لخلخه الثوابت لفرض الخنوع

[Byte]

،ياترى الموضوع ده هايكون عن ايه؟ :D

مالوش علاقة بأى موضوع ، أصلى الفجر وارجع اتفشحط![*]

[فــيــروز]

الفجر !! :rolleyes: طيب :D

[Byte]

أنا مسلم

مافيش مشاكل ياأخى، بس الدين يكون فى بيتك بس ، على ضوء الشموع علشان يبقى الجو روحانى،انما الشارع مافيهوش دين، الشارع لنا،الشارع لنا ..ترالملم

أنا عربى

اخخيييييه ، طب ليه يافرعون ترضى بالجنس المعفن ده ، دول بيمسحو ايديهم فى دقنهم بعد ماياكلو الكبسة، انت من نسل رمسيس، ومصر اسمها ايجيبتوس، انت الأكرم ابن الأكرمين!

الحجاب فريضة على كل مسلمة

بس ابن ابوربيعة القشقشنجى قال غير كدة، يعنى المسألة فيها كلام! بقى ياراجل تسيب الأمور المهمة وتمسك فى الحجاب؟ اللى خلاك تحلق دقنك يخلي بنتك تقلع الحجاب

أنا صعيدى جدع وماعنديش بنات تبص من الشباك

ماقلناش حاجة، بس بص عالتلفزيون كدة، شايف البنات ام صرة دول، واللا البنات ولاد اكابر البلد اللى خارجين من الايه يوسي من غير هدوم دول، وفكر، مش عايز البت بطة تتجوز؟

فائدة البنوك حرام

طب هاتفهم اكتر من طنطاوى، اهو ده من عندكم وقال انها حلا ، عايز ايه بقى فى يومك اللى مش فايت ده؟

...

.

.

.

.

.

ياجماعة انتم كدة مش سايبنلي حاجة من ثوابتى اتمسك بيها!

احسن!! :rolleyes: كل ماتتزنق ..اقلع!

ولا اقوللك، احنا هانساعدك تقلع وانت قاعد زى البيه :D

اصلا التمسك بأى فكر غلط، ويدل على انسان متحجر وشخصية متيبسة لا تصلح للزمن الحالى

غبى يعنى ، صعيدى، قفل ، ترباس!

وبالمناسبة، بنتك حامل

:rolleyes: .

يتبع!

تم تعديل 10 فبراير 2004 بواسطة Byte

[عصام]

أنا لا زلت أضحك حتى كتابة هذه الكلمات...... :lol: :lol: :D :rolleyes: :lol: :lol: :D :D :D

"الله يحظك" يا فيروز..أبلغ رد ممكن يتقال :D :rolleyes:

[Byte]

رؤوس المواضيع السابقة قطرة في بحر!

والغرض دائما مهاجمة ثوابتنا!

هناك توابت صعب مهاجمتها، ولكن لا بد من المحاولة!

اول هجوم يكون عادة للخلخة الافكار، مجرد ان نفكر مكسب

تانى هجوم بيكون اسهل، وبيلاقى بعض الانصار

الهجوم التالت بيكون مجرد مناقشة عادية لها انصار وخصوم

وعلى رأى تاج راسنا الشيخ مناحم بيجين لما قال للسادات everything is negtiable

فممكن نناقش كل شيء..حتى الصلاة :D

تم تعديل 10 فبراير 2004 بواسطة Byte

[Byte]

أى منتدى يمثل عينة عشوائية من المجتمع

وبهذا فمننا من هو ذو دين راسخ تكون محاولة لخلخته تهريج وتضييع وقت

ومننا من هو رافض لكل شيء، ويريد ان يتسلخ من جلده، وهذا يكون الهدف الأول، بكلمة واحدة يصبح من ضمن الكماشات التى تقوم بالخلخلة

ومنا، وهؤلاء هم الأغلبية، من هو بين بين!

والبين بين اما:

عقلانى، لا يحكمه الا عقله

هلامى، مش فارقة معاه اى حاجة

جاهل!

.

يتبع

[فــيــروز]

طيب ممكن سؤال؟

هل من المعقول ان نتوقع ان ثوابتنا ستظل كما هى بدون هجوم عليها !! طيب ازاى؟ اليس هذا تفاؤل مبالغ فيه؟ طبيعى ان يكون هناك من يشكك فى الثوابت و مفروض ان ندافع نحن عن ثوابتنا لا ان نتوقع انها لن تهاجم .. لكن السؤال الاهم بقى يا ترى ما هى الثوابت !! اعنى ما الذى يطلق عليه ثوابت وما الذى يخضع للتغير؟

[عصام]

فممكن نناقش كل شيء..حتى الصلاة

حلوة

بس دول بقى بالتحديد واضح إن ما بيعشلهومش مشاركات (قصدى آراء) :rolleyes:

يا فيروز ممكن تسيبى الراجل يكمل...وبعدين نتكلم فكما أرى هو بيكتب "يتبع" بعد الكلام وأبويا علمنى لما أشوفها أستنى... :D

[فــيــروز]

:rolleyes: لامؤاخذه يا اسو انا ابويا مات قبل ما يقول لى الموضوع ده cbyb:

اتفضل كمل يا استاذ بايت :D

[Byte]

لكن السؤال الاهم بقى يا ترى ما هى الثوابت !! اعنى ما الذى يطلق عليه ثوابت وما الذى يخضع للتغير؟

جبتيه لنفسك ، اصل انا بادور على ضحية :lol:

اختارى اى موضوع تظنى انه من ثوابتنا، وانا اقلبهولك رأسا على عقب، أى شئ!

ايه رأيك مثلا نناقش ان الزى الموحد لتلميذات المدارس يكون القفقيفة للبنات، وهى مايوه بكينى ..بس شرعى! :D

الزى الموحد للأولاد يكون خوذة فايكنج بقرنين وتحتها شورت فرعونى!

اى موضوع تختاريه وتظنى انه لا يمكن مهاجمته!!

تيجى منى انا احسن ماتيجى من ولاد عمنا، ماهى جاية جاية! :rolleyes:

عالأقل ، هايكون واضح انى باهرج وماحدش هاياخد بكلامى :rolleyes:

ولا ممكن يطلعلى مؤيدين؟ :lol:

نهار ...ابيض لو طلعلى مؤيدين :lol:

المشكلة يافيروز ان اللخلخة تترك أثرا، حتى لو قمتى بدورك كاملا فى الرد المنطقى والدفاع عن معتقداتك!

يعنى ماينفعش تطلعى من النقاش ده كسبانة!

صاحب الموقف الدفاعى فى اى حرب يكون موقفه اضعف كثيرا!

عموما برضه الموضوع ليه غرض آخر هاوضحه فى آخر الموضوع!

انما ملحوظة صغيرة: طول مانا باكتب فى الموضوع، ولاد عمنا قاعدين جواه بيفلوا كل كلمة فيه!

مع ان الكلام شكله هايف ومش محتاج الوقت ده كله منهم فى قراءته! :lol:

تم تعديل 10 فبراير 2004 بواسطة Byte

[فــيــروز]

جبتيه لنفسك ، اصل انا بادور على ضحية

ده بايننه فخ ولا ايه :D

على العموم ولا يهمنى بردو :rolleyes:

طيب الحل ايه !! مانقدرش نخرس الغير او نتوقع منهم يكونوا مسالمين !! هل تعتقد اننا ممكن مثلا مانهاجمش ما يعتبره غيرنا ثوابت وما قد لا نراه نحن كذلك؟ اظن صعب .. يبقى منطقى ان نتوقع التشكيك دائما !! طيب اذا كان بعد وفاة الرسول مباشرة البعض انكر الزكاه وهو كان لسه بينهم يبقى ماذا تتوقع الايام دى !!

[Byte]

بعد وفاة الرسول مباشرة البعض انكر الزكاه

وعارفة حصل لهم ايه :D

اياميها ماكانش فيه هيصة ولخبطة!

طيب الحل ايه !!

مانقدرش نخرس الغير

هى دى الكلمة اساس البلاء كله!

المفروض اصلا اننا لا نستمع لهم، حتى يخوضوا فى حديث غيره

الصور الاباحية مالية الانترنت، ياترى من هذا المنطلق يبقى يقبل منى ان اضعها هنا فى المنتدى؟

الاراء التى تهاجم الاسلام والمسلمين - مثل موقع متنصرين - فى كل مكان بالانترنت ، فهل ننشرها هنا؟

عموما ده برضه مش الغرض من موضوعى ، الرسالة هاوضحها بعد عودتى من العمل، تكونوا انتم على وشك تصلوا الفجر،

هيييييييه ،

الأرض بتلف!

تم تعديل 10 فبراير 2004 بواسطة Byte

[أسد]

المشكلة يافيروز ان اللخلخة تترك أثرا، حتى لو قمتى بدورك كاملا فى الرد المنطقى والدفاع عن معتقداتك!

يعنى ماينفعش تطلعى من النقاش ده كسبانة!

هذا الكلام صحيح ألف في المائة .....

وأنا أرى في أن عبارة (أن تلك حرية رأي وكل واحد يقول رأيه بمنتهى الحرية) لا تجوز في كل شئ ....

على كل ... هذا الموضوع برغم أنك لا زلت في بدايته .. إلا أنه يستهويني ... جداً ..

وأبدو متفق مع ما جمعته من كلامك ...

[Byte]

اعتذر عن استكمال الموضوع حتى يعود عنوانه كما كان

لللـــــــــــخخخخلللـــــخخخخوووه

العنوان مش عيب ، وانا الوحيد الذي يحدد ان كان العنوان مناسب ام لا!

[فــيــروز]

اعتذر عن استكمال الموضوع حتى يعود عنوانه كما كان

لللـــــــــــخخخخلللـــــخخخخوووه

العنوان مش عيب ، وانا الوحيد الذي يحدد ان كان العنوان مناسب ام لا!

سكتك خضرا يا استاذ بايت :lol: :D :rolleyes: :rolleyes:

[إبن مصر]

ولماذا لا تعتقد فى وجود من يشاركك الراى يا بايت..

هل لو ابتعدنا عن تحليل لفظ ما تقول يعنى انك تقول خطأ؟؟؟؟؟؟

هل ما ذكرته انت لم يحدث؟؟؟؟؟؟

هل كل ما اشرت اليه ليس واقعا نعيشه؟؟؟؟؟؟؟

بلى!!!!

اذا فلنكسر الجمود ونحاول ان نجد حلولا بدلا من ان نعدد المشاكل..

رأى متواضع من معجب قديم

ابن مصر

[فــيــروز]

بس احنا مش بنتكلم عما حدث للمرتدين

نحن نتحدث عن ان التشكيك محتمل فى كل مكان و زمان

ومن غير المعقول ان نتفاءل لدرجة ان نظن انه لن سيحدث

هى دى الكلمة اساس البلاء كله!

المفروض اصلا اننا لا نستمع لهم، حتى يخوضوا فى حديث غيره

اللى فهمته من كلام حضرتك انك تتحدث عن امور مثل سب الله و رسوله و العياذ بالله

اعنى ان هذه امور واضحه لا التباس فيها ولكن ..

ماذا عن غيرها من الامور؟ مره اخرى سنعود للسؤال عن تعريفنا للثوابت !!

كون اننا نتفق على الا ننشر ما لا نقبله ليس معناه انه غير موجود !! الا يشبه هذا دفن الراس فى الرمال !! لاننا اذا حكمنا على انفسنا الا نسمع ما لا نقبله فان غيرنا معرض ان يسمعه وان يسال فيه ولابد ان يكون عنده اجابه

الاخ اسد كتب:

وأنا أرى في أن عبارة (أن تلك حرية رأي وكل واحد يقول رأيه بمنتهى الحرية) لا تجوز في كل شئ ....

هذا صحيح جدا ولكن .. هناك امور لا يمكن الاكتفاء فيها بتجاهل ما يقال بل ينبغى ان يكون هناك من الردود ما يفند ما لا نقبله .. حتى لا نبدو بمظهر العاجز عن الرد منعدم الحيله

[عصام]

اعتذر عن استكمال الموضوع حتى يعود عنوانه كما كان

لللـــــــــــخخخخلللـــــخخخخوووه

العنوان مش عيب ، وانا الوحيد الذي يحدد ان كان العنوان مناسب ام لا!

حقك 100%

وإسم الموضوع فعلا مش عيب

لكن موضوع إن "أنت الوحيد الذى له الحق فى الحكم على العنوان" هذا قابل للنقاش!!

[Mohammad Abouzied]

هو المقصود من الاسم ان يكون تعبير عن الموضوع وبصراحه الاسم معبر فعلا عن ما يقال داخل الموضوع والي غيره مش انا علشان دايما انا متهم ولكني انا فقط اضفت لللـــــــــــخخخخلللـــــخخخخوووه سابقا ينفع يا بيت ولا نشيل شطحات فكر علشان تكمل

[sos]

الاخ/بايت

هذه ليست شطحات فكر....كما يحلو للبعض تسميتها

بل هى من وجهة نظرى المتواضعة.....

فكر سوى...ولا يوصف بغير ذلك

اكمل