لمحبي الكاتب أحمد خالد توفيق والثقافة بشكل عام

[se_ Elsyed]

إهداء إلى الحاضر الغائب حبيب قلبي " مهيب " بضم الميم وكسر الهاء وطالما هو مش موجود يبقى أشكل الأسم براحتي وعارف إنه كان بيتضايق من كده بس بأحب أناغشه لكن كنت عارف إنه مولع بكتابات أحمد خالد توفيق

وإهداء مع حبي لصديقي الدكتور حسام يوسف

وصديقي ozozo

وكل المثقفين في الأرض

هاكمو موقع ثقافي ظريف يحتوي على العديد من الكتب الألكترونية الرائعة

وكمان لأطفالنا الحلوين اللي سنهم تحت الأربعين .. هاتلاقوا كنز من قصص تان تان وسوبرمات وباتمان وسوبر ميكيمان وماجديان وكل عائلة يان الموجود بأرمينيا وأذربيجان وخصوصاً أقليم ناجورنو كاراباخ المتنازع عليه ...

يالا عيشوا

www.rewayat2.com

[حسام يوسف]

تسلم يا ريس

وربنا يخليك لينا

وتعيش وتجيب

تحياتى من أسوان :lol:

[ozoozo]

تسلم ايدك ياباشا

واحب اضيف كمان ان الموقع ده اول موقع علي النت بينزل اعداد رويات مصريه للجيب فور صدورها-للاطفال تحت الاربعين برضه-قبل اي موقع تاني لان للاسف بعض المواقع التانيه بتستني شهر كامل قبل ماتنزل الاعداد عشان تسيب فرصه للاعداد تتباع وماتتحرقش علي النت علي طول

لكنك عارف بما اننا محبوسين هنا والاعداد مابتوصلش هنا خالص والواحد بيبقي هايموت علي الاعداد دي اول ماتنزل ومااقدرش استني شهر كامل.

تسلم ايدك

[om marawan]

ياااااااه ادى الثقافة المتينة ولا بلاااااااااش

اهو كده الواحد يقدر يحافظ على لياقته الثقافية

شكرا ياريس

انا عاوزاهم عشان احكيهم لمروان يعنى واخواته ماتفهمنيش صح :blush2:

[se_ Elsyed]

انا عاوزاهم عشان احكيهم لمروان يعنى واخواته ماتفهمنيش صح :blush2:

أه عارف عارف يا فندم

عشان كده أنا وسعت نطاق مرحلة الطفولة وخليتها تحت الأربعين بشرطة ..

سعادتك أنا باعمل ثروة ثقافية دلوقت وكملت بتاع 6 جيجا كتب أو تقدري تسميعا امهات الكتب

بجد يا جماعة .. لو حد مزنوق في كتاب مش لاقيه يسألني وأدعبس في المكتبة الألكترونية اللي عندي وأرفعهوله بعون الله

وانتظرونا في مفاجأة محضرها لكم بكره وهي لنكات مباشرة لتحميل المسرحية الرائعة " قهوة سادة "

حد يندهلي فيروز من عالقهوة هي بتحب الحاجات بتاعت ساقية الصاوي ومسرح الغرفة والحاجات المكعبلة دي ... بس بجد مش هاتندموا لو اتفرجتوا عليها .( بس ما حدش يهرج ويتفرج ساعة الماتش النوهائي بين مصر وغانا بكره الساعة 6 بتوقيت القاهرة )

تحياتي ...

أخوكم سين سين صاحب ومدير مقهى المثقفين في الأرض

[Simba]

شكرا يا استاذ سين سين لكل الروايات الاليكترونية انا من هواة قريتها من علي الموبايل رغم ان شاشة الموبايل صغيرة ومش مساعداني

تم تعديل 30 يناير 2010 بواسطة سمبا

[فــيــروز]

بجد يا جماعة .. لو حد مزنوق في كتاب مش لاقيه يسألني وأدعبس في المكتبة الألكترونية اللي عندي وأرفعهوله بعون الله

وانتظرونا في مفاجأة محضرها لكم بكره وهي لنكات مباشرة لتحميل المسرحية الرائعة " قهوة سادة "

حد يندهلي فيروز من عالقهوة هي بتحب الحاجات بتاعت ساقية الصاوي ومسرح الغرفة والحاجات المكعبلة دي ... بس بجد مش هاتندموا لو اتفرجتوا عليها .( بس ما حدش يهرج ويتفرج ساعة الماتش النوهائي بين مصر وغانا بكره الساعة 6 بتوقيت القاهرة )

تحياتي ...

أخوكم سين سين صاحب ومدير مقهى المثقفين في الأرض

على رأى "سيفود" الله يمسّيه بالخير :lol: أمّا قال على لسان الأستاذ "محمد أبو زيد" الله يمسّيه بالخير :lol: : صبحان الله

دخلت الموضوع لا بيّا ولا عليا لأنّى لست من متابعى "أحمد خالد توفيق" لسّه ألاقى اللىّ بينده و بيقول هاتوا "فيروز" .. :lol:

طيب أنا بادوّر على كتاب و طلعت عينى فعلا مش عارفه ألاقيه ولا نسخه الكترونيه ولا ورقيه .. فهل ممكن يا "س.س." يا راعى الثقافه و مسرح الغرفه و العلبه و الطبله و الرق و كافة شئ تسأل لى عليه حتى فى المكتبات اللىّ عندكم و أنا رقبتى سدّاده يا معلّم ..

الكتاب اسمه "ذاكرة ملك" و هو شبه سيره ذاتيه للملك "الحسن الثانى" ملك "المغرب" و كتبه صحفى اسمه "إيريك لوران" .. اللىّ هيشلّنى بجد إنّى رُحت معرض الكتاب و سألت عليه فى دور نشر مغربيه ألاقيهم يبصّوا لى بريبه كده و يرطنوا بينهم و بين بعض بلغه غير مفهمومه و بعدين يقولوا : مفيش .. ماتدوّريش عليه !! :lol: طيب هل ممكن يكون ممنوع رغم إنّها مذكّرات الملك بنفسه أدلى بها قبل وفاته يعنى مش كتاب المعارضه هى اللىّ طلّعته عشان أفهم سبب اختفاؤه !! :lol:

للصدف الغريبه الناشر اسمه "الشركة السعودية للأبحاث والنشر" يعنى ممكن جدّا تطلع شركه سعوديه بجد قصدى عندكم يعنى فى المملكه !!

[se_ Elsyed]

.. فهل ممكن يا "س.س." يا راعى الثقافه و مسرح الغرفه و العلبه و الطبله و الرق و كافة شئ تسأل لى عليه حتى فى المكتبات اللىّ عندكم و أنا رقبتى سدّاده يا معلّم ..

يعني عندي حوالي 6 جيجا كتب ومنهم مذكرات بالهبل ...

سيبتي ده كله وجايه تسأليني في حاجه خارج المقرر ؟

طب ما تمشيها مذكرات سعد زغلول

طب بلاش . أنا عارف في خلاف أيدلوجي بينك وبين سعد ... عندي ليكي مذكرات من فوق القفص .. أي والله ... عندي مذكرات السلطان عبد الحميد

وعندي حاجه أوضتين وصاله بمنافعهم

كما يوجد لدينا مذكرات محمد نجيب

مانا خايف يا فيروز أروح مكتبة جرير أسأل عن الكتاب الممنوع ده على حد كلامك يقفشوني .. وساعتها أنا عارف .. مش هاتعرفيني وتقولي : أسحلوه .. ولا أعرفه ... ويبقى دي السيم اللي بيقفشوا بيه الناس ... حاكم أنا عارفك

[فــيــروز]

مانا خايف يا فيروز أروح مكتبة جرير أسأل عن الكتاب الممنوع ده على حد كلامك يقفشوني .. وساعتها أنا عارف .. مش هاتعرفيني وتقولي : أسحلوه .. ولا أعرفه ... ويبقى دي السيم اللي بيقفشوا بيه الناس ... حاكم أنا عارفك

طيب خلاص بلاش :cry1:

أنا مش عاوزه أتحمّل الإحساس بالذنب لو حطّوك على قوائم الترقّب بسبب كتاب لا راح ولا جِه :cry1: الكتب كتير بس فين النفس اللىّ تقرا :cry1:

[فولان بن علان]

كتابات أحمد خالد توفيق كانت معروفة جيدا ومتابعة

وهناك اقتباسات كثيرة من كتاباته في المحاورات أيام العصر الذهبي لها قبل الهروب الكبير

https://www.riwaya.ml/