تعالوا نفهم فارماكولوجي ...

[biopasha]

هحاول في الموضوع ده ان شاء الله .. اعمل بحث مبسط ومختصر في الاجزاء المهمة في الفارماكولوجي ...

والله المعين ...

[biopasha]

هنبدأ ان شاء الله بالـــ diuretic drugs

عندنا مجموعة من الادوية تستخدم كمدر للبول تختلف في الـ mechanism of action ... تعالوا نروح في رحلة ونتعرف عليهم ...

الاول اسمائهم ايه ...

هما عبارة عن عائلات زي معظم ادوية الفارماكولوجي وفي كل عائلة نلاقي دوا او اتنين بمثابة عمداء كل عائلة .. وفي الــ duretics هنلاقي :

1- الــ carbonic anhydrase ومنها الـ acetazolamid واحيانا يسموه بأسمه التجاري الـ diamox

2- الـ loop diuretics ومنها الـ furosemide ( ركز كويس .. المجموعة دي مهمة جدا ومشهورة اوي في الوصفات الطبية ) ..

3- الـ thiazides ومنها الـ indapamide

4- الـ potassium sparing : ودي منها الـ

- spironolactone , amiloride , triamterene

5- الــ osmotic diuretics : ومنها الـ mannitol , urea

وعشان نفهم طريقة عمل كل واحد فيهم في الكلي ... لازم نفهم بالأساس طريقة عمل النفرون ...

ايه النفرون ده .... ... انا مش فاكر حاجة ... انت هتقلب علينا المواجع ليه .. ادينا حافظنهم وخلاص ..

ياعم اصبر علي رزقك ... نحفظ وخلاص ليه يعني ... هو مخنا فلاشه ...

خلاتوا سمعة الصيادلة @##$$%%@^%^&*

اصبر ونشوف ....

يالا بينا ...

[biopasha]

b - bowman`s capsule

c- proximal convoluted tubule

d- distal convoluted tubule

لاحظ ان b , c ,d موجودين في الـ cortex يعني الطبقة القشرية للكلي

والــ loop of henle موجودة في الـ medulla يعني الطبقة النخاعية للكلي

ويتكون الـ loop of henle مما يلي :

i - descending loop of henle

g- ascending loop of henle

بس كدة .. وفي الاخر نلاقي الانبوبة الجامعة اللي هيا رقم e وبنقول عليها الـ collecting duct

تم تعديل 27 يناير 2010 بواسطة biopasha

[MZohairy]

و الله موضوع جميل

انا اللي عارفه ان الدايوريتك بيكتر من التبول و بالتالي خروج الأملاح و بالتالي ينزل الضغط شويه

بس فيه املاح الجسم بيحتاجها بتخرج مع اليورن فممكن تعويضها بس مش فاكرها

و اللي عارفه ان ادوية ادرار البول مش في قوة ادوية الضغط التانيه (يعني بقت موضه قديمه) صحيح؟

[mama nona]

ربنا يكرمك عالموضوع ده ويحعله فى ميزان حسناتك ان شاء الله

انا بقى طول عمرى نفسى افهم فارما

من زمماااان اوى حتى للوقتى

اى جزء بتكون فيه الفارما دى باحاول اخده كده زى ما هو علشان مضيعشى وقتى معاها

مش عارفه ليه التربسة ال من ناحيتها دى

متابعة ليك

[biopasha]

و الله موضوع جميل

انا اللي عارفه ان الدايوريتك بيكتر من التبول و بالتالي خروج الأملاح و بالتالي ينزل الضغط شويه

بس فيه املاح الجسم بيحتاجها بتخرج مع اليورن فممكن تعويضها بس مش فاكرها

و اللي عارفه ان ادوية ادرار البول مش في قوة ادوية الضغط التانيه (يعني بقت موضه قديمه) صحيح؟

بالنسبة للسؤال الاول ... الديورتك بيخفض الضغط فعلا .. وده بيكون باخراج الصوديوم وايضا بيكون بسبب اخراج الماء اللي بيقلل حجم الدم hypovolumea وبذلك بيساعد علي تخفيض الضغط فعلا ..

بالنسبة للسؤال التاني .. فعلا في املاح بتخرج ويكون الجسم في حاجة اليها وهي البوتاسيوم ... وبتتعوض فعلا بالادوية او بالاغذية التي تحتوي علي بوتاسيوم ... بس يوجد نوع من مدرات البول بيحافظ علي البوتاسيوم هنبقي نتعرف عليه ..

بالنسبة للسؤال التالت .. طبعا ادوية ادرار البول لا تغني عن ادوية الضغط عند مرضي الضغط المزمن ولكنها تستخدم كعلاج مساعد .. ولم تصبح قديمة بل هي علاج مساعد ..

تحياتي زوهيري باشا ...

تم تعديل 27 يناير 2010 بواسطة biopasha

[biopasha]

ربنا يكرمك عالموضوع ده ويحعله فى ميزان حسناتك ان شاء الله

انا بقى طول عمرى نفسى افهم فارما

من زمماااان اوى حتى للوقتى

اى جزء بتكون فيه الفارما دى باحاول اخده كده زى ما هو علشان مضيعشى وقتى معاها

مش عارفه ليه التربسة ال من ناحيتها دى

متابعة ليك

ربنا يكرمك ..

وانا كمان بحاول افهمها كويس وبهدوء بدل كركبة الامتحانات اللي بتضطر الواحد للحفظ غصب عنه ..

يارب يكون موضوع مفيد ..

[biopasha]

في حاجات مهمة في النفرون لازم نفهمها ...

اولا .. تركيز الاملاح في الـ medulla مختلف عنه في الـ cortex وعشان كدة بنلاقي الـ ascending limb غير منفذ للماء ..

ثانيا ... تقريبا 20% من الـsodium filtrate يمتص من الـ ascending limb of henle loop وده اللي بيمنعه ادوية الـ loop diuretic

و 10 % منه يمتص عن طريق الـ distal convuluted tubule وهذا ما تمنعه ادوية الـ thiazid

نستتنتج من ذلك اماكن عمل الادوية الاتية :

loop diuretics in ascending limb of henle

thiazids in distal convoluted tubule

ثالثا .. في بعض المركبات يكون الـ molcular weight بتاعها كبير شوية او لظروف ما لاتستطيع النفاذ مع الـ glomular filtrate عن طريق ماتسمي بمحفظة بومن powman`s capsule ولذا تعبر من طريق اخر اما basic او acid ( لأن رواشح فضلات الانسان تنقسم لـ basic or acids waste products ) .... وفي موضوعنا هنا هنهتم بطريق اسمه صلاح سالم .. قصدي اسمه organic acids secretory system ودا اللي بيعبر منه بعض المضادات الحيوية وحمض اليوريك اللي بيعمل النقرس داء الملوك ( gout ) و الادوية المدرة للبول وهم الــ (loop diuretics و thiazids ) ..

واللي بيحصل بالظبط ان كثير من المركبات تتنافس علي هذا الطريق ومنها ادوية ادرار البول والتي تنافس حمض اليورك فلا يستطيع حمض اليورك ان يترشح في البول ويتخلص منه الجسم فيضطر اسفا ان يبقي في الدم ويترشح في النفرون بدلا منه الادوية المدرة للبول ... ثم يترسب حمض اليورك ويسبب مرض النقرس ...

طيب فيه سؤال مهم ...

لماذا يتم اعطاء الــ loop duretics بكميات كبيرة لمرضي الفشل الكلوي ؟؟؟

[biopasha]

[biopasha]

ببساطة كدة ...

في site 1 : توجد pump يتم من خلالها امتصاص الصوديوم والكلوريد للدم والبوتاسيوم يخرج كراشح ولكن يلزم الصوديوم طاقه لذلك وهو ما نسميه active reabsorption ..

في site 2 ( نفس المكان تقريبا ) : توجد pump تسحب الصوديوم بيكربونات للدم وتخرج الـ هيدروجين تحت تأثير انزيم كاربونك انهيدراز ..

اذن site 1,2 يوجدوا في الـ proximal conv. t. = pct

وهناك توجد مضخة لامتصاص الصوديوم ( علي شكل صوديوم بيكربونات ) للدم واخراج البوتاسيوم والهيدروجين تحت رعاية carbonic anhydrase enzym

ماذا يحدث اذا تم ايقاف هذا الانزيم ؟؟؟

سينزل الصوديوم لمجري الـ pct لاخراجه ويمتص البوتاسيوم والهيدروجين للدم ( ****bpolic acidosis and hyperkalemia )

وهذا الدور ( ايقاف انزيم كاربونك انهيدراز ) يقوم به الـ diamox or acetazolamide

وهو المطلوب معرفته اولا ...

في (( ascending limb of henle .)) وهذا هو site 3 , 4: لاحظ ان هذا الجزء غير منفذ للماء وتوجد pump تسحب الصوديوم والكلورايد والبوتاسيوم للدم وتسمي ( Na ,k,2Cl co - transporter) وبذلك يصبح محلول الفلترات مخفف فيذهب الماء للـ descending limb

ويمتص هناك ويخفف تركيز الـ medulla من الاملاح ...

يقوم الــ loop diuretics بتعطيل تلك الـ pump فيؤدي لنزول الصوديوم ( 20 % from sod. filtrate ) وكذلك ينزل البوتاسيوم وتنزل كمية كبيرة من الماء اللي مفروض كانت هتمتص في الـ medulla

وهو المطلوب معرفته ثانيا ..

ولذا فأن ادوية الـ loop diuretic تنفع جدا في حالة الـ dilutional hyponatremea ( وهي حالة زيادة كمية الماء مما يجعل تركيز الصوديوم في الماء قليل ومخفف )

[biopasha]

في الـ distal conv. tubule وهو مايسمي site 5 : توجد pump تمتص الصوديوم كلوريد (10% from sod. filtrate ) ويلزمهم طاقة بمعني actively transport

وهذا المكان حساس جدا لادوية الـ thiazides ولذا تشتغل عليه وتقوم بمنع تلك الـ pump فيخرج الصوديوم والكلوريد ليتخلص منه الجسم في البول ..

وهو المطلوب معرفته ثالثا ..

( لاحظ ان هدف اي diuretic هو اخراج الصوديوم وطبيعي سيسحب معه الماء لانه polar ) ..

[حسام يوسف]

تسجيل متابعة يا زميلي وصديقي العزيز بيوباشا

جزاك الله كل الخير

[biopasha]

تسجيل متابعة يا زميلي وصديقي العزيز بيوباشا

جزاك الله كل الخير

ربنا يكرمك يا د/ حسام

:happy:

[biopasha]

في الـ collecting duct اللي هي الـ site 6 :

يحدث عملية اعادة امتصاص للصوديوم واخراج للبوتاسيوم جزء من تلك العملية تحت تأثير هرمون الالدوستيرون ويوجد جزء اخر بدون تأثير الالدوستيرون ( حيث قاموا بعمل adrenoactomy ) فوجدوا ان جزء من عملية امتصاص الصوديوم واخراج البوتاسيوم لازال مستمرا ..

طبعا لاحظ ان غدة الادرينالين ( الكظرية ) هي التي تفرز الالدوستيرون ..

وللـ ( ADH ( antidiurtic hormon or vasopressin

له دور في هذا الـ site حيث يمتص الماء ويعيده للدم ..

نسيت اقول ان في site 5 يمتص الكالسيوم للدم تحت تأثير الــــ parathyroid hormone

تم تعديل 27 يناير 2010 بواسطة biopasha

[om marawan]

ايوووووون والله تسلم ايدك

وجازاك الله عنا خير لانى فعلا لسه باذاكر فى نفس الجزء

وان كنت كروت الحاجات اللى مش فهمتها ونقلت على ال tratement of heart failure

[biopasha]

سؤال مهم ...

الــ hypokalemia

في الــ thiazids

moderate but persistant

وفي الـ loop diuretics

severe but transient

لييييييييييييييييييييييييييه

?????????????????????

تم تعديل 27 يناير 2010 بواسطة biopasha

[biopasha]

شكرا اخت ... ام مروان

ربنا يكرمك علي تشجيعك ..

وياريت تشاركي بقي بالاجابة علي الاسئلة ... واهو كلنا نستفيد ..

تقبلي مروري وتحياتي ..

[arora]

برافو عليك يا زميل المهنة

موضوع يستحق الاشادة ويفكرنا بالحاجات اللى نسيناها

بس على مهلك علينا فى الاسئلة لحد ما نذاكر يا مستر

تسجيل متابعة

[masraweya]

شكرا جزيلا

[sarmar]

السلام عليكم

ممكن ياسادة ان بعض العامة واللى مش تخصصة انة يطرح عليكم بعض استفهاماتة وانتم تردوا علية بس مش من الناحية الاكاديمية بل من الناحية العامة المهم تفهمونا استفساراتنا ممكن ؟ :)