. ممكن المرة الجاية تعمللي حاجة ثاقعة بدل الثخن .. أنا بقول بث أجرب الثاقع بردو :sad:

[MaYousof]

اسئلة mzohairy:

- من انت؟ :closedeyes:

- ياسييييييييدي عليك يابو إياد وإنت واخد الـ pose ده. مرعب مرعب بجد.

أنا ياسيدي طفل صغير محبوس في جسد إنسان بالغ :lol:

[joo]

عزيزى محمد يوسف هل انت؟

حبيت

انظلمت

خنت

اتخنت

كرهت

خطبط

عاوز تحب

كنت بتحب

[لماضة مصرية جدا]

السلام عليكم و رحمة الله و بركاته

يا جودعان حد يصحي عنبو....... ده نايم جنب الكورسي.....طب ينف يا أستاذ يوسف توصل طرف السلك عليه عشان يفوق كده شوية...... :closedeyes:

ثوف يا ابني:

1- المحاورات عالم لطيف و ظريف و دمه خفيف......إمتي حسيت فعلا انك اتخنقت منها....؟؟؟

2- بعد سنتين من دلوقتي شايف نفسك فين......(و متقوليش جنب الزوحلفة و لا فوق المورجيحة.....آديني بقول أهه..... :lol: )

3- السفر خلي عندك رغبة أكبر في الاستقرار.... و الانتماء...... و لا زادك حنق و غضب علي الوضع... لانك ابتديت اكيد تقارن؟؟؟

4- ايه اللي يميز شخصية حضرتك........إيه بجد اللي بيخنقك منك اوي؟؟؟

5- الحمد لله....بما اننا عرفنا انك قضيت الفولانتين مع الزوحلفة بتاعتك ام خطين حمر علي جنب.(زولكاوية يعني مثلا و لا ايه....نداء عاجل الي جميع الاهلاوية هجوووووووووووووم)...قولنا 5بقي حاجات منعرفهاش عنك؟

6- اوصف نفسك في كلمة واحدة ك....

أخ......

أب......

باحث علم.....

محاوراتي.....

ع القهوة.......

7- أستاذ يوسف الحمد لله استقر... و الزولحفة بتاعته كمان استقرت مع زوحلف..... و الحياة بقي لونها اخضر و بخطين حمر م ع الجنب..... smk:

ايه الحاجات تحب تبني عليهم اسرتك؟؟

ايه الحاجات اللي تعصبك بشدة في كيان الاسرة؟

و كفاية عليك كده دلوقتي.....

متنساش تصحي عنبو

فوتك بعافية

مساااااااااااااااااااااك زولحفة....أسئلة هتاخدهم يعني هتاخدهم..... smk:

[MaYousof]

أسئلة مغتربة:

- ما هى اكثر شخصيه اثرت فى حضرتك سلبا او ايجابا؟ و لماذا؟

- الرسول محمد عليه الصلاة والسلام أكتر شخصية أثرت فيَّ إيجبا. بصراحة وفي كلمة واحدة, مبهر. ومن غير عاطفة أو تحيز أو إجابة من منطلق ديني, الرسول محمد هو أكتر إنسان منفرد أثّر في تاريخ البشرية كلها, وبشكل مبهر بجد. يعني المفروض إذا ذكر اسمه كأحد رواد التاريخ يجب على القائل والسامع الصمت لحظة احتراما لشخص زي الرسول الكريم. لكن البشر كما خلقهم الله تقودهم عواطفهم عشان كده مش بيشوفوا بعنيهم. وعموما عقولهم وهبت لهم عشان يكونوا مسئولين أمام الله يوم الحساب.

شخص أثر في سلبا, قريب قريب سارق للثقة بالكذب. الكذب داء الأمة. ويمكن داء أسوأ من داء الكبر.

- ما هو الحلم الذى تعلم يقينا استحاله تنفيذه على ارض الواقع الا انه يظل حلمك الخاص؟

- إن يكون فيه إنسانة لكنها مش بشر وإنما في الحقيقة ملاك.

- عرف الآتى من وجهه نظرك:

الحريه - الحب - الانثى

- الحرية: قدرة الأنسان على ألّا يكون عبدا لأهواءه, ولا لعواطفه, ولا لآراءه, ولا حتى لأفكاره. أن يكون عبدا للخالق وحده تعالى. حر من كل القيود التي تكبله أفكاره بها مادام يعبد الله. هي دي الحرية يا مغتربة. وهي دي اللي لو حصل عليها إنسان مش هيفرق معاه خالص هو عايش فين لأنه هيكون عايش حر من عبادة قلبه وعقله.

- الأنثى: امرأة امتلكت كل المقدّرات من عقل كبير وكفر مستنير, ومن مال ومقدرة بكل نواحيها من مقدرة على الاستقلالية أو الرد أو غيرهما, لكنها بين يدي رَجُلها تنسى كل ذلك وتشعر أنها ملكه هو وحده دون غيره وإن كان فقيرا.

- الحب: الرغبة الملحّة في العطاء, مصحوبة بـعجز دائم عن تذكر ما أعطيت (التعريف ده اخد مني ربع ساعة قبل كده عشان اكتبه)

المداخلة التالية هي من موضوع الحب هو:

رأيي إن الحب نوعان: حب تفضيل وحب عطاء

فحب الحياة مثلا هو تفضيل للحياه على الموت

وحب المال هو تفضيل للمال على قلّته

وحب البوفتيك والحواوشي هو تفضيل لهما على المحشي والملوخية

وحب ماركة برفان معينة هو تفضيل لها على الماركات الأخرى

أما حب العطاء .. فبعد لحظة تأمل وجدت إنه: "الرغبة الملحّة في العطاء, مصحوبة بـعجز دائم عن تذكر ما أعطيت"

وحب العطاء موجود لدى البشر في الغالب الأعم تجاه شيء واحد فقط وهو:

حب الذات

ولكل قاعدة شواذها

فبعض البشر ينتابهم حب العطاء لحدود أبعد من ذلك

فعندما يواظب عبد صالح بإلحاح على طاعة الله ثم يبتليه الله في مسألة, فيصبر العبد ويعجز دوما عن الشعور بالمرارة من إن بعد كل العبادة دي ربنا ممكن يعمل فيه كده, فهو عبد يحب الله

وعندما ترغب امرأة رغبة ملحة في العطاء لزوجها, وبعدين الراجل ينسى يشتريلها الخاتم اللي شافوه مع بعض من شهرين عشان يهاديها بيه يوم عيد الحب, فماتذلهوش وتقوله ده أنا ياما عملت وسويت وكنت "قايدالك صوابعي العاشره شمع", فإذا عجزت هي دوما عن تذكر كمّ الصوابع اللي سيّحتهم أثناء رغبتها الملحة في العطاء لزوجها, فهي امرأة تحب زوجها

وعندما يرغب أب رغبة ملحة في العطاء لابنته, وبعدين البنت تجيب مجموع طب بس هي هتموت وتنحرف عن كاريير العيلة وتدخل هندسة, فمايقولهّاش هو أنا صرفت على الدروس الخصوصية دي كلها عشان إنت اللي تنقي الكلية اللي هتدخليها, ويعجز دوما عن تذكر أيّ مما أعطى من قبل, فهو أب يحب ابنته

وعندما يرغب حسن رغبة ملحة في العطاء لنعيمة, وبعدين هي تدوش راسه كل مرة يتقابلوا تحت التوتة بنفس القصة بتاعت العيال اللي بيلموا الدودة وبطولاتها في الإشراف عليهم مع إن غيط الحاج أبو صابر 12 فدان بحالهم, فإذا عجز حسن دوما عن تذكر عدد حبات التوت اللي كان بيأكلهلها في فمها مباشرة أملا منه أنها تسكت ولو لبرهة, فهو يحب نعيمه

هو ده حب العطاء

أنا كنت أعني كل كلمة فيها حتى لو كانت اللغة بها جزء من الفكاهة .. أنا شخصيا شايف إن لو حد حب حد وفي لحظة زعل راح افتكر, مجرد افتكر وليس جاء على ذكر, راح افتكر حاجة واحدة من الحاجات اللي عملها من اجل حبيبه من قبل يبقى ده مش حب حقيقي أو على الاقل مش حب خالص للمحبوب. عشان كده قلت إن الشخص الوحيد اللي الانسان بيعطيه لكن عمره ما بيمنّ عليه بما أعطاه عندما يخطئ هو ذاته فقط, وهي دي الشخصية الوحيدة اللي أغلبنا مابيحبش بكل إخلاص غيرها.

[رضوي]

السلام عليكم ورحمة الله وبركاته

زحلقة ومرجيحة ................... !!!!!!!!!!!!!!!!!!!! هي دي أخريتها ........ اممممممممممم

جري ايه ........ حصل ايه .......... وبعدين

ايه المختصر المفيد دة ؟؟؟؟؟؟؟؟؟؟؟؟؟؟؟

لالالالالالالالالا

ماينفعناش الكلام دة

مش كلمة ورد غطاها ......... فين الاسترسال ؟؟؟؟........ ياعم جاوب براحتك ..... مافيش حد بيبص عليك من خرم الباب .......

- ازاي بقي يا اخي الكريم ....... تبقي غضبان عن نفسك وربنا راضي عنك ؟؟؟؟؟؟؟؟ طب تيجي ازاي ؟؟؟؟؟؟

- عيوب محمد يوسف ايه ؟

- مميزاته ؟

- امتي بيبقي اجريسف مع الناس ؟

- مين الناس القريبة منك ؟

- بعد ربنا -سبحانه وتعالي - محمد يوسف بيشتكي ويفضفض لمين ؟

- بعمل حساب ل................. ؟

- خايف من .................... ؟

- بحلم ب................ ؟ ( أوعي تقولي مورجيحة وزحلقة )

رحلة لجزيرة جميلة بعييييييييييييييييييييد عن كل صخب الحياه .... مسموح بمرافق واحد فقط ( شخص . انسان , مش جماد )يرافقك في رحلتك التي ربما تمتد لشهر ............ فمن تختار ؟

- بس هي دي ..... فيها كل مواصفات فتاه احلامي ............. ياتري لو لقيتها وفيها كل المواصفات هتعمل ايه ؟

ياااااااااااااااااااااااااااااااااااه كنتي فين من زمان ......... تقولها لمين ( ماحدش يجيب سيرة المرجيحة والزحلقة )؟

مواصفات فتاه احلامك ؟

ايه رأيك في الآتي أسمائم ( بصراحة من غير تذويق كلام )

- جوو

- mzohairy

- مغتربة

- محمد العنبي

- شيكو

- لماضة

-الباشمهندس ياسر

- سي السيد

-رضوي

امتي بتحس ان الدنيا ماتستهلش لحظة الم؟

امتي بتحس انك لسة ماعيشتش حياتك ؟

بتحلم باية ؟ ( غير الدكتوراه والمرجيحة )

لحظة صفاء مع نفسك ....... بتعيشها امتي ؟

امتي دموعك نزلت عصب عنك ؟

- مين اللي ارغمك علي الضحك ؟

اخر ضحكة من قلبك بجد كانت امتي ؟

تقول لمين ......... أراك عصيّ الدمع شيمتك الصبر ......... أما للهوي نهي عليك ولا أمر ؟

كلمة شكر وعرفان بالجميل ..... تقولها لمين ؟

ايه اللي افقدك ثقتك بالناس ؟

موقف لن تنساه ؟

اسمع كلام اختك الصغيرة بقي وسيب المورجيحة للاولادك ان شاء الله .....

[MaYousof]

أسئلة shiko:

- رسايل فى 3زجاجات ..تعدو عبر البحار تبعتها لمين ...مكتوب فيها ايه؟؟

- "بحبك" .. ستترك هائمة لحد ما توصل لصاحب نصيبها

- "هأو" .. للشعب المصري

- "آدي دقني لو فلحت طول ما أنت فاكر إنك صح وهم اللي ظالمينك" .. للشعب المصري (أنا ربيت دقني مخصوص لليوم ده :closedeyes:)

ممكن رسالة رابعة من نفسي؟ :blush2:

- "هأو أو" ..للشعب المصري (ودي بكل تأكيد مختلفة عن الرسالة التانية )

- صدر فرمان بنفيك فى مكان بعيييييييييييد اوى, هاتاخد ايه ومين معاك؟

- هاخد المرجيحة, والزحلفة, وكتاب عشان أنا الحمدلله باعرف اقرأ اساسا :lol:

- مسدس ورصاصة واحدة على من تطلق الرصاص...؟؟؟

- أنا ممكن أختلف, أشد شعر, أعض, لكن رصاصة! إكسكيوزمي, أنا مش غوغائي لحد البربرة smk:

-المورجيحة .. بتاعتك .. حمولة .. عدد 2 فرد .. مين اللى كان بيركبها غيرك؟ ومين اللى كان بيسوق؟

- احنا الحمدلله والفضل منه عدنا أربع اخوات, جيل الرواد, والجيل السيس اللي جا بعده بعشر سنين. جيل الرواد فرق بينهم أقل من سنة عشان كده المرجيحة حمولة عدد 2 نفر. ماكناش بنختلف على مين اللي يسوق كتير. بس أكيد الكبير هو المتحكم :blink:

- سلفنى 3جنيه؟ لا موش انا. مين اللى ممكن تميل عليه وتقولوه سلفنى؟

- أمي الله يكرمها. هي اللي باستلف منها دايما, ودايما تقولي يابني, يابني, يابني, السلف تلف, والرد خسارة. الله يعزك يامّا smk:

-----------

للاسف لازم أنزل حالا, راجع كمان كام ساعة

[MaYousof]

- حضرتك فى جيبك كام دلوقتى حالا .. وهاتعمل بيهم ايه؟

- أظن 70 جنيه .. هاصرفهم بكرة انشاء الله وانا باستجم ..

- لمن تقول:

- كلمنى شكرا .. والله ماعرف بيبعتوها إزاي wst::

- اشحنلى شكرا .. مافيش حد

- حولى شكرا .. مافيش حد

- لقد نفد رصيدكم .. أي حد استغلالي

- خارج نطاق الخدمة .. أي حد استغلالي

- غلطة .. وندمان عليها .. مافيش حد

اكتب مرادفات للكلمات التالية:

- الباب الحديد .. باب العمارة

- جماعة المحظوظة "قصدى "المحظورة .. مافيش حد

- الديبوقراطية .. الموافقة على مشاركة مع من نختلف معه

[MaYousof]

أسئلة joo:

أخويا الجميل جو .. أحيك على الأسئلة المباشرة دي .. البنات يا جو مجننني .. السؤال بيتلولو ميت لوليوة قبل ما ينزل .. طب ده أنا اسئلتي كلها كانت مباشرة وواضحة لأ وفيها اختيارات كمان wst::

- حبيت

- أكيد

- انظلمت

- طبيعي

- خنت

- ماكانش فيه فرصة

- اتخنت

- اتغدر بيَّ

- كرهت

- بطلت كره من سنين

- خطبط

- عمري

- عاوز تحب

- وأخون زوحلفتي

مش أنا يا جو .. مش أنا اللي أخون :)

- كنت بتحب

- أكيد

[MaYousof]

أسئلة لماضة مصرية جدا:

- المحاورات عالم لطيف و ظريف و دمه خفيف......إمتي حسيت فعلا انك اتخنقت منها....؟؟؟

- فعلا أنا مرة مش من زمان كنت مخنوق جدا وكنت خلاص بجد هاسيب المحاورات بلا رجعة .. كنت قمة في الحنق واليأس من الجميع :)

- بعد سنتين من دلوقتي شايف نفسك فين......

- في الغالب مش في مصر .. بس أنا طول عمري ألِف ألِف ألِف وارجع لمصر

- السفر خلي عندك رغبة أكبر في الاستقرار.... و الانتماء...... و لا زادك حنق و غضب علي الوضع... لانك ابتديت اكيد تقارن؟؟؟

- فتّح عيني زيادة عن اللزوم .. زود إدراكي وزودني هَم من حال من أهتم فعلا بهم ومن أجلهم ..

- ايه اللي يميز شخصية حضرتك........إيه بجد اللي بيخنقك منك اوي؟؟؟

- أنا شخصيتي بتتميز بالفكاهة إلى حد الاستظراف .. واللي بيخنقني بجد بجد مني هو رزالتي .. أصلها مش رزالة طبيعية .. لأ رزالة على سقالة وبجد باحس بالاستفزاز من نفسي ساعات من كتر رزالتي wst::

- الحمد لله....بما اننا عرفنا انك قضيت الفولانتين مع الزوحلفة بتاعتك ام خطين حمر علي جنب...قولنا 5بقي حاجات منعرفهاش عنك؟

- 1. أنا لم أولد في مصر 2. بحب السباحة 3. عندي جزمة كلاركس مالبستهاش إلا مرة واحدة بس 4. عندي جزمة كلاركس تانية قعدت ألبس فيها لحد ماقالت جاي 5. بعت عربيتي في 2006 ومن ساعتها ماشتريتش عربية تانية

- اوصف نفسك في كلمة واحدة ك....

- أخ طيب

- أب حنون

- باحث علم نهـِم

- محاوراتي مستفز

- ع القهوة قاعد متكهرب

- أستاذ يوسف الحمد لله استقر... و الزولحفة بتاعته كمان استقرت مع زوحلف..... و الحياة بقي لونها اخضر و بخطين حمر م ع الجنب

ايه الحاجات تحب تبني عليهم اسرتك؟؟

ايه الحاجات اللي تعصبك بشدة في كيان الاسرة؟

- أحب ابني أسرتي على التفاهم والحب والعطاء اللا محدود من الجميع للجميع دون انتظار مقابل وزرع مفهوم إن نجاح فرد هو نجاح الأسرة كلها دون أدنى شك

واللي يعصبني بشدة في كيان أسرتي هو التخلف .. الفرد المتخلف بيعملي ارتكاريا استوائية

[HanaaOsama]

من زمان و انا متابعه الكرسي الي بيكهرب ده ...... :lol:

بس من بعيد ليعيد لحسن الواحد يتلسع ولا حاجه و الواحد مش ناقص

العيال يخلوا الواحد شعره يقف لوحده من غير كهربا ولا حاجة :D

المهم

من ملاحظتي لاجابات المتكهربين ( قصدي المعترفين ) :lol:

نلاقي ان السن القانوني لعزاب المنتدي يعني 30,31,32 كدا يعني

ده بقي لاسباب ماديه فقط ولا لاسباب اخري ؟

ما رأيك استاذ ميوسوف

و ممكن لو حد عايز يجاوب علي ما الاستاذ ميوسوف يرجع من السفر مفيش مشكله

و السؤال محفوظ له برضه......

[الباشمهندس ياسر]

يعني ايه زولحفة...؟

يكونش قصدكم سحليه

[عنبو]

يعنى كده ينفع تسيبونى نايم اربع ايام جنب الكرسى ماااااااااشى

و تينة غضة الأفنان باسقة. قالت لأترابها و الصيف يحتضر

استاذ محمد يوسف

تعمل ايه لووو

1- شغال مهندس فى شركه ومطالب بزيادة انتاجية العمال ولما جيت تتكلم مع العمال قالوا لك المرتبات تعبانه يعنى من الاخر على قد فلوسكم

2- راكب عربيتك وهبقى خبط عربية واحد لقيت الراجل جاى يمسك فيك هتتعامل معاه ازاى ؟

3- رايح انترفيوا مهم قووى وانت ماشى لقيت شوية شباب بيعاكسوا واحده وبيتحرشوا فيها ولو وقفت وتكلمت معاهم هيضربوك وفى نفس الوقت الانترفيوا هيضيع منك تتصرف ازاى ؟

هل عصبيتك اثرت على حياتك العمليه ؟

ما هو رأيك فى الموضه بتعت ايام لما كنت فى الجامعه واليومين دول ؟

امتى قولت طز واللى يحصل يحصل ؟

ما هو رأيك فى الحب الاول وهل قدرت تنساه ولا ؟

هل تصدق كل ما تقرأه ؟

امتى حسيت انك بتتكلم اكتر مما تعمل ؟

فى توقعك مين رئيس مصر القادم ؟

جاوب على دول دلوقتى

[MaYousof]

أنا اكتشفت إني السفر مش الفجر وإنما بعد صلاة العصر بساعة انشاء الله :)

-----------------

أسئلة رضوي:

- ازاي بقي يا اخي الكريم ....... تبقي غضبان عن نفسك وربنا راضي عنك ؟؟؟؟؟؟؟؟ طب تيجي ازاي ؟؟؟؟؟؟

يا رضوى يا جميلة .. أولا حركات الاستكراد دي ماتنفعنييش .. فين الموز باللبن؟ اشتككي لمين دلوقتي؟

ممكن جدا يا رضوى الواحد مايبقاش راضي عن نفسه وربنا راضي عنه .. مش كل اللي راضي عن نفسه ربنا راضي عنه .. ممكم واحد يكون مرتشي وراضي جدا عن نفسه .. وربنا غضبان عليه .. وممكن واحد يمنع نفسه عن معصية وذلك لوجه الله تعالى بس يكون جوه نفسه إحساس إنه جا على نفسه زيادة عن اللزوم ومايكونش راضي عن نفسه الأمارة بالسوء ومنعها من السوء فقط مخافة وجه الله .. ده بني آدم ربنا راضي عنه .. يبقى لا ده بيستلزم ده .. ولا نفيه بيستلزم نفيه ..

ومش هاتنازل عن الموز باللبن .. ياباي على البخل

- عيوب محمد يوسف ايه؟

اقرأي آخر سطر كتبته. أهي دي الرزالة. يعني أنتي تكرميني بالسحلب المرة اللي فاتت آجي بعدها وأقول عليكي بخيلة ..

عيوب محمد يوسف إنه رزل باستفزاز .. وكسول بعض الشيء .. بس كسله عادة بسبب إحباطه من الأمور المحيطة ..

- مميزاته؟

أهم مميزاته فيه إنه عبيط ميزة بجد .. وفوايدها بلا حدود

- امتي بيبقي اجريسف مع الناس ؟

- محمد بيبقى فيري أجرسيف مع الناس اللي بتشوف نفسها إنها ناصحة وفتكة وتلاقي الواحد فيهم ماشي كده وهو بيقول في عقل باله: يا أرض اتهدّي ما عليك قدّي.

- مين الناس القريبة منك ؟

- ماي فاميلي

- بعد ربنا - سبحانه وتعالي - محمد يوسف بيشتكي ويفضفض لمين ؟

أنا برّاوي .. عمري ما انفتحت بسهولة لأي حد .. أيا كان.

محمد يوسف:

- بيعمل لحساب الخير

- خايف من كل يوم جاي

- بيحلم بجركن DDT (لو تم استثناء حلم الـ PhD وحلم تطليع المرجيحة من أوضة الكراكيب)

-رحلة لجزيرة جميلة بعييييييييييييييييييييد عن كل صخب الحياه .... مسموح بمرافق واحد فقط يرافقك في رحلتك التي ربما تمتد لشهر فمن تختار ؟

- بجد مافيش حد معين ممكن أفضّله عن حد تاني بين أفراد عيلتي .. عموما إنتي قلتي إنها رحلة مش نفي .. فلو ماعنديش نص حلو يبقى ممكن آخد أختي الصغيرة (أصغر مني بـ 13 سنة)

- بس هي دي ..... فيها كل مواصفات فتاه احلامي ............. ياتري لو لقيتها وفيها كل المواصفات هتعمل ايه ؟

- هاسوق عليها حد رزين ومتّزن عشان يشوفلي ميّتها إيه :waf:

- ياااااااااااااااااااااااااااااااااااه كنتي فين من زمان ......... تقولها لمين ( ماحدش يجيب سيرة المرجيحة والزحلقة)؟

- العجلة البي إم إكس بتاعتي .. واحشاني جدا :D

- مواصفات فتاه احلامك ؟

- الطيبة والتواضع

- ايه رأيك في الآتي أسمائم:

- جوو

- أنا بحب جو جدا, عشان عنده إيمان مش موجود عند أكتر من نص اللي معانا هنا في المنتدى. كذا مرة قريتله إن الواحد مش لازم يشيل هم في الدنيا دي عشان الحياة الحقيقية مش فيها .. الدنيا أوضة ببابين .. مش هنقعد فيها .. احنا بس بنعدي من ناحية لناحية. ممكن كتير مننا يكون عارف المعلومة دي, لكن مين عنده إيمان بيها زي جو؟ بصراحة جو عنده حكمة اكبر كتير من سنّه .. ربنا يسعده ويخليه لولاده ..

- mzohairy

- المحاورات من غير أبو إياد متبقاش محاورات cld:

المشكلة إن ناس كتير مش بتعرف تفهمه .. لدرجة إني أحيانا باحس إنه بيتعمد مايخليش حد يفهمه

أبو إياد مخه نضيف جدا .. ومافيش مخ كامل

ربنا يخليله إياد :)

- مغتربة

- أختي الصغيرة ومعلمتي في نفس الوقت .. وحقيقي أتمنى يوم أكون في نص حلمها وعندي من حكمتها وعلمها .. مغتربة ليها قدر عظيم عندي .. واتمنى الناس تقرأ مداخلاتها بتمعن وحرص ونهم .. كلامها دوما قيّم جدا .. لازم كلنا نحرص على إدراكه وفهمه ..

- محمد العنبي

- الواحد ممكن يتوافق في الفكر مع إنسان ليه نفس الفكر لكنه متعصب ليه وعبد ليه .. وممكن يختلف فكريا مع إنسان مالهوش نفس الفكر لكنه مش عبد لفكره وقادر على مراجعته في أي لحظة .. عنبي اكبر مثال على ده .. ياريتنا كلنا زي عنبي .. قادرين على الاستماع للآخر ومراجعة أنفسنا في أي لحظة .. عنبي إنسان حر .. ماشاء الله عليه ..

كمان عنبي صاحب أحسن موضوع في المحاورات كلها .. موضوع تعالوا نقول الحمد لله ..

ربنا يوفقه والله يستاهل كل خير ..

- شيكو

- في كلمة واحدة, رائعة. وعلى فكرة, لازم الجميع يعرف إن شيكو بالذات دونا عن أي حد في المحورات هنا في حمايتي أنا. وأي حد يتجرأ بس إنه يزعّلها هاقرقشه باسناني دول .. وانا بحب القراقيش جدا :)

- لماضة

- الحس المرهف. اقرأوا موضوع طنط سميحة وانتوا تعرفوا ..

- الباشمهندس ياسر

- الذوق كله بحق وحقاني ..

- سي السيد

- عبقري .. وبديهي يكون عبقري .. من يقراء يدرك ..

- رضوي

- أحلى بنت في المحورات كلها .. وسحلبها خزعبلي mfb:

تم تعديل 16 فبراير 2010 بواسطة MaYousof

[MaYousof]

- امتي بتحس ان الدنيا ماتستهلش لحظة الم؟

- أنا عارف إن الدنيا ماتستاهلش لحظة ألم ..

ده ماكانش قادر إنه يمنعني إني أحس بلحظات ألم خلال حياتي ..

- امتي بتحس انك لسة ماعيشتش حياتك ؟

- الحمدلله أنا عيشت أحسن بكتير من كتير .. الحمدلله .. الحمدلله .. الحمدلله ..

- بتحلم باية ؟ ( غير الدكتوراه والمرجيحة )

- جركن DDT ..

- لحظة صفاء مع نفسك ....... بتعيشها امتي ؟

- يوم الجمعة بعد الصلاة وانا ماسك الجرنال .. عموما صفاء دي جدعة جدا وبنت بلد بصحيح cld:

- امتي دموعك نزلت عصب عنك ؟

- أنا إنسان دائم البكاء .. الدموع تغسل القلب والنفس ..

- مين اللي ارغمك علي الضحك ؟

- ناس كتيير جدا .. الضحك جميل ..

- اخر ضحكة من قلبك بجد كانت امتي ؟

- امبارح .. أنا لسه ماضحكتش النهاردة من قلبي

- تقول لمين ......... أراك عصيّ الدمع شيمتك الصبر ......... أما للهوي نهي عليك ولا أمر ؟

- ماعرفش حد هواه مش بيتحكم فيه ..

- كلمة شكر وعرفان بالجميل ..... تقولها لمين ؟

- حوالي 40 واحد هنا في المحاورات ..

- ايه اللي افقدك ثقتك بالناس ؟

- الناس .. بس على فكرة أنا متعايش سلميا بشكل جيد جدا مع الحقيقة دي .. لأني معتبر إنهم اندال بالفطرة :waf:

- موقف لن تنساه ؟

- مواقف .. أول مرة ليَّ في ألمانيا بيّت في محطة القطر .. أول مرة ليَّ في انجلترا بيّت في محطة القطر .. الحمدلله بقيت الدول الأوروبية كنت ببات على السرير عادي