ارجو المساعده

[elhag]

السلام عليكم

انا توكلت علي الله ونويت ارجع السعوديه تاني

انا جايلي فيزا جديده والمكتب ف مصر قالي لازم تغير المهنه وتعملها فني ابينيه او مراقب معماري او مشرف معماري

وانا اصلا كنت مغيرها قبل كده وعاملها عامل عادي

حد يقدر يساعدني ويقولي اقد اغيرها ازاي من عامل الي اي واحده من التلاته دول ؟؟؟

انا قريت موضوع ملف عن احراءات تاشيره العمل للسعوديه خطوه خطوه

لكني الان متسجل ف التامينات عامل وعايز اغيرها ومش عارف اعمل ايه

ياريت المساعده

[nahry]

أظن في مكان أسمة تأمينات العاملين بالخارج تقريباً في شارع عدلي بوسط البلد بالقاهرة

بتدفع فلوس وبيحطولك أي مهنة إن شاء الله وزير

[elhag]

شكرا لردك واهتمامك والحمد لله بمساعده الاخوه والزملاء قدرت اخلص الاجراءات ولله الحمد

مره تانيه شكر خاص لكل اعضاء ومشرفين واداريين المنتدي الجميل ده

وجزاكم الله خيرا

[ozoozo]

شكرا لردك واهتمامك والحمد لله بمساعده الاخوه والزملاء قدرت اخلص الاجراءات ولله الحمد

مره تانيه شكر خاص لكل اعضاء ومشرفين واداريين المنتدي الجميل ده

وجزاكم الله خيرا

طيب مش تقولنا عملت ايه عشان غيرك يستفيد

[elhag]

تمام

زي ما الاخوه هنا ساعدوني والحمد لله خلصت من حوار تغيير المهنه ده ورايح يوم السبت ولا الحد اعمل الجواز

اول حاجة في ورق التاشيرة دي بتروح مكتب العمل اللي انت تابع ليه وتقولهم انا عايز اعمل شهادة قياس مهارة لمهنة كذا عشان سفر وهايقولولك تعمل شهادة قياس مهارة وكارنية مزاولة مهنة وهاتدفع حوالة بريدية 40 للشهادة و30 لكارنية مزاولة المهنة بعد ماتدفع تروح بالوصل لمكتب العمل تاني عشان بيخدوا الوصل ويقولولك تيجي تستلم امتي الشهادة والكارنية وهاتروح تعمل شهادة صحية من الادارة الصحية اللي انت تابع ليها عشان كارنية المزاولة بيطلع بالشهادة الصحية دي وتقريبا هاتكلفك 50 جنية

بعد كده تستني لحد معاد استلام شهادة قياس المهارة وكارنية المزاولة

وتاخدهم وتجيب ورق بطاقه مستعجل ب 75 جنيه وتختمه من النقابه وتاخد معاه الشهادات دي وتطلع علي الاحوال المدنيه وتعمل بطاقه مستعجله تخلص بعد 3 ايام وبالواسطه تاخدها تاني يوم

وفيه طريقه تانيه بس ده لو معاك العقد اللي انت هتسافر عليه ومتوثق تروح بيه ل تامينات العاملين بالخارج ف شارع الالفي وتدفع 80 دولار وهيعملوهالك فوريا اي مهنه مهما كانت بس تبقي مكتوبه ف العقد المتوثق

او ممكن تخلي اي شركه بس تبقي ف نفس مجال المهنه اللي انت عايزها تخلي الشركه تامن عليك وتروح تخلص الليله بتاعتك وبعد كده يبقو يلغو التامين ده بس لازم بقي تدفعلهم التامينات والكلام ده

ده اللي انا قدرت اوصله ف الايام اللي فاتت دي بمساعده الاخوه مع شويه لف هنا وهنا

بس انا ليا استفسار صغير هي شهاده التحركات دي عباره عن ايه بالظبط وهل هي شرط اساسي للسفر ؟؟؟ اصلي سافرت قبل كده ومعملتهاش هل القنصليه دلوقتي بتطلبها ؟؟؟ اصلها اتطلبت مني ف المكتب

اصل اول مره اسمع عنها وبيقولو انها بتبقي فيها انك سفرت فين قبل كده وامتي ؟؟

طب وكده بقي لازم يبقي معايا اخلاء طرف بقي ولا ايه ؟؟؟

[elhag]

استفسار صغير

هي شهاده التحركات دي عباره عن ايه بالظبط

وهل هي شرط اساسي للسفر ؟؟؟

اصلي سافرت قبل كده ومعملتهاش هل القنصليه دلوقتي بتطلبها ؟؟؟ اصلها اتطلبت مني ف المكتب

اصل اول مره اسمع عنها وبيقولو انها بتبقي فيها انك سفرت فين قبل كده وامتي ؟؟

طب ودي تضرني ف حاجه ؟؟؟؟ بمعني اني سمعت اني لو عملت شهاده تحركات يبقي لازم يبقي معايا اخلاء طرف عشان اقدر اسافر تاني ؟؟؟ هل الكلام ده صحيح

مع العلم اني كنت واخد خروج وعوده من فتره داخله علي سنه اهو ومقدرتش ارجع ودلوقتي اخويا بعتلي فيزا تانيه وراجع معاه ف منطقه بعيده كل البعد عن كفيلي الاول وبمسمي تاني حيث اني الاول كنت علي فيزا عامل

[عنبو]

استفسار صغير

هي شهاده التحركات دي عباره عن ايه بالظبط

وهل هي شرط اساسي للسفر ؟؟؟

اصلي سافرت قبل كده ومعملتهاش هل القنصليه دلوقتي بتطلبها ؟؟؟ اصلها اتطلبت مني ف المكتب

اصل اول مره اسمع عنها وبيقولو انها بتبقي فيها انك سفرت فين قبل كده وامتي ؟؟

طب ودي تضرني ف حاجه ؟؟؟؟ بمعني اني سمعت اني لو عملت شهاده تحركات يبقي لازم يبقي معايا اخلاء طرف عشان اقدر اسافر تاني ؟؟؟ هل الكلام ده صحيح

مع العلم اني كنت واخد خروج وعوده من فتره داخله علي سنه اهو ومقدرتش ارجع ودلوقتي اخويا بعتلي فيزا تانيه وراجع معاه ف منطقه بعيده كل البعد عن كفيلي الاول وبمسمي تاني حيث اني الاول كنت علي فيزا عامل

طالما مخدتش نهائى من الكفيل الاول يبقى لازم خطاب عدم ممانعه وخصوصاً كمان انك بصمت

[elhag]

^{طالما مخدتش نهائى من الكفيل الاول يبقى لازم خطاب عدم ممانعه وخصوصاً كمان انك بصمت}

هي مش عدم الممانعه اتلغت يا جماعه زي ما سي السيد قال واستاذ خالد شحاته وكتير اوي م الاعضاء

بصراحه بجد انا كده تهت خالص ومعتش فاهم حاااااااجه

يعني انا عايز اعرف دلوقتي انا هقدر ادخل السعوديه تاني ولا اروح استشهد وخلاص بقي :wub:

[elhag]

حد يفيدنا يا جماعه .......

انا خلاص بجد تعبت وتهت دلوقتي انا عايز افهم حاجه انا هقدر اسافر ولا لا ؟؟؟؟ولا فيه مشاكل ولا ايه الظروف

[أسد]

^{طالما مخدتش نهائى من الكفيل الاول يبقى لازم خطاب عدم ممانعه وخصوصاً كمان انك بصمت}

هي مش عدم الممانعه اتلغت يا جماعه زي ما سي السيد قال واستاذ خالد شحاته وكتير اوي م الاعضاء

بصراحه بجد انا كده تهت خالص ومعتش فاهم حاااااااجه

يعني انا عايز اعرف دلوقتي انا هقدر ادخل السعوديه تاني ولا اروح استشهد وخلاص بقي :lol:

لو كنت قد خرجت من السعودية بتأشرة خروج وعوده .. وكنت بصمت قبل سفرك من السعودية ..

مش حينفع ترجع السعودية قبل فترة مش عارف كم ... مش متأكد سنتين أم خمس سنوات !!!

لكن لو كنت سافرت بتأشيرة خروج نهائي وحضرت بتأشيرة جديدة .. فلا مشكلة من عودتك مرة أخرى إلى أي مكان في السعودية وفي أي وقت

[elhag]

يا جماعه ويا اهل الخير حد يرد عليا ويقولي معلومه اكيده فعلا

دلوقتي قبل ما ابدا ف اي اجراءات وقبل ما احصل اي فيزا الكلام كان كتير اوي ف موضوع الرجوع علي فيزا جديده بعد انتهاء مده الخروج والعوده وكان فيه اختلاف وتباين اراء سواء هنا ف المنتدي او ف علاقاتي بناس كتير فيهم اللي رجع تاني وفيهم اللي عارف حد رجع تاني بعد الخروج والعوده وفيهم اللي عارف حد ومعرفش يرجع

اتقالي واتقال لاخويا هنا ف المنتدي

( احنا الاتنين علي فكره بندخل بنفس العضويه هنا اللي فاضي بيدخل )

وعرضنا مشكلتي ومشكله صديقي ف الخروج والعوده مع انتهاء الاقامه او اللي لسه منتهتش وكتير م الاخوه هنا طمنوني وقالولي هتقدر تدخل عادي بس ابعد عن كفيلك الاول

وكتير قالولي و مش واثقين وناس قالتلي لازم الاقامه تنتهي الاول

وناس زي استاذ اسد واستاذ محمد العنبي قالولي لازم اخلاء طرف وعدم ممانعه

واتقالي مش هينفع ترجع الا بعد سنتين واتقالي بعد خمسه واتقلي بدل مش مترحل خلاص ترجع عادي

واتقالي علي حسب اللي علي الحدود واتقالي هتدخل بس بيبلغو الكفيل ولو سمحلك هتدخل ولو مسمحش هيرجعوك

واتقالي علي حسب الموظف اللي علي الحدود وكلام كتير اوي انا خلاص هتجنن ان مكنتش اتجننت خلاص

[elhag]

اجيبونا بالله عليكم واللي عنده معلومه اكيده وعن تجربه شخصيه ارجو الا يبخل وجزاكم الله خيرا