عقــــــــــدة الخواجــــــــــة...

[icehearted girl]

السلام عليكم أهالي المحاورات :rolleyes:

مش عارفة الموضوع دا اتكلمتم فيه هنا الايام الاخيرة ولا لأ

من اسبوعين تقريبا كنت بتفرج علي برنامج أوبرا الشهير..وكانوا مستضيفين الدكتورة هبه قطب _غنية عن التعريف_

دكتورة هبه بصراحة من اكتر الشخصيات النسائية القليلة جدا الجديرة بالاحترام علي مستوي الدكترة اللي قابلتهم اثناء دراستي

واللي كان ليه الشرف اني اكون طالبة عندها

تابعت البرنامج بشغف بس براحة في الآخر أصبت بخيبة أمل شديدة بل واستياء شديد ايضا من دكتورة هبه اللي متكلمتش كلمتين

علي بعض ومكنش ليهم اي اهمية كمان...بالمناسبة البرنامج دا تم تصويره في منزلها

تاني يوم قدرا كنت بتابع برنامج البيت بيتك مع محمود سعد وكان مستضيف دكتورة هبه برده

والحقيقة هي كمان كانت مستاءة جدا من البرنامج وحكت اللي حصل

كان معظم الحوار تقريبا بتديره د.هبه بتوضح فيه اضرار الممارسات الجنسية المحرمة قبل الزواج واضرارها علي الجنسين وكانت

بتستدل وبتبرهن كلامها علميا علي اسس علمية وعلي اسس دينية من الدين الاسلامي

لدرجة ان الطبيبة الاخري اللي كانت موجودة فلبرنامج ابدت اعجابها بد.هبه وشكرتها لانها فهمتها حاجات كتير جدا عن تناول

الدين الاسلامي للمسائل دي اللي كانت هي شخصيا علي جهل بيها

واللي حصل ان كل دا اتشال فلمونتاج يمكن النقطة اللي اخدت حيز كبير من البرنامج فتاة عربية من الجمهور اشارت لاشياء معينة

بتسئ لاي فتاة عربية مسلمة...والغريب ان الدقيتين اللي البنت اتكلمت فيهم زادوا لربع ساعه تقريبا

انا مش شايفة ان الاعلام الموجه غلط

لا

طبيعي ان اي اعلام بيحمي مصالحة وله اولويات طبعا

انما حقائق زي اللي دكتورة هبه وضحتها تضر مين؟؟؟ وتضره بإيه؟؟

وليه اي برنامج اعلامنا اللي بنعتز بيهم بيجروا وراه...سعيا وراء الشهرة مثلا

مع ان البرامج دي ممكن تضرهم اكتر متنفعهم

وليه لو شخصية ليها مكانتها فمجتمعنا وافقت علي الظهور في برنامج زي دا ميكنش ليها الحق في الموافقة علي الصورة

النهائية للحلقة اللي هيتم عرضها بعد المونتاج مثلا

بصراحة الموضوع دا لازم يقنن بصورة افضل من كدا

[محمد الششتاوي]

السلام عليكم

حضرتك بتقصدي برنامج أوبرا وينفري؟؟

مش معقول

لو كده ماتبقاش عقدة خواجة ولا حاجة

ده برنامج يسعى اليه نجوم العالم

............

بالنسبة لمحور الموضوع اعتقد ان ده طبيعي يحصل وانا متفهم الموضوع

احنا كمسلمين نستغرب ان يحجب كلام عن الاسلام

تخيلي حضرتك اننا نستضيف ضيف يهودي في برنامج مصر بلاش يهودي عشان بيننا وبين اسرائيل عداوة

فليكن من الديانة المجوسية وفي خلال الموضوع اللي بيتكلم فيه تحدث عن سماحة الدين المجوسي هل هنقبل انه يتعرض عادي في البرنامج اللي بيشوفه مسلمين وخاصة انه مش برنامج ديني او يتمحور حول المقارنة بين الاديان او شيء من هذا القبيل؟؟

بكل تأكيد لا

واعتقد نفس الشيء بالنسبة لهم

انا طبعا مش بقول اللي عمله صح لكن رد فعل طبيعي غير مستغرب

واعتقد ان الدكتورة هبة قطب ركزت بشكل واضح على الدين وكانها داعية ,, وان كان ده يحسبلها الا انها كان لازم تنتبه انه ده هيضايقهم وكان لازم يكون ده بشكل غير مباشر

تحياتي