هل القيامة قامت واحنا مش حاسين ؟

[mohameddessouki]

[b] ( من اجل الميراث تضرب الأم......تقتل الأم........ تغتصب الام!!!!!)

فوجئت الام بنجلتها ايمان وشقيقها احمد يحضران الى الشقة وبصحبتهما رجلان وسيدة غرباء وزعموا انهم محامون وفور دخولهم الشقة القوها على الارض وتعدوا بالضرب على زوجها الجديد المحامى وطردوه من الشقة بحجة ان هناك مشاكل اسرية بينهم يجب تسويتها بمفردهم وحين ترك الشقة القوا الأم على الارض وتعدوا عليها بالضرب البرح وقام الغرباء بتمزيق ملابسها والاعتداء الجنسى عليها واغتصابها امام ابناءها واحتجزوها داخل احد الغرف بالشقة لمدة 5 أيام دون طعام او شراب

وقالت الام ان السبب وراء ارتكاب ابناءها تلك الواقعة هو خوفهم من ان يستولى زوجها الجديد على جميع ممتلكاتها ولا يرثوا منها شيئا

( جريدة اليوم السابع الثلاثاء 9/2/2010 )

[Simba]

طب هو الزوج لما اتطرد راح فين

قعد علي القهوة الخمس ايام دول ولا ايه

[mohameddessouki]

طب هو الزوج لما اتطرد راح فين

قعد علي القهوة الخمس ايام دول ولا ايه

الله اعلم.... يمكن اللى شافه بعنيه خلاه يقول حقى برقابتى... وقال هو انا ح اخاف عليها اكتر من ولادها!!!

لكن مش هى ده القضية القضية هى انعدام الوازع....انعدام حب الوالدين .... والجنة تحت اقدام الامهات... والكلام ده

يعنى انا لو اتجوزت اقتل اولادى قبل ما يكبروا ويقتلونى... يعنى نتحول لقطط وسباع وليس كبنى آدمين

شكرا لمرورك الكريم

[doha]

طب ضربوها ماشي يغتصبوها ليه ؟

القصة كلها مع احترامي ( مش راكبة على بعضها ) بتفكرني ببكيزه وزغلول وهم بيشرحوا للظابط الي حصل معاهم .. لما العصابة اتخانقت مع بعضها قام واحد فيهم للتاني وراح ( دابحه بالجزمه القديمه ) ..

معتقدش ان القيامه قامت لان في حد دبح امه .. بالجزمه القديمه . .

متجيش ..

[ابو حودة]

الاستاذ محمد دسوقي

عبارة شكرا لمرورك الكريم في الموضوعات التي تقوم حضرتك بفتحها

وهي عبارة غير معتادة في المحاورات بخلاف المنتديات الاخرى

على ما اعتقد هنا في محاورات المصريين الموضوع ملك صاحبه حتى النشر

بعد ذلك هو ملك لكل الاعضاء فلا شكر على واجب

اسف ان كنت قد اثقلت عليك

[Simba]

معتقدش ان القيامه قامت لان في حد دبح امه .. بالجزمه القديمه . .

متجيش ..

انا قولت كده برضه

[من بعيد]

ابطال السينما فى التلاتينات والاربيعنات والى وقتنا هذا دائمى الظهور على الشاشه والسيجاره لاتفارق شفتاه الى ان قلده المشاهدون وانتعشت تجاره الدخان وقامت اقتصاديات دول من ريع الضرائب المفروضه على السجاير وممكن نتكلم عن الادويه التى تعالج الامراض التى يسببها التدخين والكم الهائل من المال الذى ينهمر فى جيوب القائمين على صناعه السجاير والدويه فى العالم اجمع

هذا كله بسبب مشهد ممل ومتكرر فى جميع الافلام اوحى للمشاهدين ان التدخين مهم جدا والسيجاره هى عنوان الراجل الفتك

يمكن اكون رحت بعيد شويه فى الكلام لكن اللى انا عايز اقوله ان الاخبار الملفقه دى لهاوظيفه شيطانيه فى الاتيان على البقيه الباقيه من الاخلاق والضمير عند الشعوب ويكون قانون الغاب هو المسيطر ويكون البقاء للاقوى وليس للاصلح

برضه نقطه تانيه مهمه بخصوص الاخبار المفبركه ومدى تأثيره على سلكويات الشعب ان مركز البحوث الجنائيه ان زياده معدل العنف والجريمه فى مصر يرجع الى مشاهده المسلسلات والافلام فى فتره التمانينات والتسعينات

بفرض ان الاخبار الملفقه لها نفس تأثير المسلسلات