اروع المناظر الطبيعيه في بريتش كولومبيا (فانكوفر)

[MZohairy]

لدي استفسار صغير في احد المداخلات اللي فوق ( قناوي حبيبي ) حافظها عنده في الكمبيوتر جملة بتقول

The homeless and homicide rate is higher in Vancouver than ANY of the other cities.

معقول ان معدل الجرائم في فانكوفر هو الاعلى ؟! ازاي

ممكن حد يأكد لي او يتأكد لي من المعلومة ؟

انا سمعت ان كلها هنود .. اه ,, كلها صينيين او اسياويين .. اه لكن جرائم ؟!

لأ الهنود فيها مش كتير ولا حاجه

الصينيين هم اللي كتير نسبيا

موضوع الجرائم ده معنديش عليه تعليق لأني فعليا ما شوفتش جرايم بشكل شخصي اطلاقا خلال سنه تقريبا

و لا سمعت حكاوي من الناس و الأصدقاء عن جرايم حصلتلهم

الهوملس موجودين في شارع هيستنج بس

غير كده مفيش

بس اكيد مفيش مكان في الدنيا مافيهوش جرايم و الله اعلم

[MZohairy]

ده هيستنج سترييت اللي فيه الهوملس

و ده تقاطه هيستينج مع كينسينجتون

[MZohairy]

كام صوره كده ع السريع نؤذي فيهم نفسيتكم

بما فيهم المقيمين في كندا خارج فانكوفر :closedeyes:

[محمد الششتاوي]

حرام عليك اللي بتعمله فينا ده

:closedeyes:

[MZohairy]

حرام عليك اللي بتعمله فينا ده

:happy:

انا بس بوري بتوع تورونتو العين الحمرا يا حماده

عشان ما يحاولوش يقرروا انهم يفكروا يقارنوا بين البلد البيئه بتاعتهم دي و فانكوفر

مع العلم ان دي عينات بس

الصور الحلوه لسه ما جتش :closedeyes:

[MZohairy]

حرام عليك اللي بتعمله فينا ده

:happy:

انا بس بوري بتوع تورونتو العين الحمرا يا حماده

عشان ما يحاولوش يقرروا انهم يفكروا يقارنوا بين البلد البيئه بتاعتهم دي و فانكوفر

مع العلم ان دي عينات بس

الصور الحلوه لسه ما جتش :closedeyes:

[أحمد سيف]

أيه أخبار فيكتوريا يا حاج زهيري

بيقولوا جوها أحسن من فانكوفر بس أصغر وأهدى

[MZohairy]

أيه أخبار فيكتوريا يا حاج زهيري

بيقولوا جوها أحسن من فانكوفر بس أصغر وأهدى

هي اهدى مفيش شك و اصغر بطبيعة الحال

بس جوها ما يختلفش عن فانكوفر

هي بالنسبه لفانكوفر تعتبر جزيره زي جزيرة الدهب كده بالنسبه لمصر القديمه

يعني المسافه مش بعيده

بس هي عاصمة البي سي كلها و ربنا يوعدنا بعد المعاش كده نروح نسكن فيها زي اثرياء فانكوفر ما بيعملوا

و بعدين فيها كل حاجه بتاع المخلل تلاقي بتاع البليله تلاقي لو عايز استورجي تلاقي مبيض نحاس تلاقي بتاع غزل البنات تلاقي

يعني حته ما تتسابش :closedeyes:

[جبار سينج]

يا استاذ زهيرى تقدر تقولى ايه اهم الوظائف المتاحه فى فانكوفر

وتسلم ايدك على الصور

[kitkat]

ماشاء الله

ياتري ايه الكاميرا المستخدمة في التصوير ؟

[MZohairy]

يا استاذ زهيرى تقدر تقولى ايه اهم الوظائف المتاحه فى فانكوفر

وتسلم ايدك على الصور

wst:: كل الوظائف متاحه يا جبار بس بشروط وجود معادله لشهاداتك و وجود خبره كنديه ان امكن

ماشاء الله

ياتري ايه الكاميرا المستخدمة في التصوير ؟ :wub:

كوداك بولارويد اكس تويلف

و دي شوية رزاله من عندي

صوره لفانكوفر في الخريف

[اغابي]

ابـــــــــــــداااع - الصـــــــور تجنـــــــــن - فيها نور وحريه وربيع وابتسامة وتفاؤل

ابدع يا زوهير يا فنان كمان وكمان :blush2:

ولا مراعى مشاعرنا

ولا اى حاجة

ولا يهمك - اى حاجة منك حلوة

احرق - احرق - فى دمنا

ولا . . . عزاء لساكنى دول الخليج

:blush2:

[أحمد سيف]

عقدنا كمان وكمان يا عم زهيري

بس خلي بالك أنا هنزل الصور عندي وأحتفظ بيها في ملف علشان لو شيطانك وزّك واتقمصت من المنتدى لأي سبب وحذفت الصور زي ما واحد صاحبنا عمل يبقى عندنا back-up ليهم وأعرف أرجعها بدل ما أحذف الموضوع باللي فيه.

[Nassarlink]

بس خلي بالك أنا هنزل الصور عندي وأحتفظ بيها في ملف علشان لو شيطانك وزّك واتقمصت من المنتدى لأي سبب وحذفت الصور زي ما واحد صاحبنا عمل يبقى عندنا back-up ليهم وأعرف أرجعها بدل ما أحذف الموضوع باللي فيه.

اعذرني اخي الفاضل احمد سيف

اني مشاركتي دي مش قي مكانها

لكن حبيت ابدي رايي في توقيعك هنا لاني قرأته هنا

وحسيت معناه هنا

علي نحت القوافي من مقاطعها*** ومـــا علي إذا لم تفـهم البـشر

واقبل مني هذا البيت

معني القوافي اهم من مقاطعها *** بالـــروح يحيـا الهيـم والبشر

بالنظم والقانون نسموا ونرتقي*** لكََِنْ كِلاهُما مِنْ صَنعتِ البشر

[MZohairy]

شوية تعقيد خفيف كده

[أحمد سيف]

بس خلي بالك أنا هنزل الصور عندي وأحتفظ بيها في ملف علشان لو شيطانك وزّك واتقمصت من المنتدى لأي سبب وحذفت الصور زي ما واحد صاحبنا عمل يبقى عندنا back-up ليهم وأعرف أرجعها بدل ما أحذف الموضوع باللي فيه.

اعذرني اخي الفاضل احمد سيف

اني مشاركتي دي مش قي مكانها

لكن حبيت ابدي رايي في توقيعك هنا لاني قرأته هنا

وحسيت معناه هنا

علي نحت القوافي من مقاطعها*** ومـــا علي إذا لم تفـهم البـشر

واقبل مني هذا البيت

معني القوافي اهم من مقاطعها *** بالـــروح يحيـا الهيـم والبشر

بالنظم والقانون نسموا ونرتقي*** لكََِنْ كِلاهُما مِنْ صَنعتِ البشر

مقبولة منك يا أستاذ Nassarlink

وربنا يقدرني وأختار توقيعات ثانيه تعجبك ... علشان نستمتع بالمعارضات الشعرية الجميلة دي

[ramyfathalla]

شوية تعقيد خفيف كده

ده خفيف يا أستاذ زهيرى أومال التقيل يبقى ايه

ربنا يباركلك على المناظر الجميلة اللى بتمتعنا بيها و فى انتظار التعقيد الكبير

[Mercedes]

حرام عليك اللي بتعمله فينا ده

:lol:

:ninja: السلام عليكم و رحمة الله و بركاته wst::

فعلا و الله حرام اللى حضرتك بتعمله فينا ده, هو الدخول للأماكن دى يا ترى ببلاش و لا بفلوس و كنا بالمرة عاوزين نعرف, الدخول مسموح للعزاب و لا الدخول للعوايل بس !!!!!!

عشان الواحد يبقى عامل حسابه يعنى و ما يجيش و يرجع من عالباب :lol: :lol: ؟؟؟

MERCEDES S430

[Mercedes]

wst:: السلام عليكم و رحمة الله و بركاته :lol:

ألا الجسر اللى باين فى الصورة اللى فوق ده اسمه ايه و مكانه فيييييييييييييين :ninja: ؟؟؟

اصل من ساعة ما شوفته و أنا ناويها :lol: :wub: .

آه و الله ناويها.

ناوى أول ما ربنا يكرمنى و يفتح على بالحلال , اشترى عربية JAGUAR XJ8 موديل 2002 و ألبس قميص Tropical على بنطلون جينز و أطلع القميص بره البنطلون و أسوق العربية الجاجوار دى على الجسر ده فى يوم صيف فبل غروب الشمس بحوالى ساعة أو ساعة و نص كده smk: , و اكيد هبقى دايس بنزين عالآخر , VO VO VOOOOOOOOOOOOOOOOO ماهى عربية 370 حصان بقه.

بس أوعدكم أن لما أعمل كده هبقى أفتكر بالخير الطريق الزراعى اللى بين المنصورة و طنطا, أصله اليومين دول بالدات مأثر فى أوى من كتر ال...............مطبات اللى فيه و كمان هفتكر الكمين اللى على كوبرى المظلات اللى فى مدخل و مخرج القاهرة الساعة 2 بالليل, أصل الناس اللى فيه بيبقوا ناس زوق زوق زوق الصراحة :lol: .

الله يخرب بيتك md2: - اللى هو قصر العروبة - يا حسنى يا ابن أم حسنى يااااااااااااااااا رب.

MERCEDES S430 bv:-

[Mercedes]

ابـــــــــــــداااع - الصـــــــور تجنـــــــــن - فيها نور وحريه وربيع وابتسامة وتفاؤل

ابدع يا زوهير يا فنان كمان وكمان :ninja:

ولا مراعى مشاعرنا

ولا اى حاجة

ولا يهمك - اى حاجة منك حلوة

احرق - احرق - فى دمنا

ولا . . . عزاء لساكنى دول الخليج

:lol:

wst:: السلام عليكم و رحمة الله و بركاته :lol:

و الله العظيم و مالك على حلفان , أنك أخدت الكلام من على لسانى.

فعلا الصور دى تحس أنها مليانه حرية و فرحة و تفاؤل و أمل أن دايما بكرة يبقى أحسن من النهاردة, ده فى كندا طبعا مش فى مصر لحسن حد يفهمنى غلط ولا حاجة .

و فعلا, لا عزاء للجماعة اللى فى الخليج, و ربنا يكون فى عوننا.

MERCEDES S430