كان شكلها حلو :)

[فــيــروز]

لا ادرى ما الذى دفعنى فى هذه اللحظه للنظر الى عدد مشاركاتى cr((:

وجدتهم 1999 ولازال الطفل فى الصوره التى تعلو العدد يبدو حائرا ولا اعرف كيف ستتغير النظره لو قدر لعدد مشاركاتى ان يصل الى 9999 !!! :)

فكرت ان اهنئ نفسى بالمشاركه رقم 2000 التى ستكونها هذه المداخله رغم ان 1999 كان شكلها حلو :P

الف مبروك يا فيروز يا حبيبتى عقبال كل الف مشاركه اما اهنيكى كده

تم تعديل 12 فبراير 2004 بواسطة فــيــروز

[الأفوكاتو]

ألف مبروك, عقبال الألفية الثالثة

[فــيــروز]

شكرا يا استاذنا :)

بس مش عارفه ليه شايفه الالفيه التالته دى بعيييييده قوى :P

هيييييييييييه دنيا cr((:

[Lancelot]

مبروك يا فيروز .... 2000 مداخلة (2012 في هذه اللحظة) ... عقبال 10000 مداخلة إن شاء الله ...

عقلي الباطن : بعد الكلمتين الحلوين دول ... هتستناني علشان أحصلها ... ده الفارق بينا حوالي 600 مداخلة فقط ...

[مصرى]

لأ .. وكمان مداخلات لها وزنها وقيمتها .. تهانينا :lol:

[CoDeR]

الف الف مبروووك يا فيروز ..

و يارب دايما منوره المنتدي بمشاركات جميله و مناقشات ممتعه ..

و تقبلي تحياتي ..

[فــيــروز]

شكرا يا لانس :)

الحقيقه لانس كان اول واحد هنانى من فتره اما عدد مداخلاتى عدى الالف تقريبا وهو اللى لفت نظرى للرقم ساعتها

على العموم خد وقتك خالص .. انا عارفه انى رغايه واما افتح ماسورة الرغى مش بتخلص بسهوله ;)

الاخ الفاضل مصرى

فينك من زمان مختفى خالص !! mfb:

تخيل انى بعد ما لقيت عدد المداخلات وصل للرقم ده سالت نفسى يا ترى نسبة المداخلات المفيده فيهم اد ايه !! بس ماكنتش متفائله زيك .. mf( ربنا يجبر بخاطرك :)

اخونا الجديد كودر "زملكاوى صح؟"

شكرا جزيلا على ذوقك و ان شاء الله تكون معانا دايما بحضورك اللطيف

[se_ Elsyed]

أيه ده إحنا فينا من عد ...

طب والله العظيم أنا ما أعرف عدد مداخلاتي لحد دلوقت ...

الف مبروك يا فيروز ( وش واحد مطلع الكلمة من ورا الضرس )

... وإن شاء الله في الألفية التالتبة نجيبلك فرقة الترانيت باند تحيي الليلة المبروكة دي ..

دي عالم فاضية يابا عماله ترص في مداخلات ... لكن مش مهم يا واد يا س س العبرة في الكيف مش في الكم .... ناقص ست فيروز بعد كده تقولنا إن مداخلاتها وصلوا ييجي 5 كيلو أو تقيسهم بالمتر وتقولنا بقوا 70 متر العرض عرضين ......

طبعاً فيروز مش هاتقدر ترد لأنها منزوعة الدسم قصدي الحصانة دلوقت .. يعني ريشة في مهب الريح .... fsh:: mfb:

[إبن مصر]

مبروك يا فيروز..وعقبال الاف والاف المداخلات المفيده ..

وطبعا نحن سعداء لان هذا شىء اسعدك..

وبعدين مين الى قال ان مالكيش حصانه.. لا طبعا دا انت فيروزه المنتدى...

سى السيد.. احممم احمممممم..

انت قلت لى لونك ايه؟؟؟؟؟؟؟؟؟؟؟ mfb:

ابن مصر........الازرق

[فــيــروز]

مش فاهمه س.س. طول عمره فاهمنى بالشقلوب ليه !! mc(:

الله يبارك فيك يا س.س. ياخويا(وش واحده مخبيه ايد الهون ورا ضهرها وبتبتسم ابتسامه صفرا) ax:

العبرة في الكيف مش في الكم

اعتقد ان ده شعار افيونه مندوب نواب الكيف فى المنتدى !! mfb:

طبعاً فيروز مش هاتقدر ترد لأنها منزوعة الدسم قصدي الحصانة دلوقت .. يعني ريشة في مهب الريح

ريشه ايه ودسم مين !! ;) ماتبطلوا شغل الفرارجيه ده !! B) يا ساتر عمره ما هينسى شغلانته الاولانيه ابدا mfb:

الاخ الفاضل ابن مصر

شكرا لتهنئتك بس والله دى مش حاجه معتاده بالنسبه لى بس لقيت نفسى زهقانه ساعة ما عملت الموضوع ده فكرت اتكلم فى حاجه مختلفه

اما بخصوص س.س. ....... لا ماتشيلش همه خالص الجدع مننا وعلينا وغربال الاشراف لسه مشدود وبكره يفك ان شاء الله :)