تيجى نعمل زى فرنسا و نلغى الرموز الدينية

[ggamal]

تيجى نعمل زى فرنسا و نلغى الرموز الدينية

و تكون مصر للمصريين بدون تفرقة

و طبعا علينا ان نحترم الفرائض التى فرضها الله نلغى الرموز فى اماكن العمل و المدارس و الجامعات

أيه رأيكم يا جماعة؟

[Mohammad Abouzied]

ماذا تقصد بالرموز الدينية ؟

[Byte]

ده موضوع عن هوية مصر الاسلامية :lol:

[ggamal]

و قبل ان نطبق القانون نرسل وزير الداخلية بتعنا لفرنسا يروح يسأل العم شيراك و يقول العم شيراك له فى مؤتمر صحفى اذا كانت مصر تريد الغاء الرموز الينية فهذا حقها حقها حقها

[ragab2]

الموضوع

ده حصل عندما تم الغاء الرموز الدينية من على السيارات

لكن الحجاب ليس رمزا ولكنه ضمن العقيدة الاسلامية وداخل ضمن الدين

[ggamal]

الحجاب ليس رمزا الكلام ده صحيح

و طبعا لما هنطبق القانون الجديد يكون ممنوع دق عصافير

[عصام]

الحجاب ليس رمزا الكلام ده صحيح

و طبعا لما هنطبق القانون الجديد يكون ممنوع دق عصافير

mfb: mf( :) :) ;)

[ragab2]

على فكرة

كان المعتقد فى السابق أن دق العصفورة يقوى النظر

قبل ظهور انفلونزا الطيور

[yasser6666]

انت بتقول فيها ياأخ جمال ...طب أقرا المقالة دي من موقع ايلاف...أدارة نادي القضاة في مصر منعت دخول منقبة ..ودي أول الرموز الدينية التي سيتم تطبيقها ومنعها في مصرنا الغالية ربما انها اصبحت لا تتماشي مع العصر الحديث وعلشان مانزعلش مننا الاجانب...رحمتك بينا يارب ...الواحد خلاص حيفرقع

[Abouhemeed]

هو المطلوب إلغاء إيه بالضبط ؟ مطلوب كلام صريح بدون لا لف و لا دوران و لا تلكيك !!! :)

[Salwa]

الاخوة الافاضل ....

اعتقد ان حجتهم الوحيدة هى ......معرفة شخصية السيدة ...

لأنهم سبق ان قالوا فى مواقف مماثلة ...ان بعض الرجال يتخفى فى عباءات ..وتجالس النساء او تراقبهم ....

وعموما ....دى اوامر عليا فعلا ......

اما الراقصات .....// ليس فقط بدلة الرقص //

لكن فى احد الفنادق المشهورة .......دائما محجوز جناح خاص ...للسلطان المشهور ...

وزيارة الراقصة المشهورة ...تحت اعين .......كل انواع الأمن ...وبمباركته ...

وهذه ..حاجة ....وهذه ...حاجة تانية !!!!!..

[montaser]

فعلا لقد حدث في الأعوام الماضية أن صدر وزير التعليم قرار بمنع طالبات المدارس الإبتدائية من إرتداء الحجاب وليس النقاب ، وعلى كل طالبة تحضر ولي أمرها ويكتب إقرار على نفسه بأنه موافق على أن إبنته تردي الحجاب .

ثم حدثت ضجة كبرى ومن المحتمل نتيجة هذه الضجة تم الحكم على قرار الوزير بوقف التنفيذ وليس الإلغاء .

إذا كيف تطالب بتطبيق القانون التي ستطبقه فرنسا الآن ، ما هو مطبق عندنا من زمان قوي . ولا داعي لذكر ما يحدث أكثر من هذا ، سواء من نقل مدرسة منقبة ، أو مدرسة تتكلم عن الأحتشام وغيره .

[amr2003]

أنا مش فاهم الأخ واضع الموضوع بيهزر ولا بيكلم جد !؟

طبعا لو بيهزر فهوّا هزار ، أما لو بيكلم جد تبقى مصيبة !

الموضوع

ده حصل عندما تم الغاء الرموز الدينية من على السيارات

فين دا يا أخ رجب ؟! النصارى يعلقون الصليب ، حتى تكاد لا تخلو سيارة من أهل الكتاب من الصليب . .

والمسلمون أيضا يضعون المصحف في سياراتهم . .

طبعا لا أريد من أحد أن يفهم من كلامي هذا أنني أوافق على هذا القانون المتخلف ! فلو لدي سيارة لن أزيل منها لا مصحف ولا سبحة . . ويمكن أحط سجادة صلاة كمان !!

الناس اللي بتتكلم عن قانون منع الحجاب في المدارس الإبتدائية ، هذا ليس قديما . . بل مازالت هي سياسة الحكومة ، همّا نفسهم بناتنا يمشوا عريانين ، بدعوى التحضر والمدنية ، همّا عايزين كده ، ونفسهم كده ، بس مش قادرين طبعا ، نتيجة للصحوة الإسلامية المباركة المتصاعدة في كل أنحاء العالم وحتى في دول الغرب . .

وقرأت من شهرين تقريبا ، إن وزير التعليم أو وكيل الوزارة كان في زيارة لمدرسة ، فقام بتعنيف المدير والسئولين في المدرسة لأنه لاحظ انتشار الحجاب بين الفتيات !!!

يعني هيّا سياسة عليا ، وتوصيات غربية . . الموضوع منتهي ومش محتاج أدلة . .

في التلفزيون ، 12 مذيعة منعوا من عملهن بسبب الحجاب ! أو بمعنى أصح عايزين يحطوهم خلف الكواليس ، لكن الظهور على الشاشة الفضية ممنوع . .

ربنا يهديهم على أيدينا

[Cleo]

انت بتقول فيها ياأخ جمال ...طب أقرا المقالة دي من موقع ايلاف...أدارة نادي القضاة في مصر منعت دخول منقبة ..ودي أول الرموز الدينية التي سيتم تطبيقها ومنعها في مصرنا الغالية ربما انها اصبحت لا تتماشي مع العصر الحديث وعلشان مانزعلش مننا الاجانب...رحمتك بينا يارب ...الواحد خلاص حيفرقع

<IFRAME WIDTH=550 HEIGHT=400 SRC=http://www.elaph.com:9090/elaph/arabic/frontendProcess.jsp?SCREENID=article&COMMAND=fe.article&FEPAGEPARM=1076837376192042000></IFRAME>

لم أتمكن من الاحتفال بخطوبتى فى أى من الدور العسكرية نظرا لأن لى عم - لا مؤاخذة - ملتحى..!! و كما فهمت منه فإن الملتحين ممنوعون من دخول الدور "النوادى" العسكرية...

مش عارفة ليه الحركة دى فكرتنى بالإنجليز لما كانوا محتلين الهند و كانوا يحطوا يافطة على أبواب نواديهم "ممنوع دخول الكلاب و الهنود"... !!!!!

[se_ Elsyed]

انت بتقول فيها ياأخ جمال ...طب أقرا المقالة دي من موقع ايلاف...أدارة نادي القضاة في مصر منعت دخول منقبة ..ودي أول الرموز الدينية التي سيتم تطبيقها ومنعها في مصرنا الغالية ربما انها اصبحت لا تتماشي مع العصر الحديث وعلشان مانزعلش مننا الاجانب...رحمتك بينا يارب ...الواحد خلاص حيفرقع

<IFRAME WIDTH=550 HEIGHT=400 SRC=http://www.elaph.com:9090/elaph/arabic/frontendProcess.jsp?SCREENID=article&COMMAND=fe.article&FEPAGEPARM=1076837376192042000></IFRAME>

لم أتمكن من الاحتفال بخطوبتى فى أى من الدور العسكرية نظرا لأن لى عم - لا مؤاخذة - ملتحى..!! و كما فهمت منه فإن الملتحين ممنوعون من دخول الدور "النوادى" العسكرية...

مش عارفة ليه الحركة دى فكرتنى بالإنجليز لما كانوا محتلين الهند و كانوا يحطوا يافطة على أبواب نواديهم "ممنوع دخول الكلاب و الهنود"... !!!!!

وعلى فكرة دور الافراح العسكرية بتمنع أيضاً دخول الرجال المرتدين جلاليب بلدي ... مع إن فيه مليارديرات في مصر ولازالوا يعتزون بلبس هذا الزي الذي يراه العسكريون عاراً أو غيرلائق .....!!!!!!!!!!

[Abouhemeed]

أعزائي لمجرد الخروج من جو التوتر و الإكتئاب في هذا الحوار أقدم لكم قصيدة .. تحرير النسوان ... التي سبق و أن قدمتها في باب الشعر

و هي تتحدث بلسان مدعي حرية المرأة و التنوير المبثوثين في مجتمعاتنا و حججهم الواهية و أسبابهم الشخصية لنشر الدعاوي الباطلة بأن المرأة المسلمة مسلوبة الحرية و القدرة و الإرادة و يلزم تحريرها من نير العبودية المثمثل في حشمتها و فضائلها المعروفة و عفوا على التكرار

بسم الله الرحمن الرحيم

صلوا على المصطفى يا أهل بلدي يا أهل الوفا

انسوا اللي فات و كفاية قر وحسد و مُنــاكفة

قاعدين عنيكم علينا تنقروا و إحنا طالبين الشفا

دا السم تحت اللسان يا ناس و إحنا ناس متكلفة

مهمتنا إن إحنا نبذل كل ما في الإمكان لنحرر النسوان

حرية كاملة تمام التمام مش حرية زي حرية أيام زمان

ستاتكم يدخلوا و يخرجوا بدون سؤالهم تلت التلاته كام

نلبسهم إحنا اللي على مزاجنا و شرطنا ما فيش احتشام

قدامكم أهم لا ناقصين إيد و لا رجل عن أيتها إنسان

بحلقوا بعينكم تلاقوهم رسم و كسم آخر حلاوة ف البنيان

و كل شيء مكشوف قدامكم ما تلقوا عيب في الأجسام

و لو تحشموا يبقوا زيكم متخلفين ناقصين عقل كمان

من النهار دا عدالة و مساواة حتى ما فيش نون للنسوه

يعني كلنا نحن و كلهم هم وهن م الذاكرة تنمحى و تنسى

يعني الخلاصة يبقى ما فيش فرق بين كل ذكر و أنثى

بالعبارة ما تعرفشي دا من دي و العقل يا خد له لحسه

طبعا من الأول متفقين على إن الختان للبنات ممنوع

و بكره راح نتفق إنه للأولاد كمان شيء مش مبلوع

الإنسان جسمه ملكه هو مش ملك أهله و ملك شيوع

يتصرف فيه هو بمزاجه لما يكبر و لو أجره أسبوع

من الحضانة نربي الجيل على حرية الجنس و الإنجاب

بابا و ماما إزاي جابوهم و كل ما يقال من وراء الباب

يصبح عيالكم فاهمين واعيين عارفين واخدين بالأسباب

يا فرحكم لما يتفوقوا و يروحوا يجربوا بدون أي كتاب

البنت من حقها تختار أي صديق براحته يدخل و يخرج

و فنص الليل لو لقيته سهران معاها تسكت و لا تحرج

ما كل الناس بقوا باردين ثلج بقوا كده براميل بتدحرج

و أنت لسه عامل لي حمش و الشرف أصبح بيتجمرج

من حقهم يشتغلوا في كل مكان حتى قبل فتى الفتيان

طول ما المؤهلات موجودة و مستخبية في السوتيان

المهم تحوز الرضا و حسب المقاس يتعينوا بإعلان

البطالة كثير بس للغلبان أما الملحلح يتخلق له مكان

صحيح أنا متفق وياك إنهم أثبتوا في العلم جداره

في المدارس و الجامعات كلهم كانوا آخر شطارة

و بل في أغلب الأعمال طب و هندسة و إدارة

بس دورهم في الأسرة لازم يترمى فقعر بيارة

ما تقوليش إن الكلام دا يخالف العرف و الدين

يا عالم اتنوروا و اتحضروا و انسوا بقى الاثنين

نفعتكم بإيه بقى أخلاقكم بخلافكم مع زرق العين

أهم على قفاكم آكلين شاربين و انتم كده موطيين

أنا موش مقتنع باللي بأقوله و لكن لازم أدور بزمارة

لازم نفسد الأمة من جذرها و لا نقول يوم يا خسارة

هي دي الأوامر لنا ننفذها و كلامنا كله لكي يا جارة

بكده نحوز رضاها و قبولها و نقدر نبني لنا عمـارة

صلوا على المصطفى يا أهل بلدي يا أهل الوفا

انسوا اللي فات و كفاية قر وحسد و مُنــاكفة

قاعدين عنيكم علينا تنقروا و إحنا طالبين الشفا

دا السم تحت اللسان يا ناس و إحنا ناس متكلفة

أبو حميد المصري

[إبن مصر]

الاستاذ الفاضل..

كانت كافيا ان تورد وصله موضعك والذى يحوى القصيده وهذه ثالث مره تورد قصيده فى سياق موضوع خارج باب الادب والشعر.

برجاء حفاظا على عدم تشتت الموضوع ان نلتزم بخط الحوار وان كان فلتورد وصله فقط.

شاكرين حسن تعاونك

الاداره

ابن مصر

[ragab2]

الموضوعالموضوع

ده حصل عندما تم الغاء الرموز الدينية من على السيارات

فين دا يا أخ رجب ؟! النصارى يعلقون الصليب ، حتى تكاد لا تخلو سيارة من أهل الكتاب من الصليب

ده حصل عندما تم الغاء الرموز الدينية من على السيارات

أتكلم

عن قانون صدر بالفعل فى مصر بمنع وضع علامات طائفية خارج السيارة وليس داخلها