النهل الجميل لكل من سار في موكب الرحيل

[dcfarouk]

السلام عليكم

انا فكرت كتير قبل ما اعمل موضوع منفصل لان في مجهود جبار لناس تانيه كتير في مواضيع مفتوحه بمعدلات قراءه ومتابعه وهميه

بس لقيت من كتر الصفحات وتنوع المواضيع وكم المعلومات الجبار والجميل اصبح معلومات كتير ممكن تتوه واصبح العثور عليها بياخد وقت طويل وحتي لو لقيتها مره ممكن تنساها هتضطر ترجع تدور تاني قلت احاول اعمل تجميعه متجدده سهل الوصول للمعلومات فيها علشان كده عملت موضوع منفصل

انا اقتبست كتير منها من خبرات ناس تانيه وجزء كبير برضو من المواقع الاجنبيه المسؤله وجزء من خبرات الاجانب وجزء بسيط من خبره شخصيه

المواضيع

1 .استحضار نيه السفر

2.فتاوي متعلقه بالسفر

3.ادعيه السفر

4.شنط السفر ومحتوياتها والممنوعات

5.حجز تذكره الطيران

6.و ماذا تفعل لو ضاع جواز سفرك

7.الادويه اللي هتحتاجها في السفر

8.كيف تعرف لحم الخنزير

9.اقتراحات بديله للسكن وانت عازب

10.اقتراحات بديله للاطباء لحد ما المعادله تخلص

توكلت علي الله

1.استحضار نيه السفر

ما في المقام لذي عـقـل وذي أدب … من راحة فدع الأوطان واغتـرب

سافر تجد عوضـا عمن تفارقــه … وانْصَبْ فإن لذيذ العيش في النَّصب

إني رأيت ركـود الـماء يفســده … إن ساح طاب وإن لم يجر لم يطب

والأسد لولا فراق الغاب ما افترست … والسهم لولا فراق القوس لم يصب

والشمس لو وقفت في الفلك دائمة … لملَّها الناس من عجم ومن عـرب

والتِّبرُ كالتُّـرب مُلقى في أماكنـه … والعود في أرضه نوع من الحطب

فإن تغرّب هـذا عـَزّ مطلبـــه … وإن تغرب ذاك عـزّ كالذهــب

لازم قبل ما تسافر تحضر نوايا للسفر وتسال نفسك

انا مسافر ليه

لازم يكون ليك اهداف دينيه واهداف شخصيه وطبعا مش شخصيه بس لازم تكتب اهدافك انت عاوز ايه من سفرك هل قصدك وجه الله ولا قصد حياه روشه وبنات حلوه وارضاء لغرور جواك انت اكتر واحد عارف الاجابه بس قبل ما ترضي باجابتك تذكر حديث رسولنا صلى الله عليه وسلم

عن أمير المؤمنين أبي حفص عمر بن الخطاب رضي الله عنه ، قال : سمعت رسول الله صلى الله عليه وسلم يقول : ( إنما الأعمال بالنيّات ، وإنما لكل امريء مانوى ، فمن كانت هجرته إلى الله ورسوله ، فهجرته إلى الله ورسوله ، ومن كانت هجرته لدنيا يصيبها ، أو امرأة ينكحها ، فهجرته إلى ما هاجر إليه ) . رواه البخاري و مسلم في صحيحهما .

سفرك ده فرصه اوعي تضيعها,اشتري لنفسك نفس جديده اعتبر الارض اللي انت عليها مولد جديد ليك

مكان هتعيش فيه لوجه الله بدون معاصي

هصللي في المسجد

هحافظ علي الاذكار

هتمسك بالصحبه الصالحه

هحسن صوره الاسلام

هحسن من نفسي واطورها واكون قدوه في شغلي واشتغل بجد

هغض بصري

وتذكر

قال تعالى (وَلَوْ أَنَّ أَهْلَ القُرَى آمَنُوا وَاتَّقَوْا لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ وَلَكِن كَذَّبُوا فَأَخَذْنَاهُم بِمَا كَانُوا يَكْسِبُونَ)

[ سورة الأعراف : الآية 96]

قال تعالى : وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْراً

[ سورة الطلاق : الآية 3]

قال تعالى :فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً (10) يُرْسِلِ السَّمَاءَ عَلَيْكُم مِّدْرَاراً

(11) وَيُمْدِدْكُم بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَاراً (12)[ سورة نوح]

مش هطول عليكم بس خلاصه الكلام احسبها انت هتعمل ايه في سفرك القصير ده عشان تستعد بيه لسفرك الطويييييييييل

ولا تنسي ان دعوة المسافر من الدعوات المستجابة

ولذلك كان دعاء المسافر هو

اللَّهُمَّ إِنَّا نَسْأَلُكَ في سَفَرِنَا هَذَا الْبِرَّ وَالتَّقْوَى

انت مولود في مهجرك من جديد هذه فرصه حياتك لتكون عبد صالح ولتغير من نفسك الان ولا تسوف

واياك ورفقه السوء

وبما انك مولود من جديد يجب ان تحذف من قاموسك كلمات كم اضعفتنا

impossible & easy سهل ومستحيل فلا شئ جميل ياتي سهل ولا شئ مستحيل

توكل علي الله ومن يتوكل علي الله فهو حسبه

وتذكر في غربتك

عن أبى زر رضى الله عنه أن النبى قال : إنى أعلم آية لو أخذ بها الناس لكفتهم ، ثم تلا :

قول الله سبحانه وتعالى :

" وَمَن يَتَّقِ اللَّهَ يَجْعَل لَّهُ مَخْرَجاًّ وَيَرْزُقْهُ مِنْ حَيْثُ

لاَ يَحْتَسِبُ "

اتقي الله يا عبد الله , كل ما الغربه تكون اصعب وضيق اكتر في الرزق تذكر ان الله جعل مخرجا لكل من اتقاه

تذكر جنه الدنيا والاخر في تقوي الله

تذكر انت قدوه

تذكر لو أسلم المسلمون لأسلم العالم

2_فتاوي متعلقه بالسفر

تغرب عن الأوطان في طلب العلا … وسافر ففي الأسفار خمس فوائد

تَفَرُّجُ هم ، واكتسـاب معيشــة … وعلم وآداب ، وصحبة ماجـد

السلام عليكم ورحمه الله وبركاته

قال عليه الصلاة والسلام في الحديث الصحيح (( العهد الذي بيننا وبينهم الصلاة فمن تركها فقد كفر )) أخرجه الإمام أحمد وأهل السنن بإسناد صحيح عن بريدة بن الحصين رضي الله عنه ...

وقال عليه الصلاة والسلام (( بين الرجل وبين الكفر والشرك ترك الصلاة )) أخرجه مسلم في صحيحه عن جابر رضي الله عنه

ويقول عليه الصلاة والسلام (( من سمع النداء فلم يأت فلا صلاة له إلا من عذر )) أخرجه ابن ماجة والدارقطني والحاكم بإسناد على شرط مسلم .

الصلاة عمود الإسلام وركنه الأعظم بعد الشهادتين، صلة بين العبد و ربه عز وجل ، جاءت النصوص مبينة لفضلها و مكانتها مما يطول الكلام عنه و ليس مرادنا هنا.

و الصلاة برغم اهميتها الكبرى جاءت الشريعة بتخفيف بعض أحكامها في أحوال معينة تيسيراً على العباد و رفعاً للحرج عنهم، و من تلك الأحوال حال السفر إذ السفر مظنة المشقة، و حيث أننا في وقت يكثر السفر فيه رأيت من المناسب إيراد جملة من أحكام الصلاة للمسافر وهى على شكل سؤال وجواب لتسهيل القراءة وثبات المعلومه ان شاء الله ...

لنتأمل سوياً كيف يراعي ديننا الإسلامي الحنيف المسلم في سائر أحواله فما أعظمه من دين وما أسماها من أحكام وهي من فتاوى الشيخ محمد بن عثيمين رحمه الله ...

حكم الأذان في السفر:

هذه المسألة محل خلاف، والصواب وجوب الأذان على المسافرين، وذلك أن النبي صلى الله عليه وسلم قال لمالك بن الحويرث وصحبه (إذا حضرت الصلاة فليؤذن لكم أحدكم) وهم وافدون على رسول الله صلى الله عليه وسلم مسافرون إلى أهليهم، ولأن النبي صلى الله عليه وسلم لم يدع الأذان ولا الإقامة حضراً ولا سفراً، فكان يؤذن في أسفاره ويأمر بلالاً رضي الله عنه أن يؤذن.

من جهل القبلة أولم يجد ماء هل يؤخر الصلاة؟:

الصلاة يجب أن تؤدى وتفعل في وقتها لقوله تعالى: (إن الصلاة كانت على المؤمنين كتاباً موقوتاً) وإذا وجب أن تفعل في وقتها فإنه يجب على المرء أن يقوم بما يجب فيها بحسب المستطاع لقوله تعالى (فا تقوا الله ما استطعتم) ولقول النبي صلى الله عليه وسلم لعمران بن حصين (صل قائماً فإن لم تستطع فقاعداً فإن لم تستطع فعلى جنب).

ولأن الله عز وجل أمرنا بإقامة الصلاة حتى في حال الحرب والقتال و لو كان تأخير الصلاة عن وقتها جائزاً لمن عجز عن القيام بما يجب فيها من شروط وأركان وواجبات ما أوجب الله تعالى الصلاة في حال الحرب.

مقدار المسافة التي يقصر فيها الصلاة:

المسافة التي تقصر فيها الصلاة حددها بعض العلماء بنحو ثلاثة وثمانين كيلو متراً وحددها بعض العلماء بما جرى به العرف أنه سفر وان لم يبلغ ثمانين كيلو متراً وما قال الناس عنه:إنه ليس بسفر فليس بسفر ولو بلغ مائة كيلو متر.

وهذا الأخير هو اختيار شيخ الإسلام ابن تيمية ، رحمه الله ، وذلك لأن الله تعالى لم يحدد مسافة معينة لجواز القصر وكذلك النبي صلى الله عليه وسلم لم يحدد مسافة معينة لجواز

القصر.

وقال أنس بن مالك – رضى الله عنه : ((كان النبي صلى الله عليه وسلم إذا خرج ثلاثة أميال او فراسخ قصر الصلاة وصلى ركعتين)). وقول شيخ الإسلام ابن تيميه ، رحمه الله ، أقرب إلى الصواب، ولا حرج عند اختلاف العرف فيه أن يأخذ الإنسان بالقول بالتحديد لأنه قال به بعض الأئمه و العلماء المجتهدين فليس عليهم به بأس إن شاء الله تعالى أما مادام الأمر منضبطاً فالرجوع إلى العرف هو الصواب.

متى يترخص المسافر برخص السفر:

ذكر العلماء-رحمهم الله -انه لا يشترط لفعل القصر والجمع ، حيث أبيح فعلهما ، أن يغيب الإنسان عن البلد بل متى خرج من سور البلد جاز له ذلك. وتبدأ أحكام السفر إذا فارق المسافر وطنه وخرج من عامر قريته أو مدينته وإن كان يشاهدها، ولا يحل الجمع بين الصلاتين حتى يغادر البلد إلا أن يخاف أن لا يتيسر له صلاة الثانية أثناء سفره.

رخص السفر:

1. صلاة الرباعية ركعتين.

2. الفطر في رمضان ويقضيه عدة من أيام أخر.

3. المسح على الخفين ثلاثة أيام بلياليها ابتداء من أول مسح.

4. سقوط المطالبة براتبة الظهر والمغرب والعشاء أما راتبة الفجر وبقية النوافل فإنها باقية على مشروعيتها واستحبابها.

5. الجمع بين الصلاتين اللتين يجمع بعضهما إلى بعض وهما الظهر والعصر أو المغرب والعشاء ولا يجوز تأخير المجموعتين عن وقت الخيرة منهما فلا يجوز تأخير الظهر والعصر المجموعتين إلى غروب الشمس ولا تأخير المغرب والعشاء المجموعتين إلى ما بعد نصف الليل.

من كان سفره دائماً هل يترخص برخص السفر؟:

قصر الصلاة متعلق بالسفر فما دام الإنسان مسافراً فإنه يشرع له قصر الصلاة سواء كان سفره نادراً أم دائماً إذا كان له وطن يأوي إليه ويعرف أنه وطنه.

إقامة المسافر في بلد غير بلده الأصلي (بنية الاستيطان) :

أن يقيم إقامة استيطان بحيث ينتقل عن بلده الأصلي انتقالاً كاملاً فحكم هذا حكم المستوطنين الأصليين في كل شيء لا يترخص رخص السفر في هذا البلد الذي انتقل إليه بل يترخص إذا سافر منه ولو إلى بلده الأصلي كما لو كان بلده الأصلي مكة فانتقل للسكنى في المدينة فإنه يعتبر في المدينة كأهلها الأصليين فلو سافر إلى مكة للعمرة أو الحج أو طلب العلم أو زيارة قريب أو تجارة أو غيرها فحكمه في مكة حكم المسافرين وإن كان قد تزوج فيها من قبل وتأهل كما فعل النبي صلى الله عليه وسلم في مكة في غزوة الفتح وحجة الوداع مع أنه قد تزوج في مكة وتأهل فيها من قبل.

هل تسقط الجماعة عن المسافر؟:

لا تسقط صلاة الجماعة عن المسافر لأن الله تعالى أمر بها في حال القتال فقال: (وإذا كنت فيهم فأقمت لهم الصلاة فلتقم طائفة منهم معك وليأخذوا أسلحتهم فإذا سجدوا فليكونوا من ورائكم ولتأت طائفة أخرى لم يصلوا فليصلوا معك) (النساء الآية:102).الآية.. وعلى هذا فإذا كان المسافر في بلد غير بلده وجب عليه أن يحضر الجماعة في المسجد إذا سمع النداء إلا أن يكون بعيداَ أو يخاف فوت رفقته لعموم الأدلة الدالة على وجوب صلاة الجماعة على من سمع النداء أو الإقامة.

عدد ركعات صلاة السفر:

صلاة المسافر ركعتان من حين أن يخرج من بلده إلى أن يرجع إليه لقول عائشة رضى الله عنها : ((أول ما فرضت الصلاة فرضت ركعتين فأقرت صلاة السفر وأتمت صلاة الحضر)). وفي رواية ((وزيد في صلاة الحضر)) وقال أنس بن مالك رضى الله عنه : خرجنا مع النبي صلى الله عليه وسلم من المدينة إلى مكة فصلى ركعتين ركعتين حتى رجعنا إلى المدينة)).

إذا صلى المسافر خلف إمام يتم:

إذا كنت في بلد تسمع النداء فيه فعليك أن تجيب النداء وإذا صليت مع الإمام لزمك الإتمام لعموم قوله صلى الله عليه وسلم ((ما أدركتم فصلوا وما فاتكم فأتموا)). ولقوله صلى الله عليه وسلم: (( إنما جعل الإمام ليؤتم به)) ولأن ابن عباس رضى الله عنهما سئل: عن الرجل إذا كان مسافر وصلى مع الإمام يصلي أربعا َوإذا كان وحده يقصر؟ قال: تلك هي السنة فإذا سمعت النداء فاجب وأتم مع الإمام فلو صليت معه ركعتين وسلم فإن عليك أن تتم الركعتين الباقيتين.

ولكن لو أنك لم تسمع النداء أو كنت في مكان ناء عن المساجد أو فاتتك الجماعة فإنك تصلى ركعتين ما دمت في البلد الذي سافرت إليه بنية الرجوع إلى بلدك.

إمامة المسافر للمقيم:

يجوز للمسافر أن يكون إماماً للمقيمين، وإذا سلم يقوم المقيمون فيتمون الصلاة بعده ولكن ينبغي للمسافر الذي أم المقيمين أن يخبرهم قبل الصلاة فيقول لهم إنا مسافرون فإذا سلمنا فأتموا صلاتكم، ولأن النبي صلى الله عليه وسلم صلى بمكة عام الفتح وقال لهم: (أتموا يا أهل مكة فإنا قوم سفر) فكان يصلي بهم ركعتين وهم يتمون بعده.

كيفية صلاة المسافر:

إذا حان وقت الفريضة وأنت في الطائرة فلا تصلها في الطائرة بل انتظر حتى تهبط في المطار إن اتسع الوقت إلا أن يكون في الطائرة محل خاص يمكنك أن تصلي فيه صلاة تامة تستقبل فيه القبلة وتركع وتسجد وتقوم وتقعد فصلها في الطائرة حين يدخل الوقت.

فإن لم يكن في الطائرة مكان خاص يمكنك أن تصلي فيه صلاة تامة وخشيت أن يخرج الوقت قبل هبوط الطائرة فإن كانت الصلاة مما يجمع إلى ما بعدها كصلاة الظهر مع العصر وصلاة المغرب مع العشاء ويمكن أن تهبط الطائرة قبل خروج وقت الثانية فأخر الصلاة الأولى واجمعها إلى الثانية جمع تأخير ليتسنى لك الصلاة بعد هبوط الطائرة.

فإن كانت الطائرة لا تهبط إلا بعد خروج وقت الثانية فصل الصلاتين حينئذٍ في الطائرة على حسب استطاعتك فتستقبل القبلة وتصلي قائماً وتركع إن استطعت وإلا فأومئ بالركوع وأنت قائم ثم اسجد إن استطعت وإلا فأومئ بالسجود جالساً.

أما كيفية صلاة النافلة على الطائرة فإنه يصليها قاعداً على مقعده في الطائرة ويومئ بالركوع والسجود ويجعل السجود أخفض.

جمع الصلاتين للمسافر:

أما الجمع: إن كان سائراً فالأفضل له أن يجمع بين الظهر والعصر وبين المغرب والعشاء إما جمع تقديم وإما جمع تأخير حسب الأيسر له وكلما كان أيسر فهو أفضل.

وإن كان نازلاً فالأفضل أن لا يجمع وإن جمع فلا بأس لصحة الأمرين عن رسول الله صلى الله عليه وسلم. وفي صحيح مسلم عن عبد الله بن عباس رضى الله عنهما قال: (جمع النبي صلى الله عليه وسلم بين الظهر والعصر وبين المغرب والعشاء من غير خوف ولا مطر) فقالوا: ما أراد قال: أراد أن لا يحرج أمته، أي لا يلحقها حرج في ترك الجمع.

وهذا هو الضابط كلما حصل حرج في ترك الجمع جاز له الجمع وإذا لم يكن عليه حرج فلا يجمع لكن السفر مظنة الحرج بترك الجمع وعلى هذا يجوز للمسافر أن يجمع سواء كان جاداً في السفر أم مقيماً إلا أنه إن كان جاد في السفر فالجمع أفضل. وإن كان مقيماً فترك الجمع افضل.

ويستثنى من ذلك ما إذا كان الإنسان مقيماً في بلد تقام فيه الجماعة فإن الواجب عليه حضور الجماعة وحينئذ لا يجمع ولا يقصر. لكن لو فاتته الجماعة فإنه يقصر من دون جمع إلا إذا احتاج إلى الجمع.

إذا أدرك المسافر ركعتين من الرباعية مع الإمام هل تكفيه لصلاته؟

هذا غير جائز إذا دخل مع المقيم يجب أن يكمل أربع ركعات بعد تسليم الإمام لعموم قول النبي صلى الله عليه وسلم (ما أدركتم فصلوا وما فاتكم فأتموا).

من أراد السفر بعد الفريضة هل يجمع معها ما بعدها وهو في بلده ؟:

إذا كنت في بلدك لم تخرج وأردت أن تسافر بعد صلاة المغرب مباشرة فإنك لا تجمع لأنه ليس لك سبب يبيح للجمع إذ أنك لم تغادر بلدك أما إذا كنت في بلد قد سافرت إليه مثل أن تكون قد أتيت لمكة للعمرة ثم أردت أن تسافر بين المغرب والعشاء فإنه لا بأس إذا صلى الإمام المغرب أن تصلي بعده العشاء مقصورة ثم تخرج إلى بلدك.

إذا أخر المسافر صلاة المغرب ليجمعها مع صلاة العشاء وأدرك الناس في المدينة يصلون العشاء:

ينضم معهم بنية صلاة المغرب وفي هذه الحال إن كان قد دخل مع الإمام في الركعة الثانية فالأمر ظاهر ويسلم مع الإمام لأنه يكون صلى ثلاثاً وإن دخل في الثالثة أتى بعده بركعة.أما إن دخل في الركعة الأولى من صلاة العشاء وهو يصلي بنية المغرب فإن الإمام إذا قام إلى الرابعة يجلس هو ويتشهد ويسلم ثم يدخل مع الإمام في بقية صلاة العشاء حتى يدرك الجماعتين في الصلاتين وهذا الانفصال جائز لأنه لعذر والانفصال لعذر جائز كما ذكر ذلك أهل العلم.

الصلاة في الحضر وقد أدركه وقتها في السفر والعكس:

قاعدة: وهي: أن العبرة بفعل الصلاة فإن فعلتها في الحضر فأتم وإن فعلتها في السفر فاقصر سواء دخل عليك الوقت في هذا المكان أو قبل.

مثلاً إنسان سافر من بلده بعد أذان الظهر لكن صلى الظهر بعد خروجه من البلد ففي هذه الحال يصلي ركعتين وأما إذا رجع من السفر ودخل عليه الوقت وهو في السفر ثم وصل بلده فإنه يصلي أربعاً فالعبرة بفعل الصلاة إن كنت مقيماً فأربع وإن كنت مسافراً فركعتين.

إذا قام المسافر لثالثة وقد نوى القصر:

إذا أتم المسافر الصلاة ناسياً فإن صلاته صحيحة ولكن يسجد للسهو لأنه زاد زيادة غير مشروعة ناسياً فإن المشروع في حق المسافر أن يقتصر على ركعتين إما وجوباً على مذهب أبي حنفية وأهل الظاهر وإما استحباباً على مذهب أكثر أهل العلم.

صلاة الرجل بأهله في السفر:

لا بأس أن يصلي الرجل بأهله ومحارمه في السفر فقد كان النساء يحضرن الصلاة في عهد النبي صلى الله عليه وسلم وصلى النبي صلى الله عليه وسلم بأنس وأمه واليتيم.

صلاة الجمعة للمسافر:

المسافر لا تسقط عنه الجمعة إذا كان في مكان تقام فيه الجمعة، و لم يكن عليه مشقة في حضورها لعموم قوله تعالى: (يا أيها الذين أمنوا إذا نودي للصلاة من يوم الجمعة فاسعوا إلى ذكر الله وذروا البيع) فيجب عليه حضور الجمعة ليصلي مع المسلمين، ولا تسقط عنه صلاة الجماعة لعموم الأدلة أيضاً.

جمع صلاة العصر مع صلاة الجمعة:

لا تجمع العصر إلى الجمعة لعدم ورود ذلك في السنة ولا يصح قياس ذلك على جمعها إلى الظهر للفروق الكثيرة بين الجمعة والظهر والأصل وجوب فعل كل صلاة في وقتها إلا بدليل يجيز جمعها إلى الأخرى.

السفر قبل صلاة الجمعة:

السفر يوم الجمعة إن كان بعد أذان الجمعة الثاني فإنه لا يجوز لقوله تعالى: (يا أيها الذين آمنوا إذا نودي للصلاة من يوم الجمعة فاسعوا إلى ذكر الله وذروا البيع) فلا يجوز للإنسان أن يسافر في هذا الوقت لأن الله قال: (فاسعوا إلى ذكر الله وذروا البيع) وإذا كان السفر قبل ذلك فإن كان سيصلى الجمعة في طريقه مثل أن يسافر من بلده وهو يعلم أنه سيمر على بلد آخر في طريقه ويعرج عليه ويصلي الجمعة فيه فهذا لا بأس به وإن كان لا يأتي بها في طريقه فمن العلماء من كرهه ومن العلماء من حرمه ومن العلماء من أباحه وقال إن الله تعالى لم يوجب علينا الحضور إلا بعد الأذان والأحسن ألا يسافر إلا إذا كان يخشى من فوات رفقته.

ماذا يصلى المسافر من النوافل؟:

التطوع بالنوافل: فإن المسافر يصلي جميع النوافل سوى راتبة الظهر والمغرب والعشاء فيصلى الوتر وصلاة الليل وصلاة الضحى وراتبة الفجر وغير ذلك من النوافل غير الرواتب المستثناة.

المسافرون يصلون التراويح وقيام الليل؟:

نعم يصلون التراويح ويقومون الليل ويصلون صلاة الضحى وغيرها من النوافل لكن لا يصلون راتبة الظهر أو المغرب أو العشاء.

كيفية الصلاة في الأماكن التي يطول فيها الليل أو النهار

س : قد يستمر الليل أو النهار في بعض الأماكن لمدة طويلة ، وقد يقصر جدا بحيث لا يتسع لأوقات الصلوات الخمس فكيف يؤدي ساكنوها صلاتهم ؟

الواجب على سكان هذه المناطق التي يطول فيها النهار أو الليل أن يصلوا الصلوات الخمس بالتقدير إذا لم يكن لديهم زوال ولا غروب لمدة أربع وعشرين ساعة ، كما صح ذلك عن النبي صلى الله عليه وسلم في حديث النواس بن سمعان ، المخرج في صحيح مسلم في يوم الدجال الذي كسنة ، سأل الصحابة رسول الله صلى الله عليه وسلم عن ذلك ، فقال : اقدروا له قدره

وهكذا حكم اليوم الثاني من أيام الدجال ، وهو اليوم الذي كشهر ، وهكذا اليوم الذي كأسبوع . أما المكان الذي يقصر فيه الليل ويطول فيه النهار أو العكس في أربع وعشرين ساعة فحكمه واضح : يصلون فيه كسائر الأيام ، ولو قصر الليل جدا أو النهار؛ لعموم الأدلة . والله ولي التوفيق . واتمنى ان هذا الموضوع ينال اعجابكم ..

3.ادعيه السفر

توكلت في رزقي على الله خـالقي … وأيقنـت أن الله لا شك رازقي

وما يك من رزقي فليـس يفوتني … ولو كان في قاع البحار العوامق

سيأتي بـه الله العظـيم بفضلـه … ولو، لم يكن من اللسـان بناطق

ففي اي شيء تذهب النفس حسرة … وقد قسم الرحـمن رزق الخلائق

من أراد أن يسافر

:

فالمستحب أن يخرج يوم الخميس، فإن النبي صلى الله عليه وسلم كان يحب أن يخرج يوم الخميس. (للبخاري).

ويستحب أن يصلي ركعتين قبل الخروج إلى السفر.

ولا يسافر واحداً ولا مع واحد بل يخرج مع اثنين أو مع ثلاثة، فإن النبي صلى الله عليه وسلم قال: الراكب شيطان والراكبان شيطانان والثلاثة ركب (لأبي داود والترمذي وقال حسن).

وخير الصحابة أربع، وخير السرايا أربع مئة، وخير الجيوش أربعة آلاف. (لأبي داود والترمذي).

وليؤمروا أحدهم. (لأبي داود).

ولا يأخذوا معهم كلباً ولا جرساً، فإن النبي صلى الله عليه تعالى وسلم قال: لا تصحب الملائكة رفقة فيها كلب ولا جرس. (لمسلم).

وإذا نزلوا في آخر الليل فليتجنبوا الطريق فإنها طرق الدواب ومأوى الهوام بالليل. (لمسلم).

أدعية السفر

وإذا أراد أن يسافر قال:

اللهم بك أصول وبك أجول وبك أسير. .

التوديع بالدعاء والوصية عند السفر:

عن أبي هريرة رضي الله تعالى عنه أن رجلاً قال يا رسول الله إني أريد أن أسافر فأوصني، قال: عليك بتقوى الله والتكبير على كل شرف، فلما أن ولي الرجل قال:

اللهم اطو له البعد وهون عليه السفر. .

وعن أنس رضي الله تعالى عنه قال: جاء رجل إلى رسول الله صلى الله عليه وسلم فقال: يا رسول الله صلى الله عليه وسلم إني أريد سفراً فزودني، قال:

زوَّدك الله التقوى.

قال: زدني.

قال: وغفر ذنبك.

قال: زدني بأبي أنت وأمي:

قال: ويسر لك الخير حيث ما كنت. .

وكان ابن عمر رضي الله تعالى عنه يقول للرجل إذا أراد سفراً: أن ادنُ مني أودعك كما كان رسول الله صلى الله عليه وسلم يودعنا فيقول:

أستودع اللَّه دينَك وأمانتك وخواتيم عملك.

ويقول الذي يريد السفر لمن يخلفه

أستودعكم الله الذي لا تضيع ودائعه. .

دعاء ركوب الدابة:

وأُتي علي رضي الله تعالى عنه بدابة ليركبها فلما وضع رجله في الركاب قال: بسم الله، فلما استوى على ظهرها قال: الحمد لله

ثم قال: {سُبْحانَ الَّذِي سَخَّرَ لَنَا هَذَا وَمَا كُنَّا لَهُ مُقْرِنِينَ * وَإِنَّا إِلَى رَبِّنَا لَمُنقَلِبُونَ} .

ثم قال: الحمد لله (ثلاثاً).

وقال: الله أكبر(ثلاثاً).

ثم قال: {سبحانك إني ظلمت نفسي فاغفر لي فإنه لا يغفر الذنوب إلا أنت}.

ثم ضحك، وقال: رأيت رسول الله صلى الله عليه وسلم صنع كما صنعت. .

الدعاء إذا خرج للسفر:

روى ابن عمر رضي الله تعالى عنهما: أن رسول الله صلى الله عليه وسلم كان إذا استوى على بعيره خارجاً إلى السفر كبَّرَ (ثلاثاً) ثم قال:

{سُبْحانَ الَّذِي سَخَّرَ لَنَا هَذَا وَمَا كُنَّا لَهُ مُقْرِنِينَ * وَإِنَّا إِلَى رَبِّنَا لَمُنقَلِبُونَ}.

اللهم نسألك في سفرنا هذا البر والتقوى ومن العمل ما ترضى.

اللهم هون علينا سفرنا هذا واطو عنا بعده، اللهم أنت الصاحب في السفر والخليفة في الأهل.

وإذا رجع قالهن وزوّد:

آيبون تائبون عابدون لربنا حامدون. .

وعن عبد الله بن سرجس رضي الله تعالى عنه قال كان رسول الله تعالى عليه وسلم إذا سافر يتعوذ من وعثاء السفر وكآبة المنقلب والحَوْر بعد الكون ودعوة المظلوم وسوء المنظر في الأهل والمال. .

ما يقول عند الصعود والهبوط:

وقال أبو موسى الأشعري رضي الله تعالى عنه: كنا مع رسول الله صلى الله عليه وسلم فكنا إذا أشرفنا على واد هللنا وكبرنا... الحديث. .

وقال جابر بن عبد الله رضي الله تعالى عنهما: كنا إذا صعدنا كبرنا وإذا نزلنا سبحنا. .

وإذا نزل منزلاً:

أعوذ بكلمات الله التامات من شر ما خلق. .

الركعتان إذا نزل منزلاً:

روى الحاكم في المستدرك عن أنس بن مالك رضي الله تعالى عنه قال: كان النبي صلى الله تعالى عليه وبارك وسلم لا ينزل منزلاً إلا ودعه بركعتين.

وإذا أمسى في السفر وأقبل الليل قال:

يا أرضُ ربي وربك الله، أعوذ بالله من شرك وشر ما فيك وشر ما خلق فيك، ومن شر ما يدب عليك، وأعوذ بالله من أسدٍ وأسْوَد، ومن الحية والعقرب. ومن ساكني البلد، ومن والدٍ وما ولد. .الدعاء حين السحر في السفر:

وكان النبي صلى الله عليه وسلم إذا كان في سفر وأسحر يقول: سمع سامعٌ بحمد الله وحسن بلائه علينا، ربنا صاحبنا وأفضِل علينا عائذاً بالله من النار. .

يقول ذلك ثلاثاً يرفع بها صوته. .

أدعية الرجوع من السفر

وإذا رجع من سفره:

يكبر على كل شرف من الأرض ثلاث تكبيرات ثم يقول:

لا إله إلا الله وحده لا شريك له، له الملك وله الحمد وهو على كل شيءٍ قدير، آيبون تائبون عابدون ساجدون لربنا حامدون، صدق الله وعده، ونصر عبده، وهزم الأحزاب وحده. .

وإذا أشرف على بلده قال:

آيبون تائبون عابدون لربنا حامدون.

ولا يزال يقولها حتى يدخل بلده. .

وإذا دخل على أهله قال:

أوباً أوباً إلى ربنا توباً لا يغادر علينا حوباً.

قال الامام الشافعي

والسهم لولا فراق القوس لم يصب--------والأسد لولا فراق الغاب ما افترست

4..شنط السفر ومحتوياتها والممنوعات

السلام عليكم

اولا :معلومات عن شنط السفر والممنوعات والمسموح

لشنط اللي هتسافر بيها

2 شنطه كبيره

شنطه لاب توب

شنطه صغيره معاك في الطياره

1.الشنط الكبيره

المسموح للفرد في معظم شركات الطيران هو شنطتين (زي شركه اير كندا )كل واحده بحد اقصي 23 كيلو (كل واحده مش مجموع الاتنين اقل من 46 )

حجم الشطنه الواحده بقياس كل الابعاد الطول والعرض والعمق هو 157 سم

بعض شركات الطيران بتسمح بشنطه واحد مجانا والتانيه بفلوس

الموقع ده فيه

المسموح في معظم شركات الطيران واسعار تاني شنطه

http://www.expedia.com/daily/flights/airli...ees.asp#airline

الشنطه الزياده بيدفع عليها 100 دولار

الشنطه اللي وزنها زياده بمعني اكتر من 23 لحد 32 يدفع عليها 50 او 100 دولار حسب الشركه

الوزن اكتر من 32 كيلو ممنوع دخولها

الحجم اكبر للشنطه من 157 لحد 292 يدفع عليها 100 دولار

الحجم اكبر من 292 غير مقبول

لو الشنطه وزنها وحجمها زياده بتدفع 225 دولار

الدفع بيكون للوزن او الحجم الزائد للوصول لوجهه السفر المححده عند الدفع لاول مره بمعني لو انت عملت ترانزيت في بروكسل وانت اصلا حاجز القاهره مونتريال يبقي مش هتدفع تاني علي الشنط

عربيه البيبي سواء الستولير او كرسي السياره والكرسي المتحرك للمعاقين لا يدفع عليهم اي مبلغ مالي

http://www.continental.com/web/en-US/conte...e/checkbag.aspx

http://www.aircanada.com/en/travelinfo/air...e/carry-on.html

2.شنطه الاب توب

ولاتحتوي غير الاب توب والاكسيسوريز بتاعته فقط

3.الشنطه علي الطياره

23*40*55 سم

الحم ده شامل العجل واليد بتاعه الشنطه

وزنها لايزيد عن 10 كيلو

ممكن تحتوي

الفلوس

الادويه

الاشياء القيمه زي المجوهرات

لاب توب

شنطه حريمي صغيره او محفظه

اشياء تخص الاطفال زي كيس حفاضات

واكل الاطفال

لو انت مسافر من مطار انجلترا او امريكا او دلهي في شويه احترازات زياده مهمه

http://www.continental.com/web/en-US/conte...y.aspx#offshore

بخاخه زي مثبت شعر او عطر او جيل او اي سائل يجب ان يوضع في زجاجه اقل من 100 ملل في كيس ويتم تفتيشها لوحدها غير الشنطه ا علي الطياره

ولو اكبر من 100 ملل لازم تخطر بيها

لو اكل الطفل او الادويه في زجاجه اكبر من 100 ملل لازم تخطر بيها

باقي المطارات موضوع البخاجه والجيل والسوائل مش محدد حجم بس يكون في حدود الاستخدام الشخصي بس الافضل تريح دماغك تخليها في اضيق الحدود اوتسيبها في الشنطه الكبيره عشان لو واحد غلس طلبت معاه

المسموحات في الشنطه الصغيره معاك علي الطياره

ادويه

عصير

كاميرا تصوير

مشتريات من داخل المطار بعد البوابه بتاعه الامن

احتياجات خاصه

اله موسيقيه

شنطه دبلوماسيه

كتب للقراءه

مظله مطر

كمبوتر صغير

جاكت او اي ملابس

عربيه الاطفال بشرط انها بعد الطي لاتتعدي 25 سم عرض وارتفاع اقل من 92 سم

كرسي للطفل لو انتي حاجزه له كرسي اصلا في الطياره

المتاح من الاجهزه علي الطائره

كاميرا تصوير

فيديو جيمز او ام بي ثري

راديو استقبال

مستقبل قمر صناعي زي الجي بي اس

اله حاسبه بدون طابعه مرفقه

كمبيوتر بدون اي زوائد ماعدا الماوس بسلك و الفلاش ميموري

ماكينه حلاقه اليه

موبايل

مقص معدن بس طوله اقل من 9 سم

مفك او كماشه طولهم اقل من 14 سم

حيوان اليف في علبه حمل

http://www.aircanada.com/en/travelinfo/air...s-in-cabin.html

الممنوعات علي الطياره والتي من الممكن وضعها في الشنطه الكبيره

http://www.tsa.gov/travelers/airtravel/pro...ited-items.shtm

الممنوعات هي

اي حاجه ليها سن مدبب

مفك او سكينه او مقص او شاكوش او سنون سناره الصيد او كاتر ماعدا السرنجات بسبب طبي واضح مع روشته العلاج

الاجهزه الكهربائيه او الاسلكيه زي

الماوس الواير ليس

البلوتوث

راديو جهاز اتصال

طابعه الكمبيوتر او اي اجهزه زائده علي الكمبيوتر

اقلام الليزر

ملحوظات هامه عن شنطه السفر نفسها وازاي تحميها من السرقه والضياع

لاتضع حجات مهمه زي المجوهرات او اوراق مهمه في شنطه السفر الكبيره

شيل اي علامات قديمه او تكيت من سفر سابق علي الشنطه

حط تكيت علي الشنطه من بره في مكان واضح وفي اكتر من مكان يحتوي علي اسمك وتليفونك واميلك

وكمان حط اسم شركه الطيران ومكان السفر ومكان الوجهه بتاعه السفر

وكمان حط واحد جوه الشنطه

حط شريط فسفوري علي ايد وكمان علي جسم الشنطه بحيث انك تشوفها بسهوله

والافضل طبعا انك لما تشتري الشنطه تكون لونها مميز زي احمر فاقع مثلا

حاول تصور شنطتك بالموبايل وتحفظ الصوره علي الموبايل او الكاميرا

نصيحه عامه انك تحط طقم غيار في الشنطه اللي معاك علي الطياره بحيث لاقدر الله لو الشنطه اتاخرت او ضاعت تعرف علي الاقل تبات ليله وتلاقي لبس

الافضل حجات المكياج والكريمات والجيل والشامبو والعطور عامه خليها في شنطه السفر الكبيره عشان متوجعش دماغك بالامن علي الطياره

وعلي فكره لو حصل تاخير في الطياره واضطر انك تبات المفروض ان شركه الطيران بتوفرلك اودوات استعمال خاه عشان الليله ديه وكمان حجز غرفه نوم

وبجد ومش هزار انت لو جنسيتك عربي مش هتاخد اي حاجه وده عن حادث اعرفه حصل فعلا

اوعي تقفل الشنطه بتاعتك بقفل عشان ممكن يكسروا القفل للتفتيش

لو انت من النوع كثر التنقل اوعي تستخسر الفلوس في الشنطه لانها لما تكون نوع كويس هتعيش معاك واوفر علي المددي الطويل

وكمان الشنط لازم تكون علي عجل عشان تجرها مش تشيلها

ثانيا :محتويات شنطه السفر

لازم تعمل ليسته بمحتويات شنطه السفر عشان تكون قدامك وانت بتملاها عشان متنساش حاجه وانت بتحضر شنطتك وتعلم علي كل حاجه حطيتها في الشنطه وكمان لو انت معاك شنطتين يفضل تعمل ليستتين واحده لكل شنطه ومن فوايد اللسته ديه لو انت حبيت تنتقل من المكان اللي انت وصلتله بعد فتره هيكون الليسته مفيده عشان متنساش حاجه بس متنساش تبقي تعملها ابديت من وقت للتاني باللي انت جبته

1- أشياء ضرورية ( جواز السفر – نقود – تذكرة السفر – أى وثائق أخرى ستحتاجها)

2- ملابس(غيارات داخلية ثيرمال وعاديه - ملابس للبيت – ملابس للخروج - شبشب- حذاء عادى وحذاء رياضى _ شرابات – شماعات – حزام - ملابس شتوية أو صيفية حسب البلد المسافر إليها – بدلة أو أكثر حسب الحاجة)

3- ما تحتاجه للعبادة ( القرأن الكريم– عدد اتنين سجادة صلاة _كتاب اذكار الصباح والمساء_كتاب احاديث صغير– بوصلة صغيرة لمعرفة القبله_لبس للصلاه في المنزل للسيدات _ورقه مطبوع بها موقع اقرب المساجد من مكان اقامتك )

4- أدوات النظافة (صابونة – 2فوطة - مشط – كريم للشعر- قصافة اظافر – مقص - فرشة أسنان - معجون أسنان – شامبو - فرشة حلاقة - كريم حلاقة - ماكينة حلاقة - ماكينة حلاقة كهربائية لو بتستخدمها بس تاكد من الفولت اللي بتشتغل عليه لو 220 بس يبقي لازم محول - مراية صغيرة – ملقاط – عطر – مناديل كافية)

5- أدوات متنوعة مثل (دبابيس - كزا لون بكرة خيط وإبرة)

6- ادوات شخصية ( نظارة شمس - نظارة نظر)

7- ادوات كتابية وترفيهية (مجلات و كتب - اوراق و أقلام - أرقام وعناوين مهمة تحتاجها هناك –ام بي ثري _ قاموس للترجمة - خريطة للمدينة المسافر إليها- شطرنج )

8- إسعافات أولية (ترمومتر-– خافض للحرارة - قطن طبى _بلاستر طبي– مطهر ولصق للجروح – أى أدوية أخرى يحتاجها المسافر )

9- أدوات اليكترونية (تليفون محمول - شاحن المحمول –محول كهربائي من 110 الي 220 وده للي جايب اجهزه من مصر (علي فكره الاب توب بيشتغل علي 110 و 220 وبكده مش هيحتاج محول) _ كاميرا وبطارية ,وشاحن الكاميرا وكروت ذاكرة إضافية معها - لابتوب وملحقاته - اسطونات صيانة وبرامج – أسطوانات أغانى وأفلام تفكرك ببلدك )

10_مستلزمات مطبخ (ملعقه _شوكه_سكينه _كوب _طبق _طاسه قلي _ كاتل او غلايه كهربائيه للمياه بس برضو لازم محول كهربي لو هيه فولت220 )

11_توابل زي قرفه _لبان دكر _قرنفل _مستكه _حبهان _جوزه الطيب_ سحلبببببببببببببببببببببببببب_ عناب قهوه محوجهه للي غاوي

12_عدد تلاته زبده كاكاو عشان تشقق الشفايف

13-ملايه وكيس مخده

14-شطاف حمام عشان ده مش موجود في كندا

15-لاب توب _كاميرا لاب توب للي معندهوش كام في الاب _كاميرا تصوير عادي _كي بورد عربي_عدد اتنين استيكر عربي للكي بورد عشان لو الكي بورد اللي معاك باظ

16_هدايا من مصر كام ورقه بردي علي كام عقد فرعوني طبعا مش اصلي عشان منروحش في داهيه الاجانب بيحبوا الحجات ديه موت

17_الادويه اللي هتحتاجها في السفر هعمل موضوع اجمع فيه الادويه المهمه اللي تنفع عامه مع اي حد

18_swiss knife

ملحوظات هامه لشنطه السفر

1. ليسته بمحتويات شنطه السفر

2. تحضير شنطه السفر علي الاقل يومين قبل السفر

3. ادوات العناية الشخصية كذلك علبة المكياج والعطور وأدوات الاستحمام أوالحلاقة••فتتوضع في كيس محكم الغلق علشان لو اتكسرت او اتفتحت ماتتكبش علي الهدوم

4. توضع الشرابات في داخل الاحذيه وذلك لتوفير مكان وتوضع الاحذيه في اكياس محكمه حتي لا تتسخ الملابس ويراعي عدم وضع اي شئ معدني (معدن الحزام او كيس شوك او سكاكين)قريب من الاحذيه علشان الخدوش

5. يجب التنبه إلى ضرورة لف الثياب الداخلية وقمصان وبيجامات النوم داخل أكياس وأن يكون مكانها في وسط الحقيبة، لئلا تظهر للأعين أثناء تفتيش الحقائب في جمارك المطارات•

6. بالنسبه للملابس الطويله مثل البالطو او بليزر طويل او عبايه يخشي عليهم من انها تتطبق وتتبهدل دول يتم وضعهم وفرشهم في اسفل الشنطه بمعني اول شئ يوضع في الشنطه ويترك طرف الملابس متدلي خارج الشنطه لانها ملابس طويله وبعد ذلك تضع الملابس الاخري فوقها وبعد ان تنتهي تقوم بثني الجزء خارج الشنطه من العبايه فوق الملابس وتغلق الشنطه

7.يراعي وضع الاشياء القابله للكسر في اقرب جزء لمقبض الشنطه علشان لما تشيل الشنطه مينزلش عليها وزن محتويات الشنطه لو معاك حاجه حاده او قابله للكسر ممكن تحطها في كوب بلاستيك

8.بالنسبه للملابس اللتي لا تخاف انها تتكرمش اتبع اسلوب اللف بدلا من التطبيق العادي ويفضل انك تلف كزا تي شيرت (تبرم)مع بعض هياخدوا مساحه اقل من انك تلف كل واحد لوحده وكمان ممكن توفر مساحه لو ربطت كل لفه بشريط صغير وشكل الهدوم بيكون عامل بعد اللف زي الاسطوانه وده بيوفر مكان كبير

لا اله الا انت سبحانك اني كنت من الظالمين

اللهم اغفر لي ولوالدي

لا اله الا الله وحده لا شريك له له الملك وله الحمد وهو علي كل شئ قدير

رضيت بالله ربا وبالاسلام دينا وبسيدنا محمد نبيا ورسولا

لا اريد كلمه شكر ولكني في حاجه الي دعاء

تم تعديل 9 فبراير 2010 بواسطة dcfarouk

[masri]

دكتور فاروق

الله يبارك مجهوداتك الطيبة

يا ترى هل فى اخبار قريبة عن الميديكال؟

حاجة تانية مهمة جدا جدا بالنسبة ليا

What's ur Application status on the official site?

is it recieved by visa office or in process

[el faid]

أولا :اسمح لي سيدي أن أشد على يديك بحرارة لما تبدله من مجهود جميل ومعلومات قيمة .خاصة الجانب الديني.

ثانيا :أهنيك على ترتيبك الموضوعي للنصائح وطريقة سردها المبسطة.

أنا مغربي مقدم للكبيك وقد مر الميديكال بسلام وأنتظر الفيزا وكنت في أمس الحاجة الى هده النصائح أسأل الله أن يجعلها في ميزان حسناتك...

أخوك نور من المغرب :sad:

[EmanRasmy]

د. فاروق ... جزاك الله كل الخير على مجهودك و منتظرين البقيه إن شاء الله

[EmanRasmy]

يا ريت حضرتك تقولي أخبار الEE إيه ؟؟ ... ردوا عليك و لا لسه؟... على فكره أنا ناويه إن شاء الله أعما زي ما بيقولوا في منتدى د. اسكندريه تاني و هذاكر من كتب الUSMLE part 2... و ربنا يسهل و بالتوفيق لينا كلنا إن شاء الله

[kareemabdou]

مجهود اكثر من رائع و بارك الله فيك

[NaWiCaNaDa]

السلام عليكم

شكرا لجهودك الكبيرة د.فاروق

بارك الله فيك

موضوع جميل ومهم جدا

[جايه لك يا كندا]

ألف شكر دكتور فاروق، مجهود رائع ومنظم وبالفعل المعلومات والأفكار الجميلة دي هاتساعدنا كتير بإذن الله، ربنا يوفقك ويوفقنا جميعا يارب

[hgalal]

السلام عليكم يادكتور DCFarouk

طبعاً شكرا جزيلاً لا تكفي لانه ده فعلاً موضوع محتاج جهد كبير

بارك الله فيك وجزاك كل خير وننتظر باقي المعلومات المجمعه وارجو انها تكون لكل ااناس مش الدكاتره بس:happy:

[ramyfathalla]

د/فاروق

مش قادر أقولك غير الله يفتح عليك بجد موضوع جميل و مجهود جامد قوى

جزاك الله خيرا

[dcfarouk]

أولا :اسمح لي سيدي أن أشد على يديك بحرارة لما تبدله من مجهود جميل ومعلومات قيمة .خاصة الجانب الديني.

ثانيا :أهنيك على ترتيبك الموضوعي للنصائح وطريقة سردها المبسطة.

أنا مغربي مقدم للكبيك وقد مر الميديكال بسلام وأنتظر الفيزا وكنت في أمس الحاجة الى هده النصائح أسأل الله أن يجعلها في ميزان حسناتك...

أخوك نور من المغرب :happy: :lol: :lol:

السلام عليكم

شكرا علي رد حضرتك الجميل

[dcfarouk]

يا ريت حضرتك تقولي أخبار الEE إيه ؟؟ ... ردوا عليك و لا لسه؟... على فكره أنا ناويه إن شاء الله أعما زي ما بيقولوا في منتدى د. اسكندريه تاني و هذاكر من كتب الUSMLE part 2... و ربنا يسهل و بالتوفيق لينا كلنا إن شاء الله

السلام عليكم

شكرا علي رد حضرتك

طبعا بعد ما سجلت في موقع ال pcrc بتطبع ال cover sheet الخاص بكل ورقه

انا علي فكره دفعت فلوس التسجيل بتاعه ال pcrc عن طريق كارت عملته في البنك الاهلي اسمه (كارت نت سابق الدفع )يعني بتحط الفلوس الاول وتصرف منها زي كارت ميناتل كده بس لازم يكون ليك رصيد عندهم وعلي فكره مش ينفع الكريديت كارد في مصر تدفع بيه علي النت

وقبل ما تعمل اي كارت نت في بنك اسال عن اقصي مبلغ ممكن يتحط فيه لان بعض البنوك قالي اقصي حاجه ثلاث الاف جنيه طبعا ده مش كفايه لحجز الامتحان وقالي لو عاوز اكتر لازم تعمل عندنا رصيد فانا كان عندي رصيد في البنك الاهلي فعملت الكارت عندهم وعلي فكره عمايل الكارت بتاخد وقت ممكن توصل لاسبوعين فاعمل حسابك

انا بعت الورق بتتاعي كله بعد ما عملت true copy of the original الواحده ب 100 جنيه و decleration ب 250

true copy of the original

صور طبق الاصل من السفاره من بمعني انك بتصور الشهادات اللي معاك وتروح بالاصل والصوره وتختم علي الصوره طبق الاصل

1 شهاده امتياز + cover sheet 1

1 شهاده تخرج عربي + cover sheet 1 + الترجمه الانجليزيه

2 بسبور + cover sheet 1

2 تقدير مواد + cover sheet 1

صوره شخصيه 5*7 + cover sheet 1

كل ده مع

decleration عباره عن ثلاث ورقات + صوره شخصيه 5*7

ملحوظات

تقدير المواد كان ورقتين فبالتالي في السفاره اخدوا 100 جنيه عن كل ورقه

البسبور كان مطلوب الصور تحتوي علي الصوره الشخصيه والبيانات الشخصيه وده كان في صفحتين وبالتالي دفعت 100 عن كل صفحه

شهاده التخرج ديه انا اعتقد عملت نسخه طبق الاصل من الترجمه الاجنبي وديه مكنتش مطلوبه بمعني ان المطلوب هنا صوره طبق الاصل من الشهاده العربي بس

وان لما ابعت ليهم يكون المحتوي

صوره طبق الاصل من العربي + الترجمه الانجليزي من الكليه + cover sheet 1

يعني مش محتاج تعمل صوره طبق الاصل من الترجمه الانجليزي المعتمده من الكليه

كل اللي انا قلته فوق ده او بعني اصح ال 6 وثائق ديه هي الحد الادني للتقديم للامتحان بتاع ال ee بس لو حضرتك عاوزه تقدمي علي رخصه طبيب او حجات تانيه كتير داخل كندا هتحتاجي تبعتي بنفس الاسلوب الللي فوق لل pcrc

1 .صوره طبق الاصل من تصريح مزاوله المهنه (ممكن تطلعيه من ورا مبني وزاره الصحه في القاهره باللغه الانجليزيه) + cover sheet 1

2.صوره طبق الاصل من شهاده الخبره + cover sheet 1

وطبعا لو السفاره الكنديه مشوارها بعيد عليك الافضل في نفس المشوار تعمل ورقه medical counsel وديه بتكلف 260 جنيه وديه بتاعه دخول الامتحان وبتبعتها بعد ما يردوا عليك بالموافقه من ال pcrc وبرضو عاوزه صورتين 5*7

انا بعت الورق بتاعي بالبريد السريع وكلف حوالي 120 جنيه من يوم 1 فبراير ولسه موصلش واحنا في 11 فبراير اهه

فنصيحه للناس محدش يبعت سريع لانها مش فارقه ووفر فلوسك لانها كلها محصله بعض

بالنسبه للمذاكره لل ee فمفيش مصدر تاني تقريبا معقول غير كتب كابلان بالتحديد

وانا باذن الله هبقي اعمل موضوع عن مصادر المزاكره بالتفصيل

بس نصيحه عامه دلوقت ابتدي زاكري دلوقت وبجد انا بعتبرها نقطه سلبيه جدا ان الواحد يسافر هناك ولسه بيفكر يذاكر ويمتحن لل ee لان بكده بيصعب علي نفسه

انت هنا بين اهلك ومش عارف تذاكر امال في الغربه هتعمل ايه

طبعا في ناس خلاص اتحطت في الموقف ده بس ليه متديش نفسك احسن فرص

علي فكره امتحان ال ee الدرجات فيه بتفرق مش زي ما الناس فاكره تعدي وخلاص

ياريت لو حد عنده اي اضافه لليسته بتاعه محتويات شنطه السفر يقولها

ولو حد في كندا دلوقت ممكن يفيدنا ويقول ايه اللي بعد ما وصل اتمني انه جابه معاه لانه مش متوفر بسهول او غالي بقرق عن سعر مصر

ياريت نكبر الليسته بتاع محتويات شنطه السفر

والله من وراء المقصد

السلام عليكم

تم تعديل 10 فبراير 2010 بواسطة dcfarouk

[dcfarouk]

مجهود اكثر من رائع و بارك الله فيك

شكرا لزوق حضرتك يا استاذ كريم

السلام عليكم

شكرا لجهودك الكبيرة د.فاروق

بارك الله فيك

موضوع جميل ومهم جدا

شكرا ليك يا ناوي كندا وارجو الدعاء

ألف شكر دكتور فاروق، مجهود رائع ومنظم وبالفعل المعلومات والأفكار الجميلة دي هاتساعدنا كتير بإذن الله، ربنا يوفقك ويوفقنا جميعا يارب

ربنا يوفق حضرتك

السلام عليكم يادكتور DCFarouk

طبعاً شكرا جزيلاً لا تكفي لانه ده فعلاً موضوع محتاج جهد كبير

بارك الله فيك وجزاك كل خير وننتظر باقي المعلومات المجمعه وارجو انها تكون لكل ااناس مش الدكاتره بس

شكرا لمشاركه حضرتك وباذن الله هكمل باقي المعلومات باذن الله وياسيدي بالنسبه للدكاتره هو بس اخر نقطه رقم 10 بتاعه اقتراح حجات بديله

واللي قبلها كله للناس عامه

ولو وانا بدور وليقت اي معلومات تخدم اي وظيفه تانيه مش هبخل بيها لني زي ما قلت انا عامله لوجه الله ومش عاوز من حضراتكوا غير الدعاء

د/فاروق

مش قادر أقولك غير الله يفتح عليك بجد موضوع جميل و مجهود جامد قوى

جزاك الله خيرا

شكرا ليك يا استاذ رامي

ويارب نتجمع كلنا في كندا كعائلات ونعمل اسره كبيره

ياريت لو حد عنده اي اضافه لليسته بتاعه محتويات شنطه السفر يقولها

ولو حد في كندا دلوقت ممكن يفيدنا ويقول ايه اللي بعد ما وصل اتمني انه جابه معاه لانه مش متوفر بسهول او غالي بقرق عن سعر مصر

ياريت نكبر الليسته بتاع محتويات شنطه السفر

والله من وراء المقصد

السلام عليكم

تم تعديل 10 فبراير 2010 بواسطة dcfarouk

[bermawy]

السلام عليكم ورحمة الله وبركاته

الله يرضى عنك ويجزيك كل خير في الاخرة والدنيا

العضو الفاضل ،

أرجو أن يقتصر الإقتباس على الفقرة المطلوب الرد عليها توفيرا لوقت القراء.

شكرا لحسن تعاونكم

الادارة

تم تعديل 10 فبراير 2010 بواسطة Mohammad
حذف الاقتباس

[dcfarouk]

5.حجز تذكره الطيران

كلامنا هنا هيكون عن

1.الحجز

2.الترنزيت

3.في المطار

4.كرسي الطياره

5.في الطياره

6.خلاصه المقال

1.الحجز

احجز تذكرتك من النت لانها بتكون اسهل واسرع لانك مش هتقف طابور عشان تحجز تذكره وبمجرد ما تحجز انت بتدخل علي طول علي التشيك

بعد ما تدخل علي الموقع بتاع الحجز ادخل شوف المطار اللي انت رايح عليه ايه هي شركات الطيران الي شغاله عليه في اليوم ده ولما تعرفها استني متتسرعش وتحجز

الاول ادخل علي موقع الشركات ديه واعرف يمكن يكون في عروض مؤقته مش نازله في الموقع اللي انت دخلت منه

طبعا الاشهر هو

http://www.expedia.com/

وارخص موقعين حجز طيران في رايي وارخص كمان من Expedia بعد ما عملت كزا مقارنه هي

http://www.cheapoair.com/

http://www.onetravel.com/

مواقع جامد لمقارنه الاسعار بتاعه المواقع يعني بتلاقيه حاطط اسعار من Expedia و cheapoair وبيقارنلك بينهم

http://www.travel-ticker.com/index.jsp

http://www.vayama.com/?s=172462703

وده برضو حلو

http://ca.travelzoo.com/supersearch/?catid=99

وفي واحد كمان مش بطاله

http://www.sidestep.com/flights

احجز قبلها بفتره عشان تاخد اسعار حلوه وكراسي كويسه انا لما دخلت علي مواقع الحجز لقيت واحنا في شهر واحد الطيارات اللي في شهر 8 نص الطياره محجوزه ده بيديك فكره عن اهميه الحجز بدري عشان تعرف تاخد سعر كويس وكمان كرسي كويس

*الاسعار من مطار القاهره تعتبر نصف سعر الاسعار من مطار الاسكندريه وده عن بحث قمت بيه في كزا موقع

*من ارخص اشهر السفر لكندا هي شهر سبعه

وانت بتحجز ابعد عن الايام الزحمه مثلا زي يوم الاربعاء قبل عيد الشكر اللي بيكون يوم الاحد اللي بعده لان ده زحمه اوي

ومثلا كمان التواريخ اللي بتكون حوالين عيد الكريسماس خصوصا اننا هنا بنتكلم عن كندا ومش طالبه يعني الدكتور هشام يسافر قبل يوم الكريسماس بيوم

تفادي الايام ديه لان الزحمه الكتير ممكن تؤدي لضياع الشنط طبعا غير طوابير الانتظار ممكن تسافر في يوم عيد الشكر نفسه علي اساس الناس بتسافر في اليوم قبله او بعده ( ده كان راي واحد امريكي مش عارف صح ولا غلط)عامه كل ما تكون الطياره كمان فاضيه بيكون شعور اريح كتير يعني لو حظك انك مش مستريح للي جنبك ممكن تغير المكان او تمدد ضهرك علي تلات كراسي بالعرض يعني هتعيش حياتك غير ماتكون طياره زحمه في يوم زحمه

عامه تبعا لاحصائيات النت

اقل ايام حجز هي الثلاثاء والاربعاء

والاربع بالذات ممكن تلاقي فيه اسعار كويسه

واقل ساعات فيها ضغط هي اخر النهار ووسط الصبح يعني 9 مثلا

احسب هتوصل الساعه كام وحاول توصل في معاد معقول عشان تعرف تلاقي مواصلا ت لاحظ انك غريب ومتعرفش حاجه والافضل توصل في وقت فيه ناس ومواصلات متاحه عامه مده السفر بتعرفها وانت بتحجز وهي حوالي 21 ساعه في المتوسط بس بتفرق انت رايح فين في كندا وكمان حسب الشركه وعدد الترانزيت

2.الترنزيت

حاول تقلل عدد مرات الترانزيت قدر المستطاع وخاصه لو فرق السعر بسيط لان كل ما الترانزيت يزيد يزود احتمال ضياع حجاتك او تاخير علي طياره وكل ه لو حصل هيكون خسايره كبيره

وانت بتحجز اوعي تختار فرق الترانزيت بين الوصول والمغادره اقل من ساعه لان لو طياره سعادتك اتاخرت شويه انت كده هتروح عليك تاني طياره

3.في المطار

* عند السفر على الرحلات الداخلية يجب أن يكون المسافر في المطار قبل موعد الاقلاع بساعة ونصف.

* عند السفر على الرحلات الدولية يجب أن يكون المسافر في المطار قبل موعد الاقلاع بثلاث ساعات وخصوصا في المواسم .

* إذا كنت من الناس الذين يذهبون مبكراً للمطار فلا تستغرب أن تتأخر أمتعتك على السير الخاص بالأمتعة لأن الأمتعة التي تقدم أولاً غالباً ماتكون آخر من يخرج من السير .

*اول ماتعدي بوابه الامن في المطار ادخل جري واعرف مكان بوابه الاقلاع بتاع طيارتك واعرف اذا كان في اي تاخير للطياره او ممكن الرحله تتلغي بعد ما تتاكد كله تمام روح بقي لف زي مانت عاوز في المطار

4.كرسي الطياره

نيجي بقي لاهم حاجه كرسي الطياره اللي هتختاره ده هيتكوت قاعد عليه حوالي 20 ساعه في سفرك لكندا يعني لو مش ولا بد هتكون بدايه مؤلمه

معظم شركات الطيران انت بتحجز مكان كرسيك من النت وانت بتحجز تذكرتك ماعدا شركه southwest اللي بيجي الاول بيقعد مكان ما هو عاوز

اوعي تنسي تححد مكان كرسيك وانت بتحجز تذكرتك

بالنسبه للكرسي اللي تحجزه عشان تحجز كرسي كويس لازم تحجز بدري

المواصفات

*جنب الشباك لو عاوز تنام وتستمتع بالمنظر

*وجنب الشباك افضل للام اللي معاها طفل عشان في مساحه اكبر وخصوصيه اكتر

*خليك جنب الممر لو انت من النوع اللي بيدخل الحمام كتير او سيده حامل او راجل مسن وهوضح ليه بعد كده

*خد اول صف في اطيار لو ناوي تستخدم الاب توب عشان لو قدامك حد ممكن يرجع لورا بضهر الكورسي وبكده مش هتعرف تفتح الاب توب

*ابتعد عن اخر صف في الطياره او كرسي يكون في وراه غرفه زي غرفه المضيفه لانك هتتعزب عشان الكرسي ضهره مش بيرجع لورا وطبعا في سفر طويل ده ممكن يعزبك ويوجع ضهرك وبجد في سفر طويل 20 ساعه هتكره نفسك وده عن تجربه

*الكراسي المجاورة لأبواب السلامة فهي الأماكن الأوسع و الأفضل في درجة الضيافة . وكمان عشان تنزل بسرعه متقف طابور وتكون اول ناس في طيارتك وتخلص اسرع

5.في الطياره

*بالنسبه للاكل بعض خطوط الطيران مش بتقدم وجبات عشان كده لازم تتاكد وانت بتحجز من الموضوع ده ولو مفيش وجبه خد حاجه علي زوقك انت

*بالنسبه للميه ممكن تشتريها من جوه المطار

*بعض الناس بتشعر بشعور غير مريح في ودنها في الطياره وهنا بينصح يكون في لبان يمضغ عشان يضيع الشعور ده

*في الطائرة : لا تنسى اقفال هاتفك الجوال ، ابقى حزام مقعدك مربوطا

*البس لبس مريح وخد في اعتبارك درجات الحراره في مكان الترانزيت يعني ممكن لو هتقابل جو بارد تعمل حسابك في جاكت في الشنطه علي الطياره

*الجزمه وبحذرك منها اوعي تلبس واحده ضيقه او مش مستريح فيها او ممكن تعمل حسابك في سنيكر خفيف في الشنطه علي الطياره او ما تدخل الطياره تلبسه عشان تكون مستريح وخد بالك ان القعده الطويله بترم القدم نتيجه ان الدم بيتراكم فيها فبالتالي الجزمه بتضيق شويه عليك فتخيل انها ضيقه اصلا او علي القد بالظبط هتعيش احلي عزاب فبالتالي فكره السنيكر حلوه وياريت لو تجيب بدره مضاده للفطريات من الصيدليه وتبقي تحطها في الجزمه زي ديرماتين بودر بجد هتمنع ان اي حد يغمي عليه لما سيادتك تقلع الجزمه بعد 20 ساعه لبس متواصل

* قم بتحريك أقدامك بطريقة دائرية كل نصف ساعة وخصوصا للرحلات الطويلة ، لا داعي للتجول في الطائرة الا للضرورة لأن ذلك يزعج الركاب الآخرين والملاحين ،ولكن نصيحه شخصيه مني في رحلات السفر الطويل لازم وباكد تاني تحرك رجلك وانت قاعد وتفردها وتتنيها وتشد عضله السمانه عشان تضخ الدم فيهم ويفضل لو تتمشي من وقت للتاني في الطياره وهنا يفضل انك تختار كرسي جنب الممر مش جنب الشباك عشان متضايقش اللي جنبك وكل شويه تقومه او ممكن تقعد جنب الشباك لو بتحب عشان المنظر وكل ما اللي جنبك يقوم انت كمان تقوم او تكون ذكي وتقنعه باهميه انه يتمشي وبكده متضايقهوش وانت بتقوم

وكل دهعشان تقلل معدل حدوث جلطات القدم وده مهم جدا لو المسافر مسافه طويله كان سنه كبير او سيده حامل بجد مهم اوي للحوامل الموضوع ده ويارب يعافي الناس كلها

*وانت في الطياره بيوزعوا عليكوا ورقه تتعهد فيها انك مش معاك حاجه ممنوعه او اكتر من 10 الاف دولار او اكتر من 200 سيجاره

*كمان ياريت تكون مجهز معاك ورقه مطبوعه فيها محتويات الشنطه بتاعتك وقيمه تقريبيه لكل حاجه فيها بالدولار عشان تديها للجمارك

*وورقه تانيه فيها الحجات اللي انت ناوي تبقي تجيبها من مصر بحيث تكتب اسمها وسعر تقريبي ليها بالدولار الكندي عشان بعد كده ميتاخدش عليها جمارك

*ولو زوجتك معاها مجوهرات ياريت لو تكوت مصورها وطابع ليها صوره الوان بحيث تديهالهم في المطار

6.الخلاصه

1.احجز بدري قدر المستطاع

2.احجز بالنت

3.ابعد معاد طيارتك عن الايام الزحمه وخليك في الايام الفاضيه

4.اوصل المطار بدري

5.اقل عدد ترانزيت ممكن وفرق الترانزيت مش اقل من ساعه

6.اختار كرسي طيارتك

7.اتاكد من الاكل في الطياره متوفر ولا لا

8.حرك قدمك واتمشي من وقت للتاني وياريت لو معاك سنيكر تبدله بالجزمه

9.واعمل حسابك انك ممكن تحتاج لبان علي الطياره

10.تكون مجهز شويه الورق اللي قلنا عليها

لا اله الا الله وحده لاشريك له له الملك وله الحمد وهو علي كل شئ قدير

ياجماعه ياريت بلاش حد يعمل اقباس طويييييييييل من الموضوع ويكتب تحته في رده لانه بيكبر الموضوع بدون فائده احنا عاوزين الموضوع معلومات مركزه

اسالك الدعاء

اللهم اغفر لي ولوالدي

تم تعديل 10 فبراير 2010 بواسطة dcfarouk

[dcfarouk]

6.و ماذا تفعل لو ضاع جواز سفرك

ماذا يفعل الشخص عندما يفقد جوازه في الخارج,,؟

أولاً أود أن أنبه أن جواز السفر المصري من أهم الوثائق التي يجب المحافظة عليها من الضياع أو التلف وخصوصاً أثناء السفر خارج مصر,, ولقد أكدت مصلحةالجوازات والهجرة والجنسية على أهمية المحافظة على جواز السفر,, وعموماً عندما يفقد المواطن جواز السفر في الخارج فعلية مراجعة السفارة المصرية أو أقرب ممثلية لها، والسفارة ستقوم بالاجراء اللازم حيال ذلك وعند عودته إلى مصر فإن عليه مراجعة الجوازات حيث يوجد قسم خاص لهذه الإجراءات ولمتابعة إلغاء الجواز المفقود وإكمال الإجراءات النظامية المتبعة في مثل هذه الحالات.

التسجيل في السفارة

* مافائدة تسجيل الجواز لدى السفارات المصرية,,؟

بالنسبة لتسجيل الجواز بالسفارة فهذا يساعد في معرفة رقم الجواز وتاريخه ومن ثم يسهل إصدار جواز سفر مؤقت لفاقد الجواز حتى رجوعه إلى مصر وبالتالي استكمال إجراءات فقدان الجواز,.

عقوبة فقد الجواز

* ماهي العقوبة التي تنتظر من يفقد الجواز,,؟

هناك إجراءات معينة تتخذ بحق من فقد جواز سفره والتحقيق معه ومعرفة كيفية فقدانه لجواز سفره والتأكد من ذلك وغيره من الإجراءات النظامية التي تتخذ في مثل هذه الحالات,, علماً أن العقوبة قد تصل إلى المنع من السفر لمدة سنتين,,.

السرقة والتزوير

* ماذا يستفيد سارق الجواز من وراء حيازته,,؟

أود أن أشير إلى أن الجواز المصرى من أفضل وثائق السفر في العالم وخصوصاً من ناحية صعوبة تزويره,, والجواز المصرى لم يصدر إلا بعد دراسات فنية دقيقة حيث أدخلت فيه نواحي فنية حديثة جداً لا يمكن تزويرها وبالتالي لا أعتقد أن هناك أي إمكانية للاستفادة من الجواز المصرى في حالة سرقته أو حيازته,.

الداخل والخارج

* هل هناك اختلاف بين فقدان الجواز داخل مصر وخارجها من ناحية العقوبة,,؟

بالنسبة لفقدان الجواز سواء كان داخل مصر أو خارجها فإننا نركز على نقطة هامة جداً وهي ألا يكون هناك إهمال أو تقصير في عملية التلف أو الفقدان من صاحب الجواز وبالنسبة للعقوبة المترتبة على ذلك كما ذكرت سابقاً تحال للجهات المختصة لإصدار العقوبة المناسبة في مثل هذه الحالات.

الموضوع ده مقتبس من منتدي تاني باسم عضو اسمه مان برو جزاه الله خير

الدول االلي ممكن تدخلها بالجواز المصري علي طول

هي كانت في مشاركه عضو في منتدي اخر وبرضو موجوده في ويكيبيديا

http://ar.wikipedia.org/wiki/%D8%AC%D9%88%...%B5%D8%B1%D9%8A

سافر ل 27 دوله من غير ما تقدم على تأشيرة

--------------------------------------------------------------------------------

بسم الله الرحمن الرحيم

أولا بالنسبة لقارة أفريقيا::

1- غانا ## التأشيرة ليست مطلوبه لمده أقصاها 90 يوم من تاريخ الوصول يعنى لو هتزور البلد لمده ماتزيدش عن ثلاثة شهور مش محتاج تطلع تأشيرة.

2- غينيا ## التأشيرة ليست مطلوبه لمده أقصاها 90 يوم من تاريخ الوصول.

3- ليبيا

4- السودان ## التأشيرة ليست مطلوبه لمده أقصاها 30 يوم من تاريخ الوصول.

5- توجو ## ليها تأشيره بتخدها فى المطار لمده أقصاها 7 أيام!!!

6- أوغندا ## ليها تأشيره بتخدها فى المطار عند الوصول.

7- زامبيا ## ليها تأشيره بتخدها فى المطار عند الوصول.

8- زيمبابوي ## ليها تأشيره بتخدها فى المطار عند الوصول >> ثلاث شهور كزياره وشهر واحد بيزنس فيزا.

نيجى بقى الأمريكتين ::

9- دومينيكا (بالإنجليزية: Dominica) هي دولة جزيرية تقع في جزر الأنتيل الكبرى في البحر الكاريبي. وهي ليست جمهورية الدومينيكان التي تقع أيضاً في الكاريبي. ## التأشيرة ليست مطلوبه لمده أقصاها 21 يوم من تاريخ الوصول.

10- جرينادا (بالإنجليزية: Grenada) هي جزيرة تقع في جنوب شرق البحر الكاريبي. ## التأشيرة ليست مطلوبه لمده أقصاها 14 يوم من تاريخ الوصول.

11- هايتى (بالإنجليزية: Haiti) إحدي دول البحر الكاريبي.

التأشيرة ليست مطلوبه لمده أقصاها 90 يوم من تاريخ الوصول.

12- سانت فنسينت والجرينادنيز (بالإنجليزية: Saint Vincent and the Grenadines) هي دولة ذات سيادة مستقلة تقع في الكاريبي.

التأشيرة ليست مطلوبه لمده أقصاها 30 يوم من تاريخ الوصول.

13- سانت كيتس ونيفيس (بالإنجليزية: Saint Kitts and Nevis) إحدي دول البحر الكاريبي.

التأشيرة ليست مطلوبه لمده أقصاها 90 يوم من تاريخ الوصول.

وأما بالنسبه لقارة آسيا::

14- هونغ كونغ من أقطاب الصناعة، المال والتجارة في العالم.

التأشيرة ليست مطلوبه لمده أقصاها 90 يوم من تاريخ الوصول.

15- الأردن ## التأشيرة ليست مطلوبه لمده أقصاها 30 يوم من تاريخ الوصول.

16- كوريا الجنوبية ## التأشيرة ليست مطلوبه لمده أقصاها 30 يوم من تاريخ الوصول.

17- ماكاو ## منطقة صغيرة تقع على السواحل الجنوبية للصين، تعتبر ماكاو جذابة للسائحين لوجود العديد من الكازينوهات فيها ولانتشار القمار وكونه قانونيا فيها.

التأشيرة ليست مطلوبه لمده أقصاها 90 يوم من تاريخ الوصول.

18- جزر مالديف بالمحيط الهندي ## ليها تأشيره بتخدها فى المطار عند الوصول لمده أقصاها 30 يوم.

19- ماليزيا ## التأشيرة ليست مطلوبه لمده أقصاها 90 يوم من تاريخ الوصول.

20- سوريا

21- تيمور الشرقية ## ليها تأشيره بتخدها فى المطار عند الوصول لمده أقصاها 30 يوم.

22- اليمن ## ليها تأشيره بتخدها فى المطار عند الوصول لمده أقصاها 90يوم.

وبالاضافة الى دول أخرى زى

23- ميكرونيسيا ](بالإنجليزية: Federated States of Micronesia) وهى جزيره فى المحيط الهادى.

التأشيرة ليست مطلوبه لمده أقصاها 30 يوم من تاريخ الوصول.

24- نييوي (Niue) هي جزيرة مرجانية تابعة لنيوزيلندا.

التأشيرة ليست مطلوبه لمده أقصاها 30 يوم من تاريخ الوصول.

25- بالاو وهى جزيره فى المحيط الهادى.

ليها تأشيره بتخدها فى المطار عند الوصول لمده أقصاها 30 يوم.

26- ساموا هي دولة مستقلة تشمل مجموعة من الجزر في جنوب المحيط الهادي.

ليها تأشيره بتخدها فى المطار عند الوصول لمده أقصاها 60 يوم.

27- توفالو وهى جزيره فى المحيط الهادى.

ليها تأشيره بتخدها فى المطار عند الوصول لمده أقصاها 30 يوم.

انا هضيف دوله تركيا وده طبقا لخبر قريته في الاهرام

السلام عليكم

[safaalabana]

والله مجهود رائع يا دكتور فاروق والاهم اننا بنسعد وبنفرح قوى ان العمالقه محبى الخير فى المنتدى زادوا واحد

نهنىء انفسنا وكلماتك ان شاء الله حنطبعها فى قلوبنا وح تكون معانا فى الطياره ...واحنا بندعى هناك من الورق اللى حضرتك كاتبه اكيد ح ندعيلك معانا يارب تقبل كل الاعمال الصالحه ...يارب اكتب له بكل حرف خروج من ضيق ووسع فى الطريق يارب هو وكل الافاضل محبى عمل الخير فى منتدانا الحبيب :lol:

[ehabtaher]

جزاك الله خير على مجهود

وربنا يجعله فى ميزان حسناتك

[memma]

مجهود رهيب واكثر من رائع ومبالغ فيه...تسجيل متابعة واعجاب بالترتيب الأكثر من رائع وأسلوب السرد المتميز جدا......بس عندى سؤال حضرتك جايب هذا الكم من المعلومات منين؟....كل شكر وتقدير................

[dr ahmad pharma]

السلام عليكم د. فاروق

جزاك الله خيرا علي الموضوع ده بجد ده هيفيد اي مسافر لكندا او لغيرها