العقد الاسترشادى والعقد الحقيقى

[mama nona]

السلام عليكم

الاخوة الافاضل المغتربين

زوج اختى مهندس وجايله تعاقد مع شركة فالدمام عن طريق شركة سفريات الفيحاء فى اسكندرية

حد عنده اى معلومات عن الشركة دى

يعنى سمعتها كويسة ولا نصابين

هما قالوله هتمضى على عقد هنا وبعد 3 شهور من سفرك هتمضى على عقد تانى هناك

يبقى كده هيمضى على العقد الاسترشادى ولا ايه؟

كل حاجة بيسأل عنها فالعقد بيقولوله حسب قانون العمل السعودى

ومبيدوش اى رد تانى

سألنى ايه الفرق بين العقد الاسترشادى والعقد الحقيقى عالطبيعة

يعنى ده بيكون مكتوب فيه ايه والحقيقى بيكون مكتوب فيه ايه

مع العلم انهم قالوله انه العقد ال هيمضى عليه هنا هيتوثق من السفارة عادى

قلت ارجع لاهل الخبرة فالمموضوع ده

ازاى بقى نتعرف عالعقدين وايه الفرق بينهم وايه البنود ال بتكون فى كلا من العقدين

شكرا ليكم

[rewsha]

شوفي يا ماما نونه

طالما في عقدين ....يبقى في لعب علطول

العقد الاسترشادي اللي هايمضي عليه في مصر واللي هايتوثق من السفاره زي ما قالوا له .هوه ده العقد اللي بيحمي جميع حقوقه اللي المفروض ياْخدها بجد

انا عن انهم هايمضوا معاه عقد تاني بعد ما يوصل السعوديه ب 3 شهور ...فتاْكدي ان حقوق كتيره من اللي المفروض ياخدها مش هاتبقى مكتوبه فيه

كمان ممكن يكونوا مغيرين في المرتب والمميزات

والسؤال هنا

همه ليه هايكتبوا عقدين ؟؟؟؟؟؟؟؟؟؟

ممهو كل الناس بتمضي عقد واحد وبتسافر عليه ...ايه اللي يمنعهم انهم يبعتوا له العقد بتاعه متوثق من الغرفه التجاريه وهوه يمضي عليه ...الا لو كان في حاجه غلط همه مش عاوزين يوروهاله من الاول

وهايعرفها بعد ما يسافر ويبقى تحت ضرسهم

نصيحه .....بلاااااااااااااااش يسافر على العقد ده

والناس المحترمه بتبان من العقد بتاعها ..لو بنود العقد محترمه يبقى الناس محترمين

لكن لو الناس دول مش راضيين يوروني العقد بتاعه اصلا ...يبقى ياترى هايبقوا محترمين وحاطين فيه بنود محترمه تحافظ على حقوقي؟؟؟؟؟؟

[adrianocrespo]

شركه السفريات دي في واحد صديقي له تجربه صعبه معاهم

و موضوع العقدين ده مش مريح علي الاطلاق

اكيد في حاجه غلط

مش عارف ليه مبستريحش لمكاتب السفريات اللي في الاسكندريه

[rewsha]

شركه السفريات دي في واحد صديقي له تجربه صعبه معاهم

و موضوع العقدين ده مش مريح علي الاطلاق

اكيد في حاجه غلط

مش عارف ليه مبستريحش لمكاتب السفريات اللي في الاسكندريه

انا مع حضرتك في ان موضوع عقدين مش مريح ابدا

لكن احنا اتعاملنا مع مكتب النيروز في الاسكندريه وبصراحه كانوا كويسين وماحصلش منهم حاجه

والمكان اللي زوجي جه عليه هنا طلع الحمد لله كويس

[the consultant]

بدون تعميم انا لا اعلم شئ عن الشركة و لكن موضوع العقدين ده وارد و الغقد الاول يستخدم فقط في انهاء الاجراءات في مصر و بيرسل موقع من رب العمل من المملكة و الصحيح انه بيكون اختصار للعقد الثاني الذي يتم توقيعة في مقر رب العمل . بمعنى اخر العقد الاول غالبا ما يشمل البنود الاساسية او ما نسميها قانونا الجوهرية . و البنود الجوهرية في عقد العمل هي على سبيل المثال طبيعة العمل و نوعة و المقابل المادي و العيني و مكان العمل .

ما أود قوله هو الا نتسرع بالقول ان فكرة العقدين تفرض التلاعب و الغش . فطالما ان العقد الاول مستوفي البيانات الجوهرية و موقع من رب العمل و طالما كان رب العمل شركة محترمة فلا داعي للقلق.

[rewsha]

بدون تعميم انا لا اعلم شئ عن الشركة و لكن موضوع العقدين ده وارد و الغقد الاول يستخدم فقط في انهاء الاجراءات في مصر و بيرسل موقع من رب العمل من المملكة و الصحيح انه بيكون اختصار للعقد الثاني الذي يتم توقيعة في مقر رب العمل . بمعنى اخر العقد الاول غالبا ما يشمل البنود الاساسية او ما نسميها قانونا الجوهرية . و البنود الجوهرية في عقد العمل هي على سبيل المثال طبيعة العمل و نوعة و المقابل المادي و العيني و مكان العمل .

ما أود قوله هو الا نتسرع بالقول ان فكرة العقدين تفرض التلاعب و الغش . فطالما ان العقد الاول مستوفي البيانات الجوهرية و موقع من رب العمل و طالما كان رب العمل شركة محترمة فلا داعي للقلق

انا لا اتفق مع حضرتك في النقطه دي خالص

لما هوه العقد الاولاني مستوفي البيانات وموقع من رب العمل والشركه محترمه

يبقى ليه في عقد تاني ؟؟؟؟؟؟؟وازاي يكون العقد الاولاني اختصار للعقد التاني

اللي بيحصل حضرتك ...هوه العكس ...وده قابلنا كتير في رحله التدوير على سفر

العقد الاولاني بيكون هوه اللي شامل كل حاجه تضمن لك حقوقك من مرتب وبدل سكن وتذاكر واجازات وتاْمين طبي ومكافاءه ...

يبقى حضرتك تتوقع ان العقد التاني هايكون فيه ايه؟؟؟؟؟؟؟؟؟

دي حصلت معانا شخصيا وكذا مره

العقد الاولاني شامل جميع حقوقك وواجباتك

العقد التاني بيكون شامل واجباتك بس ....اما حقوقك بتكون مختصره جدا وتقريبا مش مكتوبه

لكن لحظنا الحلو

انهم بعد ما مضينا العقد الاولاني

ورونا العقد التاني قبل ما نسافر علشان ما يبقاش في مشاكل بعد السفر لاْن الاطباء بالذات كان في تدقيق جامد على العقود بتاعتهم ولازم تتوثق من كذا جهه في مصر

والخلاصه

ليه تدفع اكتر ........لما يكون في ايدك تدفع اقل ؟

قصدي

ليه توافق على حاجه انت لسه هاتشوفها بعد السفر وانت في ايدك عقد واضح امام عنيك وفي ايدك

يعني تجيبها يمين ....تجيبها شمال

مش راكبه خالص ...ان العقد اللي هايوثقوه وتسافر بيه من مصر هايكون عقد مختصر وان بعد السفر هاتشوف الافضل

ايه يعني

همه خسرانين ورقه زياده يكتبوا فيها التفاصيل

ولما الواحد يسافر هايبقوا يوضحوا له التفاصيل في عقده التاني؟

[the consultant]

انا لا اتفق مع حضرتك في النقطه دي خالص

لما هوه العقد الاولاني مستوفي البيانات وموقع من رب العمل والشركه محترمه

يبقى ليه في عقد تاني ؟؟؟؟؟؟؟وازاي يكون العقد الاولاني اختصار للعقد التاني

اللي بيحصل حضرتك ...هوه العكس ...وده قابلنا كتير في رحله التدوير على سفر

العقد الاولاني بيكون هوه اللي شامل كل حاجه تضمن لك حقوقك من مرتب وبدل سكن وتذاكر واجازات وتاْمين طبي ومكافاءه ...

يبقى حضرتك تتوقع ان العقد التاني هايكون فيه ايه؟؟؟؟؟؟؟؟؟

دي حصلت معانا شخصيا وكذا مره

العقد الاولاني شامل جميع حقوقك وواجباتك

العقد التاني بيكون شامل واجباتك بس ....اما حقوقك بتكون مختصره جدا وتقريبا مش مكتوبه

لكن لحظنا الحلو

انهم بعد ما مضينا العقد الاولاني

ورونا العقد التاني قبل ما نسافر علشان ما يبقاش في مشاكل بعد السفر لاْن الاطباء بالذات كان في تدقيق جامد على العقود بتاعتهم ولازم تتوثق من كذا جهه في مصر

والخلاصه

ليه تدفع اكتر ........لما يكون في ايدك تدفع اقل ؟

قصدي

ليه توافق على حاجه انت لسه هاتشوفها بعد السفر وانت في ايدك عقد واضح امام عنيك وفي ايدك

يعني تجيبها يمين ....تجيبها شمال

مش راكبه خالص ...ان العقد اللي هايوثقوه وتسافر بيه من مصر هايكون عقد مختصر وان بعد السفر هاتشوف الافضل

ايه يعني

همه خسرانين ورقه زياده يكتبوا فيها التفاصيل

ولما الواحد يسافر هايبقوا يوضحوا له التفاصيل في عقده التاني؟

والله انا احترم رأيك بشدة ولكن .....

شركة محترمة أقصد ان بيكون قبل العقد في job offer و يتم الاتفاق فيه على كافة التفاصيل (على فكرة انا اعمل مستشار قانوني بجدة و هذا السيناريو حصل معايا بالظبط )

بعد ما استلمت ال job offer اللي فيه كافة التفاصيل ناقشته by email و كل الايميلات اطبعت طبعا لانها اثبات بعد كدة لما رحت شركة السفريات كان في العقد الاسترشادي و هو كما قلت صفحة واحدة فيها البيانات الجوهرية ( بنسميه قانونا ملخص عقد) يعكس كل شئ جوهري و لما سافرت مضيت على التاني و كان نفس البنود بالضبط بس أكثر تفصيلا مع زيادة بعض البنود اللي مالهاش لازمة مثل يلتزم العامل باحترام مرؤؤسية و يلتزم العامل بقانون العمل السعودي و بالكود اوف كوندكت و الكلام ده

عشان كدة بقول لو الشركة محترمة اكيد مش حتحط نفسها في موقف انها تجيب موظف من مصر بوعد ب 5000 ريال و لما ييجي تقوله لا هما 3000 . هو دة اللي انا اقصدة بس مش معنى كدة ان كل الناس ولاد حلال . حضرتك ممكن تمضي عقد كامل في مصر و بعدين لما تيجي بردة تلاقي حاجة تانية خالص. انا شايف انها أولا و أخيرا تعتمد على الشركة ثم الشركة و مدى مصداقيتها

[rewsha]

انا شايف انها أولا و أخيرا تعتمد على الشركة ثم الشركة و مدى مصداقيتها

اناباتفق مع حضرتك في النقطه دي

لكن المشكله بقى لو الواحد بيتعامل مع مكتب سفريات اوشركه وهوه مش عارف اذاكانت محترمه وله لا

في الحاله دي متهياْلي يبقى لازم يكون حذر جدا من موضوع العقدين دول

[م خالد]

بصي يا استاذه ومن الاخر سيبك من موضوع العقد اللي هيتكتب هناك ده هوه مش فية عقد هيتكتب هنا وهيمضي علية . خلاص يحط فية كل شروطة والمميزات اللي هوه شايفها بس هوه الموضوع انه همهة خايفين مثلا يكتبو راتب 4000 ريال ويطلع الشخص ده مش كويس ومثلا ما يستاهلش غير 3000 فمن الاخر يتكتب في العقد مثلا الراتب في اول 3 شهور وهم فترة الاختبار يكون 3000 وبعد ذلك يذداد ليصبح 4000 بس ادي كل الحكاية

[drosama]

السلام عليكم

الموضوع ليه بنصعبه على نفسنا

1-الشركة اللى بتغير عقودها يعنى بتتحايل علشان تجيب واحد من بلده وتتمشى مع نظام بلده وبعد ما ييجى تغير العقود لا اعتقد ان الموضوع يكون مطمئن

2- تغيير عقد بعد 3 شهور يعنى خلال فترة التجربة غالبا يكون هدفه تغيير مميزات العقد

3- الاسهل من كل هذا التفكير ان حضرتك تسألى عن الشركة فى السعودية وتعرفى ظروفها ايه بالضبط وده بيكون اضل .