ضحكات من هنا وهناك

[se_ Elsyed]

تعودت أن أقرأ جريدة الأهرام في عددها الأسبوعي يوم الجمعة فعلياً وليس عن طريق النت لأنها بتكون دسمة وممكن الواحد يقعد يقرأ فيه 3 أيام لكن من ساعة ما بقت تنطبع في الدول العربية وهي خست النص وبقت ماسخة ..

المهم كان فيه إعلان في صفحة السيارات الجمعة الماضية عندما قرأته لم أتمالك نفسي من الضحك ... فواحد كاتب الإعلان التالي لبيع سيارته

" لهواة السيارات الزيرو ... سيارة مرسيدس 200 ديزل موديل 1967 بحالة جيدة "

قولت آه يا جبار موديل 67 يعني داخله في أربعين سنة شغالة لما طالع عينها وبعدين مسميها زيرو ... صحيح اللي إختشوا ماتوا ...

- صورتين لفرح وصلتا لي بالإميل اليوم ولم أرغب في نشرهما هنا لأن الجزء الأول منها مفرح والجزء الأخير مأساوي ، فنحن نعرف بإن الخواجات لديهم شطحات مجنونة ، فعريسين أعتقد أنهم من أستراليا أرادا أن يكون زفافهما بطريقة مجنونة ، فلجئا إلى مبنى شاهق الإرتفاع وربطا رجليهما بهذا الحبل المطاطي الذي يستخدمونه في هذه الرياضة الغريب - مش فاكر إسمها وقفزا من البرج بملابس الزفاف ...

المهم الحمد لله العريس نزل سليم وراسه أتفتحت بس ... والعروسة المسكينة نزلت على عربية ماشية في الشارع فكسرت الإزاز والكبوت و‘تكلت على الله في لحظتها وعريسنا العتره واقف مذهول يبص على أنقاضها لأنه مالحقش حتى يلم ثمن البدلة وفستان الفرح اللي إشتراهم ....

أدي أخرة اللي يعمل فيها أبو النطيط ... وصعبان علي في الموضوع ده صاحب العربية الغلبان اللي لقة مصيبة نزله له من السما على غفلة ....

الصور عندي للي عايزها بالأيميل ....ضعاف القلوب يمتنعون ... شغلنتنا دي عايزة القلب الجامد ...وحــــدوووووووووووووووه

- إمبارح في جريدة الأخبار كان فيه خبر ظريف جداً من تايلاند ، واحد ماشي بعربيته تحت كوبري لقى كيس فيه 600 ألف دولار الراجل ماصدقش نفسه وروح مغمي عليه صحي بعد شويه مالقاش الكيس .... فين منين الكيس راح فين يا جدعان ، فعرف القصة ، إن فيه عصابة خاطفة واحد وطلبوا من أهله فدية وكانت طريقة التسليم هي إن اهل الراجل ييجوا فوق الكوبري ده ويحدفوا الفلوس تحت للعصابة، فصاحبنا أبو قلب رهيف معدي بالصدفة بعربيته قبل العصابة ولقى الكيس وماستحملش من الفرحه وجت العصابة بعد كده خدوا الكيس ويا فكــيك .

فكرتني بالنكتة دي ، واحد كسب في مسابقة مليون دولار والناس ماقدروش يقول له مباشرة علشان كان عيان وعنده القلب وخافوا لحسن يعملها ويتوكل ، المهم اختاورا أعز أصدقاءه علشان يبلغه ، فالراجل راح له وفضل يدردش معاه والكلام يجيب بعضه وراح قايل له إلا تعمل إيه لو كسبت في مره مليون دولار قال له أديلك نصهم راح صاحبه ماستحملش الفرحه وامت .....

هـــيه دنـــــــــــــــــيا

[CoDeR]

mc(:

الله يجازي شيطانك يا أبو السييد .. mfb:

و كله كوووم و حكايه لهواه الزيرو ديه كوم تاني .. mfb:

و تقبل تحياتي ..