أسعار علاج الأنسلون لمرضى السكر بالسعودية

[geeemooo]

السلام عليكم اعضاء المنتدى الكرام

عاوز اعرف اسعار العلاج بالأنسولين لمرضى السكر هل هى اسعار معقولة ام مرتفعة وجزاكم الله خيرا

[fatfouta]

انت بتاخد اى نوع من الانسولين؟؟؟

وبتاخد العادى ولا القلم؟؟

اجابة سؤالك تتوقف على النوع اللى بتاخده

[geeemooo]

انت بتاخد اى نوع من الانسولين؟؟؟

وبتاخد العادى ولا القلم؟؟

اجابة سؤالك تتوقف على النوع اللى بتاخده

مش انا الى با خد يا يا أخت فتفوتة زوجتى هى الى بتاخد انسولين

وبتاخد انسولين قلم هنا فى مصر بس عاوز اعرف سعر القلم وسعر التانى لو سمحت فى السعودية وهل علاج السكر يشمل التأمين ؟؟؟؟؟؟

[fatfouta]

ربنا يشفيها ويشفى كل مريض يارب

بص حضرتك هو موضوع التامين انا مش هقدر افيدك فيه ممكن حد تانى يرد عليك فيه

بس على حد علمى انا انه لو للمدام ليها تأمين صحى فطبعا هيبقى العلاج تحت التأمين لان السكر بيندرج تحت العلاج الباطنى والغدد الصماء ........وبرضو إسأل تانى

لكن بالنسبة للانسولين القلم هو هنا بيبقى عبارة عن علبة فيها خمس اقلام كل قلم بيبقى 300 وحدة والعلبة سعرها حوالى 200 ريال تقريبا والسعر ده لنوعين الانسولين يعنى مش بيختلف من نوع للتانى ......واستمرار العلبة معاها بيعتمد على هى بتاخد كام وحدة فى اليوم وده يختلف من فرد للتانى

فيه حاجة عاوزة اقولها لحضرتك من تجربتى انا مع الانسولين اللى هنا .....انه تقريبا فى مصر بيفضل القلم مع المريض وبيتملى كل مايفضى

لكن هنا القلم لما يخلص لا يعاد استخدامه تانى

وبرضوا ليه مميزات انه الابر رفيعة جداا والمريض مش بيحس بيها (الابر فى كل الحالات بتبقى خارج التامين) يعنى بتشتريها بنفسك

[Guest انس محمد]

السلام عليكم ما هو سعر الانسولين هيمولين تركيز ٧٠/٣٠هنا فى السعودية العبوات العادية او سعر الخرطوشة اللى بتركب فى القلم