أضحك مع فاروق حُسني

[mohameddessouki]

مش عارف طالبه معايا اليومين دول ثقافة وفن وحركات ... يمكن هروب من قرف المذاكرة - أنا كان مالي ما كنت في حالي وكبيري أضرب ميكي أو سوبر ميكي .. إيه اللي رماني رمية المذاكرة والوجبات المنزلية وزمزمية الميه كل يوم وشاندوشت الجبنه بالقوطة اللي زي ما يكون مقرر عليه هو راخر -

المهم اتكعبلت من يومين تلاته في موقع فاروق حُسني .. قصدي الفنان فرفور حُسني اللي عيني عينك بيستغل مركزة كوزير ثقافة وكل شويه يرزعنا معرض انقح من التاني ويبيع لوحاته بملايين .. في تحدي صارخ لكل الأعراف والقوانين اللي بتمنع أستغلال المنصب الحكومي وخاصة لو كان وزاري .. وعارفين مين بيشتري اللوحات دي وغرضه إيه

ما علينا مش عاوز أقلبها سياسة ..

والله أنا باحترم الفن ويعيش مولانا وبطيخ مولانا لكن لما يبقى بالشكل ده ... يبقى لأ لا مؤخذه لازم اقول رأيي

مش عارف ليه كل ما أتفرج على لوحات الفنان فاروق أبو حسني أفتكر مشهدين :

1- مشهد اللوحة اللي كان راسمها فؤاد المهندس في فيلم " خلي بالك من جيرنك " وكانت عبارة عن لوحه بيضا وفيها نقطة سودا ... وكان مسميها " عندما تأتي الخيول إلى المزرعة في بؤنه " والنقطة السودا كانت تُمثل شهر بؤنه ... وما فيش لا خيول ولا مزرعة ولا ديل حضان حتى .

2- المشهد التاني كان في فيلم المجنون " فاكرينة ؟ بتاع اسعاد يونس وأبو بكر عزت ووحيده سيف . لما وحيد سيف مراته اتهفت في عقلها وراحت مزاد وأشترت لوحه بألوفات عبارة عن لوحه بيضا وفيها حته مقطوعه وفزات بالمزاد بعد صارع عنيف مع المزايدين . وتعليقات وحيد سيف الطريفة على الموقف

مش هارغي كتير ... اتعلموا بقى الفن على اصولة

وتعليقاتي هاحتفظ بيها بعدين لأن سنته سوخه معايا ووقع في إيدي أخيراً

هو من ناحية فنان فهو فنان....من ايام ما كان عايش فى ايطاليا.... لكن هو فين وحسين بيكار وادهم وانلى وسيف وانلى ومحمود سعيد ويوسف كامل وراغب عياد حتى.... احمد نوار

احنا مش واخدين بالنا ان الوزراء فى مصر كلهم فنانين !!! واحد فنان فى بيع القطاع العام بارخص الاثمان وتحويل المعلوم لحسابه الخاص وتعيينه فى احد البنوك الكبرى ويقبض راتب (بخلاف بدل حضور جلسات مجلس الادارة وبدل الانتقال والتمثيل ومصاريف السف ) نصف مليون دولار فى الشهر..... واخر فنان فى كيفية توزيع ارض مصر اللى سابها له ابوه فيهب من يشاء قصورا فى مارينا ويهب من يشاء القصور فى المدن الجيدة ويهب من يشاء القصور فى شرم الشيخ وكل مكان فى مصر وكيف يوقف مستخلصات المقاولين مقابل حقائب الرشاوى بالمال السائل ليودعها فى حساباته بمعرفته ويبدو ان موهبته الفنية طالت ابنائه القصر فيقوموا بتقديم طلبات بتخصيص الاراضى المميزة فى كل موقع فى مصر وزوجته الفنانة ايضا التى حصلت على قصر فاخر فى شارع العروبة امام المريديان بتراب الفلوس وعناك وزير فنان اخر اعتبر بترول مصر وغازها اقطاعية يعين فيها من يشاء ويقفل باب التعينات امام من يشاء ويبيع الغز لاسرائيل بملاليم ويحرم المصريين من البوتاجاز ووزير فنان آخر تخصص اتحاد الكرة يتفنن فى وضع ميزانية الاتحا فى كرشة حتى بدا ذلك واضحا فى صوره فى انجولا حتى تظن انه حامل فى الشهور الاخيرة.......الخ

فالفن متأصل عندنا وكتير ...اما صاحبنا ابو عيون حلوة وجريئة فانه تفنن فى فيما لايتخصص فيه باقى زملاؤه الوزراء فابتكر مجال ميعرفوش يهبروا منه وهو بعيد عن اهتماماتهم الا وهو عمل لوحات تسمى ( فنية ) ويسخر امكانيات وزارته واتصالاتها فى تسويق لوحاته ولوحات يدعى انه عملها ( لأننا لانعرف كيف يجد ابو عيون جرئة الوقت الكافى لرسم لوحاته علما بان اللوحة الواحدة قد تحتاج لعام كامل بدءا من استلهام الفكرة وشحن الطاقات لتنفيذ الفكرة وصفاء الذهن من اى مشاكل خاصة او عامة )

المهم ان مباعش لوحاتة فى سنوات فشله فى اليونيسكو اما ح يبعها امتى .... اهو كله رشاوى مقنعة ومحدش يقدر يقول ان اللوحة ده تساوى ما دفع فيها ام ان فرق السعر هو رشوة فهو بهذا اذكى من الوزراء الفنانين زملاؤه الذين تخضع تصرفاتهم للتقييم وتنكشف رشاويهم اما هذا الفنان لايوجد من يقيم رشوته لان الرد يكون كل واحد حر فى نظرته للأمور فهناك من يرى فى الهرم كوم من الحجارة وهناك من يراها مجرد مقبرة جديدة وهناك من يراها معجزة فنية ومنهم من يراها معجزة هندسية ومنهم من يراها الاثنين معا.... فالفن احسن طريق للزوغان من المحاسبة لانه تقديرى

تم تعديل 7 فبراير 2010 بواسطة mohameddessouki

[reemragab]

سنينك زي لوحتك دي يا فاورق

اللوحة دي بالذات فاروق سارقها من عمر إبني بالحرف

يا غواصاتك يا روقه

أستنوني .. راجع

يا مصيبتىىىىىىىىىىىىىى

عاجبك كده اهى نطقت بالبلدى بنت سلطح وملطح والنشاشجى

[Howayda Ismail]

صحيح الواحد مش متخصص فن ويكن منفهمش فيه لكن ممكن نتذوقه نحسه

وبالعقل كده حد يفهمنى ايه الهباب اللى منيله فاروق حسنى ده وعبيط مين كان بيشترى منه

عشان اروح ابيعه شخبطة عبودة اصغر ولادى

صحيح احنا اللى بنضيع مواهب ولادنا على كده بقى بنتى مشروع فنان صغير ويمكن الولا كمان فيه امل يجى منه

احكموا انتم بنفسكم على صور حسنى ( كرهونى فى كل حسنيات العالم هو ومبارك ههههههه)

تكونش دى السريالية اللى بيقولوا عليها

اعتقد دى ياجماعة خريطة اسرائيل كان بيوضحها لبابا مبارك

عارفين ايه اللى صعبان على بجد انهم سابوا الراجل ده وزير ثقافة علينا المدة دى كلها ولولا الثورة كان دفنا

اتارى وانا ثقافتنا كانت فى النازل ليه

[se_ Elsyed]

ده فنان سوروالي يا مدام هند

كنت فتحت موضوع قبل كده عن أعمال فاروق حوسني السودا تقريباً في باب الإبتسام

[Howayda Ismail]

إنتو عارفين المصيبة فين يا جماعة ؟

المصيبة في اللي بيطبلوا له ومفهمينه إنه فنان وفذ وعبقري وملك الريشة وشخص ولا بيكاسو في زمانه

وطبعاً عشان واحد منهم يدفع الوفات في نكش فراخ زي دي .. فبيبقى وراها سبوبه جامده او مقاولة ياخدها من تحت ايد فرفور حُسني

وبعدين إيه ... يا ويله يا سواد ليله اللي يعترض على القرف ده .. فأقل شيء هايوصف بإنه منبعج فكرياً ... ومنشطح وجدانياً ومش فاهم حاجه في الرسم التكحيتي

لسه

لسه

أدوني بس فرصة أعرض لكم باقي الأعمال الفنية الفذة لفنان عصر النهضة فرفور حُسني

بس عارفين ...

أنا مش بألومه

أنا بالوم الناس اللي حواليه عشان ماحدش قال له في مره : إنت عبيط يالا ؟؟؟؟؟؟؟؟

اذا عرف السبب

الظاهر كده دول الزباين اللى كان عم فاروق بيبع لهم الاثار المسروقة وعشان الورد ينزقى العليق

طيب مرة سمعت انه منح العقربة اولبرايت قطعة اثار اصلية وبعد كده قالوا ضاعت مش لاقينها زى لوحة الخشاش كده

انا عاوزة اعرف ده فانوس رمضان ولاايه

الله يخرب بيته نسانى شوية الوصفية اللى عرفاها

تم تعديل 3 مايو 2011 بواسطة Hend ali

[زهرة الجبل]

من عجائب القدر و مفارقاته الشنيعه أن هذه اللوحات يا ساده يا كرام كانت طوق النجاه للفنان الفذ من أنياب جهاز الكسب غير المشروع

كان قد تم إستدعاء المدعو فاروق حسني للمثول أمام المستشار عاصم الجوهري رئيس جهاز الكسب غير المشروع

و ذلك لمواجهته بتقارير الجهات الرقابية حول امتلاكه عدداً من العقارات

وقصراً مطلاً علي النيل بمنطقة منيل شيحة.. إضافة إلي رصيد بنكي بمبلغ عشرة ملايين جنيه

المفارقه بقى يا أفاضل إن الفنان المبدع وحيد نوعه أكد أن ثروته و المقدره بعشرات الملايين قد جاءت من ريع بيعه لهذه الإبداعات

الفنية في عدد من المتاحف العالمية وأشهرها متحف اللوفر الفرنسي !!!

و لم يجد المستشار عاص الجهري أمام هذا التبرير بداً من إخلاء سبيله و إسقاط التهم الموجهه إليه

ده تفصيل الخبر من جريدة روز اليوسف

شفتم بقى الشخابيط و نبش القطط إللي مكانش عاجبكم بيعملوا إيه ؟؟

و الله صحيح ..

اللي يعيش يااااااااما يشوف

!!!!!!و عجبي

تم تعديل 3 مايو 2011 بواسطة زهرة الجبل

[Howayda Ismail]

http://www.youtube.com/watch?v=skRE4PK56iY

[Damo]

دي شبه الرسمة اللي كانت بتجيلنا في الفيزيا

[Howayda Ismail]

شكله كده لعبها خرسة زى مابيقولوا

فاروق حسنى : يلا يلا اشترى عدد 2 لوحة وخدلك الثالثة اثر فرعونى هدية مجانا