مسجل بعلم الوصول ....

[shiko]

رسائل ...تلغرافات ...(عتاب ..اعتذار ...شوق...)

اى شكل من اشكال التواصل ...الغرض من الموضوع ...اننا نتواصل ...ونحس ان صوتنا واصل ...

الرسايل دى ...ممكن تكتب عليها مسجلة بعلم الوصول إلى فلان ...

وممكن تكون إلى مجهول ....ولكن يبقى دائما وابداً حق الرد مكفول....

رسالتى قد تكون إلى قطتى...ارجوحتى ... العابى ......إلى ادراج مكتبى الذى شاركنى فشلى ونجاحاتى ...

...إلى صديق ..أو اخ...اب أو جد..

قد تكون إلى...بائع الجرائد ..أو.سائق التاكسى ...

إلى ...زمان ...أو عصر ...إلى العالم الاخر

إلى ...بنو بشر ...أو بنو جماد.........

إليه ارسل ....رسالة ......

...فإلى من ترسل أولى رسالاتك؟؟

تم تعديل 16 فبراير 2010 بواسطة shiko

[جايه لك يا كندا]

ميرسي اوي يا شيكو على الموضوع الجميل ده وهانعتبره مكان نفضفض فيه زي ماحنا عايزين. أقولك ايه ولا ايه ولا ايه بس؟؟؟؟ الرسايل كتييييير بس أولها:

رساله إلى حبيبي الغالي اوي اوي على قلبي بــــابــــا

اقوله وحشتني وحشتني وحشتني يا حبيبي، باتمنى كل يوم اشوفك واكلمك ولو لحظه، باتمنى دقيقه واحده من ايام زمان ترجع واقدر اقولك قد ايه حبيتك واحترمتك وباتشرف اني بنتك وبكل حاجه علمتهاني. ونفسي اقولك قد ايه انا بالوم نفسي على كل ثانيه المتك فيها بقصد أو بدون قصد، رغم اني عارفه ان قلبك الكبير اكيد عمره مازعل مني

نفسي تكون معايا تفرح بيا وتفتخر بيا وتفرح بأحفادك اللي متأكده انك بتحبهم وكنت هاتسعد جدا بيهم.

قد ايه بافخر اني بنتك لما باسمع الناس بتقول ايه عنك كل ماتيجي سيرتك الحلوه، متواضع وانسان بكل ما تحمله الكلمة من معاني جميله، رقيق حساس فنان حنين اوي اوي اوي اوي، بيتهيألي ماسيبتش حته حنيه لحد

الله يرحمك يا أغلى الناس وبكل أسف اني خسرتك بدري، لك الجنه بإذن الله يا أغلى الأحباب

[shiko]

ميرسي اوي يا شيكو على الموضوع الجميل ده وهانعتبره مكان نفضفض فيه زي ماحنا عايزين. أقولك ايه ولا ايه ولا ايه بس؟؟؟؟ الرسايل كتييييير بس أولها:

رساله إلى حبيبي الغالي اوي اوي على قلبي بــــابــــا

اقوله وحشتني وحشتني وحشتني يا حبيبي، باتمنى كل يوم اشوفك واكلمك ولو لحظه، باتمنى دقيقه واحده من ايام زمان ترجع واقدر اقولك قد ايه حبيتك واحترمتك وباتشرف اني بنتك وبكل حاجه علمتهاني. ونفسي اقولك قد ايه انا بالوم نفسي على كل ثانيه المتك فيها بقصد أو بدون قصد، رغم اني عارفه ان قلبك الكبير اكيد عمره مازعل مني

نفسي تكون معايا تفرح بيا وتفتخر بيا وتفرح بأحفادك اللي متأكده انك بتحبهم وكنت هاتسعد جدا بيهم.

قد ايه بافخر اني بنتك لما باسمع الناس بتقول ايه عنك كل ماتيجي سيرتك الحلوه، متواضع وانسان بكل ما تحمله الكلمة من معاني جميله، رقيق حساس فنان حنين اوي اوي اوي اوي، بيتهيألي ماسيبتش حته حنيه لحد

الله يرحمك يا أغلى الناس وبكل أسف اني خسرتك بدري، لك الجنه بإذن الله يا أغلى الأحباب

رسالتك ...اتسجلت هنا ...ووصلت ... لباباكى وكمان وصلت لقلوب كثير من الابناء...

يمكن فى هنا حد مابينا مزعل باباه ...ويمكن يكون موش مزعله ..بس برضه موش مراضيه بالقدر الكافى ..

اكيد اكيد لما هايقرا رسالتك دى "اللى اكيد برضه وصلت لباباكى"

احتمال كبير يراجع نفسه ...يروح لباباه ..ويبوس اديه ...

رسالتك ..وصلت ....واتاكدى انها مسجلة بعلم الوصول ..

شكرا ليكى ...ايها الابنة الجميلة ...وشكرا لرسالتك ..الاجمل..ومشاعرك النبيلة ...

[مغتربة]

تلغراف وحيد لشخص واحد و يحتوى على كلمه واحده

مش مسمحاااااااااااااااااااااااااااااااااااااااااااااااااااااااااااااااااااااااااااا

ااااااااااااااااااااااااااااااااااااااااااااك

و لا عمرى هقدر

اتمنى انها توصله باسرع وسيله ممكنه

[pocy]

بصراحه انا عايزه اوصل رسايل كتير وياريت كلها بعلم الوصول

الاولى لوالدى اللى قلقانه عليه بقالى يومين معرفش ليه واقوله سامحنى يا والدى عن بعدى عنك وانت محتاجنى بس مش بايدى وربنا يخلي ماما ويخلينا لبعض يارب

الثانيه لامى حبيبتى وحشتينى نفسي ارتمى فى حضنك واحكيلك على كل حاجه مضايقانى او مفرحانى ربنا يخليكى لى يا ست الحبايب

التالته لاخويا الكبير وحشتنى نفسي اقعد واتكلم معاك واحكى كتير بس انت استحملنى بقي ربنا يكرمك ويزيدك وييسرلك كل امورك يارب وتكون دايما بار بوالدينا واحنا سايبنهم امانه فى ايديك وانا متاكده ان مفيش حد بيعمل نص اللى بتعمله

الرابعه لجوزى انت فين يابابا منتظرينك متغبش علينا وحشتنى انا وعمورى يالا بقي تعال

[shiko]

تلغراف وحيد لشخص واحد و يحتوى على كلمه واحده

مش مسمحاااااااااااااااااااااااااااااااااااااااااااااااااااااااااااااااااااااااااااا

ااااااااااااااااااااااااااااااااااااااااااااك

و لا عمرى هقدر

اتمنى انها توصله باسرع وسيله ممكنه

تلغرافك وصل ...وبسرعة.....

وجالك رد كمان .....

يقول الله تعالى: وعزتي وجلالي لأنصرنك ولو بعد حين

[jasmin hamed]

رساله الى حبى الاول و الاخير والدى العزيز

انا اسفه على كل لحظه قضيتها بعيد عنك انا اسفه على اى كلمه دايقتك بيها انا اسفه انى سافرت و سبتك فى اخر ايامك انا اسفه انى مقدرتش اخفف عنك المك. انت عارف انا اسفه على ايه ارجوك سامحنى يمكن اكون ماشرفكش بس انت مشرفنى .

دعت ربى يخلصك من عذابك و دعاتوا ياخذنى معاك انا اسفه مش كل دعائى مستجاب

كل حاجه كويسه فيا منك انت و كل حاجه وحشه فيا مالكش ذنب فيها ............... يا ابو الكرم و الشهامه و الرجوله والاخلا ق والصبر.............. ياهه على صبرك ما لوش حدود

انا عارفه انك زعلان منى ...... ظلمتك وانت عمرك ما ظلمت حد و الى مصبرنى انك قولتلى مسمحك حتى ديه مكنتش استهلها كنت استاهل تقولى غضبان عليكى عشان اعيش عمرى اكفر فى ذنبى

لسه لغايت انهارده كرمك واصلنى لسه لغاية انهارده الناس بتحبنى بس عشان بنتك لسه لغاية انهارده فاكرينك بالخير لسه لغاية انهارده بيحاولوا يردوا جميلك

الكلام بيخلص و عمرى ما هوفيك حقك

يا اغلى عندى من نفسى و من ابنى ومن كل الدنيا

واحشنى صوتك و انت بتغنيلى مال القمر واحشنى حوضنك

عرفت القلق و الخوف و الضيق و الهم بعد فراقك انا بقالى اربع سنين مشفتكش صدفنى كفايه عليا كده ..... الله يرحمك.

[shiko]

رساله الى حبى الاول و الاخير والدى العزيز

انا اسفه على كل لحظه قضيتها بعيد عنك انا اسفه على اى كلمه دايقتك بيها انا اسفه انى سافرت و سبتك فى اخر ايامك انا اسفه انى مقدرتش اخفف عنك المك. انت عارف انا اسفه على ايه ارجوك سامحنى يمكن اكون ماشرفكش بس انت مشرفنى .

دعت ربى يخلصك من عذابك و دعاتوا ياخذنى معاك انا اسفه مش كل دعائى مستجاب

كل حاجه كويسه فيا منك انت و كل حاجه وحشه فيا مالكش ذنب فيها ............... يا ابو الكرم و الشهامه و الرجوله والاخلا ق والصبر.............. ياهه على صبرك ما لوش حدود

انا عارفه انك زعلان منى ...... ظلمتك وانت عمرك ما ظلمت حد و الى مصبرنى انك قولتلى مسمحك حتى ديه مكنتش استهلها كنت استاهل تقولى غضبان عليكى عشان اعيش عمرى اكفر فى ذنبى

لسه لغايت انهارده كرمك واصلنى لسه لغاية انهارده الناس بتحبنى بس عشان بنتك لسه لغاية انهارده فاكرينك بالخير لسه لغاية انهارده بيحاولوا يردوا جميلك

الكلام بيخلص و عمرى ما هوفيك حقك

يا اغلى عندى من نفسى و من ابنى ومن كل الدنيا

واحشنى صوتك و انت بتغنيلى مال القمر واحشنى حوضنك

عرفت القلق و الخوف و الضيق و الهم بعد فراقك انا بقالى اربع سنين مشفتكش صدفنى كفايه عليا كده ..... الله يرحمك.

ياااااه يا ياسمين ...

انتى بجد وجعتى قلبى ...لا بجد انا موش قادرة ماعيطش

انتى عارفة يا ياسمين كلامك ده ..خلانى جرى اكلم بابايا ....بس علشان اسمع صوته

بس علشان اطمن انه موش زعلان ولا متضايق من اى حاجة...ولا حتى منى ..

ياسمين ..تعرفى انتى رسالتك دى ...هاتوصل لباباكى ...ومعاها هدية حلوة...

انا مرة كنت فى درس للفضيلة الشيخ /على جمعة ..وقال ان الفاتحة بتوصل للميت ...وبيعتبرها هدية وبيفرح بيها جدا...علشان كده اقريله الفاتحة ...وابعتى رسالتك ..هاتوصله

الله يرحمه ...اكيد كان حد جميل اوى علشان كده خلى منك الروح الجميلة دى

[jasmin hamed]

رساله الى حبى الاول و الاخير والدى العزيز

انا اسفه على كل لحظه قضيتها بعيد عنك انا اسفه على اى كلمه دايقتك بيها انا اسفه انى سافرت و سبتك فى اخر ايامك انا اسفه انى مقدرتش اخفف عنك المك. انت عارف انا اسفه على ايه ارجوك سامحنى يمكن اكون ماشرفكش بس انت مشرفنى .

دعت ربى يخلصك من عذابك و دعاتوا ياخذنى معاك انا اسفه مش كل دعائى مستجاب

كل حاجه كويسه فيا منك انت و كل حاجه وحشه فيا مالكش ذنب فيها ............... يا ابو الكرم و الشهامه و الرجوله والاخلا ق والصبر.............. ياهه على صبرك ما لوش حدود

انا عارفه انك زعلان منى ...... ظلمتك وانت عمرك ما ظلمت حد و الى مصبرنى انك قولتلى مسمحك حتى ديه مكنتش استهلها كنت استاهل تقولى غضبان عليكى عشان اعيش عمرى اكفر فى ذنبى

لسه لغايت انهارده كرمك واصلنى لسه لغاية انهارده الناس بتحبنى بس عشان بنتك لسه لغاية انهارده فاكرينك بالخير لسه لغاية انهارده بيحاولوا يردوا جميلك

الكلام بيخلص و عمرى ما هوفيك حقك

يا اغلى عندى من نفسى و من ابنى ومن كل الدنيا

واحشنى صوتك و انت بتغنيلى مال القمر واحشنى حوضنك

عرفت القلق و الخوف و الضيق و الهم بعد فراقك انا بقالى اربع سنين مشفتكش صدفنى كفايه عليا كده ..... الله يرحمك.

ياااااه يا ياسمين ...

انتى بجد وجعتى قلبى ...لا بجد انا موش قادرة ماعيطش

انتى عارفة يا ياسمين كلامك ده ..خلانى جرى اكلم بابايا ....بس علشان اسمع صوته

بس علشان اطمن انه موش زعلان ولا متضايق من اى حاجة...ولا حتى منى ..

ياسمين ..تعرفى انتى رسالتك دى ...هاتوصل لباباكى ...ومعاها هدية حلوة...

انا مرة كنت فى درس للفضيلة الشيخ /على جمعة ..وقال ان الفاتحة بتوصل للميت ...وبيعتبرها هدية وبيفرح بيها جدا...علشان كده اقريله الفاتحة ...وابعتى رسالتك ..هاتوصله

الله يرحمه ...اكيد كان حد جميل اوى علشان كده خلى منك الروح الجميلة دى

شكرا يا سيدتى على كلامك الرقيق .............. و يارب توصلوا دعواتى و الفاتحه و يعرف انها منى و يعرف انى فاكراه دايما و مستنيه اشوفوه انشالله فى حلم

[joo]

انا عند رسائل كثيرة جدا جدا 00 بس اول رسالة هبعتها بعلم الوصول ل000 ( ربنا )

الهى 00 الهى 00 سامحنى انا عارف انى انسان خاطىء ومستهلش رحمتك بس انا طمعان فى محبتك انا دائما بزعلك منى بس انت

حنين ومهما عملت انت دائما رحيم عليا بتنجينى من شرور كتير وبتحمينى حتى من شر نفسى كتير كتير بزعل لما حاجة تروح منى او

فرصة تضيع منى بس بعرف فى الاخر انك شايلى حاجة اجمل واحلى بكتير 00 كتير اوى بقول عاوز وعاوز وعاوز وانت مش بتبخل عليا ابدا

مع ان المفروض اسئلك 00 انت راضى عنى ولا لا 00 دائما بتدى يا رب ومش بتاخد منى اى مقابل 00 اعطيتنى كل شيء جميل ومش

لائى كلمة شكر حلوة اقولهالك 00 مش لائى غير كلمة بحبك 00 ولو انى مستاهلش محبتك00

ابنك 00 الخاطى

[engtaha]

إلى من يهمه الامر

بادور عليكى بافتش فى وسط الدروب على باب يوصلنى ليكى .

اظهر وبان عليك الامان ولكنتى انس ولا جن انا مستنيكى

[مغتربة]

تلغراف وحيد لشخص واحد و يحتوى على كلمه واحده

مش مسمحاااااااااااااااااااااااااااااااااااااااااااااااااااااااااااااااااااااااااااا

ااااااااااااااااااااااااااااااااااااااااااااك

و لا عمرى هقدر

اتمنى انها توصله باسرع وسيله ممكنه

تلغرافك وصل ...وبسرعة.....

وجالك رد كمان .....

يقول الله تعالى: وعزتي وجلالي لأنصرنك ولو بعد حين

و عزه جلال الله حصل

اشتكيت لربنا الساعه 2 بليل تانى يوم كان عدل السماء واصل

بس برضه مش مسمحاه و استحاله ده يحصل اساسا فى يوم من الايام

[shiko]

احببت أن تكون ..اول رسالاتى اليكى

إلى /اختى

لا طالما اقتسمنا ملابسنا سويا ...العابنا ...حتى اوقاتنا ...

حبيبتى ...وصديقتى ...معلمتى ...دوما كنتى لى عونا ... ...حتى الان لا زلت ارى فيكى وجهى امى وحنان ابى ...احبك ...افتقدك احيانا فاهاتفك ...اجدك دائما مشغولة فى معترك الحياة واهتماماتك العدة...لاتنسى انى مازلت تلك الصغيرة التى دوما تحتاج دعمك...

ردود قصيرة ...يغلفها اهتمامك ورعايتك ...اللهم ادعوك ان تحفظها من كل سؤ وشر ..فأنت خير حافظ

خالة اولادك

تم تعديل 17 فبراير 2010 بواسطة shiko

[بركة]

الى أبنائي الاعزاء أتمنى أن تقرأوا كلامي لما تكبروا

بحبكم أوي وأنتم أغلى عليّ من كل الدنيا

يارب أكون أم صالحة ليكم ..

وتفتكروا إني بنسى نفسي عشانكم

لأن أنتم نفسي اللي بتنفسه ..

وعايزاكم تحبوا بابا وتفتخروا بيه لأنه إنسان بمعنى الكلمة ..

ماما فاطمة

[الغريب]

رسالة الي نفسي

فعلا.. قصرت في حقك كتيير

كل شوية أقول هعمل لما يحصل كذا، ويحصل بتوفيق الله، وبردو أطلع انا صغير ومش قد كلمتي

سمحيني يا نفسي أنا فعلا صغير وياما وعدتك وموفتش

أعتقد أنك هتسمحيني لما ربنا يكرمك بدخول الجنة في الآخرة وساعتها ان شاء الله هتقولي مسامحك لأن رحمة ربنا أنقذتني من قلة حيلتك

[shiko]

الى أبنائي الاعزاء أتمنى أن تقرأوا كلامي لما تكبروا

بحبكم أوي وأنتم أغلى عليّ من كل الدنيا

يارب أكون أم صالحة ليكم ..

وتفتكروا إني بنسى نفسي عشانكم

لأن أنتم نفسي اللي بتنفسه ..

وعايزاكم تحبوا بابا وتفتخروا بيه لأنه إنسان بمعنى الكلمة ..

ماما فاطمة

اللهم اجعل منهم ذرية طيبة ....اللهم تقبلهم منها

[engtaha]

رسالة للمدعو فى حقه

تنازلاتى لم تكن ضعف وانما جاءت حتى تسير االمركب ولكن رحلت انت وتركت المركب عند الغرق

[fatfouta]

الى/شيكو

شكرا انك سمعتى الكلام وفتحتى الموضوع الجميل ده

[fatfouta]

الى / امى الحبيبة

الله يرحمك برحمته الواسعة يارب

يمكن زمان مافهمتكيش......ماكنتش عارفة يعنى ايه مسئولية او يعنى اولاد........اتهمتك انك ظلمتينى لكن يمكن ماكنتيش تقصدى....اكيد ماكنتيش قاصده

اتهمتك انك مش حنينة .......برضو متاكده انك ماقصدتيش كده ....بس علمتينى اذاى ابقى حنينة جدااااا

لو كان بايدى ارجع الايام كنت رجعتها وعاتبتك على كل حاجة عشان تاخدينى فى حضنك اللى عمرى مالمسته الا مرات قليلة جدااااا

امى......انا اتعلمت كتير منك وربنا يرحمك ويسامحك ......... وعاوزة اقولك انى بحبك جدااااااااا لانى مقدرتش اقولهالك زمان

اتمنى يا امى ان ربنا يجمعنا سوا واترمى فى حضنك اللى عمرى ماحسيت بيه

بحبك يا امى يارب تكونى سامعانى......

[ذهبية]

ياااة على جمال مووضعك يا شيكو رائع بجد قد اية فكرتة حلوة بجد

فتفوتة لو قولت لك انتى دخلتى جويا قد اية و كتبتة كل اللى نفسى اقولة