عايزه اعمل حاجة

[نور عيني]

بقالي سنة في الرياض ومش لاقيه حاجه اعملها قدمت على وظائف كتير تبع النت وما نبني منها غير المعاكسات عن طريق الموبايل فانا ابحث عن عمل تحت ظروف خاصة اولا مش عايزه ابهدل بنتي الصغيرة معايا يعني يكون في حضانه في نفس المكان اللى اعمل فيه وثانيا يكون دوام واحد علشان لما ابني يرجع من المدرسة الاقي الوقت علشان اذاكرله

بدور على شغل بالرغم اني عندي عقدة نفسية من الشغل وذلك بسبب الظروفاللى كنت عايشاها في مصر فأنا كنت في مصر بشتغل مع جوزي في نفس الشركة وكمان في نفس الادارة في شركة كويسة بمصر معروفة وكانت مواعيد الشغل من الساعة 8 الى 5.30 ويسلام على المواعيد ده في الشتا رررراااائعة احساس جميل انك خارج من الشغل بالليل

وان خلاص اليوم خلص نجي بقى لرحلة العذاب للبيت قصدي بيت ماما علشان اجيب ابني الاول من عندها بالرغم من اني كنت بشتغل في نفس الحي اللى انا ساكنه فيه وماما كمان الا اني على بال ما ارجع البيت وناكل لقمه تبقى الساعة 7.30 او 8 ولسه فابدأ اذاكر لابني اللى بيكون تعبان وعايز ينام لانه مش بينام عند ماما بيلعب بس المهم كرهت نفسي من كده وبقيت بدعي ربنا انه يرزقنا واسيب الشغل ده مع العلم ان مرتبي كان نفس مرتب جوزى بالضبط

والحمد لله ربنا رزقه بالشغل هنا في السعودية وقدمت اجازة رعاية طفل لحد دلوقت من الشغل

المشكله بقى ان جوزي محاسب والمحاسبين هنا على قد حالهم وابني في مدرسة يعني بمصاريف المدرسة مش معانا ولا ريال زيادة بل بالعكس بنسدد في ديون على طول وعلشان كده انا عايزه اعمل حاجه علشان اساعده ولكن بشغل يناسب ظروفي ومايرجعنيش تاني لحالة الاكتئاب اللي كنت فيها في مصر

معلش انا طولت عليكم جدا لكني بفضفض معاكم شوية

وعايزه اعرف ايه رأيكم في طبيعة الشغل اللى اقدم ليه والطريقة اللى الاقي بيها الشغل ده مع العلم اني محاسبة وبشتغل من قبل ما اتخرج

[عادل أبوضيف]

ندعو الله العلي القدير أن يوفقك في عمل يناسب ظروفك إن شاء الله

لكن حيث إنك جامعية ومحاسبة من الممكن أن تحصلي علي عمل في المدارس العالمية المنتشرة في الرياض

( إدارية- محاسبة - مدرسة عربي - رياضيات)

المهم تجهزي cv وتضعيها في المدارس وأكيد إن شاء الله سوف تجدي فرصة

أكثر تلك المدارس في حي السليمانية وفي منها نواحي الخزان والشميسي

المهم عدم اليأس ووضع السيرة الذاتية في أكثر من مكان دون خجل

ويارب بالتوفيق إن شاء الله

[elrasy]

انا بحيكى على احساسك بالمسئولية ومحاولتك على مساعدة جوزك

زى ما قال الاخ الكريم اهم حاجة تقديم ال cv بشكل مكثف فى اماكن كتير والله الموفق

[نور عيني]

ندعو الله العلي القدير أن يوفقك في عمل يناسب ظروفك إن شاء الله

لكن حيث إنك جامعية ومحاسبة من الممكن أن تحصلي علي عمل في المدارس العالمية المنتشرة في الرياض

( إدارية- محاسبة - مدرسة عربي - رياضيات)

المهم تجهزي cv وتضعيها في المدارس وأكيد إن شاء الله سوف تجدي فرصة

أكثر تلك المدارس في حي السليمانية وفي منها نواحي الخزان والشميسي

المهم عدم اليأس ووضع السيرة الذاتية في أكثر من مكان دون خجل

ويارب بالتوفيق إن شاء الله

اشكرك جدا على اهتمامك وبدعوتك الحميلة ده

الله يوسع رزقنا كلنا

[نور عيني]

انا بحيكى على احساسك بالمسئولية ومحاولتك على مساعدة جوزك

زى ما قال الاخ الكريم اهم حاجة تقديم ال cv بشكل مكثف فى اماكن كتير والله الموفق

الف شكر يا فندم على تشجيعي

وان شاء الله هحاول الف على المدارس اللى موجوده في الملز او الاحياء القريبة واديهم السي في بتاعتي

[عادل أبوضيف]

انا بحيكى على احساسك بالمسئولية ومحاولتك على مساعدة جوزك

زى ما قال الاخ الكريم اهم حاجة تقديم ال cv بشكل مكثف فى اماكن كتير والله الموفق

الف شكر يا فندم على تشجيعي

وان شاء الله هحاول الف على المدارس اللى موجوده في الملز او الاحياء القريبة واديهم السي في بتاعتي

يوجد في الملز مدارس كثيرة ممكن تجدي فيها فرصة عمل

1- مدارس الاقبال العالمية ( إدارتها مصرية)

2- مدارس الصقر العالمية بجوار مركز الشعلة التجاري

3- مدارس جواهر الرياض العالمية قريبة من رقم 2 جدا

4- مدارس واحة العلم العالمية شارع 30 العاليا مقابل بنده

5- مدارس نور العلم العالمية ( غرب دوار المطار القديم)

6- مدارس العروبة االعالمية ( غرب دوار المطار القديم)

دي بعض المدارس قريبة من حي الملز

وفيه هناك علي الرابط المرفق مطلوب مدرسات لمدرسة عالمية جميع التخصصات

ممكن تشوفي وتقدمي وبالتوفيق

http://www.egybox.org/vb/showthread.php?p=243428#post243428

لا يأس مع الحياة ولاحياة مع اليأس

ربنا يوفقك يارب

تم تعديل 2 فبراير 2010 بواسطة عادل أبوضيف

[nahry]

بقالي سنة في الرياض ومش لاقيه حاجه اعملها قدمت على وظائف كتير تبع النت وما نبني منها غير المعاكسات عن طريق الموبايل

بالنسبة لتجنب موضوع المعاكسات

ضعي رقم جوال زوجك في الـ CV

وبنا معاكي ويوفقك