اذهب إلى المحتوى
محاورات المصريين

الضرائب

الباشمهندس ياسر

بواسطة الباشمهندس ياسر
في موضوعات جادة

 مشاركة

Recommended Posts

الباشمهندس ياسر عضو جديد

الباشمهندس ياسر

بتاريخ:
بتاريخ:

مفيش حد فينا مش حاسس بأزمة الضرائب

مش فاضل غير ضرايب ع المشي علي رجليك

اه و الله

احنا بندفع ضرايب علي كل حاجة ممكن تتخيلها

لسه كان عندي واحد زميلي خليجي و استغرب م البوابات اللي ع المطار و اتجنن م البوابات اللي ع الطرق السريعة

كل حتة ضريبة

كنت بفكر ف الموضوع ده من فترة

لكن ملقتش نفسي عارف اكتب اللي ف بالي لغاية ما وقع المقال ده تحت ايدي من الايميل

اسيبكم بقي تعيشوا مع المقال

أيام الرئيس " جمال عبد الناصر " كانت الإذاعه تقدم لنا الحكم التركى فى مصر بصورة كريهة مضحكة ... حتى يكره الشعب الحكام الأتراك وينظر اليهم

على أنهم من المحتلين لمصر ... وكانت الصورة الكريهة هى تصوير الحاكم التركى أو " الأغا " على أنه يقوم بجبايه الضرائب من المصرى

ثم يضربه بالكرباج وهو يردد " خرسيس أدب سيس .... خنزؤور .... إدفعى ضرائب يا كلبه " وكانت من المقررات علينا فى الإذاعه تمثيليه

" أدهم الشرقاوى " وبالرغم من إن " أدهم الشرقاوى " كان بلطجياً ومن قطاع الطرق إلا أن الإذاعه المصريه قد رأت أن تجعل منه بطلاً ...

يهجم على الأغوات الأتراك ويسرق أموالهم التى جمعوها من الضرائب لكى يعطيها للفقراء المطحونين ... بما يعنى أنه لو إن جارنا الحاج " أدهم البحيرى "

هجم على وزارة المالية وسرق فلوسها وأعطاها للغلابة الذين يدفعون الضرائب فإنه سوف يصبح بطلاً بمفهوم الإذاعة المصرية وتقوم الإذاعة

بتقديم مسلسل تحت عنوان " أدهم البحيرى " بدلاً من " أدهم الشرقاوى " وهكذا ... أصبح الذى يستطيع أن يسترد الضرائب من الأغاوات هو فى نظر الشعب بطل ...

إلا أن الأيام تمر على مصر ... وتنتبه الحكومات إلى هذه المشكلة فلا تسمح للناس بالتهرب من الضريبه حتى لا يصبح المتهرب بطلاً

وحتى لا يظهر " أدهم الشرقاوى " الجديد فمن يتهرب من الضريبه الآن تتم محاكمته أمام محكمة الجنايات بجريمة التهرب من الضرائب

ويأخذ على دماغه أما من أراد أن يسدد الضرائب لإنه مواطن ملطشه فعليه أن يلتزم كما يلتزم العبيد بأن يسدد ضريبه عن مهنته

حتى إذا كان حلاقاً أو بقالاًأو حداداً ... وهى تسمى ضريبه " المهن الحره " يدفعها المحامى والطبيب كما يدفعها الميكانيكى وتاجر الخرده ...

ثم عليك أن تدفع ضريبه دخل عام ... بما يعنى أن ضريبه المهنه حاجه وضريبه الدخل حاجه ثانيه خالص مع إن الدخل يأتى من المهنه

ومادمت دفعت ضريبه عن المهنه فهذا يكفى عند العقلاء لكن معلهش وآهى ضريبه تفوت ولا حد يموت

ثم عليك أيها المواطن ... لا سيما إذا كنت مواطن بدرجه ملطشه أن تدفع ضريبه مبيعات .... على أى سلعه تشتريها

ولو كانت السلعه عباره عن مترين من قماش "الدمور" أو حتى كيس دقيق أو كيلو سكر ...

وإذا أكلت فى المطعم فإن المطعم يضيف على الفاتورة 12% ضريبه مبيعات ... وإذا أصابك كتمه نفس أو جلطه فى القلب نتيجه غلاء الأسعار

فإن جميع الأدوية تأتى اليك محمله بضريبة المبيعات أما جهاز الأوكسجين الذى يساعد على الإستمرار فى الحياة

فقد فرضت الدوله عليه ضريبه مبيعات على الجهاز وضريبه مبيعات أخرى على الأسطوانه ...

فإذا لا قدر الله دخلت المستشفى وذلك إستعداداً للرحيل إلى الدار الآخره فأنت تدفع على فاتورة المستشفى ضريبه مبيعات

ثم تفرض عليك الدوله ضريبه أرباح تجاريه على كل الأنشطه أما الموظف فيأتى خصم الضرائب من مرتبه مباشره حتى تصل نسبه الخصم أحيانا

إلى أكثر من عشرين فى المائه ...

وتعتبر مصر هى الأولى على مستوى العالم فى عدد وأنواع الضرائب ...

ولكى تحصل مصر على التفوق الحقيقى تم فرض ضريبه أطلقوا عليها اسم الضريبه العقاريه ...

مع إن العقار الذى يملكه المواطن المصرى يكون قد بناه من أمواله التى دفع عنها ضريبه الدخل العام وضريبه الأرباح التجارية

ويكون قد بناه بمواد وأسمنت وحديد تم سداد ضريبه المبيعات الخاصة بهم ثم إذا انتهى من بناء الشقه

فهو يسدد الضرائب المحليه والتى يطلق عليها " العوايد " وكذا يسدد معها الربط الضريبى السنوى ...

إلا أن هذا كله لا يشفع له ما دام هذا المواطن قد نفذ من الموت باعجوبه ووصل إلى درجه أن يكون مواطن صاحب شقه ...

فلابد من القضاء عليه ... وهكذا تعمل الحكومة المصرية من أجل المواطن محدود الدخل حتى أصبحنا نغرق فى بحر من الضرائب ...

والأغوات الجدد فى مصر لا يعرفون الرحمه ... أما الشعب الغلبان فهو يعيش بنظريه إدفع واشكر ...

وبهذه المناسبة فيروى أنه قد أتى رجل الضرائب إلى أحد المواطنين ليطالبه بعشرة آلاف جنيهاً ...

فدخل الرجل إلى الحجره وخرج بالعشرة الآلاف وأعطاها لرجل الضرائب ... ونظراً لتعجب موظف الضرائب من طاعه المواطن الملطشه

فقد أعاد الحسابات وطلب منه خمسين ألف جنيهاً إضافيه ... فدخل المواطن إلى الحجره وخرج منها بالخمسين ألف ...

فلما تكرر من موظف الضرائب إضافه المبالغ ... قال له المواطن بعد أن نفذ صبره ....

" خد المفتاح ده وادخل الحجره ستجد ماكينه طباعه أطبع عليها اللى انت عاوزه "

مختار نوح " المصريون "

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك
alex fox عضو جديد

alex fox

بتاريخ:
بتاريخ:

أوعى يكونو فرضو ضريبة على الجواز كمان...

دى تبقى مصيبة...

د انا ما صدقت بنيت الشقة...

يا صديقى العزيز...الناس خلاص ألفت الذل والهوان...

البلد بيحكمها عصابة من البلطجية والنصابين من زماااااان...

وطول ما هما مش لاقين حد يقف قدامهم ...

يبقى هايركبو ويهزو رجليهم كمان...

أنا بطلت أزعل من أى شىء تعمله الحكومة او النظام...

وعلى قد ماقدر بحاول أنى مادفعش أى شىء خاص بالأتاوات

اللى بيسموها ضرايب الا فى أضيق الحدود...

الفرج ليس قريب...

لأن الناس بتزداد سوء...

والله لا يغير ما بقوم حتى يغيرو ما بأنفسهم...

رابط هذا التعليق
شارك
justme عضو جديد

justme

بتاريخ:
بتاريخ:

مفيش حد فينا مش حاسس بأزمة الضرائب

مش فاضل غير ضرايب ع المشي علي رجليك

اه و الله

فلتت دي منك يا هندزة

المشي عليه ضرايب

سعادتك لما بتمشي بتستهلك الجزمة او الشبب

المهم بتشتري غيرهم فبتدفع ضريبة مبيعات

وكمان رجلك ممكن تتعب وتحتاج دوا وبرضه بتدفع ضريبة

مفيش حاجة بدون ضرائب

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك
الباشمهندس ياسر عضو جديد

الباشمهندس ياسر

بتاريخ:
  • كاتب الموضوع
بتاريخ:
مفيش حد فينا مش حاسس بأزمة الضرائب

مش فاضل غير ضرايب ع المشي علي رجليك

اه و الله

فلتت دي منك يا هندزة

المشي عليه ضرايب

سعادتك لما بتمشي بتستهلك الجزمة او الشبب

المهم بتشتري غيرهم فبتدفع ضريبة مبيعات

وكمان رجلك ممكن تتعب وتحتاج دوا وبرضه بتدفع ضريبة

مفيش حاجة بدون ضرائب

تصدق ... ربنا يرزقك ابتسامة صافية

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك
ذهبية عضو جديد

ذهبية

بتاريخ:
بتاريخ:

والله يا باشمهندس ياسر انت فاتح موضوع حارق دمى من ساعة ماطلع يعنى لا قانون و لا دين ولا شعب راضى بالقانون دة

والقانون دة ماشى فى التنفيذ ازاى معرفش

اسئلة نفسى اعرف لها اجابة

هى فلوس الضرايب دى كلها بتروح فين ؟؟؟ دة انا سمعت ان مصر زاد دينها بحيث ان كل مواطن مصرى مديون ب 9 الاف جنية طيب الفلوس دى بتروح فين

احمد عز تلك الشخصية اللى ظهرت فجاة فى حياتنا و اصبح لة يد عليا فى معظم القوانين اللى بتمص دم الشعب وضعة اية بالضبط

اية دورة الرسمى اللى يعطى لة مثل تلك الصلحيات

يعنى الحكومة مش مكسوفة على دمها من غلو الكهربا الى المياة الى التليفونات الى .............وبرضة مش بتبطل

الشعب دة هيفضل سلبى كدة لحد امتى ؟؟؟؟؟؟؟؟؟؟

[على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

على اسم مصر

رابط هذا التعليق
شارك
ramyfathalla عضو جديد

ramyfathalla

بتاريخ:
بتاريخ:

والله يا جماعة الضرائب فى كل بلد فى العالم المشكلة أين تذهب أموال الضرائب اللى هى أموالنا

لماذا أدفع ضرائب و أنا لا أحصل على خدمات

الله المستعان

رابط هذا التعليق
شارك
الباشمهندس ياسر عضو جديد

الباشمهندس ياسر

بتاريخ:
  • كاتب الموضوع
بتاريخ:
الشعب دة هيفضل سلبى كدة لحد امتى ؟؟؟؟؟؟؟؟؟؟

ذهبية

انا ملاحظ انك بقيتي بتنفعلي اوي ع الجكومة

طب ماحنا انتخبنا نواب مجلس الشعب

و برده معملوش حاجة

نعمل ايه احنا بقي

نعمل ثورة ... و نرجع تاني نقطة و من اول السطر

؟

والله يا جماعة الضرائب فى كل بلد فى العالم المشكلة أين تذهب أموال الضرائب اللى هى أموالنا

لماذا أدفع ضرائب و أنا لا أحصل على خدمات

الله المستعان

بس يا عم

احسن اخونا MaYousef يجي و يشد علينا الكلام

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك
MaYousof عضو جديد

MaYousof

بتاريخ:
بتاريخ:
الشعب دة هيفضل سلبى كدة لحد امتى ؟؟؟؟؟؟؟؟؟؟

ذهبية

انا ملاحظ انك بقيتي بتنفعلي اوي ع الجكومة

طب ماحنا انتخبنا نواب مجلس الشعب

و برده معملوش حاجة

نعمل ايه احنا بقي

نعمل ثورة ... و نرجع تاني نقطة و من اول السطر

؟

والله يا جماعة الضرائب فى كل بلد فى العالم المشكلة أين تذهب أموال الضرائب اللى هى أموالنا

لماذا أدفع ضرائب و أنا لا أحصل على خدمات

الله المستعان

بس يا عم

احسن اخونا MaYousef يجي و يشد علينا الكلام

أبوسك منين يا عريس المنتدى؟ :wub:

يلّا آدي قبله على الخشم (موووووووااااع)

وعجبال لما ناجي ناكل عقيقة ولدك عن جريب إن شاء الله

واكراما ليك بس .. مش هجول ولا كلمة في الموضوع ده تضايقك واصل

بيس يا مان؟

ده أنت الباشمهندس ياسر الغالي .. ولّا عندنا باشمهندس ياسر تاني في المنتدى إياك!

:) :roseop: :lol: :D :D B)

رابط هذا التعليق
شارك
الباشمهندس ياسر عضو جديد

الباشمهندس ياسر

بتاريخ:
  • كاتب الموضوع
بتاريخ:
أبوسك منين يا عريس المنتدى؟ :wub:

يلّا آدي قبله على الخشم (موووووووااااع)

وعجبال لما ناجي ناكل عقيقة ولدك عن جريب إن شاء الله

واكراما ليك بس .. مش هجول ولا كلمة في الموضوع ده تضايقك واصل

بيس يا مان؟

ده أنت الباشمهندس ياسر الغالي .. ولّا عندنا باشمهندس ياسر تاني في المنتدى إياك!

:) :roseop: :lol: :D :D B)

و ربنا المعبود انت عتحرجنا بأخلاقك يا عم محمد ابو يوسف

و مخابرش نرد عليك كيف يا ابو العم

يدوم اصلك و يديم عليك الدين و الادب

و ادي بوسة خشم لابو عمو ابن الاصايل

tFb21447.jpg

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك
عنبو عضو جديد

عنبو

بتاريخ:
بتاريخ:
أبوسك منين يا عريس المنتدى؟ :wub:

يلّا آدي قبله على الخشم (موووووووااااع)

وعجبال لما ناجي ناكل عقيقة ولدك عن جريب إن شاء الله

واكراما ليك بس .. مش هجول ولا كلمة في الموضوع ده تضايقك واصل

بيس يا مان؟

ده أنت الباشمهندس ياسر الغالي .. ولّا عندنا باشمهندس ياسر تاني في المنتدى إياك!

:) :roseop: :lol: :D :D B)

و ربنا المعبود انت عتحرجنا بأخلاقك يا عم محمد ابو يوسف

و مخابرش نرد عليك كيف يا ابو العم

يدوم اصلك و يديم عليك الدين و الادب

و ادي بوسة خشم لابو عمو ابن الاصايل

tFb21447.jpg

احم احم

دى بقت مبوسه

بالنسبه للموضوع انا لا اعترض على الضرائب بس اهم شىء ان اخد بها خدمات لكن ادفع ضرائب علشان تتسرق لا اطلعها صدقه احسن

على فكره ياجماعه الضرائب ملهاش علاقة بزكاة المال اصل فيه ناس بتقول انا بدفع ضرائب هدفع ليه زكاه

لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش

دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش

رابط هذا التعليق
شارك
الباشمهندس ياسر عضو جديد

الباشمهندس ياسر

بتاريخ:
  • كاتب الموضوع
بتاريخ:
بالنسبه للموضوع انا لا اعترض على الضرائب بس اهم شىء ان اخد بها خدمات لكن ادفع ضرائب علشان تتسرق لا اطلعها صدقه احسن

على فكره ياجماعه الضرائب ملهاش علاقة بزكاة المال اصل فيه ناس بتقول انا بدفع ضرائب هدفع ليه زكاه

ازاي يعني لا تعترض علي الضرائب

يعني ندفع ضرايب كااااااااااااام مرة علي الحاجة الواحدة

ده حتي مش منطقي

النقطة التانية بقي

ايوه الضرايب ملهاش دعوه بالزكاة

طب مين اللي يندفع الاول...؟؟؟

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك
عنبو عضو جديد

عنبو

بتاريخ:
بتاريخ:
ازاي يعني لا تعترض علي الضرائب

يعني ندفع ضرايب كااااااااااااام مرة علي الحاجة الواحدة

ده حتي مش منطقي

بص يا ياسر

انا مش معترض على الضرائب كمبدأ اما عن موضوع تدفع ضرائب على الحاجه الواحده اكتر من مره فده بسبب الفساد اللى مالى الدنيا كلها

النقطة التانية بقي

ايوه الضرايب ملهاش دعوه بالزكاة

طب مين اللي يندفع الاول...؟؟؟

اللى يتدفع الاول الضرائب والباقى تطلع منه قيمة الزكاه وتخرجها

لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش

دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش

رابط هذا التعليق
شارك
رضوي عضو جديد

رضوي

بتاريخ:
بتاريخ:

السلام عليكم ورحمة الله وربكاته

في الواقع ان موضوع الضرائب زاد عن حده

لكن للاسف الشديد احنا اللي ساكتين ........... زمان ماكانش فيه حد بيدفع ضرايب خالص وبتتحول لقضايا ومحاكم ... وشغلانة

فبدئوا يطوروا مصلحة الضرايب ........ ويعملوا حملات توعية للمواطنين ......... ويضعوا عقوبات رادعة واكثر حسماً من ذي قيل للمتهربين من دفع الضريبة ............ وطوروا موظفي الضرتئب أنفسهم ....... وشجعوهم بالحوافز المالية علشان يقدروا يحصروا دافعي الضرائب ويشتغلوا صح ...... كل دة شغل جامد من وزارة المالية ومصلحة الضرائب

شغل بمستويات عالية علشان يقدروا يجمعوا ضريبة عالية

ضرايب ........ اوك مافيش مانع ندفع ..... مادام معقولة وفي مصلحة البلد ....... وبناخد خدمات مقابلها ..... وبتتدفع علي اشياء تستحق

لكن الموضوع يتطور ويبقي ضرايب علي كل حاجة ........... لا لازم وقفة ........

شوية شوية ندفع ضرايب علي الهواء اللي بنتنفسه ..... ويقولك ضرايب مواطنة .......

طول ما احنا ساكتين هيحصل أكتر من كدة

تحياتي

اللهم إرزقني بفرحة ... تجعلني أسجد لك باكية .

رابط هذا التعليق
شارك
ذهبية عضو جديد

ذهبية

بتاريخ:
بتاريخ:
الشعب دة هيفضل سلبى كدة لحد امتى ؟؟؟؟؟؟؟؟؟؟

ذهبية

انا ملاحظ انك بقيتي بتنفعلي اوي ع الجكومة

طب ماحنا انتخبنا نواب مجلس الشعب

و برده معملوش حاجة

نعمل ايه احنا بقي

نعمل ثورة ... و نرجع تاني نقطة و من اول السطر

؟

والله يا جماعة الضرائب فى كل بلد فى العالم المشكلة أين تذهب أموال الضرائب اللى هى أموالنا

لماذا أدفع ضرائب و أنا لا أحصل على خدمات

الله المستعان

بس يا عم

احسن اخونا MaYousef يجي و يشد علينا الكلام

عجبتنى كلمتك احنا انتخبنا اعضاء مجلش الشعب انت متاكد من اكلمة دى يا ياسر انت متاكد اننا انتخبنا حد

او لنا راى فى اى حاجة فى البلد احنا مجرد متفرجين على مسرحية هزلية ليس لنا اى دور فيها للاسف

لية راى كدة فى الحكومة لانها اسوء حكومة شهدتها مصر على مر التاريخ

باحسن اى وزير فيها ملوش كبير بيتصرف فى البلد كانها عزبتة و ملك خاص لة واى حاجة يقولها احنا لازم نقول امين لاننا مش بنفهم

حاجة هما بس الىل عارفين مصلحتنا

الفساد الى كان زمان بيتم فى الخفاء او نوع من العيب الان بيتم علانية بارقام رهيبة

ممكن تذكر ليا كام واحد اتحاسب على جريمتة العبارة الى مات فيها الافات من الفقراء ولا اكياس الدم الملوثة ولا الاسمدة المسرطنة

اللى زاد السرطان فى مصر لارقام مهولة والى كمان المستشفى بتنهار الان بعد عشر سنوات بس و بيطردوا المرضى منها

اللى بيصارعوا الموت ولا البلد اللى بتتباع حتة حتة مصانعنا اللى بينطرد منها عمالنا ولا مافيا الحديد والاسمنت

تعرف انا تعبت من العد

ومازالنا متفرجين ؟؟؟؟؟؟؟؟؟ سؤالك انتى عايزنا نرجع ورا تفتكر حالنا الان مش ورااااااااااااااا احب برضة اعرف هو احنا الان متقدمين فى اية بالضبطط

[على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

على اسم مصر

رابط هذا التعليق
شارك
الباشمهندس ياسر عضو جديد

الباشمهندس ياسر

بتاريخ:
  • كاتب الموضوع
بتاريخ:
عجبتنى كلمتك احنا انتخبنا اعضاء مجلش الشعب انت متاكد من اكلمة دى يا ياسر انت متاكد اننا انتخبنا حد

او لنا راى فى اى حاجة فى البلد احنا مجرد متفرجين على مسرحية هزلية ليس لنا اى دور فيها للاسف

لية راى كدة فى الحكومة لانها اسوء حكومة شهدتها مصر على مر التاريخ

باحسن اى وزير فيها ملوش كبير بيتصرف فى البلد كانها عزبتة و ملك خاص لة واى حاجة يقولها احنا لازم نقول امين لاننا مش بنفهم

حاجة هما بس الىل عارفين مصلحتنا

الفساد الى كان زمان بيتم فى الخفاء او نوع من العيب الان بيتم علانية بارقام رهيبة

ممكن تذكر ليا كام واحد اتحاسب على جريمتة العبارة الى مات فيها الافات من الفقراء ولا اكياس الدم الملوثة ولا الاسمدة المسرطنة

اللى زاد السرطان فى مصر لارقام مهولة والى كمان المستشفى بتنهار الان بعد عشر سنوات بس و بيطردوا المرضى منها

اللى بيصارعوا الموت ولا البلد اللى بتتباع حتة حتة مصانعنا اللى بينطرد منها عمالنا ولا مافيا الحديد والاسمنت

تعرف انا تعبت من العد

ومازالنا متفرجين ؟؟؟؟؟؟؟؟؟ سؤالك انتى عايزنا نرجع ورا تفتكر حالنا الان مش ورااااااااااااااا احب برضة اعرف هو احنا الان متقدمين فى اية بالضبطط

حقك عليا انا يا اختي

متزعليش نفسك ... عشان الضغط و السكر ...ربنا يسترها علينا جميعا

انتي تصلي علي النبي ..صلي الله عليه و سلم ... و تهدي نفسك كده

و واحدة واحدة كل حاجة هتبقي زي الفل

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • News Bot
      0
      [مجلة رزو اليوسف] بنـك مصـر يحقق طفرة فى نتائج الأعمال وأرباحه تُسجل 40.8 مليار جنيه قبل خصم الضرائب
      اعتمدت الجمعية العامة لبنك مصر القوائم المالية للسنة المنتهية فى ديسمبر 2022 وذلك بتاريخ 22 أغسطس 2023. وأظهرعرض المقال كاملاً

      بواسطة News Bot
      كُتب

    • عادل أبوزيد
      2
      الضرائب العقارية بها 34000 موظف و لا توجد قاعدة بيانات عقارية
      الخلاصة .. الحكومة ممثلة في مصلحة الضرائب العقارية لم تؤدي ما عليها - وظيفيا - لا توجد قاعدة بيانات  و لا يوجد كوادر فقط 34000 موظف منهم فقط 600 منهم من الشباب. هؤلاء ال أربعة و ثلاثون ألف موظف  يتقاضون مرتبات و حوافز و الذي منه  و لا توجد قاعدة بيانات يعتمد عليها و السيدة رئيسة المصلحة تكافح مع الوزارات و الأجهزة الحكومية من أجل بناء قاعدة بيانات للثروة العقارية ...... و هذه وحدها تعني وضع الحصان خلف العربة المعلومات السابقة أكيد موجودة و معروفة منذ البداية  .....   و جهة ما أو شخص ما

      بواسطة عادل أبوزيد
      كُتب

    • عادل أبوزيد
      0
      انفراد| ننشر التعديلات المقترحة بقانون الضرائب العقارية
      - «المالية» تطلب تعديل 13 مادة.. والعرض على البرلمان فى دور الانعقاد الحالى - حظر توصيل المرافق للوحدات السكنية قبل الإقرار عنها بالضرائب العقارية - ضمانات لعدم تباين الضريبة على العقارات فى نفس المنطقة - زيادة مدة العمل بتقديرات القيمة الإيجارية إلى 7 سنوات بدلا من 5 - إلزام شركات الكهرباء والمياه والصرف والغاز بتقديم بيانات عملائها للمأموريات انتهت وزارة المالية من إعداد مقترح بتعديل 13 مادة من قانون الضرائب على العقارات المبنية «الضرائب العقارية» وذلك من أصل 36 مادة وذلك بناء على

      بواسطة عادل أبوزيد
      كُتب

    • عادل أبوزيد
      0
      فضفضة عن دفع الضرائب ليت وزير المالية يسمع
      كتبت موضوعا من قبل بعنوان الشمول المالي حقيقة أم أسطورة و بعدها بأسابيع سعدت للغاية نتيجة بيان وزارة المالية عن التعامل الاليكتروني مع مسألة دفع الضرائب. و حتى لا اطيل عليكم كان بيان الوزارة عبارة عن تأجيل امكانية دفع الضريبة العقارية حتى منتصف اغسطس و مد العمل حتى الساعة العاشرة مساء و انشاء موقع للاستفسار عن الضريبة العقارية و تخصيص تليفون به عشرة خطوط يتم من خلاله الرد على استفسارات المواطنين من ٩ صباحا حتى ٩ مساء ... للأسف الشديد مشغول باستمرار. تم انشاء الموقع  لكن ... ادخلت بيانا

      بواسطة عادل أبوزيد
      كُتب

    • متعب
      31
      مرسي يقر زيادة الضرائب على الكهرباء والغاز والسجائر والمياه الغازية
      ودى من خطورة السلطه التشريعيه فى ايد شخص طبعا ده استغلال محنك لغياب مجلس شعب يمثل الشعب فبيتحكم فى البلد كما يشاء دون اى معارض له او او مين ال بيمثل الشعب حاليا . هو الشعب وهو الرئيس وهو الحكم نتكلم بلدى الزياده على شركه زى شركه السجاير فقط الشركه دى منتجه والمفترض انها بتعتبر من ضمن الدخل القومى للبلد . الفعال والخطير جدا نحسبها حسبه بالبلدى متوسط شرب الشخص للسجاير فى مصر علبتين مثلا . هنقول مثلا اربعين مليون فقط بيشربوا سجاير . وده معناه الاتى لو علبه السجاير ب 11 فى علبتين فى

      بواسطة متعب
      كُتب

×
×
  • أضف...