.......بدون تعليق

[shiko]

...صباحكم سكر زيادة......اكتشاااااف

رفت شعار الواجب الوطنى ورحت ...اصلى الجمعة مع امى ..وبعد الصلاة ...اتحايلت عليها نجيب قرطاس الطعمية التومام .

.ووافقت اخيرا ...

وازحت ناحية البيت وانا حاضنة القرطاس ..لاستشعر بسخونية الطعمية ..وانا على مدخل البيت ...لمحت اخى الصغنن "طالب جامعة " ...قاعد على الكمبيوتر والذى تنبعث منه ...اصوات مزيكا هادئة مما لفت انتباهى ..

"غريبة موش عادته"...المهم شوية وبدءت اركز مع الكلمات ...

بتحبينى ...؟؟لا...اشك شكله كده كاظم ..ماهو بتاع القصايد والحركات دى ...ماتنسوش ان ثقافتى فى المزيكا زيرو ...

نكمل... مين دول الى على الفيس بوك؟؟؟يالها من تساؤلات ...تجرعت الساندوتش اللى ماسكاه وانا اكاد ان اموت من هول المفاجأة ...

فيس توك ؟؟ده اكيد اللى بيغنى كرومبو

لا اسمعوا.... لو ماشلتيش العيال دى عليك هسوك

وانااااااا انا مش خورونج لا لا لا انا كينج كونج....وهنا قررت الخروج الى الخارج لالتقط اى حجر واضرب بيه الاخ اللى بيغنى ...

وعندما عقدت العزم برفع يدى ...سمعته بيقول.....

دانا وانا رابط ايدى بلعب بينج بونج

مش ابن هانم ولا ابن لورد اتفضلى ادى الباسبورت دانا اراجوز متربى فى سرك مش عيل كورك

طبعا اتراجعت وفكرت كويس فى البينج بونج ...قصدى فى مستقبل القصيدة العربية لما تكون من غير بينج ...ازاى يعنى ...بصراحة انا مزهولة ...وموش مصدقة نفسى لغاية دلوقتى...شىء لا يصدقه كائن من كان ...

اسيبكم مع كلمات الاغنية...لخد ما اختلسها من على الجهاز بتاعه وارفعهلكوم تسمعوها بنفسكم ...

بتحبنى لا اشك مين دول الى على الفيس بوك لو ماشلتيش العيال دى عليك هسوك

وانااااااا انا مش خورونج لا لا لا انا كينج كونج دانا وانا رابط ايدى بلعب بينج بونج

مش ابن هانم ولا ابن لورد اتفضلى ادى الباسبورت دانا اراجوز متربى فى سرك مش عيل كورك

وانااااااا انا مش خورونج لا لا لا انا كينج كونج دانا وانا رابط ايدى بلعب بينج بونج

.......بدون تعليق

[Damo]

ههههههههههههههه

يا تورى الكلام ده في الاغاني بس ولا بيتقال في الحقيقة؟

[لماضة مصرية جدا]

السلام عليكم و رحمة الله و بركاته

صوت مصمصة شفايف.... و بعدين فيه بعض من ملامح الوش بتيجي من اليمين للشمل كده في حركات متتالية...... :ninja:

أهو انتو كده يا مصقفين... يا بتوع المدارس....

ما هو الكلام عميك أهه.... الجودع رياضي و بيلعب بينج بونج....شعبة بلي

و الشاب بسم الله ما شاء الله.... حمش... و بيقولها انا مش "خ......ج"...... و دي يعني ايه ؟؟؟؟؟

مش دي بتاعت مسرحية "اخضر و باستك من فوق..... :lol:

بالنوسبة بقي للحظة تصالحه مع نفسه جدا..... "انا مش عيل كاورك"....

الله هو عايز كده.....سيبوووووووووووووووووووه.......

العيب مش في النظام العيب فيكو يا كاوركات (اقتباس من برايز.... فيلم ثقافي....... :wub: )

ع فكرة بقي يا اخت شيكو......بلاش تتحاملي

الاغنية معبرة جدا

سيبي قرطاس الطعمية اللي انتي ماسكاه في ايدك..... قربتي تاكلي الورقة

و نزليلي الرابط بتاع الاغنية التراثية لو سمحت

صباااااااااااااااااااحك..... ....... حتتين مخلل.......كوباية شاي حليب بوسطة...... و امضاء في المعاد لو عندك شغل.....و لو معندكيش.... قابليني ع الفيس توك

[عاشق الترحال]

ده واد معلم تحس أن كلمات الأغنيه بتاعته تقطع القلب وبيجيب الكلمه من الشرخ الجواني !!

مش ده اللي كاتب أغنيه

يا حلو بانت لبتك

اول ما دابت اشرتك

تحرم عليا محبتك

و راح اتوب عن سكتك

القلب منك مليان جفا

و الصبر من قلبى اتنفا

و ضاع معاك كل الصفا

ضيعته بعندك يا قفا

..

.أه يا قفا... أه يا قفا... أه يا قفا... أه يا قفا

:ninja:

تم تعديل 13 فبراير 2010 بواسطة عاشق الترحال

[ozoozo]

اللي عرفته من الدعبسه ان المغني اسمه ابو اليف

سيبوني اغطس اجيبلكم الاغنيه واجي

وبعدين يعني انتي اللي بتصلي الجمعه واخوكي قاعد يسمع الاغاني دي وقت الصلاه

تخيلوا مين اللي كاتب الاغنيه

ايمن بهجت قمر

تم تعديل 13 فبراير 2010 بواسطة ozoozo

[ozoozo]

الرابط

/?ft15ydimy2u

علي فكره الحن بتاعها رومانسي جدا ومش ماشي مع الكلمات

[لماضة مصرية جدا]

السلام عليكم و رحمة الله و بركاته

لع لع لع لع

معجولة دي

صوت بيانو.......و عود..... و نغمات هادية...... يا ربي

طب كده هنحطها في موضوع مستغرب.....بس نستغرب ليه طب ما هو كل حياتنا بقت تناقضات....حتي البني آدم نفسه بقي مستغرب من نفسه....من انتقاله اللا متوقع من الابيض للاسود...

طب مين يقدر يشيل بقي الكلمات و يخليلنا اللحم.....قصدي اللحن

مش عارفة ليه هلت عليا موسيقي خلي بالك من عقلك بتاعت عمر خيرت

طب بعد ما تسمعوا سيمفوكينة....انا مش كاورك.....ممكن تحلوا بعمر خيرت

http://www.youtube.com/watch?v=HIL-I-lZC2g...feature=related

فوتكم بعافية

صباااااااااااااااااااااااااحكم صوت بيانو......صوابع واثقة......و نسمة عديت تصبح عليكو......و انتو نااااااااااااااااااايمن

[shiko]

ماهو ده حضرتك اللى خلانى اجيب الطوبة من الجنينة ولسة واقفة ادام الكمبيوتر بيها

اول ما هلاقيه بيقول...انا كينج كونج ...هاصوب ناحية الهدف على طول ...

[engmido]

حسبى الله ونعم الوكيل

هى الحكاية ناقصة قلبة مخ

[pink rose]

الله يجزاكي الجنة يا شيكو يا رب على الضحك اللي ضحكته لما سمعت الاغنية المذكورة اعلاه

خدي دول مني:lol: cr((:

و اتفضلوا كمان كليب للاغنية

[shiko]

اولا هو ليه ...اسمه ليف ...ده نسبة لايه ؟؟؟ناقص يبقى اسمه ليف شاور

...لا.موش قادرة ...انا قعدت بتاع خمس دقايق موش فاهمة ايه موضوع ابرة الخياطة اللى بتظهر فجأة دى؟؟ ولا مين الشامبنزى ..اللى جت صورته فى الاخر؟؟

..على فكرة يا ريمو ..نا اصلا ماليش فى المزيكا ...والحقيقة...انا لسة متمسكة بقرطاس الطعمية وموش هاسيبه ..تاخدى سندوتش؟؟

[pink rose]

انا كمان مش فاهمة ايه الابره دي

بس القرد دا اسمه كينج كونج بطل من ابطال الكرتون مريم بنتي كانت بتحبه اوي و هي صغيرة

بالنسبة للطعمية لا يا ستي بالهنا و الشفا ماليش فيها

عارفه لو كان ساندوتش فول و يا عيني لو كان في عيش من ابو ردة كنت اخدته منك و قولتلك الله يعوض عليكي :lol:

[HanaaOsama]

انا كمان مش فاهمة ايه الابره دي

بس القرد دا اسمه كينج كونج بطل من ابطال الكرتون مريم بنتي كانت بتحبه اوي و هي صغيرة

الابره بتظهر لما بيقول " بتحبيني ؟ لا أشك ................ :lol:

[pink rose]

انا كمان مش فاهمة ايه الابره دي

بس القرد دا اسمه كينج كونج بطل من ابطال الكرتون مريم بنتي كانت بتحبه اوي و هي صغيرة

الابره بتظهر لما بيقول " بتحبيني ؟ لا أشك ................ :lol:

كان المفروض يحط دبوس

عشان يبقى اشك فا انا اذا دبوس cr((:

[تامر السعدني]

مع كل الاحترام للافاضل والفضليات

لي وجهة نظر ارجو من حضراتكم قبولها

ممكن يكون الموضوع البعض شايفه لذيذ وممتع

بس انا لي رأي ارجو ان محدش يزعل منه

متهيألي انكم ضيعتم وقتكم يا افاضل

وبرضو اعتقد ان الحوار هنا لا يرتقى الى المستوى اللي المفروض نكون عليه في المحاورات للرقي بمستوى الحوار

يعني ممكن اكون غلطان في وجهة نظري دي

وممكن اكون صح

بس في الاخر

ارجو اني ما اكونش ضايقت حد بكلامي

بس حسيت اني لازم اقول رايي

وممكن حد يستفيد من الكلمتين دول

وربنا يكرمكم جميعا

[pink rose]

يا استاذ تامر الله يرضى عليك

هو يعني عشان المنتدى ثقافي حواري لازم نكون مكشرين دايما

و لازم نتكلم بس في المواضيع الجادة الصارمة او مشاكل البلد اللي ما بتخلصش

الموضوع في قسم موضوعات خفيفة و القسم دا موجود بالفعل في المنتدى الثقافي الحواري اللي حضرتك بتتكلم عليه

مش عيب اننا نتكلم او حتى نهزر في موضوع خفيف مش لازم الدنيا تكون غم دايما

زي ما بنتكلم في موضوعات جادة و الناس ليها ارآء تحترم برضه بنتكلم في موضوعات خفيفة

الدنيا من دا على دا يا سيدي الفاضل

[تامر السعدني]

الفاضلة ريمو

شكرا لرد حضرتك

وزي ما قلت ان رايي ده ممكن يكون غلط

ولذا اشكر لحضرتك التصحيح

وارجو الا اكون قد سببت مضايقة لحضرتك بكلامي

وشكرا لتقبلك

[shiko]

مع كل الاحترام للافاضل والفضليات

لي وجهة نظر ارجو من حضراتكم قبولها

ممكن يكون الموضوع البعض شايفه لذيذ وممتع

بس انا لي رأي ارجو ان محدش يزعل منه

متهيألي انكم ضيعتم وقتكم يا افاضل

وبرضو اعتقد ان الحوار هنا لا يرتقى الى المستوى اللي المفروض نكون عليه في المحاورات للرقي بمستوى الحوار

يعني ممكن اكون غلطان في وجهة نظري دي

وممكن اكون صح

بس في الاخر

ارجو اني ما اكونش ضايقت حد بكلامي

بس حسيت اني لازم اقول رايي

وممكن حد يستفيد من الكلمتين دول

وربنا يكرمكم جميعا

اخى تامر شكرا ...لمداخلتك ..الكريمة

الحقيقة ...ان تناول ...ذلك الموضوع وما شابهه من مواضيع ...جاء من منطلق غصة بالحلق...

لما نراه بحالنا ..

واعتقادا بمبدأ الضاحك الباكى "نجيب الريحانى"...هم يضحك ...وهم يبكى