ماذا تقرأ...؟

[التونسى]

قاربت على الانتهاء من قراءة كتاب غريب شويه .. وهو للكاتب الكبير د(لويس عوض)) .. اول مره أقرأ له صراحة .. الكتاب إسمه ((مذكرات طالب بعثه)).. اللى شدنى لقراءة الكتاب هو انه من نوعية (أدب الرحلات).. وانا بعشق مثل تلك النوعيه من الكتب .. بصفتى عاشق للسفر ايضا .. وهو عباره عن مذكرات دكتور لويس عوض أثناء فترة بعثتة الدراسيه اربع سنوات الى جامعة كمبردج باانجلترا .. وفيها برده زار فرنسا وكمان جنوب افريقيا ..فى رحلة عودته لمصر .. فتره المذكرات ما بين عامى 1937 و1941

الكتاب اشتريته من حوالى 3 شهور من معرض كان مقام بجانب دار الكتب بالقاهره .. من ضمن مجموعه من الكتب اشتريتها .. معظمها ادب رحلات لكتاب مغمورين ...وكان بجنيه واحد بس تصوروا .. الكتاب بقى مكتوب باللغه العاميه .. والكاتب كان قاصد ده من منطلق التجريب .. لان فى الوقت ده مكنش الكتابه بالعاميه منتشره .. خصوصا عند اصدار كتب .. وواجه ساعتها مشاكل مع الرقابه بسسب ده .. ولاسباب سياسيه اخرى تتعلق باراء سلبيه له حول انجلترا والانجليز .. من خلال معايشته لهم .. وكانت مصر ساعتها تحت الاحتلال البريطانى .. مما كان يسبب حرج

الكتاب شدنى جدا لما بدأت أقراه لانه بيتحدث عن ذكريات د لويس فى انجلترا .. فى فتره نهاية الثلاثينيات وبداية الاربعينيات .. ولاقتنى بقارن بين الفتره دى .. وبين فترة بدايات الالفيه الجديده اللى عشتها شخصيا فى انجلترا .. وحقيقى استمتعت جدا بالكتاب .. لكنى حقيقى اكتشفت ان القراءه بالعاميه صعبة الفهم عليا حبتين((بعيدا عن الشعر العامى)) .. لانى متعود انى اقرأ باللغة العربيه الفصحى .. واعتقد انه لو كان د لويس صاغ الكتاب بعيدا عن العاميه كان حيبقى احسن