نفسك ف ايه

[الباشمهندس ياسر]

نفسي اروح اصيف في عز الشتا :)

و هو فين الشتا

[enjisultan]

نفسى اعرف انا نفسى فى اية؟

[Morial]

انا نفسي اتعالج من الادمان

ادماني علي المحاورات

نفسي مدخلهاش لمدة 3 شهور

حدش عنده برنامج علاجي يدلني عليه

[shiko]

جيجى ....تيجى نقدم على اجازة انا وانتى...بدون مرتب ....6شهور ...انا ناوياها ...بس لازم تيجى على غفلة ..يعنى ماترتيبش ده ...علشان ماترجعيش تانى مدمنة اكتر من الاول

[myusername]

انا نفسي اتعالج من الادمان

ادماني علي المحاورات

نفسي مدخلهاش لمدة 3 شهور

حدش عنده برنامج علاجي يدلني عليه

ايوة انا عندى..

عندى برنامج يمنعك من دخول المحاورات.. لو عايزاه قوليلى. و كمان فيه تايمر.. يعنى ممكن يسمح لك تقعدى مثلا 3 ساعات يوميا بس.

البرنامج كان معمول اصلا.. علشان الناس فى امريكا بتدخل عالفيس بوك كتير, و كانوا عايزين اى طريقة تخليهم يحكموا العملية.. و ميدخلوش اكتر من وقت معين فى اليوم.

تم تعديل 11 مارس 2010 بواسطة myusername

[Morial]

جيجى ....تيجى نقدم على اجازة انا وانتى...بدون مرتب ....6شهور ...انا ناوياها ...بس لازم تيجى على غفلة ..يعنى ماترتيبش ده ...علشان ماترجعيش تانى مدمنة اكتر من الاول

بس بلاش جيجي دي يا شيكو الله يخليكي كانت لحظة تهور وراحت لحالها :wub:

المهم قوليلي تقصدي ايه تيجي علي غفلة ؟نوريني الله يرضي عليكي الا انا كده هضيع

[shiko]

بدون ترتيب مسبق ...اسرقى نفسك من نفسك ...

[محمد الششتاوي]

انا نفسي باب كندا يتفتح يوم واحد اسئل على كام حاجة ويتقفل تاني :wub:

[Morial]

طيب انا هعمل رهان مع نفسي اني مدخلش لمدة 3 ايام واما اشوف هقدر ولا لاء

وان شوفتيني دخلت ابقي لفي ورايا في التوبيكات وقولي العيله اهي اهي :wub:

روقيني يعني وهبدأ من بكرة ان شاء الله

[Morial]

انا نفسي باب كندا يتفتح يوم واحد اسئل على كام حاجة ويتقفل تاني md2:

طيب مل تسأل في اي مكان يا استاذ شيشتاوي وان شاء الله هتلاقي اللي يدلك

احنا سدادين في اي حته يا باشا :wub:

[doha]

انا نفسي باب كندا يتفتح يوم واحد اسئل على كام حاجة ويتقفل تاني :wub:

المداخلة دي فطستني من الضحك ..

يعني نفسك ينفتح ماشي لكن ينقفل تاني ليه ؟

باين عليك ابن حلال بجد ربنا يحقق لك امنياتك ..

كنت هنسى ..

نفسي المحاورات ترجع زي زمان ..

[محمد الششتاوي]

انا نفسي باب كندا يتفتح يوم واحد اسئل على كام حاجة ويتقفل تاني md2:

طيب مل تسأل في اي مكان يا استاذ شيشتاوي وان شاء الله هتلاقي اللي يدلك

احنا سدادين في اي حته يا باشا :wub:

اصلي مش عايز اعمل حاجة مخالفة, مش عارف اذا كنت ممكن اسئل هنا ولا ايه

على العموم

انا بس كنت عايز اذا انا كنت من المهن الطلوبة ولا لا ( كمهندس معماري ),, عشان ماقدمش على الفاضي

وكمان عايز رابط للابلكيشن عشان اكتبه ,, انا عارف طريقة كتابته لكن مش لاقي الابلكيشن نفسه

حملت ملف فيه حوالي 15 ورقة وانا عارف انهم 4 بس منهم اتنين بيبقوا زيهم للمدام

[محمد الششتاوي]

انا نفسي باب كندا يتفتح يوم واحد اسئل على كام حاجة ويتقفل تاني :wub:

المداخلة دي فطستني من الضحك ..

يعني نفسك ينفتح ماشي لكن ينقفل تاني ليه ؟

باين عليك ابن حلال بجد ربنا يحقق لك امنياتك ..

كنت هنسى ..

نفسي المحاورات ترجع زي زمان ..

هههههههههه

شكرا ليكي يا فندم

انا مش عايزها تتقفل تاني طبعا ,, بس لو هتفضل مقفولة تتفتح غلطة مثلا والادارة تاخد بالها بعد ما اكون خلصت md2:

الا هي المحاورات كانت ازاي زمان

بصراحة انا كنت بدخل على فترات متباعدة كزائر ويقالي حوالي سنة بحاول اشترك لكن مش عارف

واعرف اعضاء كتير من فترة طويلة جدا

خاصة سي السيد كنت متابع موضوع له من حوالي 4 سنين في مواضيع تقدير تكاليف البناء وماكنش لسه مشرف

واعرف حسام يوسف خاصة عشان صورة "سلفادور دالي" اللي بموت فيه

وتابعت مناقشات كتير وكنت معجب بالاسلوب الراقي في الحوار واحترام الطرف الاخر الي مالقيتوش في منتديات كنت مشترك فيها

[doha]

انا نفسي باب كندا يتفتح يوم واحد اسئل على كام حاجة ويتقفل تاني :wub:

المداخلة دي فطستني من الضحك ..

يعني نفسك ينفتح ماشي لكن ينقفل تاني ليه ؟

باين عليك ابن حلال بجد ربنا يحقق لك امنياتك ..

كنت هنسى ..

نفسي المحاورات ترجع زي زمان ..

هههههههههه

شكرا ليكي يا فندم

انا مش عايزها تتقفل تاني طبعا ,, بس لو هتفضل مقفولة تتفتح غلطة مثلا والادارة تاخد بالها بعد ما اكون خلصت md2:

الا هي المحاورات كانت ازاي زمان

بصراحة انا كنت بدخل على فترات متباعدة كزائر ويقالي حوالي سنة بحاول اشترك لكن مش عارف

واعرف اعضاء كتير من فترة طويلة جدا

خاصة سي السيد كنت متابع موضوع له من حوالي 4 سنين في مواضيع تقدير تكاليف البناء وماكنش لسه مشرف

واعرف حسام يوسف خاصة عشان صورة "سلفادور دالي" اللي بموت فيه

وتابعت مناقشات كتير وكنت معجب بالاسلوب الراقي في الحوار واحترام الطرف الاخر الي مالقيتوش في منتديات كنت مشترك فيها

يااه ده انت جاي معبي بقى ..

:lol:

اقول لحضرتك حاجه .. بما ان عندك سؤال مهم وبما ان باب كندا مقفول فاعمل زي ماقالوا في الاعلان .. ارسل استفسارك برساله خاصه لمشرف الباب وباذن الله هتلاقي اجابة عليه ..

[محمد الششتاوي]

اقول لحضرتك حاجه .. بما ان عندك سؤال مهم وبما ان باب كندا مقفول فاعمل زي ماقالوا في الاعلان .. ارسل استفسارك برساله خاصه لمشرف الباب وباذن الله هتلاقي اجابة عليه ..

شكرا لحضرتك

بعتله دلوقت وان شاء الله يرد عليا

شكرا جزيلا لاهتمامك

هافكر بقى نفسي في ايه تاني :wub:

[Morial]

ليستة الوظايف اهي يا استاذ محمد في الخباثه كدة من غير ما حد ياخد باله وربنا يستر

http://www.immigration-quebec.gouv.qc.ca/p...e-formation.pdf

[hebapharm]

نفسي ........اتصالح مع نفسي

[الباشمهندس ياسر]

نفسي ابطل التوهان اللي انا فيه

دلوقتي اكتشفت اني نسيت الموبايل ف العربية

و اصبح اكتشفت اني مش لاقي مفتاح العربية .. اه و ربنا .. و ماشي بالسبير

و بقالي فترة ..ابقي نازل رايح اكتوبر الاقيني داخل علي الاوتستراد بدل الدايري او رايح رمسيس و اطلع علي التجمع

و ابقي رايح اخرج انا و اصحابي و يجيني تليفون و ارد و اتحرك و انساهم تماما

صباحو .. توهانن ف دائرة الحياة

[fatfouta]

نفسى افهم

والله نفسى افهم.........لو كل واحد بص لنفسه وبقى فى حاله....هيحصل ايه

[shiko]

نفسي ابطل التوهان اللي انا فيه

دلوقتي اكتشفت اني نسيت الموبايل ف العربية

و اصبح اكتشفت اني مش لاقي مفتاح العربية .. اه و ربنا .. و ماشي بالسبير

و بقالي فترة ..ابقي نازل رايح اكتوبر الاقيني داخل علي الاوتستراد بدل الدايري او رايح رمسيس و اطلع علي التجمع

و ابقي رايح اخرج انا و اصحابي و يجيني تليفون و ارد و اتحرك و انساهم تماما

صباحو .. توهانن ف دائرة الحياة

.....كلنا هذا الرجل يا عزيزى

طب حضرتك لاقيت السبير بتاع العربية ...انا موش لاقياه والله ...

الموبايل مقفول وضايع ومش لاقياه ...ومش قادرة افتكر هو فين ...

شاحن اللاب توب عندى امل انى الاقيه فى العربية لما القى المفتاح ..

حاجة واحدة بس بلاقيها على طول ...اول ماتيجى حالة التوهان ......صداع نصفى فظيع