احساس بلاستيك !!!!

[the consultant]

والله انا قررت اني اكتب الموضوع ده بس عشان اعرف هل انا بس اللي بحس بكدة :sad: ولا في حد بيشاركني هذا الاحساس, الا و هو الاحساس البلاستيك wst:: ذلك الاحساس العجيب الذي اشعر به في اي خروجة أو اي وقت يصنفه عقلي على انه وقت حلو استنادا الى انه في مول رائع فخم أو على البحر في جو مشمس أو في كوفي شوب مزدحم ينبض بسعادة رواده الا ان الاحساس ده بيفرض فجأة على مودي ليقلب كل شعور بحلاوة المكان الى بلاستيك .( نفس احساس طفل في خامسة ابتدائي يوم تلات بعد شهر من بداية العام الدراسي الساعة 4:20 عصرا و مافيش في القناة التانية الا مسلسل دموع في عيون وقحة بألوانة الباهتة الكأيبة.....فاكرين الاحساس دة متعرفش صبح ولا ليل و الناس في البيت نايمين نوم الظهر الرخم دة )

بلاستيك .....هي دي الكلمة اللي بحس انها توصف هذا الاحساس الغريب . جدة و قبلها دبي و في البلدين بحس فعلا انهم جمال و في ناس حلوة كتير و طبعا اماكن مبهرة لكن ..........برده البلاستيكية و انعدام الروح قائم , هل هو دة طعم الغربة و لا احنا كبرنا .فعلا السن عليه عامل فاكيد في اماكن كنت بتشوفها و انت صغير بشكل لما كبرت بتشوفها بشكل اخر .

عموما ايه رأيكو في موضوع البلاستيكية دة ؟

[Mercedes]

والله انا قررت اني اكتب الموضوع ده بس عشان اعرف هل انا بس اللي بحس بكدة :sad: ولا في حد بيشاركني هذا الاحساس, الا و هو الاحساس البلاستيك wst:: ذلك الاحساس العجيب الذي اشعر به في اي خروجة أو اي وقت يصنفه عقلي على انه وقت حلو استنادا الى انه في مول رائع فخم أو على البحر في جو مشمس أو في كوفي شوب مزدحم ينبض بسعادة رواده الا ان الاحساس ده بيفرض فجأة على مودي ليقلب كل شعور بحلاوة المكان الى بلاستيك .( نفس احساس طفل في خامسة ابتدائي يوم تلات بعد شهر من بداية العام الدراسي الساعة 4:20 عصرا و مافيش في القناة التانية الا مسلسل دموع في عيون وقحة بألوانة الباهتة الكأيبة.....فاكرين الاحساس دة متعرفش صبح ولا ليل و الناس في البيت نايمين نوم الظهر الرخم دة )

بلاستيك .....هي دي الكلمة اللي بحس انها توصف هذا الاحساس الغريب . جدة و قبلها دبي و في البلدين بحس فعلا انهم جمال و في ناس حلوة كتير و طبعا اماكن مبهرة لكن ..........برده البلاستيكية و انعدام الروح قائم , هل هو دة طعم الغربة و لا احنا كبرنا .فعلا السن عليه عامل فاكيد في اماكن كنت بتشوفها و انت صغير بشكل لما كبرت بتشوفها بشكل اخر .

عموما ايه رأيكو في موضوع البلاستيكية دة ؟

السلام عليكم و رحمة الله و بركاته

أنا فاكر كويس أوى الحتة بتاع الساعة 4.20 العصر دى و كل اللى فى البيت مقيليين, الواحد كان بيبقى نفسه يروح يقعد فى التلاجة لحد ما الناس اللى فى البيت يصحوا من النوم و الحياة ترجع تدب فى البيت تاااانى

MERCEDES S430

[الســـاري]

وانا ايضاً اعرف هذا الشعور الكئيب .. الفرق انني كسعودي لم اكن اجد مسلسل دموع في عيون وقحة .. بل سباق للهجن او برنامج مضارب البادية .. :sad:

عامة .. عندما اشعر بهذا الاحساس البلاستيكي .. اسافر .. نعم اسافر .. اغير الروتين ..

ثلاث ايام فقط .. وبعد عودتي .. اجد ان البلاستيك انصهر ..

اسافر مع اصدقائي مثلا اذا اني في حاجة لتغيير روتين الاسرة .. او اسافر مع الاسرة لتغيير روتين الاصدقاء ..

ثلاث ايام فقط ..

جربي هذا الحل وستجدين الفرق ..

[المعلم عتريس]

جدة و قبلها دبي و في البلدين بحس فعلا انهم جمال و في ناس حلوة كتير و طبعا اماكن مبهرة لكن ..........برده البلاستيكية و انعدام الروح قائم , هل هو دة طعم الغربة و لا احنا كبرنا .فعلا السن عليه عامل فاكيد في اماكن كنت بتشوفها و انت صغير بشكل لما كبرت بتشوفها بشكل اخر .

عموما ايه رأيكو في موضوع البلاستيكية دة ؟

ما اظنش الموضوع له علاقه بالغربة

الاماكن دي فعلا زي ما حضرتك قلت

انا عشت هناك من صغري وكنت حاسس زيك تمام

With money you can buy a house, but not a home.

ما فيش بلد زي مصر

بس ربنا يخرب بيت اللي كان السبب :sad:

[fatfouta]

من ساعة ما جيت هنا وانا عندى نفس الاحساس ده

الاول لما كنت اشتكى كانوا يقولولى عدى بس اول ست شهور فى الرياض وبعد كده هتتعودى وفى الاخر اتعودت فعلا بس اتعودت على الاحساس البلاستيك ده فى كل حاجة بنعملها او بنشوفها فى البلد دى

يعنى نخرج ونروح مولات ونتفسح احنا وولادنا وبرضو نفس الاحساس عندى مش بيروح

دايما فى بالى احساس او سؤال كده ....هو الناس اللى مش مصريين يا حرام دول بيقضوا رمضان والاعياد اذاى !!!! عمرك كده ماتحس بالروح اللى بتحسها فى مصر 

بصراحة الفرق بين مصر وبين اى بلد تانى هو الروووووووووح فعلا واتاكدت من كده لما شوفت ناس تصر انها تقضى رمضان والاعياد فى مصر حتى لو هما مش مصريين

ودايما اقول ياربى هو كله مولات مافيش كده نفسى  شوارع وانزل اتمشى فيها ذى مصر .....ده انا لو فى مصر ونزلت الصبح ووقفت فى مطعم فول وطعمية وومسكت كده قرطاس الطعمية واتبهدلت ببقى راجعة مبسوطة والله

انما هنا الواحد مهما عمل وغير اماكن بيبقى برضو من جوا كده حاسس ان فيه حاجة ناقصه

اكتر حاجة بتضايقنى هنا ذى ماقال مرسيدس هى ان المحلات كلها تقفل من بعد صلاة الظهر لبعد صلاة العصر.......حاجة بصراحة تخننننننققققق بيقتلوا اليوم  

يعنى الواحد لو ماصحيش بدرى وقعد يجرى ويصارع مع الوقت جرى ويلحق قبل الظهر يبقى مش هيعرف يشترى ولا يتفرج على حاجة غير كده انى بصراحة كانت متعتى فى مصر انى انزل الصبح اتمشى فى وسط البلد او مصر الجديدة او اى مكان بس الصبح وتحس كده وانت ماشى انك مبسوط مهما كانت زحمة او خنقة او كده

انا كتبت مداخلة طويييييييلة والكمبيوتر طيرها بس ده كويس عشان مازودش الاكتئاب والبلاستيك اللى عندكم

وعلى رأى المعلم عتريس فعلاااااااااا مافيش ذى مصر 

[pmj]

والله يا جماعه انا مش متغربه بس بحب مصر وعندى انتماء لبلدى كفايه احساس الامان انك تمشى فشارع وتروح تودى عيالك التمرين وتشترى الخضار ليا صحبتى بتسافر لزوجها اجازات فبلد عربى وترجع تقول ياسلااااام ده انا هناك بخاف اكلم حد ولا اخرج من البيت لتعدد الجنسيات واغلبهم هنود واجانب ربنا يعينكم ويرجعكم بلادكم بسلامه يارب

[بركة]

انما هنا الواحد مهما عمل وغير اماكن بيبقى برضو من جوا كده حاسس ان فيه حاجة ناقصه

 

يعنى الواحد لو ماصحيش بدرى وقعد يجرى ويصارع مع الوقت جرى ويلحق قبل الظهر يبقى مش هيعرف يشترى ولا يتفرج على حاجة غير كده انى بصراحة كانت متعتى فى مصر انى انزل الصبح اتمشى فى وسط البلد او مصر الجديدة او اى مكان بس الصبح وتحس كده وانت ماشى انك مبسوط مهما كانت زحمة او خنقة او كده

انا كتبت مداخلة طويييييييلة والكمبيوتر طيرها بس ده كويس عشان مازودش الاكتئاب والبلاستيك اللى عندكم

وعلى رأى المعلم عتريس فعلاااااااااا مافيش ذى مصر 

يا فتفوتة وجعتي قلبي وفكرتيني ليه يابنتي الواحد كان نسي الكلام ده والاوبشنز اللي بتحكي عليها دي

البلاستيك حتى في الاكل والشرب

مع اني كنت في الاجازة في مصر مفتقده الحاجات اللي هنا

لكن لما رجعت حسيت بالبلاستيك

انا حاسه ان قلبي هو اللي بقى بلاستيك :sad:

[the consultant]

شكرا لكل من اضاف و أكد وجود الاحساس الرخم ده يبقى هي الغربة اللي عامله فينا كدة !!!!!! بس هل تفتكروا الموضوع ممكن يختلف من بلد لبلد ولا على رأي الشاعر "انا مصر حبيبتي في كفة ...و كل الدنيا في كفة ..أم الدنيا مين ولا .......بس" يعني لو في حد يعرف بلد ما فيهاش الاحساس ده أو فيها بس أقل يقول.

كنا زمان لما بنقعد في أي حتة و يطلع تلاتة اربعة من القاعدين من مؤيدي السفر بشدة ( يا عم انشالله اغسل صحون .....أمريكا يابا) والأخر يقول ( أنا قريبي في الامارات مش بيكمل اجازتة و لما بينزل اجازة مابيبقاش طايق).....( يابني المرسيدس بما يعادل 6000 جنيه) هما فين الناس دي أصلا دلوقتي . لما تدور تلاقيهم شغالين في الغردقة مثلا و يقولك ياعم الغربة صعبة...

مش عارف انا اتغاصت أوي لما كسبنا غانا من منظر الناس على البحر في اسكندرية مع اني وانا هناك كنت ساعات بتخنق من قفلة البحر لما نكسب و اضطر اطلع من ورة ( طريق سريع كلة مطبات و شكلة وحش) لو وراية حاجة . بس بردة كان نفسي ابقى هناك.

يلا كفاية اكتئاب بقى مش عايز اكئبكو اكتر من كدة. وزي ما قالت الفنانة العريقة انغام (مافيش حياة من غير امل ) على فكرة الاغنية دي من أوحش ما قدمت أنغام و دايما بجريها بس هو موضوع اصلا رخم فامش فارقة.

[شمس العروبة]

حقيقى كل الناس الى فى الغربة فى البلاد العربية عندها يمكن نفس الاحساس البلاستيك ده بس بدرجات متفاوتة ،واحنا كمصريين اتعودنا على الحياة فى مصر عشان كده لما بنتغرب عن بلدنا اللى هى عايشة جوه كل واحد فينا بيجيلينا الاحساس البلاستيك ده

أنا عن نفسى عايش فى الرياض لوحدى وزوجتى وأولادى فى مصر ، وعايز أعملهم استقدام بس للأسف عمال عقلى يدور ويدور هل يا ترى هتبنى سعادتك بأنك زوجتك وأولادك معاك هتعيش متهنى شوية ويشيلوا من هموم الغربة على حساب سعادتهم هم ، لأنى على يقين بصعوبة الحياة هنا للأسر وأن الملل والاحساس البلاستيك ده هييجى ليهم ،لأن الرياض بالذات أنا بعتبرها ورشة عمل ما فيهاش أى نوع من الترفيه.

وبعدين هو الترفيه هنا أنك تروح المولات مع أسرتك ولا جنينة ما فيهاش اى نوع من التسلية هل هو ده اللى هيلغى عندنا الاحساس البلاستيك اللى جوانا ؟!!!!!!!

بصراحة مصر تستهال أنه يتقال عليها أم الدنيا وبغض النظر عن الأماكن الترفيهية تحس ان الناس مع بعضها فى أوقات الاعياد أو المناسبات القومية احساس ما يتوصفش أساساً

ملحوظة صغنونة : لسه معداش عليا أيام رمضان ولا الأعياد ولا هموم الصيف هنا لأنى مستجد وربنا يعديها على خير

[جايه لك يا كندا]

طبعا حسينا احساس البلاستيك الممل ده، حتى اجمل الأشياء والأماكن فقدت قيمتها، زمان لما كنا نروح فندق خمس نجوم مثلا غدوه حلوه أو فسحه في مكان راقي كنا نحس بقيمة اللي بنعمله ونفرح بيه، الصراحة عايزة اقول لكم ان حاليا حتى لما بننزل مصر برضه مش بنحس بالحاجات زي زمان يعني مش بس في الغربة لكن احساسي ان الغربه هي اللي ولدت فينا الاحساس ده ومبقاش عندنا احساس بالاستمتاع، ممكن يكون بسبب العمر، وممكن يكون قد ماشفنا واتعودنا على الأماكن والحاجات الشيك بقت بالنسبه لنا عاديه وفقدت قيمتها وده احتمال كبير، زي مابيقولوا لو واحد اتجوز ملكه جمال هاتبقى عاديه بالنسبه له بعد شويه، ده احساس التعود عند الانسان وبيتهيألي مالوش حل حاليا!!!

[عنبو]

انا بقيت كاااااااااااائن بلاستيكى

[joo]

انا بقيت كاااااااااااائن بلاستيكى

لية بس يا عنبى يا حبيبى

انت زى الفل اهة

بس سدئنى لما تتجوز :sad: مش هتبئا بلاستك خالص هتمط شوية وتبئا كوتش bv:-

[joo]

انا بصراحة مجربتش الغربة لكن من كلامكم انا تفائلت بكل خييييييييييييييييير

بس سدئونى احنا هنا فى مصر حاجات كتير وظروف كتير بتخلى الواحد زى البلاستك

زىمن ضمن الامثلة انا كل يوم راكب تيوتا على الدائرى تخيلو السرعة المهولة فى الجرى على الطريق لدرجة ان ساعات السواق

بيجرى على الجرف العالى اللى فى جانب الطريق وتحس ان العربية هتنقلب بيك وكمية الحوادث اللى انا شفتها والناس اللى

تقطعت امام عينى الى قطع

كل هذا ايضا عمل منى رجل بلاستك لانى تعودت ان ارى الموت بعينى كل يوم

[se_ Elsyed]

والله انا قررت اني اكتب الموضوع ده بس عشان اعرف هل انا بس اللي بحس بكدة hypr: ولا في حد بيشاركني هذا الاحساس, الا و هو الاحساس البلاستيك hypr: ذلك الاحساس العجيب الذي اشعر به في اي خروجة أو اي وقت يصنفه عقلي على انه وقت حلو استنادا الى انه في مول رائع فخم أو على البحر في جو مشمس أو في كوفي شوب مزدحم ينبض بسعادة رواده الا ان الاحساس ده بيفرض فجأة على مودي ليقلب كل شعور بحلاوة المكان الى بلاستيك .( نفس احساس طفل في خامسة ابتدائي يوم تلات بعد شهر من بداية العام الدراسي الساعة 4:20 عصرا و مافيش في القناة التانية الا مسلسل دموع في عيون وقحة بألوانة الباهتة الكأيبة.....فاكرين الاحساس دة متعرفش صبح ولا ليل و الناس في البيت نايمين نوم الظهر الرخم دة )

بلاستيك .....هي دي الكلمة اللي بحس انها توصف هذا الاحساس الغريب . جدة و قبلها دبي و في البلدين بحس فعلا انهم جمال و في ناس حلوة كتير و طبعا اماكن مبهرة لكن ..........برده البلاستيكية و انعدام الروح قائم , هل هو دة طعم الغربة و لا احنا كبرنا .فعلا السن عليه عامل فاكيد في اماكن كنت بتشوفها و انت صغير بشكل لما كبرت بتشوفها بشكل اخر .

عموما ايه رأيكو في موضوع البلاستيكية دة ؟

بالصدفة والله كنت اجلس مع إتنين من الزملاء

أردني

وسعودي

وتقريباً لفوا العالم كله

والكلام ما كانش مجاملة عشاني لأن ما كانش في مجال لهذا ...

لقيتهم بيقولوا لي : لم نجد بلد به روح وطعم غير مصر .... حتى في بلادنا لم نجد مثل تلك الروح .... يا أخي إنتو شعب بتتلككوا عشان تفرحوا وتتبسطوا وتقولوا نكت وأقرب مثال المهرجانات اللي عملتوها الأسبوع الماصي لما فزتم بكأس أفريقيا ...

باختصار يا جماعة : الإنسان أتخلق كده ... صعب تجمع وتكسب كل شيء ... فاللي عنده فلوس ومرتاح في حياته ... يتكلم عن البلاستيك والكاوتش والمطاط ...

واللي ما عندوش فلوس ... يقول بلاستيك بلاستيك إن شالله يكون ميلامين بس إديني فلوس ومالكش دعوه

[mekkawy]

السلام عليكم و رحمة الله و بركاته

حالياً بأجهز للسفر إلى الرياض إن شاء الله تعالى

لكن احساس البلاستيك ده مألوف لي جداً و ياماااااااا عشته ... بحكم شغلي الحالي في مصر اني باسافر كتير برة و بقعد كل مرة من اسبوعين لثلاث اسابيع ... فعايش احساس البلاستيك ده تماااااام .... و أنا رأيي انه بسبب الوحدة ... الوحدة دي قاتلة بشكل بشع ... بتخلي عندك وجوم و كسل غير عادي ... انا يوم الماتش النهائي لكأس افريقيا كنت ف البحرين ... مع ان كان فيه مصريين لو دورت عتلاقي ... بس للأسف احساس البلاستيك قضى على اي نشاط ليا و شفت الماتش ف الغرفة بتاعتي ف الفندق ... حااااااااجة يااخ ... بلاستيك

بس أظن الحل الوحيد للموضوع ده الصحبة ... بجد الصحبة بتفرق جداً بشكل غير عادي

الله المستعان

مكاوي

[se_ Elsyed]

السلام عليكم و رحمة الله و بركاته

حالياً بأجهز للسفر إلى الرياض إن شاء الله تعالى

لكن احساس البلاستيك ده مألوف لي جداً و ياماااااااا عشته ... بحكم شغلي الحالي في مصر اني باسافر كتير برة و بقعد كل مرة من اسبوعين لثلاث اسابيع ... فعايش احساس البلاستيك ده تماااااام .... و أنا رأيي انه بسبب الوحدة ... الوحدة دي قاتلة بشكل بشع ... بتخلي عندك وجوم و كسل غير عادي ... انا يوم الماتش النهائي لكأس افريقيا كنت ف البحرين ... مع ان كان فيه مصريين لو دورت عتلاقي ... بس للأسف احساس البلاستيك قضى على اي نشاط ليا و شفت الماتش ف الغرفة بتاعتي ف الفندق ... حااااااااجة يااخ ... بلاستيك

بس أظن الحل الوحيد للموضوع ده الصحبة ... بجد الصحبة بتفرق جداً بشكل غير عادي

الله المستعان

مكاوي

هاتيجي وتجرب بنفسك .... وأعمل حسابك في أكياس بلاستيك زيادة

[msayed]

الإحساس البلاستيكى ده ها ييجى للواحد فى أى مكان يروحه بعيد عن أهله وعن الأصدقاء إللى إتربى بينهم، مهما راح مكان فيه من التشويق والجمال لكن بعد فترة صغيرة ها يتعود على الوضع الجديد ويفضل إحساس إنه لوحده بعيد عن كل البيئة إللى إتربى بينها فيها.

[الغريب]

بصراحة الموضوع ده جاب الخلاصة لحالة كل المغتربين المصريين "الحالة البلاستيكية"

وطبعا سببها الرئيسي زي ما ذكر كل الأخوة هو الروح والبركة والمعاني العظيمة اللي في مصر واللي لسه معيشه الناس فيها على مر العصور برغم ظلم ونهب حكامهم

على العموم ربنا يسامح صاحب الموضوع اللي قلّب علينا المواجع وحسبي الله ونعم الوكيل في اللي خرجنا من بلدنا

[mekkawy]

السلام عليكم و رحمة الله و بركاته

حالياً بأجهز للسفر إلى الرياض إن شاء الله تعالى

لكن احساس البلاستيك ده مألوف لي جداً و ياماااااااا عشته ... بحكم شغلي الحالي في مصر اني باسافر كتير برة و بقعد كل مرة من اسبوعين لثلاث اسابيع ... فعايش احساس البلاستيك ده تماااااام .... و أنا رأيي انه بسبب الوحدة ... الوحدة دي قاتلة بشكل بشع ... بتخلي عندك وجوم و كسل غير عادي ... انا يوم الماتش النهائي لكأس افريقيا كنت ف البحرين ... مع ان كان فيه مصريين لو دورت عتلاقي ... بس للأسف احساس البلاستيك قضى على اي نشاط ليا و شفت الماتش ف الغرفة بتاعتي ف الفندق ... حااااااااجة يااخ ... بلاستيك

بس أظن الحل الوحيد للموضوع ده الصحبة ... بجد الصحبة بتفرق جداً بشكل غير عادي

الله المستعان

مكاوي

هاتيجي وتجرب بنفسك .... وأعمل حسابك في أكياس بلاستيك زيادة

gahza ya basha we kolo tmam :unsure:)

MeKkaWy

[shiko]

من ساعة ما جيت هنا وانا عندى نفس الاحساس ده

الاول لما كنت اشتكى كانوا يقولولى عدى بس اول ست شهور فى الرياض وبعد كده هتتعودى وفى الاخر اتعودت فعلا بس اتعودت على الاحساس البلاستيك ده فى كل حاجة بنعملها او بنشوفها فى البلد دى

يعنى نخرج ونروح مولات ونتفسح احنا وولادنا وبرضو نفس الاحساس عندى مش بيروح

دايما فى بالى احساس او سؤال كده ....هو الناس اللى مش مصريين يا حرام دول بيقضوا رمضان والاعياد اذاى !!!! عمرك كده ماتحس بالروح اللى بتحسها فى مصر

بصراحة الفرق بين مصر وبين اى بلد تانى هو الروووووووووح فعلا واتاكدت من كده لما شوفت ناس تصر انها تقضى رمضان والاعياد فى مصر حتى لو هما مش مصريين

ودايما اقول ياربى هو كله مولات مافيش كده نفسى شوارع وانزل اتمشى فيها ذى مصر .....ده انا لو فى مصر ونزلت الصبح ووقفت فى مطعم فول وطعمية وومسكت كده قرطاس الطعمية واتبهدلت ببقى راجعة مبسوطة والله

انما هنا الواحد مهما عمل وغير اماكن بيبقى برضو من جوا كده حاسس ان فيه حاجة ناقصه

اكتر حاجة بتضايقنى هنا ذى ماقال مرسيدس هى ان المحلات كلها تقفل من بعد صلاة الظهر لبعد صلاة العصر.......حاجة بصراحة تخننننننققققق بيقتلوا اليوم

يعنى الواحد لو ماصحيش بدرى وقعد يجرى ويصارع مع الوقت جرى ويلحق قبل الظهر يبقى مش هيعرف يشترى ولا يتفرج على حاجة غير كده انى بصراحة كانت متعتى فى مصر انى انزل الصبح اتمشى فى وسط البلد او مصر الجديدة او اى مكان بس الصبح وتحس كده وانت ماشى انك مبسوط مهما كانت زحمة او خنقة او كده

انا كتبت مداخلة طويييييييلة والكمبيوتر طيرها بس ده كويس عشان مازودش الاكتئاب والبلاستيك اللى عندكم

وعلى رأى المعلم عتريس فعلاااااااااا مافيش ذى مصر

عجبتنى اوى مداخلتك ...يا فتافيت السكر ...

وعجبنى اكتر قرطاس الطعمية .....اختذلتى فيه كل المشاعر المصراوية ...تفتكرى السر فى الطعمية ؟؟

موش عارفة ليه موضوع البلاستيك ده شدنى جدا بالرغم من انى موش متغربة ولا حاجة ..

بس الغريب انى ببقى هامووووووت على السفر ..ولما يحصل هاااااات يا بلاستيك ...

انا فاكرة اول مرة سافرت فيها شغل ومع اصحابى برة مصر ...كان كورس5ايام ...اول يوم عدى طيران وترانزيت وماكنتش حاسة بالبلاستيك ...تانى يوم ...وبعد الكورس ما اخلص وفالطريق للاوتيل ...لقيت نفسى بجرى على المحلات علشان الاقى كروت اتصال ...وكل ما ادخل محل وملاقيش عنية ترغرغ بالدموع والبلاستيك يشد ...

المهم اخيرا لاقيت ..بس ده وقت الصلاة وبابا فى المسجد موش هايرد ...لا انا اتصل فى البيت واللى يحصل يحصل بقى

بابا يقول الو من هنا ....ونافورة البلاستيك تنفجر من العياط ...

دلوقتى بس عرفت ايه سبب اللعنة اللى كنت فيها ...تلك هى لعنة البلاستيك ...

سبحان الله ...فى مثل كنت اسمعه من اصحابى الفلسطنيين زمان ..الجنة من غير ناس ماتنداس ...

شكرا تانى يافتفوتة على الطعمية...