فهرسة و تطوير و تنقيح باب المغتربين

[Advisor]

فى هذا الموضوع يكتب الأعضاء المتطوعين لتطوير باب المغتربين

[ozoozo]

انا معكم

وطبعا لازم الساده المشرفين يوزعوا رؤوس المواضيع علي المتطوعين حتي لا يحدث تداخل او ازدواجيه في التصنيف

[se_ Elsyed]

ممكن نبدأ على بركة الله

بس إيه ده ؟

هو أوزوزو هايحارب لوحده ؟ أين بافي الأنتحاريين الأبطال ؟

[كمبورا 6]

الزملاء الافاضل

اسعد الله اوقاتكم

العبد لله جاهز ومنتظر التعليمات

مع الاحترام

[جايه لك يا كندا]

تمام يا فندم وجاهزه لأي مهمه

[mekkawy]

الله المستعان

انا اعتبر جديد و لسة ما بقتش مغترب تمام بس اديني بحاول :lol: و نفسي اساعد بأي حاجة

في انتظار التنظيم و التعليمات

مكاوي

تم تعديل 16 فبراير 2010 بواسطة mekkawy

[الغريب]

بقترح تحديد منتدى للمغتربين بدول الخليج العربية وليبيا.

ومنتدى آخر للمغتربين في كندا والدول الغربية.

بالنسبة لمنتدى المغتربين في دول الخليج العربي بأقترح تثبيت باب لمغرتبي السعودية وباب لمغتربي الكويت وهكذا ..

[se_ Elsyed]

مبدئياً ...

ممكن أزوزو ياخد كل الموضوعات الخاصة بالبصمة والخروج والعودة والخروج النهائي

ويجمعهم كلهم في موضوع ... ويبقى المحتوى عباره عن لنكات للموضوعات المختلفة المتعلقه بهذه الفكرة

وكمبورا بيه قبل الأنتخابات وقبل ما ينشغل .. ممكن يجمع كل الموضوعات الخاصة بتكلفة المعيشة في السعودية بما فيها المدارس

جايه لك يا كندا ... لو سمحت روح عند بيتكو .. عشان لما بنيجي نلعب عندكو بتروشا علينا ميه

مكاوي ... يجمع موضوعات الأستقدام والزيارة وإجراءتهم من الألف إلى الياء ...

الغريب ... هايقشط الكويت والبحرين وقطر ... :waf: .. اهي حاجات خفيفة وهما التلاته قد المنفوحه هنا

يالا .. مين قال جاي ؟

[rashed]

انا كمان جاهز .... ولو مطلوب اى مساعدات برمجية أنا فى الخدمة إن شاء الله

أخوكوا ...

محمد راشد

[الغريب]

الغريب ... هايقشط الكويت والبحرين وقطر ... .. اهي حاجات خفيفة وهما التلاته قد المنفوحه هنا

آآآمر يوبه، حاضرين وبالخدمة بس قوول وأنا أنفذ

[الغريب]

الفاضل سي السيد بناء على دعوة المحاورتية المصريين بالكويت

برجاء دمج موضوع "المصريين في الكويت عاوزين نتعرف ببعض" وموضوع هنا الكويت " ووضعهم تحت موضوع هو "المغتربين المصريين بالكويت"

وهذا بناء على رغبة الجماهير

تحياتي

[se_ Elsyed]

الفاضل سي السيد بناء على دعوة المحاورتية المصريين بالكويت

برجاء دمج موضوع "المصريين في الكويت عاوزين نتعرف ببعض" وموضوع هنا الكويت " ووضعهم تحت موضوع هو "المغتربين المصريين بالكويت"

وهذا بناء على رغبة الجماهير

تحياتي

تم تنفيذ العملية بنجاح وضرب مواقع العدو وعادت الصواريخ إلى قواعدها سالمه غانمه

[كمبورا 6]

الزملاء الافاضل .... اسعدالله اوقاتكم جميعا

الزميل العزيز الفاضل سى السيد

لن استطيع تلبية ما طلبت

واحد يقوللى لييييييييييييييييييييييه

اقول له عشان انا فى الاردن مش فى السعودية

مع الاحترام