اذهب إلى المحتوى
محاورات المصريين

تساؤلات؟ وخواطر!

BenNeal

بواسطة BenNeal
في موضوعات خفيفة

 مشاركة

Recommended Posts

White heart عضو جديد

White heart

بتاريخ:
بتاريخ:

Salwa كتبت:

ليه ساعات بتكون فى مكان وتشعر انك كنت فيه قبل كدة ...مع ان عمرك ما كنت فيه ؟؟

انا فعلا بيجيلى كتير نفس الشعور دة ... أكتر من كدة .... مواقف محددة بأشخاصها و أحاديثها!! بس اللى لاحظته انه الموقف المعاد دة مش ممكن يزيد عن 5 دقائق تقريبا!!!!

وليه ساعات تحاول تعاند قدرك ..وتقول انا بمشى كل يوم من هنا .......طيب حاغير الطريق واشوف حايحصل ايه ؟؟..ولو حصل لك حاجة ..وقالوا لك ...قسمة ونصيب ...تقول بينك وبين نفسك ...لألألأ...ده انا اللى اخترت قدرى ...حتى لو وقعت ورجلك اتكسرت ..صدفة؟

دى بقى مسأله نسبيه من وجهه نظرى .... يعنى فيه ناس بتتأثر قوى بالعوامل النفسيه المحيطه، على أشكالها، و دى منها، النوع دة من الناس بيتعامل مع (روحه) كتير، و دة له مميزاته و له عيوبه، المهم انه العقل هو اللى يبقى ماسك زمام الأمور .... و يبقى له الحكم الأخير.

ليه ...ضحكت ...لما ابنى وهو عنده 4 سنين ......نزع زرعة الجاردينيا ...وزرع الفلوس ؟؟...وقاللى كل حاجة بتتزرع ياماما ....وبكرة تشوفى ..الفلوس المعدن حاتطلع ورق !!

mf( rs: :D

انا لو مكانك برضه هاضحك ....

لأنى أول حاجة هأستغرب من أسلوب تفكيرة دة اللى مفروض انه ما يناسيش ابدا طفل عنده 4 سنين - لكن على الأقل 6 أو 7 سنين، علاوة انى ممكن ساعتها أقارن بينه و بينى لما كنت فى سنه دة ... و بالنسبه لى أكيد هأكون متأخر جدا ذهنيا بالمقارنه بمستوى تفكيرة المتقدم دة .... ما شاء الله - ربنا يخليهولك.

ليه ساعات بحاول اكون دبلوماسية .....مع ناس بتحاول ...تصطاد فى الميه العكرة ..

مع انى بسهولة ممكن ...اغرقهم فى المية دى ؟؟؟

دى من وجهه نظرى احدى سمات التواضع...

شكرا لله انه من احدى نعمه عليكى .. انه وضع فيكى القدرة على قراءة ما بداخل قلوب من قبل عيون من حولك ... على فكرة دى مسئوليه كبيرة ... لأنه لو لم نحسن استخدامها احيانا، ممكن جدا نظلم حد ... أو يتكون عندنا انطباع خاطئ عن أحد الأشخاص و تبتى تعاملتنا معه على هذا الأنطباع - الذى قد يكون خاطئ.

ليه دائما بنستخدم بس 10 % من قدراتنا فى كل شئ ؟؟....بنحوش الباقى ليه ولمين ؟؟

لو كانت قدرات ماليه - فدى مش كل الناس زى بعضها، يعنى فيه اللى بيستخدم 2% مش 10% ودة معروف يبقى ايه؟ et:( ، و فيه اللى زى ما بتقولى 10 أو 30 % و دة ممكن نقول عليه من المؤمنين بالمثل القائل " القرش الأبيض ....... " و فيه .. و فيه .. و فيه

اما لو كانت قدرات ذهنيه - فدى بصراحه ما لهاش تفسير عندى، الا لو كان صاحبها لا يتعمد عدم استخدام ال80 أو حتى ال100% من هذه القدرات، يعنى يكون انسان "عاطفى" مش "عقلى"، فيعطى انطباع دون قصد لمن حوله بانه يستخدم 10% فقط من قدراته الذهنيه فى تناوله لأحد الأمور، فى حين انه ممكن جدا انه يكون بيستخدم ال80 أو 100% من قدراته العاطفيه لتناوله لنفس الأمر - و طبعا العكس صحيح.

القدرات الجسمانيه - برضه مسأله نسبيه، و بتخضع لعوامل تأثيريه مختلفه، أبسطها العوامل الطبيعيه، يعنى تأثير المناخ المحيط، البرنامج اليومى، المرحلة العمرية، الخ .. الخ .. الخ

ليه دائما نشعر بالخوف ...وننتظر ..مالايجئ؟؟؟

مش دة برضه ممكن نسميه "الوسواس"؟ على العموم فى بلاد مثل بلادنا ... توجد عوامل أكثر نسبيا من غيرها تدفع الأنسان الى الخوف بطريقه أو بأخرى - بسبب أو حتى بدون سبب!!! و لكنى انا شخصيا متفائل جدا من هذه الناحيه بأن الأجيال القادمه ستهزم هذا الخوف.

انا بصراحه عن نفسى لا أخاف شيئا غير الله سبحانه و تعالى،

اما حكايه انتظار ما لا يجئ فدى برضه راجعه للبيئة المحيطة بالفرد، و قدرته على الوزن ما بين الطموح و القناعه ....

ليه لما حد يكلمنا ونكون مشغولين ..نقول ..ثانية واحدة واكون معك ....مع ان ده كذب ؟؟

فيه حاجة اسمها ثانية واحدة ...؟؟ طيب ازاى ؟؟..نردد بلا تفكير كل شئ...!!

احدى العلامات (بل الافات) السلبيه فى مجتماعتنا: (لا قيمة للوقت)

و دة نشوفه فى حاجات كتيييييرة فى حياتنا مش بس لما حد يكلمنا!!!

ليه دائما كانوا بيطلبوا مننا مانكذبش ......ولما مرة زمان ..اتصل صديق اخى به ...شاور لى وقاللى انا مش موجود .....وقلت للرجل هو يقول انه غير موجود .......لماذا غضب ؟؟

مع انه دائما يقول ..لايجب ان نكذب .........ليه دائما انا اللى غلطانة ؟؟

كنت قرأت فى احدى المرات أحد الأعضاء و قد كتب مخاطبا اياكى ب"ضمير المنتدى" بصراحه لا أتذكر من و لا فى أى موضوع؟ و لكن بمثل تلك ردود الأفعال البسيطه التى تقصيها علينا كل حين و أخر يتبين لى دقه هذا التعبير، لا يا عزيزتى انتى مش ممكن تكونى غلطانه فى الحالات اللى زى دى ... احنا اللى فى بلدنا اتعلمنا بعض الأشياء المؤسفه من عينه "كذبه بيضه"!!!

ليه بحاول اصلح الكون .....حتى فى احلام اليقظة ....واشغل مخى وانا عارفة انى لن احل شئ ؟؟

ان مجرد تشغيل المخ هو حل فى حد ذاته،

يعنى شوفي مثلا كل الأسئله اللى انتى طرحتيها دى، فى زحمه الدنيا و مشاغلها مش كل واحد بيقف و يفكر فى حاجات كتيرة أو بعيدة ... و مش بس كدة لأ دة بيشرك اللى حوالبه فى أفكارة دى، اللى بدورها هاتخللى الأخر لأنه بيقدرك و بيحترمك أنه يشاركك أفكارك دى، و يحاول يفكر هو الأخر محاولا الرد عليكى (على قدة يعنى)، و من المؤكد انه و هو بيفكر يشاركك أو يجاوبك ها ييجى على باله أفكار جديده و ممكن تكون مختلفه، و اللى بدورها هاتخليه يعمل زيك و يطرح أسئلته على غيرة .... و هكذا، السر موجود فى كسر حاجز الخوف أو الرهبه أو الكسوف، و التعبير عن الأفكار اللى جوانا - مهما كانت بسيطه.

ليه البحر لونه اخضر ....؟؟ لو ازرق يبقى انعكاس السماء ......

ايه رأيك تطلى طلة على الوصلة دى: beach_sea_12.gif

...طيب ما السماء مش بنشوفها ..بنشوف مجموعة طبقات ...والسحب مياه ومفروض انها شفافة ؟؟

يمكن نلاقى الجواب فى الوصله دى؟ Uploads29122001_moon%20rise%20blue%20sky%20small.jpg

ليه انا بكتب الكلام ده ومش عارفة بكتبه ليه ؟؟؟؟

علشان يمكن واحد بسيط زى حالاتى يقراة، و يستفاد كتير منه.

ليه دائما بحب الذهاب للجبال واشعر انى انا والكون كله شئ واحد ؟؟...وانا جزء من الطبيعة دى ؟؟؟

جبال .... يعنى صدى صوت....

شوفى انتى بقى لما الضمير يتكلم مع الجبل ... الجبل اللى هو عالى .... عالى يعنى كل شئ تحتبه منبسط و واضح جدا .... مردودة هايبقى ايه يا ترى؟

انت اختيارك الجبال .... و فيه غيرك اختيارة البحار أو ضوء القمر و النجوم ، أو شوق و غروب الشمس، أو حتى صوت موتور موتوسيكل!!!!

تساؤلات .........

هل لها اجابات .......؟؟هل لها معنى ؟؟؟......مش مهم ....

فعلا ... مش مهم يكون ليها اجابات .... لكن مهم جدا جدا جدا أن نتسائلها و غيرها ....

هذا هو المعنى المهم ....

أعتذر على تطفلى ... و أشكرك.

... أن واحدة من آساليب النُظم الديكتاتورية هى :

liberte_dexpression-28365515.jpg

وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء !

رابط هذا التعليق
شارك
  • الردود 47
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

se_ Elsyed عضو جديد

se_ Elsyed

بتاريخ:
بتاريخ:

حد لاحظ قبل كده موضوع الساعة البيولوجية اللي داخل جسم الإنسان ..

وإن الواحد ممكن تبقى عنده القدرة أنه يصحى وقت ما يحب بدون منبه او ساعة..

وانا لا اتكلم هنا عن إني ممكن أصحى كل يوم الصبح الساعة 7 علشان أروح الشغل فخلاص بقى الحواس بتتعود على كده ..

لأ .. انا أتكلم عن أي وقت يعني أوقات كتيرة ممكن أنام العصر ويكون فيه ماتش الساعة 7 فتلاقينا أصحى 7 إلا ربع بالظبط علشان أتفرج على التحليل الذي يسبق المباراة .. وهكذا بإلاضافة إلى مواقف آخرى ؟!!...

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:
حد لاحظ قبل كده موضوع الساعة البيولوجية اللي داخل جسم الإنسان ..

وإن الواحد ممكن تبقى عنده القدرة أنه يصحى وقت ما يحب بدون منبه او ساعة..

الموضوع ده بقى سخيف جدا مؤخرا بالنسبه لى rs:

اظبط الموبيل عشان اصحى الساعه 10 مثلا et:(

الساعه 9.58 الاقى نفسى صحيت و آخر فنجله !! vmp:

استغرب نفسى و اقول لسه بدرى ولسه هاشد الغطا و انام الاقى الموبيل بيصرخ و بيطلع كل الوان الطيف taz::

حد عنده طريقه لايقاف الساعه البيولوجيه دى !! mf(

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
BenNeal عضو جديد

BenNeal

بتاريخ:
  • كاتب الموضوع
بتاريخ:

#5

سأطمئن ان الأقتصاد المصرى فى بداية المسار الصحيح عندما يتوقف القائمون عليه عن استعمال تعبير "ارتفاع اسعار الدولار" و استبدالها ب "هبوط قيمة الجنيه المصرى".

{إِنَّ اللهَ اشْتَرَى مِنَ الْمُؤْمِنِينَ أَنْفُسَهُمْ وَأَمْوَالَهُمْ بِأَنَّ لَهُمُ الْجَنَّةَ يُقَاتِلُونَ فِي سَبِيلِ اللهِ فَيَقْتُلُونَ وَيُقْتَلُونَ وَعْدًا عَلَيْهِ حَقًّا فِي التَّوْرَاةِ وَالإِنْجِيلِ وَالْقُرْآنِ وَمَنْ أَوْفَى بِعَهْدِهِ مِنَ اللهِ فَاسْتَبْشِرُوا بِبَيْعِكُمُ الَّذِي بَايَعْتُمْ بِهِ وَذَلِكَ هُوَ الْفَوْزُ الْعَظِيمُ}.

{وَلاَ تَحْسَبَنَّ الَّذِينَ قُتِلُوا فِي سَبِيلِ اللهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ * فَرِحِينَ بِمَا آتَاهُمُ اللهُ مِن فَضْلِهِ وَيَسْتَبْشِرُونَ بِالَّذِينَ لَمْ يَلْحَقُوا بِهِم مِّنْ خَلْفِهِمْ أَلاَّ خَوْفٌ عَلَيْهِمْ وَلاَ هُمْ يَحْزَنُونَ}.

رابط هذا التعليق
شارك
Salwa عضو جديد

Salwa

بتاريخ:
بتاريخ:

شكرا جزيلا سيد وايت هارت على الوصلات الرائعة ..

وشكرا على اهتمامك بالرد على تساؤلاتى المتواضعة ...

تحياتى ..

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك
BenNeal عضو جديد

BenNeal

بتاريخ:
  • كاتب الموضوع
بتاريخ:

#6

"الأرجنتين تعلن أنها غير قادرة على سداد ديونها"

ربنا يستر على اللى فى بالى.

{إِنَّ اللهَ اشْتَرَى مِنَ الْمُؤْمِنِينَ أَنْفُسَهُمْ وَأَمْوَالَهُمْ بِأَنَّ لَهُمُ الْجَنَّةَ يُقَاتِلُونَ فِي سَبِيلِ اللهِ فَيَقْتُلُونَ وَيُقْتَلُونَ وَعْدًا عَلَيْهِ حَقًّا فِي التَّوْرَاةِ وَالإِنْجِيلِ وَالْقُرْآنِ وَمَنْ أَوْفَى بِعَهْدِهِ مِنَ اللهِ فَاسْتَبْشِرُوا بِبَيْعِكُمُ الَّذِي بَايَعْتُمْ بِهِ وَذَلِكَ هُوَ الْفَوْزُ الْعَظِيمُ}.

{وَلاَ تَحْسَبَنَّ الَّذِينَ قُتِلُوا فِي سَبِيلِ اللهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ * فَرِحِينَ بِمَا آتَاهُمُ اللهُ مِن فَضْلِهِ وَيَسْتَبْشِرُونَ بِالَّذِينَ لَمْ يَلْحَقُوا بِهِم مِّنْ خَلْفِهِمْ أَلاَّ خَوْفٌ عَلَيْهِمْ وَلاَ هُمْ يَحْزَنُونَ}.

رابط هذا التعليق
شارك
بنت شعنونة عضو جديد

بنت شعنونة

بتاريخ:
بتاريخ:

استاذ ابن النيل f((:

عرفت تستفزني اني اخرج من "بلاعة" الشغل اللي انا فيها دي واكتب شوية تساؤولات مالهاش علاقة با ايييييي حاجا.. :blink:

ليه اللوجو بتاع حضرتك عاجبني اووووووووووي؟؟؟؟ وبفضل اتفرج عليه وهوا طالع نازل نازل طاااالع يجي ميت مرة وكل مرررررررررة اكون مبتسمة وافضل اتابعه يمكن يعمل حركة جديدة!!؟ dct::

ليه استاذ شرقية ما بقيتش اسمع صوته زي زمان؟

ليه عندي صداع مزمن من يجي شههههههههههرررررررررررر ;)

ليه انا قاعدة هنا دلوقتيييييييييييييييي وانا نفسي اولع في الجهاز اللي قدامي داااااااااا phn: :) f((:

وانا من البلد ديييييييييييي

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:

فى المسلسلات العربيه التى تتناول السيره الذاتيه لشخص معروف لابد ان يظهر هذا الشخص فى صوره اقرب ما تكون للملائكه !!

اليوم وانا اتابع على غير المعتاد احدى حلقات مسلسل يوسف السباعى وثلاث ارباع المشاهد تؤكد على نبل الرجل وملائكية صفاته بينما الربع الباقى يمهد لتلك المشاهد و يتحدث عنها لم استطع ان اتحمل شعورا كاسحا بالملل اجتاحنى !! الم يكن له اى عيوب .. كيف تحتمل الحياه مع شخص احادى اللون !!

هل تعتبر المثاليه المفطره لونا احاديا؟ وجدتنى اسال نفسى .. ولم لا تعتبريها الوانا متعدده من صفات مختلفه تشترك جميعها فى الرقى و السمو؟ يعنى لو كان الشخص اقرب للمثاليه يعتبر احادى اللون؟ ولم لا تعتبر صفاته الحسنه لوحه مختلفة الالوان !!

لم استطع ان اصل لاجابه مقنعه لسؤالى هذا وقلت .. ربما لان الاشياء تعرف بضدها مما يجعلنا بحاجه لان نرى الاضداد حتى تتزن الصوره اما اعيننا ولا تختل .. وربما لان الانسان لا يحبذ ان يرى صوره تذكره كل ملامحها بالنقص الموجود فيه حتى لو كانت صوره صامته .. لكنى لم استطع ان اتغلب على فكره تسيطر على منذ مده طويله .. المثاليه الزائده شئ ممل ومزعج ..

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
BenNeal عضو جديد

BenNeal

بتاريخ:
  • كاتب الموضوع
بتاريخ: (معدل)

#7

"الجنة تحت اقدام الأمهات"

كلمات تربينا عليها ورددتها قلوبنا قبل ألسنتنا.

ياترى الأجيال الطالعة هاتجيلها الفرصة تعرف الحاجات دى؟

تم تعديل بواسطة BenNeal

{إِنَّ اللهَ اشْتَرَى مِنَ الْمُؤْمِنِينَ أَنْفُسَهُمْ وَأَمْوَالَهُمْ بِأَنَّ لَهُمُ الْجَنَّةَ يُقَاتِلُونَ فِي سَبِيلِ اللهِ فَيَقْتُلُونَ وَيُقْتَلُونَ وَعْدًا عَلَيْهِ حَقًّا فِي التَّوْرَاةِ وَالإِنْجِيلِ وَالْقُرْآنِ وَمَنْ أَوْفَى بِعَهْدِهِ مِنَ اللهِ فَاسْتَبْشِرُوا بِبَيْعِكُمُ الَّذِي بَايَعْتُمْ بِهِ وَذَلِكَ هُوَ الْفَوْزُ الْعَظِيمُ}.

{وَلاَ تَحْسَبَنَّ الَّذِينَ قُتِلُوا فِي سَبِيلِ اللهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ * فَرِحِينَ بِمَا آتَاهُمُ اللهُ مِن فَضْلِهِ وَيَسْتَبْشِرُونَ بِالَّذِينَ لَمْ يَلْحَقُوا بِهِم مِّنْ خَلْفِهِمْ أَلاَّ خَوْفٌ عَلَيْهِمْ وَلاَ هُمْ يَحْزَنُونَ}.

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:
#7

"الجنة تحت اقدام الأمهات"

كلمات تربينا عليها  ورددتها قلوبنا قبل ألسنتنا.

ياترى الأجيال الطالعة هاتجيلها الفرصة تعرف الحاجات دى؟

أشك في ذلك لأن الطفل أصبح لا يراهه إلا قليلاً فهي دائماً مهدود حيلها في الشغل وبترجع يادوب تطبخ وتشوف طلبات البيت وهو ممكن يكون بره بيلعب ما أصحابه فلا يلتقون إلا مرات قليلاً .

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
  • بعد 3 أسابيع...
se_ Elsyed عضو جديد

se_ Elsyed

بتاريخ:
بتاريخ:

إمبارح قريت خبرين أغرب من بعض وعشان مرارتي ما تتفقعش قمت قافل الجرنان وضارب العيال وقايم نايم :

1- الخبر الاول " بيقولك من شروط إختيار الام المثالية المصرية هذا العام .. أن تكون لها مشاركات في العمل السياسي أو دفعت أولادها للمشاركة في العمل السياسي "

وإفتكرت على طول حكاية إن بعض المحافظات مابقتش تصرف حصة التموين إلا للي عنده كارنية عضوية في الحزن الوطني ، وقولت طب أمي هاتشارك إزاي في العمل السياسي ، يعني مثلاً تكون وهي صغيرة طلعت في هوجة عرابي ؟ أو شاركت في المطالبة بعودة سعد زغلول ورفاقه من منفاهم ؟ ولا تكون من الظباط الأحرار وإحنا ماخدناش بالنا ؟

أو أن يكون حد من اخواتي معتقل في قضية سياسية ؟

طب ليه ماجابوش من الأخر وقالوا وان تكون والدة المدعو كمال الشاذلي أو يوسف والي أو حتى صفوت الشريف ويدوها الجايزة من بره بره ونخلص الموضوع بدل الشروط المكلكعه دي .

2- الخبر الثاني بيقولك " منع مطاعم الفول والطعمية من إستخدام العيش البلدي المدعم في الساندوتشات ... وبس وخلص الخبر"

يا نهار أبيض طب أعمل أنا أيه دلوقت أروح للراجل أشتري شاندوتش يقوم معبيلي شوية فول في أيدي وعليهم زيت وملح وأقوم ساففهم ..

طب يا خبراء وزارة التموين أين البديل ؟ يعني الناس أصحاب المطاعم تعمل إيه دلوقت ؟

أنا عن نفسي احاول الإقلال من أكل العيش الشامي - اللي من غير رده - علشان التلبك المعوي بالإضافة إن مالهوش فايدة كبيرة ..

مش قولتلكم النوم أحسن ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
R.M.G. عضو جديد

R.M.G.

بتاريخ:
بتاريخ:

المشاركة في العمل الوطني ممكن تكون بأكثر من طريقة غير اللي بالي بالك يعني مش لازم تكون م الضباط الأحرار ولا نايبة قديمة ولا حتى جديدة فالراقصة في بلدنا لها مثلا دور سياسي فهي الراعية الرسمية (مع الأعتذار للسيدة بيبسي)لمزاج كبار السياسيين وهي الطريق الرسمي في حالات كثيرة لإصدار قرارات لها قوة القانون وهي البديل الجديد والعصري للقوى العاملة فعن طريقها تتم الكثير من التعيينات وهي من انجح وسائل تنظيم الأسرة كما لا يخفى على حضراتكم وهي أيضا من مصادر الدخل القومي المصري فكم من الريالات تدخلها الراقصة من اصحاب الريالات (مفرد ريالة) وكم من الدولارات تجعلها في "صدر "اهتماماتها

سياسة ايه بقى اكبر من كده ياعم سي السيد

نرجع للموضوع التاني بتاع العيش ابو شلن

الحل سهل بس انتو اللي بتوع مشاكل

تروح الفرن بتاع ابو شلن تقف في الطابور وتاخد لك كام رغيف من الجديد اللي من كسوفه مالوش وش ياعين امه وتروح طالع عالمطعم مسلمهم في الخزنة هيدوك كعب تروح تستلم بيه الساندوتشات تاني يوم بعد ماتعمل حوالة بريدية بتمنهم في البوسطه وتاكلهم بالهنا والشفا في دار الشفا يبقى ليه الكلاكيع بقى واثارة المشاكل؟

رابط هذا التعليق
شارك
Salwa عضو جديد

Salwa

بتاريخ:
بتاريخ:

صباح الخير ......

حاجة غريبة بتحصل ......

انا برضه قرأت الخبر ده .وقرأت احتجاج البعض عليه ؟؟؟

يعنى ايه لازم تكون مشاركة فى العمل السياسى ؟؟؟؟؟؟؟

دى عالم رايقة ياسيدى ........

نفرض ان دى واحدة مصرية كأى واحدة مصرية متوسطة الدخل ..

عندها ثلاث اولاد ........مش حقول اربعة .......// زى حالاتى //...

حاتشتغل .....وتربى الولاد ....وما تنامش ..// ماهى لازم ماتنامش // وتفضل تفكر .....وما ينفعش برضه .ازاى حاتكمل الشهر ؟؟؟

المفروض كل ام تقدر توصل لبر الأمان ......قصدى لأول الشهر

بدون ما تستلف .........تبقى دى ام مثالية ...فعلا فعلا ..

يمكن قصدهم ..........// معاها بطاقة انتخاب //....

طيب.....

لو حقيقى فيه حرية انتخاب ....نقول ماشى .......ده شئ جميل انها كدة شاركت فى العمل السياسى ..بأنها اختارت مين يتولى امور البلد ....لكن فى المولد ده ؟؟؟؟؟......

لأ..وايه ؟؟؟...اللى اختار الأم المثالية ..مسئولى النادى السورى ومسئولى معرفش ايه ؟؟؟

مش فيه حاجة اسمها وزارة الشئون الاجتماعية ..مفروض هى المسئولة عن كل ده ؟؟......وايه حكاية ان اى ام مثالية لازم يكون زوجها مات !!!!....ولو الاثنين عايشين وعندهم ولاد زى الفل فى كل حاجة .......مايستاهلوش اللقب ؟؟؟.....حاجات عجيبة والله .......

اما مسألة ...الخبز ....!!!

اصلهم بيحاولوا يعودوا الناس ...تغير ...من عاداتها البالية .

ايه كل يوم يفطروا فول فول فول ..!!؟؟؟

ده حتى لا يتماشى مع مظاهر التقدم .......

بقى احنا عاوزين نستضيف دورات .....ايشى 2010..وايشى معرفش ايه // حقهم وفيها حسنة طالعة لهم //....ييجوا يلاقوكوا بتاكلوا فول وفلافل ؟؟...

عجبت لك يازمن ........

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك
montaser عضو جديد

montaser

بتاريخ:
بتاريخ:

عضو يتساءل :

هو إحنا كان عندنا كام فرعون .

سؤال مش محتاج إجابه ، في كل ولايه حكم يجيلك فرعون كبير وبجواره شوية فراعنه صغيريين .

ربنا يرسل لهم من يدمرهم .

اسألوهم لعلهم ينطقون .

لا إلـــــــه إلا اللـــــــه محمــــــــد رســـــــول اللـــــــــه

يقينـــــــي باللــــــه يقينـــــــــــي

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ: (معدل)

اعتقد ان المشاركه فى العمل السياسى كلمه مطاطه حبتين

وتتيح لواحده غتته زيى تبعت تقول لهم امى اشتركت فى جمعيات لتوفير دخل اضافى للاسره .. وده من صميم العمل الاقتصادى .. و الاقتصاد ابن عم السياسه لزم .. تبقى امى وتلات تربع سيدات مصر مشاركات فى السياسه بالدرجه الاولى

اما عن موضوع الرغيف يا س.س.

يا سيدى ما تاكلوا الفول فى الرغيف الكايزر .. ولا حتى الفينو الدعدع ده .. حتى يبقى تجديد <_<

تم تعديل بواسطة فــيــروز

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:

ليه يا بنفسج بتبهج و انت زهر حزين !! :huh:

لا ادرى ما مفهوم "زهر حزين" لدى من كتب هذه الكلمات .. فكم يبدو زهر البنفسج اليوم جميلا مبهجا و مبتهجا .. rs:

فى مكان عملى شرفه متسعه يتيح الجو الآن ان نتركها مفتوحه لتبدو منها شجره تمتلئ بازهار البنفسج الجميله وقد انعكست عليها اشعة الشمس لترسم صوره طبيعيه من صنع الله فى غاية الروعه art:)

اليوم مضى عام بالكامل على التحاقى بعملى الجديد :o

من عام مضى كنت اجلس فى صمت اتامل تلك الشجره الجميله .. لم يكن لدى ما افعله وقتها و اليوم لا اجد وقتا لانظر اليها mf(

خساره ان تزهر هذه الشجره الجميله شهور قليله للغايه كل عام

حين كنت اقضى وقتى فى العمل فى بداية التحاقى به اتحدث مع اصدقائى القدامى فى عملى السابق او اشكو الفراغ لرئيسى السابق و اصف جمال الشجره الجميله كان هو من اخبرنى ان انظر اليها مليا لانها لن تظل مزهره طويلا taz::

من المؤكد ان البنفسج يبهج لكنه مش حزين :)

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
ragab2 عضو جديد

ragab2

بتاريخ:
بتاريخ:

لا

يوجد أى دور فى مصر للعمل السياسى الا أدوار كومبارس

لتجميل الصورة

مصر أكبر من نظام الحكم الفردى الديكتاتورى الإستبدادى

الذى فرضه علينا عسكر حركة يوليو فى الخمسينات

وصار نظاما لحكم مصر

برنامج الرئيس الإنتخابى لإسكان فقراء الشباب ..

سرقه مسؤولون وزارة الإسكان مع المقاولين ..!

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:
لا

يوجد أى دور فى مصر للعمل السياسى الا أدوار كومبارس

لتجميل الصورة

يعني أيه عمل سياسي ؟

أنا في مصر ماعرفش في مصر غير الأعمال السلفية اللي بتعملها " الشيخة صباح العمشه .. بتاعت حشيش " للناس عشان تأذيهم ..

اما الاعمال السياسية فإحتمال تكون حاجة جديدة إخترعوها بعد ما سافرنا وماحدش قال لنا عليه .

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
مصر عشقى عضو جديد

مصر عشقى

بتاريخ:
بتاريخ:

يعنى اية سياسة؟

اقولك يا سى السيد

احنا اكتر ناس بنفهم فى السياسة وبنستعملها

:huh: art:) mf( rs:

مثلا يعنى

تسايس البقال فى الجمعية علشان يعطيك كيلو سكر ولا قزازة

زيت , وتسايس البقال علشان يديك شكك على النوتة لاول الشهر

لان المرتب مش مكفى

وتسايس رئيسك المباشر علشان تزوغ وتروح تشوفلك تاكسى تشتغل علية علشان تسدد الجزار والبقال والمدرسين اول الشهر

وتسايس الباشا الظابط اللى ساكن جنبك علشان ميستغلش منصبة وكل يوم يجرجرك على القسم

وتسايس حماتك لما تيجى تزورك وتولع فى البيت حريقة

وفية كمان بس مش عاوز اطول المهم انك تقتنع ان البلد كلها سياسة

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:
يعنى اية سياسة؟

اقولك يا سى السيد

احنا اكتر ناس بنفهم فى السياسة وبنستعملها

:P  ;)  cl:  :)

مثلا يعنى

تسايس البقال فى الجمعية علشان يعطيك كيلو سكر ولا قزازة

زيت , وتسايس البقال علشان يديك شكك على النوتة لاول الشهر

لان المرتب مش مكفى

وتسايس رئيسك المباشر علشان تزوغ وتروح تشوفلك تاكسى تشتغل علية علشان تسدد الجزار والبقال والمدرسين اول الشهر

وتسايس الباشا الظابط اللى ساكن جنبك علشان ميستغلش منصبة وكل يوم يجرجرك على القسم

وتسايس حماتك لما تيجى تزورك وتولع فى البيت حريقة

  وفية كمان بس مش عاوز اطول  المهم انك تقتنع ان البلد كلها سياسة

يا سلام ده على كده انا سايس جامد قوي ومش واخد بالي ..

طب ماهي السياسة حلوه وسهله أهي .. اومال مكلكعينها ليه ؟ ...

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

انضم إلى المناقشة

You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.

زائر
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   تمت استعادة المحتوى السابق الخاص بك.   مسح المحرر

×   You cannot paste images directly. Upload or insert images from URL.

×
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...