اين انت يا حشيش ؟

[Farida]

انت فين يا حشيش اوعى تكون عيان و لا حاجه ؟ بقى لنا مده مش سامعين حاجه عنك او عن نوسه ؟؟

[فــيــروز]

يمكن حشيش معتكف حدادا على نوسه اللى موتها فى قصة المشلول mfb: mfb: mfb:

[Lighthouse]

:o

ايه اللى حصل ياحشيش :blink:

انت فين ؟؟؟ :blink: :blink:

لعل المانع خير

[أسامة الكباريتي]

حشيش منزوي في غرزة سرية لم تدخلها الإنترنت بعد ..

أو ربما شاور عقله وخطف رجله للدمام وغامر بزيارة آل أبو زيد .. والنتيجة طبعا انتوا عارفينها مسبقا ..

طيب رد على لايت هاوس اللي سمعت النداء وعادت ببركاتك ..

ربنا يطمننا عليك ..

[Scorpion]

الله هو حشيش أختفي تاني....  ميت فل و عشرة ... سبوبة و جاتلك يا سكوب....

لأ يا شباب.. أطمنوا خالص... حشيش بخير أنا لسه سايبه النهاردة الصبح.. يعني كنا بنقضيلنا يومين في تاهييتي... بس... يعني... في قعدة مزاج... كان معانا شوية عساكر قومنا في دماغهم يعملوا أنقلاب عشان ما ندفعش حق اللوكاندة.. حاكم الفلوس كانت قصرت معانا... قامت العملية قلبت جد.. و عملوها... و في عز الضرب جينا نهرب مسكونا... و سابوني أنا عشان شكلي طيب و أبن حلال و ماسكين في حشيش رهينة لغاية ما ندفع مصاريف الأنقلاب...

و طبعآ أنا متأكد انكم مش حتسيبوا حشيش بيبنا يتبهدل كده في الغربة... فيعني أنا فتحت حساب علي بنك مصر بأسم "حشيكيون" حساب جاري بكل قوته 14000140002220001123

و التبرعات لازم تكون باليورو بس .. عشان هنا ف أيطاليا.. قصدي هناك في تاهييتي هي دي العملة اللي و اكلة الجو....

ياللا.. ورونا شهامة المصريين... :)

بعون الله حنغير اللامبورجينو قريبآ

[Scorpion]

جري أيييييييييييييييييييييييييييه يا منتدي... :o

البنك بعتلي كشف الحساب النهارده و مافيش فيه و لا سنت من المبلغ المطلوب فدية حبيبنا و أخونا و شاعرنا و كاتبنا الأوحد و راسم أبتسامتنا حشيش باشا بل الندي طرطوره...

لأ إخص عليكم... إخصصصصيييييييييييييييييييييييييييي

و لا يهمك يا حشيش.. المبلغ كله حدفعه من جيبي و لا الحوجة...

عقلي الباطن اللي سابهولي حشيش بيقوللي هو مقموص علشان ما اخدش كرسي فيروز اللي كان راسم عليه.... لو مش كده  يبقي أبتدي أقلق بجد.....

تم تعديل 29 فبراير 2004 بواسطة Scorpion

[Lighthouse]

ياجماعة لو سمحتم

اللى عنده الميل بتاع حشيش يبعت له

ويطمنا عليه

غيابه كده مريب

[فــيــروز]

معلش يا حشيش

اذا كان ضاع منك كرسى المناقشات لسه فيه كراسى فاضيه :o

تعالى انت بس وشاور على اجدعها كرسى واحنا نقلدهولك :o :o

[حشيش]

الأخوات والأخوة الأعزاء

شكراً لكم جميعاً على السؤال وللأخت فريدة على فتح هذا الموضوع...الحكاية كلها إننى شعرت منذ حوالى أسبوعين تقريباً بألم فى بطنى...عملت فيها دكتور وأخدت حبتين بانادول مع كوب من الشاى على أمل أن يزول الألم...تحسن الألم لفترة قصيرة ولكنه عاد ثانيةً بصورة أشد...كان الوقت قد أقترب من الحادية عشرة مساءً فقلت على الصبح يمكن يتحسن...أستمر الألم طوال الليل...ذهبت مبكراً فى الصباح إلى المستشفى قبل الذهاب لعملى...قام الأطباء بحجزى فى المستشفى وقاموا بتعليق محاليل لى ومضادات حيوية فى الوريد وأدخلوا أنبوبة فى أنفى وطلبوا منى ألا أتناول أى شئ بالفم لأن عندى إلتهاب حاد فى الزايدة تسبب فى إلتهاب بالغشاء البريتونى فىالبطن نتيجة لعدم حضورى للمستشفى عند بداية شعورى بالألم...بعد حوالى ست ساعات دخلت غرفة العمليات لإستئصال الزايدة ولم أشعر بشئ إلا بعد ما فوقت من البنج...جلست فى المستشفى أربعة أيام بعد العملية على المحاليل والمضادات الحيوية ومسكنات الألم والحمد لله على كل شئ...دخلت على النت من أيام قليلة ورأيت الموضوع وكنت أنوى كتابة الرد لكنى شعرت بالجرح شادد عليه وأنا قاعد على الكرسى أمام الكمبيوتر فقمت وفردت جسمى على السرير...شكراً للسؤال مرةً أخرى...الشئ الغريب فى الموضوع إنى حاسس إنى صوتى رفع بعد العملية :lol: :lol: :lol:(المصيبة يكون الجراح شال حاجة تانية غير الزايدة et:( :D <_<)...سألت نائب القسم عن هذا الموضوع فقال لى إحتمال من أنبوبة التخدير!!!...ياريت حد من إخواتنا الأطباء هنا يفهمنى إيه علاقة أنبوبة التخدير بالصوت :lol: :lol: :lol: ربنا يستر :unsure: kis)- :lol:

أختكم حشيشة

[فــيــروز]

عمر الشقى بقى يا حشيش :lol:

ده احنا قلنا اتقبض عليك ولا حاجه والجرايد متكتمه الخبر عشان قفشوك فى الجزيره اللى بيضربوها بالمدفعيه الثقيله دى !! :lol:

ولا تكون معتكف حزنا على المغفور لها باذن الله نوسه شهيدة المشلول !! :unsure:

المهم يا حشيش ان لسه عندك صوت حتى لو رفع شويه <_< .. بطلوا بطر بقى يا ساتر :D

وبعدين يا جماعه ميت مره نقول مش كل واحد يعمل فيها حلاق صحه ويعالج نفسه بنفسه .. kis)- امال ربنا عمل الطب و الاطباء ليه اما كل واحد هيفتى وياخد الدوا اللى على كيفه .. :lol: ياللا معلش قدرنا ان حشيش يفضل عايش et:(

عقلى الباطن : كنا هنخلص منه بتاع اديهم على نفوخهم ده بس لسه له عمر :lol:

تم تعديل 1 مارس 2004 بواسطة فــيــروز

[Farida]

حمد لله ع السلامه و ياريت تاخد درس بقه انك ما تبقاش لوحدك تانى و تدور على بنت الحلال و تتأهل بقه و تشوف واحده تاخد بالها منك ....

[White heart]

الف حمد الله على السلامة يا عزيزى حشيش....

لقد أفتقدت الأبتسامه و الضحكه الحلوة فى الفترة الأخيرة، الحمد لله انك رجعتلنا بالسلامه.

و انشاء الله كل خير، اطمن ما تقلقش على صوتك.

[maksoof]

ألف حمدلله على سلامتك يا حشيش

إنشاء الله تقوم بالسلامة و ترجع لنا بكصص كصيرة جديدة

(يا ترى المخدر - قصدى البنج- بتاع المستشفيات نظامه إيه؟ )

[Lighthouse]

حمد الله على السلامة ياحشيش :)

نورت المنتدى

والف سلامة

لو كنت عملت وصفة سلطة من وصفاتي ماكانش حصل لك كده :blink:

ياللا معلش

ربنا يشفيك وترجع تناكفنا تاني ;) dct::

[afiona]

ألف حمدالله على السلامة يا كيف المنتدى و مزاجه، وربنا يستر و صوتك يرجع طبيعى و نطمئن عليك ....

أنا مستغرب أن دكاترة التخدير توصلوا لمخدر (طبى مش عادة) ينيم الأدمغة التقيلة ... عرفت تسلك حاجة منه ؟

[SANAA]

الف حمدالله علي سلامتك وربنا يكمل شفاك

وان شاء الله ترجع لحياتك الطبيعيه في اسرع وقت

تم تعديل 2 مارس 2004 بواسطة SANAA

[DARWEEN]

سلامتك يا شيشو .. ألف مليون سلامه

ياراجل دا أنا قلت لنفسي تلاقي شيشو غطسان غطسه من بتوعه ولا زعلان علشان بقاله فتره طويله ما أخدش إنذارات :blink: بس إيه الأخبار اللي مش ولابد دي ؟؟ f((: f((: f((: أيه حكاية الصوت اللي رفع ده :P :P ورفع أزاي يعني ؟؟ طمني الله يطمنك

ماهو ما تأخذنيش ياشيشو تفرق صوت رفع dct:: :) من صوت رفع ;) phn: واللي مش مريحني أكتر توقيعك اللي في آخر المداخله B) B)

حشيش ... عد إلينا كما كنت نحن في إنتظارك

ألف ألف سلامه وربنا يطمنا عليك

[se_ Elsyed]

ألف حمد الله عالسلامه يا معلم ...

المنتدى من غيرك كان مضلم .

ودولاب الشغل كان عطلان والسوق نايم ..

أرجع كده ومارس نشاطاتك - الإجرامية - من تاني .. ولاد حنفي إتمسكوا يا شقيق والساحة هاتبقى فاضية وهانلعب لوحدنا ..

بس يا حشيش بالنسبة لمسألة الصوت دي فماتقلقش دي نتيجة الماسورة اللي بيحطوها في زور الواحد أثناء العملية علشان التنفس وكمخدر برضوا - على ما أعتقد -

لأن مش كل الحالات بيحطولها الكمامات اللي إنت بتشوفها دي في الأفلام ..

ففعلاً بعد العملية بتحس إن في شرخ في زمارة رقبتك وبيؤلم لعدة أيام بعد العملية بس صوتك هايرجع تخين وأجش تاني ماتخافش ...

إلا إذا كانوا شالوا حاجة تانية يبقى كده دخلنا في مشكلة جامده

( وعلشان ماحدش يفهمني غلط انا قصدي انهم يكونوا شالوا حبل من أحبال الغسيل قصدي من الأحبال الصوتية )

وزي ما قالت فريده .. إنت كده وصلت لمرحلة اللاعودة ولازم تتجوز يا حشيش لأن إذا كل شويه الدكاترة هايشيلوا حاجة يبقى بعد سنوات قليلة مس هانلاقي منك غير الجاكتة .... :blink:

ألف حمد الله عالسلامه يابو نوسه ....

س س طبيب جراح قلوب الناس بداويها ...

[drmsaber]

حمداً لله و شكراً على سلامتك

متعك الله بالصحة و العافية و جعل عاقبتك الجنة

[Scorpion]

بوظت علياالعملية الله يسامحك...بعد دورالتقطيم بتاع امبارح الناس ابتدت تبعت الفلوس المطلوبة... اعمل ايه دلوقتي... احنا مش كنا اتفقنا يا جدع انت انك تغطسلك شهر... اكون لميت المبلغ المطلوب عشان اجازة الصيف بتاعت المكسيك و البرازيل....

:blink:

فريدة كتبت :

ياريت تاخد درس بقه انك ما تبقاش لوحدك تانى و تدور على بنت الحلال و تتأهل بقه و تشوف واحده تاخد بالها منك ....

سي السيد كتب :

وزي ما قالت فريده .. إنت كده وصلت لمرحلة اللاعودة ولازم تتجوز يا حشيش

ما بقاش ينفع...بعد العملية اشك... دلوقتي نيرون كل ما حيشوفك حيقوللك : اففف... مليتوا البلد.... dct::

حشيش.... الف الف حمدلله عالسلامة.... :)