هل زرت الصين ...؟

[الباشمهندس ياسر]

صباحكم عنب

حد هنا راح الصين

فسحة مثلا...طب بيزبس...ان شاء الله حتي علاج

طب ممكن تتكلموا عن الصين شويتين

و ظروف التطورات بتاعت التعديلات الاخيرة ف الاستيراد من هناك

منتظركم

[محمد عبدالعزيز]

خدنى جنبك ياباشمهندس, أنتظرهم معاك.

أصل الموضوع ده جديد عليا خالص واحب أعرف أى حاجة عنه.

[pocy]

وانا كمان جبت كرسي واهه قعدت جنبكم علشان انا عايزه اعرف برضه الموضوع ده من طقطق لسلام عليكم

[نورسين]

بصراحه احنا لينا تجارب فى الاستيراد من الصين بس ميش كويسه وكمان التجارب دى بدات سنه 97 وانتهت سنه 2003 ومن يومها واحنا بنشجع المنتج المصرى

[نورسين]

نسيت اقول لو حد عايز يعرف هذه الخبرات المؤلمه يقول مفيش مشكله لكن ده ميمنعشى ان فيه ناس كتيييييير جدا بيستوردوا من الصين وماشيه معاهم تمام يمكن احنا بس ملناش نصيب وبس خلاص

[الباشمهندس ياسر]

ها يا شباب ..كل واحد محضر الكشكول بتاعه

بالصلاة علي رسول الله

انا بدرس قرار اني اغزو الصين

او يمكن تركيا

لسه ماخدتش القرار بصراحة

طب اعمل ايه دلوني

المقاولات واقفة وقفة موتور قفش من كتر ما الزيت سرب منه

و الحياة بقت ناشفة و خلاص هكح تراب

فكرت اني ادوس بقي ف التجارة

و منها فسحة.... يارب ما تاخدي بالك يا عمري

و اهو كله تغير جو

ايه رايكم دام فضلكم

طب نقول من تاني

حد هنا عاوز اي حاجة من الصين او من تركيا

طب اتعاملت قبل كده مع منتج صيني و اموره مشيت

مستنيكم

ع العام ماشي

ع الخاص برده ماشي

[الباشمهندس ياسر]

نسيت اقول لو حد عايز يعرف هذه الخبرات المؤلمه يقول مفيش مشكله لكن ده ميمنعشى ان فيه ناس كتيييييير جدا بيستوردوا من الصين وماشيه معاهم تمام يمكن احنا بس ملناش نصيب وبس خلاص

لو مش هيضايقك

اكون شاكر ... و ياسر بعد الظهر برده

[نورسين]

نوع السلعه كان ملابس حريمى

اولا سنه 97 كانت اول سفريه للصين "وطبعا ايامها مكنش فيه سفر كتير للصين زى اللوقتى والموضوع مكنش منتشر قوى على الاقل عندنا "وكانت مطروح مبلغ مليون جنيه للسفريه واتنصب علينا وراحوا المليون جنيه "طبعا اللى سافر ميش معاه لغه صينى ولا معاه مترجم ميعرفشى غير انجليزى وبس واعدوا يودوه من هنا لهنا ومن الشركه دى للشركه دى وفى الاخر اكتشف انه وقع فى فخ شركه وهميه "نتعلم من دى انك تروح لشركه معينه انت عارفها كويس واتعامل معاها ناس قبل كده"

بعدها بسنوات اصل طبعا احنا مبنحرمش

كانت السفريه التانيه وقتها تقريبا سعر الدولار كان 4ج وبعد ما تمت الصفقه على اساس التقسيط ارتفع سعر الدولار الى 7جنيه ولازم نسدد فى وقت معين يعنى مينفعشى نستنى حتى لحد ما الدولار ينزل شويه ولما طلبنا منهم الانتظار رفضوا يعنى بدل ما كنا هنسدد 4مليون جنيه اصبحنا هنسدد 7مليون جنيه والحمد لله انتهت هذه الازمات

وبعدها سنه 2002

قرر ابى خوض التجربه بنفسه دون الاعتماد على شركاءه وفعلا راح لشركه كويسه وميه ميه وجاب بضاعه بمبلغ كبير وبعدين وهو بيوزع البضاعه هنا لم يجد اى محل يريد البضاعه بحجه ان ملهاش زبون لان البضاعه اللى بابا جابها كان مستواها عالى من ناحيه الخامه والاكسسوار والاتقان وبعدها لقينا ان فيه بضاعه فى السوق شبهها بالضبط بس بخامه اقل وجوده اقل لا يلاحظها الا من يبحث عن الافضل وطبعا السعر اقل وسعر السلعه اللى معانا الضعف تقريبا وطبعا بدلنا البضاعه فى الاخر ببضاعه تانيه بعد ما دخنا بيها سنه كامله لان على حد قول التجار المستهلك ميش دايما بيهتم بالجوده وده بعد ما تعبنا وقررنا اننا منعملشى كده تانى ومحلاتنا اللوقتى بتبيع وتشجع المنتج المصرى لكن بنشغل الفلوس عند مستوردين كبار

انا مكنتش عايزه احكى عشان ميش اعملك احباط لكن انا سالت الاول وانت وافقت ونصيحه منى "احنا بنعملها اللوقتى"شوف مستورد تقيييييل فى البلد واديه فلوسك بضمانات جامده طبعا يشغلها وانت تاخد الارباح بعد كل مره وخلاص انا شايفه ان الموضوع ده بيكسب جااااامد قوى مكاسب خرافيه وتبقى فى المضمون بس لازم حد تعرفه اوتثق فيه ولو كلامى معجبكش وحسيت انك متضايق بجد الغيه وامسحه من الصفحه وانا ميش هزعل

[الباشمهندس ياسر]

نوع السلعه كان ملابس حريمى

سيدي يا سيدي ع اللعب ف المضمون

ملابس الحريم... تجارة لا تبور

اولا سنه 97 كانت اول سفريه للصين "وطبعا ايامها مكنش فيه سفر كتير للصين زى اللوقتى والموضوع مكنش منتشر قوى على الاقل عندنا "وكانت مطروح مبلغ مليون جنيه للسفريه واتنصب علينا وراحوا المليون جنيه "طبعا اللى سافر ميش معاه لغه صينى ولا معاه مترجم ميعرفشى غير انجليزى وبس واعدوا يودوه من هنا لهنا ومن الشركه دى للشركه دى وفى الاخر اكتشف انه وقع فى فخ شركه وهميه "نتعلم من دى انك تروح لشركه معينه انت عارفها كويس واتعامل معاها ناس قبل كده"

فداكم المليون و اتنين تاني عليه

الفلوس بتروح و تيجي ..المهم سلامتكم

كانت السفريه التانيه وقتها تقريبا سعر الدولار كان 4ج وبعد ما تمت الصفقه على اساس التقسيط ارتفع سعر الدولار الى 7جنيه ولازم نسدد فى وقت معين يعنى مينفعشى نستنى حتى لحد ما الدولار ينزل شويه ولما طلبنا منهم الانتظار رفضوا يعنى بدل ما كنا هنسدد 4مليون جنيه اصبحنا هنسدد 7مليون جنيه والحمد لله انتهت هذه الازمات

الحمد لله انها جات علي اد كده

قرر ابى خوض التجربه بنفسه دون الاعتماد على شركاءه وفعلا راح لشركه كويسه وميه ميه وجاب بضاعه بمبلغ كبير وبعدين وهو بيوزع البضاعه هنا لم يجد اى محل يريد البضاعه بحجه ان ملهاش زبون لان البضاعه اللى بابا جابها كان مستواها عالى من ناحيه الخامه والاكسسوار والاتقان وبعدها لقينا ان فيه بضاعه فى السوق شبهها بالضبط بس بخامه اقل وجوده اقل لا يلاحظها الا من يبحث عن الافضل وطبعا السعر اقل وسعر السلعه اللى معانا الضعف تقريبا وطبعا بدلنا البضاعه فى الاخر ببضاعه تانيه بعد ما دخنا بيها سنه كامله لان على حد قول التجار المستهلك ميش دايما بيهتم بالجوده وده بعد ما تعبنا وقررنا اننا منعملشى كده تانى ومحلاتنا اللوقتى بتبيع وتشجع المنتج المصرى لكن بنشغل الفلوس عند مستوردين كبار

بابا جاب بضاعة علي ذوقه هو

و الصح انه يجيب بضاعة علي ذوق الزبائن

نفس الكلام ده قالهولي واحد صاحبي من يومين

قالي هات ملابس شباب علي ذوقك انت

قلتله مينفعش يا نجم

انا راجل بجيب توكيلات بس

اروح اجيب زيها للشباب اللي بيكح ملح و احاسب انا ع المشاريب ف الاخر

انا مكنتش عايزه احكى عشان ميش اعملك احباط لكن انا سالت الاول وانت وافقت ونصيحه منى "احنا بنعملها اللوقتى"شوف مستورد تقيييييل فى البلد واديه فلوسك بضمانات جامده طبعا يشغلها وانت تاخد الارباح بعد كل مره وخلاص انا شايفه ان الموضوع ده بيكسب جااااامد قوى مكاسب خرافيه وتبقى فى المضمون بس لازم حد تعرفه اوتثق فيه ولو كلامى معجبكش وحسيت انك متضايق بجد الغيه وامسحه من الصفحه وانا ميش هزعل

مفيش احباط ولا حاجة يا نورسين

و كلامك علي راسي... دي تجارب مدفوع فيها كتير اوي

انما انا الحمد لله مبقاش معايا فلوس اشغلها عند حد

انما انا مؤمن اوي ان اللي متكسبش مبتخسرش

و ادينا بنتعلم

[ozoozo]

في حاجه كمان اسمها Excutive distributer ودي كنت بستعملها مع بعض شركات المستلزمات الطبيه في الخارج لتوزيع منتجاتهم علي ان ابقي الموزع الحصري لمنتجاتهم يعني بالبلدي مفيش بضاعه تنزل لحد غير شركتي

ودي بتبقي زي شهاده بتتوثق في السفاره المصريه في بلد المنشا

ويكون هذا مقابل كميه سنويه ملتزم باستيرادها منهم ولازم اشتري كميه قليله في الاول لاختبار السوق قبل الشروع في شراء الكميات الاساسيه

وخلي بالك مفيش حاجه اسمها دفع بالويسترن يونيون الا للكميات الاختباريه وفيما ذلك بيكون عن طريق خطاب ضمان بنكي لحين وصول البضاعه

وطبعا الشحن عن طريق اسكندريه لانه ارخص من العين السخنه عشان بيتشال ضرايب عبور القناه

دي كانت مداخله سابقع لي في احد المواضيع

انا شايف ان مالوش لازمه انك تنزل تلف في الصين لان ده تضييع وقت علي الفاضي

خد الموقع ده

http://www.made-in-china.com/

هاتلاقي فيه من الابره للصاروخ وكلهم ناس عايزين يشتغلوا وهاتلاقيهم كمان هما اللي بيتصلو بيك بالتليفون

لكن الحرفنه هنا انك تدور علي المصنع الاساسي اللي بيصنع ماتاخدش من موزع عشان السعر وتقدر تشتري منهم عينات قبل ماتبتدي ولما تتفق معاهم يكون الشراء عن طريق خطاب بنكي يعني البضاعه تمام تستلمها وهما يسيلوا الضمان البنكي غير كده ترجعها وتاخد الخطاب بتاعك تاني

تم تعديل 14 فبراير 2010 بواسطة ozoozo

[الباشمهندس ياسر]

و الله يا اوزوزو

جمايلك مش عارف نوديها فين بصراحة

بس الفكرة

اني غالبا هرتب هروح فين و اشتري ايه و من مين

يعني مش هنزل الف ع البضاعة

بس ادينا بنتشاور و ربك يوفق للخير 

[ozoozo]

و الله يا اوزوزو

جمايلك مش عارف نوديها فين بصراحة

بس الفكرة

اني غالبا هرتب هروح فين و اشتري ايه و من مين

يعني مش هنزل الف ع البضاعة

بس ادينا بنتشاور و ربك يوفق للخير

انا قصدي انك ممكن توفر فلوس السفر

انت عايز تسافر ليه عشان تتاكد من الجوده مثلا

دي سهله هاتتكلف بس تمن العينه والشحن

والموقع ده كلهم مصانع وموزعين وتقدر تلاعبهم وتفاصل وطلع عينهم وانت مكانك بدون مايكون في ضغط عليك من ناحيه الوقت لو انت هناك عشان عايز ترجع بسرعه

....وبعدين ايه السلعه اللي في دماغك؟؟

[Alrefaey]

و الله يا اوزوزو

جمايلك مش عارف نوديها فين بصراحة

بس الفكرة

اني غالبا هرتب هروح فين و اشتري ايه و من مين

يعني مش هنزل الف ع البضاعة

بس ادينا بنتشاور و ربك يوفق للخير

انا قصدي انك ممكن توفر فلوس السفر

انت عايز تسافر ليه عشان تتاكد من الجوده مثلا

دي سهله هاتتكلف بس تمن العينه والشحن

والموقع ده كلهم مصانع وموزعين وتقدر تلاعبهم وتفاصل وطلع عينهم وانت مكانك بدون مايكون في ضغط عليك من ناحيه الوقت لو انت هناك عشان عايز ترجع بسرعه

....وبعدين ايه السلعه اللي في دماغك؟؟

كلام مظبوط قسم التسويق عندنا بيستورد مستلزمات طبية الى داخل المملكة بنفس الطريقة .

[Gladiator]

THANXXXXXXXXXXX

[الجدار]

.......

و الحياة بقت ناشفة و خلاص هكح تراب

فكرت اني ادوس بقي ف التجارة

و منها فسحة.... يارب ما تاخدي بالك يا عمري

و اهو كله تغير جو

.........

إيه يا هندسة هو خلاص بلدنا عيشها عدم !!! md2:

وكمان فينا من الكتابة بالحبر السري بقى ولا إيه؟؟

أتكلم يعني ولا بلاش خلينا ساكتين

شوف كان في موضوع قديم هنا اسمه

رحله الى الصين

أنا شايف ان المعلومات اللي فيه حلوة وممكن تفيدك عن طباع الناس والتعاملات والبلد

ربنا يكرمك ويوفقك للي فيه الخير :rolleyes:

[shiko]

الحقيقة ..انامازرتش الصين ...بس اخوضت تجربة الشراء عبر الانترنت من الصين ...وبرده عن طريق المواقع دى تقدر ...تراسلهم وتفاصل وتطلب عينات توصلك عن طريق شركات البريد السريع زى DHL وخلافه .. المهم توصل للمصنع نفسه ..موش عن طريق وسيط ...

حاجة تانية ممكن تاخدها فى الاعتبار اللوجيستك ...وده مهم برضه جدا

...انا شايفة ان تركيا هايلة دلوقتى ومنتجاتها بتغزو الاسواق ..بشكل محترم ...والجودة اكتر من هايلة ... :rolleyes:

[shiko]

http://www.jinyu-f.com/contactus.asp

ده الرابط بتاع المصنع اللى احنا كلمناه ده مصنع اثاث ...وممكن ادورلك على الكتالوجات بتاعته عندى انا كنت جايباها مع ناس جايين من الصين

[مغتربة]

استاذ ياسر ادخل على موقع على بابا و عيش حياتك مش للصين بس لكن كل دول العالم

www.alibaba.com

[الباشمهندس ياسر]

إيه يا هندسة هو خلاص بلدنا عيشها عدم !!! :lol:

شوف كان في موضوع قديم هنا اسمه

رحله الى الصين

أنا شايف ان المعلومات اللي فيه حلوة وممكن تفيدك عن طباع الناس والتعاملات والبلد

ربنا يكرمك ويوفقك للي فيه الخير :lol:

عيشها عادم ... يعني مبتمرش ف حد

انما عيشها عدم .. يعني مبقاش فيها مكان لحد ياكل عيش

فرق .. اوضح ... افصح يا مدير

المهم

حلوة الصورة الجديدة

الحقيقة ..انامازرتش الصين ...بس اخوضت تجربة الشراء عبر الانترنت من الصين ...وبرده عن طريق المواقع دى تقدر ...تراسلهم وتفاصل وتطلب عينات توصلك عن طريق شركات البريد السريع زى DHL وخلافه .. المهم توصل للمصنع نفسه ..موش عن طريق وسيط ...

حاجة تانية ممكن تاخدها فى الاعتبار اللوجيستك ...وده مهم برضه جدا

...انا شايفة ان تركيا هايلة دلوقتى ومنتجاتها بتغزو الاسواق ..بشكل محترم ...والجودة اكتر من هايلة ... :D

شيكو

عندك فكرة عن الجمارك ...؟؟؟

تم تعديل 16 فبراير 2010 بواسطة الباشمهندس ياسر

[se_ Elsyed]

يا ولاد يا ولاد

ممكن أشارك معاكم ؟

بس ادوني فرصه شويتين عشان باغير الجهاز ... حاجه كده زي ما الواحد بيعزل مكان تاني

وهارجع تاني على ميه بيضا