داء الريموت

[أسد]

أنا مصاب بداء غريب ...

وقد تم تشخيصه بأنه داء الريموت ...

إذ أنني أستطيع إستقبال أكثر من 500 قناة ، وبالتالي ليس هناك وقت لمتابعة البرامج ...

ولا يمكنني متابعة إلا قناة أو اثنين على الأكثر ..

ومع مرور الأيام ...

إكتشفت أنني مصاب بحالة غريبة ..

وهي انني أمسك بالريموت في يدي .. وأقوم بالتنقل بين المحطات بالترتيب .. وبانتظام .. ثم أعود إلى البداية وأكرر العملية مرة أخرى ..

وبالتالي فلا أتابع أي برنامج ولا يتمكن أي شخص آخر يجلس معي من متابعة أي شيء أيضاً ...

وإذا لفت نظري نشرة أخبار أو برنامج معين .. فأتوقف لكي أتابعه .. ما هي إلا دقائق .. والفار يلعب في عبي .. وأقول لنفسي ..

لحسن يكون جه حاجة أحسن على القناة الفلانية ...

وهكذا أتنقل بين القنوات دون هدف .. وأنهي يومي دون مشاهدة أي شئ كامل ...

وبما أنني رجل متزوج ...

فقد قررت الفاضلة زوجتي ..

إحتلالي والسيطرة على الريموت ... مع إعطائي الحق في إختيار برنامج واحد يومياً لأشاهده ..

[فــيــروز]

انا عندى حل رائع للموضوع ده

تجيبوا للتليفزيون اتنين ريموت

انت تمسك واحد و المدام تمسك واحد

وتعملوا سباق على مين يغير قنوات التانى اسرع

زى الاتارى كده

وممكن اما ابنك كمان يكبر تجيب له ريموت تالت عشان يشترك معاكم فى اللعبه الممتعه دى

المضار المحتمله لهذا اللعبه طبعا معروفه

اولا الريموت هيخرب

ثانيا التليفزيون عمره الافتراضى هيقل كتير

ثالثا هيبقى فيه حزازيات منزليه

لكن اهم ميزه تحصل عليها من خلال هذه الطريقه انكم كاسره هتقضوا كل وقتكم مع بعض

يعنى احسن من اللى يقول لك اشترى لك تليفزيون و سيب للمدام تليفزيون

عشان الطريقه دى بتشتت الاسره و تخليها ماتقضيش وقت الفرجه مع بعض

الفيزيتا عشره جنيه بس بمناسبة الافتتاح الكبير :blink:

تم تعديل 22 فبراير 2004 بواسطة فــيــروز

[فــيــروز]

على فكره قبل ما انسى يا اخ اسد

لست وحدك المريض بداء الريموت

صلاح منتصر قال انه من ساعة ما ربنا فتحها عليه بكام دش على مش عارفه كام ريسيفر وبقى عنده عدد هلامى كده من القنوات اصيب بنفس الداء ده :blink: وده بيسميه علماء النفس توابع عصر الفضائيات :blink:

[ragab2]

مشكلة

القنوات والريموتات دى مشكلة أزلية وتحدث فى كل بيت

ودائما يحدث خلاف بينى وبين الأولاد

هم يفضلون المسلسلات والأغانى والبرامج فى قنوات روتانا ودريم واخواتهم

وانا أرغب فى مشاهدة الجزيرة والعربية واقرأ

وفكرت فى تركيب رسيفر عندى اضافى لهم وحاولت توصيله ولكنه كان سيحترق وعلمت أنه لابد من تركيب LNB بروحين فى الطبق

أما الريموتات فدائما تضيع منى واستعير ريموت الصالة أو الريسبشن حيث أن التليفزيونات عندى متوحدة المصدر والنوع تبع أخونا العربى

أما فى سريرى فاستعمل أربع ريموتات حتى فكرت فى يوم ربطهم بحزام أستيك لتجميعهم فى حزمة واحدة ولاجتناب ضياع أحدهم ويوفر على البحث يوميا عن أحدهم

وبالرغم من علمى بخطأ استعمال الأجهزة الكهربائية فى غرفة النوم بما فيها ضوضاء وطاقة كهربائية زائدة تؤثر على خلايا الجسم ولكنه من المستحيل لى النوم بدون الاستماع للتليفزيون وضبط الريموت على الغلق التلقائى

لا أدرى السبب

هل كنا محرومين من هذه الأحهزة زمان حين لم يكن يتوفر لنا فى مصر الا الراديو ثم التليفزيون الأبيض والاسود فى أول الستينات

لا أدرى

الله أعلم

[se_ Elsyed]

يا ســــــــــــــــــلام

لا تدرون مدى سعادتي عندما اجد من يشاركني أحزاني وأمراضي - النفسية -

فانا هذا الشخص أيضاً يا اخواني .. لدرجة إني بقيت مشهور بين أصدقائي وزملائي وكل ما أروح أزور حد فيهم ألاقيه طواعية جاب لي ريموت التليفزيون ويقول لي خد سوق أنت ...

أما عن البيت فحدث ولا حرج ... ولكن يظهر أن سياسة النفس الطويل - ودي إتعلمتها من اليهود بصراحة - جابت نتيجة والمدام والعيال زهقوا مني وبقوا يسيبوني اعمل اللي انا عايزه ... بس اللي صعبان عليه الواد عمر لأن طول ما أنا موجود في اليبت بأبقى كابس على نفسه ولا بيعرف يتفرج على سبيس تون ولا أرتينز ...

ما علينا لو حد لقى علاج هنا ولا هنا سواء كيميكال أو اعشاب يبقى يبلغني .. يمكن ربنا يجعل على أيده الشفا ...

بس للمعلومية المرض ده في عصر الفضائيات يسمى " ريموتيزم "

[SANAA]

تقريبا اخر تطورات المرض ده عندي

فانا لو مكنش جميع انواع الريموت بجانبي لا استطيع التركيز في اي برجرام

ومش كده وبس لو حد اخد الرموت من جانبي اقوم واسيب الحجره وكأن الريموت حق مكتسب stnd:: non:: non::

[أسد]

أما عن العلاج ..

فقد قررته زوجتي كما قلت لكم ...

فهي تقوم بالإحتلال ...

إحتلال الريموت والإستيلاء عليه ...

ولكن هذا لا يمنعني من إجراء بعض عمليات المقاومة بشكل يومي ، وذلك بالسيطرة على الريموت ... وعليها .. أقوم مبوظ أي سهرة ...

وبصراحة .. أنا لما باتعب قوي من الحالة اللي عندي ..

باقوم أسيب الريموت ... وأستسلم للاحتلال ..

أعتقد ان دي أحد طرق العلاج

[Sherief AbdelWahab]

عندنا الحال أفضل..هناك من يحب قناة 2 و يعلق الريموت عليها بسبب و بدون سبب..وهناك عشاق الأغاني الذين يحبون الفرجة عليها طول اليوم تحت سياسة في الإعادة أكبر إفادة..

أنا نفسي عندي داء الريموت على خفيف..و ساعات لما بزهق - بسرعة - بدوس على زرار كما في الريموت: زر off!

خلص الكلام

[Farida]

أنا كنت فاكره انا لوحدى اللى باعمل كده ....انا و زوجى العزيز حسمنا الموضوع ده هو له يتفرج على ماتشات الدورى و الفريق المصرى لو بيلعب بره مصر و انا على باقى لاقنوات بس قريب عملت لسته بالقنوات المفضله حوالى 40 قناة بس هما اللى باتفرج عليهم مع بعض stnd:: non:: non::

[mnman]

اية دة مش انا بس المريض بمرض الريموت....احمدك يارب... انا لو مكنش الريموت في ايدي طول الوقت وهات ياطنطيط بين المحطات ميبقاش تلفزيون وفرجة... الحاجة الوحيدة الي بتوقفني اغاني روبي et:( mf( ياسلام علي الطرب الاصيل... المهم انا من رحالة القنوات زي اسد و س س ..... و عملت المستحيل للتخلص من العادة دي ولكن كل ما اشوف ريموت...افتكر عبدالمنعم مدبولي و هو بيقول "جزمتك يا هانم بتدل علي انوسة طاغية" واحمد ربنا انها جت في الريموت مش في الجزم.... rs: :D :P :P :D :D :D :D :D

تم تعديل 25 فبراير 2004 بواسطة mnman