و فاحت رائحة المنتدى

[disappointed]

دخلت صباح اليوم إلى المنتدى , وتوجّهت إلى الشريط المتحرّك فى أعلى الواجهة و الذى يعرض عناوين أحدث المواضيع النشطة بالمنتدى فإذا بى أفاجئ بموضوعين ثلاثة "فكّة" كدة (على إستحياء) تنتمى لأبواب هدى الإسلام و الشئون العامة و شئون المحاورات و قد تم إبتلاعها فى خضم شلاّل هادر من هذه المواضيع :

صلصة

عصائر و مشروبات

حلويّات

شوربات (حساء)

المعجّنات

المقبّلات

أطباق خليجية و عربية 2

أطباق خليجية و عربية 3

وجبات للأطفال

إزّاى أعمل قرع العسل

:D :rolleyes: :rolleyes:

ونظرا لهذه التغيّرات الديموجرافيّة :lol: فى المنتدى فإننى أقترح التالى :

1- ضرورة تركيب شفّاط للسيرفر (ريحتنا فاحت الظاهر :lol: )

2- إضافة خاصّيات و أيقونات جديدة مثل :

إبحث فى الثلاّجه

لمّ السفرة

طبق اليوم

إرفع الحلّه من على النار

أضف بهارات للموضوع

علّق على الشاى

قائمة الـطلبات الخارجيّة (مواضيع تيك أواى)

قم بتغطية الموضوع بالفويل

حوارات بالباشاميل

مناقشات مسبّكة

إغلق الأنبوبة

خاصية الإشعال الذاتى

قم بتتبيل مداخلتك

أفرم محاورك

سكّ على الشاى

قلّب أفكارك

طشّ التقليّه

إحبس بسيجاره

آليّة هضم المواضيع السريعة

كوكتيل الأخبار

الفخفخينا الحواريّه

خش على الفتّه

ضع موضوعك فى الفرن

ضع صفيحة تحت الموضوع

إنشل مداخلتك من الحلّه

إحشى الموضوع

خاصّية منع البقلله

تنبيه : موضوعات بريستو

قرمش محاورك

ركن النواشف

إشوى المشاركين فى الحوار

خاصيّة تخليل المداخلات

قم بتجميد عضويّتك

خاصيّة منع الحموضه

أنقر هنا لتتخلّص من الزغطّة

تخلّص من الإمساك الحوارى (مليّنات حواريّة)

خاصيّة منع الإسهال

بلّع المداخلة

فلفل محاورك

خرّط على قلبك بصله

خاصيّة منع الإنتفاخ

تبليغ المشرفين عن حالات التسمّم

3- إضافة بعض البنود لشروط المشاركة بالمنتدى :

= الإلتزام بالتأكّد من إغلاق الأنبوبة قبل مغادرة المنتدى

= تجنّب حرق المواضيع

= ممنوع شياط الأعصاب

= الحرص على عدم فوران المواضيع

= ممنوع التكريع أثناء التحاور

=إغسل يديك قبل الحوار و بعده

= ممنوع اللغوصة

=أمضغ الموضوع على مهلك

=ممنوع التحاور و الأكل فى فمّك

=لا تأكل بصوت و أنت تتحاور

=ممنوع إثارة مواضيع متّاكله قبل كده

=ممنوع تنزيل مواضيع بايته

= ممنوع التهرّب من غسيل الصحون بعد التحاور

=لاتترك مداخلتك مكشوفة

= إحرص على عدم دلق الكلام

=تأكّد من تاريخ صلاحيّة الموضوع قبل أن تثيره

مع وجوب إضافة تنبيه هام إلى أن أى عضو لن يلتزم بهذه البنود فسيتم "تسييخ" مداخلته و "تطفيحه" الموضوع

4- تغيير صيغة بعض الإشعارات و التبليغات كأن تصبح :

= يوجد لديك صباعين محشى فى النمليّه

=نأسف.... المنتدى مزوّد بخاصّية منع "تطفيح" المواضيع...خذ نفس قبل أن تشارك من جديد

= لا يمكن إرسال حلل جديدة لك...قم بتفريغ الثلاّجه

= عفوا.... ليس من حقّك الجلوس على المائدة

= تم إرسال "نايبك" إليك عبر الميسنجر

=دعوة مفتوحة للمشاركه (أوبن بوفيه)

=عفوا..... سيتم إغلاق المنتدى من الفجر إلى المغرب فى شهر رمضان

و يظل الطلب الرئيسى الملح هو : تركيب شفّاط للسيرفر

ياجماااااااعه : ريحتنا فاااااااااااااحت

:lol: :lol:

[Sayyeda Abouzied]

الله يكرمك يا دكتور

مش هيه دي طلباتكم عموما دا في الاول بس وبعدين هيكون المطبخ مفتوح بس يوم الجمعة

[فــيــروز]

بصره :lol:

اول ما دخلت المنتدى النهارده قلت اتابع شريط الموضوعات الاول اشوف ايه آخر الاخبار

لقيت الموضوعات بتمر قصادى كالتالى :

الصلصه :lol:

المعجنات :D

الفول و مرض الانيميا :D

وجبات خفيفه :lol:

ازمة الهويه المصريه :rolleyes:

وجبات الافطار :rolleyes:

مدام سيده ابو زيد عامله نشاط كبير ما شاء الله :lol:

[فــيــروز]

عاوزين كمان اما نيجى نعمل تقييم لموضوع يبقى الاختيار كالتالى :

موضوع دلع :D

موضوع تقيل على المعده :rolleyes:

موضوع دسم و مغذى :lol:

مداخله تسد النفس :lol:

موضوع منخفض السعرات الحراريه :rolleyes:

موضوع صحى نباتى :lol:

تم تعديل 10 فبراير 2004 بواسطة فــيــروز

[ابوحميد]

اولا نشكر مدام سيدة علي مواضيعها الطعمة، دا انا حتي دايما بقرأها حاف، بس يا ريت لو تهدي النار حبتين عشان المواضيع ما تطرطش علي اعضاء المنتدي

و ما تزعليش من الاستاذ محبط، هوا راجل مظبوط بس الظاهر ان الموضوع ده إتظفلط من ايده

نصيحة اخوية يا محبط، مش لازم يعني تقعد تمصمص في كل موضوع كتبه عضو يا أخي، و فيها ايه يعني لو كانت مدام سيدة نفسها حلو في المداخلات و بتكتب مواضيع خفيفة و للا انتا غيران عشان مواضيعك كلها مسبكة

ما تآخذنيش يا ابو المحابيط لو كلامي حامي شوية، بس انا عارف انك شخص ناضج و انا قصدي أصفي اي توترات

[فــيــروز]

اولا نشكر مدام سيدة علي مواضيعها الطعمة، دا انا حتي دايما بقرأها حاف،  بس يا ريت لو تهدي النار حبتين عشان المواضيع ما تطرطش علي اعضاء المنتدي

و ما تزعليش من الاستاذ محبط، هوا راجل مظبوط بس الظاهر ان الموضوع ده إتظفلط من ايده

نصيحة اخوية يا محبط، مش لازم يعني تقعد تمصمص في كل موضوع كتبه عضو يا أخي،  و فيها ايه يعني لو كانت مدام سيدة نفسها حلو في المداخلات و بتكتب مواضيع خفيفة و للا انتا غيران عشان مواضيعك كلها مسبكة

ما تآخذنيش يا ابو المحابيط لو كلامي حامي شوية، بس انا عارف انك شخص ناضج و انا قصدي أصفي اي توترات

 

محبط لقى له منافس :D

[disappointed]

اولا نشكر مدام سيدة علي مواضيعها الطعمة، دا انا حتي دايما بقرأها حاف،  بس يا ريت لو تهدي النار حبتين عشان المواضيع ما تطرطش علي اعضاء المنتدي

و ما تزعليش من الاستاذ محبط، هوا راجل مظبوط بس الظاهر ان الموضوع ده إتظفلط من ايده

نصيحة اخوية يا محبط، مش لازم يعني تقعد تمصمص في كل موضوع كتبه عضو يا أخي،  و فيها ايه يعني لو كانت مدام سيدة نفسها حلو في المداخلات و بتكتب مواضيع خفيفة و للا انتا غيران عشان مواضيعك كلها مسبكة

ما تآخذنيش يا ابو المحابيط لو كلامي حامي شوية، بس انا عارف انك شخص ناضج و انا قصدي أصفي اي توترات

 

قافيه حلوه جدا يا أبو حميد :lol:

(أصل محسوبك بيموت فى القافيه....بلا قافيه :D :rolleyes:)

وحيث بقى إن الموضوع إستوى... و من باب إن مداخله هنيّه تكفّى ميّه.... فإسمحى لى أعبّر لك عن إعجابى الشديد بتذوّقك للموضوع وعدم خلطك الهزار بالتهريج (أصلى ما بأحبش خلط الهزار بالتهريج لأنها بتقلب بعد كده بضحك :rolleyes: )

والحقيقه أنا طبعا ما كانش قصدى أدلدق بالكلام , ولا أحرق المواضيع , انا كان كل مرادى أسوّى المسائل و أخدّم على المواضيع ... وبعدين بصراحة ماكنتش متوقّع منّك كبشة القوافى دى ولا إنّك تنقع الدنيا فى الهزار كده بعد ما تابعت مواضيعك الدسمة خاصّة إنى شعرت إنّك من خيار الكتاب الجادّين فإذا بك أيضا فاكهة المنتدى..فرجاءا... بلاش تسخّن الناس عليّا... وأنا أوعدك إنى أخلّى الأجواء مسقّعه على قد ما أقدر (أحسن الناس تفتكرنى متقمّع عليهم)

وبما إننا حنطبخ الموضوع ده مع بعض فأنا بأدعوك إننا نقلّب أفكارنا قبل السكّينه ماتسرقنا وحد يفتكرنا شوكة فى حلقه و يحمّر لينا عينيه ويخرّطنا للوز

وبهذه المناسبة...فإننى أرجو من الجميع البعد عن التعبيرات الحمضانة خاصّة وإننا كلّنا فى حلّه واحده , واللى يسمع كلمه تخلّيه يشرق يبقى يبلعها برضه و يعصر على نفسه ليمونه خصوصا إن كل الأعضاء مهضومين على رأى الأخوة اللبنانيين , وزى ما قال الأستاذ عادل أبو زيد فإنهم هم كريمة الكريمة فى المجتمع , فبلاش الكريزة اللى بتيجى لينا كل شويّه و الثانيه وياريت مانخلّيهاش خل مع بعض وكل واحد يحط إنتقاداته فى الفريزر قبل السلطة التنفيذية ما تتدخل و تكبّنا كلّنا برّه المنتدى

مع أشهى تحيّاتى

مخفوق القلب :lol:

زنّان الجعان

من أمام طاجن الجمبرى

قناة النيل المطبخيّة - قطاع المحاورات

[ابوحميد]

بقي كده......

و انا اللي كنت فاكر إن الموضوع إتهري

يا عم محبط انا كان قصدي ازود الموضوع مية تقوم انتا تيجي تشوح كل اللي انا عملته...

و كل ما اقول الموضوع إتلحس الاقيك لسه عمال تغمس ودن قطة في المداخلات.......الظاهر انك كنت مدمس المداخلات ديه و بتطلعها تهرسها علينا عشان احنا غلابة....

بس آخر مداخلة ليك كانت عالسكين و احسن حاجة انها كانت ساقعة و كانت قصيرة تنكتب علي ورقة بيضا قديمة....و الله يا جدع احسن من الكلام المزيت بتاع الفلاسفة الرومي اللي انتا دايما بتقطع منه

ايه دا...دا الموضوع بيغلي.....محبط....يا محباااااااااااااااط

( كل ما اتخيل شكل محبط و هو جاي بيجري حافي من غير حساء عشان يلحق الموضوع قبل ما يفور اموت علي نفسي من الضحك)

[disappointed]

( كل ما اتخيل شكل محبط و هو جاي بيجري حافي من غير حساء

آهى دى بقى بالموضوع ده كلّه

:D :o :unsure:

ده إنت طلعت راجل "سبيسيال" وحطّيت الــ"Main Dish" فى آخر مداخله

:unsure:

[ragab2]

تحياتى

لباب لكى ياسيدتى

عاوزين نعمل باب للخاطبة