الضيف الثقيل

[Sherief AbdelWahab]

أي هؤلاء الضيوف تكره أن تراه في التليفزيون؟

بتوع تجديد الخطاب الديني من أكاديميي الأزهر الذين خلع عليهم الصحفيون لقب مفكر إسلامي ؟

بتوع الاقتصاد و جنرالات القهاوي في المجال الاقتصادي؟

أدعياء الفن و الرياضة؟

الصحفيون؟

الساسة؟

شخصيات مكررة في التليفزيون ستين ألف مرة "مصطفى الفقي..حلمي بكر..حازم الببلاوي.."..الخ؟

هل أصبحت الاستضافة فوضى في التليفزيون المصري عاما كان أو خاصا؟

خلص الكلام

[فــيــروز]

أي هؤلاء الضيوف تكره أن تراه في التليفزيون؟

مذيعات التليفزيون اللائى يفترسن الميكروفون بالاشتراك مع شخص يتصل بهم تليفونيا ليشترك فى الحلقه و يبدى اعجابه بكل شئ فى الدنيا من المذيعه اللى قصاد الكاميرا لحد المخرج اللى وراها !! ولا ادرى من السبب فى انتشار هذه البدعه الغريبه التى حصرت كل ما ينبغى ان تتمتع به المذيعه فى قدرتها على الرغى مع المشاهدين عبر التليفون فى اى مواضيع هايفه !!

مثلا مثلا برنامج اظن اسمه بورصة النجوم !! يتحدث عن الاغانى و المطربين ومذيعته نهله عبد العزيز تتلقى اتصالات وتتناقش مع المشاهدين حول حال الاغانى و الغناء فى مصر وحين تسمعها تتحدث بانفعال و "تشوح" بيديها فى وجه المشاهدين تظن انها بتتكلم عن فتح عكا مثلا !! واللى بيغيظنى اكتر انها بتحرك ايدها فى وش الكامير كانها بتدينا درس فى الاخلاق الحميده بصوره مستفزه تخلو من اللياقه و الذوق

عجبى :D

[R.M.G.]

بعيدا عن الموضوع :يستفزني جدا منظر المذيعة وهي متشبسة بالميكروفون اللي في ايدها ولو حاول الضيف ياخده تلاقيها متبته فيه بأديها وسنانها ..ممكن تكون ماضيه عليه عهده مثلا؟

الحقيقة انا باتفقع جدا من ضيوف البرامج الرياضية والمحللين لأنهم في شبابهم كانو لعيبة نص كم ولم يفعلوا شيئا وياسلام لما يجيبو مثلا مدربين من بتوعنا بتوع السبوبة ولقمة العيش عشان يحلل مباراه لمانشستر وليفربول ويقولوا كلام كبيــــــــــر مش فاهمين نصه

ومن الفواقع المرارية ايضا الممثلين كلهم وكل واحد تسأله عن مخرج ما لازم يقول:والله الأستاذ فلان أنا أول مرة أشتغل معاه بس الحقيقة هو مخرج متميز ومتمكن من ادواته ايه حكاية ادواته دي ؟ولو سألتهم عن الدور اللي بيلعبه لازم يقول الآتي:في الحقيقة هو دور جديد بالنسبه لي والمشاهدين هيستغربوا لما يشوفوه بس هو متميز(برضو) والورق كان مكتوب حلو والمجموعه كلها الكاست والفنيين والمصورين والعمال كلنا أصحاب وروح جميلة بترفرف علينا لدرجة اننا مش عايزين التصوير يخلص

حاجه تقرف

مين اللي فتح الموضوع ده؟

الله يسامحك قلبت عليناالمواجع

[arabawy]

أي هؤلاء الضيوف تكره أن تراه في التليفزيون؟

مذيعات التليفزيون اللائى يفترسن الميكروفون بالاشتراك مع شخص يتصل بهم تليفونيا ليشترك فى الحلقه و يبدى اعجابه بكل شئ فى الدنيا من المذيعه اللى قصاد الكاميرا لحد المخرج تسمعها تتحدث بانفعال و "تشوح" بيديها فى وجه المشاهدين تظن انها بتتكلم عن فتح عكا مثلا !! واللى بيغيظنى اكتر انها بتحرك ايدها فى وش الكامير كانها بتدينا درس فى الاخلاق الحميده بصوره مستفزه تخلو من اللياقه و الذوق

عجبى :)

من اسبوع في برنامج مابعرف اسمة شنو اتصلت احدي المشاهدات بمقدمة البرنامج ذات الشعر المصبوغ بلون اصفر تشبها بالكفار ( حاكم الكفار عنيهم بتبقي خضرا وشعرهم اصفر ) وهات ياحب . دا انا بحب حضرتك ومعجبة بحضرتك وحضرة حضرتك

[Sherief AbdelWahab]

نبدأ من المهندسة فيروز- أول مرة أعرف إنك مهندسة :o :

الكلام عن الضيوف مرة أخرى..و لو اتكلمنا عن المذيعين مش ح نخلص في سنتنا دي..عندك خالتي فرنسا الشهيرة بسهير جودة في برنامج البيوت أسرار..التشويح الهيستيري اللي على أصوله..و أسلوب الكلام و طريقة الإلقاء التي تجعلك تعيشين في جو فيلم الليمبي الأول..خاصة مشهد ردح فرنسا الأصلية - عبلة كامل!..أعتبرها هي و منى الشاذلي على رأس أسوأ عشرين مذيعا على مستوى العالم..برضه في القايمة عبد المجيد بن خضر..و ما أدراكم ما هو عبد المجيد بن خضر!

عرباااااوي - مع الاعتذار للمطرب الشعبي المخضرم محمد رشدي:

بعض حسني النية يعتقدون أن برامج التليفونات برامج طبيعية بحق وحقيق..و لا يعرفون أن نسبة لا يمكن تجاهلها من المكالمات إياها تتواجد في كل برنامج..مثلا ما حدث في برنامج للفاشل كرم جبر كان يستضيف العتمة نور الشهيرة بنبيلة عبيد..كل المكالمات تشيد بالمسلسل بدون استثناء..بالمناسبة ..سقط سهوا مني إسم كرم جبر في قائمة أسوأ المذيعين..

مرة أخرى..خلونا مع الضيوف مش مع اللي بياكلوا الضيوف!

خلص الكلام

[arabawy]

!

عرباااااوي - مع الاعتذار للمطرب الشعبي المخضرم محمد رشدي:

عن ماذا ؟؟؟؟؟؟؟

[Katamando]

نفسي اعرف ليه كل المذيعات بيحاولوا يتفلسفوا بنفس الشكل ..... يعني حتى الغباء في التقليد

كلهم بدون استثناء تجدهم يقولوا

يعني لو اتكلمنا عن (أي شيء او أي شخصية) يبقى حنقول إن ......... وكمان نقدر نقول ولو اتكلمنا عن(نفس الموصضوع أعلاه) يبقى نقول .......... ونقدر نقول

يعني تقليد حتى في سرد المعلومة اللي هما مش متأكدين منها ولا فاهمينها هي بس جاية تقضي وقت في التلفزيون وتخلي أمها تفرح بطلعتها البهية وبس وباللبس اللي متكلف قد كده وتسريحة الشعر اللي محتارين فيه

والضيوف المملين كتير يا عم شريف أولهم بلا منازع الأخ حلمي بكر بغلاسته وهيافته وتصنعه الفن والأحاسيس المرهفة يليه الأخ اللي أبتدى ضيف وأنتهى بيه الأمر مذيع ومحلل كروي وهو حتى مالعبش كرة شراب في حارتهم الدكتور علاء اللي مديها في كل القنوات وحتى على الموبايل وأهو كلها سبوبة وبتوع السياسة عباس الطرابيلي وكم النفاق ومستفيد فوري و......

وفي الآخر تحياتي لكل أعضاء الأسرة ولاتدير مؤشر المحطة وخليك هنا علشان تفرقع

[Sherief AbdelWahab]

يا عم عرباوي..قصدي على أغنية محمد رشدي الشهيرة اللي انت واخد الاسم بتاعك منها.. et:(

العزيز كتامندو:

أنا عن نفسي بيفقعني بتوع الاقتصاد..لسبب..

لسة كان فيه واحد صاحبي بيحكي لي على إن كان فيه وزير من دولة عربية كان عايز يعمل مشروع في مصر..بتوع الاقتصاد قدموا له تلات دراسات جدوى متضاربة ..كلهم غلط!..

كل واحد من بتوع الاقتصاد المتلفزين جنرالات قهاوي..و بيتكلم من موقع مصلحته و بس و عايز يفرضها علينا..و الأسخف منهم بتوع المشاريع الصغيرة اللي نزلوا علينا مثل الصاعقة بتخاريفهم..منهم واحد حكيت عليه قبل كدة هنا ..بسلامته بيتحدث عن أهمية عربية الترمس كمشروع صغير!..و إنه ممكن يعمل حركة في الاقتصاد..بسلامته بيدى مثل..example يعني..

أنا لا أشك لحظة واحدة في أن هناك زيس فيما يتعلق بضيوف الاقتصاد لا يقل عن زيس الأطباء..و الأيام الجاية ح تثبت صحة الكلام دة..

عن الأسامي خد عندك:

حلمي بكر..حازم الببلاوي..مصطفى الفقي اللي بيظهر أكتر من عمرو دياب!..عبد المعطي بيومي و بطانته..و فنانين وساسة و اقتصاديين ياما!

خلص الكلام

[ابو يوسف]

لقد حضرت - بحكم عملى السابق - بعض برامج الـ Talk Show و التى كانت موضة فى هذه الفترة و رأيت بعينى العجب العجاب .. dct::

الضيوف.... ملقنين بما سيقال و ما لا سيقال .. و متفق معهم تماما على من سيكون ضد من phn: !! لأن كل ذلك لا يهمهم فى شىء ... المهم الاوبيج ! :blink:

الجمهور ....مختار بعناية من الاقارب و المعارف و الاصدقاء و العاملين بالقناة نفسها !!

اما النكتة فتهى فى الشخص الطيف الواقف على المسرح بعيداً عن كادر الكاميرا و يحمل علامة فى يده مكتوب عليها كلمة ( تصفيق) .. أول ما يرفعها .. الجمهور يسقف ;)

ينزلها ... الجمهور يسكت !! :)

أما المتصلون فهم جالسون بجوار المخرج فى حجرة التحكم .. و من هذه الحجرة يتصلون من السعودية و الامارت و لندن .. و زى ما تحب !!

حتى الجمهور الذى يشارك فى الحوار .. شوية ممثلين من العاملين فى القناة ..

و كل هذا كوم .. و المونتاج كوم آخر .. قص و لزق على كيفك .. و فيه تأخير فى الاذاعة (Delay) يقدر المخرج يعمل كل اللى هوة عاوزهفى البرنامج اللى على الهوا !!

نسيت أقول ان البرامج دى كانت تقديم المذيعة اللوذعية اللى بترقص و تغنى و تعمل عجين الفلاحة على المسرح ...

ولكفاءتها و شعبيتها الطاغية اطردت من 3 شبكات تليفزيونية قبل كدة .. و ربنا يكرمها فى الرابعة !!

طبعا عرفتوها ؟؟؟!!!

[se_ Elsyed]

طبعا عرفتوها ؟؟؟!!!

طب ما تسهل لها لنا الله يرضى عليك ..

يعني مثلاً إدينا 3 إختيارات نختار منهم ( هالة سرحان ولا هالة بنت سرحان ولا هالة برضوا سرحان )

على فكره أنا أول مرة أشوف الحركات اللي إنت بتتكلم عنها دي كان في مسلسل " آوان الفجل .. قصدي آوان الورد " اللي فضحوا فيه من غير ما يقصدوا البرامج الحوارية والبلاوي اللي بتحصل فيها ...

وبما إني عارف إنت بتشتغل فين فطبعاً مصدقك .... وربنا يأخدهم ونرتاح منهم ...

ما تسألهم كده يابو يوسف مش محتاجين كومبارس متكلم .. اهو الواحد يطلع في التليفويون وأمي تشوف صورتي وبالمرة نطلع لنا بسببوبة ..

[ابو يوسف]

الاجابة غلط يا سى السيد !!!! :angry:

الاجابة الصح هى ....

هالة سرحان swar:: non:: non::

ادعي لى ان ربنا يتوب عليا ...

و ربنا يبعدك عنهم و عن حركاتهم :angry:

[se_ Elsyed]

الاجابة غلط يا سى السيد !!!!  :angry:

الاجابة الصح هى ....

هالة سرحان  swar::  non::  non::

ادعي لى ان ربنا يتوب عليا ...

و ربنا يبعدك عنهم و عن حركاتهم  :angry:

ربنا يتوب عليك يابو يوسف

وتشتغل في

أوربت

[afiona]

طالما جبنا سيرة عالة سرعان ، وعلشان الشئ بالشئ يذكر، لازم نجيب سيرة ممضوح موسى ، يعنى ممضوح أبلاكاش، يعنى ممضوح سفاهة، يعنى قلة قيمة و ثقل دم رهيب......

[Katamando]

أعتقد ان الموضوع تحول إلى المذيع الثقيل وليس الضيف الثقيل

وأنا وقعت في هذا الخطأ ايضا

عودة لموضوع الأساسي

لوسمحتم

[se_ Elsyed]

أعتقد ان الموضوع تحول إلى المذيع الثقيل وليس الضيف الثقيل

وأنا وقعت في هذا الخطأ ايضا

عودة لموضوع الأساسي

لوسمحتم

على فكرة يا كاتامندو لاحظ كده إن أي مذيع او مذيعة غلسة بتحاول دايماً إنها تستضيف الناس اللي شكلها ...

ومهما حاولت في بداية تعريف المشاهدين بالنرامج بإن تستضيف شخصيات محببة إلا انها مع الوقت تطبق مث الطيور على أشكالها تقع ...

لأن بصراحة مش معقول إن ضيف محترم يقبل بأن يتواجد مع مذيعة لا تعطي له الفرضة لكي يتحدث وتعلي صوتها دائماً وتأتي بحركات يعاقب عليها القانون ... زي ناس كتير بلاش نقول أساميهم لأنهم أصبحوا أشهر من النار على العلم في هذا المجال ...

إلا إذا كان البرنامج بيدفع كويس وصاحبنا الضيف بيمر بأزمة مالية ومحتاج فلوس :angry:

[ابو يوسف]

أعتقد ان الموضوع تحول إلى المذيع الثقيل وليس الضيف الثقيل

و ايه الفرق ... ؟؟؟

الاتنين بيكبسوا على انفاسنا !!

طيب الضيف التقيل بيظهر حلقة واحدة ...

أما المذيع الثقيل .. عامل زى الكابوس اللى بيتكرر كل ليلة ...

[Sherief AbdelWahab]

لقد تعدى مصطفى الفقي كل الحدود كضيف ثقيل و سئيل بكل ما تحمله الكلمة من معاني..

لقد أصبح هذا الشخص يظهر في صباح الخير يا مصر بصفة مستمرة و مثيرة للريبة ، أكثر من مرة في الأسبوع الواحد ربما ، بل إن تلك هي المرة الثانية التي أشاهد فيها هذا الشيء في جمعتين متتاليتين!..مهزلة بكل المقاييس!

ربما يقال أن ظهوره الكثير على شاشة التي في المصري يعتبر "تكفيرا" عن عدم تعيينه في المنصب الكبير الذي كان يطمح إليه يوما من الأيام - وهي أول مرة في حياتي أسمع فيها عن شخص أو هيئة تكفر عن التصرف السليم-لكن هل من المقبول أن يرتكب الجهاز الإعلامي المحلي الممول بأموال دافعي الضرائب حماقة مزدوجة بعمل قيمة لشخص من عينة الفقي و على حسابنا أيضا؟

لقد سمعت هذا الشيء البشري عدة مرات و لم أخرج منه بأي شيء، وثبت لي في كل مرة أن آرائي - العنيفة - تجاهه صحيحة..مجرد مسمعاتي يكرر ما يقال في نشرات الأخبار عن الإصلاح التدريجي ولازم ينبع من الداخل و سياسة شارون والحوار و الآخر..لا يقدم أي شيء للمتفرج المثقف و لا يحظى بأي قبول على الإطلاق لدى المتفرج العادي..و مع ذلك فهو جاثم على صدورنا بشكل مثير للقرف!

لقد كنت أستغرب في البداية الظهور المكرر لأغاني مطربات ما أنزل الله بهن من سلطان مثل المسترجلة عبير فضة و ريدا و معها الأخت رحمة اللي بتكح أكتر ما بتغني في الصيف الماضي و قبل الماضي..لكني عرفت فيما بعد أنهن مرتبطات بعقود مع شركات إنتاج و بمقتضاها تفرضهن تلك الشركات على أي تليفزيون أو بوتاجاز..إنما الدكتور المفكر القومي إياه..من يقف وراءه؟..صحوبية لجمال الشاعر ، و لا عشان رئيس لجنة في مجلس الشعب - تذكروا تعليق فؤاد خليل : لجنة؟..دا أنا اللي أجنن منه-و لا إيه بالضبط!

الرحمة يا تليفزيون الإعلانات..و من لا يرحم لا يُرحَم!

خلص الكلام

[MuslimaEgyptian]

أعتبرها هي و منى الشاذلي على رأس أسوأ عشرين مذيعا على مستوى العالم..

قد أتفق معك فى رأيك عن سهير جوده، ولكن منى الشاذلى؟؟!

أتمنى ان أعرف أسبابك يا أخ شريف لأنها تقريبا الوحيده التى أحترمها

من ضمن النماذج الماسخه المتواجده على الساحه وهؤلاء أسبابى:

البرامج التى قدمتها جاده للغايه، ليس فقط بسبب مضمون المواضيع ذات الطابع العصرى ، ولكن إستضافتها لشخصيات محترمه للغايه للدلو برأيهم فى هذه المواضيع;

مظهرها محافظ جدا ويلاحظ إهتمامها للظهور بمنظر لائق بعكس موضه مذيعات الفضائيه اللى أصبح زى عملهم الرسمى هو بنطلون الجينز والبلوزه و التى-شيرت والذى أخجل من ذكر وصفهم الغير لائق;

دائما ما تتحدث بلغه عربيه سليمه أغلبيه الأوقات بعكس العربيه الركيكه من قبل الأخريات، إضافه الى إسلوبهن المتمايع والإستظراف والضحك بلا حدود بعكس أسلوب منى;

كما إنها، فى رأيى، ذات حضور متميز تجبرك على متابعتها..وقد أتيحت لى فرصه مقابلتها وقت تحضيرها لريبورتاج خاص عن المسلمين بعد أحداث سبتمبرهنا، وكانت مهذبه للغايه وأكدت إنطباعى عنها...

ولذلك وجدت انك ظلمتها بعض الشئ يا أخ شريف وأحب معرفه اسبابك ان شاء الله ..

ولكى لا أنهى المداخله قبل الرد على السؤال المطروح:

أي هؤلاء الضيوف تكره أن تراه في التليفزيون؟

لم أكن أحب أن أقول هذا يوما، ولكن للأسف...مريم فخر الدين..

تم تعديل 21 مارس 2004 بواسطة MuslimaEgyptian

[achnaton]

إتضح لى ان معظم حضراتكم .. غاوى نوم .. ولكم عذكم .. فقد توبنى " توبه " طبيب باطنى أن افتح القناه الفضائية قبل الثامنة صباحا .. يهل علينا بطلعته البهية فى برنامج عن الإعجاز العلمى فى القرآن .. ينافس به مؤلف مسرحية " العالمة باشا " .. ولا أدرى هو كان طبيب مين من المسؤلين .. وكيف توصل الى هذا العقد الدائم .. لإسعاد النائم .. والإنتقام من كل من قام وصلى الصبح حاضر !! ؟ .. وثانى واحد بأتعمد أن ابعد عن غرفة المعيشة بالكامل قبل برنامجة .. لدرجة أنى نسيت أسمه وأسم برنامجة .. ولكنه يقف على أحد الكبارى فى قاهرة المجروسة بالشورت والتى شيرت.. ليقهر المشاهدين ببعض الحركات السخيفة .. ليعلن عن بداية برنامج يقدم أغانى الأجانب بكل اللغات .. مع تاريخ حياة المغنى والمؤلف والموسيقى .. وياريت واحد منهم يكون من بلاد العرب .. أما ثالثهم الذى حولنى الى بغبغان .. فهو رئيس تحرير نشرات الأخبار .. فى القنوات التلفزيونية .. لأن المذيع بيقرأ المكتوب قدامه .. صحيح فيهم اللى ما بيعرف اللغة العربية ومبادئ علم الخطابة .. ولكن هذا المؤلف فرض على تريد كلمة واحدة كالبغبغان .. وهى كلمة ( كذاب ) .. وكده كفاية

[فــيــروز]

بمناسبة البرامج الصباحيه :P

اليوم الوحيد الذى اشاهد فيه برنامج صباح الخير يا مصر هو تقريبا يوم العيد .. خصوصا العيد الكبير ونحن فى انتظار ذبح الخروف .. فيه برنامج رياضى تقريبا بيقدمه واحد غريب جدا :unsure: .. مش هينفع اقول هو ايه اللى غريب فيه غير حركاته الحقيقه .. مثيره للاشمئزاز ولو واحده ست هى اللى بتقدم البرنامج يمكن كان هيبقى افضل لان الطريقه دى كانت هتبقى مقبوله منها باعتبارها ست يعنى .. ونفسى اقول لحضرته هو معنى ان الانسان يكون رياضى ورشيق انه يكون بيتحرك و يتكلم بالطريقه دى !! :lol: