مش عايزة اتجوز, بس هتجوز...

[لماضة مصرية جدا]

السلام عليكم و رحمة الله و بركاته

دامو..... ديمو..... ديدمونة...... rs:

يا توري يا هل توري لسه ضاربة عينيكي مقص في السقف؟؟؟

يا توري يا هل توري لسه بتفكري؟؟؟

ممكن زي ما شاركتينا تساؤلك....تشاركينا ايه اللي اتغير في تفكيرك.... علي افتراض التغيير.... او وضوح الرؤية ع الاقل؟؟؟

مسااااااااااااااااااااكي بحلقة في سقف حدوده السما

[pocy]

حبيبتى واختى فى الله : داموووووووووووو

اولا وحشتينا وافقتقدناكى لما غبتى عننا بس رجعتلنا بموضوع شيق جدا

ثانيا كل اللى عايزه اقوله قالوه الشباب والبنات فوق وطبعا المعظم قال من خلال خبرته فى الحياه

ثالثا محدش بيتجوز علشان يرضي حد وزى ما قالت ذهبيه فى حاجات الراجل ممكن يفكر فيها متاخر بس الست لا زى (الزواج والحمل والانجاب ) لكن الاسباب اللى انتى كنتى بتبديها على الحاجات دى اللى هى (العلم والدراسه والدكتوراه وما الى اخره فده ممكن يكون معاكى لاخر لحظه فى العمر فليه تاجلى اللى مش ممكن انه يتاجل علشان حاجات تانيه ممكن تتاجل

رابعا : وده المهم حبيبتى لما تعزف اوتار قلبك فى وقت ما فانه سرعان ما تجدى نفسك ترمى كل شئ وراء ظهرك حتى تستمعى وتستمتعى بهذه الاوتار وعندما تتزوجى بالرجل المناسب الذي يراعى طموحك وقبل ذلك يراعي الله بك ستجدين نفسك فى اسعد حالاتك وعندما تكتشفي انك حامل احساس ليس له وصف عندما تحسي بركل ابنك داخلك وعندما يوقظك من النوم بركله قويه احساس تانى خالص وعندما يخرج الى الحياه وتحضنيه وتدفئه بحضنك الدافي هذا احساس اخر وياسلام بقي لما تشمى ريحه البرفان الطبيعي بتاعته كل يوم ههههههههههههههههه(تغيري البامبرز يعنى ) صدقينى هتبقي من احسن لحظاتك واللى هتبقي تذليه بيها بعدين ولما تشوفي طموحك ودراستك وامكانياتك هى اللى كبرت قدامك فى اولادك صدقينى هتيجي في يوم وتسألى نفسك انتى ازاى كنتى هتاجلى الكلام ده والاحاسيس الجميله الكتيره دى بجد انتبهي الى تلك النقاط

خامسا والله انى احبك فى الله واتمنى من الله عز وجل بان ينفعنا واياكم بالصلاح ويرزقنا واياكم بالزوج الصالح والذريه الصالحه يارب

[Damo]

السلام عليكم

اختي الكبيرة ذهبية

طبعا كل الاخوات ردوا ردود جميلة جدا جداا

اسمحيلى اتكلم معاكى كاختك كبيرة ليكى

.

.

علشان كدة انا من مشجعة الزواج و الانجاب بدرى وبعد كدة اعملى الى انتى عايزاها

.

.

لك منى كل تحياتى يا دامو وكل السعادة و هدوء البال و دعوة فرح عليها احلى اسم عروسة داموووووووووو

ذهبية

شكرا على الاهتمام و النصائح القيمة.

بخصوص فكرة سن الانجاب فانا طبعا مدركة الموضوع ده..حتى قبل كده كنت بقول لنفسي اني اول ما اتجوز هخلف علطول عشان كل ما كان سني اصغر كان صحي اكتر و حتى عشان فرق السن بيني و بين اولادي.

لكن بخصوص حتة اني اتجوز بدري (اللي انا بعتبرو في اوائل العشرينات) فده موضوع تاني و بصراحة مش متقبلاه بالمرة لاني حتة لو قولت خلاص انا مقتنعة باهمية الجواز بالنسبالي لو حصل في التوقيت ده هيدمرني لانو نفس الوقت اللي ان شاء الله هبدا اكون فيه مهنتي..و توقيت حساس زاي ده انا مش مستعده اخاطر بيه.

برنس الشرق

حياة الانسان كلها عبارة عن قرارت بعد ما ندرس كل احتمالات القرارت

.

.

.

اوعى يكون كل هدفك هو الجانب المادى والطموح الشخصى زى الاجانب لانهم محسوش بمتعة وبقت حالات الانتحار منتشرة هناك جدا ....

اتمنى انك تكونى اقتنعى بكلامى

اقتنعت و الحمد لله :P

مرسي :waf:

حبيبتي pocy

حبيبتى واختى فى الله : داموووووووووووو

اولا وحشتينا وافقتقدناكى لما غبتى عننا بس رجعتلنا بموضوع شيق جدا

.

.

.

خامسا والله انى احبك فى الله واتمنى من الله عز وجل بان ينفعنا واياكم بالصلاح ويرزقنا واياكم بالزوج الصالح والذريه الصالحه يارب

اولا الله يسلمك

ثانيا. وصلت فكرة ان الحكاية ملياااانه..احاسيس

ثالثا. انا اقتنعت خلاص بموضوع ان الخلفة ماينفعش تتاجل. لكن ان شاء الله لو كان في نصيب, مش هتجوز الا لما اتاكد ان الكلام ده كلو ممكن يتعمل و انا مستمرة في الشغل من الناحية التانيه ولو بسيط بس مش يحصل تاجيلات. و لو انا حسيت ان الجوازه اللي هبقى خاشة عليها ' هتاجل' فده هيخليني افكر ميييييت مليوون مرة قبل ما اوافق.

رابعا. تشكري على الدعوة الرقيقة :lol:

[Damo]

السلام عليكم و رحمة الله و بركاته

دامو..... ديمو..... ديدمونة......

يا توري يا هل توري لسه ضاربة عينيكي مقص في السقف؟؟؟

يا توري يا هل توري لسه بتفكري؟؟؟

ممكن زي ما شاركتينا تساؤلك....تشاركينا ايه اللي اتغير في تفكيرك.... علي افتراض التغيير.... او وضوح الرؤية ع الاقل؟؟؟

مسااااااااااااااااااااكي بحلقة في سقف حدوده السما

بناء على طلب لمضوضة....اختي في السر. هكتب summary عن التعديلات اللي حصلت في دماغي:

الفكرة اللي اترددت كتير ان مفيش جواز ناجح يعطل حد عن طموحاته. و اني انجح (ولو مش نجاح ساااحق) في كل عوامل حياتي احسن من اني اكسر الدنيا في عامل واحد. و لما اجي اتجوز (ان شاء الله) ابقى اخود بالي اني ارطبت بحد يقدر النجاح و العلم و يقف جانبي زاي مانا اكيد هقف جمبو بردو و يفرح لنجاحي زاي مانا هفرح لنجاحو لان انا و هو هنبقى واحد.

عرفت ان الجواز او عدمه هياثر على بقيت مراحل حياتي لحد ما اتقاعد و ساعتها هيكون مهم ان ليا حد يونسني سواء جوزي او اولادي.

عرفت ان الاطفال ريحتهم حلوة :lol:

بشكر تاني كلللل اللي شاركوا برايهم

تحياتي

دامو

[doha]

بصي ياداموا يابنتي ريحي نفسك ومتخططيش من دولقت لاي شيء يخص الجواز . . خذيها قاعده الزواج من الاشياء القليلة في الحياه الي ( لايمكن ) بحال انك تحطي لها مقياس او خطة تمشي عليها و( تلتزمي ) بتنفيذها .

زي ماقالوا زمان .. ساعة القدر بيعمى البصر ..

انتي دلوقت بس من الفراغ او بعوامل السن بتفكري كتير وشاغله نفسك بوضع ( مواصفات ) وتخيلات عن هتضحي بايه مقابل ايه .. ده لانك عاوز ( تتعاملي ) مع الزواج فسنك وخبرتك وجهتك للتعامل معه من الزاوية دي .. يعني الي بتعمليه دلوقت من ( مقايسة ) لفكرة الزواج نفسها هي ( ضرورة مرحلية ) لقطع الوقت لا اكثر ولا اقل لكن وقت الجد هو الشخص الي مكتوب لك هتاخذيه مفيش غيره حتى لو مفيهوش ولا شرط م الي بتفكري فيهم وحتى لو اضطريتي وقتها انك تضحي بدكتوراة الذرة في مقابل ارتباطك بيه ..

مش هقولك غير اعملي الي عليكي يادامو وموتي نفسك في المذاكرة والتفوق ومتفكريش في بكرا ولا تفكري ده هينفع مع الزواج ولا مش هينفع ولا مين فيهم هيعاكس التاني .. الرسول عليه الصلاة والسلام قال ان قامت الساعة وفي يد احدكم فسيلة فان استطاع ان لا يقوم حتى يزرعها فليزرعها .. وانا بقولك وقت ماخلاص تلاقي الشخص الي تحسي انه هو ده المناسب وهتكملي معاه وقدامك صفحتين في كتاب لسه مقريتهمش فلو قدرتي تقريهم يبقى كتر خيرك اصل عندنا كشرقيين الزواج هو ساعة العلم التي تقوم على اي امرأة تقرر ترتبط وللاسف ده حاجه مش في ايدنا لا نأجلها ولا نأخرها .. وللاسف منقدرش نقولها متقومش ..

هقولك كفتاة لها طموح علمي .. تزوجي ياداموا .. فانتي في الحالتين نادمة wst::

[بهيج على]

العزيزة...... دامو

السلام عليكم

رغم انها أول مرة أشارك فى المنتدى لفت نظرى الموضوع الحيوى جدا اللى يهم كثيرا من البنات وهو الجواز . لكن وبدون زعل أنا عرفت تقريبا انك لسة بتدرسى فى الجامعة .صح ولا لأ ؟

وكأخ أكبر أو بمرتبة الوالد أنصحك تركزى فى مستفبلك ودراستك وعملك المستقبلى لأنى عرفت إنكم خارج مصر يعنى فى دولة تقدر العلم والعمل . لذلك أنا شايف إنك تستغلى هذه الفرصة الكبيرة جدا جدا اللى وفرتها لكى أسرتك وأكيد بمجهود فظيع وتتمناها ملايين البنات .

ياااااااااااااارب تنجحى وتبهرى من حولك

بالتوفيق :sad:

[بركة]

بصي يادامو يا جميلة قدامي مثل حي على كل اللي في بالك

أسرة مكونة من زوج وزوجة وولد وبنت

الزوج بيحب جدا الدراسة والترقي والعمل الجاد و متدين

بيساعد زوجته انها توصل للي هي نفسها فيه ..بتشتغل وبتدرس وأم

بس عنده مبدأ جميل لسه مجتمعنا الشرقي لم يتبناه الا وهو عدم اهدار الوقت

باختصار مافيش حاجة اسمها lost time كل ما يمكن ان يهدر الوقت لازم يشوفوا له حل

حتى الاولاد اتعودوا على كده

بجد نموذج نفسي نطبقه كلنا

واخيرا ربنا يرضيكي بما قدره لك ..

[Damo]

doha

بهيج على

بركة

مرسي

:lol:

[لماضة مصرية جدا]

السلام عليكم و رحمة الله و بركاته

هو فيه ايه

كل ما آجي آخد الغياب الاقي داااااامو غايبة....مش كده يعني

يا بنتي يا داااامو.....قلقتيني عليكي.....(مش عارفة ليه اليومين دول عندي جورعة قلق مركزة....)

طب يعني حضرتك اتقندلتي....قصدي اتجوزتي

طب يعني نبل الشربات....و نعلق الزينة النهاردة فرح ست الحوتة

يا بنتي...

يا ضنايا

مكنشي يومك يا شااااااااااااااابة

شيلي بقي صورة المغنية الروشة دي و انزلي بصورة زينات صودقي....في فيلم حسب الله السابع عشر

نداااااااء عاجل

داااامو....

اوعي تعمليها في نفسك..... يا بنتي.... :rolleyes:

يا رب خير

فوتك بعافية....ابقي خلي بالك م العصاية اللي انا ساندة عليها....احسن لو اتشالت هآخد هودر محترم ع الارض..... :sad: