ولا الدموع

[فــيــروز]

مشكله صحيه مضايقانى جدا

عينى بتدمع كتير جدا بمناسبه ومن غير مناسبه

ممكن مثلا فى الشتا اما يكون فيه هوا قوى تدمع et:(

او حتى بالايحاء يعنى لو افتكرت ان عينى دمعت امبارح الاقيها بدات تدمع دلوقت باثر رجعى cbyb:

كشفت عند اتنين دكاتره واحد فيهم قال لى مفيهاش اى حاجه و التانى كتب لى قطره عبيطه

بس فعلا الموضوع غلس بشده و مؤلم كمان

يا ترى ايه الاسباب اللى بتخلى عين الواحد تدمع كده؟ mf(

[MuslimaEgyptian]

عزيزتى فيروز،

سبحان الله كان فيه موضوع مشابه حصل على خفيف لحد أعرفه ;) وخفت اوى لحسن يكون الحل فى نظاره..لكن دكتورالعيون قال ان لما العينين بتكون جافه، والمفروض متكونش، فبتفرز دموع رغما عنها علشان تعمل شويه توازن...وقال ان دى مشكله ناس كتيره بيكون أغلبيه شغلها على الكمبيوتر ty:) وانت ما شاء الله، اللهم لا حسد ـ عديتى الألفين مداخله :):)

وعارفه قال الحل إيه؟ قالى لازم تفتكرى تبربشى :) (هى دى كلمه؟) :) لأن المكوث امام الكمبيوتر فتره، بيخلينا نركز وننسى نبربش ...والبربشه هى اللى بتخلى العينين moist ولا تصل لدرجه الجفاف...

وفعلا رشح قطره كده إسمها Refresh Tears ...تبع شركه Reglan..

وفيه ناس ده بيحصلها بسبب ان عينيهم حساسه بطبيعتها من الضوء والجو..

هنهى المداخله بقى علشان انتابنى احساس غريب من كتر ما ذكرت كلمه بربشه ..

:D <_<

:D

يلا هنيالك، إستشاره امريكانى على ما قسم :)

تم تعديل 26 فبراير 2004 بواسطة MuslimaEgyptian

[فــيــروز]

ابربش :D

تفتكرى !! <_<

طيب القطره اللى قلتى عليها دى كويسه و بنت حلال؟ :)

على العموم اجرب ابربش بس ربنا يستر وماتعودش ابربش حتى بعيدا عن الكمبيوتر

شكرا جزيلا :) ty:) :)

[MuslimaEgyptian]

على العموم اجرب ابربش بس ربنا يستر وماتعودش ابربش حتى بعيدا عن الكمبيوتر

لأ مش اوى كده يا فيروز، بلاش نخوف الجيران والزملاء فى الشغل :o :o:)

[maksoof]

شوفى بقى يا شريكة البزنس: سعادنك تروحى للموقع ده:

google.ca

و فى ال

Advanced Search

تبحثى عن:

watering eyes

و حتلاقى زنجليون مقالة عن الموضوع ده. و على فكرة الحكاية دى حصلتلى من حوالى 20 سنة و السبب كان إنسداد فى مجرى الدموع Tear ducts و الدكتور عالجها بإنه نضفها بحقنة مياه.

[فــيــروز]

حقنة ميه !! :) جوه عينى :o :o :o طيب يعنى الموضوع كبير وله اصول طبيه امال الدكاتره اللى باروح لهم ليه بيبسطوا الامر :) اشوف المقالات باذن الله :o

تم تعديل 29 فبراير 2004 بواسطة فــيــروز

[صعيدي]

الف سلامة يا ابنتنا العزيزة

ممكن المقالة دى تفيدك

وبالمناسبة انا أحيانا تنهمر دموعى عند الشعور بالملل او التثائب والطبيب قال انها نتيجة الضغط على القنوات الدمعية

[فــيــروز]

شاكره جدا اهتمامك يا اخ صعيدى

والله لقد التمست العلاج من هذه المشكله لكن لا ادرى لم اشعر ان الدكتور يشعر انه شئ تافه حين اصفها له و يعطينا قطره تاثيرها وقتى و محدود جدا !! اشوف دكتور جديد و ربنا يشفينى swar::

انا كمان اما اتثاءب الاقى عينى دمعت .. ولو فيه هوا زياده شويه الاقيها بردو دمعت بس كنت بافتكر ان كل الناس بيحصل لها كده فى الشتا :angry: بس مؤخرا الموضوع بقى فعلا سخيف لانى ممكن ماعرفش انام بسبب الدموع دى :angry: ده غير طبعا ان عينى بيبقى شكلها مرهق اوى وهى مش ناقصه cbyb:

انا فعلا شاكره اهتمامكم بالموضوع يا اخوانى .. بجد هذا يعنى لى الكثير non::