أجانب ولا لا مؤاخدة مصريين ؟

[afiona]

http://www.ahram-eg.com/arab/ahram/2004/2/...2/14/POST1.HTML

إقتباس بتصرف:

.....طلبت بوليس النجدة لإنقاد أختى والعائلة من اليخت المحترق ففوجئت بسؤال: هل هناك أجانب على اليخت؟

وعندما جاوبت بلا لم يهتم بالأمر...

اللواء بحرى/ أفيونة

مكافحة مخدرات

[Salwa]

قرأت نفس الخبر بالأمس صباحا ....ولم اتعجب ..وكنت اريد انا ايضا ان اعلق عليه هنا ..

انا ارى فى مواقف اخرى كثيرة ..كيف تفتح الابواب المغلقة للسائح ...// ده بيدخل عملة صعبة ...خالص..للبلد //...// وان حصل له حاجة ؟؟ نودى وشنا من الناس الخواجات فين ؟؟؟..يقولوا ايه علينا ...مش قادرين نحميه ؟؟ //...

وكما سبق ان قلت .........كل الخدمات ...فى كل الدول العربية بلا استثناء ....متاحة للسياح الأجانب ...اى ....الذين لا يتحدثون اللغة العربية ....ومش لونهم اسود ...ياى ..

ده مرض.....

صعب ..بل من الاستحالة ..شفاؤه......فى الوقت الحالى ..

اذا كان رب البيت بالدف ضارب .......فشيمة اهل البيت ..الطبل والزمر..

كلهم نايمين ...

مين يصحى مين ؟؟؟

والحمدلله ..ان الناس دى تم انقاذها بواسطة احباءهم ....

والتعليق...........لاتعليق..

وعمار يابلادنا ...يا ام اولادك ...

نظرة .....نظرة واحدة للمواطنين ..يا اسياد ..

[فــيــروز]

مش عارفه ليه دونا عن كل اخبار البريد بالامس اختارت امى هذه القصه لتقراها على وانا باشرب شاى العصارى و باستمتع بالاجازه !!

ولقيت نفسى باسال نفسى : طيب وليه الست ماقالتش للى كلمته فى التلافون ان الناس دى اجانب !! ولا دى كانت تعتبر كذبه و الكذب حرام !!

الحقيقه ده الشئ الوحيد اللى فكرت فيه ساعتها لان باقى القصه معروف كلاكيت 7000 مره !!

[ragab2]

ولقيت نفسى باسال نفسى : طيب وليه الست ماقالتش للى كلمته فى التلافون ان الناس دى اجانب !! ولا دى كانت تعتبر كذبه و الكذب حرام !!

لوحدث هذا

يمكن أن تلفق لهم تهمة ازعاج السلطات

لادعائهم كذبا بوجود أجانب

[Abouhemeed]

يا إخوانا إنتم موش عارفين إن كل شيء في البلد بيتعمل علشان الأجانب ، يعني لما واحد يشتكي من الزباله في شارعه دائما يقول و هذا يراه السياح ، أما إحنا متعودين على الزباله ، و متعودين على الغرق ، و متعودين على الموت في الحرائق و تحت أنقاض العمارات و من سوء التغذية و سوء الأخلاق أما الأجانب يا حبة عيني دول ناس إحساسهم مرهف و لا يجب أن نؤذي مشاعرهم و نحافظ عليهم و طبعا الأجنبي الأمريكي نمره 1 و الأوروبي نمره 2 و الآسيوي نمره 3 و العربي حسب جيبه و إبن البلد حسب قرابته و علاقته بصاحب المخل ... يعني ما تزعلوش بالقوي كده ...

[montaser]

لا عجب في ذلك ، فكلها أمور تحدث في كل مكان ، حتى أخذ الأجانب عنا هذه الفكرة وبدأوا في التعامل معنا من هذا المنطلق ، وسأكتب لكم قصة واقعية حدثت عندنا في الشركة ، ولا عجب في ذلك فحكوماتنا هي التي فعلت كل هذا :

قامت الشركة باستقدام أحد المهندسين الكنديين ، وقد تم تحديد راتبه قبل أن يحضر إلى مقر الشركة على أنه كندي ، وعند وصوله ومكوثه بالشركة حوالي شهرين بدأ في الحديث معنا باللغة العربية ، فعرفنا في النهاية بأنه في الأصل عربي .

وللأسف الشديد المدير كان بريطاني ، وعندما علم بأن المذكور كان أصله عربي ، تم إخطاره بتخفيض راتبه ، وفي النهاية المسكين رفض ، وتمت موافقة صاحب الشركة لإتاحة الفرصة له بالبحث عن جهة عمل أخرى .

هذا هو الفرق بين الأجنبي والعربي ، فلا تتعجبوا مما يفعله المسئولين بالدول العربية بمواطنيهم .

فالآن يوجد مجموعة تطالب بإنشاء حزب جديد ينادي بعدم عروبة مصر ويقول بأنها فرعونية .

فما قولكم في هذا ، وهذا هو الفرق بين العربي والأجنبي .

تم تعديل 15 فبراير 2004 بواسطة montaser

[afiona]

لوحدث هذا....يمكن أن تلفق لهم تهمة ازعاج السلطات

....لادعائهم كذبا بوجود أجانب

بس أنا يا دكتور رجب كنت أتمنى إن ده يحصل، لأن بوليس النجدة و شرطة المرافق و "المجارى" المائية كانوا حيروحوا غصب عن عين أبوهم وينقدوا الأجانب العسل دول. تصور منظرهم بعد لما يكتشفوا المأساة والخدعة بتاعة الناس المصريين دول وإنهم ضربوا المشوار علشان ينقدوا شوية كائنات بشرتها سمرة و معاهم باسبور أخضر قد فردة الشبشب...

أنا متأكد إنهم كانوا حيسبوهم يتحرقوا بلا وجع دماغ وقرف...

وبعدين دول حيتحرقوا بالنار علشان كدبوا....يبتدوا بدرى شوية...

ومش بعيد مركب الإنقاد يشغلوا أغنية:(آه يا نارى منك)...أو (نار يا حبيبي نار).....

الحقيقه ده الشئ الوحيد اللى فكرت فيه ساعتها لان باقى القصه معروف كلاكيت 7000 مره !!

لأ مش معروف، لأن كل يوم كارثة جديدة بإسلوب مختلف، وقد أزدهرت مبيعات أخبار الحوادث والأنسب تسميتها أخبار الكوارث.

يا إخوانا إنتم موش عارفين إن كل شيء في البلد بيتعمل علشان الأجانب ، يعني لما واحد يشتكي من الزباله في شارعه دائما يقول و هذا يراه السياح ، أما إحنا متعودين على الزباله ، و متعودين على الغرق ، و متعودين على الموت في الحرائق و تحت أنقاض العمارات و من سوء التغذية و سوء الأخلاق أما الأجانب يا حبة عيني دول ناس إحساسهم مرهف و لا يجب أن نؤذي مشاعرهم و نحافظ عليهم و طبعا الأجنبي الأمريكي نمره 1 و الأوروبي نمره 2 و الآسيوي نمره 3 و العربي حسب جيبه و إبن البلد حسب قرابته و علاقته بصاحب المخل ... يعني ما تزعلوش بالقوي كده

أبو حميد....عندك حق...أنا عمرى ما نظرت للموضوع من وجهة النظر دى.... مع إختلافى فى ترتيب الجنسيات...قوللى ليه: ليه؟ قولتلى ليه؟ ليه؟ أقولك ليه؟ ليه؟ لا يصح وضع الأجنبى (غربى أو عربى) مع المصرى فى مستوى واحد أو فى مقارنة...عيب، من أمتى؟....راجع نفسك..... دى مسألة مستويات وأرزاق ومش عيب نعترف إن إحنا أقل...المصرى (بكافة كائناته) فى المستوى الأخير...

جوه المستوى المصرى، الإنسان المصرى هو الأخير برضه...عارف موضوع القمح والبرسيم؟

[فــيــروز]

انا رايى انهم كانوا هينقذوا الجماعه

وبعدها يسنوا قانون فى الخباثه يقول ان اى بلاغ ييجى بعد كده لازم ياخدوا نمرة الباسبور الاول من المتصل و بعدين يسالوا فى الجوازات اذا كان الرقم فعلا لجواز سفر اجنبى الجنسيه و بعدين يبتدوا يتحركوا على بركة الله عشان يلحقوا الجنازه

لأ مش معروف، لأن كل يوم كارثة جديدة بإسلوب مختلف، وقد أزدهرت مبيعات أخبار الحوادث والأنسب تسميتها أخبار الكوارث.

لا بس انا كنت عارفاه بقى بالعند فيك :rolleyes: ماتزعلش يا افيونه ما قصدته ان التفرقه فى المعامله بين المصرى و الاجنبى اصبح شئ عادى لا يعلق عليه اى وزير او حتى يحاول نفيه و تبرئة وزارته منه