تمنياتنا بالشفاء

[herohero]

لا تملك- ولا يجب أن تملك- أمام خبر سفر الدكتور يوسف بطرس غالى، وزير المالية، للعلاج فى مستشفى «جونز هوبكنز»، بمدينة بلتيمور بولاية مريلاند الأمريكية، سوى أن تدعو له مخلصاً بالشفاء العاجل، وربما من المفترض أن تتضرع إلى السماء ألا تعيد عليه هذه الأيام الصعبة، وأن «تكفيه شر المرض»، تلك «نقرة»، ومسألة مصاريف علاجه فى أمريكا التى تحملتها الدولة، وما تقاضاه من بدلات هو ومرافقه خلال الرحلة العلاجية «نقرة أخرى».

مش عارف اقول ايه بس انا عارف ان المرض والموت ليس محل كلام ولا تهكم لكن اللي خلاني اتكلم اني وانا ف اجازتي ف يمصر كنت بقول لصاحبي هم الناس الحلوة دول من الغالي والنظيف والشريف واللي منهم مسرور وطبعا كلهم مباركين

الحبايب دول مش خايفين من الموت ويوم الحساب ياترى بيفكرو زي الناس ان فيه رب هيحاسبهم وبعدها لقيت الرد ان الغالي بيتعالج بره بفلوسنا لان الغالي معهوش فلوس

ياجماعه انا مش معترض بس حرام قوي ناس تتعالج بالاسعار ده وغيرها مش لاقي حق ابرة

[الباشمهندس ياسر]

مش يوسف بطرس غالي ده اللي سب الدين لينا ك ملاك عمارات عزبة الهجانة

ان شاء الله لا رجع من امريكا الا ف تابوت

[لماضة مصرية جدا]

السلام عليكم و رحمة الله و بركاته

مش عارفة كل إنسان لما بيبقي في محنة المرض......

الواحد لا يملك سوي ان يدعو له بالشفاء لانه بيبقي في اضعف حالاته الانسانية.....

مش عشان هو يستاهل و لا لا.... بس عشان المرض وحش.....ربنا يشفي كل مرضانا

مجرد وجهة نظر

[zika]

مش عارفة كل إنسان لما بيبقي في محنة المرض......

الواحد لا يملك سوي ان يدعو له بالشفاء لانه بيبقي في اضعف حالاته الانسانية.....

مش عشان هو يستاهل و لا لا.... بس عشان المرض وحش.....ربنا يشفي كل مرضانا

طاب يا رب يشفيه و قومهولنا بالسلامة

بس يا رب و هو راجع بالطيارة , الطيارة تولع

انا بهزر طبعا

المفروض نتمنا الخير و السعادة لكل الناس حتى اللى ظلمونا, مش مهم

طالما ساعتها هنكون احنا كمان بخير و هو ده المهم

[herohero]

جميعنا نتمنى الشفاء لاي مريض لكن بيوجد غصه في قلب الانسان لما يلاقي ناس منه ومن بلده وللاسف بيعملوا ضده هدفهم هو ضغطه وخنقه وفي نفس الوقت مطلوب يتعاطف معاهم ويتعامل معاهم كبشر فهو ده التناقض الغريب طب احنا ليه مش بنصعب عليهم هو احنا مش زيهم بشر ولا احنا فضل وبواقي تصدير

اوقات بيكون المرض او الموت واعظ لكن هل دول اللي بتكلم عليهم ممكن يتعظوا ناس كل مهمتهم يعيشوا شعبهم وولاد بلدهم ف ازمات

[HanaaOsama]

منذ عده ايام ببرنامج العاشره مساءا اجرت مني الشاذلي مكالمه تلفونيه مع محرر اخبار " تقريبا "

و قال ان لديه صور لاقرارات لعلاج علي نفقه الدوله خاصه بالدكتور يوسف بطرس غالي في امريكا و فرنسا

و ان هذه الاقرارات التي تحت يديه بمبالغ تصل ل مليون جنيه و اكد انه يوجد اقرارات احري بمبالغ اخري لم يستطع الحصول عليها ................!

و علقت مني الشاذلي : و لماذا يعالج الدكتور يوسف بطرس غالي علي نفقه الدوله و المعروف عنه و عن اسرته الثراء الفاحش منذ قديم الأزل ؟؟!!

و نجد من يموت قبل ان يصل له قرارا للعلاج ب الف جنيه ..............

تم تعديل 13 فبراير 2010 بواسطة HanaaOsama

[aimen]

طبعا من كل قلبى بأتمنى ان ربنا يكرمه زى ما كرم السادات

هو باقى الفريق ان شاء الله ....

[engmido]

حسبى الله ونعم الوكيل

[سهران]

طبعا ربنا يشفيه و يرجع بالسلامة .... ما يتقلش غير كدة في الظروف اللي زي دي .... بس يرجع المليون جنيه ..... هو مش مواطن مصري يسري عليه اللي بيسري على كل المواطنين .....المليون دول يتعالج بيهم 500 مواطن مش لاقين تمن أسبرينة .... و هو العلاج على نفقة الدولة مش لغير القادرين برضه :closedeyes: ؟

[fatfouta]

ماحدش بيشمت فى المرض..........ربنا يشفيه ويشفى كل مريض...آمين

بس حاسه كده ان ده من دعاء الناس عليه

والفلوس اللى هو اتعالج بيها دى مش كان اولى بيها مرضى معهد الاورام؟؟؟!!!! اوغيرهم من اللى مترميين فى الشوارع

طب انا هحكيلكم على حاجة انا اختى بتشتغل مهندسة جرافيك فى جريدة المبنى بتاعها امام مبنى مجلس الشعب

وهى خارجه من شغلها كان معاها واحدة صاحبتها فى العربية بتاعتها وفجاة عند مبنى مجلس الشعب فى شارع القصر العينى لقت صاحبتها بتقولها وقفى هنا شوية يا هبة الله يخليكى....المهم عملت محاولات انها تقف ونزلت صاحبتها ورجعت بسرعة للعربية ومعاها واحدة ست عجوزة بتبكى بكااااااء شديد

سالت اختى صاحبتها وقلتلها انتى تعرفيها قلتلها لا بس انا لفت نظرى قعدتها وبكائها

واخدوها معاهم فى العربية وبعدوا عن المكان عشان يعرفوا منها مالها بالراحة

عارفين قاللتهم ايه؟؟؟ قالت انا قاعدة هنا مستنية اى نايب يطلع عشان يدينى قرار انى اتعالج على حساب الدوله

حاولوا يفهموها ان قعدتها ماتنفعش كده وان ده ليه اجراءات تانية قلتلهم........ لا مش يمكن اصعب عليهم

ولما سألوها انتى عاوزة كام يعنى شهريا قلتلهم كام تخيلوا؟؟؟؟؟؟؟؟؟؟؟ 165جم واخدوها وعملوا اللازم والحمد لله

يعنى الست دى هتتحل مشكلتها ب165 فى الشهر شوفتوا بقى!!

بس الظاهر ان المبلغ اللى هى طلبته فى الشهر ده كان ثمن العلاج فقط .........لان المحزن جداااااااا ان بعد كام سنه اختى لقيت الست دى بتشحت امام محل من محلات شارع الفلكى ......وندهت عليها وسالتها بتعملى ايه؟؟؟ قلتلها مانتوا دبرتولى حق الدوا بس بس كمان انا عاوزة آكل.................حاجة تحزن بجد

الحاجة فكيهة اللى هى صاحبة القصة دى لقت اللى يساعدها ......طب واللى ماعندوش حد يساعده مش كان هو اولى بالمبالغ دى؟؟؟؟؟؟؟

اقول حسبى والله ونعم الوكيل؟؟؟.........لا مش هشمت ربنا يشفيه

[HanaaOsama]

نسيت اقول لكم باقي المكالمة التليفونيه من برنامج العاشره مساءا وهي:-

( بس خلو بالكم لحد ضغطه يعلي ولا حاجه و منعرفش نطلعله قرار للعلاج علي نفقة الدوله ............ )

قرارات السفر للعلاج علي نفقه الدوله الخاصة بالدكتور يوسف بطرس غالي تشمل ايضا مصاريف لمرافق و " بوكت ماني :closedeyes: "

[se_ Elsyed]

نتمنى السلامه لأي أنسان كإنسان

إنما أي ظالم متعجرف في مركز مسئولية لا يشعر بالناس الفقراء بل يسخر منهم ويقول : اللي مش قادر يدفع ضريبة عقارية على بيته يبقى يبيعه أحسن له ويسب الدين ويتطاول في كل كلامه ...

يبقى نتمنى له أن يذوف ولو 1 % مما يذوقه الفقراء

أسمعوا النكتة دي ...

عضو في مجلس الشعب من كام يوم سمعته بيقول .. إنه قابل يوسف بطرس غالي الأسبوع الماضي في مجلس الشعب وقال له : سلامتك إن شالله اللي يكرهوك ... فالتاني بكل روح دعابه قال له : على كده إنت بتدعي عالشعب المصري كله لإنهم بيكرهوني كلهم .

أعلم تماماً أن هناك أشخاص يُطلق عليهم الـ Bad Guys

ومنهم أنا بالمناسبة لأن الـ HR كلهم كده لأنهم بيطبقوا القانون على الموظفين .. ونكاد نسمع الدعاء علينا بآذاننا بس من ناس تجهل ما تقول وتجهل ما نفعل .

لكن فرق كبير جداً أن تُطبق القانون برحمه وأنسانية ..

وأن تطبقه بغشومية مثلما يفعل هذا البطرس أو أي ظابط شرطة على سبيل المثال

وفرق كبير جداً أن تطبقه وأنت تعلم إنك واحد من الناس أو موظف زيك زيهم أو مواطن زيك زي أي مواطن .

وأن تطبقه وأنت تشعر إنك صاحب مِلك أو عزبة وإنك نفسك فوق القانون ...

------------

بالمناسبة

البيه مسافر ومعاه عيلته كلها كمرافقين

طبعاً ... مش المدام لازم تعمل له شوية شوربة فراخ عشان يرُم عضمه بعد العملية وتغير له عالجرح وكدهوت

في حين إن مجلس الشعب دلوقت هايج على موضوع العلاج على نفقة الدولة وعاوزين يحددوه بأي شكل ...

تخيلوا أن الأخ مبارك وهو الأسبوع اللي فات في الصعيد بيفتتح مستشفى أورام بيسأل حاتم الجبلي ... الكلام ده سمعته مرتين تلاته ...

بيقول له : بس يا ترى بتوفروا الدوا للناس ولا بتخلوهم يشتروه ؟ ( يا سلام عالحنيه ... يا سلام عالانسانية )

رد الجبلي وقال : لأ يا فندم بنوفره طبعاً والدولة بتتحمل كثر من نفقات علاج المواطنين على حسابها ... ده أحنا السنة اللي فات صترفين 80 مليييييييييييييييييييون جنيه علا على نفقة الدولة .

قلت يا نهار أسود

80 مليون ؟؟؟؟؟؟؟؟؟؟؟؟؟؟؟؟؟؟؟؟؟؟

دي ما تجيش لا مؤخذه مصاريف واحد من الكبار رايح يصيف في سويسرا أو يعمل شوبنج أو يعمل ديكورات لقصره

ما بالك بمصاريف شعب بحاله

ولا حول ولا قوة إلا بالله العلي العظيم

[MZohairy]

هناك 20 مركز في مصر من المراكز الكبار و يبلغ عدد سكانهم مجتمعين 16 مليون انسان مصري (خمس شعب مصر)

قامت وزارة الصحه برصد موازنه للصرف العلاجي لهذه المراكز بمبلغ مليون جنيه

بمعدل 50 الف جنيه لكل مركز

و بمعدل 6 قروش لكل مواطن

سته صاغ يعني

[Folana]

السلام عليكم ورحمة الله...

هو لو مريض "فعلا"..يبقى ربنا يشفيه

لكن لو كان مسافر ليقضى اجازة فى الخارج..يبقى ربنا يشفينا إحنا...ومش حنقدر نقول "يابركة دعائنا"...

تحضرنى هنا قصة "فاتن"...وفاتن دى ياحضرات نشأت وترعرعت على الخدمة فى البيوت...الى أن تزوجت وانجبت وانفصلت عن زوجها لتعود للخدمة فى البيوت مرة اخرى...وفى يوم من ذات الايام القريبة...اثناء عودتها من العمل..صدمتها سيارة مسرعة اطاحت بها وتركتها فى منتصف الطريق وفرت هاربة...

المهم يعنى...لم يقترب منها احد الا بعد ساعات..وتم نقلها لمستشفى بمصر الجديدة...وقام جهابذة الطب والانسانية هناك بوضع ساقها المكسورة فى الجبس...وطلبوا منها ستة الالاف جنيه للقيام باجراء عملية لتثبيت شريحة فى ساقها...

واختصارا للحكاية وتوفيرا للوقت....اهلها اخدوها على البيت..وتانى يوم ذهبوا بها الى القصر العينى الذى حولها الى مستشفى حكومى اخر...واجروا لها العملية على نفقة الدولة...طيب جميل جدا.....

ثم ماذا؟....

مطلوب منها الذهاب الى المستشفى مرتين فى الاسبوع...كل مرة تكلفها حوالى 50 جنيه...والعلاج على حسابها...وعكازيين على حسابها...تقدمت بطلب اخر لاستكمال العلاج على نفقة الدولة...قالوا لها ماكانش ينعز...كفاية العملية بس.....فأكتفت بالذهاب للمستشفى مرة كل اسبوعين

حتجيب منين طيب؟......فين الست عائشة عبد الهادى اللى بتسعى لتسفير العمالة للخارج

فين يوسف غالى اللى عايز البلد تبقى نسخة تانية من ايطاليا.....وفين فلوس الجباية اللى بيلمها من الشعب...على الاقل يسيب لهم حاجة يمكن يقدروا هم يساعدوا الناس الغلابة دول

السؤال اللى محيرنى....ليه وزير المالية يسافر يتعالج على نفقة الدولة هو واسرته (لزوم الشوبنج )....وليه فاتن ماتلاقيش تمن علاجها ولا يتصرف لها اعانة بطالة علشان حتى تطعم بنتها ..وبلاش تتعالج حتى....بس تلاقى تاكل هى واسرتها ؟....

وآه يابلد......

[ابو محمود]

الأخت الفاضلة \ فولانة

سيدتى .. ان مصر تقبع فى احتلال قائم ولم يزل ان من يساعد تلك الفئة من الناس على بسط نفوذها علينا هم من استعمرنا سابقآ لكنهم ابو الا نكون متخلفين بل ونذداد من كل شيء من هذا الداء

فلو نظرتى الى التعليم والصحة والصناعة والبحث العلمى ستتأكدى اننا تحت احتلال وستدركين لماذا يتم قتل العلماء فى مهدهم والافكار ايضآ تقتل لكى يرثو شعب مهلهل ويؤكدو لاسيادهم ممن نصبوهم علينا بالدكتاتورية والعنف انهم هم الاولى بحكمنا واذلالنا فبالله عليكى استاذتى لماذا يستشرى الفساد والسرقة فى شعب مصر بدون رادع اليس اكل الحرام يخرج المرء من تحت مظلة خالقة

استاذتى واختى الفاضلة نحن نعيش كارثة بكل ماتحمل الكلمة من معانى ودلالات ولم يبقى الا القليل ممن يقفو ضد الفساد ومنهم من يقف على شفا الانهيار فنحن نحتاج الى جهاد شديد ولابد ان يبدآ من داخل نفوسنا اولآ وعندها يحقق الله لنا كل ما نتمناة بل وزيادة

[الباشمهندس ياسر]

المفروض نتمنا الخير و السعادة لكل الناس حتى اللى ظلمونا, مش مهم

طالما ساعتها هنكون احنا كمان بخير و هو ده المهم

ده علي انهي دين ده

واحد سب لي دين ابويا و انا ادعيله

يارب .. يوسف بطرس غالي يتقطع مية حتة تحت ايد دكتور ضارب اتناشر حقنة ماكس قبل ما يدخل غرفة العمليات

و بعد كده يجوا يلموه ... يقع من ايديهم و هما بيلموا فيه

و بعدها يلموه بالعنف بقي و يحطوه ف شوال و يطلع الشوال مقطوع

و يقعدوا يلموا فيه تاني و بعدها يلموه بقي بجد و يتحط ف شوال جايبينه من معامل كلية العلوم

و يطلع الشوال التاني مليان عقارب

تقوم العقارب دي مفرغة فيه كمية سم تكفي قبيلة بحالها

و بعد كده يبعتوه ف طيارة ..( الطيارة توصل بالسلامة عشان المضيفات حبايبي ملهمش ذنب خالص))

و ينزل المطار و ينقلوه عربيته و يجي اتوبيس سياحي انا عارفه كويس اوي

يقوم دايس علي عربيته و يدعك النص الوراني و يسيب النص الامامي عشان السواق ملوش ذنب

كفاية كده احسن انا زهقت بصراحة

[engmido]

ياااااااااااااااااااه ..ده انت معبى منه خاااالص

ههههههههههههه

[الباشمهندس ياسر]

المداخلة الاخيرة مقتبسة من صانع الابتسامة عادل امام ف مسرحية الزعيم

[ابنه النيل]

وبعدين يا جماعه احنا هنتنينا طيبين كده لحد امتي

مين دول الي بيدعوا لبطرس افندي غالي بالشفاء

حسبي الله ونعم الوكيل

لا وما يطلعش غير الوزير ده دلوقتي بالفضيحه دي

ده 80 مليون مصري بيدعوا عليه ليل نهار الله ياخده

نقوم اول ما نسمع اشاعه بتقول ان سيادته تعبان ندعيله بالشفاء

ندعيله عشان يرجع مصر سالم غانم ويكمل علي البقيه الباقيه منا بقوانينه المبدعه

اللهم رب السماوات والارض ادعول بكل اسم هو لك ان تخسف بهذه الحكومه الارض

وان ترينا عجائب قدرتك فيهم

اللهم امين

[om marawan]

ياجماعة الراجل قاعد فى الاجتماع والندوة اللى عاملها نظيف صحته زى الفل

خضيتونا عليه وعلى صحته الغالية ده الغالى علينا غااااااااالى

ده علي انهي دين ده

واحد سب لي دين ابويا و انا ادعيله

لا انا مش معاك فى دى ياباشمهندس فى ديننا بقا اهل العلم بيقولوا تدعيله هو واى حد حتى لو كافر باالهداية

وبعدين هنطلع اشاعات بقا

الراجل احمد عز وده عمره عمره ما كدب ابدااا قال انه ماقالش كده يعنى هوو هيكدب ولا هيكدب