مقطع نشرته احدى الوكالات الامريكيه وحذرت من ما سيحدث عام 2016

[أبو العز]

أللهم أعز الاسلام والمسلمين وأهلك الشرك والمشركين هذا المقطع نشرته احدى الوكالات الامريكيه وحذرت من ما سيحدث عام 2016

المقطع منشور على اليوتيوب

تم تعديل 9 فبراير 2010 بواسطة أبو العز

[أم مروان]

الله يباركلك انك عرضت الخبر دا

يا رب يكون الكلام دا صحيح

انا فرحت جدا بالخبر دا

اخيرا شوفت حاجة تفرح من زماااااااااااااااااااااااااااااان قوى مقرتش حاجة تبسطنى

اللهم اعز الاسلام والمسلمين

mil: :happy: :lol:

[أبو العز]

الله يباركلك انك عرضت الخبر دا

يا رب يكون الكلام دا صحيح

انا فرحت جدا بالخبر دا

اخيرا شوفت حاجة تفرح من زماااااااااااااااااااااااااااااان قوى مقرتش حاجة تبسطنى

اللهم اعز الاسلام والمسلمين

mil: :happy: :lol:

ان شاء الله ربنا ينصر الاسلام فى العالم كله

اشكرك على مرورك اختى الكريمة

[عاشق الترحال]

قال الرسول صلى الله عليه وسلم

{وأن الله سيبلغ هذا الدين ما بلغ الليل والنهار،

ولن يدع الله بيت مدرٍ ولا وبرٍ إلا أدخله هذا الدين، بعز عزيز، أو بذل ذليل،

عزاً يعز الله به الإسلام، وذلاً يذل الله به الكفر }.

صدق رسول الله صلى الله عليه وسلم

اللهم إنصر الإسلام وأعز المسلمين ولا تقذف الوهن في قلوبنا يارب العالمين

[HanaaOsama]

اللهم انصر الاسلام و اعز المسلمين

[ابو محمود]

فين الجماعة بتوع اللبرالية وال ع ل م ا ن ي ة

اظاهر نايمين بقى :lol: :wub: واحد مستخبى اهو ة :ninja:

[Damo]

الفيديو ده عرضوه مره في نيوزيلاند في مدرسة اختي. اعتقد كان حصه social studies و المفروض الغايه مني انو يعلموهم عن population growth و بس. بس طبعا الموضوع خرج عن كده خالص :ninja:

و خدو بالكم كمان ان الدراسات دي مش عامله حساب الconverts

تم تعديل 12 فبراير 2010 بواسطة Damo

[MaYousof]

أولا: دي مش دراسة من إحدى الوكالات. ده مجهود شخصي بتاع واحد أمريكاني هيموت على روحه من كتر كرهه للناس.

ثانيا: اليوتيوب ده بالذات تم تفنيده بالتفصيل الممل من عشروميت جهة على الانترنت وأثبتوا إنه تقريبا كل كلمة فيه غلط.

وبافتراض إني واد نصاب وبحب أألف على الناس, فممكن للي يحب يتأكد يتأكد بنفسه. بس محتاج تعرف شوية انجليزي وعندك النت مفتوحة هتلاقي التفنيد من مليون جهة. غير إن نصف المعلومات اللي في الفيديو أساسا غلط بالبرهان من المصدر.

اللي مش بيعرف يدور على النت ممكن يطلب مني وأنا أحطله عشر لينكات من مصادر مختلفة بتنفند الفيديو ده كلمة كلمة ورقم رقم. بس مانيش مترجم للعربي.

تم تعديل 13 فبراير 2010 بواسطة MaYousof

[znaty]

أولا: دي مش دراسة من إحدى الوكالات. ده مجهود شخصي بتاع واحد أمريكاني هيموت على روحه من كتر كرهه للناس.

ثانيا: اليوتيوب ده بالذات تم تفنيده بالتفصيل الممل من عشروميت جهة على الانترنت وأثبتوا إنه تقريبا كل كلمة فيه غلط.

وبافتراض إني واد نصاب وبحب أألف على الناس, فممكن للي يحب يتأكد يتأكد بنفسه. بس محتاج تعرف شوية انجليزي وعندك النت مفتوحة هتلاقي التفنيد من مليون جهة. غير إن نصف المعلومات اللي في الفيديو أساسا غلط بالبرهان من المصدر.

اللي مش بيعرف يدور على النت ممكن يطلب مني وأنا أحطله عشر لينكات من مصادر مختلفة بتنفند الفيديو ده كلمة كلمة ورقم رقم. بس مانيش مترجم للعربي.

انا موش فاهم حاجة من نقدك للكليب يا محمود ؟؟

وضح ايه العيوب اللي فيه او ايه اللي موش منطقي وسيبك من اللي مكتوب في النت والافلام دي

انا شايف ان فعلا مصدر الزيادة السكانية الوحيد في اوروبا وكندا هو الهجرة

ومعظم المهاجرين بالذات في اوروبا مسلمين

المانيا من تركيا ..وفرنسا وبلجيكا وهولندا من شمال افريفيا ..دة غير الهجرة الغير الشرعية كمان

الغربيين بصفة عامة معندهمش مفهوم الاسرة عندهم منعدم في وجود الاباحية

يعني موش في دماغهم جواز ولا عيال ولا خلفة ولا غيره

اما المسلمين بيتجوزوا ويخلفوا ومرتبطين بعائلات فمنطقي جدا انهم يزيدوا

المانيا بالذات بينتشر فيها الاسلام بشكل قوي جدا وكمان فرنسا

وانجلترا شعرت بالكلام دة وحاليا شنت حرب على اي مظهر اسلامي وتبعتها فرنسا

يعني بغض النظر عن الكليب وارقامه ..الموضوع واضح ومنطقي جدا

انت بقة ..ايه اللي انت قاصده بالظبط ؟

[MaYousof]

انا موش فاهم حاجة من نقدك للكليب يا محمود ؟؟

وضح ايه العيوب اللي فيه او ايه اللي موش منطقي وسيبك من اللي مكتوب في النت والافلام دي

انا شايف ان فعلا مصدر الزيادة السكانية الوحيد في اوروبا وكندا هو الهجرة

ومعظم المهاجرين بالذات في اوروبا مسلمين

المانيا من تركيا ..وفرنسا وبلجيكا وهولندا من شمال افريفيا ..دة غير الهجرة الغير الشرعية كمان

الغربيين بصفة عامة معندهمش مفهوم الاسرة عندهم منعدم في وجود الاباحية

يعني موش في دماغهم جواز ولا عيال ولا خلفة ولا غيره

اما المسلمين بيتجوزوا ويخلفوا ومرتبطين بعائلات فمنطقي جدا انهم يزيدوا

المانيا بالذات بينتشر فيها الاسلام بشكل قوي جدا وكمان فرنسا

وانجلترا شعرت بالكلام دة وحاليا شنت حرب على اي مظهر اسلامي وتبعتها فرنسا

يعني بغض النظر عن الكليب وارقامه ..الموضوع واضح ومنطقي جدا

انت بقة ..ايه اللي انت قاصده بالظبط ؟

يا باشمهندس زناتي,

الفيديو ده لو لم يتم انتقاده من المسلمين هيكون ليه كذا نتيجة سلبية وسيئة للغاية:

1. موافقة المسلمين عليه تعني موافقتهم للدعوة اللي فيه بمحاربة انتشار الإسلام. (ده واضح في الجزء الأخير منه وهو بيقول ما لم يترجمه الكويتي بالنص "هذا - الفيديو - هو دعوة للقيام بالتحرك - ضد انتشار الإسلام -")

2. كمان الفيديو ده ممكن يكون عامل كبير لزيادة تراخي المسلمين بما إنهم كده كده هيصبحوا قريبا أكتر عددا فلا يجدوا عندها أي داعي للعمل على نهضة إسلامية تثبت وجودنا.

3. الموافقة على تصديق معلومات كاذبة بكل المقايس بسبب رغبة جامحة داخل المسلمين العرب في هذا الزمان على عدم عمل أي تضحية شخصية من أجل دينهم غير التطبيل والتهيص والقعقعة هو شيء مش بس غلط وإنما شيء مقزز من رأيي الشخصي.

أنا مش هأوضح بالدليل خطأ المعلومات الموجودة في الفيديو! أنا مستعد أوضح فقط لما حد ييجيلي يقولي أنا ضيعت ساعة كاملة على الأنترنت وماوصلتيش لأي مصادر موثقة تنفي الهجص اللي إتقال في الفيديو ده. ساعتها بس هامسكه من إيده وأوريله كل حاجة. لكن اللي مش عايز يتعب نفسه في البحث وبيفضل تصديق الفيديو ده فهو أكيد حر. لكن أنا حطيت ردي بعد ماتأكدت من المصادر الأصلية إن الكلام اللي في الفيديو مغلوط تمامات وعلى النقيض, ومن مثال ذلك نفي رسمي من الخارجية الألمانية إن وزيرها قال اللي الرجل بتاع الفيديو ده قاله على لسانه. ومثال أيضا إن عدد المسلمين في بلجيكا وهولندا من مصادر حكومية في الدول المعنية مايجيش عشر اللي رجال ده قاله.

أما بخصوص الكلام اللي حضرتك قلته على انجلترا تحديدا, أنا عشت هناك سنتين, من نص 2006 لنص 2008. ولا شفت حرب على الإسلام ولا مؤامرة عليه ولا أي حاجات من الكلام العجيب المنتشر عندنا ده. بالعكس كل العكس. لما حصلت مشكلة النقاب في المدارس أنا كنت موجود هناك وعارف إيه اللي حصل ساعتها. والناس فتحوا في المنتدى موضوع بخصوص النقاب في انجلترا بعد الهنا بكذا سنة. أنا ماكتبتش كلمة في الموضوع ده عشان مايصحش إني أخش المنتدى وأنبري دفاعا عن انجلترا. مشكلة النقاب هناك من الناحية الرسمية لم تكن في أي طالبات وإنما كانت في المُدَرّسة اللي من أصل يمني اللي هم شافوا إن نقابها يمنعها عن التواصل السليم مع أطفال الحضانة اللي هي بتدرسهم. إحنا لما كنا تيجي صلاة عيد كانو يفضولنا مجمع الصالات الرياضية المغطاة بالكامل عشان الصلاة. وده مساحته مهولة. ماكانش حد فيهم مجبر إنه يعمل كده. أو على الاقل, ماكانش حد فيهم مجبر إنه يضمن للمسلمين إن صلاتهم تكون في مكان مغطى تحسبا لأي تغيرات في الجو عشان انجلترا ممكن تمطر في أي لحظة. والعساكر الانجليز بزيهم المعروف كانو بينظموا الناس والسيارات في الدخول والخروج وعلى وشهم ابتسامة ترحيب وربما تقدير. آدي الطريقة اللي أنا شفتهم بيعملوا بيها السلميين, مش بناء على بمبكة مني ولكن عن معاشرة ليهم سنتين بكل أيامهم ولياليهم.

فيه فرق كبير بين إننا نعتقد إن فيه علينا مؤامرة وإنهم بيحاربوا الإسلام وبين إن يكون فيه فعلا علينا مؤامرة وانهم بيحاربوا الإسلام. إحنا من حقنا نعتقد اللي عايزين نعتقده.

أخيرا, والكلام ده مش لحضرتك خالص يا باشمهندس, بس القافية لزمت إني أقوله. أنا مش مطلوب مني إني أمسك إيد كل واحد ووريله الصح فين, خصوصا لو مش هاسمع كلمة شكرا في الآخر.

بس يا سيدي :aslam:

تم تعديل 13 فبراير 2010 بواسطة MaYousof

[znaty]

العزيز محمود يوسف

اسمحلي ارد على مداخلتك من تحت لفوق

اخر جمله كتبتها ..عجيبة جدا

( أنا مش مطلوب مني إني أمسك إيد كل واحد ووريله الصح فين, خصوصا لو مش هاسمع كلمة شكرا في الآخر )

فعلا عجيبة جدا

يا ما انت انتقدت ناس علشان اتكلموا واكن هما بس اللي صح وهاجموا الاراء الاخري وانت نفسك بتعمل كدة

كلمة تمسك ايد كل واحد وتوريه الصح دي معناها انك انت يقينا اللي عارف الصح وبتهدي الناس ليه وكمان منتظر شكر على كدة ...مع ان بمنتهي البساطة ..اللي انت شايفه صح الصح دة ..ممكن بالنسبة للبعض ..وممكن كمان بالنسبة للواقع ..يكون الضلال المبين يعني ..لانه طبيعي جدا تكون غلطان زي اي انسان ما بيغلط يعني

وكمان ماحدش طلب منك انك تقوم بدور المهدي المنتظر وتفهم الناس الضايعه دي الصح وتتعب نفسك ..حتى لو ماكانش الكلام موجه ليا يا عزيزي محمود ..فبردصعب يتوجه لحد اصلا

عموما نرجع لوجهة نظرك اللي حضرتك معتبرها مسلمات وحقائق

1- منطق عجيب جدا ..واحنا نعترض على الكليب ليه اصلا ..دة كليب بيتهمهم هما بالعنصرية ..والخوف من انتشار المسلمين وانهم لازم يحاربونا ..دة عيب في حقهم هما ..والله اذا كان الكليب ارقامه موش صحيحة .و دة موش رايهم ...يبقوا هما اللي يدافعوا عن نفسهم ضد تهمة العنصرية ويثبتوا العكس

موش احنا اللي نتطوع للدفاع عنهم ؟؟؟؟؟؟؟

احنا يا سيدي اللي غلطانين فينا ..احنا اللي نسمع دفاعهم موش ندافع عنهم ؟؟؟

2- النقطة التانية دي مجرد وجهة نظرك ..في حين وجهة نظر الكثير ومنهم انا شخصيا ..ان دة دافع اكبر للمسلمين انهم ينتشروا باخلاق دينهم في العالم ..ويحافظوا على هويتهم الاسلامية في وسط المجتمعات دي ..لانهم شايفين نتيجة على الارض

على العكس تماما ..لو حسوا ان الاسلام مختفي في الغرب ..ممكن يكون دة دافع لاثباط همتهم موش زي ما انت بتقول

كمان دة ممكن يصحي الفكرة جوا الشباب الناشئ هناك ..واللي اخذته حياة الغرب العلمانية اللي ممكن تخلي دينه مجرد مسجد يتراح في الزواج والوفاة فقط لا غير

3- لم نصدق ولم نكذب ..وزي ما قلتلك ..دي موش شغلتنا في الكليب دة ..دي شغلتهم هما ..لكن بالمنطق البسيط ..فعلا الاسلام هو اكثر ديانة تنتشر في الارض حاليا بفضل الله ..والاسباب ذكرتهالك قبل كدة

وفي موضوع المانيا شخصيا دي حاجة انا سمعتها من تقرير للحكومة الالمانية اتذاع على الفضائيات الاخبارية يعني موش النت فقط

اما موضوع انجلترا بصراحة كلامك برده موش منطقي

دة انا اللي كان بيديني كورس الكونفيرساشن هنا ...بريطاني ابن بريطاني مسلم وملتحي وابيض كمان موش اصول عربية او اسيوية ..هو اللي قاللي ان بريطانيا لم تعد مكانا مناسبا للمسلمين ..وان العنصرية ضد الاسلام تتصاعد بشكل غير عادي في لندن ..ودة طبيعي بعد حوادث التفجير بتاعة المترو وبعد اشتراك قوات بريطانيا في ضرب العراق وافغانستان والضائح اللا اخلاقية لقواتها في العراق تحديدا

يا راجل ..دة انا لسة النهاردة ..النهاردة بس ..يعني طازة بنار الفرن ..سامع في الجزيرة والعربية تقرير اسود طالع في لندن نفسها ..بيعتبروه اكتر تقرير مفصل دقة ووضوحا في موضوع تنامي ظاهرة الاسلاموفوبيا ( العداء ضد الاسلام ) في لندن

تقريبا كل اسبوع بنشوف مظاهرة من اليمين المتطرف ضد انتشار الاسلام في لندن

واعتدائات على المراكز الاسلامية

النهاردة كانوا جايبين شاب مسلم ابيض ملتحي بيبكي بعد ما ضربوه في راسة في الجامعه بدون سبب وكان بيعمل دكتوراه

ولسة من كام يوم سامع مشروع قرار للحكومة البريطانية علشان يعتمدوا اجرائات رقابية في الجامعات علشان يمنعوا الافكار الارهابية من دماغ الطلبة في بدايتها وقبل ما تنموا

من الاخر هايعملوا نوع من التجسس على الطلاب المسلمين يشوفوا بيفكروا ازاي ..شكلهم ايه ..بيروحوا فين ..بيتجمعوا فين ..بيصلوا فين..مسلمين يعني ولا موش في دماغهم من الاخر

ولسة شايفين فرنسا تمنع اعطاء الجنسية لواحد اجبر زوجته على لبس النقاب ؟؟؟ طب وايه العلاقة ؟؟؟ دة شان اسري داخلي ..لو موش عاجبها فيه محاكم اسرة وطلاق وغيره

ايه علاقة الجنسية بقناعة شخصية ؟؟هي دي جريمة جنائية او اخلاقية تمنعه من حصوله على الجنسية ؟؟والا دة فعلا خوف من انتشار الاسلام في وسط الفرنسيين كمواطنين فعلا

فبيتلككوا ..هيا موش ناقصة مسلمين ..كفاية اللي اتجنسوا واللي بيتنيلوا يتولدوا عندنا منكم وياخدوا الجنسيه ؟

وحادثة الشهيدة مروة في دريسدن ..والكليب بتاع التوبيك دة نفسه

واضح جدا تنامي الخوف من زيادة اعداد المسلمين في الغرب بسبب ترابطهم الاسري وزيادة نسب مواليدهم واعتمادهم للزواج بدلا من العلاقات العابرة ..الخوف من تنوع التركيبة السكانية ليهم ..لان فعلا اعداد المسلمين اللي ليهم حق التصويت في الانتخابات لو اتغيرت وزادت عن الحد ..يبقي ممكن بكرة نشوف حكومات اوروبية موالية للمسلمين في اوروبا ..ساعتها شكل العالم اكيد هايتغير ..وة موش في مصلحتهم اطلاقا ..دة نائب مسلم وحيد في السيناتورز الامريكي ..صمم يحلف اليمين على المصحف بدلا من الانجيل كما هو معتاد ..الدنيا قامت واتقلبت بسبب كدة

تخيل حكومات اوروبية مسلمة مثلا ... مشكلة كبري

متهيالي بغض النظر عن صحة او عدم صحة الارقام في الكليب ..المخاوف حقيقية ومنطقية جدا

[تامر السعدني]

الفيديو ده لو لم يتم انتقاده من المسلمين هيكون ليه كذا نتيجة سلبية وسيئة للغاية:

1. موافقة المسلمين عليه تعني موافقتهم للدعوة اللي فيه بمحاربة انتشار الإسلام. (ده واضح في الجزء الأخير منه وهو بيقول ما لم يترجمه الكويتي بالنص "هذا - الفيديو - هو دعوة للقيام بالتحرك - ضد انتشار الإسلام -")

2. كمان الفيديو ده ممكن يكون عامل كبير لزيادة تراخي المسلمين بما إنهم كده كده هيصبحوا قريبا أكتر عددا فلا يجدوا عندها أي داعي للعمل على نهضة إسلامية تثبت وجودنا.

3. الموافقة على تصديق معلومات كاذبة بكل المقايس بسبب رغبة جامحة داخل المسلمين العرب في هذا الزمان على عدم عمل أي تضحية شخصية من أجل دينهم غير التطبيل والتهيص والقعقعة هو شيء مش بس غلط وإنما شيء مقزز من رأيي الشخصي.

الأخ الفاضل ربنا يكرمك

أرجو تقبل نقدي بصدر رحب

بغض النظر عن الفيديو فأنا أرى أن النقاط الثلاث اللي حضرتك طرحتهم ممكن ننظر ليهم بنظرة مختلفة وبمنتهى الهدوء

فأول نقطة هي عدم نقد المسلمين للفيديو مش ممكن خالص يتفهم منهم الموافقة على نقطة العمل على الحد من انتشار الاسلام

اكيد مفيش حد عاقل هيفكر ان المسلمين موافقين على كده

متهيألي بنت اختي اللي في كي جي ون مش ممكن تفكر كده

ثاني نقطة موضوع ان المسلمين لما يلاقوا عدد المسلمين بيزيد ده هيؤدي للتراخي

فأنا أرى أخي الفاضل ان الكلام ده يحتمل الخطأ من جانبين

أولا زيادة عدد المسلمين ممكن جدا يؤدي لرفع الروح المعنوية عند المسلمين مش التراخي

ثانيا ده فعلا واقع ومش منطقي إن احنا نخبي المعلومة الصحيحية -وده بغض النظر عن دقة البيانات- علشان خايفين ان ده يكون ليه رد فعل سلبي

مع ان التوقع ده مش صحيحي بنسبة كبيرة والاوقع ان ده يؤدي لرفع الروح المعنوية مش التراخي

اما ثالث نقطة فانا اتفق معاك ان تصديق معلومات كاذبة ده مش صح

بس هو اللي انتج الفيديو كان الهدف بتاعه زيادة الهلع لدى الغربيين من انتشار الاسلام

والا فان حاولنا تتبع المعلومات الصحيحية هنلاقي ان الفيلم ده فيه مبالغة

وان كان الواقع في الغرب الان هو ان انتشار الاسلام كبير

مع فروق واضحة في البيانات بين الفيلم ده وبين المصادر الموثوق فيها

وشكرا لتقبلك اخي الفاضل

تم تعديل 13 فبراير 2010 بواسطة تامر السعدني

[MaYousof]

العزيز محمود يوسف

اخر جمله كتبتها ..عجيبة جدا

( أنا مش مطلوب مني إني أمسك إيد كل واحد ووريله الصح فين, خصوصا لو مش هاسمع كلمة شكرا في الآخر )

فعلا عجيبة جدا

يا ما انت انتقدت ناس علشان اتكلموا واكن هما بس اللي صح وهاجموا الاراء الاخري وانت نفسك بتعمل كدة

كلمة تمسك ايد كل واحد وتوريه الصح دي معناها انك انت يقينا اللي عارف الصح وبتهدي الناس ليه وكمان منتظر شكر على كدة ...مع ان بمنتهي البساطة ..اللي انت شايفه صح الصح دة ..ممكن بالنسبة للبعض ..وممكن كمان بالنسبة للواقع ..يكون الضلال المبين يعني ..لانه طبيعي جدا تكون غلطان زي اي انسان ما بيغلط يعني

وكمان ماحدش طلب منك انك تقوم بدور المهدي المنتظر وتفهم الناس الضايعه دي الصح وتتعب نفسك ..حتى لو ماكانش الكلام موجه ليا يا عزيزي محمود ..فبردصعب يتوجه لحد اصلا

باشمهندس زناتي,

أنا مقتنع تماما إني في أي لحظة ممكن أكون خطأ وده اكبر مساعد ليَّ إني ما أبقاش إنسان منقاد وعبد لأفكاره اللي غير قادر إنه يغيرها. حضرتك فسرت كلامي بالشكل الغير صحيح والسبب خطأ مني ولازم أقر إني أخطأت إني كتبت العبارة دون التوضيح الكافي.

آدي العبارة بشكلها الصحيح:

لو حد جاء وقالي يا محمد وضحّلي ووريني ليه أنت قلت على معلومة إنها غلط وأن الصح هو معلومة أخرى هأقوله: أنا مش مطلوب مني إني أمسك إيد كل واحد يجيلي ويقولي وضّحلي ووريله الصح فين, خصوصا لو مش هاسمع كلمة شكرا في الآخر. عندك المصادر الأساسية للمعلومة متاحة للكل وابحث بنفسك.

وعندما تكلمت عن الصح في الحالة معرض الحديث تحديدا كان واضح إني لا أنا مهدي منتظر ولا أنا أعرض رأي شخصي عشان حضرتك تقول عليّ اللي حضرتك قلته. إنما كنت أتحدث عن حقائق نهائية مثل نفي الخارجية الألمانية ما ادّعاه صاحب الفيديو على لسان وزيرها. مش معقول هنناقش مدى صحة نفي الخارجية الألمانية. ده شبه مناقشة مدى صحة شروق الشمس من الشرق. لو فيه فيديو قال الشمس مابتشرقش من الشرق وجيت أنا نفيت مأظنش إن نفيي هيعتبر رأي شخصي. لو أنا قلت إن المعلومات الصح هو غير ما ورد في الفيديو مأظنش إني بكده بادّعي إني المهدي المنتظر وإن الضلال المبين هو عكس ما أقول وإن أنا اللي بأفهّم الناس الضايعه دي الصح. لأني لم أقول رأي.

وبغض النظر عن مدى إيجابية أو سلبية تأثير الفيديو المختلف عليها, مادام اعتمد على معلومات مغلوطة يبقى عيب علينا قوي إننا نفرح بيه ونقول إنه صح أو واقعي. ياما أسهل إني أقول معلومات مغلوطة للناس زي مثلا أيام حرب 67. هل ده صح؟ إطلاقا, وإنما هو مدمر, لكن في الغالب رأت القيادة العسكرية عندها إن آثار المعلومات الكاذبة هو إيجابي ومشجّع للناس. بالنسبة لي فالموضوع بالمثل, أنا شايف إن تأثير الفيديو سلبي للغاية ويكفيه سلبية إنه مبني على أخطاء فادحة في الأرقام وأكاذيب في أقوال المسئولين.

وعموما ده رأيي الشخصي بخصوص تأثير الفيديو. لكن بخصوص معلومات الفيديو فهي كاذبة دون مجادلة, ولا تمثل عُشر الحقيقة في بعضها, وذلك ليس برأي شخصي. لكني مش مطالب إني أنزّل لنكات من المصادر الأصلية للأرقام والمعلومات الصحيحة, لأنها متاحة لكل من أراد استثمار جهده فيما هو مفيد.

تحياتي لحضرتك يا باشمهندس :closedeyes:

أخوك الصغير محمد (مش محمود)

تم تعديل 13 فبراير 2010 بواسطة MaYousof

[Abu Reem]

كثيرا يعتقد البعض ان الوصول الى المعلومة صعب ومعقد ، وكثيرا ما يعتقد البعض أنه هو فقط الذي يستطيع الوصول الى المعلومات ولا يدرك ان هناك الكثير من أعضاء المحاورات قد يكون بحكم عمله أقرب كثيرا للوصول الى المعلومات والاحصائيات.

هذا استهلال لابد منه على رأينا حبيبنا د.عادل ابوزيد

هذا الفيديو وما به من معلومات...قد يكون له أهداف من نشر ...ولكن ما علينا الان من الاهداف..ولكن يحتوي على معلومات عن معدل ونسبة الخصوبة..في البلاد الأوروبية وهي صحيحة..حسب العديد من المصادر..ووايضا يتحدث عن نسبة إزدياد..المسلمين المهاجرين نتيجة لمعدل الخصوبة الأعلى عند المهاجرين من المسلمين وهي نسبة ايضا نسب صحيحة وبالتالي !!! فهي ليست كاذبة أو ملفقة كما يقول البعض..!!!!.

..أما عن أعداد المسلمين بصفة عامة مثلا كما في ألمانيا وهي حوالي 3.5 مليون الى اربعة ملايين صحيحة ، وايضا في فرنسا وهي اكثر قليلا وهي حوالي 5 ملايين...وهناك ايضا باقي الدول الاوروبية فنسب المسلمين فيها بإزدياد وهذا طبيعي ومنطقي نظرا لازدياد نسبة الخصوبة...

- صراحة هناك في معظم دول اوروبا شيء من الحرية والنظام والعدل بصفة عامة لجميع الأديان..وهذا ظاهر من ممارسة المسلمين لشعائرهم ..دون قيود تذكر....وهم لابد أن يفعلوا ذلك لأن لهم مصالح ولهم جاليات ايضا في بلداننا الاسلامية...وهناك ايضا بعض القيود ظهرت مؤخرا كالتضييق على الحجاب وانتشار المساجد ..فهذا واضح...ولنا أن نقبل الوضع طالما ارتضينا بالعيش والهجرة الى هذه الدول.

- مسألة الخوف من إنتشار الاسلام هو شيء طبيعي ومفهوم..كمجتمعات مسيحية.. وايضا إزدياد ظواهر تحجيم المظاهر الاسلامية وتشويه صورته لا ينكرها ...عاقل....والأحداث والشواهد كثيرة جداً....وهي ليست بأكاذيب .كأكاذيب حرب 76 ،،،

إذن ما جاء في الفيديو من معلومات غالبها صحيح حسب عشروميت مصدر أيضا، فقط ( نفي وزير الخارجية الالمانية ) كان بخصوص كلمة المسلمين التي اضافها الفيديو وقوله انها لم ترد في كلامه، وقد يكون قال هذا لأنه كرجل دبلوماسي ليس من المفترض ان يقول هذا الكلام.

- أيضا ما قد يكون ليس صحيح بالفيديو شيء اخر ولكنه لا يتعلق بالمعلومات التي معظمها صحيح وهو الافتراض ان كل زوجين سينجب طفل واحد فقط ..فهذه المسألة هي التي بني عليها الافتراض وبالتالي..قد تختلف النتيجة باختلاف عدد الأبناء المنجبة من كل زوج..أيضا معدلات الخصوبة...قد تختلف مع الوقت ..لعدة عوامل...وأشياء أخرى كثيرة قد تؤثر على هذه النسبة..وبالتالي يكون الاسنتاج النهائي لعدد المسلمين قد يتغير .......

- إذن القول أن المعلومات التي بالفيديو خاطئة بكل المقاييس هو ..كلام...مرسل..لأن..المعلومات..من الممكن الوصول اليها بسهولة..أما..نفي الخارجية الألمانية ...فهو جاء فيما يتعلق بكلمة الخوف من ( زيادة المسلمين ) بصفة خاصة ولكن لم يتم نفي المعلومات......

هذا مع احترامي لأي شخص يكتب أي رأي ..ولكن لزم التوضيح...مع ..عدم تطرقي لموضوع أهمية العدد.بالنسبة للمسلمين أو تأثير الزيادة لنسبة المسلمين في الدول الاوروبية فهذا موضوع أخر ..قد يكون تأثير ايجابي او سلبي أو متعادل.

تم تعديل 14 فبراير 2010 بواسطة Abu Reem

[jasmin hamed]

اتصور انوا الى اهم من كم المسلمين هو الكيف يعنى هل العالم لو بقى تلات اربعه مسلمين ولا حتى كلو ده مهم قوي ولا لما يكون الربع بس ناس مؤثره و مفكره مش قطيع ماشى ورا اى حد صوته عالى و لا نفسيات عبيد يقلدوا اى شى دارج . يعنى انا بفرح قوي لما بعرف انى فى تحول الى الاسلام لانى بحس انوا هيكون مسلم علي حق مش عشان الذياده العدديه و مبداء العزوه ............

انا اظن انوا المسلمين يبقى قله بس نخبه احسن من عدد فى اللمون

والله اعلى و اعلم

[MaYousof]

كثيرا يعتقد البعض ان الوصول الى المعلومة صعب ومعقد ، وكثيرا ما يعتقد البعض أنه هو فقط الذي يستطيع الوصول الى المعلومات ولا يدرك ان هناك الكثير من أعضاء المحاورات قد يكون بحكم عمله أقرب كثيرا للوصول الى المعلومات والاحصائيات.

هذا استهلال لابد منه على رأينا حبيبنا د.عادل ابوزيد

هذا الفيديو وما به من معلومات...قد يكون له أهداف من نشر ...ولكن ما علينا الان من الاهداف..ولكن يحتوي على معلومات عن معدل ونسبة الخصوبة..في البلاد الأوروبية وهي صحيحة..حسب العديد من المصادر..ووايضا يتحدث عن نسبة إزدياد..المسلمين المهاجرين نتيجة لمعدل الخصوبة الأعلى عند المهاجرين من المسلمين وهي نسبة ايضا نسب صحيحة وبالتالي !!! فهي ليست كاذبة أو ملفقة كما يقول البعض..!!!!.

..أما عن أعداد المسلمين بصفة عامة مثلا كما في ألمانيا وهي حوالي 3.5 مليون الى اربعة ملايين صحيحة ، وايضا في فرنسا وهي اكثر قليلا وهي حوالي 5 ملايين...وهناك ايضا باقي الدول الاوروبية فنسب المسلمين فيها بإزدياد وهذا طبيعي ومنطقي نظرا لازدياد نسبة الخصوبة...

- صراحة هناك في معظم دول اوروبا شيء من الحرية والنظام والعدل بصفة عامة لجميع الأديان..وهذا ظاهر من ممارسة المسلمين لشعائرهم ..دون قيود تذكر....وهم لابد أن يفعلوا ذلك لأن لهم مصالح ولهم جاليات ايضا في بلداننا الاسلامية...وهناك ايضا بعض القيود ظهرت مؤخرا كالتضييق على الحجاب وانتشار المساجد ..فهذا واضح...ولنا أن نقبل الوضع طالما ارتضينا بالعيش والهجرة الى هذه الدول.

- مسألة الخوف من إنتشار الاسلام هو شيء طبيعي ومفهوم..كمجتمعات مسيحية.. وايضا إزدياد ظواهر تحجيم المظاهر الاسلامية وتشويه صورته لا ينكرها ...عاقل....والأحداث والشواهد كثيرة جداً....وهي ليست بأكاذيب .كأكاذيب حرب 76 ،،،

إذن ما جاء في الفيديو من معلومات غالبها صحيح حسب عشروميت مصدر أيضا، فقط ( نفي وزير الخارجية الالمانية ) كان بخصوص كلمة المسلمين التي اضافها الفيديو وقوله انها لم ترد في كلامه، وقد يكون قال هذا لأنه كرجل دبلوماسي ليس من المفترض ان يقول هذا الكلام.

- أيضا ما قد يكون ليس صحيح بالفيديو شيء اخر ولكنه لا يتعلق بالمعلومات التي معظمها صحيح وهو الافتراض ان كل زوجين سينجب طفل واحد فقط ..فهذه المسألة هي التي بني عليها الافتراض وبالتالي..قد تختلف النتيجة باختلاف عدد الأبناء المنجبة من كل زوج..أيضا معدلات الخصوبة...قد تختلف مع الوقت ..لعدة عوامل...وأشياء أخرى كثيرة قد تؤثر على هذه النسبة..وبالتالي يكون الاسنتاج النهائي لعدد المسلمين قد يتغير .......

- إذن القول أن المعلومات التي بالفيديو خاطئة بكل المقاييس هو ..كلام...مرسل..لأن..المعلومات..من الممكن الوصول اليها بسهولة..أما..نفي الخارجية الألمانية ...فهو جاء فيما يتعلق بكلمة الخوف من ( زيادة المسلمين ) بصفة خاصة ولكن لم يتم نفي المعلومات......

هذا مع احترامي لأي شخص يكتب أي رأي ..ولكن لزم التوضيح...مع ..عدم تطرقي لموضوع أهمية العدد.بالنسبة للمسلمين أو تأثير الزيادة لنسبة المسلمين في الدول الاوروبية فهذا موضوع أخر ..قد يكون تأثير ايجابي او سلبي أو متعادل.

عزيزي أبو ريم,

ربنا يهدي المسلمين أجمعين :closedeyes:

أنا النهاردة فرحان جدا angl:: عشان فيه أخ كبير ليَّ ومن أعز وأحب إخواتي لنفسي معانا هنا في المحاورات بعتلي على الخاص ونبّهني إن إسلوبي الغليظ مع ناس ممكن أكون أنا شايف فيهم أخطاء هو إسلوب لا يؤدي للنتيجة المرغوبة. أنا دائما ماكنت أكرر إني صغير وبأتتلمذ على يد ناس هنا وأصبح فضلهم عليَّ كمعلمين هو فضل في رقبتي أدين لهم به بحق.

أنا مش عايز أكون سلبي للغاية ولا غليظ للغاية. لان التطرف بأس شديد لازم الناس تنفره. يمكن كنت باتطرف في حديثي مع بعض الناس لا رغبة مني في التطرف ولكن محاولة مني في جعل بعض الناس يذوقوا مر ما وصفوه من دواء لغيرهم.

هذا كان استهلالا وكان لابد منه.

أنا يا سيدي مسامحك! مش من ضعف ولكن اتّباعا لوصية الرسول الكريم لينا لأمته كلها (ليس الشديد بالصرعة, ولكن الشديد من يملك نفسه عند الغضب)

وهاقول لحضرتك إني مسامحك وبحبك في الله

عشان كده يا أبو ريم أنا مش هازيد كلمة واحدة تعقيبا على رسالتك. لكن للجميع أقول, مادام ياجماعة غلوبتم في استخراج أخطاء الفيديو الرهيبة في كل كلمة فيه تقريبا, فانتظروا مني مداخلة لتفنيد هذا الفيديو. وتأكدوا جميعا إني مدرك إن أكتر من عشرتلاف واحد بيقرأوا في المنتدى, وإني كنت مستعد إني أتهم بالكلام المرسل وأتهم بالكذب فيما قلت في حق الفيديو وكنت منتظر هذه الاتهامات قبل ما أقوم بالتفنيد بالمصدر لكل كذبة فيه .. كذبة كذبة ..

وتحياتي لشخصك الكريم يا عزيزي الفاضل وزميلي الكبير أخويا أبو ريم angl::

[Abu Reem]

أشكرك يا اخي Mayoussuf

على كلامك الطيب ، وصدقني كلنا بشر..مفروض نحب بعض ونهتم بمصلحة العالم الذي نعيش فيه اي كانت معتقاداتنا او دياناتنا أو مذاهبنا ..فكلنا في مركب واحد ...والعالم بخيراته يكفي الجميع..ولكن من يفهم ويدرك...

لا تشغل تفسك كثيرا بالفيديو وبياناته..لأنه في نظري ليس ذو أهمية كبيرة..والبيانات التي فيه..رغم صحة معظمها ..ولكنها لا تؤدي الى شيء مهم..بدرجة كبيرة...

وطبعا انت تعرف ان معظم الدراسات والأبحاث جتى لو كانت من مصادر موثوقة فهي معرضة للخطأ وللإحتمالات...ولعوامل عديدة..

لذلك الموضوع..قد لا يستحق ..ولكن نريد أبداعاتك ومجهوداتك في مواضيع أكثر أهمية وتأثير...

وهناك عضوة فاضلة قالت كلمة جيدة..أن العبرة بالكيف أهم من الكم...

تحياتي وتقديري..وأيضا سامحني ان كنت ضايقتك. :closedeyes: ..ولكن هذا لا يمنع أن نختلف..أحيانا في مواضيع أخرى

كل الشكر والتحية لك ولمن شارك في الموضوع angl:: angl::

[Iskandrany]

تسلم إيدين ابو العز ، فيديوا يشرح القلب بصحيح

تسلم يا غالي

[khaleds]

اتصور انوا الى اهم من كم المسلمين هو الكيف يعنى هل العالم لو بقى تلات اربعه مسلمين ولا حتى كلو ده مهم قوي ولا لما يكون الربع بس ناس مؤثره و مفكره مش قطيع ماشى ورا اى حد صوته عالى و لا نفسيات عبيد يقلدوا اى شى دارج . يعنى انا بفرح قوي لما بعرف انى فى تحول الى الاسلام لانى بحس انوا هيكون مسلم علي حق مش عشان الذياده العدديه و مبداء العزوه ............

انا اظن انوا المسلمين يبقى قله بس نخبه احسن من عدد فى اللمون

والله اعلى و اعلم

كلام زى الفل

7 مليون شخص قدرو يتغلبو على اكثر من مليار شخص