ضعف الجاليات المصرية في كل مكان

[الغريب]

فعلا نحن نواجه حالة من الهزلان والضعف في الشخصية المصرية، سبحان الله نحن الوقود المحرك في دول الخليج ومع ذلك لاتجد لنا أثر وقوة على هذه البلاد،كان بأمكان الدول أن تقدم دعمها لمصر فقط من خلال نفوذ المصريين بها ولكننا بلا نفوذ ولا ننظر إلا لمصالحنا الشخصية..

قررت طرح هذا الموضوع بعدما أثاراني توجه الصحف الكويتية في أن أي جريمة تحدث من شخص مصري ينشروها ويبينو جنسيته أنه مصري مما يساهم في تشويه سمعة الجالية المصرية بالبلاد ولكن أي جريمة تحدث من أي جنسية عربية يقولون "عربي يفعل كذا" ولو إماراتي أو قطري أو.. أو.. يقولون "خليجي فعل كذا" حتى بعض الجنسيات الأسيوية يحترموها ويقولون "تم القبض مثلا على شخصين من اأسيويين"..

أنا هنا لا ألوم الحكومة المصرية ولكني ألوم المصريين أنفسهم .. أين الصحفيين المصريين الذين يملئون مباني الجرائد الكويتية ليتخذو موقف من تشويه جنسيتهم دون

كل الجنسيات ؟

سبحان الله .. المصريين منهم المهندسين والأطباء والمستشارين الذين يملئون الكويت ولكن دون أي ثقل يذكر لهم ؟

أخواني .. أنا لا ألوم الدول العربية أبدا ولكن أين الخلل أجيبوني ؟ هل في طبيعة المصري أم في ضعف الحكومة المصرية أم في ماذا بالضبط

رجااااااء أجيبووووني :wub:

[khaleds]

هوا احنا لينا نفوذ فى بلدنا علشان يبقى لينا نفوذ بره بلدنا

وزيد على كده ... احنا فى دول الخليج واقفين على فرن عيش

:wub: :lol: :lol: :wub: md2: :D :sad: wst:: :sad:

تم تعديل 4 فبراير 2010 بواسطة khaleds

[Diab]

احنا عاملين زي ديل السمكة

صحيح السمكة متعرفش تتحرك من غيرها

لكن اول حاجة بتترمي في السمكة هي الديل

فهمت

اتفرج علي فيلم ديل السمكة لوحيد حامد :wub:

[pocy]

حكايه بسيطه لكن مفجعه

مدرسه مصريه تسكن فى احدى سكن الوزاره اتصلت بالسايق الي بيوصلها هى وزميلها للمدرسه وبيرجعهم للسكن علشان يوصلها مشوار فتاخر عليها وقالها م هقدر اجى راحت ركبت ونيت تخيلوا ايه اللى حصل اخدها الونيت وقالها هشيكى فى حته مختصره وبعدين للاسف اخدها منطقه مخيمات وعمل الفاحشه واتصل بتلاته من اصحابه وكانت للاسف انسه وتركوها فى الصحراء الى ان استطاعت ان تخرج للشارع الرئيسي وركبت تاكسي وصلها للشرطه وعندما قالت للضابط اوصاف المشتبه فيهم وانها كانت راكبه ونيت من المنطقه الفلانيه قالها ما اقدر افيدك طالما مش عارفه رقم العربيه ولا تعرفي حد منهم روحى سوي عمليه وابقي ديري بالك على نفسك تخيلوا

البنت رجعت مصر وسابت راتبها ومستحقتها ورجعت الى مصر خائبه الامل فى العثور على الذئاب

ماذا فعلت معها الجاليه المصريه فماذا قدم لها الاخوه المصريين فى الكويت الكل قال يالا نفسي

حكايه ابسط ولكن ليست للمصريين فقط

واحد كويتى عامل شركه وهميه فى شقه ومنزل اعلان واى واحده كانت بتتدخل عنده بيقفل الباب عليها ويسلبها اعز ما تملك و لم يتم اكتشاف هذا الراجل الا من واحده بعد مئات سبقوها لم يريدوا فضح انفسهم وفضحت نفسها لكى تنقذ الالاف اخري بسبب البحث عن الوظيفه تخيلوا معاى الفاجعه الكبري

والله من ساعه ما سمعت الخبر في الجريده وانا مش بقيت بدور على شغل وخايفه من اى شئ وربنا هو الستير يارب

انا اسفه ان حكايتى فظيعه بس للاسف حقيقه واقعه

انا معروض على وظيفه محدش يحلم بيها والله بس علشان قلقانه من الحكايات اللى بسمعها رفضه انى اروح الا لما زوجى يروح معاى ويدخل معاى المقابله غير كده عنى ما اشتغلت ولو كان على رقبتى حد السيفولا هنموت من الجوع واسفه للاطاله

تم تعديل 4 فبراير 2010 بواسطة pocy

[Amr Radwan]

مش هتكلم كتير ,,

اي جالية بيكون لها حكومة قوية تسندها و جالية متماسكة و تقف جمب بعضها ..

و احنا للاسف لا عندنا ده و لا ده

خلص الكلام ..

[Simba]

احنا محترفين كلام وشعارات وحماس مش بياخد اكتر من دقايق لاي حاجة

انا فاكر من 4 سنين جريمة بشعة جدا عملتها خادمة فلبنية قتلت ام وابنها ورغم بشاعة الحدث الا ان الحكومة الفلبنية اتفقت مع اكبر 6 من المحامين في الكويت غير المفاوضات الكثيرة لقبول الدية خادمة تستحق الشنق صحيح لكن اللي يلفت النظر وقوف الحكومة جنبها

فعلا في الجرائد الكويتية دايما نلاحظ لو مصري عمل حاجة بيكتبوا مصري الجنسية بس ممكن نبص لها من نااحية تانية لو متابعين اخبار الحوادث في الجرائد هتلاقي بشكل يومي القبض علي اسيويين او خليجيين حكاية مصري دي كل فين وفين ويمكن ده اللي بيخليهم يركزوا علي كتابة الجنسية المصرية

بالنسبة للحوادث اللي ذكرتها مدام بوسي دي ممكن تحصل في اي بلد واي وقت والجالية المصرية مش مطالبة انها تقوم بدور الشرطة هي اللي بتقوم بيه

الجالية المصرية في الكويت رغم تعدادها الكبير لكن ايه الانشطة اللي بتقوم بيها سواء كانت ثقافية ولا رياضية مفيش اي حاجة

تفرقنا هنا كمصريين بيزود احساس الغربة علي الغربة نفسها

الجالية الهندية والفلبنية بشوف بصراحة كأنهم عايشين في بلدهم والمصريين عايشيين علي النت بيقولوا ياريت ولو كان

[لماضة مصرية جدا]

حكايه بسيطه لكن مفجعه

مدرسه مصريه تسكن فى احدى سكن الوزاره اتصلت بالسايق الي بيوصلها هى وزميلها للمدرسه وبيرجعهم للسكن علشان يوصلها مشوار فتاخر عليها وقالها م هقدر اجى راحت ركبت ونيت تخيلوا ايه اللى حصل اخدها الونيت وقالها هشيكى فى حته مختصره وبعدين للاسف اخدها منطقه مخيمات وعمل الفاحشه واتصل بتلاته من اصحابه وكانت للاسف انسه وتركوها فى الصحراء الى ان استطاعت ان تخرج للشارع الرئيسي وركبت تاكسي وصلها للشرطه وعندما قالت للضابط اوصاف المشتبه فيهم وانها كانت راكبه ونيت من المنطقه الفلانيه قالها ما اقدر افيدك طالما مش عارفه رقم العربيه ولا تعرفي حد منهم روحى سوي عمليه وابقي ديري بالك على نفسك تخيلوا

البنت رجعت مصر وسابت راتبها ومستحقتها ورجعت الى مصر خائبه الامل فى العثور على الذئاب

ماذا فعلت معها الجاليه المصريه فماذا قدم لها الاخوه المصريين فى الكويت الكل قال يالا نفسي

حكايه ابسط ولكن ليست للمصريين فقط

واحد كويتى عامل شركه وهميه فى شقه ومنزل اعلان واى واحده كانت بتتدخل عنده بيقفل الباب عليها ويسلبها اعز ما تملك و لم يتم اكتشاف هذا الراجل الا من واحده بعد مئات سبقوها لم يريدوا فضح انفسهم وفضحت نفسها لكى تنقذ الالاف اخري بسبب البحث عن الوظيفه تخيلوا معاى الفاجعه الكبري

والله من ساعه ما سمعت الخبر في الجريده وانا مش بقيت بدور على شغل وخايفه من اى شئ وربنا هو الستير يارب

انا اسفه ان حكايتى فظيعه بس للاسف حقيقه واقعه

انا معروض على وظيفه محدش يحلم بيها والله بس علشان قلقانه من الحكايات اللى بسمعها رفضه انى اروح الا لما زوجى يروح معاى ويدخل معاى المقابله غير كده عنى ما اشتغلت ولو كان على رقبتى حد السيفولا هنموت من الجوع واسفه للاطاله

السلام عليكم و رحمة الله و بركاته

معلش انا اسفة بس مداخلتك يا بوسي..... هتخليني يمكن اخرج بره سياق الموضوع شوية....

ابوس ايديكم ارحمونا من القصص اللي بتبقي بعيدة جدا عن الواقع.....

انا بعيش في مدينة خليجية و اهلي في مصر..... يعني لو قروا مثلا قصة زي دي... ممكن يكون رد فعلهم ايه غير اضافة قلق علي قلقهم هم في غني عنه

من واقع معايشتي للواقع الخليجي.... السعودية.... الامارات.... و قطر......السعودية للاسف اكثر الاماكن اللي ممكن الواحد يقلق منها

دول الخليج حسب خبرتي المتواضعة الجاليات بتخاف فيها جدا من القانون و بالتالي بتكون اكثر التزاما...

يا سيدتي الفاضلة...... انا في مدينة....خليجية و لم اسمع كلمة نابية في الشارع..... و الله العظيم..... و لو حصلت فاني للاسف باجدها من مصري

آسفة جدا بس انا عارفة اعيش هنا بكل امان اكثر من القاهرة اللي استحالة اركب فيها تاكسي.... الا لما اقف ساعة انقي السواق (لازم يكون كبير في السن....و العربية مهكعة.... قال يعني هتعمل فرق.... بس اهو شعور بعدم الامان)

آسفة جدا... ليس دفاعا عن بلد و لا هجوما علي اخر....بس الحمد لله انا اعرف اعيش حيث انا... في حين عندي مشكلة حقيقية في المعيشة في بلدي؟؟؟؟

و بعدين بقي ايه حكاية اللي عمل شركة في شقة و اعلان و الليلة دي.....اللي اعرفه ان كل واحد ليه خطوط حاططها لنفسه....و البنت بتعرف العوج م المعدول.....و الرسول صلي الله عليه و سلم...قال اجتنبوا مواطن الشبهات

مداخلتي قد لا تنتمي للموضوع الاصلي...ز لكن راعوا يا جماعة ما تكتبونه.... راعوا ان لينا اهل في قارة اخري..... سفرنا مش سهل عليهم......ارجوكم قليل من اعمال العقل و التحقق من المعلومات قبل مجرد تناولها و تناقلها

و لكم مني كل الاحترام

[جيمي]

حضراتكم بتتكلمو عن ضعف السفاره ولا الجاليه ... اصل لو على الجاليه انا ماسمعتش عنها قبل كده انما لو على السفاره فانا جربت سفارتنا المصونه فى السعوديه .... وبصراحه كاني كنت داخل قسم شرطه ولابس الحلل اللى سرقتها فوق دماغي كمان بس من كلمات المستشار العمالي الخالده فى ذاكرتي :

_ احنا مانقدرش نعمل ليكو حاجه ..اصلي كنت انا واحد صاحبي فى نفس المشكله

_ بص يابني احنا لا نملك اي صلاحيات ... احنا مجرد جهه مفاوضيه رسميه مع اني والله مانا عارف معناها ايه المفاوضيه الرسميه دي

_ مش ده مصري زيك ... طب اعمل حسابك انه اول واحد هيشهد عليك (كان بيشاور على احدنا ويكلم الاخر)

_ عاوزني اكلملك كفيلك ... اوكي .. بس هوه من حقو مايردش عليه ... وانا ماليش اي سلطه عليه ... والاول كمان امضيلي على ورقه اني قولتلك روح اشتكي وانت اللى مارضيتش لاني من حقي احافظ على منصبي ... ماشي

هقول ايه بس ... تحيا مصر .. ومن قلبي والله wst::

[doha]

أنا هنا لا ألوم الحكومة المصرية ولكني ألوم المصريين أنفسهم .. أين الصحفيين المصريين الذين يملئون مباني الجرائد الكويتية ليتخذو موقف من تشويه جنسيتهم دون

كل الجنسيات ؟

سبحان الله نفس الخواطر دي كانت بتدور في بالي امبارح تحديدا ..

بالصدفة وقعت في ايدي احدى المجلات ـ زهرة الخليج ـ و الي تنتمي لفئة من المجلات عاده لا اكلف نفسي عناء رفعها من مكانها فضلا عن شرائها .. الحمد لله مكنتش مشترياها كنت قاعده فاضية عند الكوافيرة منتظرة الدور فقلت اسلي نفسي باي ( ورق ) مرمي جنبي ..

المهم مسكت الورق الملون الي اسمه زهرة الخليج ده وقعدت اتصفحه بسرعة كده فالاقي تحقيق صحفي بالبنط العريض عن مهرجان مش عارف ايه السينمائي .. كاتبين (( ممثلات هوليود اكثر حشمة من المصريات ! ))

قرات الخبر عمدا عشان اتاكد من العنوان .. في آخره اجد ماتوقعته وهو ان السيده الفاضلة ( سلمى حايك ) اللبنانية الاصل ذات التمثيل ( المشرف ) الي اكيد كلنا عارفينه .. حضرت المهرجان بلبس ( حشمة ) اكثر من بقية الممثلات المصريات والعرب .. خلي بالكم من كلمه الممثلات وكلمة العرب الي حذفت عمدا من العنوان ليترك كده كتعميم بان ( المصريات ) اكثرا عريا وتفسخا من ( نجمات ) هوليود .. وخلوا بالكم برضه ان العرب الي تحدث عنهم الخبر هم عدد من العاهرات العاملات في مجال الغناء حاليا والي يمكن البعض منا يميزهم من صدورهن قبل الوجه احيانا .. والي كلهم من دولة واحدة لا يجرؤ احد من المرتزقة دول يجيب سيرتها عشان ولي نعمته الي بيصرف على ده كله فيه ( عرق ) من دكهومه .. وفالحين بس يجيبوا في سيرتنا احنا ويعيدوا ويزيدوا عن مصر والمصريين ..

قعدت افكر .. العيب فعلا مش عليهم .. العيب على الي عندنا .. فين وزارة الثقافة .. فين وزارة الاعلام ؟ الناس دي بتسكت على بهدلتنا اعلاميا بالشكل ده ليه ؟

صحف كاملة ومجلات وقنوات فضائية لا هم لها الا تشويه صورة مصر والمصريين ليل نهار لغايه مالواحد بدأ يصدق اننا فعلا كده ..

والبهوات الي عندنا ودن من طين وودن من عجين .. مش عارفه بقى نايمين في العسل ولا متناومين ..

حاجه تقرف والله ..

تم تعديل 4 فبراير 2010 بواسطة doha

[الغريب]

أشكركم جميعا على مدخلاتكم الرائعة وننتظر المزيد وبخاصة من المشرفين والناس اللي بقالها كتيير في الغربة..

أنا عارف ياسيمبا أنك من أكتر الناس إيجابية هنا في الكويت، بس المشكلة أنك محتاج جهة تقدر تلّم المصريين في كل مكان وبعتقد أن الآلية دي مش موجودة مع حد غير السفارة بكافة أجهزتها التابعة التي لا تعتبر للأسف إلا مسميات..

على العموم مش عاوز أخوض كتيير عن السفارة لأنها مش هي محل الموضوع بس كل اللي مضايقني موضوع المصريين اللي بيكونوا موجودين بمكان بينتهك فيه سمعة الجنسية المصرية وهما ملهمش دوور إيجابي أنا طبعا عارف أنهم واخدين حقنة "مشي حالك علشان أكل عيشك" في مصر قبل ماييجو بس بعتقد أنك لو أنسان بتتقي الله في شغلك هيكون ليك أثر على مكانك وهيحترموا جنسيتك بالكامل من خلال شخصيتك أنت..

ياريت كل واحد ينظر النظرة دي أنه في مكانه مسئوول عن أي إهانة هتطول المصريين بسببه وطبعا الجماعة بتوع التربية عليهم الحمل الأكبر في الموضوع ده لأن أحتكاكهم المباشر مع أصحاب البلد فياريت تكونو خير ممثلين لجنسيتكم من غيركم

عاوز أقولك يا أستاذ دياب أنك جبتلي خلاصة الموضوع في مداخلتك بس أنت كده هتخلينه نرضى بالأمر الواقع ومنحولش نغير حاجة

احنا عاملين زي ديل السمكة

صحيح السمكة متعرفش تتحرك من غيرها

لكن اول حاجة بتترمي في السمكة هي الديل

فهمت

[engmido]

بارك الله فيكم جميعا وفى انتظار بقية المداخلات

وخصوصا من المغتربين فى الكويت والسعودية

[herohero]

موضوع التشهير بجنسية معينة ده من زمان كان موجود ف الصحف الكويتية وطول عمري وانا مستغرب يقولك وافد مصري قتل ولا سرق ولا عمل اي شيئ وحش ومانلاقيش حاجه عدلة تتقال ان وافد مصري وجد شيئ ورجعه دليل ع امانته وف السعودية الوضع اهون شوية يعني لاحظت انهم بيقولوا وافد عربي او وافد اسيوي

لكن الخلاصة ياجماعه ليه الفلبيني مش بيعاني زي المصري لان حكومته عاملة له قيمة كويس وبتدافع عن حقه كويس جدا

ومع احترامي بتراسهم ست بس ست احسن من رجاله بشنبات عندنا جواز سفره مختوم بختم لا يسمح له بالسفر الى العراق عشان سواق اتقتل واحنا سفير اتقتل ولا حاجه

ياجماعة كبيرنا مش عامل لنا قيمة ف بلدنا يبقى هيكون ايه رد فعل الغريب وعن الحوادث الفردية فبصراحه المفروض الواحد يفهم المجتمع يعني بنت مسافرة لوحدها ف الكويت هتتوقع ايه المجتمع الخليجي نظرته مختلفه عن المجتمعات الاوروبية وكمان تركبي وانيت ده من زمن ومستحيل واحده ترضى تركب وانيت ده ف السعوديه بيخافوا يركبوا مع سواقين تاكسي سعوديين وهي بتكون سعوديه بتخاف من ابن بلدها

وبالتالي هذه الحوادث ليس مقصود بها جنسية معينة لكن القاعده بتقول اذا امنت العقاب اسات الادب

باختصار خلي المصري له قيمة ف بلده ساعتها الكل هيحترمه

وسلملي ع وكيل وزارة التضامن اللي فسر لنا ازمة الانابيب

"أسباب الأزمة إلى حدوث تغير في أنماط المجتمع المصري وبأنه أصبح "يعتمد كليا على أنبوبة البوتاجاز بعد أن كنا في الماضي نستخدم "الجلة والبوص""

ساعتها هتنتظر العالم يحترمك ازاي بذمتكم

[HDarwish]

مقال اليوم في جريدة القبس الكويتية يشير إلى جهود المصريين والوافدين عامة في الكويت :

لماذا يا أوبرا؟

استاء مراقبون مما قالته الاعلامية الاميركية الشهيرة اوبرا وينفري خلال برنامجها اخيرا بان المصريين هم من يبني مساكن الكويتيين، والهنود هم من يكنس شوارعهم، والفلبينيين يربون أولادهم، والاندونيسيون يحضرون طعامهم، والاميركيين يتولون الدفاع عنهم، بينما الكويتيون يتصرفون كـ«باريس هيلتون».

وأوضحوا ان ما ذكرته وينفري فيه كثير من التجني على الشعب الكويتي، وهي بهذا تجرده من اي انجاز وتمحي كل بصمة كويتية في الكويت، فيخيل للمتلقي للوهلة الأولى ان الشعب الكويتي يعيش ليأكل ويشرب و«يكشخ».

وتمنوا لو ان وينفري استمرت في هذا السرد لتنتقل من التجني الى الحقيقة، ومن الخيال الى الواقع، فتقول ان من يريدون ان يسقطوا الديون ليفسدوا المواطن هم (...)، ومن يساهمون بانتشار الفساد الاداري والمالي هم (...)، ومن تركوا عملهم الرئيسي لكي يعملوا كمناديب في الوزارات هم (...)، ومن اخضعوا المواطن لقيود الواسطة و«حب الخشوم» هم (...)، ومن تمترسوا خلف الحصانة ليهينوا هؤلاء ويقدحوا ذمم أولئك هم (...)، ومن تغذوا على الشقاق الطائفي والنفاق الاجتماعي هم (...).

عندها سنقول «برافو» اوبرا فقد أصبت كبد الحقيقة، واجتزت مساحة اللغو لتقفي على مشاهد واقعية من كويت اليوم.

[Mercedes]

السلام عليكم و رحمة الله و بركاته

السفر الى الخليج عامل زى الدوا المر اللى أنت بتاخده بكامل ارادتك عشان يحققلك منفعة معينة و هى أنك تشفى من المرض و الشافى طبعا هو الله

السفر الى الخليج عامل زى كده بالظبط, فاحنا بنسافر الى الدول دى و احنا عارفين كويس أوى كل اللى هناك و عاملين حسابنا عليه و عاملين حسابنا أننا هنسايس أمورنا و نستحمل و نسلك مصالحنا لحد ما نعمل اللى احنا عاوزينه و نرجع.

فاحنا بنسافر الدول دى عشان نحقق هدف معين, المفروض أول ما نحققه أو على الأقل نصل الى المرحلة اللى تخلينا ننتقل الى مكان أفضل أو على الأقل نقدر نرجع بلدنا و نبدأ بداية قوية و سليمة و ده اللى بيحتاج الى رأس مال طبعا, يبقى نرجع و نقعد فى بلدنا بكرامتنا, أهو على الأقل لو اتهاننا , يبقى اتهاننا فى بلدنا مش من الغريب.

و المنطقى أن مفيش حد مريض بيفضل ياخد نفس الدوا المر بعد ما ربنا بيشفيه

طبعا الكلام ده موجه الى الناس اللى شغالين فى الخليج و تعبانين , بس اللى شغالين هناك و واخدين وضعهم و مرتاحين, خلاص مفيش مشكلة.

و ربنا يوفق الجميع

MERCEDES S430

[icehell]

العنوان غلط

متهايالي ماشوفناش كمية من المشاكل للجاليات المصرية في اوربا او امريكا

كلنا عارفين الخليج كان اية ولسه في ايه! wst::

تعالوا اتفرجوا على العنصرية الحقيقية في استراليا لكل ملون!

معروف الخليج من العالم الثالث يعني لاحقوق انسان ولا غيره

وكل مصري قبل مايسافر الخليج لازم يعرف انه رايح غابة حيلاقي فيها المتوحش اكتر من الغلبان عشان مايرجعش يندم بعدين

[engmido]

كل الكلام ده جميل

بس ليه احنا كده

هو احنا يعنى مش زى الجالية السودانية فى كل حتة ....يا اخواننا ده السودانيين جدعان مش مع بعضهم ..لا دول جدعان معانا احنا

تلاقيهم مع بعض وجدعان قوى وبيقفوا صح مع بعضهم

اللى فى الامارات خصوصا يعلم جيدا الجالية السودانية ..قد ايه هما كويسين وخدومين لبعض ..ليه احنا مش كده

بالعكس تلاقى هناك المصريين اوحش ناس مع بعض

ومن ناحية اخرى....تلاقى المصريين هناك بيتعاملوا معاملة وحشة

لا تلاقى مثلا نفس صاحب العمل يقدر يعاملها للفلسطينى ولا السورى ولا اللبنانى

حد يعرف ليه

[Mercedes]

اعتقد الجاليات المصرية لا ينقصها شيء من عناصر القوة اللهم الا حاجة واحده بس وهي اننا بره زي القطط كل ما نشوف بعض نتخانق مع بعضنا،وده السبب الحقيقي لضعفنا في الخارج اننا في الغالب ما بنطقش بعض بره

السلام عليكم و رحمة الله و بركاته

ده للأسف صحيح بشكل كبير بس مش بشكل شامل, يعنى مش السمة الرئيسية للمصريين و بفضل الله أنا لما كنت فى السعودية كان الأطباء المصريين اللى فى سنى تقريبا , يعنى فى التلاتينات كده, كانوا أخوة فى غاية الحب و الاحترام, الكراهية و المناكفة اللى المصريين معروفين بيها بين بعضهم دى انا لقيتها فى فئة سنية معينة , يعنى أواخر الأربعينات و الخمسينات و كده و مش كلهم طبعا, لأن كان فيهم ناس كتييييييير أفاضل و خدومين جدا و بيخافوا على بعض , لكن ما شاء الله, الشباب المصريين اللى لسه فى مقتبل العمر زى ما قولتيلكم كانوا غالبا ناس فى غاية الاحترام و الود.

و ربنا ييسر الأمور لكل المصريين و العرب.

MERCEDES S40

[Damo]

How ironic:

بره مصر: المصريين تعاملتهم مع بعضهم وحشة و الروح بينهم @$%^@ و كل مصري يعامل التاني على انو عدو

جوا مصر: المصريين المغتربين و غير المصريين ينزلو مصر في الاعياد و المناسبات عشان خاطر الروح المصرية الجميلة.

[كمبورا 6]

الزملاء الافاضل اسعد الله اوقاتكم جميعا

الزميل engmido

ممكن تقول انت ليه ؟

مع الاحترام

[عنبو]

انا بقول صعب ضعف الجاليات المصريه هو المصريين انفسهم وحالة الجبن المسيطره عليهم

الفلسطنين اخدين حقهم اكتر من المصريين ومع ذلك ملهمش دوله تحميهم ولا حاجه

المقصد الموضوع له علاقه بتقدر تقول لااااااااااااااا او بتسكت وطاطى

خليك جرىء خليك قووى وانت هتلاقى الدنيا معاك زى الفل لكن هتبقى ضعيف فاحب قولك الدنيا دى مافيش مكان فيها للضعفاء غير انه يقعد قدام مسجد ويستنى حسنه من واحد

طبعاً فيه وفيه انا شفت ناس مصريين مخلصين بجد واخدين حقهم رابع ومربع كمان بس الاغلبيه ماسك اسطوانه على لسانه انا جاى اكل عيش ياعم ...................الخ

على فكره الموضوع مالوش علاقه بالجنسيه الموضوع له علاقه بشخصية المصرى

لان الدوله مش هتيجى تمشى وراك تحميك وهتتدخل فى كل مشكله

ومن الاخر برده المصريين مش كلهم ملائكه وفيه منهم بيعمل حركات يخزى او بمعنى اصح بيغلط بس بيكون غلطه ظااااااهر على عكس بقيت الجنسيات ممكن تلاقيه مبهدل الدنيا بس مش ظاهر

يلا سلام