إعمل عبيط

[MaYousof]

اعمل عبيط وعش سلطان زمانك .. استمع إلى كلام ناظر المدرسة وقل آمين .. غلط صح لا يهم .. هز رأسك موافقاً على كلام السيد المدير العام، حتى وإن غرق المركب وأصبح ستين حتة..

هذه هي المقدمة التي استهل بها الإعلامي/ جمال الشاعر كتابه (اعمل عبيط), الصادر عن الدار المصرية اللبنانية. يضم الكتاب مجموعة من المقالات الساخرة، والذي يثبت من خلالها أن السخرية أصبحت أحد الأساليب الوقائية للكتاب ولكثير من القراء والمثقفين، ووسيلة للتكيف مع الظروف المحيطة بهم.

مقتطفات من وصايا الكتاب:

● اعمل عبيط وانت تدفع ضعف مرتبك دروساً خصوصية لإبنائك. (أنا بصراحة شايف اللي يعمل كده يبقى عبيط بالفعل مش عامل عبيط!)

● اعمل عبيط وأنت تشاهد برامج المطبخ فى التلفزيون وهم يحدثونك عن السيمون فيميه والكوردون بلو والطرطوفة والكالمارى، اعمل عبيط واستمتع بحفل البصل والفول المدمس.

● اعمل عبيط وأنت ترى حرب شيوخ الفضائيات ومباريات تسليع الفتاوى وبيزنس الهاتف الإسلامى.

● اعمل عبيط وكأنك لم تقرأ هذا الكتاب .. وحاول أن تعمل حاجة لمصر .. فالسيارة عطلانة .. لكن البكاء لن يدير الموتور .. قل للناس من حولك يلا يلا يا رجالة .. إيدك يا حج اللي يحب النبي يزق.

الوصيه الأخيرة:

● اعمل عبيط تشعر فعلاً أن مصر جنة وهى بالفعل جنة العبيط.

معلومات عن الكتاب:

الكاتب: جمال الشاعر

التصنيف: مقالات ساخرة

عدد الصفحات: 175 صفحة

سعر النسخة: 20 جنيها

دار النشر:الدار المصرية اللبنانية

سنة النشر: 2009

--------------------------------------

حوار منقول من موقع راديو حريتنا: (المصدر هنا)

- .........

- أهلا بيك وبراديو حريتنا.

- .........

- الحقيقة أن الكتاب دعوة لإعادة التفكير في أمور حياتنا وسلبياتنا ومشاكلنا والمشاركة بحلول وليس الاعتراض فقط.. ففكرته قائمة على كشف العديد من السلبيات الموجودة في حياتنا ويتغاضى الكثير منا عنها وبنقول "أعمل عبيط أحسن"، فعلى سبيل المثال أنا شفت حادثة بنفسي وكل من حولي قالوا لي "أعمل عبيط" .. وإذا رأيت بلاعة في الشارع مش محطوطة في مكانها اعترض واحتج لأن دا حقك ومش المفروض إنك تتخلى عنه، ولو "عملت عبيط .. هيتعمل عليك عبيط"، فالناس جميعها أصبحت يائسة ومحبطة .. والكتاب به بعض الأفكار ومش كل الأفكار لأن ربنا بيقول "رحم الله امرأ عرف قدر نفسه" يعنى مجلس الوزراء نفسه مش قادر يحل كل مشكلاته.

- .........

- لم أكن أقصد السخرية، ولكن قصدت حال المواطنين المصريين، وكان من الممكن أن يؤثر أسم الكتاب عليه، ولكن ما اكتشفته أنه نجح مع الناس.

- .........

- نعم هناك موجة نقد ساخرة، ولكنها أفادت، حيث خدمت القراءة وصناعة الكتاب في مصر بشكل كبير، فالجمهور عزف عن القراءة إلا قليلاً .. وبرأيي إن الأسلوب السهل والبسيط هو الذي يصل إلى الناس، فمثلاً القصص البوليسية هي أروع ما يمكن أن يصل إلى الناس وأنا بكتب للعصر اللي أنا عايش فيه والكتاب خلطة بين لغة زمان والعصر الحالي.

- .........

- أهدي كتابي للمواطن المصري.

------------------------

حوار بخصوص المفهوم والكتاب في آن واحد.

ونبدأ بالتالي:

1. مين عبيط وعارف إنه عبيط بس مش فارقة معاه؟

2. مين عبيط وعارف إنه عبيط بس زعلان جدا من الحكاية دي وبينكرها؟

3. مين عارف إنه مش عبيط بس عامل عبيط بمزاجه ومبسوط إنه عامل عبيط؟

4. مين عارف إنه مش عبيط بس عامل عبيط غصب عنه ومش عاجبه إنه عامل عبيط؟

5. مين عارف إنه مش عبيط ومش مستعد يعمل عبيط بس مقتنع إنه بكده احتمال يبقى عبيط؟

6. مين عارف إنه مش عبيط ومش مستعد يعمل عبيط ومقتنع حقيقي من جواه إن مايصحش الواحد لا يكون عبيط ولا يعمل عبيط؟

7. مين مش عارف هو عبيط ولا مش عبيط بس فارقة معاه يعرف؟

8. مين مش عارف هو عبيط ولا مش عبيط بس مش فارقة معاه يعرف؟

9. مين ولا اختيار من اللي فوق؟

تم تعديل 31 يناير 2010 بواسطة عادل أبوزيد

[MaYousof]

أنا هبدأ.

بسم الله الرحمن الرحيم, الاجابة رقم 2:

أنا عبيط وعارف إني عبيط بس زعلان جدا من الحكاية دي وبأنكرها mil:

(رحم الله أمرء عرف قدر نفسه)

تم تعديل 29 يناير 2010 بواسطة MaYousof

[د هشام ابراهيم]

أنا الاجابة رقم عشرة يا محمد باشا mil:

تم تعديل 29 يناير 2010 بواسطة د هشام ابراهيم

[kaplan]

أنا الاجابة رقم عشرة يا محمد باشا

:lol: :lol: wst:: :)

[myusername]

أنا الاجابة رقم عشرة يا محمد باشا :happy:

:lol: wst:: :)

المشكلة ان كل الاجابات "المتاحة" معناها ان الناس كلها عبط :lol: و أعتقد هو ده السبب وراء اختيار الدكتور هشام للرقم عشرة

مش منطقى أبدا ان الناس كلها تبقى عبط... ده كان زمان العالم ده ولع

و بصراحة انا مش فاهم المغزى من السؤال!!

بس انا هقول رأيى على قد فهمى..

الانسان عموما لا يزال فى مرحلة بدائية الى حد ما من حياته.. طبعا انا بتكلم عن الانسان على مدار تاريخه و تطوره..

الكام سنة اللى فاتت دول حصل فيهم ثورة رفعت البشرية لفوق قوى قوى قوى.. و مع ذلك الانسان لا يزال امامه الكثير ليكتشفه!!

الانسان لسه لغاية دلوقتى بيستخدم ايده فى تعاملاته.. و لسه كمان متهور.. و لسه فيه أجزاء كتيرة من العالم محصلش "نمو" لتفكير الناس اللى فيها..

بس انا متهيق لى والله اعلم ان ال50 سنة اللى جايه.. هيبان فيهم آثار التطورات التكنولوجية اللى حصلت فى ال50 سنة اللى فاتت.. طبعا انا بتكلم عن آثارها فى الانسان نفسه و طريقة تفكيره.. و طريقة تعامله مع مشاكله و مع الاخرين و مع حياته أيضا.

الخلاصة.. لسه شوية عالانسان عشان ينمو, على الرغم من انه قطع شوط كبيير جدا.. نتيجة تغير الطريقة اللى ماشى بيها العلم.. و طبعا اللى كلنا عارفينها.. ان العلم بدأ يتطور بشكل منظم و مستمر.. مش على شكل قفزات و اكتشافات جوهرية تحصل مرة كل قرن..

[ذهبية]

اولا احى جمال الشاعر على اختيار العنوان لانة ملفت فعلا

لكن مش معاة

لان باحس الىل بيعمل عبيط بيكون ضعيف يعنى انت شايف الغلط الىل قدامك لا قادر تغيرة بايدك و لا قادر تقول انة غلط

فتعمل نفسك انك مش شايف و ان كل حاجة تماما التمام

وانا مش واخد بالى

يعنى اعمل عبيطةةةة

معلش انا لا كدة و لا كدةةة

يعنى تقدر تقول اختيار 6 يمشى معايا

لاانا مستعدة اكون عبيطة و لا اشو ف الغلط و اسكت و اعمل عبيطة و

مينفعش اصلا انى اسكت لانى بصراحة ليا لسان و ليا راى

و ليا عقل اعرف اقول لا مش عاجبنى و انا مش موافقة

ومش هاعمل نفسى عبيطة و مش شايفة حاجة

[لماضة مصرية جدا]

السلام عليكم و رحمة الله و بركاته

انا العنوان مستفزني جدا ......في الاول قولت.... طب دي دعوة ان الواحد يلبس الوش العبيط يمكن المركب تعدي.... و بعدين لما دخلت ع التوبيك و قريت... الاختيارات... اللي في مجملها بتقول....اعرف نفسك و اعرف المربع اللي انت بتلعب فيه في الدنيا دي.... برضه ابتديت افكر

انا شخصيا في مجال الشغل.... (لو لسه شغل جديد)........ بحب جدا اعمل عبيط.....لان الواحد بيبقي في مرحلة لسه جس النبض و بيحاول يفهم مفردات المحيط اللي حواليه.... عشان يعرف الدخل الصح...

لما بيلبس الوش العبيط بقي..... بيلاقي كل الناس بتتطوع مشكورة جدا جدا انها تاخد بايده.....و بتتخلي عن كتير من حذرها و تحفزها في التعامل مع كل وافد جديد

وواحدة..... وواحدة.... مرحلة الاكتشاف بتوضح.....و الواحد بيخش في مرحلة الاكتساح .... و اللي هنا بينفض نفسه تماما.....و بيبتدي يثبت رجليه

في العلاقات الانسانية......

إممممممممممم

طب يعني ايه عبيط؟؟؟؟

يعني

طيب؟؟؟

عفوي؟؟؟

تلقائي؟؟؟

علي سجيته؟؟؟

حسن النية؟؟؟

طب اذا كانت المفردات دي لها وقع مطمئن للقلب..... ليه بتقترن.... بلفظ ليه وضع يحمل سخرية جدا؟؟؟؟

بالمناسبة بقي

هل الكاتب قال اصل كلمة عبيط مثلا.......الاصل اللغوي للكلمة....بيدل كتير علي معناه و ازاي بتستخدم....لو تفيدونا بقي..... عشان الواحد يبقي عبيط متمكن... :blush2:

بس خلاص

فوتكم بعافية

[Simba]

تتحفنا دور النشر منذ فترة بكتب وأدباء جدد البعض رائع والبعض الآخر دخل إلي الأدب بفضل الشللية والتهليل الأحمق في غياب نقد بناء وكما هو معروف لا يمكن تطور ادب الا بوجود نقد مبدع وبغياب النقد كان الشرخ الحاد في جسد الأدب

بدأت ظاهرة الأدباء الشبان في الظهور تماما كما كانت بدايات عمرو ياب وأنغام ومحمد فؤاد مسماه بالأغاني الشبابية وما ان تجاوز هولاء المغنيين مرحلة الشباب حتي اختفي مصطلح الأغني الشبابية

الأدباء الشبان يظهرون علي الساحة فجأة يطرحون كتاب في الأسواق ويختفون بالتدريج ليظهر آخر مع كتابه الجديد

اخر مرة رأيت في هذه الظاهرة يدعو للتعجب احد الشباب كتب علي غلافه بالبنط العريض كتاب مصري ساخر !!!!!

هل يقلقه ان يظن أحدهم أنه كتاب جزائري ؟؟

كتاب اعمل عبيط الذي لم اقرء منه سوي ما كتب هنا من مقتطفات كتاب ساخر ايضا وليس بجديد تناول احداث المجتمع باسلوب ساخر وليست خفة الظل حكر علي احد بعينه

يبدو ان الكتاب دعوة للتأمل في حياتنا اليومية ويقينا ليست دعوة جادة إلي العبط والسلبية فلن يجد الكاتب الفائدة المرجوة من مقالاته

تم تعديل 30 يناير 2010 بواسطة سمبا

[MaYousof]

● اعمل عبيط وكأنك لم تقرأ هذا الكتاب .. وحاول أن تعمل حاجة لمصر .. فالسيارة عطلانة .. لكن البكاء لن يدير الموتور .. قل للناس من حولك يلا يلا يا رجالة .. إيدك يا حج اللي يحب النبي يزق.

آدي اللي الكتاب عايز يقوله ..

عموما أنا محبط bv:-

من رد فعل المصريين من عنوان الكتاب ومن مفهوم المصريين للعبط بوجه عم ..

الموضوع ولاهو فكاهي ولاهو خفيف .. ساخر آه .. لكنه جاد ..

أنا عايز اعترف بحاجة ..

أنا مصري وابويا مصري :blush2:

وأمي وستي أم أمي وجدّي أبو أمي ..

وستي أم أبويا وجدّي أبو أبويا .. كُلّاهيتهم مصريين ..

من الناحية الجينيّة .. المفروض أفهم المصريين ..

بس ثقافيا .. ساعات فعلا مابافهمهمش خالص مالص :copied:

يمكن عشان عشت 15 سنة في دولة عطاء ورخاء وعدل ومساواة في الخليج وبعديهم سنتين في دولة مِلدِوَل الفاسقة الزنديقة الهالكة المالكة عمللي تربنة في نافوخي ..

كان نفسي أبقى زيكم .. مش شايل هم ..

اسيبها تولع ..

أخش اشتملي شتيمتين فوزير ولاّ فحسني ونام مبسوط إني ماجنتش حاجة ملبمبكة دي ..

بس على الأقل كنت هنام مبسوط ..

أنا بقولكوا أنا عبيط .. وأنتم شكلوا بتقولوا ده بيستسخر بينا ..

أنا لو ماكنتش عبيط وكنت بفهم ماكانش ساعات أفضل حيران وانا بأتفرج عالمصريين ومش فاهم هم بيفكروا إزاي ..

أنا عندي أزمة هوية دلوقتي :bsmal:

كان نفسي كنت أعرف اهيص واطبل عالخيبة .. وافتى عالرايحة والجاية .. وابقى مبسوط من نفسي :Al:

فيه دراسات علمية بخصوص الناس اللي زي دي .. الاطفال اللي بتنشأ في كذا ثقافة مختلفة نتيجة عمل أبآئهم .. العيوب والمميزات ..

أنا بصراحة مش عارف أشوف إلا العيوب اللي أنا جنتها من ظروف أنا ماخترتهاش (على الأقل النهاردة مش شايف أي مميزات)

فلسفيا .. اللي بيكسر إشارة حمرة ويروح ينام مبسوط أحسن من اللي بيقف فيها وبيتشتم (زي اللي حصلي النهاردة في وسط البلد) ..

يبقى مين فينا اللي صح؟

أنا مش بس عبيط ومش عارف أفهم المصريين ..

أنا غلط .. عايش حياتي غلط .. مادام بعمل حاجة أنا شايف إنها صح .. وبعدين نتيجتها إني اتشتم يبقى أنا اللي غلط مش همّ ..

كان نفسي يكون فيه حتة في المخ .. أشيل كارت الميموري اللي عندي وركّب واحد من بتوع التطبيل عالهايفة ..

ممكن يكون أخلاقيا مش سليم .. لكن فلسفيا صح جدا ..

يلا على رأي joo .. أيام وبتعدي ومسيرنا نفوتها للّي بعدينا .. هنعمل جدعان لمين ..

md2:

تم تعديل 30 يناير 2010 بواسطة MaYousof

[MaYousof]

:Al:

المشكلة ان كل الاجابات "المتاحة" معناها ان الناس كلها عبط :blush2: و أعتقد هو ده السبب وراء اختيار الدكتور هشام للرقم عشرة :bsmal:

مش منطقى أبدا ان الناس كلها تبقى عبط... ده كان زمان العالم ده ولع bv:-

نمرة 6 ونمرة 9 مفيش فيهم أي حاجة بتقول إن صاحبها عبيط .. بالعكس .. بينفوا تماما

دكتور هشام اختار نمرة 10 اعتراضا على السؤال .. لكن إنت مستهتر ومش بتعرف تقرا كويس ..

وبعدين يا myusername سبني فحالي دلوقتي .. أنا محبط جدا :copied:

[MaYousof]

أنا الاجابة رقم عشرة يا محمد باشا bv:-

شكرا يا دكتور على التفاعل وتسجيل إجابة ذات مغزى ضمني :blush2:

[MaYousof]

يعنى تقدر تقول اختيار 6 يمشى معايا

شكرا يا ذهبية على اخدانك للسؤال على محمل الجد :blush2:

[MaYousof]

طب يعني ايه عبيط؟؟؟؟

يعني

طيب؟؟؟

عفوي؟؟؟

تلقائي؟؟؟

علي سجيته؟؟؟

حسن النية؟؟؟

طب اذا كانت المفردات دي لها وقع مطمئن للقلب..... ليه بتقترن.... بلفظ ليه وضع يحمل سخرية جدا؟؟؟؟

العبط يا ست لماضة ملهوش دعوة بالطيبة خالص .. ممكن أكون طيب وفاهم كل اللي حواليَّ

ممكن حسن النية فيها جزء عبط آي نعم ..

والتلقائية برده فيها حتت عبط ..

لكن الطيبة لا تستلزم العبط خالص ..

العبط هو عدم القدرة على فهم الأمور وبالتبعية عدم الاكتراث ليها ..

ده اللي بيفرق العبيط عن اللي عامل عبيط ..

اللي عامل عبيط عنده القدرة .. لكنه غير مهتم .. غير مكترث ..

شكرا على أخذ موضوع العبط على محمل الجد ..

ويجعله عامر :blush2:

[د هشام ابراهيم]

.. أنا محبط جدا smk:

و هو سعادتك كنت لسه ما أحبطتيش لحد دلوقت wst::

عايز الحق ...أنا مقتنع تماما إن أغلب حكومات العالم و أغلب الكيانات الاقتصادية الكبري بتستعبط الاغلبية العظمي من سكان الارض

فيه ناس عارفة و فيه ناس مش عارفة ....فيه ناس بتقاوم و فيه ناس مكبرة ...فيه ناس بتحاول تغير حالها إن شا لله لدرجة أقل من الاستعباط العالمي و فيه ناس مغيبة تماما ........

[myusername]

:wub:

المشكلة ان كل الاجابات "المتاحة" معناها ان الناس كلها عبط smk: و أعتقد هو ده السبب وراء اختيار الدكتور هشام للرقم عشرة :lol:

مش منطقى أبدا ان الناس كلها تبقى عبط... ده كان زمان العالم ده ولع wst::

نمرة 6 ونمرة 9 مفيش فيهم أي حاجة بتقول إن صاحبها عبيط .. بالعكس .. بينفوا تماما

دكتور هشام اختار نمرة 10 اعتراضا على السؤال .. لكن إنت مستهتر ومش بتعرف تقرا كويس ..

وبعدين يا myusername سبني فحالي دلوقتي .. أنا محبط جدا :lol:

معلش انا اتكلمت من مفهوم تانى.. يعنى خرجت عن اطار الموضوع فى ردى.. بس معلش بقى.. اصل بينى و بينك ده ردى عليك عشان انتا كنت قلت لى: انا حاسس انك عبيط :ninja: لما قلت رأيى فى موضوع الاقاليم :lol:

[ابو محمود]

اية الموجود فى مصر حاليآ يدل على ان الغالبية مش عبيط !!!

لو مشينا فى الشارع هتلاقى كل واحد بيستعبط ال حوالية ومكبر الجمجمة ولو واحد حب يوجهة الى الصواب بيكون يأما عبيط او بايع نفسة 0موقف عربة تصدم اخرى =خناقة واحد شايل شيلة =ماشى يخبط فى الناس واحد راكب عربية وبيتفرج على الفتارين علشان يشوف حاجة يشتريها وهكذا الشارع

التجارة الجميع بيستعبط على بعض مع ان الكل فاهم البضاعة منيين وبكام بس بيقولو انها شطارة (رغم انها تقترب ارباحها الى الربا)

الصناعة .. لو شاهدت اى صانع او مقدم خدمة صيانة ما بعد البيع ستجدون العجب العجاب تخريب او بمعنى ادق اخر استعباط لبس طاقية دة لدة

واخيرآ التعليم ومن ثم المساجد ومن ثم البيوت والجيران وارباب الاعمال وهلما جرا وفى النهاية

انا شايف ان العبط ليس هو اساس المشكلة المشكلة هى سلوك أخذ فى التنامى حتى اصبح واجهة لمجتمع يسمى سابقآ المجتمع المصرى

[MaYousof]

.. أنا محبط جدا :sad:

و هو سعادتك كنت لسه ما أحبطتيش لحد دلوقت :)

عايز الحق ...أنا مقتنع تماما إن أغلب حكومات العالم و أغلب الكيانات الاقتصادية الكبري بتستعبط الاغلبية العظمي من سكان الارض

فيه ناس عارفة و فيه ناس مش عارفة ....فيه ناس بتقاوم و فيه ناس مكبرة ...فيه ناس بتحاول تغير حالها إن شا لله لدرجة أقل من الاستعباط العالمي و فيه ناس مغيبة تماما ........

يا دكتور هشام حضرتك معديني بكذا مرحلة ..

أنا لسه في طور التحول ..

اللي حضرتك قلته حقيقي بالتأكيد ..

بس أعتقد إنه معضلة تاريخية موجودة منذ الأزل ..

ياخسارة :sad:

[MaYousof]

لو مشينا فى الشارع هتلاقى كل واحد بيستعبط ال حوالية ومكبر الجمجمة ولو واحد حب يوجهة الى الصواب بيكون يإما عبيط أو بايع نفسة ..

هو ده السبب اللي خلّاني شخصيا اختار اجابة رقم 2 :sad:

أنا لم أكن أسخر لمّا اخترتها :sad:

ومازلت جادًا :)

تم تعديل 31 يناير 2010 بواسطة MaYousof

[shiko]

حوار بخصوص المفهوم والكتاب في آن واحد.

ونبدأ بالتالي:

1. مين عبيط وعارف إنه عبيط بس مش فارقة معاه؟

2. مين عبيط وعارف إنه عبيط بس زعلان جدا من الحكاية دي وبينكرها؟

3. مين عارف إنه مش عبيط بس عامل عبيط بمزاجه ومبسوط إنه عامل عبيط؟

4. مين عارف إنه مش عبيط بس عامل عبيط غصب عنه ومش عاجبه إنه عامل عبيط؟

5. مين عارف إنه مش عبيط ومش مستعد يعمل عبيط بس مقتنع إنه بكده احتمال يبقى عبيط؟

6. مين عارف إنه مش عبيط ومش مستعد يعمل عبيط ومقتنع حقيقي من جواه إن مايصحش الواحد لا يكون عبيط ولا يعمل عبيط؟

7. مين مش عارف هو عبيط ولا مش عبيط بس فارقة معاه يعرف؟

8. مين مش عارف هو عبيط ولا مش عبيط بس مش فارقة معاه يعرف؟

9. مين ولا اختيار من اللي فوق؟

انا أقترح اسم للكتاب ...عزيزى المواطن المصرى

^اعمل عبيط

ولا تبالى

الغبى والعبيط بيشجعوا مصر واحنا معاهم

بسم الله الرحمن الرحيم

متيحة متحت الوراق مصر القديمة

الاجابة رقم 2

...بس علشان العبط يكمل لازم حضرتك تسيبلنا رقم 09000000 علشان نتصل بيه

وعلشان انا استأثرت بالعبط كله لوحدى ممكن تعلن عن جوايز علشان العبيط اكتر يتصل اكتر وفرصته تكون اكتر من اللى عامل عبيط وموش عبيط على طبيعته

[أسد]

6. مين عارف إنه مش عبيط ومش مستعد يعمل عبيط ومقتنع حقيقي من جواه إن مايصحش الواحد لا يكون عبيط ولا يعمل عبيط؟

أنا الحالة دي ..

علشان كده مش قادر أتكيف .. ولا قادر أستوعب اللي بيحصل في مصر ..

ومش قادر أتعايش معاه ..

ومش قادر أفهم الناس مصممة ليه على اللي هي فيه ..

وناس كتير في مصر بتقول علي الراجل ده عبيط ولا إيه ....

وأعرف كويس إن شكلي بيكون عبيط وأنا باتكلم مع الناس هناك من منطلق إني مش عبيط ومش عايز أكون عبيط ومستحيل إني أكون عبيط ..

وأري في عيون الناس اللي باتكلم معاهم ..

نظرات تتكلم .. وتقول ..

هو الراجل ده عبيط ولا بيستعبط ؟؟؟