أفكار ..من مفكراتى ...

[shiko]

الافكار دى ...من بنات افكارى ......ومن وحى كلامكم هنا على المنتدى ...

ياريت اعرف رايكم فيها ...ياريت نختار .. فكرة ونعملها توبيك ......ده لو عجبتكم ؟؟...

فكرة (1)

...بوسطة.. رسائل يومية إلى جنود مجهولة فى حياتنا ...لن نستطيع ان نرسلها لهم فى يوم ما ...لم ولن يقرئوها ...رسالة من مجهول إلى ...مجهول اخر

اكتب إلى من يهمك ...و لا يهمه الامر.

نفس الفكرة

.تواصل ....ماتخفش صوتك واصل...اتواصل مع شخص ما...ابعتله رسالة ...وماتخفش ...هاتوصله ...اكيد فى يوم من الايام ...هايعرف بيها

نفس الفكرة تانى

SMS...رسايل قصيرة ...موش مهم لمين ...المهم عبر عن نفسك

فكرة (2)

صورة ...كلنا كده عاوزين صورة ...صورة ايجابية شفتها فى الحياة ...ممكن نشوفها معاك ...احكلنا على الصورة ...وقولنا انت كنت واقف فين فى الصورة......

صباحكم...سكر زيادة

[مغتربة]

طيب ايه المشكله لو فتحنا موضوعين

اصل الفكرتين بجد كل واحده احلى من التانيه

افتحى الموضوعين على بركه الله

[pocy]

انا مع مغتربه جدا

الفكرتين رائعين واعملى موضوعين لكا فكره منهم وانا اول واحده تشارك فى الاتنين ان شاء الله

يالا انا واحده فى الاول اهه :rolleyes:

[joo]

فكرة جميلة موافقوووووووووووووووووووووووون

[shiko]

...طب بما ان جو ...وبوسى "ايه اخبار عمر؟؟انا متابعة الريحة بنفسى "..

ومغتربة وفتافيت السكر مونافقوووووون...قصدى موافقون

كمان فتفوتة اقترحت اقتراح حلو اوى ...فتحنا باب الاقتراحات ...مين يزود

الموضوع الاول يبقى ...بعلم الوصول

عجبتنى الفكرة اكتر ...تلغرافات ...وبوسطة...وجوبات ....كلها بعلم الوصول

انا حبيت الفكرة دى اكتر ...ممكن اسمع اقتراحتكم ...واضافتكم ..

ومتنسوش رضوى هنا برضوا موش هاتنساكم بالمشاريب ...

صباحكم ...طااااااااابور افكار ..

[رضوي]

ازازة فيها رسالة

مرمية في عرض البحر

هتوصل أكيد

بس امتي

ولمين

مش عارفين .........................

فكرة جناااااااااااان

رسالة

لحبيب

لعدو

لصديق

لرفيق

مسجلة بعلم الوصول

لكن ياتري ياهل تري .......................... حق الرد مكفول ؟؟؟؟؟؟؟؟؟؟

ولا الرسالة للقرأة فقط ...... وليس للمستلم حق الرد عليها ؟؟؟؟؟؟

[shiko]

حق الرد مقفول ...اه طبعا يا رضوى وماله ..مقفول ومش مقفول ليه

[لماضة مصرية جدا]

السلام عليكم و رحمة الله و بركاته

شيكو عبقرينو....فالانتينو.....

لمست في كلا الفكرتين جسر راقي جدا للتواصل مش مع اللي نعرفهم.....بس مع ناس ممكن منعرفهاش.... و هنا بيبقي الجسر... أحلي و محتاج حبال أطول....و أفكار أعمق

و انا بقرا افكارك.... افتكرت فيلم....الحقيقة كنا بندرسه و بنحلله..... اسمه....Pay it FWD

الفيلم ببساطة هي فكرة طفل طلب منه المدرس انه يفكر في فكرة تغير العالم... و يكون ده مشروعهم المدرسي لمادة المواد الاجتماعية في الصف الرابع الابتدائي (والله بطني وجعتني...... نفسي في مدرس كده)

الطفل فكر في ايه

ان كل واحد لازم يبتدي يعمل جميل...او خدمة....او عمل طيب لشخص محتاج...بس بشروط:

1- ميكونشي يعرف الشخص ده.

2- الشخص اللي تلقي الخدمة..... لازم يرد الجميل بس مش لنفس الشخص.....لكن ل عدد 3 من الاشخاص التانيين... و برضه ميكونشي يعرفهم

و هكذا الدايرة تكبر.....وشوش تتقابل... و احيانا تتقاطع......و يجمعها حاجة واحدة انك تعمل حاجة حلوة النهاردة.....لشخص محتاج.... مش تعرفه....و احتمال انك مش تشوفه تاني

انا معاكي في كل فكرة.... تساعدنا نشوف نور في نهاية النفق

معاكي....في كل دايرة صغرت او كبرت بس بتخلينا نتواصل مع الناس

معاكي في كل صورة... بتخلينا نفكر....و نعيد التفكير.....بس لازم نكون.....YES PEOPLE

استاذي قالي النهاردة

بت يا لماضة انتي YES Person...... انا قولت في عقل بالي..... أأأأأأأه هيرمي عليا مهام بقي و عايزني اهز راسي و اخدهم من سوكات

اتاري الارجل قصدي.....لازم نقول...."نعم"... لكل فكرة تصحي البني آدم اللي جوانا

لازم نقول "نعم"......عشان نتحدي بيها قانون الجاذبية اللي بيشدنا في لحظات كتير لتحت

لازم نقول نعم لنفسنا الصبح..... ان النهاردة هيكون احلي.....أثري..... أعمق .... إنسانيا.... عشان نقدر نتحمل....غبار المشاعر.....غباء العيون.....تبلد الجماجم...و صندقة القلوب (من صندوق)

عايزة نؤمن بده جوانا

نكتبه حروف

نسجله كلمات

بس الاهم.... نملي بيه فراغات حقيقية في حياتنا......فراغات تشتاق لتواصل انساني...بلا اي مصلحة مع الناس

و الاهم انها تكون شحنة رصيد.......نتقوي بيها علي رتابة سيناريو بنفس الصفحات

بس ممكن اقترح حاجة صغنتتة كده.........آد النملة....

اتكلمتي عن صورة الواحد ممكن يحكي عنها....

و دايما الصورة بتبقي وشوش ناس نعرفهم.....او بياخدوا مساحات من حياتنا

طب نتكلم في الموضوع ده ازاي من غير ما نحط مساحات خاصة جدا.......امام الضوء؟؟؟

مش عارفة بس خلينا نفكر مع بعض

نوسع الدايرة.....

و نحكي عن البني آدمين....عن الناس....صفحات لا تنتهي

يلا يا نورماندي...سيري

بس الله مرساكي و مجراكي (هو اسم الممشلة اللي قالت البوءين دول في فيلم ابن حميدو ايه...... :closedeyes: )

فوتك بعافية

مسااااااااكي....سفينة شايلة فكرة.......بس رياح قدرية.....ستجعلها ترسو في ميناء خاص جدا

[shiko]

....على رأى واحدة صاحبتى انتى ماتعرفيهاش....

ينصر دينك يا استاذ نفيسة....

هو بالظبط الكلام ده ..اللى كنت عاوزة اقوله ...

بجد ...انتو عارفين انا الفكرة جاتلى منين ..هاقولكم..

الفكرة جات انى كنت عاوزة ابعت ...رسالة ...لواحد انا ماعرفهوش ...

نفسى افضل ابصله ..فى عنيه واقوله كلام كتير

الشخص ده انا لغاية دلوقتى ماعرفش اسمه ....

هو حد بشوفه كل يوم الصبح بدرى ...

بيبصلى ويضحك...واحيانا بيقدملى مساعداته ....

المهم ...يمكن نفسى اكلم معاه بس مكسوفة ...نفسى اقوله شكرا بس مابلحقش..

عرفين انهاردة ...تقدم ناحيتى قليلا.وعينا يملئها حزن ..وقالى ايه؟؟؟

ومن غير تريقة ...لوسمحتم

حضرتك عارفة الكلب اللى بيجى هنا كل يوم ويقعد يطنطط ...وانتى بتخافى منه؟؟

عربية صدمته ...ومات انهاردة...قالها فى منتهى الاسى

كان نفسيه اواسيه ..ولكن خجلى خلانى اهز دماغى مشاركة لحديثه واسكت

...كان نفسى اقوله كلام كتير ...كتبت وريقة كعادتى ورمتها فى الشنطة ...ومشيت

[الباشمهندس ياسر]

عيني اليمين بقالها فترة بترف

انا مش بحبها خااااااااالص

انا ايسر روحانيا مش ايمن

و مش عارف ايه اللي ناقص يحصل معايا تاني

ربنا يستر

[shiko]

بالنسبة للفكرتين المطروحتين

بدءت بواحدة منهم على حسب ارائكم

وبالتالى مابقتش فكرتى لوحدى

الفكرة التانية انا حبة اوى اى حد تانى هو اللى يبدئها

وياريت نشوف فيها لمساته...

بالنسبة بقى لعنوان الموضوع

افكار من مفكراتى ...انا كنت حابة انه يكون افكار من بنات افكارى

المهم ..ياريت يفضل مستمر وكل اللى يجيله فكرة مهما كانت

ممكن يدخل ويحطها ...اى فكرة ممكن تبقى اختراع

لو الناس اضافت عليها خبراتها ...ومنها كمان ممكن تبقى مكان لتبادل الخبرات

ياريت اسمع افكاركم ..اقتراحتكم ..واختراعتكم

على فكرة انا متأكدة ان البنات ليها اختراعات ..فى شتى المجالات

البنت بتخترع من لاشىء

[shiko]

....مممممم...موش عارفة طالبة معايا افكار اليومين دول...

موش اليومين دول بالتحديد...لا الحقيقة انا طول عمرى بفكر ..فى الجديد...

انهارد خبطت فى دماغى فكرة وكالعادة مستنية تغيراتكم الجوهرية والفذة...الفكرة عبارة عن

نون النسوة ....

أو ...كلام نسوان .....

انا بصراحة حبة الاسم الاولانى ....

وده عبارة عن مساحة حرة جدةامن المصارعة الحرة للستات فوق العشر سنين ...لا بجد مكان مكتوب عليه ممنوع الدخول للرجال....اه ونوقف بره بودى جارد...يحرس المنطقة

مساحة كده نفضفض فيها ...نسأل نستشير ....نتبادل الخبرات ...وصفة حلوة ...ساعة شيك ...مناسبة ..

اسألى واكيد ...تكيد هاتلاقى خبرات ...متنوعة تقدرى تختارى منها اللى يناسبك ...

اااااااه مستنية رايكم ...ماتنسوش انا بتفائل باضافتكم ....

[SophiaAstrophy]

السلام عليكم ورحمه الله وبركاته

شيكو بجد فكرتك دى جميله جداجدا وانا معاكى فيها

وبالنسبه للاسم هو.... نون النسوه ....احسن

وان شاء الله اكون اول المشاركين فيها :wub:

تحياتى لكى

[shiko]

.

.....ابص ...مشو لاقية نفر يوحد ربنا ..يرد عليا

هو ايه الدنيا مالها فاااااااضية وموش لاقيين ناس ترد ...

المهم ...صوفيا اقتحت الاسم الاولانى ...والله ياصوفيا انا موش عارقة من غيرك كان ممكن نعيش ازاى

تعيش صوفيا ...تعيش تعيش تعيش

يا رافعة من معنوياتى ...ومهبطة من معنويات الاعداء

...مستنية اشوف رايكم ...ولو ماجنيش رد ...لغاية سنتين جايين

متعرفوش انا ممكن اعمل ايه؟؟؟

هافتح التوبيك برضة وهاستناكم

كان معكم محدثكم من امام الحاسوب

شيكوز

[مغتربة]

نون النسوة

احلى بكتير يا شيكو

افتحى الموضوع بسرعه لان فعلا فكرته جنان

بس لازم نحط عليه يافطه

ممنوع دخول الجنس الخشن

علشاننعرف نفضفض مع بعضنا براحتنا

:lol: :lol: :)

[جايه لك يا كندا]

.

.....ابص ...مشو لاقية نفر يوحد ربنا ..يرد عليا

هو ايه الدنيا مالها فاااااااضية وموش لاقيين ناس ترد ...

المهم ...صوفيا اقتحت الاسم الاولانى ...والله ياصوفيا انا موش عارقة من غيرك كان ممكن نعيش ازاى

تعيش صوفيا ...تعيش تعيش تعيش

يا رافعة من معنوياتى ...ومهبطة من معنويات الاعداء

...مستنية اشوف رايكم ...ولو ماجنيش رد ...لغاية سنتين جايين

متعرفوش انا ممكن اعمل ايه؟؟؟

هافتح التوبيك برضة وهاستناكم

كان معكم محدثكم من امام الحاسوب

شيكوز

ياللا يا حبيبتي طبعا، هي دي حاجه عايزه استئذان

كلنا معاكي، وكلنا إيد واحده يا شيكو،

فكره روعه، مكان خاص بينا لوحدنا ، ولو ان انا متأكده انهم هايبصوا علينا من الشباك وهايدخلوا من باب حب الفضوووول

يللا هانبتدي امتى بقى؟؟

:lol: :) :lol:

[joo]

انا مفكرتى فيها00 عتاب

لاشخاص كنت بحبهم اوى واخلصتلهم اوى وخدمتهم كتير من كل قلبى

لكن نسيو كل دة وخانونى00 وانا اكتر حاجة بتدايقنى الخيانة00 للاسف فى ناس بتفتكرهم اصحابك بجد ولكن بيطلعو0000

لا تعليق

[shiko]

انا مفكرتى فيها00 عتاب

لاشخاص كنت بحبهم اوى واخلصتلهم اوى وخدمتهم كتير من كل قلبى

لكن نسيو كل دة وخانونى00 وانا اكتر حاجة بتدايقنى الخيانة00 للاسف فى ناس بتفتكرهم اصحابك بجد ولكن بيطلعو0000

لا تعليق

تخنوووووووه ..وعمره ماخانكم ...

تبيعوه وعمره ماباعكم ولا انـشغل عنكم

صباحك عندليب اسمر ...عود...وجيتار

صباحك موسيقى ونغم

[shiko]

.

.....ابص ...مشو لاقية نفر يوحد ربنا ..يرد عليا

هو ايه الدنيا مالها فاااااااضية وموش لاقيين ناس ترد ...

المهم ...صوفيا اقتحت الاسم الاولانى ...والله ياصوفيا انا موش عارقة من غيرك كان ممكن نعيش ازاى

تعيش صوفيا ...تعيش تعيش تعيش

يا رافعة من معنوياتى ...ومهبطة من معنويات الاعداء

...مستنية اشوف رايكم ...ولو ماجنيش رد ...لغاية سنتين جايين

متعرفوش انا ممكن اعمل ايه؟؟؟

هافتح التوبيك برضة وهاستناكم

كان معكم محدثكم من امام الحاسوب

شيكوز

ياللا يا حبيبتي طبعا، هي دي حاجه عايزه استئذان

كلنا معاكي، وكلنا إيد واحده يا شيكو،

فكره روعه، مكان خاص بينا لوحدنا ، ولو ان انا متأكده انهم هايبصوا علينا من الشباك وهايدخلوا من باب حب الفضوووول

يللا هانبتدي امتى بقى؟؟

:lol: :) :lol:

والله دايما رافعةمن معنوياتى ...ربنا يخليكى لينا ..ويبارك فيكى وفى تشجيعك المستمر

والله موش عارفين ...لو حد من الرجال .. هايدخل ..موش مسئولين عنه...

منطقة عمل ...خطر...

[pocy]

ايه الافكار النيره دى بجد الموضوع ده هيبقي في الجون وانا اول واحده رافعه ايدى الاتنين بالتأييد

وصدقينى الموضوع ده هيحمل عده مواضيع كتير جدا مش لاننا نون النسوه وحكاياتنا مش بتخلص لا سمح الله لا والف لا هههههههههه :yahoo:

ده لان فعلا اننا طول حياتنا بنقابل مواقف كتير في البيت مع الاولاد jmb-) مع ازواجنا مع امهاتنا clp:: مع اى حد بنقابله :closedeyes: وصدقونى مش كل المواقف دى بيتعرضلها الراجل واهمهم الرضاعه والحمل ههههههههههههه

بجد انا معاكى راكبه النورماندى وبنقول معاكى سيري يا نورماندى 2 2 وعيون فتاح القصري بصلنا اهه