عندما يكون مديرك بطيخة

[mb14]

اخوانى الأعزاء مع كل احترامى لكل المديرين المحترمين

ماذا تفعل لو كان مديرك لو مؤاخذة بطيخه !!!!!!!

بمعنى انه عندما تطلب ان تقوم بعملك بطريقه صحيحه وان تعمل بطريقه منطقيه بقوم يقلب لك الترابيزة ويلف ويدور وفى الآخر يقولك انا مديرك واعمل اللى بقولك عليه وانت تعلم ان ما يقوله خطأ 100 % وهو يعلم كل مايقوله خطأ ولكن بعد الجدال وعدم اقنتاعك يصل لحقيقة انه مديرك ويجب ان تطيع اوامره وهو دى الصح وبس

ماذا تفعل لو كنت مكانى ................... مع الاعتذار للبرنامج الشهير وضياء الدين بيبرس (رحمه الله ) .

[Ambitious]

بريح الزبون :blink:

[عاشق الترحال]

اخوانى الأعزاء مع كل احترامى لكل المديرين المحترمين

ماذا تفعل لو كان مديرك لو مؤاخذة بطيخه !!!!!!!

بمعنى انه عندما تطلب ان تقوم بعملك بطريقه صحيحه وان تعمل بطريقه منطقيه بقوم يقلب لك الترابيزة ويلف ويدور وفى الآخر يقولك انا مديرك واعمل اللى بقولك عليه وانت تعلم ان ما يقوله خطأ 100 % وهو يعلم كل مايقوله خطأ ولكن بعد الجدال وعدم اقنتاعك يصل لحقيقة انه مديرك ويجب ان تطيع اوامره وهو دى الصح وبس

ماذا تفعل لو كنت مكانى ................... مع الاعتذار للبرنامج الشهير وضياء الدين بيبرس (رحمه الله ) .

أول ما يتبادر للذهن هل هو بطيخه حمره ولا قرعه ؟

لازم تحدد برضه ولا أيه ؟؟؟

بص يا سيدي بالنسبه لي يتوقف على نوع القرار هو فيه مضره لحد ولا لأ ونوعية الضرر أيه ؟

وهل هو ساعة الجد بيخلع ويصدرني ويعمل فيها سوسو :) ولا بيتحمل المسؤليه ويقول أنا اللي قلتله يعمل كده ؟؟

يعني جربت نوعيه من المديرين دي وتقولي إعمل وأنا اللي بقولك وساعه لما بيحصل مشكله بيقوم مصدرني

وخالع منها وإتقرصت أكتر من مره ومن وقتها قررت اللي يعمل حاجه يتحمل مسؤليتها وأكتر حاجه تساعدك على كده أنه يكون امر

كتابي يعني يقولك إعمل مش بالبق شفوي كده لأ يكتب لي على ورقه علشان لو حصل مشكله أقوله أنا بنفذ تعليمات المدير .

وساعتها مديره أو صاحب الشركه يبقى يحاسبه :sad:

ولو كان مديره هو كمان بطيخه تبقى أكيد الشركه دي مقرها عند عصام الحضري في دمياط في كفر البطيخ . :lol:

وطبعا بأكد عليك الامر نسبي بمعنى أن في أوامر تطاع وتنفذ وأوامر لا تطاع ولا تنفذ .

تحياتي :blink:

[Amr Radwan]

اية اللي يخليك تشتغل في المستنقع ده .. دي عمرها ما تكون شركة محترمة و بروفيشنال في اي مجال .. و واضح من كلام حضرتك انك بتفكر كويس و لك منهج في شغلك ..

تعرف حاجة اسمها Exit Strategy ?

نصيحة .. طبقها و بسرعة و ما تضيعش وقتك عشان مصلحتك :blink:

ممكن تطبق سياسة "ريح الزبون" بس مش علي طول بتنجح .. لانها بتيجي عليك في الاخر :lol:

ربنا ييسر لك الحال و يوفقك ان شاء الله

[عنبو]

ممكن تقولنا طبيعة شغلك علشان نقدر نفيدك اكتر ؟

[msayed]

والله لو مديرك بطيخة وإللى فوقيه شمامة فأظن إنت مش هاتعرف تعمل حاجة غير إنك تريح الزبون فعلاً بس تاخذ عليه دليل علشان لو المركب غرق بسبب قراراته يبقى تعرف تثبت إن البطيخة هى السبب.

أنا عن نفسى من ساعة ما اكتشفت إن مديرى بطيخة كبيرة وإن الحلوة بياخذها لنفسه والمصيبة بيعمل زى المدافعين ويشلتها من منطقة جزاؤه علشان تلبس فى أى حد بقيت أتعامل معاه بالإيميلات والتقارير المكتوبة بحيث يكون عندى حاجة من ريحته أمسكه من زمارة رقبته بيها لما يحب يشلت المصيبة لمنطقتى.

وطول ما أنا قاعد أخترع له إقتراحات فى مصلحة الشغل وأبعثها له بالإيميل وسى سى لناس تانية ولو رد الرد المطلوب بأحطهاله فى الأرشيف الإسود إللى مش ناوى أستغله ضده ولكن أكيد هاينقذذنى من شره فى يوم من الأيام.

[الباشمهندس ياسر]

اخوانى الأعزاء مع كل احترامى لكل المديرين المحترمين

ماذا تفعل لو كان مديرك لو مؤاخذة بطيخه !!!!!!!

بمعنى انه عندما تطلب ان تقوم بعملك بطريقه صحيحه وان تعمل بطريقه منطقيه بقوم يقلب لك الترابيزة ويلف ويدور وفى الآخر يقولك انا مديرك واعمل اللى بقولك عليه وانت تعلم ان ما يقوله خطأ 100 % وهو يعلم كل مايقوله خطأ ولكن بعد الجدال وعدم اقنتاعك يصل لحقيقة انه مديرك ويجب ان تطيع اوامره وهو دى الصح وبس

ماذا تفعل لو كنت مكانى ................... مع الاعتذار للبرنامج الشهير وضياء الدين بيبرس (رحمه الله ) .

يا تشيل انت الشغل و تتعب لوجه الله و اديك بتتعلم يا اما ترحل

بس البطيخة يروح يقعد عندها هناك ف البيت و ميجيش يقرف ف خلق الله

عارف المشكلة فين

ان الرأي ليس لمن يري ... بل لمن يملك

تم تعديل 26 يناير 2010 بواسطة الباشمهندس ياسر

[mb14]

الاخوة الاعزاء

Ambitious

عاشق الترحال

Amr Radwan

محمد العنبى

msayed

الباشمهندس ياسر

شكرا لردودكم الكريمه والمفيدة

حقيقة ان هذا واقع وموجود دايما فى كثيرمن الاماكن حتى وان كانت محترمه وبروفيشنال ان المدير يحاول ان يحمل مرؤسيه مسؤليات وهو يحمل السلطات وليس منطق ان سلطات تساوى المسؤليات .منطق exit strategy جميل ولكن ليس بالسهوله تخرج وتجد ما يناسبك بوقت قصير الموضوع يأخذ وقت من سنه الى سنتين ويكون هناك بحث بجد ونشاط ولكن اذا كان هذا هو الطريق الوحيد فسوف يتحقق مع الوقت .

موضوع ان الواحد يجمع ميلات لمديره حتكون صعبه لانه عمره ما حيوقع نفسه فى الغلط ورسمى ما هو فاهم بيعمل ايه ولو طلبت منه ذلك رسمى يبقى خلاص الحرب حا تعلن عليك والشرعيه معاه هو لانه فى الآخر مديرك واللى حا يقوله عنك صح مهما كنت .

[se_ Elsyed]

المشكلة ان موضوع زي ده له وجهتي او زاويتي رؤية

1- المدير ... وطبعاً شايف نفسه قمر 14 وزي الفل

2- الموظف المرؤس ... واللي شايف نفسه مانجايه وبيفهم أحسن من مديرة البطيخه

و

المعضله هنا فين ؟

مين بيتحاسب في الأخر عن نتائج القسم أو الادارة او الشركة ... المدير البطيخه ولا الموظف المنجايه ؟

المدير طبعاً

يبقى خلاص .... لو إنت شايف كده يبقى يشيل الليلة

أما سياسة الخروج فهي رفاهية للكثيرين ومش من السهل الواحد يسيب شغله في اي وقت كده

بالمناسبة .. أحياناً كثير قوي بتبقى وجهة نظر الموظف غلط

- اتفضل يا عم .... واحد قاعد بيسقع قلل طول اليوم وبياخد 30 الف وانا اللي بأعمل كل حاجه ... اكنس وأمسح وأطبخ واخد 3 بواكي عثمي ......وهو يلهف اللحاليح دي عالجاهز .

- يا عم ده نزل علينا بالباراشوت وما بيفهمش حاجه .

وأنا وجهة نظري هنا أن الموظف ينفذ ما يُطلب منه وإن كان خطأ فممكن يوضح ده بهدوء للبطيخه في البداية ....

وأبشع أحساس إنك كموظف تحسس مديرك إنه بطيخه وأنك أفضل منه ... ساعتها ممكن تشوف أيام سودا وهاتكره نفسك

وإذا أصر البطيخة على أنك تنفذ الخطأ ده .. يبقى فعلاً الواحد يأمن نفسه بشكل رسمي تحسباً لأي طاريء .

ويظل حل الخروج الامن قائم إذا امكن ذلك

لكن هاتعمل إيه يا حلو لو كل شغل تروحه تلاقيه فرع من فروع سوق العبور ومليان بطيخ ؟

في الحاله دي بقى تروح تشتغل في شادر السمك أو في المدبح

ههههههههه

مساءكو شهد إن شاء الله

[Alshiekh]

ياريت الموظفين الصغار يعملوا حساب اليوم اللى حايبقوا فيه " بطيخة "

وياعالم حمراء والا قرعــــــــــــــــــــــــــــــــــاء ... قرعــــــــــــــــــــــــــــــــــاء

[president]

هو في تلات احتمالات لسؤالك

ياتعمل escalation ....

يا تسمع كلامه ......

ياتقدم استقالتك ..... وده أسوء اجراء

بس انا لي رأى مختلف في الموضوع شويه ... شوف ياسيدى من النادر انك تلاقى حد بيشكر في مديره ....

انا كان عندى نفس الأحساس ده بس لما الظروف اتغيرت واتحطيط في موضع مسئوليه أكتشفت اللى ماكنتش فاهمه...

الموظف عاده بيبقى مش شايف غير جزء من الصوره وبيهتم بالجزء ده عشان يطلع شغله أفضل مايمكن ...

بس المدير بيبقى شايف الصوره كلها مابين اكتر من طرف واكتر من جزء ولازم يعمل توازن وتجميع بين كل الأجزاء

عشان الصوره تطلع حلوه والشغل يمشى ....

انت ممكن تهتم بالجزئ التقنى بس وغيرك يهتم بال financial وهكذا ... المدير البطيخه دوره انه يوفق بين كل ده ....

والله لو ربنا قدره يمشى كل الأجزاء حسب ال standard خير وبركه ... طب لو الأمور مامشيتش كده يعمل ايه ؟

هيحاول انه يجى على كل جزء شويه ... برغم انه فاهم ال standard كويس ...

أفتكر مره واحد صاحبى شغال في شركه كبيره ومحترمه وISO بقى وحركات ...

المهم مديره اداله مشروع وطلب منه ان يخلص في خلال سنه مش أكتر ... قعد مع الفريق بتاعه ... وقالوله المشروع ده عشان يتعمل صح ياخد سنه ونصف ...

المهم صاحبى رجع لمديره وقاله المشروع ياخد سنه ونصف

رد عليه وقاله ولو مش هيخلص في سنه ماتلزمنيش لا انت ولا فريقك...

في نظرك بقى المدير يكون رده ايه ؟؟ ولو وافق ياترى هيبقى بطيخه قدام فريقه ولا هيبقى بطل انه حافظ على شغلهم ؟؟

أقولك حاجه ...تعــــــايش مع الظروف

تحياتى

[الغريب]

والله لو مديرك بطيخة وإللى فوقيه شمامة فأظن إنت مش هاتعرف تعمل حاجة غير إنك تريح الزبون فعلاً بس تاخذ عليه دليل علشان لو المركب غرق بسبب قراراته يبقى تعرف تثبت إن البطيخة هى السبب.

أنا عن نفسى من ساعة ما اكتشفت إن مديرى بطيخة كبيرة وإن الحلوة بياخذها لنفسه والمصيبة بيعمل زى المدافعين ويشلتها من منطقة جزاؤه علشان تلبس فى أى حد بقيت أتعامل معاه بالإيميلات والتقارير المكتوبة بحيث يكون عندى حاجة من ريحته أمسكه من زمارة رقبته بيها لما يحب يشلت المصيبة لمنطقتى.

وطول ما أنا قاعد أخترع له إقتراحات فى مصلحة الشغل وأبعثها له بالإيميل وسى سى لناس تانية ولو رد الرد المطلوب بأحطهاله فى الأرشيف الإسود إللى مش ناوى أستغله ضده ولكن أكيد هاينقذذنى من شره فى يوم من الأيام.

والله متتخيل أنا ضحكت أد ايه من ردك يأستاذ 'msayed'

انا نصيحتي في الموضوع ده واحد من أتنين ملهمش تالت

يأما تمشي الأمور معاه سيستم يعني إيميلات ومراسلات رسمية وده مبيزعلش حد بس علشان كل واحد يتحمل مسئوليته، ولو مشيت كدة يبقى هتظهر مجهودك بشكل سليم ورسمي من خلال أقتراحاتك وتحذيراتك الرسمية اللي هتوجهاله وكمان هتريح دماغك لأنه هيتحمل المسئولية.

يأما لو الوضع مش مساعد الموضوع الأولاني يبقى تصرّف أمورك وتمشي حالك بمنتهى السلبية وتبدأ تنفيذ أستراتيجية الخروج زي ما الزملاء قالوا

[pocy]

ههههههههههههههه فكرتنى بالذي مضى وللاسف انا اخترت الاستقاله لانى مش قدرت استحمل الغباء اكتر من كده

يا سيدى كان يقلي نبي نسوي كذا وكذا وكذا ويجي تانى يوم استاذه ليش سويتى كذا وكذا وكذا اقوله ابويوسف انت اللى قلت اسوي هذا يقلي ايشلون انا مو معقوله انتى بتعتمدى انى بنسي وتسوي اشياء انا ما ابيها فضلت خمس شهور صابره ومستنيه الفرج لحد ما ضغطى ارتفع وحالتى ادهورت وكل ما اقول المره دى هخليه يكتبها فى ورقه علشان امسكها عليه تعرفوا يرد يقول ايه يقول استاذه احنا اهنه ما يهمنا اوراق وها الاوراق ماكنها الباسكت المهم انك تسوي اللى نبيه مو على مزاجك وفى الاخر اتصلت بصاحب العمل وقلتله انا قدمت استقالتى ليكم وما راح ارجعلكم الا لما تمشوا المدير دا بيسوي كيت وكيت وكيت وبصراحه الشركه بتاعتكم وقعت بسببه بعد شهر من مامشيت جابوا واحد بتاع جوده ورشح بان يقال من منصب المدير ببساطه لانه بطيخه كبيره وهوائي ومزاجى و والى اخره والحمد لله على ذلك

[shiko]

...الحقيقة أنه من الذكاء ان فى مثل هذه الحالات الواحد يستذكى عليه ويلبسه العمة

بس للاسف ده موش من الامانة ...وعلى فكرة احيانا ده بيبقى فى مصلحة فئة معينة من الموظفين

المهم انا بحب البطيخ ده موووووت ممكن تشوفوه اى فاكهة تانية ...هاقترح عليكم أبو فروة مثلاً

[رضوي]

السلام عليكم ورحمة الله وبركاته

من وجهة نظري المتواضعة جداً أري ان حضرتك اول حاجة تعملها تلجأ لمن هو أعلي من مديرك ...... فلو دة ماجابش نتيجة ..... يبقي الشكوي لغير الله مذلة ........ نفذ شغلك بالطريقة السليمة لان ربنا هيحاسبك عليه ولما المدير يرجع شغلك او يرفضه يبقي حضرتك عملت اللي عليك ... واشتغل بالطريقة اللي هو عايزها

وبصراحة بتبقي مشكلة كبيرة جدا لما مديرك يتدخل في شغلك والاكبر منه انه مايكونش فاهم حاجة ( مرة حصلتلي والمديرة كانت دايما بتتدخل في شغلي ....... سيبت الشغل فوراً )

واحيانا اواجه تلك المشكلة في شغلي الحالي ( لكن مديري مش بطيخة :blink: ) احيانا يطلب مني المدير تنفيذ بعض المهام بطريقة معينة ومن وجهة نظري ان الطريقة دي غير مناسبة ولما اشرح له وجهه نظري يزرجن ويقولي طيب بطلي فلسفة اعملي اللي بقولك عليه ( طووووووووول عمره يثق في وجهه نظري :sad: ) بس انا بنفذ الشغل بطريقتي واوفر وقت ومجهود واسلمه الشغل من غير مااتكلم ... ينزل النظارة ويقولي : مش قولتلك يابنتي ان الطريقة دي اسلم و افضل ؟؟؟؟ انا عايزك تتعلمي علشان تقعدي مكاني !! :happy:

اضحك وارد عليه : بصراحة احنا بنتعلم منك يازعيم ...... بس علي فكرة انا نفذت الشغل بطريقتي ماعملتش اللي قلتلي عليه ..... والشغل تمام زي ماحضرتك عايز ........ واجري بسرعة قبل مايفكر انه يرد عليا smk:

بس دة ماينفعش مع كل المديرين ......... كل مدير وله شخصيته و طريقة خاصة للتعامل معه متي عرفتها اصبح المدير في يدك .

تحياتي

[DIA ELDIN]

البطيخ دا هتلاقية في كتير من الاماكن الا القليل

المهم فعلا زي ما الاخوة قالوا تعرف مداخلة وتتعامل بالاوراق لا تتعامل شفوياً

سياسة استراتيجية الخروج ليست حل اجعلها اخر الطرق وذلك اذا نفذ صبرك

حاول بقدر المستطاع ان تفعل ما يريد مديرك بالطريقة التي يريدها والتي تناسبك وتحقق المطلوب

اذا اصر على ان تنفذ طريقته ووجدت انها تحقق المطلوب اذاً فلا ضرر ان تفعل وتأكد انك اذا فعلت ذلك مرة بعد اخرى فسيأتي الوقت الذي يثق فيه فيما تفعل ويقتنع بآرائك

كما قال احد الاخوة لا تظهر له بشكل او بأخر انه لا يفهم اياك!

عليك ان تظهر له وانت تقنعة بطريقتك ان ما تريدة اولا واخيراً هو مصلحة الشركة حيث انها المقام الاول في اهتماماتك

[mb14]

الأخوة الأعزاء

الحمد لله ردودكم شافيه لى من كل ما عانيته

الأخ س س المحلل ال اتش ارى الكبير كلامك مظبوط انا قعدت ابص طول الليل على نفسى فى المرايه مش شايف اى شبه بينى وبين المانجايه واكتشفت انى مش مانجايه خالص مع انى لاقات فيا حاجات كتير شبه البطيخه وكمان فيا حاجات قرعه كمان لذلك عرفت انى انا البطيخه ومديرى هو المانجايه . وحكاية انى اسيب سوق العبور واروح شادر السمك او المدبح لاقاتها ما تنفعش حيث انى قضيت عمرى كله مع البطيخ مش ممكن اروح اتعامل مع البورى والشبار ولا حتى الكندوز والبتلو وانتى عارف تغيير الكاريير متأخر ما ينفعش وممكن يقلب بعكوسات مع السن المتأخر اللى زى حالاتى .

واللى اكد وجهة نظرى دى اخويا Mohammed صاحب الخبرة الطويله فى الحياة وعارف انى فى يوم من الايام سوف اكون مكان مديرىوساعتها الدائرة سوف تدور عليا ويقال عنى بطيخه بردو فا من قصيرها ابطل اتكلم من دلوقتى واشوف حل للموضوع و اتجنب انى اكون بطيخه......................... يارب اترقى قريب وابقى....بطيخه .

Mr.President حقيقة انا ما عملتش تصعيد لانى عارف ان دائما المدير على حق ولغاية دلوقتى ما قدمتش استقالتى ففعلا انا متبع نصيحتك متعــــــايش مع الظروف.

استاذى الغريب : ما ينفعش كل مايطلب منك شغل تقوله ابعتلى ايميل 50 % من الشغل بيكون شفوى وموضوع انك تمسك مستندات مش ناجح ابدا وموضوع الخروج كما ذكرت من قبل مش سهل وسريع وعلى رأى س س حلاقى فروع سوق العبور فى كل مكان الا ما رحم ربى .

عزيزتى Pocy واضح انك سلمتى بسرعه وكان نفسك مش طويل زى حالاتنا لاننا بردوا احنا رجاله ولازم نكمل والخروج الآمن رفاهيه غير متاحه لينا .

Shiko والله مش عارف ليه كتبت بطيخه فى عنوان الموضوع ممكن دى حاجه مترسبه فى عقلى الباطن منذ الطفوله ويوجد ارتباط بين حبى للبطيخ وحبى لمديرى وحكاية تلبسه العمه هو بردوا بيفهم فى العمم .

الآنسه رضوى : انتى محظوظه ان مديرك يعطى لك الفرصه وان يضغط عليكى من اجل هدف معلن هو تطوير المرؤسيين ونقل المعرفه ليوم ان يأخذوا مكانه .

شكرا جزيلا لكل الأخوة على الردود والنصائح .

س س انتى راجع امتى مصر المحروسه عشان نشوف مشروع البتلو الكندوز والسبيط والكارى مارى بدل البطيخ والشهد

[Ambitious]

هو ايه ال Exit Strategy اللى بتتكلموا عنها دى .. ممكن تفيدوا اخوكم الجاهل ؟

[se_ Elsyed]

هو ايه ال Exit Strategy اللى بتتكلموا عنها دى .. ممكن تفيدوا اخوكم الجاهل ؟

يعني ببساطة تخلع أو تقدم أستقالتك وتدور على مُكنه تاني هههههههه

------------

س س انتى راجع امتى مصر المحروسه عشان نشوف مشروع البتلو الكندوز والسبيطcolor="#FF0000"]والكارى مارى بدل البطيخ والشهد

انا بأقول خليك في البطيخ

اسمه كالماري يابني بلاش فضايح

[ornatepeacock]

هذه المحاورات الرائعة

بجد بجد

اوفات كتير اكون بفكر في موضوع و ألاقية على المحاورات

انا اشتغلت مع مدير كان بطيخة قبل كده لكن دي مرحلة و انتهت

المهم اني انا دلوقتي استلمت شغل جديد من كام يوم بس

و تقدر تقول اني فيه مدير - لأول مره في حياتي - و مش مدير على مكتب فيه تلات اربعة

لأ

ده أنا - بفضل الله - معايا يجي 100 عامل

و معدات و حاجات كده

و في حاجات كتيرة انا مش عارفها

مش عارف اتعامل مع الناس ازاي

مش فاهم الشغل كويس

مش عايز ازعل حد منى و في نفس الوقت عايز اطلع شغل كويس

لأني هتحاسب على الشغل ده

و مش عايز يبقى شكلي قدام العمال بطيخة و مش فاهم

خايف ادخل في حاجات مش فاهمه

وفي نفس الوقت خايف اسيبه لهم فتطلع النتيجة غير مرضيه في النهاية

و مش عايز طبعا اكون بطيخة

ازاي بعد كل ده _ مش عارف - بصراحه

ملوحظه خارج الموضوع

الأخ المحترم mb14

الصورة الرمزية الخاصة بك تحتوي خريطة غير صحيحة لمصر

لانها لا تضم حلايب و شلاتين

شوف كده الناحية السفلى من اليمين

اتمنى ان تستبدلها بخريطة اخرى تكون سليمة

ولك خالص التحية