الكرامه

[عاشق الترحال]

أين الله منكم و من قلوبكم

ان الذي وقر في قلبه ان الله واحد لا شريك له و لا يقع في ملكه الا ما يشاء لا يحتاج ابدا الي ان يذكر ما ذكر بعض اخواننا هنا

اللهم ارزقنا العز بك ... امين

ونعم بالله يا بشمهندس ياسر

بس أفكرك بكلمه سيدنا عمر رضى الله عنه ( نحن قوم أعزنا الله بالإسلام فإن إبتغينا العزه بغيره أذلنا الله ) .

تفتكر إحنا عملنا بالكلام ده ؟؟؟

تفتكر الحال اللي إحنا عايشينه من ذل ومهانه وفقر وتسلط الحكام تفتكروا سببه أيه ؟؟؟

كرامة البني آدم في طاعة ربنا علشان ربنا يعزه ولا تنسى قوله تعالى

بسم الله الرحمن الرحيم .

( ومن أعرض عن ذكري فإن له معيشة ضنكا ).

أقولك على مثال بسيط ( لو أنا ماشي في الشارع في حالي ولا بيا ولا عليا وراح ضابط شرطه موقفني ولقاني بتلامض معاه وراح

واخدني على القسم وأكلني علقه محترمه وقل أدبه عليا وهدر كرامتي ) تقدر تقولي هعمل له أيه ؟؟

هروح أشتكيه ؟؟ طب وبعدين هل لما ياخد جزا أنا كده كرامتي رجعتلي وهل حتى لو انفصل من شغله انا كده كرامتي رجعتلي ؟؟

والله يا إخوانا أنا شفت بعنيه مناظر في المستشفيات لو شفتها بعنيك هتعرف أد ايه الكرامه = ( 0 ) زي بتاع المونديال كده .

وانت يا بشمهندس مش كنت عايش في الخليج أكيد مر عليك مواقف لأصدقائك أو معارفك

وحد فيهم احتك بالسفاره هناك وشاف ازاي الكرامه عندهم .

من كام يوم كنت بتفرج على برنامج إسمه تقريبا ( مواقف حرجه ) على قناة ناشونال جيجرافيك أوظبي

وكان بيتكلم عن قصه طيار أمريكي كان في قوات حفظ السلام في الأمم المتحده في روسيا أيام حرب البوسنه والهرسك

وكان بيعمل طلعه بالطياره والجنود الصرب وقعوا طيارته وقدر أنه يخرج من الطياره قبل ماتنفجر ونزل بالبراشوت

المهم القوات الصربيه كانت عاوزه تمسكه وهو بيهرب منها وقدر انه يتصل بالقاعده بتاعته ويقولهم على مكانه

وفعلا تحركت القوات الجويه والبحريه لإنقاذه ورغم محاولات الصرب في التصدي لهم إلا أن الأمريكان نجحوا في إنقاذه .

وكانوا مستضيفين الطيار بيوصف الموقف وبيوصف شعوره وقتها .

لقيتني غصب عني خبطت عالأرض كده وبقول ( إمتى بقى يبقى لنا كرامه زي الناس دي ) . .

فهمت قصدي يا بشمهندس ياسر .

تحياتي :egyflag:

تم تعديل 28 يناير 2010 بواسطة عاشق الترحال

[الباشمهندس ياسر]

أين الله منكم و من قلوبكم

ان الذي وقر في قلبه ان الله واحد لا شريك له و لا يقع في ملكه الا ما يشاء لا يحتاج ابدا الي ان يذكر ما ذكر بعض اخواننا هنا

اللهم ارزقنا العز بك ... امين

فهمت قصدي يا بشمهندس ياسر .

تحياتي :egyflag:

يا جدعان انا بدأت أشك جدا ان النكت اللي بتتقال ع الصعايده دي طبيعية

يا عم هو انت صعيدي

تعبتني

ابقي روح موضوع مواقف ف حياتنا و ادينا رايك ف المشكلة اللي ف اخر مداخلة هناك